💔 മൊഴിയിടറാതെ 💔 : ഭാഗം 15

എഴുത്തുകാരി: തമസാ

Thank you for reading this post, don't forget to subscribe!

മൊഴിയിടാറാതെ…. ഒരു ഇടവേളയ്ക്കു ശേഷം വീണ്ടും വരുന്നു…എല്ലാവരും ഗീതുവിനെയും ദീപനെയും ഓർമിക്കുന്നുവെന്ന് കരുതുന്നു…. മറന്നു പോയവർക്കായി ഒരു കുഞ്ഞ് ഓർമ്മ പെടുത്തൽ… ○ഗീതു ഒരു കൂട്ട മാനഭംഗത്തിന് ഇരയായ യുവതിയാണ്…. തളർന്നുകിടക്കുന്ന അമ്മയും , ഒരു വയസായ കുഞ്ഞു മായി ജീവിതം മുന്നോട്ടു കൊണ്ട് പോകുന്നതിനിടയിൽ.. പത്തൊമ്പത് വയസ്സിനിടയിൽ അവൾ അനുഭവിച്ച എല്ലാ വേദനയുടെയും ദുഃഖത്തിന്റെയും കാരണകാരിൽ ഒരുവനായ ദീപൻ അവളെ തേടി വരുന്നു… അവന്റെ ആവശ്യം അവളെ അടിമുടി തകർത്തു കളയുന്ന ഒന്നായിരുന്നു… അവളുടെ കുഞ്ഞിനെ ആണ് അവന് ആവശ്യം… അതിന്റെ പിതൃത്വം…. സമൂഹത്തിലെ ഉന്നതൻ മാരുടെ കുടിപകയിൽ നശിച്ചു പോയ ജീവിതം ആയിരുന്നു അവളുടെതെങ്കിൽ…

ആ നാശത്തിന്റെ കാരണമായവൻ മുന്നിൽ വന്നു നിൽക്കുമ്പോൾ പലപ്പോഴും നിസ്സഹായയായി പോകുന്നു അവൾ… ശാരീരിക ബലം കൊണ്ട് അവളെ തോൽപ്പിക്കാൻ ദീപന് സാധിക്കും… എന്നാൽ അവളുടെ മനോ ബലത്തിന് മുൻപിൽ അവൻ തോറ്റു പോകുകയാണ് പലപ്പോഴും… മകൾ അവന്റെതാണ് എന്ന്‌ തെളിയിക്കാൻ dna ടെസ്റ്റിന് വേണ്ടി സാമ്പിൾ എടുക്കാൻ ഒരു രാത്രി വീട് അതിക്രമിച്ചു കയറി ഗീതുവിനെ കെട്ടിയിട്ടു കുഞ്ഞിന്റെ സാമ്പിൾ എടുക്കുന്നു ദീപൻ…. അവിടെയും ദീപന്റെ plan പൊളിഞ്ഞു പോകുന്നു… അവന് കുഞ്ഞിന്റെ ഒപ്പം അവളുടെ അമ്മയെ കൂടി വേണം എന്ന ചിന്തയിലാണ്… ഗീതുവിനെ ആരെങ്കിലും സ്നേഹിക്കു വോ .. അല്ലെങ്കിൽ അവൾ ആരെയെങ്കിലും സ്നേഹിക്കുവോ ചെയ്യതാൽ അവരെ കൊല്ലാനും മടിക്കാത്ത മാനസികാവസ്ഥയിലാണ് ദീപൻ ഉള്ളത്…. കഥ തുടർന്നു വായിക്കാം….

ചന്ത വലംവെച്ച് പോകുന്നതിനിടയിലാണ്, നിനിലിനെ പോലെ ഒരാളെ ദീപൻ കണ്ടത്……ബൈക്കിൽ ഇരുന്നു കൊണ്ട് തന്നെ ഒന്നുകൂടി നോക്കി… അതേ….. അവൻ തന്നെ….. എന്റെ കുഞ്ഞിനെ തട്ടിയെടുക്കാൻ വന്നവൻ….. അവന്റെ ദേഷ്യം താടയെല്ലുകളെ ഞെരുക്കി…….കാലിലെ മരവിപ്പിനെ ഉള്ളിലെ കോപം കൊണ്ട് ചൂടാക്കി, ദീപൻ നിനിലിന്റെ അടുത്തേക്ക് മുടന്തി നടന്നു….. രാവിലെ സൊസൈറ്റിയിൽ എരുമപ്പാൽ കൊടുക്കാൻ വന്നതായിരുന്നു നിനിൽ…. രാവിലെ കുര്യാച്ചന്റെ കൂടെ ചേർന്ന് കുറച്ചു പണികൾ ഒക്കെ ചെയ്യാൻ കൂടിയിട്ടണ് കോളേജിൽ പോവാറ്…….. തോളിൽ പതിച്ച കൈ നോക്കി പിന്തിരിഞ്ഞ നിനിൽ കണ്ടത്, തന്നെ അറപ്പോടെന്ന പോലെ നോക്കുന്ന ദീപനെ ആണ്…. “”””ഹാ…. താനാരുന്നോ…… എന്താ ദീപാ ഈ നേരത്ത്……

എന്ത്യേ…… “”” പാൽ സൊസൈറ്റിയിൽ നിൽക്കുന്ന സ്ത്രീ പാലിന്റെ അളവെടുക്കുന്നതും നോക്കിക്കൊണ്ട് ദീപനിൽ നിന്നും നിനിൽ പിന്തിരിഞ്ഞു. …. “””എന്താ നിന്റെ തീരുമാനം….. അവളേം കൊച്ചിനേം അങ്ങ് കൂടെ കൂട്ടാം ന്ന് ആണോ……. അതറിയാനാ നിന്നെ കണ്ടപ്പോ ഞാൻ വണ്ടി നിർത്തി വന്നത് “””” തന്നെ കണ്ടിട്ട് മാത്രമാണ് ദീപൻ വന്നതെന്ന് അവൻ വിചാരിച്ചില്ലായിരുന്നു…. “””അതൊക്കെ നമുക്ക് പിന്നെ സംസാരിക്കാം ദീപാ…. ഇയാള് ചെല്ല്…… ഇതൊക്കെ സംസാരിക്കാൻ പറ്റിയ ഇടം ഇതല്ല…. “”” അവനെ പറഞ്ഞു വിടാൻ സൗമ്യമായി ശ്രമിച്ചു നോക്കി നിനിൽ….. “””ഇനി നിന്നോട് മിണ്ടാൻ നീ വിളിക്കുന്നിടത്ത് വരണായിരിക്കും ഞാൻ…..”””” പല്ല് ഞെരിച്ചു കൊണ്ട് ദീപൻ, നിനിലിന്റെ ഷർട്ടിൽ പിടിച്ചു വലിച്ചു കൊണ്ട് അവന് അഭിമുഖമായി നിർത്തി…. “

“” എന്നോട് മിണ്ടണമെങ്കിൽ ഞാൻ വിളിക്കുന്നിടത്തു വരേണ്ടി വരും…… സൗകര്യം ഉണ്ടേൽ വന്നാൽ മതിയല്ലോ…. ഞാൻ ആയിട്ട് പറഞ്ഞോ തന്നോടിങ്ങോട്ട് വന്നു മിണ്ടാൻ….. പോടോ…. രാവിലെ തന്നെ ഓരോന്ന് വലിച്ചു കേറ്റിയിട്ട് ഇറങ്യേക്കുവാ മനുഷ്യനെ ഉപദ്രവിക്കാൻ…… “””” കൈലി മുണ്ട് മടക്കി ഉടുത്തു കൊണ്ട് ആ സ്ത്രീയ്ക്ക് നേരെ പോവാനായി തിരിഞ്ഞു കൈ നീട്ടി….. “”””ചേച്ചീ…. കഴിഞ്ഞെങ്കിൽ ആ പാൽപാത്രം ഇങ്ങോട്ട് താ….എവിടേലും എഴുതി വെച്ചേരെ…. നാല് ലിറ്ററില്ലെരുന്നോ പാല്…. രാവിലെ ഇറങ്ങീപ്പോ കണക്കെഴുതുന്ന ചീട്ടെടുക്കാൻ മറന്നു…. ഇനീപ്പോ വൈകിട്ട് ഇതൂടി എഴുതി ചേർക്കാം… “”” മേശപ്പുറത്തേക്ക് വെച്ച പാല്പാത്രം വലിച്ചെടുക്കുന്നതിനിടയിലാണ് ദീപന്റെ ഒച്ച ഉയർന്നത്….. ‘”””ആണുങ്ങൾ വിളിച്ചാൽ മാത്രേ അവന് സൗകര്യപ്പെടാത്തതുള്ളൂ. …. പെണ്ണുങ്ങള് വിളിച്ചാൽ നീ ഓടിച്ചെല്ലൂലോ പറയുന്നിടത്തേക്ക്. ……. “””

ഉടക്കാൻ തീരുമാനിച്ചു തന്നെ ഉള്ള വരവാണെന്ന് മനസിലായത് കൊണ്ട് മറുപടി കൊടുക്കാതെ നിനിൽ സ്റ്റെപ്പിറങ്ങി ബൈക്കിനടുത്തേക്ക് നടക്കാനൊരുങ്ങി…… “”” ആ കട്ടിൽ കണ്ടിട്ട് നീ പനിക്കേണ്ടട്ടോ…… അവളെ, ആ ഗീതൂനെ കണ്ടിട്ടേ….. വേണ്ടടാ ചെറുക്കാ…… പെട്ടീല് കുരിശും പിടിച്ചു കെടത്തിക്കും നിന്നെ ദീപൻ എന്റെ കൊച്ചിന്റെ തള്ളേനെ മോഹിച്ചാൽ “”” ഗീതുവിന്റെ പേര് കേട്ടതോട് കൂടി ആളുകൾ ഓരോ കടയിൽ നിന്നും എത്തി നോക്കി……. രാവിലെ കൈ നീട്ടം കിട്ടിയിട്ട് കടം കൊടുക്കാൻ കാത്തിരുന്ന കടക്കാരന്മാര് വരെ അണിനിരന്നു…… “”” ദീപാ….. തനിക്ക് ഉളുപ്പുണ്ടോ…… ഹേ….. അറിയാൻ വയ്യാത്തത് കൊണ്ടാ ചോദിക്കുന്നത്…….

നിർബന്ധം ആണേൽ നമ്മൾ മാത്രം സംസാരിക്കേണ്ടൊരു കാര്യമാ ഇതിപ്പോ വിളിച്ചു കൂട്ടി നാട്ടുകാരെ മുഴുവൻ അറിയിക്കുന്നത്….., ” കൈകൊണ്ടു പുറകിൽ നിന്നൊരു ഉന്തു കിട്ടിയതോടെ ബൈക്കിനു മുകളിലേക്ക് നിനിൽ വീണു….. കൈ വിട്ടു പാത്രം നിലത്തു കിടന്നു…. പ്രശ്നം വഷളാക്കാതെ പോകാൻ തുടങ്ങിയ നിനിലിനെ പിന്നെയും വട്ടം തടഞ്ഞു നിർത്തി ദീപൻ…..അതൊരു തുടക്കമായിരുന്നു…… ക്ഷമ കെട്ടിട്ടൊടുവിൽ നിനിലും തിരിച്ചു തല്ലി….. ടാറിൽ ഉരഞ്ഞു പരിക്കുകൾ പറ്റിയിട്ടും രണ്ടുകൂട്ടരും പിന്തിരിഞ്ഞില്ല…… നാവ് കൊണ്ട് പ്രോത്സാഹിപ്പിച്ചില്ലെങ്കിലും ചുറ്റും കൂടിയവരുടെ കണ്ണുകൾ ആ കർമം മനോഹരമായി തന്നെ ചെയ്തു……. ബൈക്കിൽ നിന്ന് വീണു മുറിഞ്ഞിട്ട് പൊതിഞ്ഞു വെച്ചിരുന്ന ദീപന്റെ കാലിലെ മുറിവിൽ കൂടി ചോര നിനിലിന്റെ ദേഹത്തേയ്ക്കും ആയി …..

മുടന്തൻ കാൽ വെച്ച് നിനിലിനെ പിന്നെയും ആക്രമിക്കാൻ ഒരുങ്ങുമ്പോൾ ദീപന്റെ മനസ്സിൽ മറ്റൊന്നും ഉണ്ടായിരുന്നില്ല ……ഭയം ……ഗീതു നിനിലിനെ പ്രണയിക്കുന്നുണ്ടോ എന്ന ഭയം ….പ്രണയിച്ചു പോകുമോ എന്ന ഭയം ……കണ്ട് നിൽക്കാൻ പറ്റില്ല അങ്ങനെ ഒരു നിമിഷം …..എന്റെയാ …..എന്റെ മാത്രം …….മറ്റൊന്നായാൽ നമ്മളൊരുമിച്ചു പോവും ……തനിച്ചാക്കാൻ പറ്റില്ലെനിക്ക് നിങ്ങളെ …..മറ്റൊരാൾക്കും കൊടുക്കാനും വയ്യ ….. ക്ഷീണം കൊണ്ട് അതിക്രമിച്ചിരിക്കുന്ന ദീപനെ വീഴ്ത്താൻ കുറച്ചു പണിപ്പെട്ടെങ്കിലും നിനിലിനു സാധ്യമായിരുന്നു …… ടാറിട്ട റോഡിലേക്ക് മലർന്ന് കിടന്നു കൊണ്ട് ദീപൻ കിതച്ചുകൊണ്ടിരുന്നു ….കാലിലെ വേദന ശരീരം മുഴുവൻ വ്യാപിക്കുന്നപോലെ …..ഇനി മനസിന്റെ ആണോ ……തല്ലി തോറ്റപ്പോൾ , ഗീതുവിനെ കൈ വിട്ടു കൊടുത്ത പോലെ …….തോറ്റു പോയവന്റെ അല്ല പെണ്ണ് …..അങ്ങനെ ആണ് ഇതുവരെ പഠിച്ചത് …….പക്ഷേ …….തോറ്റു കഴിഞ്ഞപ്പോൾ തോന്നുന്നു അങ്ങനെ ചിന്തിക്കരുതെന്ന് ……..എന്റെ ……എന്റെ മാത്രം ……… ദീപന്റെ ചെന്നിയിൽ കൂടി കണ്ണുനീർ ഒലിച്ചിറങ്ങി ……

ചൂട് പിടിച്ചു തുടങ്ങിയ ടാറിലേക്ക് അതും അലിഞ്ഞു ….. “”””ബാ എഴുന്നേക്ക് ……””” ദീപന്റെ കാലിലേക്ക് നോക്കി നിന്ന് കൊണ്ട് അവന് നേരെ നിനിൽ കൈ നീട്ടി ……മടിച്ചു കിടന്ന അവനെ നിനിൽ തന്നെ പിടിച്ചുയർത്തി എണീപ്പിച്ചു സ്റ്റെപ്പിലേക്കിരുത്തി …….അഴിഞ്ഞു കിടന്ന മുണ്ടിന്റെ അടി ഭാഗം മുഴുവൻ ചോരയാൽ ചുവന്നിരുന്നു ……..കൈലി മുണ്ടിന്റെ ചോട് കീറിയിട്ട് , ദീപന്റെ മുറിവിലെ ഊർന്ന കെട്ട് അഴിച്ചെടുത്തിട്ട് സൊസൈറ്റിയിൽ നിന്ന് ഒരു ബക്കറ്റിൽ വെള്ളമെടുത്തു വെച്ച് ആ മുറിവ് നന്നായി കഴുകി കെട്ടി കൊടുത്തു നിനിൽ ……..നീറ്റൽ ഏറിയിട്ടും അതിൽ വേദന ഉള്ളതായി തോന്നിയില്ല ദീപന് ….. അടി ഒതുങ്ങിയതും സമാധാന ചർച്ചകളിലേക്ക് കടന്നു എന്ന തോന്നലും ഓരോ ആൾക്കാരെയും പിന്തിരിഞ്ഞു പോവാൻ പ്രേരിപ്പിച്ചു ………..

അതോടെ അവർ ഒറ്റയ്ക്കായി ……….മുറിവ് വരിഞ്ഞു കെട്ടി കൊടുത്തിട്ട് ഹോസ്പിറ്റലിൽ പോവാൻ പറഞ്ഞിട്ടെഴുന്നേറ്റ നിനിലിന്റെ കയ്യിൽ ദീപൻ മുറുകി പിടിച്ചു ……എന്താണെന്ന് ഭാവിച്ചു തിരിഞ്ഞു അവൻ …… “””” എന്റെ കുഞ്ഞിനേം ഗീതൂനേം ആഗ്രഹിക്കല്ല് നിനിൽ …..ജീവിക്കാൻ സമ്മതിക്കില്ല ഞാൻ …..”””” ചോര പുരണ്ട ചുണ്ടുകളോടെ അവൻ പറയുന്നത് കേട്ട് നിനിലിന്റെ മുഖത്തു ചിരി ഒന്ന് ചെറുതായി നാമ്പിട്ടു ……. “””””””പെണ്ണിന്റെ മനസ്സറിയാതെ അവളെ മോഹിക്കരുത് ദീപൻ ……അവളെ മനസിലാക്കാൻ ശ്രമിച്ചു നോക്ക് നീ ……നിന്നെ അവൾ തിരസ്ക്കരിക്കുന്നതിന്റെ കാരണം അവളെ മനസിലാക്കാൻ തുടങ്ങിയാൽ നിനക്ക് മനസിലാകും ……അവിടെ ഞാനോ നീയോ ആരുമില്ല ദീപാ ……പ്രണയത്തിന്റെ മുന്നിൽ അടിയറവ് പറയുന്ന കൗമാരക്കാരിയുടെ മനസ് അല്ലടോ അവൾക്ക് ……

പക്വത വന്നൊരു സ്ത്രീ മനസാണ് …….ആലോചിച്ചു മാത്രമേ അവൾ ഉത്തരം കണ്ടുപിടിക്കൂ …..”””” മടിച്ചു നിന്ന ദീപനെ നിര്ബന്ധിച്ചാശുപത്രിയിൽ കൊണ്ട് പോയി മുറിവ് വീണ്ടും ഡ്രസ്സ്‌ ചെയ്യിച്ചിട്ടാണ് നിനിൽ വിട്ടത് …… “””ഇപ്പോൾ ഞാൻ തന്നോട് കാട്ടിയ സ്നേഹം ഇല്ലേ ….അത് മാത്രമാണ് എനിക്ക് അവളോടും ഉള്ളത് ……ഇഷ്ടമായിരുന്നു …..ഒരുപാട് ….കൂടെ കൂട്ടണം എന്നും നന്ദൂട്ടിയെ പോലെ ഒരു കൈക്കുഞ്ഞുമായി അവളെന്റെ ഒപ്പം നിൽക്കുന്നതും എങ്ങനെയാ കുഞ്ഞുണ്ടാകുന്നെ എന്ന് പോലും അറിവില്ലാത്ത പ്രായത്തിൽ ഞാൻ മോഹിച്ചിരുന്നു ……ഒത്തിരിയേറെ ………പക്ഷേ ……….അന്ന് നിങ്ങൾ തകർത്തത് എന്റെ കൂടി സ്വപ്നമാണ് ……..എന്നിട്ടും ഞാൻ മോഹിച്ചു അവളെ …നിനിലിന്റെ പാതി ആക്കണം ന്ന് …….ഒടുവിൽ …….ആ മനസ്സിൽ മറ്റൊന്നും ഇനി ഉണ്ടാവില്ല എന്ന് മനസിലായപ്പോൾ ശല്യം ചെയ്യാതെ മാറി നിന്നു ……എന്റെ പ്രണയം ആർക്കും വേദന ആവരുത് …..അങ്ങനെ ആയാൽ അതിനു വിലയില്ലല്ലോ …..””” ദീപനെ വീട്ടിലാക്കി , അവന്റെ തോളിൽ തട്ടി പറഞ്ഞിട്ട് നിനിൽ മടങ്ങി …..

💔 മോളെയും സൈഡിലിരുത്തി പന്തലിനടിയിൽ ഓരോ പണികൾ ചെയ്യുന്നതിനിടയിലാണ് ജലജ ചേച്ചി ദീപൻ രാവിലെ വീട്ടിൽ വന്ന കാര്യം എടുത്തിട്ടത് ….കുര്യാച്ചനും ഉണ്ടായിരുന്നു …….മനഃപൂർവം കാത് കൊടുക്കാഞ്ഞിട്ടും വലിച്ചിടുകയാണ് തന്നെ അതിലേക്ക് ……. “”” ആ ചെക്കന് കൊച്ചിനെ ഇഷ്ടാണെങ്കി ,അതിന്റെ തള്ളേനേം ഇഷ്ടാരിക്കൂലോ …..ഇന്നത്തെ കാലത്ത് ഏതേലും പയ്യന്മാര് ചിന്തിക്കുന്നതാണോ ഇങ്ങനൊക്കെ …..കൊറേ പേര് കൂടി പങ്കിട്ടതിന്റെ ആരും എടുക്കൂല കൊച്ചേ …..കാലണയുടെ വെല ഒണ്ടാവൂല ….ഇതീപ്പൊ ആ ചെക്കൻ ഇങ്ങോട്ട് വന്ന സ്ഥിതിക്ക് നീയവനെ കെട്ട് കൊച്ചേ ……അവനും കൂടി ഒണ്ടാരുന്നോണ്ട് കൊച്ച് അവന്റെ അല്ലാന്ന് ഉറപ്പിച്ചു പറയാൻ പറ്റുവോ …….””” ഗീതുവിന്റെ ഹൃദയം കരിനീലിച്ചു ……..ശ്വാസം പലവട്ടം ആഞ്ഞു വലിച്ചു ………….

പ്രായമായവരാ …..പക്ഷേ ഇവരും വിലയിടുവാണോ എന്റെ ശരീരത്തിന് ……..തിരിഞ്ഞു കുഞ്ഞിനെ നോക്കി ……വാടി തളർന്നു കിടക്കുവാണ്‌ ഷീറ്റിൽ …….. “”” ആന്നേ …..ഇഷ്ടല്ലേൽ പിന്നെ ആ കൊച്ചൻ വരുവോ നന്ദുവിന്‌ പണി പിടിച്ചപ്പോഴേക്കും കാണാനായിട്ട് ……ആളിത്തിരി നെറം കൊറവാണേലും നല്ല സ്വഭാവമാ ……അല്ലേൽ ഇങ്ങനെ ഒക്കെ വരുവോ …..ഇല്ലേ ജലജേ ?…”””” ജലജ ചേച്ചി ഒപ്പം പ്രത്യക്ഷത്തിൽ കൂടിയിട്ടില്ലെങ്കിലും വള്ളി പുള്ളി തെറ്റാതെ എല്ലാം പറഞ്ഞു കൊടുത്തിട്ടുണ്ടെന്ന് മനസിലായി …… ന്റെ അയ്യപ്പ സ്വാമീ …….ഓരോ പച്ചക്കറി തോട്ടങ്ങളും കിണറ്റു വാക്കും ചാടി ഈ വാർത്ത നാട് വ്യാപിക്കൂലോ ഭഗവാനെ ……….. അവളുടെ ആത്മാവ് വെന്തു ….പീഡിപ്പച്ചവനെ നല്ലവനായി വാഴ്ത്തുന്നവരുടെ ഇടയിൽ പിന്നെയും മുറിവേറ്റു പീഡിതയാകുവാൻ വിധിക്കപ്പെട്ടവളാണല്ലോ ഓരോ “ഇര “യും …….. “”

” നിനക്ക് മടി ആണെങ്കിൽ ഞങ്ങള് പോയി നേരിട്ട് സംസാരിക്കാം കൊച്ചേ നിന്റെ കാര്യം ആ ചെക്കനോട് ……കൊച്ചു വലുതായി വരുവല്ലേ ഗീതു ……ആലോചിച്ചു നോക്കിക്കേ നീ …..ഒരു പെൺകൊച്ചിനേം കൊണ്ട് അന്തിക്കൂട്ടിനാളില്ലാതെ ജീവിക്കാൻ പറ്റും ന്ന് നിനക്ക് തോന്നുന്നുണ്ടോ …….പറയാൻ എളുപ്പവാ …..നിന്റെ ഗതി നന്ദൂട്ടിയ്ക്കും വരുത്തണോ …….ചോദിക്കട്ടെ മോളേ അവനോട് ഞങ്ങള് …..??? “””””””… പുറകിൽ നിന്ന് കേട്ട ചോദ്യത്തിനുത്തരം കൊടുക്കാൻ അവൾ തിരിഞ്ഞു …….ഉള്ളിൽ നിറയെ നന്ദൂട്ടിയുടെ മുഖമായിരുന്നു …….നിനിലിന്റെ നെഞ്ചിൽ ചാഞ്ഞു മയങ്ങാറുള്ള കുഞ്ഞാറ്റപ്പെണ്ണിന്റെ മുഖം ……..

തുടരും ………..

പിന്നേ…….. വയ്യാരുന്നു……. അതാണ് ലെങ്ത് കുറഞ്ഞത്….. exam ഇന്നലെ കഴിഞ്ഞേ ഉള്ളു….. നാളെ മുതൽ നന്നായി ഇടട്ടോ….. തൻവി ശ്രാവണി ചേച്ചി പുതിയ സ്റ്റോറി ഇടുന്നുണ്ട്… തപസ്യ….. ടൈം ഉണ്ടേൽ ഒന്ന് വായിക്കണേ….. റിപ്ലൈ തരൽ തുടങ്ങി വെച്ചിട്ടുണ്ട് ഒരു അറ്റത്തു നിന്ന്….. പെട്ടന്ന് തീർക്കാം 🤩

 

💔 മൊഴിയിടറാതെ 💔 : ഭാഗം 1

💔 മൊഴിയിടറാതെ 💔 : ഭാഗം 2

💔 മൊഴിയിടറാതെ 💔 : ഭാഗം 3

💔 മൊഴിയിടറാതെ 💔 : ഭാഗം 4

💔 മൊഴിയിടറാതെ 💔 : ഭാഗം 5

💔 മൊഴിയിടറാതെ 💔 : ഭാഗം 6

💔 മൊഴിയിടറാതെ 💔 : ഭാഗം 7

💔 മൊഴിയിടറാതെ 💔 : ഭാഗം 8

💔 മൊഴിയിടറാതെ 💔 : ഭാഗം 9

💔 മൊഴിയിടറാതെ 💔 : ഭാഗം 10

💔 മൊഴിയിടറാതെ 💔 : ഭാഗം 11

💔 മൊഴിയിടറാതെ 💔 : ഭാഗം 12

💔 മൊഴിയിടറാതെ 💔 : ഭാഗം 13

💔 മൊഴിയിടറാതെ 💔 : ഭാഗം 14