💕അഭിനവി💕 ഭാഗം 37

നോവൽ
എഴുത്തുകാരൻ: ബിബിൻ എസ് ഉണ്ണി

❤️പതിനഞ്ചു വർഷങ്ങൾക് മുൻപ് എന്റെ കൈകളിൽ തൂങ്ങി സ്കൂളിന്റെ പടവുകൾ കയറിയവൾ ഇനി ദിവസങ്ങൾക്കപ്പുറം എന്റെ താലിക്ക് അവകാശിയായി എന്റെ നല്ലപാതിയായി എന്റെ ജീവിതത്തിലേക്കു…

പതിനഞ്ചു വർഷം ഞാൻ മനസ്സിലൊളിപ്പിച്ചു കൊണ്ടു നടന്ന എന്റെ പ്രണയം സ്വീകരിച്ചു അവൾ ഇനി എന്റെ ജീവിതത്തിലെ വിളക്കാവാൻ പോകുന്നു….മൈ സോൾ മറ്റ്❤️❤️❤️ ”

ഫബിയിൽ ആരോഹിന്റെ അക്കൗണ്ടിൽ ആരോഹും അഭിയും ചിരിയോടെ ചേർന്നു നിൽക്കുന്നൊരു ഫോട്ടോ, എൻഗേജ്മെന്റിനു എടുത്തതായിരിക്കണം.. അതിനു മുകളിലായി ആരോഹ് എഴുതിയിരിക്കുന്നത് ജെറി വായിച്ചു…

” ഇനി നീ പറ, എന്റെയും അവളുടെയും വീട്ടിൽ എന്റെയീ കാര്യം പറയണോ… ”

നവി ചോദിച്ചതും ജെറി മിണ്ടാതെയിരുന്നു…

” നിന്നെ ഇങ്ങനെ കണ്ടിട്ട് സഹിക്കുന്നില്ലടാ.. അതോണ്ട് പറഞ്ഞു പോയതാ.. ”

” ഞാൻ തന്നെ വരുത്തി വച്ചതല്ലേ.. ആ.. അതെന്തായാലും നന്നായി… അതു കൊണ്ട് ഒരാളുടെ ശാപത്തിൽ നിന്നും ഞാൻ രെക്ഷ നേടി.. ”

നവിയൊരു വിഷാദ ചിരിയോടെ പറഞ്ഞു…

” നവി, നിന്റെ ഈ കോലം കണ്ടിട്ട് സഹിക്കുന്നില്ല.. നീയാ പഴയ നവിയാകണം.. എപ്പോഴും പുഞ്ചിരിക്കുന്ന മുഖത്തോടെ നടക്കുന്നയാ പഴയ നവി..

നീ കെട്ടിട്ടില്ലേ കടുക്കനിട്ടവൾ പോയാൽ കമ്മലിറ്റവൾ വരും… നിനക്കും അങ്ങനെയൊരുവൾ വരും അതു വരെ നീ കാത്തിരിക്കൂ ”

ജെറി നവിയെ ആശ്വസിപ്പിക്കാനെന്നൊണം പറഞ്ഞു… പക്ഷെ അതിനു നവിയുടെ മറുപടിയൊരു ചിരി മാത്രമായിരുന്നു..

” ഇനി അഭിയുടെ കല്യാണം കാണണം.
അതു കഴിഞ്ഞു ഇവിടെ നിന്നും പോകണം.. ഒരു ഒളിച്ചോട്ടം.. ഇനി അതിലൂടെ മാത്രമേ എനിക്ക് പഴയ നവിയാകാൻ പറ്റു.. അതും സംശയമാണ്.. ”

നവി ജെറിയെ നോക്കാതെ പറഞ്ഞു…

” എടാ.. നീ എന്താ ഇങ്ങനെ ആദ്യം നിന്റെയി ദേഷ്യം മാറ്റ് അതോടെ നിന്റെ പകുതി പ്രെശ്നം തീരും… പിന്നെ നിനക്ക് പഴയ നവിയാകാനൊരു ഒളിച്ചോട്ടത്തിന്റെ ആവിശ്യമൊന്നും വരില്ല…

നിന്റെയീ ദേഷ്യം കാരണം എത്ര പേരാണ് വിഷമിക്കുന്നതെന്നറിയുവോ.. ”

” ശെരിയാണ്.. ഞാൻ സ്നേഹിക്കുന്ന എന്നേ സ്നേഹിക്കുന്ന എല്ലാരും ഇപ്പോൾ എന്റെ ഈ ദേഷ്യം കണ്ടു കുറച്ചു വിഷമിക്കുന്നുണ്ട്…

പക്ഷെ… പക്ഷെ ഈ ദേഷ്യം എന്റെ മുഖത്തില്ലെങ്കിൽ ചിലപ്പോൾ എല്ലാവരുടെയും മുന്നിൽ വച്ചു ഞാൻ കരഞ്ഞു പോകും ജെറി…

അതവരിൽ വിഷമം കൂട്ടുകയെയുള്ളൂ.. അങ്ങനെ കരഞ്ഞു കാണുന്നതിനെക്കാൾ എല്ലാരും ഇങ്ങനെ ദേഷ്യത്തോടെ കണ്ടാൽ മതി..

ഇല്ലേൽ ചിലപ്പോൾ അഭിയുടെ വിവാഹജീവിതം അത്ര നല്ലതായിരിക്കില്ല… ചിലപ്പോൾ അവളിലൊരു കുറ്റബോധം വരും.. ”

നവി പറഞ്ഞു…

” നവി പ്ലീസ്.. നിന്നോട്.. ”

” എന്തായാലും ഇത്രയുമായി ഇനി കുറച്ചു ദിവസം കൂടെയല്ലേയുള്ളൂ.. അതും ഇങ്ങനെ തന്നെ പോട്ടേ.. ”

ജെറി പറഞ്ഞു പൂർത്തിയാക്കുന്നതിന് മുൻപ് തന്നെ നവി കേറി പറഞ്ഞു..

” പറ്റില്ല.. നീയിനി ഇങ്ങനെ സങ്കടപെടാനോ ദേഷ്യത്തോടെ നടക്കാനോ പാടില്ല.. അങ്ങനെ ഇനി ഞാൻ കണ്ടാൽ.. നിന്റെയീ കാര്യം ഞാൻ എല്ലാവരോടുമായി പറയും..

എല്ലാവരുമെന്നു പറഞ്ഞാൽ നിന്റെ ഫ്രണ്ട്സും വീട്ടിലും, അറിയാല്ലോ മകന്റെ സന്തോഷത്തിനു വേണ്ടി എന്തും ചെയ്യാൻ മടിക്കാത്തയാളാണ് നിന്റെ അച്ഛനെന്നു.. ഇങ്ങനെയൊരു കാര്യമറിഞ്ഞാൽ എന്ത് ചെയ്തിട്ടാണേലും അഭിയുടെയാ കല്യാണം നിന്റെ അച്ഛൻ മുടക്കിയിരിക്കും… ”

” ജെറി പ്ലീസ്.. ”

ജെറി പറയുന്നത് കേട്ട് നവി പറഞ്ഞു…

” ഒരു പ്ലീസുമില്ല, നിന്നെ ഞാൻ കാണാൻ തുടങ്ങിയിട്ടിപ്പോൾ ഇരുപത്തി രണ്ടു വർഷത്തോളമായി.. ഇന്നലെ വരെ നിന്നെയിങ്ങനെ കരഞ്ഞു ഞാൻ കണ്ടിട്ടില്ല, ആ നിന്നെ ഇന്ന് ഇങ്ങനെ കാണുമ്പോൾ എനിക്ക് സഹിക്കാൻ പറ്റുന്നില്ലടാ.. ”

ജെറിയും കരഞ്ഞു കൊണ്ട് തന്നെ നവിയെ കെട്ടിപിടിച്ചു…

” ജെറി.. ശെരി.. ഞാൻ.. ഞാൻ എന്റെ ദേഷ്യം മുഴുവൻ മാറ്റം നിനക്ക് വേണ്ടി… ”

നവി ജെറിയെ പിടിച്ചു കൊണ്ട് പറഞ്ഞു…

” സത്യം.. ”

” നീയാണെ സത്യം ”

ജെറി അവനോടുരു കൈ നീട്ടികൊണ്ട് ചോദിച്ചതും ഒരു ചിരിയോടെ തന്നെ നവി അവന്റെ കൈയിലെക്കു തന്റെ കൈ ചേർത്ത് കൊണ്ട് പറഞ്ഞു…

” ശെരി… എന്ന കരയാനുള്ളതെല്ലാം കരഞ്ഞു തീർത്തിട്ട് നീ വാ.. ഞാൻ അവിടെ ബൈക്കിന്റെ അടുത്ത് കാണും..

ആ.. പിന്നെ ഇതോടെ നിന്റെ കരച്ചിലും ദേഷ്യവുമൊക്കെ നിർത്തിക്കോണം.. ഇല്ലേൽ… ”

ജെറിയൊരു ചിരിയോടെ ഇതും പറഞ്ഞു അവരുടെ ബൈക്ക് നിർത്തിയിട്ടേക്കുന്നയിടത്തേയ്ക്ക് നടന്നു…

നവി കുറച്ചു നേരം കൂടെ അവിടെയിരുന്ന ശേഷം ജെറിയുടെ അടുത്തേക്ക് നടന്നു… ജെറിയുടെ അടുത്ത് ചെന്നു ബൈക്കിൽ കേറി രണ്ടു പേരും ഹോസ്റ്റലിലേക്കു തിരിച്ചു…

” ജെറി.. ജെറി.. നമ്മുക്കൊരു റേസിങ് നടത്തിയാലോ.. ”

ബൈക്ക് ഓടിക്കുന്നതിനിടയിൽ നവി തന്റെ പുറകിൽ വരുന്ന ജെറിയോട് ചോദിച്ചു…

” വേണ്ട മര്യാദയ്ക്ക് അങ്ങ് ഓടിച്ചാൽ മതി.. അല്ലാതെ ഒരു റേസിങ്ങും വേണ്ട.. ”

ജെറി പറഞ്ഞു..

” എടാ. നീയൊക്കെയൊരു ആണണോ.. റേസിങ് പേടിയുള്ളയൊരുത്തൻ.. ”

നവി ജെറിയെ നോക്കി പുച്ഛിച്ചു കൊണ്ട് പറഞ്ഞു..

” പിന്നെ ഒരു പെണ്ണ് ഇഷ്ടമാണെന്ന് പറഞ്ഞു വന്നപ്പോൾ അതിനെ അവന്റെ ഓഞ്ഞ സങ്കൽപ്പം പറഞ്ഞു ഓടിചിട്ട്, ഇപ്പോൾ അവളെ തന്നെ ഓർത്തു കരയുന്ന നീയാണോടാ ആണ് ”

ജെറിയും നവിയെ പുച്ഛിച്ചുകൊണ്ട് പറഞ്ഞു.. അതു കേട്ടതും നവിയ്ക്ക് സമാധാനമായി..

” പോടാ പോടാ.. ”

നവിയൊരു ചിരിയോടെ ഇതും പറഞ്ഞു ബൈക്ക് കുറച്ചു സ്പീഡിൽ ഓടിച്ചു പോയി.. അതു കണ്ടു ജെറിയും അവന്റെ ബൈക്കിന്റെ സ്പീഡ് കുറച്ചു കൂട്ടി..

അങ്ങനെയവർ ഹോസ്റ്റലിലെത്തി… വാച്ചമാൻ വന്നു ഹോസ്റ്റലിന്റെ ഗെയ്റ്റ് തുറന്നു കൊടുത്തതും അവർ രണ്ടു പേരും ബൈക്കുമായി അകത്തേക്ക് കയറി…

” മോനെ ഞാൻ. ആളറിയാതെ എന്തോ പറഞ്ഞു.. ഒന്നും മനസ്സിൽ വച്ചേക്കരുതേ.. ”

ഹോസ്റ്റലിലെ പാർക്കിങ് ഏരിയയിലേക്കു നവിയും ജെറിയും ബൈക്ക് വച്ചപ്പോൾ ഹോസ്റ്റൽ ഗെയ്റ്റ് അടച്ചു വന്ന വാച്ച്മാൻ ജെറിയോടായി പറഞ്ഞു…

” മ്മ്.. ”

വാച്ച് മാൻ പറഞ്ഞത് കേട്ട് അയാളെ നോക്കിയോന്നു മൂളികൊണ്ട് ജെറി ഹോസ്റ്റലിലേക്കു കയറി പോയി…

” എന്തു പറ്റി ശശി ചേട്ടാ.. ”

ജെറി കേറി പോയപ്പോൾ നവി വാച്ച്മാനോട് ചോദിച്ചു.. അതിനു മറുപടിയായി കുറച്ചു മുന്നേ നടന്ന കാര്യങ്ങൾ അയാൾ നവിയോട് പറഞ്ഞു..

” ഓ. അതായിരുന്നൊ.. അതൊന്നും കാര്യമാക്കേണ്ട, അവനൊന്നും പറയാതെ ഞാൻ നോക്കികോളാം.. ”

നവിയൊരു ചിരിയോടെ വാച്ചമാനോട് പറഞ്ഞുകൊണ്ട് ജെറിയുടെ പുറകെ ഹോസ്റ്റലിലേക്കു കയറി..

” നിങ്ങൾക്കു ഉറക്കമൊന്നുമില്ലേ.. ”

മുറിയിലേക്ക് കയറി വന്ന നവി അവനെ നോക്കിയിരുന്ന അർജുനോടും അജോയോടുമായി ചോദിച്ചു.., അതിനു നവിയെ ദേഷ്യത്തോടെയൊന്നു നോക്കിയാ ശേഷം അർജുനും അജോയും അവരുടെ കട്ടിലിലേക്കു കയറി കിടന്നു… അതു കണ്ടു ജെറി നവിയെയൊന്നു രൂക്ഷമായി നോക്കി..

” അർജുനെ സോറിയടാ.. അജോ സോറി ഞാൻ പെട്ടെന്ന് എന്തോ.. ”

ജെറിയുടെ തുറിച്ചുള്ള നോട്ടം കണ്ടതും നവി അർജുനോടും അജോയോടുമായി പറഞ്ഞു..

” ഇപ്പോഴെന്താ ഒരു സോറിയൊക്കെ ഇത്രയും നാളും അങ്ങനെയൊന്നുമല്ലായിരുന്നല്ലോ ”

അർജുൻ കുറച്ചു ദേഷ്യത്തോടെ ചോദിച്ചു… അർജുന്റെ ദേഷ്യം കണ്ടതും നവി ജെറിയെയൊന്നു നോക്കി, അവനൊരു ചിരിയോടെ തന്നെ അവരെ രണ്ടു പേരെയും നോക്കിയിരിക്കുവായിരുന്നു…

” എടാ.. സോറി ഞാൻ.. ഞങ്ങനെയൊരു സിറ്റുവേഷനിലായിരുന്നു.. അതാണ് ഞാൻ എല്ലാരോടും.. ദേഷ്യപെട്ടതുമെല്ലാം.. ഷെമിക്കടാന്നോട് ”

നവിയൊരു ചിരിയോടെ പറഞ്ഞു.. നവിയുടെയാ ചിരി കണ്ടതും അർജുന്റെയും അജോയുടെയും മുഖത്തെ ദേഷ്യം മാറിയവിടെ ചിരി വിരിഞ്ഞു…

” എത്ര നളയാടാ നിന്റെയീ മുഖത്തെ ചിരി കണ്ടിട്ട് ”

അർജുൻ കട്ടിലിൽ നിന്നുമെണീറ്റ് കൊണ്ട് പറഞ്ഞു..

” അതേ പിണക്കമൊക്കെ മാറിയ സ്ഥിതിക്ക് സംസാരമൊക്കെ നാളെ… ഇപ്പോൾ കിടന്നുറങ്ങാൻ നോക്ക്.. ഇപ്പോൾ തന്നെ സമയം രണ്ടരയായി നാളെ ക്ലാസ്സുള്ളതല്ലേ.. ”

അവരെ നോക്കികൊണ്ട് ജെറി പറഞ്ഞതും എല്ലാവരും ഉറങ്ങാനായി കിടന്നു..

അടുത്ത ദിവസം പതിവുപോലെ അവർ കോളേജിലേക്കു പോയി.. പതിവുപോലെ തന്നെ ആതിരയും അഭിയും രെമ്യയും അവരെ നോക്കി കോളേജ് ഗെയ്റ്റിൽ തന്നെയുണ്ടായിരുന്നു…

നവിയും അർജുനും അജോയും ചെന്നപ്പോൾ അവർ ക്ലാസ്സിലേക്കു നടന്നു… അർജുൻ പതിവുപോലെ രെമ്യയുടെ കൈയും പിടിച്ചു മുന്നേ നടന്നു.. അജോയാണേൽ മാളവികയുടെ പുറകെയും പോയി…

അഭിയും ആതിരയും ഓരോ കാര്യങ്ങൾ പറഞ്ഞു നവിയുടെ മുന്നിലായി നടന്നു.. കുറച്ചു ദിവസങ്ങളായി ഇതു തന്നെയായിരുന്നു അവരുടെ രീതികൾ..

അതിനു മുൻപ് ആതിരയും അഭിയും നവിയുടെ കൂടെ നടന്നു അർജുനെയും രെമ്യയെയും കളിയാക്കുമായിരുന്നു .. നവി ദേഷ്യത്തോടെയുള്ള സംസാരം തുടങ്ങിയപ്പോൾ പിന്നെ ആ പതിവ് അങ്ങ് നിന്നു..

അതിൽ ഏറ്റവും സന്തോഷിച്ചത് രേഷ്മയായിരുന്നു.. ഇടയ്ക് അവരെ പറ്റിയോരോന്ന് പറഞ്ഞു നടക്കുന്നത് അവൾക്കൊരു ഹോബിയായിരിന്നു…

ആതിരയുടെ നടപ്പ് കണ്ടതും നവിക്ക് എന്തോ ഓരു വിഷമം തോന്നി… അതു കൊണ്ട് തന്നെ ചെറിയൊരു കുസൃതിയൊപ്പിക്കാൻ തോന്നി നവിക്ക്, അതിനായി ആതിരയുടെ പുറകിലൂടെ ചെന്നു അവളുടെ മുടിയിൽ കേറി പിടിച്ചു പുറകിലെക്ക് വലിച്ചു…

” ആ.. ”

പെട്ടെന്ന് മുടിയിലൊരു പിടുത്തം വീണപ്പോൾ ആതിര തന്റെ മുടിയിൽ പിടിച്ചു കൊണ്ട് അലറി.. അതോടൊപ്പം അവള് പെട്ടെന്ന് തന്നെ തിരിഞ്ഞു നോക്കുകയും ചെയ്തു…

” എന്താടി.. ”

ആതിര തിരിഞ്ഞു നോക്കിയത് കണ്ടു നവി ദേഷ്യത്തിൽ തന്നെ ചോദിച്ചു.. അതിനു രണ്ടുചുമലുകളും അൽപ്പമുയർത്തിതാഴ്ത്തി കൊണ്ട് ഒന്നുമില്ലന്ന് പറഞ്ഞു വീണ്ടും തിരിഞ്ഞു നടന്നു…

അതു കണ്ടൊരു ചിരിയോടെ തന്നെ നവി വീണ്ടും അവളുടെ മുടി പിടിച്ചു പിന്നേലേക്കു വലിച്ചു… അവള് തിരിഞ്ഞു നോക്കിയപ്പോൾ നവിയെ അല്ലാതെ അന്നേരം വേറെയാരെയും അവിടെ കണ്ടില്ല..

” എന്താടി.. ”

ആതിര തന്നെ തന്നെ നോക്കുന്നത് കണ്ടു നവി കുറച്ചൂടെ ദേഷ്യത്തിൽ അവളോട്‌ ചോദിച്ചു.. അതിനു മറുപടി പറയാതെ അവളൊരു സംശയത്തോടെ തിരിഞ്ഞു നടന്നു. അതു കണ്ടു നവി പിന്നെയും അവളുടെ മുടിയിൽ പിടിക്കാനാഞ്ഞതും ആതിര തിരിഞ്ഞു നോക്കിയതും ഒരേ സമയത്തായിരുന്നു…

അവള് തിരിഞ്ഞു നോക്കുന്നത് കണ്ടു നവി പെട്ടെന്ന് തന്നെ തന്റെ കൈ മാറ്റിക്കൊണ്ടൊരു വളിച്ച ചിരി ചിരിച്ചു… അതു കണ്ടതും ആതിരയ്ക്ക് കലികയറി നവിയെ ഒരു കൈ കൊണ്ട് തല്ലാനായി ചെന്നു,

ആതിര അടിക്കാനായി വരുന്നത് കണ്ടതും നവിയൊരു ചിരിയോടെ തിരിഞ്ഞോടി.. അതു കണ്ടു ആതിരയും നവിയുടെ പുറകെയോടി..

” നവി നിൽക്കുന്നതാണ് നിനക്ക് നല്ലത്, ”

ആതിര നവിയെ ഓടിക്കുന്നതിനിടയിൽ വിളിച്ചു പറഞ്ഞു, ആതിരയുടെയും നവിയുടെയുമൊട്ടം കണ്ടു എല്ലാരുടെയും ചുണ്ടിലൊരു ചിരി വിരിഞ്ഞു, നവിയുടെ അ പെരുമാറ്റം കണ്ടു ഏറ്റവും കൂടുതൽ സന്തോഷം അഭിയ്ക്ക് തന്നെയായിരുന്നു..

നവിയാ കോളേജിലൂടെയും ആതിരയുടെയും അർജുന്റെയും അഭിയുടെയും അജോയുടെയും മാളവികയുടെയുമൊക്കെ ഇടയിലൂടെ കയറിയിറങ്ങിയോടി.. അതോടൊപ്പം തന്നെ ആതിരയും.. നവിയെ അടുത്ത് കിട്ടുമ്പോഴൊക്കെ അടി കൊടുക്കാനും അവള് മറന്നില്ല…

അവസാനം ഓടി ഓടി നവി തളർന്നിരുന്നു അവന്റെ അടുത്ത് തന്നെയായി ആതിരയും വന്നിരുന്നു, അവളും ഓടി മടുത്തിരുന്നു…

അവളുടെ ഷീണം ചെറുതായി മാറിയതും അവള് വീണ്ടും വന്നു നവിയെ അടിക്കാൻ തുടങ്ങി… അവളുടെയാ അടി നവിയൊരു ചിരിയോടെ തന്നെ ഏറ്റുവാങ്ങി…

ആ അടിയിലുടെ ഇത്രയും ദിവസം മിണ്ടാതെയിരുന്നതിന്റെയും ദേഷ്യപെട്ടതിന്റെയുമൊക്കെ പരിഭവുമെല്ലാം അവള് പലിശ സഹിതം തീർത്തു..

” ടി.. ടി മതി.. ഇനി തല്ലിയാൽ നീ ജയിലിൽ പോകേണ്ടി വരും… ”

ആതിരയുടെ കൈയിൽ പിടിച്ചു മാറ്റികൊണ്ട് അജോ പറഞ്ഞു.. അതു കേട്ടു കരഞ്ഞു കൊണ്ട് ആതിര നവിയെ കെട്ടിപിടിച്ചു… ആ പിടുത്തത്തിലുണ്ടായിരുന്നു ആതിരയ്ക്ക് നവിയോടുള്ള സ്നേഹം…

” അല്ലളിയാ സാധാരണ തല്ല് കൊണ്ടയാളല്ലേ കരയേണ്ടത്.. ഇവിടെ നേരെ തിരിച്ചണല്ലോ ”

ആതിരയെ കളിയാക്കിയെന്നോണം അജോ പറഞ്ഞു..

” ടാ.. എന്റെ പെങ്ങളെ കളിയാക്കിയാലുണ്ടാല്ലോ. ”

നവി ആതിരയെ പിടിച്ചു മാറ്റി കൊണ്ട് പറഞ്ഞു..

” ഓ.. ഇപ്പോൾ നിങ്ങൾ ആങ്ങളയും പെങ്ങളും ഒന്നായി നമ്മളു പോറംപ്പൊക്കും, ആയിക്കോട്ടെ.. ”

ഇതും പറഞ്ഞു അജോ മുന്നേ നടന്നു പോയി പുറകെയൊരു ചിരിയോടെ തന്നെ അഭിയും രെമ്യയും അർജുനും… അതിനു പുറകെ ആതിരയും നവിയും ക്ലാസ്സിലേക്കു നടന്നു…

എല്ലാരും ക്ലാസ്സിൽ ചെന്നിരുന്നതും ആതിര സീറ്റിൽ നിന്നും എണീറ്റ് അഭിയുടെ മുന്നിലായി വന്നു നിന്നു…

തുടരും…

💕അഭിനവി💕 ഭാഗം 1

💕അഭിനവി💕 ഭാഗം 2

💕അഭിനവി💕 ഭാഗം 3

💕അഭിനവി💕 ഭാഗം 4

💕അഭിനവി💕 ഭാഗം 5

💕അഭിനവി💕 ഭാഗം 6

💕അഭിനവി💕 ഭാഗം 7

💕അഭിനവി💕 ഭാഗം 8

💕അഭിനവി💕 ഭാഗം 9

💕അഭിനവി💕 ഭാഗം 10

💕അഭിനവി💕 ഭാഗം 11

💕അഭിനവി💕 ഭാഗം 12

💕അഭിനവി💕 ഭാഗം 13

💕അഭിനവി💕 ഭാഗം 14

💕അഭിനവി💕 ഭാഗം 15

💕അഭിനവി💕 ഭാഗം 16

💕അഭിനവി💕 ഭാഗം 17

💕അഭിനവി💕 ഭാഗം 18

💕അഭിനവി💕 ഭാഗം 19

💕അഭിനവി💕 ഭാഗം 20

💕അഭിനവി💕 ഭാഗം 21

💕അഭിനവി💕 ഭാഗം 22

💕അഭിനവി💕 ഭാഗം 23

💕അഭിനവി💕 ഭാഗം 24

💕അഭിനവി💕 ഭാഗം 25

💕അഭിനവി💕 ഭാഗം 26

💕അഭിനവി💕 ഭാഗം 27

💕അഭിനവി💕 ഭാഗം 28

💕അഭിനവി💕 ഭാഗം 29

💕അഭിനവി💕 ഭാഗം 30

💕അഭിനവി💕 ഭാഗം 31

💕അഭിനവി💕 ഭാഗം 32

💕അഭിനവി💕 ഭാഗം 33

💕അഭിനവി💕 ഭാഗം 34

💕അഭിനവി💕 ഭാഗം 35

💕അഭിനവി💕 ഭാഗം 36