അനു : ഭാഗം 32
എഴുത്തുകാരി: അപർണ രാജൻ
ഫോൺ വൈബ്രേറ്റ് ചെയ്യുന്നത് കേട്ടു കൊണ്ടാണ് അനു രാവിലെ കണ്ണ് തുറന്നത് .. ഇതാരാ രാവിലെ ????? കിടക്കയിൽ നിന്നും എഴുന്നേറ്റു കൊണ്ടു അനു തന്റെ ഫോൺ എടുത്തു നോക്കി . കരൺ ……. ആഹ് ……… ഇന്നലത്തെ കാര്യങ്ങൾ കാർന്നോര് അങ്ങനെ തന്നെ വിസ്തരിച്ചു കൊടുത്തിട്ടുണ്ടാകും … കാൾ എടുക്കണോ ???? വേണ്ട …… എനിക്ക് വയ്യ രാവിലെ തന്നെ ഹിന്ദിയിൽ തെറി കേൾക്കാൻ …… ഫോൺ സൈലെന്റിൽ ഇട്ടു കൊണ്ടു അനു എഴുന്നേറ്റു ബാത്‌റൂമിലേക്ക് നടന്നു .
✨✨✨✨✨✨✨✨✨✨✨✨✨✨✨✨✨ മാധവി കൊണ്ടു വച്ച അപ്പവും കടല കറിയും തിന്നുക്കൊണ്ടിരിക്കുന്നതിനിടയിലാണ് , വിശ്വ കൈ വരിയിൽ പിടിച്ചു കൊണ്ടു ഒറ്റ കാലിൽ ചാടി ചാടി താഴേക്ക് ഇറങ്ങി വരുന്ന അനുവിനെ കണ്ടത് . ഇവളി വയ്യാത്ത കാലും വച്ചോണ്ട് എന്തിനാ ഇപ്പോൾ താഴേക്ക് വരുന്നത് ???? വല്യമ്മയുടെ കാര്യം ഞാൻ നോക്കിക്കോളാമെന്ന് ഇന്നലെ രാത്രി പറഞ്ഞതാണല്ലോ ???? എന്നിട്ടാണോ ഇവൾ ഈ വയ്യാത്ത കാലും വച്ചോണ്ട് ഈ സ്റ്റെപ്പിൽ കൂടി ചാടി ചാടി വരുന്നത് ? അതെങ്ങനെയാ പറഞ്ഞാൽ വല്ലോം കേൾക്കോ ??? മൂക്കും കുത്തി താഴെ കിടന്നാൽ ആവും ഇതിന്റെ തലയിൽ കയറാ ……. . . . . . . “വല്യമ്മയുടെ മുറിയിലേക്ക് അല്ലെ തനിക്ക് പോകേണ്ടത് ????? “
വിശ്വയുടെ ശബ്ദം കേട്ടതും അനു നേരെ നോക്കി . തന്റെ മുന്നിൽ യൂണിഫോമിൽ നിൽക്കുന്ന വിശ്വയെ കണ്ടതും അനുവിന്റെ നെറ്റി ചുളിഞ്ഞു . കാക്കിക്ക് സസ്പെൻഷനോ , മറ്റോ അല്ലായിരുന്നോ ??? ഇത്ര പെട്ടന്ന് തീർന്നോ ???? വിശ്വയുടെ സസ്പെൻഷനെ പറ്റി ആലോചിച്ചു കൊണ്ടിരുന്നപ്പോഴാണ് , അനുവിന് നേരെ വിശ്വ തന്റെ കൈ നീട്ടിയത് . “വാ ……. ” അനുവിന്റെ നേരെ കൈ നീട്ടി കൊണ്ടു വിശ്വ പറഞ്ഞതും , അനു എന്തിനാ എന്ന രീതിയിൽ വിശ്വയുടെ മുഖത്തേക്ക് നോക്കി . “വല്യമ്മയുടെ മുറി വരെ നീ ഇങ്ങനെ ചാടി ചാടി പോകാനാണോ ഭാവം ……… ” പുരികം പൊക്കി കൊണ്ട് വിശ്വ ചോദിച്ചതു കേട്ട് , ഓ അങ്ങനെ എന്ന രീതിയിൽ അനു മുഖം തിരിച്ചു . വിശ്വേശ്വർ പൂജാരി …..
വിശ്വയുടെ യൂണിഫോമിൽ നോക്കി കൊണ്ട് അനു പതിയെ വായിച്ചു . കൊള്ളാം ….. ഇടി വെട്ട് പേര് …. എന്നാലും ഈ പൂജാരി എന്താ സംഭവം ….. ഇനി അച്ഛന് മണിയടി തന്നെയാണോ പണി ???? അവന്റെ നെയിം പ്ലേറ്റിലേക്ക് നോക്കി കൊണ്ട് അനു , വിശ്വയുടെ മുഖത്തേക്ക് നോക്കി . പേരിന്റെ ഗുമ്മൊന്നും പക്ഷേ ആളിനില്ല …. . . . . . . . . ഗൗരിയുടെ മുറിക്കു മുന്നിലെത്തിയതും വിശ്വ അനുവിന്റെ മുഖത്തേക്ക് നോക്കി . അകത്തേക്ക് കൊണ്ട് ചെന്നാക്കണോ , അതോ ഇവിടെ ഇറക്കിയാൽ മതിയോ എന്ന ഭാവത്തിൽ നിൽക്കുന്ന വിശ്വയെ കണ്ടതും അനു ചെറുതായി നിശ്വസിച്ചു . “ഇവിടെ വായേം പൊളിച്ചു നിൽക്കാതെ അകത്തേക്ക് കൊണ്ടാക്കടോ …. ” വിശ്വയുടെ നെഞ്ചിൽ കൈ കൊണ്ട് തട്ടി കൊണ്ട് അനു പറഞ്ഞു . . . . . . . . . . “
ആ കുട്ടിക്ക് ഇപ്പോൾ എങ്ങനെ ഉണ്ട് മാധവി ചേച്ചി , വിശുനെ വിളിച്ചു ചോദിച്ചായിരുന്നോ ??? ” മാധവി എടുത്തു കൊടുത്ത ഡ്രസ്സ്‌ വാങ്ങി കൊണ്ട് ഗൗരി അവരോട് ചോദിച്ചു . അനുവെന്ന് കേട്ടതെ മാധവിയുടെ മനസ്സിൽ തെളിഞ്ഞു വന്നത് ഇന്നലെ രാത്രി താൻ കണ്ട കാഴ്ചയാണ് . “ഇന്നലെ തന്നെ വന്നു കയറിയല്ലോ ??? ഗൗരി കൊച്ചു അറിഞ്ഞില്ലേ ??? ” വലിയ താല്പര്യമില്ലാത്ത രീതിയിൽ പറഞ്ഞു കൊണ്ട് മാധവി ബാത്‌റൂമിലേക്ക് കയറി . അനുവിന് വയ്യാതെ ഇരിക്കുകയായത് കൊണ്ട് ഇന്ന് തനിക്കായിരിക്കും ഗൗരിയുടെ കാര്യങ്ങൾ ഒക്കെ നോക്കേണ്ടി വരുകയെന്ന് മാധവിക്ക് നേരത്തെ തന്നെ അറിയാമായിരുന്നു .
അത് കൊണ്ട് തന്നെ രാവിലെ തന്നെ ഗൗരിക്ക് വേണ്ട മരുന്നും കാര്യങ്ങളും എല്ലാം മാധവി നേരത്തെ തന്നെ തയ്യാറാക്കി വച്ചിരുന്നു . ഗൗരിയെ വിളിക്കാൻ വേണ്ടി പുറത്തേക്ക് വന്നപ്പോഴാണ് മാധവി , ഗൗരിയുമായി സംസാരിക്കുന്ന അനുവിനെ കണ്ടത് . “കുട്ടി എന്താ ഹോസ്പിറ്റലിൽ നിന്ന് നേരത്തെ വന്നത് ??? റസ്റ്റ്‌ എടുക്കാൻ ഡോക്ടർ പറഞ്ഞതല്ലായിരുന്നോ ??? ” അനുവിന്റെ തലയിലേക്കും കൈയിലേക്കും നോക്കി കൊണ്ട് ഗൗരി ചോദിച്ചു . ആവലാതി നിറഞ്ഞ ഗൗരിയുടെ ചോദ്യം കേട്ടതും അനുവിന് ചിരിയാണ് വന്നത് . ശങ്കരനെക്കാളും വലിയ ആധിയാണല്ലോ മഹാദേവാ , ഈ ചേച്ചിക്ക് .
“അതോ ഇനി പൈസയെ പറ്റി വല്ലോം ഓർത്തിട്ടാണോ ?? ” താൻ ഒരു സാധാരണ കുടുംബത്തിൽ നിന്നും വരുന്നത് കൊണ്ടാണ് ഗൗരി അങ്ങനെ ഒരു കാര്യം ചോദിച്ചതെന്ന് അനുവിന് മനസ്സിലായെങ്കിലും , എന്തോ വല്ലാതെ ഈർഷ്യ തോന്നി . “അല്ല ……. എനിക്ക് ഹോസ്പിറ്റലിന്റെ സ്മെൽ ഇഷ്ടമല്ല ……. അത് കൊണ്ടാണ് ……. ” കൈയിലിരുന്ന മെഡിസിൻ ബോക്സ്‌ കിടക്കയിലേക്ക് തിരികെ വച്ചു കൊണ്ട് അനു പറഞ്ഞതും , ഗൗരി ഒരെത്തും പിടിയും കിട്ടാത്ത പോലെ അനുവിനെ നോക്കി . ഹോസ്പിറ്റലിന്റെ മണം ഇഷ്ടമല്ലാത്ത ഡോക്ടറോ ???? “എല്ലാവരും അവരോർക്ക് ഇഷ്ടമുള്ള ജോലി അല്ലല്ലോ ചേച്ചി ചെയ്യുന്നത് ??? ” തന്നെ തന്നെ കണ്ണും മിഴിച്ചു നോക്കി നിൽക്കുന്ന ഗൗരിയെ നോക്കി ചിരിച്ചു കൊണ്ട് അനു പതിയെ എഴുന്നേറ്റു .
(തുടരും ……. )
കുറച്ചു നാള് എഴുതാതെ ഇരുന്നു എഴുതിയത് കൊണ്ടാകണം വാക്കുകൾക്ക് ഭയങ്കര പഞ്ഞം … (മറവി കൂടുതൽ ഉള്ള ആളാണ് 😓 , അതാണ് ഇത്രയും ദിവസം ലേറ്റ് ആയതു . ലെങ്ത് കുറവായിരിക്കും …. അടുത്ത partil കൂട്ടാം . നെക്സ്റ്റ് പാർട്ട്‌ രണ്ടു ദിവസം കഴിഞ്ഞു ( എക്സാം എനിക്ക് 18 വരെ ഉണ്ടായിരുന്നു കേട്ടോ …… അത് കൊണ്ട് ഇവിടെത്തെ രണ്ടു അവിടെ അഞ്ചാണ് എന്ന് പറയുമ്പോൾ 19, 20, 21 തീയതി മാത്രം ഉദേശിച്ച് പറയണം 😁😁😁🙏🙏🙏 (സ്റ്റോറേജ് ഫുൾ ആകുന്നത് കൊണ്ട് കുറച്ചു folders ഡിലീറ്റ് ചെയ്ത കൂട്ടത്തിൽ ഇത്രയും നാളും ഞാൻ ഉപയോഗിച്ച പടങ്ങളും പോയ്‌ , അതാണ് പിക് മാറ്റാൻ കാരണം )
