💔 മൊഴിയിടറാതെ 💔 : ഭാഗം 16

എഴുത്തുകാരി: തമസാ

Thank you for reading this post, don't forget to subscribe!

“”” നിനക്ക് മടി ആണെങ്കിൽ ഞങ്ങള് പോയി നേരിട്ട് സംസാരിക്കാം കൊച്ചേ നിന്റെ കാര്യം ആ ചെക്കനോട് ……കൊച്ചു വലുതായി വരുവല്ലേ ഗീതു ……ആലോചിച്ചു നോക്കിക്കേ നീ …..ഒരു പെൺകൊച്ചിനേം കൊണ്ട് അന്തിക്കൂട്ടിനാളില്ലാതെ ജീവിക്കാൻ പറ്റും ന്ന് നിനക്ക് തോന്നുന്നുണ്ടോ …….പറയാൻ എളുപ്പവാ …..നിന്റെ ഗതി നന്ദൂട്ടിയ്ക്കും വരുത്തണോ …….ചോദിക്കട്ടെ മോളേ അവനോട് ഞങ്ങള് …..??? “””””””… പുറകിൽ നിന്ന് കേട്ട ചോദ്യത്തിനുത്തരം കൊടുക്കാൻ അവൾ തിരിഞ്ഞു …….ഉള്ളിൽ നിറയെ നന്ദൂട്ടിയുടെ മുഖമായിരുന്നു …….നിനിലിന്റെ നെഞ്ചിൽ ചാഞ്ഞു മയങ്ങാറുള്ള കുഞ്ഞാറ്റപ്പെണ്ണിന്റെ മുഖം ….

എന്റെ കുഞ്ഞിന്റെ സുരക്ഷയല്ലേ ചേച്ചീ എനിക്ക് ഏറ്റവും പ്രധാനം… …. എന്റെ ജീവിതം തന്നെ അവൾക്ക് വേണ്ടിയിട്ടാ…….. അപ്പൊ പിന്നെ അറിഞ്ഞോണ്ട് ഞാൻ എങ്ങനെയാ എന്നെ റേപ്പ് ചെയ്തൊരാളെ തന്നെ കെട്ടുന്നത്……. എനിക്ക് സമാധാനമായി ഒരു രാത്രി എങ്കിലും പിന്നെ ഉറങ്ങാൻ പറ്റുവോ…… അയാള് എന്റെ കുട്ടിയെ ഒന്ന് എടുത്താൽ….. ഉമ്മ വെച്ചാൽ…… എന്തിനാ അധികം….. അയാളുടെ മുന്നിലിരുന്ന് എന്റെ കുഞ്ഞൊന്ന് മൂത്രമൊഴിച്ചാൽ പോലും എന്റെ…….. ചിന്ത…. എന്റെ പേടി…… ഒക്കെ തുടങ്ങും…… ഇപ്പൊ നിനിൽ വന്നു മോളേ കൊണ്ട് പോവുമ്പോൾ എനിക്കൊരു സമാധാനം ഉണ്ട്….

ന്റെ കുഞ്ഞു സേഫ് ആയിരിക്കുംന്ന്…. ഇപ്പറഞ്ഞതൊന്നും എനിക്കയാളുടെ ഒപ്പം നിന്നാൽ തോന്നുവോ……. പിന്നെ അവൾ വലുതായി കഴിയുമ്പോൾ ഞാൻ എങ്ങനെ അവളെ തെറ്റും ശരിയും പറഞ്ഞു പഠിപ്പിക്കും…. !! അവളെന്നോട് ചോദിക്കില്ലേ തെറ്റും ശരിയും അറിയാവുന്ന അമ്മ എന്തിനാ അമ്മയെ പീഡിപ്പിച്ചവന്റെ കൂടെ പിന്നെയും ജീവിച്ചത്….. അതുപോലെ തന്നെയാ എനിക്കും എന്ന് എന്റെ മോളെന്നോട് പറയും…….. അവൾക്ക് നാളെ ഒരു തെറ്റ് പറ്റിയാൽ, അവൾ പറയും എന്നെ കണ്ടു വളർന്നിട്ടാണെന്ന്……. അതിലും നല്ലത് ഞാൻ അവളെ വളർത്താതിരിക്കുന്നതല്ലേ……..

ഞാൻ സമ്മതിക്കില്ല ചേച്ചി………. എന്റെ കൊച്ചിനൊരച്ഛനെ വേണം എന്ന് അവളെന്നോട് പറഞ്ഞാൽ ചിലപ്പോൾ അന്ന് ഞാൻ അത് സമ്മതിക്കുമായിരിക്കാം ….. പക്ഷേ അതൊരിക്കലും ദീപനോ കൂട്ടുകാരോ ആയിരിക്കില്ല……. അത്രയും വില ഇല്ലാത്തതല്ല എന്റെ മനസും ശരീരവും……. “”””” പ്രായത്തിൽ മൂത്തവരോട് ഇങ്ങനെ പറഞ്ഞാൽ നിഷേധി ആണെന്നും തന്റേടി ആണെന്നും ഒക്കെ പറയും……… തന്റെ ഇടം പറയാൻ, സ്ഥാപിക്കാൻ തന്റേടി ആവാൻ സന്തോഷം മാത്രേ ഉള്ളു…. ചുറ്റും നിൽക്കുന്ന ചില ആളുകളുടെ മുഖത്തെ പുച്ഛം കണ്ടില്ലെന്ന് വെച്ചു….. ജീവിതം എന്റെത് മാത്രമാണ്…… ഇവരുടെ ആരുടേയും അല്ല…….. “”””” നിന്റെ നല്ല ജീവിതത്തിന് വേണ്ടി ഞങ്ങൾ പറഞ്ഞെന്നെ ഉള്ളു കുട്ടീ…….

മുഖവും മനസും രണ്ടു രീതിയിൽ വേഷം കെട്ടിക്കൊണ്ട് അവർ പറഞ്ഞു……. “”””” എനിക്കറിയാം ചേച്ചീ….. പിന്നെ നിങ്ങൾക്ക് പറയാൻ മാത്രല്ലേ പറ്റുള്ളൂ….. ജീവിക്കുന്നത് ഞാൻ മാത്രമല്ലെ…… “””” അവർക്കൊരു പുഞ്ചിരി സമ്മാനിച്ചു കൊണ്ട് അവൾ പിന്നെയും പണി തുടർന്നു…… ഇനിയിപ്പോ ഈ കേട്ടതിന്റെ അമർഷം മുഴുവനും ഇവര് തീർക്കുന്നത് പരദൂഷണം പറഞ്ഞു നടന്നിട്ടാവും……. പറയട്ടെ……. എന്തായാലും ഇവരൊന്നും നല്ലത് പറയാൻ പോവുന്നില്ല…. പിന്നെ എന്താ……. ഉച്ചയ്ക്ക് ഉണ്ണാൻ വേണ്ടി നൈർമല്യം ബസ് പോയ സമയത്തു കേറി…. മോൾക്ക് ചെറുതായ് പണിക്കുന്നുണ്ടല്ലോ സ്വാമീ…… ഏയ്‌…. ചിലപ്പോൾ ഇത്രയും നേരം വെയിലത്തിരുന്നിട്ടാവും…… മോളെയും ഒക്കത്തു വെച്ചവൾ വീട്ടിലേക്ക് നടന്നു….അകത്തു കേറി നേരെ ചെന്നത് അമ്മയുടെ അടുത്തേക്കാണ്…. രാവിലെയും ശ്രദ്ധിച്ചു….

അമ്മയ്ക്ക് നല്ല ക്ഷീണം ഉണ്ട്…… കണ്ണൊക്കെ ഇടയ്ക്ക് മറിഞ്ഞു പോവുന്നത് പോലെ……. മോളേ തറയിലിരുത്തി അമ്മയെ നോക്കിയപ്പോൾ ആള് വിസർജിച്ചു കിടക്കുകയാണ്…… പിന്നെ അമ്മയെ വൃത്തിയാക്കി, മോളേ തറയിലിരുത്തി രണ്ടു വാതിലും കുറ്റിയിട്ടിട്ട് വേഗം മേൽ കഴുകി നൈറ്റി മാറ്റി….. അപകടം ഉണ്ടാവുന്ന അധികം സാധനങ്ങൾ ഒന്നും മോൾക്ക് എത്തില്ല…. അതാണ്‌ ഒരു വിശ്വാസം…. അപ്പോഴേക്കും സമയം പോയി…. മോളും കരച്ചിലായി…… അടുക്കളയിൽ ചെന്ന് ഒരു ബൗൾ ചോറ് ചെറുതായി ഉടച്ചിട്ട് അമ്മയ്ക്കും മോൾക്കും കൊടുത്തു….. പിന്നെ ഒട്ടുമില്ല സമയം…. പട്ടിണിക്ക് പോകാം ന്ന് വെച്ചാൽ ഇനി ചാണകം ചുമടാണ്…. മറിഞ്ഞു വീഴും വയറ്റിലൊന്നും ഇല്ലാതെ ആ പണിക്കിറങ്ങിയാൽ……

മോൾക്കും പാല് കൊടുത്തു കൊണ്ട് തന്നെ വേഗം ചോറുരുട്ടി വായിലേക്ക് വെച്ചു….പണ്ട് ഗിരിയേട്ടന്റെ കൂടെ ചന്തയിൽ പോകുമ്പോൾ, വർഷങ്ങൾക്ക് മുൻപാണ്, അന്ന് രണ്ടുപേരും കുട്ടികളാ….. അന്ന് കണ്ടിട്ടുണ്ട് ചന്തയ്‌ക്ക് പുറകിലെ കൺസ്ട്രക്ഷൻ വർക്ക്‌ നിന്ന് പോയ കടമുറിയുടെ നാല് തൂണുകൾക്കുള്ളിൽ തുറന്നായിരുന്നു പാല് കൊടുക്കുന്ന അന്യസംസ്ഥാനക്കാരായ സ്ത്രീകളെ…… ഇന്ന് ഭായിമാരെന്നു പറയുന്നപോലെ കയ്യിൽ നിറയെ വേറെ വേറെ നിറത്തിൽ വളയിട്ടു നടക്കുന്ന അവരെ എല്ലാവരെയും പാണ്ടിക്കാർ എന്നാണ് വിളിക്കുന്നത്…. പറയുന്ന ഭാഷപോലും നോക്കില്ല….

അല്ലാതെ തന്നെ അവരെ പാണ്ടി ആക്കും….. വെള്ളപ്പൊക്കം എന്ന് പറഞ്ഞു നാടായ നാട് മൊത്തം അലഞ്ഞിട്ട് കിട്ടിയ തുണികൾ അവർ അവിടെ ഇരുന്നാവും മടക്കുക……. കുറേ എണ്ണക്കറുപ്പുള്ള കുട്ടികൾ…. കയ്യിൽ….. തൊട്ടിയിൽ….. മുട്ടിലിഴഞ്ഞ്…. നടന്ന്….. അങ്ങനെ ഓരോ പ്രായക്കാരും കാണും….. അതിനിടയിൽ കണ്ട ചില സ്ത്രീരൂപങ്ങൾ ഇന്നും മനസിലുണ്ട്….. മടിയിൽ കിടക്കുന്ന കുഞ്ഞിന്റെ വായിലേക്ക് മുലകണ്ണു തിരുകി വെച്ചിട്ട് സ്വന്തം പണികളിൽ ഏർപ്പെടുന്നവർ….. അമ്മ ചെയ്യുന്നതിനെ ശല്യം ചെയ്യാൻ കുഞ്ഞോ, കുഞ്ഞിനെ മാറ്റാൻ അമ്മയോ ശ്രമിക്കാറില്ല….. അതുപോലെ ആണ് തന്റെ അവസ്ഥയും….. സംതൃപ്തിയോടെ ഒന്ന് പാലൂട്ടാൻ പോലും നേരമില്ല…….

ഓരോന്ന് ഓർത്താൽ കരയാൻ മാത്രേ തോന്നുള്ളു… അതുകൊണ്ട് പിന്നെ ചോറ് വേഗത്തിൽ വിഴുങ്ങി എന്ന് വേണം പറയാൻ…. അടുക്കളയിലെ രാവിലെ കൂമ്പാരം കൂട്ടിയിട്ട പാത്രങ്ങൾക്ക് മേലേക്ക് അതും ഇട്ടിട്ട് വേഗം പാടത്തേക്ക് മോളെയും എടുത്തുകൊണ്ടോടി…… അവിടെ എത്തിയപ്പോൾ പാടത്തു കാണാനില്ല ആരെയും… മോട്ടോർ പുരയുടെ അടുത്തേക്ക് നടന്നു ചെന്നപ്പോഴാണ് ജലജച്ചേച്ചിയുടെ ശബ്ദം കേട്ടത്….. “””” ഞങ്ങള് പറയാനുള്ളത് പറഞ്ഞുന്നെ ഉള്ളു കുര്യാച്ചാ….. ഇങ്ങനെ പോയാൽ താമസിക്കാതെ ഇവിടത്തെ ഒരു ഓഹരി നന്ദുമോൾക്ക് പോകും…. നിനിൽ നന്ദൂന്നു വെച്ചാൽ ചാവും…. ഇതൊക്കെ എവിടെ ചെന്നാ അവസാനിക്കുക…… പെണ്ണും ചെറുക്കനും ഒരേ പ്രായക്കാരാ….

അവനാണെങ്കില് ഗീതൂനോട്‌ ഒരു സിമ്പതി എപ്പോഴും ഉണ്ട്…. സൂക്ഷിച്ചോ…. അവസാനം ചെറുക്കൻ അവളേം കൊണ്ട് വരുമ്പോഴേ കുര്യാച്ചൻ അറിയൂ……അതും കൂടി ഓർത്തിട്ടാ ഇന്ന് ഞങ്ങള് അവളോട് മറ്റേ ചെറുക്കനെ കെട്ടുന്ന കാര്യം ചോദിച്ചത് . “”””” ചെവി അടഞ്ഞു പോകുന്നത് പോലെ തോന്നി ഗീതുവിന്‌ …….ഇത്രയും നാളും കൂടെ നിന്ന ചേച്ചിയിൽ നിന്ന് ഇങ്ങനെ ……..ഒന്ന് നാവ് ചലിപ്പിക്കാനാവാതെ അമ്മ കിടപ്പ് തുടങ്ങിയ കാലം തൊട്ട് ചെറുതായിട്ടെങ്കിലും ആ സ്ഥാനത്തല്ലേ താൻ അവരെ കണ്ടത് ….എന്നിട്ട് ……ഇത്രയും നേരം മിണ്ടാതിരുന്നിട്ട് ….ഒടുവിൽ ശകുനിയെ പോലെ ………..വിശ്വസിക്കാൻ കൂടി പറ്റുന്നില്ല ….അടുത്ത് ചെന്നപ്പോൾ ജലജ ചേച്ചിക്ക് എന്തോ ഒരു വെപ്രാളം പോലെ …..

ചിരിച്ചു …….അത്ര തന്നെ …..എനിക്കൊന്നും പറയുവാൻ ഇല്ല ….ചോദിക്കാനും ……ജീവിതം കൊണ്ട് കാട്ടിക്കൊടുക്കാൻ മാത്രമേ ഉള്ളു ……..മോളേ വീണ്ടും ആ നിലത്തേക്കിരുത്തി പണിക്കിറങ്ങി …… വക്കീലിന്റെ മുന്നിൽ ഇരിക്കുകയായിരുന്നു ആ നേരത്ത് ശേഷാദ്രി പൈ …… “””” ഞാൻ മുംബൈ ലെ പിള്ളേരോട് അന്വേഷിച്ചു വക്കീലേ …..അവര് പറഞ്ഞത് ഇവിടെ അവൻ മേടിച്ചിട്ടുള്ള സ്ഥലത്തിന്റെ എന്തോ ആവശ്യത്തിനാ അവനിങ്ങോട്ട് വന്നതെന്നാ …..ഇവിടെ എത്തിയതിനു ശേഷം അങ്ങോട്ട് വിളിച്ചിട്ടുമില്ല ദീപൻ ….അതുകൊണ്ട് പിന്നത്തെ കാര്യമൊന്നും അവർക്കറിയില്ല ….”””” കാറിൽ ചാരി നിന്ന അയാളുടെ അടുത്ത് വന്നു നിന്നു , വക്കീൽ …. “””” ശേഷാ …..എനിക്ക് നല്ല സംശയം ഉണ്ട് ..,അവനാ സ്ഥലവും വീടും അവന്റെ പേരിലേക്ക് മാത്രം മാറ്റാൻ ആണോ വന്നതെന്ന് ……

പുരികം വളച്ചു പിടിച്ചു കൈ തിരുമ്മി കൊണ്ട് അയാൾ പറഞ്ഞു … “””” ഏത് ….എനിക്ക് മനസിലായില്ല …..”””” “”””” ഗീതു ……ആ ഗിരിയുടെ പെങ്ങൾ ഇല്ലേ …..അന്നത്തെ കേസിലെ ……അവളും കുഞ്ഞും …….ഞാൻ ചെറിയ രീതിയിൽ ഒന്ന് അന്വേഷിച്ചു …..അവൻ അവളുടെ വീട്ടിൽ ഇടയ്ക്ക് പോകുന്നുമുണ്ട് …ഇനി അവിടെ സ്ഥിരം ആക്കാനാണോ പ്ലാൻ എന്ന് എനിക്കൊരു സംശയം ഉണ്ട് ….ഒന്നുകൂടി വിശദമായി അന്വേഷിക്കട്ടെ ….””” അത് ശേഷാദ്രിയ്ക്ക് ഒരു ഞെട്ടൽ തന്നെ ആയിരുന്നു …..ദീപൻ ……എന്ത് സാഹസം കാട്ടാനും മടിയില്ലാത്തവന് , ആരോടും ഇതുവരെ സഹതാപം ഇല്ലെന്ന് താൻ വിധിയെഴുതിയവന്റെ മനസ്സിൽ ഇങ്ങനെ ഒരു വിചാരം ഉണ്ടോ …… പിന്നെ വൈകിച്ചില്ല ….മുംബൈയിലെക്ക് അയാളുടെ സെല്ലിൽ നിന്നും കോൾ പോയി …..

ഹാ …..ഞാൻ അത്യാവശ്യമായി ഒരു കാര്യം ചോദിക്കാനാ വിളിച്ചത് …..ദീപൻ , അവന് ആ ഗിരിയുടെ പെങ്ങളായിട്ട് എന്തെങ്കിലും ബന്ധമുണ്ടോ ……സത്യം സത്യമായി പറഞ്ഞോ ……”””” നിമിഷങ്ങൾ നീണ്ടു നിന്ന സംസാരം “”” ഞാൻ വിളിച്ചാൽ ഉടൻ നിങ്ങൾ നാട്ടിലേക്ക് വരേണ്ടി വരും …..തയ്യാറായി ഇരുന്നോ …..പിന്നെ ഇത്രയും നാൾ ഒരു പാത്രത്തിൽ നിന്ന് തിന്നതിന്റെ സ്നേഹം മുംബൈയിൽ കളഞ്ഞിട്ട് വേണം ഇങ്ങോട്ട് വരാൻ …..” എന്ന് പറഞ്ഞുകൊണ്ട് ശേഷാദ്രി കട്ട്‌ ചെയ്തു …… “”””എന്തായി ശേഷാ കാര്യങ്ങൾ ……..അവരെന്താ പറഞ്ഞത് …..”””” ദേവസി വക്കീൽ തിരക്ക് പിടിച്ചു ചോദിച്ചു ….. “”” അവൻ നമ്മുടെ കൈ വിട്ടു പോയി എന്ന് തോന്നുന്നു വക്കീലേ …….

അവന്മാര് പറയുന്നത് അവിടെ വെച്ചു തന്നെ അവളെ കുറിച്ച് മോശമായി പറഞ്ഞാൽ അവനൊരു ഇടംതിരിവ്‌ ആയിരുന്നു എന്നാ ……അതൊക്കെ വെച്ചു കണക്ക് കൂട്ടിയാൽ ……അവനെ …..ആ ദീപനെ നമുക്ക് മറക്കേണ്ടി വരും …….”””” മനസ്സിൽ ഇത് ഇങ്ങനെ ഒക്കെയേ സംഭവിക്കുള്ളു എന്ന് അറിയാമായിരുന്നെങ്കിലും ഉള്ളുകൊണ്ട് ഞെട്ടിപ്പോയി വക്കീൽ ……ഇത്രപെട്ടെന്ന് ഇങ്ങനെ ഒരു തീരുമാനം ……. “””” ശേഷാ ….ഇത്രയും വർഷവും നിന്റെ കൂടെ എല്ലാ കൊള്ളരുതായ്മയ്ക്കും കൂട്ട് നിന്നവനാണ് ദീപൻ ……അവനെയാ നീ ……ഒന്ന് ആലോചിച്ചിട്ട് പോരെ …….””” വക്കീലിന്റെ ശബ്ദം ആദ്യമായി വിറച്ചു ……. “”””

അതെ …….പക്ഷേ ആലോചിക്കാൻ ഒന്നുമില്ല …..അന്വേഷിക്കാൻ മാത്രമേ ഉള്ളു ……അവന്റെ ഉദ്ദേശം പ്രായശ്ചിത്തം ചെയ്യുക എന്നാണെങ്കിൽ പിന്നെ കൊല്ലുക മാത്രമേ വഴിയുള്ളു നമുക്ക് ……സത്യം അറിഞ്ഞിട്ടേ ഉള്ളു എന്തായാലും …….വീടിനു മുകളിലേക്ക് ചാഞ്ഞു കിടന്നാൽ പൊന്ന് കായ്ക്കുന്ന മരമാണേലും വെട്ടണം എന്നല്ലേ ………അടിവേര് ചേർത്ത് വെട്ടും ശേഷാദ്രി ……..”””” വക്കീലിനെ നോക്കി വക്രിച്ചു ചിരിച്ചു ,ശേഷാദ്രി എന്ന ചെന്നായ ……….

തുടരും ……… © തമസാ ലക്ഷ്മി ….

💔 മൊഴിയിടറാതെ 💔 : ഭാഗം 1

💔 മൊഴിയിടറാതെ 💔 : ഭാഗം 2

💔 മൊഴിയിടറാതെ 💔 : ഭാഗം 3

💔 മൊഴിയിടറാതെ 💔 : ഭാഗം 4

💔 മൊഴിയിടറാതെ 💔 : ഭാഗം 5

💔 മൊഴിയിടറാതെ 💔 : ഭാഗം 6

💔 മൊഴിയിടറാതെ 💔 : ഭാഗം 7

💔 മൊഴിയിടറാതെ 💔 : ഭാഗം 8

💔 മൊഴിയിടറാതെ 💔 : ഭാഗം 9

💔 മൊഴിയിടറാതെ 💔 : ഭാഗം 10

💔 മൊഴിയിടറാതെ 💔 : ഭാഗം 11

💔 മൊഴിയിടറാതെ 💔 : ഭാഗം 12

💔 മൊഴിയിടറാതെ 💔 : ഭാഗം 13

💔 മൊഴിയിടറാതെ 💔 : ഭാഗം 14

💔 മൊഴിയിടറാതെ 💔 : ഭാഗം 15