💕അഭിനവി💕 ഭാഗം 40- അവസാന ഭാഗം

നോവൽ
എഴുത്തുകാരൻ: ബിബിൻ എസ് ഉണ്ണി

കാറിൽ നിന്നുമിറങ്ങിയ ആരോഹ് അഭിയുടെ അടുത്ത് ചെന്നു എന്തോ ഒന്നു പറഞ്ഞിട്ടു തിരിച്ചു കാറിൽ കയറി പോയി..

അഭിയൊരു ചിരിയോടെ തന്നെ മറ്റുള്ളവരുടെ അടുത്തേക്ക് വന്നു..

” നിന്റെ കാര്യമിപ്പോൾ ഞങ്ങൾ പറഞ്ഞതെയുള്ളൂ.. ”

ആതിരയൊരു ചിരിയോടെ അഭിയുടെ അടുത്തേക്കൊടി ചെന്നു കൊണ്ട് പറഞ്ഞു…

” എന്താടി എന്നേ കുറിച്ച് കുറ്റം പറഞ്ഞത്.. ”

അഭി ആതിരയെ നോക്കിക്കൊണ്ട് ചുണ്ട് കൂർപ്പിച്ചു കൊണ്ട് ചോദിച്ചു..

” അതിപ്പോൾ അങ്ങനെ പറഞ്ഞാൽ കുറേയുണ്ട് ”

ആതിരയൊരു കള്ളചിരിയോടെ പറഞ്ഞു അഭിയുടെ കൈയിൽ നിന്നും കുഞ്ഞിനെ വാങ്ങി..

” കുഞ്ഞു ഉറങ്ങി പോയോ.. ”

ആതിര കുഞ്ഞിനെ എടുത്തു കൊണ്ട് ചോദിച്ചു..

” ആ.. അവളുടെ ഉറക്കസമയമാണിപ്പോൾ.. കാറിൽ കയറിപ്പോൾ ഉറങ്ങിയതാ ഇനി കുറച്ചു സമയമെടുക്കും ഉണരാൻ ”

അഭിയൊരു ചിരിയോടെ കുഞ്ഞിനെ ആതിരയുടെ കൈയിൽ കൊടുത്തു കൊണ്ട് പറഞ്ഞു.. ശേഷമവൾ മറ്റുള്ളവരുടെ അടുത്തേക്ക് പോയി…

അവിടെ ചെന്നു രെമ്യയോടും മാളവികയോടും വിശേഷം തിരക്കിയതിനു ശേഷം വിഷ്ണുവിന്റെ അടുത്തു ചെന്നു ആതിരയുടെ കുഞ്ഞിനെയുമെടുത്തു അജോയോടും അർജുനോടും വിശേഷം ചോദിച്ചു…

അപ്പോഴേക്കും ബാക്കിയുള്ളവരുംകൂടെ അവിടെക്ക് വന്നിരുന്നു… ശേഷം എല്ലാവരും കൂടെ അവരുടെ പഴയ ക്ലാസ്സിലേക്കു പോയി.

അവർ അഞ്ചു വർഷങ്ങൾക്കു മുൻപവരിരുന്നപോലെ തന്നെ അവരവരുടെ സീറ്റിലായി എല്ലാവരുമിരുന്നു, എല്ലാവരും അവരുടെ ജീവിതപങ്കാളികളുമായിയായിരിന്നു വന്നത് അതു കൊണ്ട് പരസ്പരം പരിചയപെടാൻ കുറച്ചു സമയം തന്നെ വേണ്ടി വന്നു…

ആതിരയും രെമ്യയും അർജുനും അജോയും അഭിയും നവിയും.. അവരുടെയൊപ്പം തന്നെ മാളവികയും വിഷ്ണുവും കൂടെയിരുന്നു പഴയപോലെ കത്തിയടി തുടങ്ങിയപ്പോൾ അവർ പഴയപോലെയ കോളേജ് സ്റ്റുഡന്റസ് ആവുകയായിരുന്നു…

” ടാ നവി, എന്നാലും നീയന്നു അഭി പ്രെപ്പോസ് ചെയ്തപ്പോൾ പറഞ്ഞതു കുറച്ചു കൂടിപോയിട്ടോ… ”

നവിയുടെ അടുത്തേക്ക് വന്ന സോനാ അവനോടായി പറഞ്ഞു..

” ഞാനെന്തു പറഞ്ഞു… ”

നവി ഒന്നും മനസിലാകത്തപോലെ ചോദിച്ചു..

” അന്ന് അഭി നിന്നെ പ്രെപ്പോസ് ചെയ്തപ്പോൾ നീ ഇവളോട് നിന്റെ കുറച്ചു സങ്കല്പത്തെ പറ്റി പറഞ്ഞില്ലേ കാര്യമാണ് ഞാൻ പറഞ്ഞതു.. ”

സോന അതു പറഞ്ഞതും നവിയുടെ മുഖം ചെറുതായി താന്നു..

” അല്ല അതു നീയെങ്ങനെ അറിഞ്ഞു, ”

അജോ അത്ഭുതത്തോടെ ചോദിച്ചു..

” ഫേസ്ബുക്കിൽ കല്ല് പെൻസിൽ എന്നൊരു എഴുത്തു ഗ്രുപ്പുണ്ട്, ഒത്തിരി നല്ല എഴുത്തുകാരും അവരെ നല്ല പോലെ സപ്പോർട് ചെയുന്ന വായനക്കാരുമുള്ളൊരു ഗ്രുപ്പ്. അവിടെയൊരാൾ എഴുതിയിട്ടാതാണ് അഭിനവി എന്ന പേരിൽ നമ്മുടെ കോളേജ് ലൈഫ്,…

ഞാനിന്നാലെയാ അതു കണ്ടതു.. ഒറ്റയടിക്ക് എഴുതിയിട്ട പാർട്ട്‌ മുഴുവൻ വായിച്ചു.. എന്നാലും അജോ നീയിത്രകോഴിയാണെന്ന് വിചാരിച്ചില്ല… എന്തായാലും നടക്കട്ടെ….

ആ പിന്നെ നവി.. ആ കഥ വായിച്ചു കഴിഞ്ഞപ്പോൾ നിങ്ങൾ രണ്ടുപേരുമൊരുമിക്കണമെന്നു ആത്മാർത്ഥമായി ആഗ്രഹിച്ചുപോയി… ഞാൻ മാത്രമല്ല ആ കഥ വായിച്ച എല്ലാവരും… ”

ഇത്രയും പറഞ്ഞു സോനാ അവിടെ നിന്നും പോയി.. അപ്പോഴും അഭിയും നവിയും മാത്രം ഒന്നും മിണ്ടാതെയിരുന്നു… സോന പറഞ്ഞതു കെട്ട് മറ്റുള്ളവരിലും അതൊരു നോവായി…

” നമ്മുക്കെന്നാ ഓഡിറ്റോറിയാത്തിലേക്കു പോകാം.. ”

അജോ പെട്ടെന്ന് എല്ലാവരോടുമായി പറഞ്ഞപ്പോൾ എല്ലാവരും സീറ്റിൽ നിന്നുമെണീറ്റു ഓഡിറ്റോറിയത്തിലേക്കു നടന്നു… അപ്പോഴേക്കും അഭിയുടെ കുഞ്ഞു ഉണർന്നു കരയാൻ തുടങ്ങി..

അതു കണ്ടു അഭി വേഗം കുഞ്ഞിനെ ആതിരയുടെ കൈയിൽ നിന്നും വാങ്ങി, അപ്പോഴേക്കും ബാക്കിയുള്ളവർ ക്ലാസ്സിനു വെളിയിൽ ഇറങ്ങിയിരുന്നു.. അതു കണ്ടു അവള് വാതിൽ ചാരി കുഞ്ഞിന് പാല് കൊടുക്കാൻ തുടങ്ങി.. അവളുടെ കൂടെയപ്പോൾ ആതിരയുമുണ്ടായിരുന്നു…

ബാക്കിയുള്ളവർ ക്ലാസ്സിനു വെളിയിൽ അവരെ കാത്തു നിന്നു.. കുറച്ചു സമയം കഴിഞ്ഞതും അഭിയും ആതിരയും കൂടെ ക്ലാസ്സിനു വെളിയിലിറങ്ങി..

” അഭി, കുഞ്ഞിനെ ഞാൻ നോക്കികോളാം നിങ്ങൾ രണ്ടുപേരുമൊന്നു സംസാരിച്ചിട്ട് അങ്ങ് വന്നാൽ മതി.. ”

ആതിര അഭിയുടെ കൈയിൽ നിന്നും കുഞ്ഞിനെ വാങ്ങി കൊണ്ട് പറഞ്ഞു… മറ്റുള്ളർക്കും ആതിര പറഞ്ഞതിൽ കാര്യമുണ്ടെന്നു മനസിലായത് കൊണ്ട് അവരെ രണ്ടുപേരെയും അവിടെ വിട്ടു മറ്റുള്ളവർ ഓഡിറ്റോറിയത്തിലേക്ക് നടന്നു… അവർ പോകുന്നതും നോക്കി അഭിയും നവിയും അവിടെ തന്നെ നിന്നു….

” അഭി നമുക്കൊന്ന് നടന്നാലോ, പണ്ട് നമ്മൾ നടന്നപോലെ, പഴയ ആ അഭിയും നവിയുമായി.. ”

നവി ചോദിച്ചതും അഭിയൊരു ചിരിയോടെ അവന്റെയൊപ്പം നടന്നു.. പരസ്പരമൊന്നും മിണ്ടാതെ.. രണ്ടുപേരുമാ മൗനം ആസ്വദിച്ചുകൊണ്ട്…

തുടക്കം രണ്ടു വശങ്ങളിലായി നടന്നവർ മുന്നോട്ടു പോകും തോറും അടുത്തടുത്തേക്ക് വന്നു.. ശേഷം അഭി തന്റെ കൈ നവിയുടെ കൈയുമായി കോർത്തു പിടിച്ചു തോളോട് തോൾ ചേർന്നു… ആ നടത്തം അവസാനിച്ചത് ഓഡിറ്റോറിയത്തിൽ എല്ലാവരുയും മുന്നിലായിരുന്നു. അവരുടെ ഒട്ടിചേർന്നുള്ള വരവ് കണ്ടു എല്ലാരും അതിശയത്തോടെ അവരെ നോക്കി നിന്നു…

” നവി നീ എന്തായി കാണിക്കുന്നത്.. അഭി ഇതു വളെരെ മോശമായി പോയി.. നിങ്ങളെ രണ്ടുപേരെയും ഒറ്റയ്ക്ക് വിട്ടത് നിങ്ങൾക്ക് രണ്ടുപേർക്കും ഞങ്ങളുടെ മുന്നിൽ വച്ചു സംസാരിക്കാനുള്ള ബുദ്ധിമുട്ട് മനസിലാക്കിയത് കൊണ്ടാണ്…

അല്ലാതെ.. ”

നവിയുടെ കൈയിൽ തുങ്ങി വരുന്ന അഭിയെ കണ്ടതും അജോ ദേഷ്യത്തോടെ പറഞ്ഞു.. അപ്പോഴുമോരു ചിരിയോട് അഭി നവിയെ നോക്കി..

” എടാ.. ”

” വേണ്ട നവി ഒന്നും പറയേണ്ട.. നിങ്ങൾ രണ്ടുപേരും ഇങ്ങനെ ഒരുമിക്കണമെന്നു ഞങ്ങളെല്ലാരും ഒരുപാട് ആഗ്രഹിച്ചതാണ്..

പക്ഷെ ഇതു വളരെ മോശമായിപ്പോയി.. നിങ്ങളെ കുറച്ചു ഞങ്ങളിങ്ങനെയൊന്നുമല്ല കരുതിയത്.. ”

ആതിരയും അവരെ നോക്കി പറഞ്ഞു.. അപ്പോഴേക്കും അവളുടെ കൈയിലിരുന്ന അഭിയുടെ കുഞ്ഞു എണീറ്റിരുന്നു. പരിചയമില്ലാത്തയാളെ മുന്നിൽ കണ്ടതും കുഞ്ഞു കരഞ്ഞു അതുകണ്ടു അഭി പെട്ടെന്ന് കുഞ്ഞിനെ ആതിരയുടെ കൈയിൽ നിന്നും വാങ്ങി കുഞ്ഞിന്റെ കരച്ചിൽ നിർത്താൻ നോക്കി, അപ്പോഴും അവരെ ദേഷ്യത്തോടെ നോക്കുവായിരുന്നു എല്ലാരും ഭർത്താവുണ്ടായിട്ടും അന്യപുരുഷ്യന്റെ കൈയിൽ തുങ്ങി നടന്നവളായി അവർക്ക് മുന്നിൽ അഭി…

” അ… ച്ഛ… അച്ഛാ… അച്ഛാ… ”

കുഞ്ഞു കരച്ചിലിനിടയിൽ നവിയെ കണ്ടതും അഭിയുടെ കൈയിൽ നിന്നും നവിയുടെ നേരെ കൈ നീട്ടി കൊണ്ട് കുഞ്ഞു പറഞ്ഞു..

അതു കേട്ടതും എല്ലാവരും ഞെട്ടലോടെ അവരെ നോക്കി.. അപ്പോഴേക്കും നവിയൊരു ചിരിയോടെ അഭിയുടെ കൈയിൽ നിന്നും കുഞ്ഞിനെ എടുത്തിരുന്നു… നവി കുഞ്ഞിനെ എടുത്തതും കുഞ്ഞു എന്തൊക്കെയൊ പരിഭവം അവളുടെ ഭാഷയിൽ നവിയോടു പറഞ്ഞു…

” ആണോ.. നമ്മുക്ക് അമ്മക്കിട്ടു അടി കൊടുക്കാവേ.. ”

കുഞ്ഞു പറഞ്ഞത് കെട്ട് നവി കുഞ്ഞിന്റെ വയറിൽ മുഖമമർത്തിക്കൊണ്ട് പറഞ്ഞു. നവിയുടെയാ പ്രവർത്തി കുഞ്ഞിന്റെ ചുണ്ടിൽ ചിരി വരുത്തി..

” നവി.. ഇവടെ എന്താ നടക്കുന്നത്.. അഭിയുടെ കുഞ്ഞു നിന്നെ എങ്ങനെ അച്ഛാന്നു.. ”

അജോ സംശയത്തോടെ ചോദിച്ചു…

” നിങ്ങളിങ്ങനെ അന്ധം വിടുവൊന്നും വേണ്ട.. അഭിയുടെയി താലിയുടെയും ഈ കുറുമ്പിയുടെയും അവകാശി ഈ ഞാൻ തന്നെയാ.. കുറച്ചൂടെ വ്യക്തമായി പറഞ്ഞാൽ ഇവളെന്റെ ഭാര്യയും ഇതു ഞങ്ങളുടെ മോളുമാണ് ”

നവി അഭിയെയും കുഞ്ഞിനെയും ചേർത്തു പിടിച്ചുകൊണ്ടു പറഞ്ഞു..

” ഇതെപ്പോൾ, അപ്പോളന്നാ കല്യാണം.. ”

രെമ്യ സംശയത്തോടെ ചോദിച്ചു…

” അതു എന്റെ കല്യാണം ആയിരുന്നില്ല എന്റെ ട്വിൻ സിസ്റ്ററിന്റെയും ആരോഹിന്റെയുമായിരുന്നു… നിങ്ങൾക്കുള്ള എന്റെ സർപ്രൈസ് ആയിരുന്നു രൂപത്തിൽ എന്നേ പോലെയിരിക്കുന്ന എന്റെ ട്വിൻ സിസ്റ്റർ ”

അഭിയൊരു ചിരിയോട് പറഞ്ഞു…

” അപ്പോൾ നിന്നെ ആരോഹ് ഇവടെ കൊണ്ട് വിട്ടത്.. ”

” എന്റെ ആങ്ങളയ്ക്ക് എന്നേ ഇവിടെകൊണ്ട് വന്നു വിടാൻ പറ്റില്ലേ ”

രെമ്യ ചോദിച്ചതു കെട്ട് അഭി അവളോട് ചോദിച്ചു…

” ഞങ്ങൾക്കൊന്നും മനസിലാകുന്നില്ല.. നീ ആദ്യമുതലൊന്ന് തെളിച്ചു പറയാവോ.. ”

അജോ പെട്ടെന്ന് നവിയോടായി ചോദിച്ചു…

” അതു ഇവള് തന്നെ പറയട്ടെ.. ഇവളാണ് ഈ കളി മുഴുവൻ തുടങ്ങി വച്ചത്.. എന്നിട്ട് ബാക്കി വല്ലതുമുണ്ടേൽ ഞാൻ പറയാം.. ”

നവി അഭിയെ നോക്കിയൊരു ചിരിയോടെ പറഞ്ഞു, അതു കെട്ട് അഭി പറഞ്ഞു തുടങ്ങി..

” അതു എനിക്ക് നവിയേട്ടനെ അത്രയും ഇഷ്ട്ടമായിട്ടാണ്.. അന്ന് ഞാൻ ഏട്ടനെ പ്രെപ്പോസ് ചെയ്തത്.. പക്ഷെ ഇങ്ങേരു ഇങ്ങേരുടെ ഊള സങ്കല്പം പറഞ്ഞു.. എന്നേ കരയിച്ചു.. രണ്ടു ദിവസമാണ് ഞാൻ കരഞ്ഞു തീർത്തതു…

അപ്പോഴാ അനിയത്തിയുടെ എൻഗേജ്മെന്റ് പറഞ്ഞു അച്ഛൻ വിളിക്കുന്നത്.. ശെനിയാഴ്ച ചെന്നാൽ മതിയെന്ന് പറഞ്ഞിട്ടും ഞാൻ രണ്ടു ദിവസം മുന്നേ പോയി, അതു നവിയെ ഫേസ് ചെയ്യാനുള്ള ബുദ്ധിമുട്ട് കൊണ്ട് മാത്രമായിരുന്നു…

പക്ഷെ ഇങ്ങേരെ അങ്ങനെ വെറുതെ വിടാൻ എനിക്ക് തോന്നിയില്ല. അതു കൊണ്ടാണ് അനിയത്തിയുടെ എൻഗേജ്മെന്റ് ഫോട്ടോ കാണിച്ചു ഞാൻ നിങ്ങളുടെ മുന്നിൽ ചെറിയൊരു നാടകം കളിച്ചത്, പിന്നെ അനിയത്തിയെ കാണിച്ചു തരുന്ന കൂട്ടത്തിൽ ഈ കാര്യവും നിങ്ങളോട് പറയാമെന്നു കരുതി…

അതിനുള്ളിൽ എപ്പോഴേലും നവിയേട്ടൻ എന്റെ ഇഷ്ട്ടം തിരിച്ചറിയുവോന്നു കൂടെ എനിക്ക് അറിയണമായിരുന്നു, നഷ്ടപെടുമ്പോഴാണല്ലോ പല പ്രണയവും തിരിച്ചറിയുന്നത്, അങ്ങനെയൊരു ചാൻസ് ഞാൻ പ്രതീഷിച്ചു പക്ഷെ കല്യാണ ദിവസം വരെയും ഇങ്ങേരു അതു പറഞ്ഞില്ല…

അന്ന് കല്യാണത്തിനു നിങ്ങളെല്ലാവരും സ്റ്റേജിലെക്ക് വരുമ്പോൾ ഞാൻ നോക്കിയത് നവിയേട്ടനെയായിരുന്നു.. പക്ഷെ ഏട്ടനന്ന് പെട്ടെന്ന് തന്നെ തിരിച്ചു പോയി… അന്ന് അവളുടെ താലികെട്ട് കണ്ടു നിറഞ്ഞ ഏട്ടന്റെ കണ്ണുകളെന്നോട് പറഞ്ഞു ഏട്ടന്റെ ഇഷ്ടം,

എനിക്കതു മതിയായിരുന്നു, ഏട്ടനന്ന് തിരിച്ചു പോകുന്നത് കണ്ടു ഏട്ടനെ തിരിച്ചു വിളിക്കാൻ വേണ്ടി ഞാൻ പോയി.. പക്ഷെ ഓഡിറ്റോറിയത്തിന് വെളിയിലെക്കിറങ്ങിയ ഏട്ടന്റെ വണ്ടി മറ്റൊരു വണ്ടിയുമായി ഇടിച്ചുമറിഞ്ഞു… കൂടെ വന്ന ജെറിയെ പോലും കൂട്ടാതെ ഒറ്റയ്ക്ക് പോയി ആക്‌സിഡന്റ് ഉണ്ടാക്കി.. അഭിയുടെ ഓർമ്മകൾ അന്നത്തെയാ ദിവസത്തിലേക്കു പോയി…

” നവി….”

വണ്ടി ആക്‌സിഡന്റ് ആയി കിടക്കുന്ന നവിയുടെ അടുത്തെക്കൊടിയെത്തി കൊണ്ട് അഭി കരഞ്ഞു വിളിച്ചു.. അപ്പോഴേക്കും ജെറിയും അവിടെ ഓടി കൂടിയാ നാട്ടുകാരും അതു വഴിവന്നയൊരു കാർ തടഞ്ഞു നിർത്തി.. അപ്പോഴേക്കും ആരൊക്കെയൊ നവിയെ എടുത്തു കാറിന്റെ ബാക്ക് സീറ്റിലേക്ക് കയറ്റി ഒപ്പം ജെറിയും അഭിയും…

” അ…. അഭി… നീ… അപ്പോൾ അവിടെ കല്യാണം.. ”

കാറിൽ കയറിയ ജെറി അഭിയെ കണ്ടു ചോദിച്ചു… പക്ഷെ അതിനു മറുപടി പറയാൻ പറ്റിയൊരു അവസ്ഥയിൽ ആയിരുന്നില്ല അഭി, അതു കൊണ്ട് തന്നെ അവൻ കൂടുതലായിയൊന്നും ചോദിച്ചതുമില്ല….

നവിയെ icu വിൽ കയറ്റി കഴിഞ്ഞു അഭിയും ജെറിയും അവിടെയുള്ള കസേരയിലിരുന്നു…

” അഭി.. ”

ജെറി അവളെ വിളിച്ചപ്പോൾ അവള് കണ്ണുകൾ തുടച്ചു കൊണ്ട് ജെറിയെ നോക്കി…

” ടി അപ്പോൾ അവിടെ കല്യാണം ആരുടെയായിരുന്നു.. ”

” എന്റെ അനിയത്തിയുടെ.. ഞങ്ങൾ ട്വിൻസാണ്‌, നവിക്ക് എന്നോട് ഇഷ്ട്ടമോണ്ടോന്നറിയാൻ വേണ്ടിയാ ഞാനിതു ”

അഭി കരച്ചിലോടെ തന്നെ പറഞ്ഞു.

” ടി പുല്ലേ നിനക്കിത് ആരോടെലും പറയാൻ മേലായിരുന്നോ.. എല്ലാവർക്കും അറിയാം അവനു നിന്നോടുള്ള ഇഷ്ട്ടം.. നിന്റെ കല്യാണം വീട്ടുകാരുറപ്പിച്ചതു കൊണ്ട്, നിനക്ക് വിഷമമുണ്ടാകാതെയിരിക്കാൻ വേണ്ടി നവി പറഞ്ഞതുകൊണ്ടാണ് മാത്രമാണ് ആരുമൊന്നും പറയാഞ്ഞത്… ”

ജെറി ദേഷ്യത്തോടെ അവളോട്‌ പറഞ്ഞുതും അഭിയൊരു ഞെട്ടലോടെ അവനെ നോക്കി.

” ജെറി ”

” സത്യമാണ്.. അന്ന് നീ ഇഷ്ട്ടമാണെന്ന് പറഞ്ഞപ്പോൾ അവൻ അതു എതിർത്തുന്നുള്ളത് സത്യമാണ്.. പക്ഷെ അതിനു ശേഷം രണ്ടുമൂന്ന് ദിവസം നിന്നെ കാണാതെയിരുന്നപ്പോഴാണ് അവനു നിന്നോടുള്ള അവന്റെയിഷ്ടം മനസ്സിലാക്കിയത്… നീ നാട്ടിൽ നിന്നും തിരിച്ചു വരുമ്പോൾ പറയാനിരുന്നതാ..

അപ്പോഴാണ് നിന്റെ കല്യാണം ഉറപ്പിച്ച കാര്യമറിയുന്നത്.. അതു കൊണ്ട് മാത്രമവൻ മിണ്ടാതെയിരുന്നതാ…

ഇന്നത്തെ നിന്റെ കല്യാണമോർത്തു ഇന്നലെയവൻ ഉറങ്ങിയിട്ടില്ല, ഇന്നവൻ ചാകാൻ വേണ്ടി തന്നെയായിരിക്കും എന്നേ കൂട്ടാതെയവൻ വണ്ടി എടുത്തത് അല്ലേൽ ഒറ്റയ്ക്ക് അവൻ ഒരിക്കലും പോകില്ല.. അത്രയ്ക്കിഷ്ടമാണ് അവനു നിന്നോട് ”

ഇത്രയും പറഞ്ഞവൻ തിരിഞ്ഞു നിന്നു, അപ്പോഴും കരച്ചിലോടെ തന്നെയിരിക്കുവായിരുന്നവൾ…

” അല്ല.. നിന്നെ അവിടെ അന്വേഷിക്കില്ലേ, നീ തിരിച്ചു പൊക്കോ.. ഞാൻ വിളിച്ചോളാം നിന്നെ.. ”

കുറച്ചു സമയം കഴിഞ്ഞതും ജെറി അഭിയോടു പറഞ്ഞു, അതു കെട്ടവൾ ഫോൺ എടുത്തു ചേച്ചിയെയും അച്ഛനെയും വിളിച്ചു കാര്യം പറഞ്ഞു ഫോൺ കട്ട്‌ ചെയ്തു… ജെറി അപ്പോഴേക്കും നവിയുടെ വീട്ടിലേക്കും വിളിച്ചു പറഞ്ഞിരുന്നു…

അന്ന് വൈകിട്ടാണ് നവിക്ക് ബോധം വന്നത്..

” പേഷ്യന്റിന് ബോധം വീണിട്ടുണ്ട്, ആർക്കേലും ഒരാൾക്കു കയറി കാണാം.. ”

ഒരു നേഴ്‌സ് icu വിന്റെ വാതിൽ തുറന്നുകൊണ്ട് അവരോടു പറഞ്ഞു…

” അഭി നീ കേറി കണ്ടോ.. ”

ജെറി പറഞ്ഞതും അഭി അവനെയൊന്നു നോക്കിയ ശേഷം icu വിലെയ്ക്ക് കയറിയപ്പോൾ കണ്ടു തലയിൽ വല്ല്യ കേട്ടുമായി ഓക്‌സിജൻ മാസ്ക്കിന്റെ സഹായത്തോടെ ശ്വാസം മെടുത്തു കിടക്കുന്ന നവിയെ…

” നവി.. ”

അഭി നവിയുടെ അടുത്ത് ചെന്നു പതിയെ വിളിച്ചു… അതു കെട്ട് വളരെ ആയാസപെട്ടു നവി കണ്ണ് തുറന്നു.. മുന്നിൽ നിൽക്കുന്ന അഭിയെ കണ്ടതും അവന്റെ കണ്ണുകൾ അത്ഭുതത്താൽ വിടർന്നു…

” എന്താ നവി നീയികാണിച്ചതു.. നീ പോയാൽ പിന്നെ എനിക്കാരാനുള്ളത്.. ”

അഭിയൊരു കരച്ചിലോടെ അഭിയോടു ചോദിച്ചു..

” അ….. ഭി… അഭി… നീ… അ…പ്പൊ…ൾ… ക…ല്യ.. ണം.. ”

” എന്റെ ട്വിൻ സിസ്റ്ററിന്റെയാ കല്യാണം അല്ലാതെ എന്റെയല്ല.. ഞാൻ നിന്നെ വിട്ടു പോകുമെന്നു നിനക്ക് തോന്നുന്നുണ്ടൊ… നിനക്ക് എന്നോടുള്ള ഇഷ്ട്ടം പറയാൻ വേണ്ടിയല്ലേ ഞാനിങ്ങനെയൊരു നാടകം കളിച്ചത്.. പക്ഷെ നീ”

അഭി നവിയുടെ കൈ പിടിച്ചു കൊണ്ട് പറഞ്ഞതും അതു കേട്ടു നവിയുടെ ചുണ്ടിലൊരു ചിരി വിരിഞ്ഞിരുന്നു… അഭി icu വിനു വെളിയിലിറങ്ങുമ്പോൾ അഭിയുടെയും നവിയുടെയും വീട്ടുകാരുണ്ടായിരുന്നു അവിടെ… എല്ലാവരുടെയും മുഖഭാവങ്ങളിൽ നിന്നും ജെറി എല്ലാകാര്യവും എല്ലാവരോടുമായി പറഞ്ഞൂന്നു അവൾക്കു മനസ്സിലായി…

അഭിയെ കണ്ടതും നവിയുടെ അമ്മയും ഏട്ടത്തിയും അവളുടെ അടുത്തേക്ക് വന്നു, അവളെ ചേർത്തു പിടിച്ചു.. അപ്പോഴേക്കും അവള് വീണ്ടും കരഞ്ഞു പോയിരുന്നു…

രണ്ടു ദിവസം കഴിഞ്ഞു നവിയെ റൂമിലെക്ക് മാറ്റുമ്പോൾ തന്നെ അഭിയുടെയും നവിയുടെയും കാര്യത്തിൽ വീട്ടുകാരോരു തീരുമാനമെടുത്തിരുന്നു…

നവിയുടെ മുറിവെല്ലാം മാറിയപ്പോൾ തന്നെ നവിയെ ചെന്നൈയെലേക്കു നാടുകടത്തി, അവിടുത്തെ കമ്പനി നല്ല രീതിയിൽ നോക്കി നടത്തിയാൽ അഭിയുമായുള്ള കല്യാണം നടത്തി തരാമെന്നു രണ്ടു വീട്ടുകാരും ഒരേപോലെ അവരോടു പറഞ്ഞു…

അങ്ങനെ മൂന്ന് വർഷത്തെ നവിയുടെ പരിശ്രമത്തിന്റെ ഭലമായി കമ്പനി നല്ല രീതിയിൽ വളർന്നു.. അതു കൊണ്ട് അഭിയുടെയും നവിയുടെയും കല്യാണം രണ്ടു വീട്ടുകാരും കൂടെ ചേർന്നു നടത്തി… ചെറിയൊരു ഗിഫ്റ്റായി ആ കമ്പനികൂടെ നവിയുടെ പേരിലാക്കി കൊടുത്തു…

കല്യാണം കഴിഞ്ഞാണ് രണ്ടു പേരും ശെരിക്കും പ്രണയിക്കാൻ തുടങ്ങിയത്… കല്യാണം കഴിഞ്ഞു മൂന്നു മാസം കഴിഞ്ഞപ്പോൾ തന്നെ നവിയുടെ പ്രണയം അഭിയുടെ വയറ്റിൽ പിറവിയെടുത്തു…

” പിന്നെ അന്നത്തെയാ സിറ്റുവേഷനിലും പിന്നെ ഇവളെ വേഗം സ്വന്തമാക്കുനുള്ള ഒട്ടത്തിലുമായിരുന്നു അതു കൊണ്ട് ആരോടുമൊന്നും പറയാൻ പറ്റിയില്ല സോറി.. ”

അഭി പറഞ്ഞു കഴിഞ്ഞു നവിയൊരു ചിരിയോട് പറഞ്ഞു നിർത്തിയപ്പോഴേക്കും ആതിരയും രെമ്യയും അജോയും അർജുനും കൂടെ രണ്ടുപേരെയും സ്നേഹത്തോടെയങ് പെരുമാറി… അതിനു മുൻപ് തന്നെ നവിയുടെ കൈയിൽ നിന്നും മാളവിക കുഞ്ഞിനെ വാങ്ങിയിരുന്നു…

അങ്ങനെ പരിഭവവും പരാതികളും തീർത്തു, മറ്റുള്ളവരുടെയും വിശേഷങ്ങളുമറിഞ്ഞു, ഭക്ഷണവും കഴിഞ്ഞപ്പോഴേക്കും സന്ധ്യയായിരുന്നു, അപ്പോഴേക്കും കുറച്ചു പേര് പോയിരുന്നു..

” അപ്പോൾ ശെരിയളിയാ.. ഞങ്ങളിറങ്ങുവാ സമയമോത്തിരിയായി ഒൻപതു മണിക്കാണ് ഫ്ലൈറ്റ്, ഇപ്പോൾ ഇറങ്ങിയിലെ സമയത്തു എയർപോർട്ടിൽ എത്താൻ പറ്റു, ”

നവി എല്ലാവരോടുമായി പറഞ്ഞു…

” അല്ലടി ചെറിയൊരു സംശയം അന്ന് കല്യാണത്തിന് നിന്റെ ട്വിൻ സിസ്റ്റർ ഞങ്ങളോട് നീ പെരുമാറുന്ന പോലെയാണല്ലോ പെരുമാറിയത് അതെങ്ങനെ.. ”

” അതു ഞാൻ നിങ്ങളുടെ ഫോട്ടോയടക്കം അവളെ കാണിച്ചു കൊടുത്തിരുന്നു.. നിങ്ങൾ സംസാരിച്ചു കൊണ്ടിരിക്കുമ്പോൾ നിങ്ങളുടെ അടുത്തേക്ക് വരാനായിരുന്നു എന്റെ പ്ലാൻ.. പക്ഷെ നവിയേട്ടൻ എല്ലാം തകർത്തു കളഞ്ഞു.. കൂട്ടത്തിൽ അവളുടെ കല്യാണം ശെരിക്കു കൂടാൻ പോലും പറ്റിയില്ല.. ”

അഭിയൊരു ചിരിയോടെ പറഞ്ഞു..

” അല്ല നിന്റെ അനിയത്തിയുടെ പേര് പറഞ്ഞില്ലല്ലോ. . ”

അഭിയും നവിയും അവരുടെ കുഞ്ഞുമായി പോകാനിറങ്ങിയതും ആതിര ചോദിച്ചു…

” അഭിനവി ”

അഭിയൊരു ചിരിയോട് പറഞ്ഞുകൊണ്ട് നവി വന്ന കാറിലേക്കു കയറി… എല്ലാവരെയും കൈ വീശി കാണിച്ചുകൊണ്ട് അഭിയും നവിയുമായി ആ കാർ മുന്നോട്ടു പോകുമ്പോഴും അവരെയും തിരിച്ചു കൈ വീശി കാണിച്ചുകൊണ്ട് ആതിരയും വിഷ്‌ണുവും അർജുനും രെമ്യയും അജോയും മാളവികയും കോളേജിന്റെ മുന്നിൽ തന്നെയുണ്ടായിരുന്നു…

✨️✨️✨️✨️✨️✨️✨️✨️✨️✨️✨️✨️✨️✨️✨️✨️

കഴിഞ്ഞ വിഷുവിനു തുടങ്ങിയ അഭിനവി… ഇവിടെ അവസാനിച്ചുന്നു പറയുന്നില്ല അഭിയുടെയും നവിയുടെയും രെമ്യയുടെയും അർജുന്റെയും , ആതിരയുടെയും വിഷ്ണുവിന്റെയും, അജോയുടെയും മാളവികയുടെയും ജീവിതം തുടർന്നുകൊണ്ടേയിരിക്കുന്നു…

അഭിനവി അവസാന ഭാഗം വായനക്കാരുടെ പ്രേതിക്ഷക്കൊത്തു എത്തിയോ എന്നറിയില്ല, എന്റെ മനസിലുണ്ടായിരുന്ന കഥ അതേ പോലെ തന്നെ തൂലികയിൽ പകർത്താൻ ശ്രെമിച്ചിട്ടുണ്ട്…

ഈ കഥയിലെ ട്വിസ്റ്റ്‌ നിങ്ങൾക്കെല്ലാവർക്കും ഇതിനോടകം തന്നെ മനസിലായി എന്ന് എനിക്കറിയാം കാരണം പലരും എന്റെ ഇൻബോക്സിലും കമെന്റിലുമായി പലവട്ടം വന്നു പറഞ്ഞതാണ്.. അതു കൊണ്ട് ക്ലൈമാക്സ് മാറ്റിയാലോന്നു വരെ ചിന്തിച്ചതാണ്.. പക്ഷെ അഭിയെയും നവിയെയും പിരിക്കാൻ എനിക്ക് തോന്നിയില്ല…

അഭിനവിയുടെ തുടക്കം മുതൽ കൂടെ ലൈക്കും കമെന്റ്സും തന്നു കൂടെ നിന്നവർക്കും ഇടയ്ക്കു വച്ചു കൂടെ കൂടിയവർക്കും ഒത്തിരി നന്ദി ❤️❤️

അപ്പോഴിനി നിങ്ങളുടെ അഭിപ്രായം പറയാനുള്ള സമയമാണ്.. എല്ലാവരും അഭിപ്രായം പറഞ്ഞിട്ടു പോയാൽ മതി അതിപ്പോൾ നെഗറ്റീവ് ആയാലും പോസിറ്റിവ് ആയാലും…

സ്‌നേഹത്തോടെ..
©️✍️ബിബിൻ എസ് ഉണ്ണി…..

 

💕അഭിനവി💕 ഭാഗം 1

💕അഭിനവി💕 ഭാഗം 2

💕അഭിനവി💕 ഭാഗം 3

💕അഭിനവി💕 ഭാഗം 4

💕അഭിനവി💕 ഭാഗം 5

💕അഭിനവി💕 ഭാഗം 6

💕അഭിനവി💕 ഭാഗം 7

💕അഭിനവി💕 ഭാഗം 8

💕അഭിനവി💕 ഭാഗം 9

💕അഭിനവി💕 ഭാഗം 10

💕അഭിനവി💕 ഭാഗം 11

💕അഭിനവി💕 ഭാഗം 12

💕അഭിനവി💕 ഭാഗം 13

💕അഭിനവി💕 ഭാഗം 14

💕അഭിനവി💕 ഭാഗം 15

💕അഭിനവി💕 ഭാഗം 16

💕അഭിനവി💕 ഭാഗം 17

💕അഭിനവി💕 ഭാഗം 18

💕അഭിനവി💕 ഭാഗം 19

💕അഭിനവി💕 ഭാഗം 20

💕അഭിനവി💕 ഭാഗം 21

💕അഭിനവി💕 ഭാഗം 22

💕അഭിനവി💕 ഭാഗം 23

💕അഭിനവി💕 ഭാഗം 24

💕അഭിനവി💕 ഭാഗം 25

💕അഭിനവി💕 ഭാഗം 26

💕അഭിനവി💕 ഭാഗം 27

💕അഭിനവി💕 ഭാഗം 28

💕അഭിനവി💕 ഭാഗം 29

💕അഭിനവി💕 ഭാഗം 30

💕അഭിനവി💕 ഭാഗം 31

💕അഭിനവി💕 ഭാഗം 32

💕അഭിനവി💕 ഭാഗം 33

💕അഭിനവി💕 ഭാഗം 34

💕അഭിനവി💕 ഭാഗം 35

💕അഭിനവി💕 ഭാഗം 36

💕അഭിനവി💕 ഭാഗം 37

💕അഭിനവി💕 ഭാഗം 38

💕അഭിനവി💕 ഭാഗം 39