💕അഭിനവി💕 ഭാഗം 38

നോവൽ
എഴുത്തുകാരൻ: ബിബിൻ എസ് ഉണ്ണി

” അഭി ”

എല്ലാരും ക്ലാസ്സിൽ ചെന്നിരുന്നതും ആതിര സീറ്റിൽ നിന്നും എണീറ്റ് അഭിയുടെ മുന്നിലായി വന്നു നിന്നു കൊണ്ട് വിളിച്ചു…

” എന്താടി.. ”

” നീ രെമ്യയുടെ അടുത്ത് ചെന്നിരിക്ക്.. ഇന്ന് മുതൽ ഞാനെന്റെ അങ്ങളയുടെ അടുത്തിരുന്നോളാം… ”

അഭിയെ നോക്കി ആതിര പറഞ്ഞു.. അതു കേട്ട് അഭി നവിയെ നോക്കി..

” എന്റെ പെങ്ങളു പറഞ്ഞത് കേട്ടില്ലേ, പോയിയിരിക്കടി അവിടെ.. ”

നവി അഭിയെ നോക്കി കപട ദേഷ്യത്തോടെ പറഞ്ഞു.

” ഓ ഇനി ഞാനായിട്ട് ആങ്ങളയെയും പെങ്ങളെയും തെറ്റിക്കുന്നില്ല, നമ്മളു പോയേക്കാവേ..”

ആതിരയും നവിയും പറഞ്ഞതുകേട്ടു അഭി നവിയുടെ അടുത്തുന്നിന്നും മാറി രെമ്യയുടെ അടുത്തു ചെന്നിരുന്നു… അപ്പോഴേക്കും ആതിര വന്നു നവിയുടെ അടുത്തായിയിരുന്നിരുന്നു..

അഭി പെട്ടെന്ന് അവിടെ നിന്നും പോയപ്പോൾ നവിയ്ക്ക് വിഷമമായങ്കിലും .. അതു തന്നെയാണിപ്പോൾ നല്ലതെന്ന് നവിക്കും തോന്നി, നവി പിന്നെ ആതിരയോടൊപ്പം ഓരോന്ന് പറഞ്ഞു അവന്റെ വിഷമം മാറ്റിക്കൊണ്ടിരുന്നു…

ദിവസങ്ങൾ പിന്നെയും കടന്നു പോയി.. ആ കൂട്ടത്തിൽ ഐ വിയും അസ്‌സൈന്മെന്റസും പ്രൊജക്റ്റും എല്ലാം കഴിഞ്ഞു..

കൂട്ടത്തിൽ ക്യമ്പസ് ഇന്റർവ്യൂ വഴി നവിയ്ക്കും അഭിയ്ക്കുമൊഴിച്ചു ബാക്കി എല്ലാവർക്കും പല കമ്പനികളിലായി ജോബും കിട്ടിയിരുന്നു..

അതിൽ ആതിരയ്ക്ക് മാത്രം കൊച്ചിയിലും ബാക്കിയുള്ളവർക്കു ബാംഗ്ലൂരുമായിരുന്നു..

ആതിരയ്ക്ക് അതിൽ ആദ്യം വിഷമമുണ്ടായിരുന്നങ്കിലും വിഷ്ണവും കൊച്ചിയിൽ തന്നെയായത് കൊണ്ടാവിഷമം പതിയെ മാറി…

അഭിയും നവിയും മനഃപൂർവം ഇന്റർവ്യൂ അറ്റന്റ് ചെയ്തില്ല, അങ്ങനെ കോളേജിലെ അവസാന ദിവസം വന്നെത്തി…

” ഇന്നത്തോടെ നമ്മുടെ ഈ കോളേജ് ജീവിതം കഴിയുവാല്ലേ.. ”

അന്നും പതിവുപോലെ ക്ലാസ്സിലേക്കും നടക്കുന്ന നേരം അജോ പറഞ്ഞു.. അതു കേട്ടതും എല്ലാവരിലുമോരു വിഷമമായി.

” അതേ.. കഴിഞ്ഞു നാല് വർഷം.. എന്ത് പെട്ടാന്നാണല്ലേ പോയത്..

ദെ ഇവിടെ വച്ചാണ്.. ആതിരയെയും രെമ്യയും നമ്മുടെ കൂട്ടത്തിലേക്കു വന്നത്… അതും എന്നേ പ്രൊപ്പോസ് ചെയ്തു കൊണ്ട്.. ഓർക്കുന്നുണ്ടൊടി ആതൂ.. ”

നവി ഒരു സ്ഥലം കാണിച്ചു കൊണ്ട് ആതിരയെയും രെമ്യയെയും നോക്കി പറഞ്ഞു…

” പിന്നെ ഞങ്ങൾക്കു മറക്കാൻ പറ്റുവോ… അന്നങ്ങനെയൊരു സംഭവമുണ്ടായത് കൊണ്ടല്ലേ ആങ്ങളമാരില്ലാത്ത എനിക് മൂന്ന് ആങ്ങളമാരെ കിട്ടിയത് ”

ആതിര നവിയെ നോക്കി പറഞ്ഞു..

” പിന്നെ എനിക്കും മറക്കാൻ പറ്റുവോ.. എനിക്ക്.. ”

” മൂന്ന് ആങ്ങളമാരെ കിട്ടിയെന്ന് പറയരുത്.. പാവം അർജുൻ.. ”

രെമ്യ പറഞ്ഞു തുടങ്ങുന്നതിന് മുൻപ് തന്നെ അജോ ചാടി കേറി പറഞ്ഞു അതു എല്ലാവരിലുമോരു നിമിഷം ചിരി വിരിയിച്ചു…

” അങ്ങനെ ഞാൻ പറയുവോ.. എനിക്ക് രണ്ടു ആങ്ങളമാരെയും എന്റെ പാതിയെയും കിട്ടിയത് ഇവിടെ വച്ചല്ലേ… ”

രെമ്യ അർജുനോട് ചേർന്നു നിന്നോണ്ട് പറഞ്ഞു..

” ഇപ്പോഴാ ഒരുത്തനു ശ്വാസം നേരെ വീണത്.. ”

അജോ വീണ്ടും പറഞ്ഞുതും എല്ലാരും കൂടെ അർജുനെയും രെമ്യയെയും കളിയാക്കി…

” അല്ല നിങ്ങളുടെ കാര്യം വീട്ടിൽ പറയുന്നില്ലേ, ”

അജോ പെട്ടെന്ന് തന്നെ രെമ്യയോടും അർജുനോടുമായി ചോദിച്ചു..

” പറയണം.. ”

അർജുൻ പറഞ്ഞു..

” എപ്പോൾ പറയാനാ, എന്തായാലും എക്സാം റിസൾട്ട്‌ വന്നുകഴിഞ്ഞാൽ രണ്ടുപേർക്കും ജോലിക്ക് ജോയിൻ ചെയാം, അപ്പോൾ പിന്നെ ഇപ്പോഴേ പറയുന്നതാണ് നല്ലത്.. ”

” അജോ പറഞ്ഞതും ശെരിയാണ്.. അല്ലെങ്കിൽ ചിലപ്പോൾ എനിക്ക് വന്നപോലെയിരു കല്യാണലോചന രെമ്യക്കും വന്നാലോ.. ”

അജോയുടെ സംസാരം കേട്ട് ആതിര പറഞ്ഞു..

” അച്ഛക്കറിയാം അർജുന്റെ കാര്യം.. അതോണ്ട് കല്യണലോചനയൊന്നും വരില്ല.. ഇനി അങ്ങനെ വല്ലതും വന്നാൽ തന്നെ എന്റെ ഇഷ്ട്ടം നോക്കാതെ അച്ഛനും അമ്മയും ഒരു തീരുമാനവുമെടുക്കില്ല ”

രെമ്യ പെട്ടെന്ന് പറഞ്ഞപ്പോൾ അർജുൻ സംശയത്തോടെ രെമ്യയെ നോക്കി…

” ബസ് ഇറങ്ങി വീട്ടിൽ ചെല്ലുന്നത് വരെ കുറഞ്ഞതൊരു പത്തു പ്രാവശ്യമെലും ഇവൻ വിളിക്കും, പിന്നെ അച്ഛനു സംശയം തോന്നാതെയിരിക്കുവോ.. പിന്നെ രേഷ്മ വന്നതിൽ പിന്നെ ഇവന്റെ കോളുകൾ വരാതെയായപ്പോൾ അച്ഛനെന്നോട് ചോദിച്ചു .

അന്ന് മുഴുവൻ കാര്യങ്ങളും അച്ഛനോട് ഞാൻ പറഞ്ഞു.. അന്ന് അച്ഛനാണ് പറഞ്ഞത് നമുക്കുള്ളതാണെൽ കുറച്ചു വൈകിയാലും നമ്മുടെ അടുത്തേക്ക് വരുമെന്ന്…

ഞങ്ങളുടെ കാര്യത്തിലത് ശെരിയായിരുന്നു.. ”

രെമ്യ അർജുന്റെ കൈ പിടിച്ചു കൊണ്ട് പറഞ്ഞു..

” അപ്പോൾ നിങ്ങളുടെ കാര്യവും സെറ്റായിയല്ലേ.. ഇനി എന്റെ കാര്യം എന്നാണോ.. ”

അജോ മാനത്തോട്ട് നോക്കികൊണ്ട് പറഞ്ഞു…

” നീ ജോലിക്ക് കേറിയൊരു മൂന്നാല് മാസം കഴിഞ്ഞു ചെന്നു പെണ്ണ് ചോദിക്കടാ.. ജോലിയുള്ളത് കൊണ്ട് ആരും മുടക്ക് പറയില്ല. ഇനി പറഞ്ഞാൽ തന്നെ നമുക്കൊരോളിച്ചോട്ടം പ്ലാൻ ചെയാം.. ”

ആതിര അവനോടു പറഞ്ഞു…

” ആ സമയമുണ്ടല്ലോ.. നോക്കാം.. ”

അങ്ങനെയോരോ കാര്യം പറഞ്ഞവർ ക്ലാസ്സിലേക്കു നടന്നു.. ക്ലാസ്സിലും എല്ലാവർക്കും എല്ലാവരെയും പിരിയുന്ന വിഷമമായിരുന്നു…

ഓരോ അവറിലും ഓരോ മിസുമാർ വന്നു.. എല്ലാവർക്കും ആശംസകൾ പറഞ്ഞു പോയി.. ടീച്ചർസിനും അവരുടെ മുന്നിൽ അതികനേരം ഇരിക്കാൻ പറ്റില്ലായിരുന്നു.. ചിലപ്പോൾ അവരും കരഞ്ഞു പോയേനെ..

” അർജുൻ… ”

ഉച്ചക്ക് ക്ലാസ്സിൽ നിന്നുമിറങ്ങാൻ നേരം അർജുനെ ആരോ വിളിക്കുന്നത് കേട്ട് അവൻ തിരിഞ്ഞു നോക്കിയപ്പോൾ അവന്റെ മുന്നിൽ രേഷ്മ…

” മ്മ്.. ”

” അതു.. പിന്നെ.. നിന്നോടൊരു കാര്യം… ”

” നിന്നു വിക്കാതെ നീ കാര്യം പറ പെണ്ണെ… എനിക്ക് പോയിട്ട് വേറെ ജോലിയുള്ളതാ… ”

അർജുൻ വല്ല്യ താല്പര്യമില്ലാത്ത രീതിയിൽ അവളോട് പറഞ്ഞു…

” അതു.. അർജുനെ അന്ന് നമ്മൾ തമ്മിൽ പറഞ്ഞു പിരിഞ്ഞതിൽ പിന്നെ ഞാനിന്ന് വരെ നിങ്ങളുടെ പുറകെ ഒരു പ്രെശ്നത്തിനും വന്നിട്ടില്ല. ”

” അതിനു.. ”

” അല്ല.. ആ വീഡിയോ.. നീ മാറ്റാരെയും കാണിച്ചിട്ടില്ലന്നറിയാം.. ഇനിയാ വീഡിയോ എനിക്ക് തന്നൂടെ . ഇനി നമ്മൾ തമ്മിലിപ്പോളൊരു പ്രെശ്നവുമില്ലല്ലോ.. അപ്പോൾ പിന്നെ.. ”

രേഷ്മ അൽപ്പം ജ്യാളിതയോടെ അർജുനോടു ചോദിച്ചു..

” വീഡിയോയൊ.. ഏത് വീഡിയോ.. ”

അർജുൻ ആലോചനയോടെ ചോദിച്ചു…

” അതു മറ്റേയാ വീഡിയോ.. ”

” നീ തെളിച്ചു പറ ഏത് വീഡിയോയുടെ കാര്യമാ നീ പറയുന്നത് എനിക്ക് മനസിലയില്ല.. ”

” അന്ന് നീ പറഞ്ഞില്ലേ.. എന്റെയും പിന്നെ…. പേഴ്സണൽ വീഡിയോ നിന്റെ കൈയിലുണ്ടെന്നു….”

” ഓ.. ആ വീഡിയോ ”

അർജുനൊരു ചിരിയോടെ ചോദിച്ചപ്പോൾ അവള് മുഖം താഴ്ത്തി നിന്നു…

” ടി സത്യം പറഞ്ഞഞ്ഞാൽ അങ്ങനെയൊരു വീഡിയോയും എന്റെ കൈയിലില്ല…”

അർജുൻ പറഞ്ഞതും രേഷ്മ ഞെട്ടലോടെ അർജുനെ നോക്കി…

” നീ ഇങ്ങനെ ഞെട്ടു വൊന്നും വേണ്ട.. പിന്നെ ഞാൻ അങ്ങനെയൊരു വീഡിയോ എന്റെ കൈയിലുണ്ടന്നു പറഞ്ഞത്… നീ കുറച്ചു മുന്നേ പറഞ്ഞില്ലേ ഞങ്ങൾക്കിതുവരെയും നിന്റെയടുത്തു നിന്നൊരു പ്രെശ്നവുമുണ്ടായില്ലാന്നു.. അതിനു വേണ്ടി ചുമ്മാ ഒന്നും പറഞ്ഞു നോക്കിയതാ.. നീ അതിൽ വീഴുമെന്നൊന്നും അന്നേരം തോന്നിയില്ല.. പക്ഷെ നീ അതിൽ വീണു.. അതു നിന്റെ നിർഭാഗ്യം…

എന്തായാലും ആൾ ദെ ബെസ്റ്റ്.. നല്ലൊരു ഫ്യൂച്ചറുണ്ടാകട്ടെ.. ”

ഇതും പറഞ്ഞു അർജുൻ രേഷ്മയുടെ അടുത്തു നിന്നും തിരിഞ്ഞു നടന്നു രേഷ്മ തനിക്കു പറ്റിയാ അബദ്ധം മോർത്തു അവിടെ തന്നെ നിന്നു…

അന്ന് വൈകുന്നേരത്തോടെ എല്ലാരും ബൈ പറഞ്ഞു പിരിഞ്ഞു.. ഇനി എക്സാമിനു വന്നാൽ മതിയെന്നും പറഞ്ഞു പക്ഷെ നവിയും അജോയും അർജുനും ജെറിയും അഭിയും ആതിരയും രെമ്യയും ശ്രീ ലക്ഷ്മിയും രാധികയും അടുത്ത ദിവസമാണ് ഹോസ്റ്റലിൽ നിന്നുമിറങ്ങിയത്..

അവരെ യാത്രയാക്കാൻ വേണ്ടി മാളവികയും ഫ്രണ്ടസും പിന്നെ ശ്രീ ലക്ഷ്മിയുടെ ലവറായ അക്ഷയും വന്നു..

അക്ഷയ് ശ്രീ ലക്ഷ്മിയുടെ സൂപ്പർ സീനിയറായിരുന്നു.. അവന്റെ പഠിത്തം കഴിഞ്ഞു അവനും ജോലിക്ക് കയറി.. ലെച്ചുവിന്റെ വീട്ടിൽ ചെന്നു കല്യാണം ആലോചിച്ചു..

അങ്ങനെ ആ കല്യാണവും അതികം വൈകാതെ തന്നെ കാണും.. രാധികയ്ക്ക് വീട്ടുകാർ തന്നെയൊരു ചെക്കനെ കണ്ടു പിടിച്ചു.. ആ കല്യാണം ഒരു വർഷം കഴിഞ്ഞു..

അവസാനം അവരും ആ കോളേജിൽ നിന്നും യാത്ര പറഞ്ഞിറങ്ങി.. ആദ്യം ലെച്ചുവും അക്ഷയ്മാണ് പോയത് . അവർ അവരുടെ ബൈക്കിൽ തന്നെ ലെച്ചുവിന്റെ വീട്ടിലേക്കു യാത്ര തിരിച്ചു…

അതിനു ശേഷം മാളവികയോട് യാത്ര പറഞ്ഞു അജോയും, അജോ പോയപ്പോൾ മാളവികയുടെ കണ്ണുകളും നിറഞ്ഞിരുന്നു..

അതിനു ശേഷം അർജുനും രെമ്യയും കൂടെ എല്ലാരോടും യാത്ര പറഞ്ഞു അവർക്കുള്ള ബസിൽ കയറി.. അവർ അപ്പോഴും എല്ലാവരെയും തിരിഞ്ഞു നോക്കുന്നുണ്ടായിരുന്നു..

അവർ കണ്ണിൽ നിന്നും അകന്നപ്പോൾ ഒരേങ്ങലോടെയവൾ അർജുന്റെ നെഞ്ചിലേക്ക് വീണു കരഞ്ഞു.. അർജുൻ അവളെ ആശ്വസിപ്പിക്കാനെന്നോണം അവളുടെ തലമുടിയിൽ കൂടെ വിരലോടിച്ചു കൊണ്ടിരുന്നു…

അതേ സമയം തന്നെ നവിക്കുള്ള ബസ്സും വന്നിരുന്നു… നവിയും അഭിയും ആതിരയും അജോയും ജെറിയും രാധികയും കൂടെ ബസിൽ കയറി…

രാധിക കോട്ടയത്തു നിന്നു എറണാകുളം ബസിന് കയറി പോയി.. ബാക്കിയുള്ളവർ ട്രെയിനിനും കയറി…

ദിവസങ്ങൾ പിന്നെയും കടന്നു പോയി… എക്സാം ഡേറ്റ് വന്നു എല്ലാരും എല്ലാ എക്സാം എഴുതി കഴിഞ്ഞവർ കോളേജ് ജീവിതത്തോടെ വിട പറഞ്ഞു…

എക്സാം കഴിഞ്ഞു രണ്ടാഴ്ച കഴിഞ്ഞായിരുന്നു ആതിരയുടെയും വിഷ്ണുവിന്റെയും കല്യാണം.. അതിന്റെ അടുത്ത ദിവസം അഭിയുടെയും ആരോഹിന്റെയും, അവരുടെ ഗ്യാങിലെ ആദ്യം കല്യാണം ആതിരയുടെതായതുകൊണ്ട് തന്നെ എല്ലാവരും അതൊരാഘോഷമക്കാൻ തീരുമാനിച്ചിരുന്നു…

അതു കൊണ്ട് തന്നെ രണ്ടു ദിവസം മുൻപ് തന്നെ ആതിരയുടെ വീട്ടിൽ നവിയും അജോയും അർജുനും ജെറിയും രെമ്യയുമെത്തി..

ആ രണ്ടു ദിവസവും ശെരിക്കുമൊരുത്സവം പോലെയായി ആതിരയുടെ വീട്, ആതിരയുടെ ആങ്ങളമാരായി നാല് പേരും ഓരോ കാര്യങ്ങക്കു വേണ്ടി ഓടി നടന്നു…

അതു കണ്ടു ആതിരയുടെ അച്ഛന്റെയും അമ്മയുടെയും കണ്ണുകൾ നിറഞ്ഞു വന്നു…

കല്യാണത്തിന്റെ അന്ന് രാവിലെയാണ് അഭി ആതിരയുടെ വീട്ടിലെത്തിയത്…

” ആ.. നീ ഇപ്പോഴാണോ വരുന്നത്.. ആതിരയാണെൽ നിന്നോട് പിണങ്ങിയിരിപ്പായിരുന്നു ഇതു വരെ… ”

അഭിയെ കണ്ടതും രെമ്യ അവളോട് പറഞ്ഞു…

” ആ പിണക്കമൊക്കെ ഞാൻ മാറ്റിക്കൊളാം, അവള് എന്ത്യേ.. ”

അഭി വന്നയുടനെ അവളോട്‌ ചോദിച്ചു…

” അവള് ഒരുങ്ങാൻ വേണ്ടി പോയതാ ഇപ്പോൾ വരും.. ”

ഇതും പറഞ്ഞുവൾ അഭിയുമായി വീട്ടിലെക്കു കയറി പോയി…

” എവിടെ ബാക്കിയുള്ളവരെല്ലാം.. ”

അകത്തേക്ക് നടക്കുന്നതിനിടയിൽ അഭി ചോദിച്ചു..

” നവി ആതിരയെയും അമ്മയെയും കൊണ്ട് ഒരുങ്ങാൻ പോയി, ജെറിയും അർജുനും ഓഡിറ്റോറിയത്തിലേക്കു പോയി.. അജോ ഇവിടെ എവിടെയൊയുണ്ട്.. ”

രെമ്യ അവളോട് പറഞ്ഞു…

” മോളെ അമ്മു ദെ ഇതു മോൾടെ അമ്മയുടെ കൈയിൽ കൊണ്ട് പോയി കൊടുക്ക്.. എന്നിട്ട് എല്ലാവർക്കും കൊടുക്കാൻ പറയണം.. ”

രെമ്യ അവിടെ കണ്ടൊരു കൊച്ചിന്റെ കൈയിൽ മുല്ല പൂവ് കൊടുത്തു കൊണ്ടു പറഞ്ഞു..

” ശെരി ചേച്ചി.. ”

ഇതും പറഞ്ഞു ആ കൊച്ചു പൂവുമായി പോയി..

” മോളെ രെമ്യ, ആതിര വന്നില്ലേ.. ”

” ഇല്ലായാന്റി ഇപ്പോൾ വരും എന്നേ വിളിച്ചിരുന്നു.. ”

രെമ്യയൊടോരാൾ വന്നു ചോദിച്ചതും രെമ്യ മറുപടി പറഞ്ഞു..

” നീയിപ്പോൾ ഇവിടുത്തെ കുട്ടിയായോ.. ”

അഭി കളിയായി ചോദിച്ചു..

” ആ അങ്ങനെ ചില സംഭവങ്ങളൊക്കെ ഇവിടെ നടന്നു.. ഇതൊക്കെ കാണണമെങ്കിൽ നേരത്തെ വരണമായിരുന്നു. ”

രെമ്യ അഭിയെ നോക്കി പുച്ഛത്തോടെ പറഞ്ഞു.. അതിനു മറുപടിയായി അഭിയൊന്നു ചിരിക്കുക മാത്രമെ ചെയ്തുള്ളു…

അപ്പോഴേക്കും ആതിര ഒരുങ്ങി വന്നിരുന്നു.. കാറിൽ നിന്നുമിറങ്ങിയപ്പോൾ തന്നെ അഭി ചെന്നു ആതിരയെ കെട്ടിപിടിച്ചു.. ആ പിടുത്തത്തിൽ തന്നെ ആതിരയുടെ പരിഭവമെല്ലാം മാറിയിരുന്നു..

അപ്പോഴും കാറിൽ നിന്നും നവിയും ആതിരയുടെ അമ്മയുമിറങ്ങിയിരുന്നു…

” അമ്മേ ഇതൂടെയങ് വച്ചേരെ.. ”

നവി ഇതും പറഞ്ഞൊരു കവറെടുത്തു ആതിരയുടെ അമ്മയുടെ കൈയിൽ കൊടുത്തു..

” ശെരി മോനെ നീയും വേഗം വാ.. ഇപ്പോൾ തന്നെ സമയം വൈകി.. ”

ഇതും പറഞ്ഞു ആതിരയുടെ അമ്മ വേഗം വീട്ടിലെക്കു പോയി…

” അടുത്ത കല്യണപെണ്ണ് ഇപ്പോഴാണോ വരുന്നേ.. ”

അഭിയെ കണ്ടപ്പോഴേ നവി ചോദിച്ചു.. അപ്പോഴും ശബ്ദമിടറാതെയിരിക്കാനവൻ ശ്രെദ്ധിച്ചിരുന്നു.. അതിനു മറുപടിയായി അഭിയൊന്നു ചിരിച്ചു…

പിന്നെ അധികം താമസിയാതെ തന്നെ ആതിര മുതിർന്നവർക്കെല്ലാം ദെക്ഷിണ കൊടുത്തു ഓഡിറ്റോറിയത്തിലേക്കിറങ്ങി…

റെഡ് കളർ പട്ടുസാരിയും അതിനു ചേർന്ന കുറച്ചു ഓർണമെൻസിലും അവള് അതീവ സുന്ദരിയായിരുന്നു..

പത്തിനും പത്തു മുപ്പത്തിനുമിടയിലുള്ള ശുഭ മുഖുർത്തത്തിൽ വിഷ്ണു ആതിരയുടെ കഴുത്തിൽ താലി കെട്ടി… ആതിരയുടെ അച്ഛൻ വിഷ്ണുവിനു ആതിരയെ കൈ പിടിച്ചു കൊടുത്തു,

അതിനു ശേഷം വിഭവസമൃദ്ധമായ സദ്യയും കഴിഞ്ഞു രണ്ടു മണിയോടെ അവർ ചെറുക്കന്റെ വീട്ടിലേക്കു പോകാൻ വേണ്ടിയിറങ്ങി.. അപ്പോഴേക്കും ആതിരയുടെ കണ്ണുകൾ നിറഞ്ഞിരുന്നു..

അതു കണ്ടു നവിയും അജോയും അർജുനും അഭിയും രെമ്യയും ചേർന്നു അവളുടെ സങ്കടം തീർത്തു അവളെ വിഷ്ണുവിന്റെ വീട്ടിലെക്കു യാത്രയാക്കി…

ആതിര ഇറങ്ങിയതിന്റെ പുറകെ തന്നെ അഭിയും അവിടെ നിന്നിറങ്ങി… ആതിരയുടെ വീട്ടിലങ്ങനെ അധികം ആളുകളില്ലാത്തത് കൊണ്ട് തന്നെ,

അഭിയുടെ കല്യാണത്തിന് രാവിലെ എത്തിയെക്കാമെന്നു പറഞ്ഞു അജോയും അർജുനും നവിയും ജെറിയും രെമ്യയും കൂടെ ആതിരയുടെ വീട്ടിലേക്കിറങ്ങി..

” ടാ ഇറങ്ങാറായില്ലേ.. ”

അടുത്ത ദിവസം അഭിയുടെ കല്യാണത്തിന് പോകാൻ വേണ്ടിയിറങ്ങാൻ നേരം അജോ നവിയോട് ചോദിച്ചു…

” നിങ്ങൾ പൊക്കോ.. ഞാനെത്തിക്കോളാം.. ”

നവി പറഞ്ഞു.. അവന്റെ അവസ്ഥ അറിയാവുന്നത് കൊണ്ട് തന്നെ ജെറിയെ അവിടെയാക്കി ബാക്കിയുള്ളവർ അഭിയുടെ വീട്ടിലെക്കു പോയി..

പതിനൊന്നിനും പതിനൊന്നെകാലിനുമുള്ള ശുഭമുഖുർത്തത്തിലായിരുന്നു അഭിയുടെ കല്യാണം…

അതു കൊണ്ട് തന്നെ നവിയും ജെറിയും കൂടെ ആ സമയത്താണ് ഓഡിറ്റോറിയത്തിലെക്കെത്തിയത്..

നവി നോക്കുമ്പോൾ കാണുന്നത് ഓഡിറ്റോറിയത്തിൽ അലങ്കരിച്ച മണ്ഡപത്തിൽ പുഞ്ചിരിയുടെ നിൽക്കുന്ന അഭിയെയാണ്..

ഓറഞ്ചു കളറിൽ ഗോൾഡൻ ലൈനുള്ള പട്ടു സാരിയായിൽ സർവ്വാഭരണ വിഭൂഷിതയായി അവള് ആരോഹിനോട്‌ ചേർന്നു നിന്നു, ഇന്നവൾ ഏറ്റവും കൂടുതൽ സുന്ദരിയാണെന്ന് നവിയ്ക്ക് തോന്നി..

അതല്ലേലും ഒരു പെണ്ണ് ഏറ്റവും കൂടുതൽ സുന്ദരിയാകുന്നത് അവള് കല്യാണ വേഷത്തിൽ സ്റ്റേജിൽ നിൽക്കുമ്പോഴായിരിക്കുമല്ലോ…

അതൊർത്തതും അവന്റെ ചുണ്ടിൽ വേദനയിൽ കുതിർന്നയൊരു ചിരി വിരിഞ്ഞു..

പെട്ടെന്ന് ആരോ മുഹൂർത്തത്തിനു സമയമായിന്നു വിളിച്ചു പറഞ്ഞതും ആരോഹിന്റെ അച്ഛൻ എടുത്തു കൊടുത്ത താലിയവൻ മേടിച്ചു അഭിയുടെ കഴുത്തിൽ ചാർത്തി…

ആ കാഴ്ച്ച കണ്ടതും നവിയുടെ നെഞ്ചിൽ ആയിരമമ്പുകൾ ഒരുമിച്ചു കുത്തിയിറങ്ങുന്ന വേദന പോലെ തോന്നി… ഒരു നിമിഷമവൻ കണ്ണുകൾ ഇറുക്കിയടച്ചു…

” നവി.. ”

പേട്ടന്നാരോ വിളിക്കുന്നത് കേട്ട് കണ്ണുകൾ തുറന്ന നവി, പെട്ടെന്ന് ചുറ്റും നോക്കി..

തുടരും…

💕അഭിനവി💕 ഭാഗം 1

💕അഭിനവി💕 ഭാഗം 2

💕അഭിനവി💕 ഭാഗം 3

💕അഭിനവി💕 ഭാഗം 4

💕അഭിനവി💕 ഭാഗം 5

💕അഭിനവി💕 ഭാഗം 6

💕അഭിനവി💕 ഭാഗം 7

💕അഭിനവി💕 ഭാഗം 8

💕അഭിനവി💕 ഭാഗം 9

💕അഭിനവി💕 ഭാഗം 10

💕അഭിനവി💕 ഭാഗം 11

💕അഭിനവി💕 ഭാഗം 12

💕അഭിനവി💕 ഭാഗം 13

💕അഭിനവി💕 ഭാഗം 14

💕അഭിനവി💕 ഭാഗം 15

💕അഭിനവി💕 ഭാഗം 16

💕അഭിനവി💕 ഭാഗം 17

💕അഭിനവി💕 ഭാഗം 18

💕അഭിനവി💕 ഭാഗം 19

💕അഭിനവി💕 ഭാഗം 20

💕അഭിനവി💕 ഭാഗം 21

💕അഭിനവി💕 ഭാഗം 22

💕അഭിനവി💕 ഭാഗം 23

💕അഭിനവി💕 ഭാഗം 24

💕അഭിനവി💕 ഭാഗം 25

💕അഭിനവി💕 ഭാഗം 26

💕അഭിനവി💕 ഭാഗം 27

💕അഭിനവി💕 ഭാഗം 28

💕അഭിനവി💕 ഭാഗം 29

💕അഭിനവി💕 ഭാഗം 30

💕അഭിനവി💕 ഭാഗം 31

💕അഭിനവി💕 ഭാഗം 32

💕അഭിനവി💕 ഭാഗം 33

💕അഭിനവി💕 ഭാഗം 34

💕അഭിനവി💕 ഭാഗം 35

💕അഭിനവി💕 ഭാഗം 36

💕അഭിനവി💕 ഭാഗം 37