Where there is Love 💞There is Life💞 PART 17- അവസാനിച്ചു

നോവൽ
എഴുത്തുകാരി: MARY DIFIYA

Thank you for reading this post, don't forget to subscribe!

---

ഈ പാർട്ടിൽ കഴിഞ്ഞ പാർട്ടിലുള്ളതൊക്കെ ആഡ് ചെയ്തിട്ടുണ്ട്. വായിച്ചതാണെന്ന് വിചാരിച്ച് സ്ക്രോൾ ചെയ്യരുത്. ഇടയ്ക്ക് മിസ്സായ കണ്ടെന്റ്സ് കൂടി ഇടയിൽ ആഡ് ചെയ്തിട്ടുണ്ട്. നിങ്ങൾക്ക് കാര്യങ്ങൾ ക്ലിയർ ആകാനാണ് അങ്ങനെ ചെയ്തിരിക്കുന്നത്.. ഇനി വായിച്ചോളൂട്ടോ…

💖💖💖💖💖💖💖💖💖💖💖💖💖💖💖💖

അവർ ഒഴിഞ്ഞ ഒരു ഗ്രൗണ്ട് ലക്ഷ്യമാക്കി നീങ്ങി. യാത്രയ്ക്കിടയിൽ മഹിക്ക് അറിയേണ്ടതെല്ലാം അയാൾ പറയാൻ തുടങ്ങി…

മേനോൻ : മഹി നിന്റെ സംശയം എന്താ? ദേവൻ എന്തിനാ സ്വന്തം കമ്പനി തകർക്കാൻ നോക്കുന്നതെന്നല്ലേ? അവനെന്തിനാ സ്വന്തം പെങ്ങളെ ഉപദ്രവിക്കാൻ ശ്രമിക്കുന്നതെന്നല്ലേ?

മഹി : അതെ…. അതാണ് എന്നെ കുഴപ്പിക്കുന്നത്…

മേനോൻ :കാരണം… ഇത് അവന്റെ സ്വന്തം കമ്പനി അല്ല… അത് അവന്റെ സ്വന്തം പെങ്ങളും….

മഹി : വാട്ട്‌? 😳

മേനോൻ : അതെ… ദേവന്റെ സ്വന്തം പെങ്ങളല്ല പാറു…

💖💖💖💖💖💖💖💖💖💖💖💖💖💖💖💖

കേട്ടതൊന്നും വിശ്വസിക്കാനാവാതെ നിൽക്കുകയായിരുന്നു മഹി… പെട്ടന്ന് ഫോൺ റിങ് ചെയ്തു. രാഹുൽ ആയിരുന്നു.

മഹി : ആഹ് പറയെടാ…

രാഹുൽ : ഡാ പാറു… പാറുന് ഒരു… ഒരു ആക്‌സിഡന്റ്… നീ വേഗം വാ…

മഹി : നീ എന്താ പറയുന്നേ രാഹുൽ… നിന്നെ ഏൽപ്പിച്ചല്ലേ ഞാൻ….

രാഹുൽ : ഞാൻ നോക്കിയതാടാ… എന്റെ കണ്ണൊന്നു തെറ്റിയപ്പോ അവൻ…. നീ പേടിക്കണ്ട… വേഗം…. വേഗം വാ…

മറുവശത്തു നിന്ന് പറഞ്ഞതൊന്നും താങ്ങാനുള്ള ശക്തി മഹിക്ക് ഉണ്ടായിരുന്നില്ല… അവന്റെ കയ്യിൽ നിന്ന് ഫോൺ ഊർന്ന് വീണു. അവൻ തളർന്ന് വെറും മണ്ണിൽ ഇരുന്നു.. അത് കണ്ട് ഓടി വന്ന് മേനോൻ അവനെ താങ്ങി പിടിച്ചു…

മേനോൻ : എന്താ മോനെ? എന്താ പറ്റിയെ?

അത്രയും നേരം മരവിച്ച അവസ്ഥയിൽ ഇരുന്ന മഹി തലയുയർത്തി നോക്കി… അവന്റെ കണ്ണുകൾ രക്ത വർണമായിരുന്നു.

മഹി : എന്റെ പെണ്ണിനെ അവൻ…..

മേനോൻ : എന്താ എന്റെ മോൾക്ക്.. പറ… പറയാൻ…

അവനെ നോക്കി അയാൾ അലറി…

ഒന്നും മിണ്ടാതെ മഹി വണ്ടിയുടെ ഡോർ തുറന്ന് അകത്തേക്ക് കയറി… കാര്യം മനസ്സിലായില്ലെങ്കിലും മേനോനും പിന്നാലെ കയറി..

വണ്ടി ഓടിക്കുന്നതിനിടയിൽ മഹി കരയുകയായിരുന്നു. അലറി കരഞ്ഞും വിതുമ്പിയും അവൻ അവന്റെ സങ്കടം തീർക്കാൻ പാട്പെട്ടുകൊണ്ടിരുന്നു.

ഹോസ്പിറ്റലിൽ എത്തിയതും മഹി കാലുറക്കാതെ ഓടി… അവൻ ക്യാഷുവാലിറ്റിയുടെ ഉള്ളിലേക്ക് കയറാൻ തുടങ്ങവേ രാഹുൽ തടഞ്ഞു.

രാഹുൽ : ഡാ വേണ്ട. കയറ്റില്ല.

മഹി : ഡാ.. എന്റെ ശ്രീ…..

അത് പറഞ്ഞ് അവൻ പൊട്ടി കരഞ്ഞു….

രാഹുൽ : ഇത് അവനാ ചെയ്തത്. ഞാൻ കണ്ടതാ എന്റെ കണ്ണുകൊണ്ട്.. എനിക്കെന്തെങ്കിലും ചെയ്യാൻ പറ്റുന്നതിന് മുൻപേ അവൻ…

അത് കേട്ടതും അവന്റെ മഹിയുടെ നരമ്പുകൾ പൊട്ടുമാറ് വലിഞ്ഞു മുറുകി..

മഹി : എവിടെ അവൻ?

രാഹുൽ : വീട്ടുകാരുടെ മുന്നിൽ നിന്ന് അഭിനയിച്ച് തകർക്കുവാണ് ആ &&&@$$$%…..

മഹി അങ്ങോട്ടേക്ക് പോകാൻ തുടങ്ങി…

രാഹുൽ : വേണ്ട ആദ്യം ഡോക്ടറെ പോയി കാണ്…

അവരൊരുമിച്ച് ഡോക്ടറുടെ റൂമിലേക്ക് പോയി..

ഡോക്ടർ : സീ മിസ്റ്റർ മഹാദേവ് തനിക്കറിയാമല്ലോ ഇത് ഇത്തിരി കോംപ്ളിക്കേഷൻസ് ഉള്ള പ്രെഗ്നൻസി ആയിരുന്നു.. ഒത്തിരി കെയർ ചെയ്തിട്ടാണ് ഇത്രത്തോളം എത്തിച്ചത്. എന്നിട്ട് ഇതിപ്പോ… നമുക്ക് മുന്നിൽ ഉള്ള വഴി ഇമ്മിടിയേറ്റ് സർജറി ആണ്. കുട്ടി പ്രീമെച്ചുർ ആവും… നമുക്ക് കെയർ ചെയ്യാം. പക്ഷെ….. പാർവതിയുടെ കാര്യം… എനിക്ക് ഉറപ്പ് പറയാൻ പറ്റില്ല…

ഇത്രയും കേട്ടിട്ടും മഹി മറുത്തൊരു വാക്ക് മിണ്ടിയില്ല. ഒന്നും മിണ്ടാൻ അവന് സാധിച്ചില്ല… ഒരു പാവ കണക്കെ അവൻ നിന്നു. അവർ കാണിച്ചു കൊടുത്ത പേപ്പേഴ്സിലെല്ലാം അവൻ ഒപ്പിട്ട് കൊടുത്തു.

ഓപ്പറേഷൻ തിയറ്ററിനു മുന്നിൽ ദേവൻ അഭിനയിച്ച് തകർക്കുമ്പോഴും അവൻ ഒന്നിനും സാധിക്കാതെ നിന്നു. പാറുവിന്റെ മുഖം മാത്രമായിരുന്നു അവന്റെ ഉള്ളം നിറയെ…

പെട്ടന്ന് കരഞ്ഞു കൊണ്ടിരുന്ന ദേവനെ പിറകിൽ നിന്ന് ഒരാൾ ചവിട്ടി താഴെയിട്ടു….

“ഗൗതം “………

രാഹുൽ പറഞ്ഞറിഞ്ഞ് എത്തിയതായിരുന്നു ഗൗതം.. എല്ലാം അവൻ അറിഞ്ഞിരുന്നു…

ശോഭ : ഡാ നീയെന്താ ഈ കാണിക്കുന്നേ…

മേനോൻ : ശോഭേ… വേണ്ട… അവനാണ് ശരി…

എല്ലാവരും മേനോനെ നോക്കി നിന്നു.

പെട്ടന്ന് ലേബർ റൂമിന്റെ വാതിൽ തുറന്ന് രണ്ട് നഴ്സുമാർ പുറത്തേക്ക് ഓടി… പിന്നീട് കുറെയേറെ ഡോക്ടർസും നഴ്സുമാരും അങ്ങോട്ടുമിങ്ങോട്ടും ഓടുന്നുണ്ടായിരുന്നു….

ഓടുന്നതിന്റെ ഇടയിൽ ഒരു നഴ്സ് വേറൊരു നഴ്സിനോട് പറയുന്നത് മഹി കേട്ടു…

” ആ പെൺകുട്ടിയുടെ ബ്ലീഡിങ് നിൽക്കുന്നില്ല.. ആ കുട്ടി അധിക നേരം ഇനി ഉണ്ടാവില്ലെന്നാ ഹെഡ് ഡോക്ടർ പറഞ്ഞത്. ”

അത് കേട്ട് മഹി മതിലിലൂടെ ഊർന്നിരുന്നു….

ഈ സമയം ദേവൻ ഗൗതമിനു നേരെ പാഞ്ഞടുത്തു…

ദേവൻ : ഡാ നീയെന്തിനാ എന്റെ മേലെ ചവിട്ടിയത്?

ഗൗതം : പിന്നെ എന്റെ പെങ്ങളെ ഈ നിലയിലാക്കിയവനെ ഞാൻ പൂവിട്ടു പൂജിക്കണോ?

അത് കേട്ടതും എല്ലാവരും ഞെട്ടി ദേവനെ നോക്കി… എല്ലാവരുടെയും മുഖത്ത് ഒരു അവിശ്വസനീയത നിറഞ്ഞിരുന്നു കാര്യങ്ങൾ അറിയാവുന്നവരൊഴിച്ച്…

ദേവൻ എല്ലാവരെയും നോക്കി… പതർച്ച മറച്ചു പിടിച്ചുകൊണ്ട് അവൻ ഗൗതമിന്റെ കോളറിൽ പിടുത്തമിട്ടു…

ദേവൻ : എന്ത് പറഞ്ഞെടാ നായെ….. എന്റെ പെങ്ങളെ കൊല്ലാൻ നോക്കിയവളുടെ മരണത്തിൽ ദുഃഖിച്ച് അവിടെ പോയി നിന്ന നീയാണോ എന്നെ കുറ്റപ്പെടുത്തുന്നത്…..

ഗൗതം ഒന്നും മിണ്ടാതെ ദേവന്റെ കണ്ണിലേക്ക് നോക്കി അവനൊന്നും സമ്മതിച്ചു കൊടുക്കില്ലെന്ന് മനസിലാക്കിയ ഗൗതം ചുറ്റും നോക്കി…

എന്തോ തേടി നടന്നത് കണ്ടെത്തിയത് പോലെ അവന്റെ കണ്ണുകൾ വിച്ചുവിനെ ചാരി എല്ലാം വീക്ഷിക്കുന്ന ഭവ്യയിൽ തങ്ങിനിന്നു…

ദേവന്റെ കൈകൾ തട്ടി മാറ്റി അവൻ ഭവ്യയ്ക്ക് നേരെ ഓടി… വിച്ചുവിന്റെ കൈകളിൽ നിന്ന് അവനെ മോചിപ്പിച്ച് തലങ്ങും വിലങ്ങും അടിക്കാൻ തുടങ്ങി…. തടസ്സം നിന്ന വിച്ചുവിനെയും ഭാസ്കറിനെയും പ്രതാപനെയുമെല്ലാം തട്ടി മാറ്റി ഗൗതം അവളെ നിഷ്കരുണം തല്ലി…

പെട്ടെന്നാണ് ഗൗതമിനെ ചവിട്ടി മാറ്റി ദേവൻ ഭവ്യയെ പൊതിഞ്ഞു പിടിച്ചത്…

“എന്റെ പെങ്ങളെ എന്റെ കണ്മുന്നിലിട്ട് തല്ലുന്നോടാ &&$###### മോനെ ”

ചവിട്ട് കൊണ്ട് വീണ ഗൗതം ഒന്നും മിണ്ടാതെ എഴുന്നേറ്റു നിന്നു… പക്ഷെ അവന്റെ ചുണ്ടിൽ നിഗൂഢമായ ഒരു ചിരി വിരിഞ്ഞു… അത് കണ്ടപ്പോൾ മാത്രമാണ് തനിക്കു പറ്റിയ അബദ്ധം ദേവന് മനസ്സിലായത്…

ദേവൻ ചുറ്റും നോക്കി…. ഭവ്യ ഉൾപ്പെടെ എല്ലാവരിലും ഞെട്ടൽ നിറഞ്ഞു കാണാം..

ഭാസ്കറിന്റെ മുഖത്ത് പരിഭ്രമം നിറഞ്ഞു… അത് കണ്ട് പ്രമീള അയാളെ വല്ലാത്തൊരു ഭാവത്തോടെ നോക്കി..

ശോഭ ആരും ഒരിക്കലും അറിയരുതെന്ന് പ്രാർത്ഥിച്ച ആ രഹസ്യം എല്ലാവരും അറിഞ്ഞതിലുള്ള സങ്കടത്തിൽ മേനോനെ ചേർന്ന് നിന്ന് കരഞ്ഞു… സ്വന്തമെന്ന് കരുതി വളർത്തിയ മകൻ ആരുമല്ലെന്ന് അവൻ തന്നെ വിളിച്ചു പറഞ്ഞതിൽ ആ അമ്മ മനം നൊന്തു… അതറിഞ്ഞെന്നോണം മേനോൻ ഒരു കയ്യാൽ അവരെ ചേർത്ത് പിടിച്ച് മറുകൈ കൊണ്ട് കണ്ണുനീർ ഒപ്പി…

മഹിയും അത്ഭുതത്തോടെ എല്ലാം വീക്ഷിച്ച് ഇരിക്കുന്നുണ്ടായിരുന്നു…. ദേവൻ പാറുവിന്റെ സഹോദരനല്ലെന്ന് മാത്രമേ അവനോട് മേനോൻ പറഞ്ഞിരുന്നുള്ളു…

ഗൗതം എല്ലാവരെയും ഒന്ന് നോക്കിയിട്ട് വീണ്ടും ദേവന് നേരെ തിരിഞ്ഞു..

ഗൗതം : എന്താ… എന്താ നിങ്ങൾ പറഞ്ഞത്?

ദേവൻ : ഞാൻ… അത്… പെട്ടന്ന്…. എനി… എനിക്ക്….

ദേവൻ ഒരു ഉത്തരം പറയാനാകാതെ കുഴങ്ങി…

അത് കണ്ട് ഒരു പുച്ഛ ചിരിയോടെ ഗൗതം പറഞ്ഞു തുടങ്ങി…

എന്നാൽ ഞാൻ പറയാം….

എല്ലാവരും ശ്രദ്ധിച്ച് കേട്ടോ… ദേവൻ ഭാസ്കർ ദേവൻ മേനോൻ ആയ കഥ… ദേവൻ ഭാസ്കറിന് ശ്രീ പാർവതിയോടുള്ള വൈരാഗ്യത്തിന്റെ കഥ…

പണ്ട്… മേനോനും ഭാസ്കറും ഒരുമിച്ച് ബിസിനസ്‌ ചെയ്ത്കൊണ്ടിരിക്കുന്ന കാലം…

അന്ന് ഓഫീസിൽ പിടിപ്പത് പണിയുള്ള ഒരു ദിവസം ഭാസ്കറിന് ഒരു വിസിറ്റർ വന്നു… ഒരു പാവം സ്ത്രീ 3 വയസ്സുകാരൻ ആൺകുട്ടിയുമായി..

ഭാസ്കറിന്റെ അവിഹിത സന്തതിയെ സ്വീകരിക്കണമെന്ന നിത്യരോഗിയായ ആ സ്ത്രീയുടെ ആവശ്യം തള്ളിക്കളയാൻ അയാൾക്കായില്ല… പക്ഷെ സ്വന്തം വീട്ടിലേക്ക് കൂട്ടികൊണ്ടുപോകാനും പുതുമണവാളനായ അയാൾക്ക് സാധിച്ചില്ല.

അതിനൊരു പരിഹാരമെന്നോണം ഉറ്റ സുഹൃത്തായ മേനോനെ അയാൾ സമീപിച്ചു… കൂട്ടുകാരന്റെ അവസ്ഥ മനസിലാക്കിയ മേനോനും ഭാര്യ ശോഭയും ആ കുഞ്ഞിനെ സ്വന്തം മകനായി സ്വീകരിച്ചു… ബന്ധുക്കളോട് പോലും തനിക്ക് വിവാഹത്തിന് മുൻപ് സംഭവിച്ച കൈപ്പിഴയായി മേനോൻ ആ കുഞ്ഞിനെ പരിചയപ്പെടുത്തി.

2 വർഷങ്ങൾ നിമിഷങ്ങൾ പോലെ പോയി… രണ്ടു വർഷത്തിന് ശേഷം അവർക്ക് ഒരു ആൺകുഞ്ഞ് ജനിച്ചു… ഈ ഞാൻ… ഗൗതം മേനോൻ…
വീണ്ടും 5 വർഷങ്ങൾക്ക് ശേഷം ഒരു പെൺകുഞ്ഞും… ശ്രീപാർവതി…

അതിനിടയിൽ എം ആൻഡ് ബി ഗ്രൂപ്സ് വളർന്നു… മേനോൻ അറിയാതെ ഭാസ്കർ ഇൻലീഗൽ ആയി കണക്കിൽപെടാതെ പ്രോഫിറ്റ് ഉണ്ടാക്കാൻ തുടങ്ങി.

പക്ഷെ ഒരിക്കൽ… ഒരിക്കൽ ഇത് മേനോന്റെ കണ്ണിൽപെട്ടു… അന്ന് വലിയൊരു വഴക്ക് ഉണ്ടായി… പാർവതിക്ക് 14വയസ്സുള്ളപ്പോൾ… അതായത് അന്നത്തെ ആ മൂന്നു വയസ്സുകാരന് 24 വയസ്സ്…

അന്നത്തെ ആ വഴക്കിനിടയിൽ ആ 24 വയസ്സുകാരൻ ഭാസ്കറാണ് തന്റെ അച്ഛനെന്ന് മനസിലാക്കി…. ഭാസ്കറിന്റെ നാവിൽ നിന്ന് തന്നെ പക്ഷെ അത് മറ്റൊരു തരത്തിലാണ് മനസിലാക്കിയതെന്ന് മാത്രം…

അതായത് കടപ്പാടിന്റെയും സ്നേഹത്തിന്റെയും മറവിൽ മേനോൻ ദേവനെ ഭാസ്കറിൽ നിന്ന് തട്ടിയെടുത്തതാണെന്ന രീതിയിൽ…

അത് അവന്റെ മനസിൽ വിങ്ങലായി കിടന്നു….

എം ആൻഡ് ബി ഗ്രൂപ്സ് അസ്തമിച്ചു…. രണ്ടും രണ്ടായി.. ഭാസ്കർ കുടുംബമായി അമേരിക്കയിലേക്ക് പോകുമ്പോൾ ദേവന്റെ മനസ്സ് കൂടി കൊണ്ട്പോയി… ദേവനെ അയാൾ പല കുടിലതകൾ പറഞ്ഞു വശത്താക്കി….. പതിയെ പതിയെ ദേവനും മേനോൻ ഗ്രൂപ്പസിന്റെ സ്വത്തുക്കളിൽ ശ്രദ്ധ പതിപ്പിച്ചു…

ഒരിക്കൽ സ്വത്തുക്കളുടെ ഏക അവകാശിയായ പാർവതിയെ ദേവൻ അപായപ്പെടുത്താൻ ശ്രമിക്കുന്നത് നേരിൽ കണ്ട മേനോൻ കാര്യങ്ങൾ മനസിലാക്കി…. അവകാശപത്രത്തിൽ ചില കണ്ടിഷൻസ് വച്ചു…
അതോടെ പാർവതിയെ കൊല്ലാനുള്ള പ്ലാൻ ഭാസ്കറും ദേവനും താത്കാലികമായി ഉപേക്ഷിച്ചു…. മറ്റു മാർഗങ്ങൾ നോക്കാൻ തുടങ്ങി….

അതിനിടയിലാണ് സിദ്ധാർഥ് ദേവന് മുന്നിൽ വന്ന് പെടുന്നത്…. നിസ്വാർത്ഥമായി സ്നേഹിച്ച ആ ചെറുപ്പക്കാരനിൽ ദേവൻ വിഷം കുത്തി നിറച്ചു… വളരെ ചെറുപ്പത്തിൽ അനാഥനായ അവനിൽ ഉണ്ടായിരുന്ന മാണോ ധൗർബല്യത്തെ ദേവൻ മുതലെടുത്തു… പാറുവിനോടുള്ള ഇഷ്ടം ഒരു ഒബ്സെഷനായി വളർത്തി…

പിന്നീട് അപര്ണയെയും അതുപോലെ മുതലെടുത്തു….

അവരെ മുൻനിർത്തി പാറുവും മഹിയും തമ്മിലുള്ള വിവാഹം മുടക്കാൻ ഇയാൾ ശ്രമിച്ചു.. അതിന്റെ ഭാഗം ആയിരുന്നു കാർത്തികിനൊപ്പമുള്ള പാറുവിന്റെ മോർഫ് ചെയ്ത ഫോട്ടോസ്… പാറുവിന്റെ വിവാഹം തടഞ്ഞ് സ്വത്തുക്കൾ തടഞ്ഞു നിർത്താനുള്ള വഴി..

പക്ഷെ ഇയാളുടെ കുടില തന്ത്രം മനസിലാക്കിയ മേനോൻ.. എന്റെ അച്ഛൻ…. മഹിയുമായി വേഗം വിവാഹം നടത്തി… അച്ഛന് ഉറപ്പായിരുന്നു പാറു മഹിയുടെ കരങ്ങളിൽ സുരക്ഷിതയാവുമെന്ന്…. അച്ഛന്റെ ഹൃദയം പാറുവാണെന്ന് ആരും മനസിലാക്കാതിരിക്കാൻ അവളോട്‌ മനഃപൂർവം അകലം കാണിച്ചു…

മഹിയുടെയും പാറുവിന്റെയും വിവാഹ ശേഷവും ഇയാൾ വെറുതെ ഇരുന്നില്ല… അവരെ പിരിക്കാൻ പരമാവധി ശ്രമിച്ചു…. പക്ഷെ അതിനു മുന്നേ ആ കുരുന്നു ജീവൻ മൊട്ടിട്ടു തുടങ്ങി…. പിന്നെ അതിനോടായി പക മുഴുവൻ…. അത് ഇവിടെ വരെ എല്ലാം കൊണ്ടെത്തിച്ചു…. അല്ലേ മിസ്റ്റർ ദേവൻ മേനോൻ… സോറി.. ദേവൻ ഭാസ്കർ…

എല്ലാം കേട്ട് എല്ലാവരും തകർന്നു… പ്രമീള കൂടുതൽ ഒന്നും കേൾക്കാനില്ലാതെ കരഞ്ഞുകൊണ്ട് ഇറങ്ങിപോയി…

ശോഭ കേട്ടതൊന്നും ഉൾക്കൊള്ളാനാവാതെ തകർന്നിരുന്നു… മറ്റുള്ളവരുടെയും അവസ്ഥ അത് തന്നെയായിരുന്നു….

മഹി പാഞ്ഞ് വന്ന് ദേവന്റെ കോളറിൽ കുത്തി പിടിച്ചു….

മഹി : ഒരു വാക്ക് ചോദിച്ചിരുന്നെങ്കിൽ എല്ലാം തരുമായിരുന്നില്ലേ ആ പാവം… പക്ഷെ നീ അവളുടെ ജീവനും ഞങ്ങളുടെ ജീവിതവുമാണ് ചോദിച്ചത്….

ഇതൊക്കെ കേട്ട് ദേവന്റെ മുഖത്ത് പുച്ഛം മാത്രം നിറഞ്ഞു നിന്നു…

ദേവൻ : അതെ എല്ലാം…. എല്ലാം ചെയ്തത് ഞാനാ… കാരണം… എനിക്ക് വേണം സ്വത്തെല്ലാം… എനിക്ക് വേണം…

ഒരു മനോരോഗിയെപ്പോലെ അവൻ പുലമ്പി…

മഹി : എടുത്തോ എല്ലാമെടുത്തോ… പക്ഷെ ഞങ്ങളുടെ ജീവിതത്തിൽ ഇനി നീ വരരുത്…

പക്ഷെ ദേവൻ അത് ശ്രദ്ധിച്ചില്ല….. അവൻ അടുത്ത് കണ്ട നേഴ്സിന്റെ കയ്യിലെ ഐവി ബോക്സിൽ നിന്ന് സർജിക്കൽ ബ്ലേഡ് എടുത്ത് മഹിക്ക് നേരെ തിരിഞ്ഞു….

മഹിയുടെ കഴുത്തിനു കുറുകെ അത് വച്ച് നിൽക്കുമ്പോൾ…. നല്ലൊരു അവസരമാണതെന്ന് മനസിലാക്കിയ ഭാസ്കർ കയ്യിൽ കരുതിയിരുന്ന തോക്കെടുത്ത് മഹിക്ക് നേരെ പോയിന്റ് ചെയ്തു…

ദേവൻ : നീ എന്തിനാ എന്റെ സ്വത്തുക്കൾ എനിക്ക് ദാനം തരുന്നത്… ഞാനെടുത്തോളം….. ഹ്ഹഹ്ഹആ….

അത് പറഞ്ഞ് അവൻ ഉറക്കെ ചിരിക്കാൻ തുടങ്ങി…

അവന്റെ ശ്രദ്ധ മാറിയ ആ ഒരു നിമിഷം മതിയായിരുന്നു രാഹുലിന് മഹിയെ അവനിൽ നിന്ന് മോചിപ്പിക്കാൻ….

പക്ഷെ തോക്ക് ചൂണ്ടി നിന്ന ഭാസ്കർ ദേവന്റെ അട്ടഹാസത്തിൽ മുഴുകി അവനൊപ്പം ചിരിച്ചുകൊണ്ട് കാഞ്ചി വലിച്ചു കഴിഞ്ഞിരുന്നു…. പക്ഷെ അത് കൊണ്ടത് ഒഴിഞ്ഞു മാറിയ മഹിക്ക് പകരം ദേവന്റെ നെഞ്ചിലായിരുന്നു…

ഒരു നിമിഷം എല്ലാവരും ശങ്കിച്ച് നിന്നു….. നടന്നത് ഉൾകൊണ്ട ഭാസ്കർ പൊട്ടിക്കരഞ്ഞുകൊണ്ട്‌ നിലത്തേക്കിരുന്നു… ഹോസ്പിറ്റലിൽ ഉണ്ടായിരുന്ന ഒരുവിധം എല്ലാവരും ശബ്ദം കേട്ട് അവിടെ തടിച്ചുകൂടി…

ഒരു നിമിഷം നിന്നിട്ട് രാഹുൽതന്നെ ഭാസ്കറിനെ കസ്റ്റടിയിൽ എടുത്തു…

“പാർവതിയുടെ ആരാ ഉള്ളത് ”

പിന്നിൽ നിന്ന് ശബ്ദം കേട്ട് എല്ലാവരും തിരിഞ്ഞു നോക്കി…

മഹി ഓടി അടുത്ത് ചെന്നു…

മഹി : ഞാൻ ഹസ്ബന്റ് ആണ്..

നേഴ്സ് : പാർവതിയുടെ ഡെലിവറി കഴിഞ്ഞു.. പെൺകുട്ടിയാണ്…

മഹിയുടെ മുഖം സന്തോഷത്താൽ നിറഞ്ഞു. പക്ഷെ അടുത്ത നിമിഷം പരിഭ്രമം വന്ന് മൂടി..

മഹി :സിസ്റ്റർ പാറു…. പാർവതി?

നേഴ്‌സ് : ബ്ലീഡിങ് കുറഞ്ഞിട്ടുണ്ട്….. ഭാഗ്യം ഉള്ള കുട്ടിയാ….. ഷീ വിൽ ബി ആൾറൈറ്…

മഹി ആശ്വാസത്തോടെ നെഞ്ചിൽ കൈ വച്ച് മുകളിലേക്ക് നോക്കി പ്രാർത്ഥിച്ചു….

കുറച്ചു നിമിഷങ്ങൾക്ക് ശേഷം അവരുടെ പൊന്നോമനയെ അവർ കൺകുളിർക്കെ കണ്ടു….

പിന്നീട് മൂന്ന് മാസങ്ങൾ.. ഹോസ്പിറ്റലിൽ തന്നെയായിരുന്നു…

പതുക്കെ പതുക്കെ എല്ലാം കലങ്ങി തെളിഞ്ഞു… എങ്കിലും പാറുവിന് ഇപ്പോഴും അറിയില്ല ദേവനാണ് ഇതിനെല്ലാം പിന്നിൽ കളിച്ചിരുന്നതെന്ന്… അയാൾ അവളുടെ ചേട്ടൻ അല്ലെന്ന്….

💖💖💖💖💖💖💖💖💖💖💖💖💖💖💖💖

ഓർമകളുടെ വേലിയേറ്റം അവസാനിച്ചപ്പോൾ മഹി മെല്ലെ തന്റെ നെഞ്ചിൽ കിടക്കുന്ന പാറുവിനെ നോക്കി… അവളുടെ മൂർദ്ധാവിൽ ഒന്ന് ചുംബിച്ചു..

എന്ത്കൊണ്ടും ഇതൊക്കെ ഓർക്കാൻ ഇന്ന് പറ്റിയ ദിവസമാണ്…..

അവൻ മെല്ലെ എഴുന്നേറ്റ് ഓഫീസ് മുറിയിലേക്ക് നടന്നു.. ആ വാതിൽ തുറക്കുമ്പോൾ അവന്റെ മനസ്സിൽ സിദ്ധുവിന്റെ മുഖം മാത്രമായിരുന്നു…

കുറച്ചു നാളുകൾക്ക് മുൻപ് ഒരു ഫയൽ നോക്കാൻ പൂട്ടിയിട്ട അവന്റെ വീട്ടിൽ പോയപ്പോൾ കയ്യിൽ കിട്ടിയതാണ് അവന്റെ ഡയറി….

മഹി ഓഫീസ് റൂമിൽ കയറി ആ ഡയറി കയ്യിലെടുത്തു..

അതിൽ പാറുവിനോടുള്ള അവന്റെ സ്നേഹം ആയിരുന്നു… അതിൽ അവന്റെ പ്രണയ കഥയായിരുന്നു… അതിൽ അവൻ നായകനും താൻ വില്ലനും…

യാഥാർഥ്യം ചിലപ്പോൾ അതാവാം…. സാഹചര്യം അവന് വില്ലന്റെ വേഷം നല്കിയതാവാം… ഒരുപക്ഷെ ഞാൻ അവർക്കിടയിലേക്ക് വന്നില്ലായിരുന്നുവെങ്കിൽ അവൾ സന്തോഷത്തോടെ അവനൊപ്പം ജീവിച്ചേനെ…. ഒരുപക്ഷെ എന്നേക്കാൾ നന്നായി അവളെ അവൻ നോക്കിയേനെ…

മഹി മെല്ലെ ആ ഡയറിയിലെ അവസാന പേജ് എടുത്തു… അതവൻ മരിക്കുന്നതിന് തലേന്ന് എഴുതിയതാണ്…

പാറു…. നിന്നെ ഞാൻ ഒത്തിരി സ്നേഹിക്കുന്നു… എല്ലാം അറിയുമ്പോൾ നിനക്ക് എന്റെ പ്രണയം ഭ്രാന്തായി തോന്നാം… പക്ഷെ എനിക്ക് നീയാണ് എന്റെ എല്ലാം….

മഹി… അവനാണ് എന്നെ ഭ്രാന്തനാക്കുന്നത്… അവൻ ഇടയിൽ വന്നില്ലായിരുന്നെങ്കിൽ….. അവനെക്കാൾ മുൻപേ നിന്നെ പ്രണയിച്ചത് ഞാനായിരുന്നു…. ഞാനത് അവനോട് പറയണമായിരുന്നു… അത് എന്റെ തെറ്റ്… പക്ഷെ അവനെന്നോട് നിന്നെ ഇഷ്ടമാണെന്ന് പറഞ്ഞപ്പോൾ വിട്ട് കൊടുക്കാൻ മാത്രം മഹാമനസ്കനല്ല ഞാൻ….കാരണം എനിക്ക് സ്നേഹിക്കാൻ ഈ ലോകത്ത് നീ മാത്രമേ ഉണ്ടായിരുന്നുള്ളു….

ദേവൻ എന്നെ മുതലെടുക്കുകയാണോ എന്ന് എനിക്കറിയില്ല…. ഒരുപക്ഷെ ആയിരിക്കാം… നാളെ കൂടി അവൻ പറയുന്നത് ഞാൻ കേൾക്കും.. എന്റെ അവസാന കളി. എന്നിട്ടും നിന്നെ കിട്ടിയില്ലെങ്കിൽ ഞാൻ പോകും പാറു… നിനക്ക് ശല്യമാവാത്ത മറ്റൊരു ലോകത്തേക്ക്…

നിന്നെ ഒത്തിരി പ്രണയിക്കുന്നു ഞാൻ… പക്ഷെ നിന്റെ പ്രണയം എനിക്കല്ല എന്നറിയുമ്പോൾ മരിക്കതെ മരിക്കുവാണ് ഞാൻ….

മഹി കണ്ണീരോടെ ആ ഡയറി അടച്ചു… കഴിഞ്ഞ കുറച്ച് നാളുകളായി തന്റെ ഉറക്കം കളയുന്ന വാക്കുകൾ….

മഹി അത് ഭദ്രമായി എടുത്തു വച്ച് റൂമിനു വെളിയിൽ ഇറങ്ങി….

പെട്ടന്ന് ലക്ഷ്മിയമ്മയുടെ കരച്ചിൽ ആ വീട്ടിൽ മുഴങ്ങി….

മഹി റൂമിൽ നിന്ന് ഇറങ്ങി ഓടി… പാറുവും ഉറക്കത്തിൽ നിന്ന് എഴുന്നേറ്റ് അവന്റെ പിന്നാലെ ഓടി… താഴെ നിന്ന് വിച്ചുവും ഭവ്യയും കാർത്തിക്കും വൈശുവുമെല്ലാം ശബ്ദം കേട്ട് മുകളിലേക്ക് വന്നു.

ശബ്ദം ടെറസിൽ നിന്നാണെന്ന് മനസിലാക്കിയ അവർ ഒരുമിച്ച് ടെറസിലേക്ക് പോയി….

അവിടെ എത്തിയിട്ടും ലക്ഷ്മിയമ്മയെ അവർ വിളിച്ചുകൊണ്ടിരുന്നു… പക്ഷെ അവർ വിളി കേട്ടില്ല….

ചുറ്റും ഇരുട്ടായിരുന്നു……

പെട്ടന്ന് ഒരു വലിയ ശബ്ദത്തോടെ പാർട്ടി ബോംബ് പൊട്ടി… 🎊🎉🎉

ഹാപ്പി ആനിവേഴ്സറി ഡിയർസ്…..

രാഹുലിന്റെയും പ്രവീണയുടെയും ലക്ഷ്മിയുടെയും പ്രതാപന്റെയും ശബ്ദം അവിടമാകെ മുഴങ്ങി…. ഒപ്പം ഭവിക്കിന്റെയും ഭാര്യയുടെയും….

വെയിറ്റ് വെയിറ്റ്… അത് മനസിലാവണമെങ്കിൽ 5വർഷം മുൻപ് വിച്ചുവിൻറെയൊക്കെ കല്യാണ തലേന്നിലേക്ക് പോവണം…

ഒരു കുഞ്ഞു ഫ്ലാഷ് ബാക്ക് ******************

അന്ന് കല്യാണത്തലേന്ന് എല്ലാവരും ഓഡിറ്റോറിയത്തിൽ ഓരോ പണികൾക്കിടയിൽ ഓടി നടക്കുകയായിരുന്നു… പെട്ടെന്ന് പാറുവിന്റെ അവശ്യപ്രകാരം ഓർഫനേജിലേക്ക് കുട്ടികൾക്ക് ഡ്രസ്സ്‌ കൊടുക്കാൻ മഹിക്ക് പോവേണ്ടി വന്നു… ഒറ്റയ്ക്കു പോകാനുള്ള മടി കൊണ്ട് അവൻ ഭവിക്കിനെ കൂടി വിളിച്ചു… ആദ്യം അവൻ കൂടെ പോകാൻ തയ്യാറായിരുന്നില്ല പക്ഷെ കുറച്ചു നിർബന്ധിച്ചപ്പോൾ അവന് മറ്റു നിർവാഹമില്ലാതെ കൂടെ പോയി…

പക്ഷെ അവനെ കാത്ത് ഒരു സർപ്രൈസ് ഉണ്ടായിരുന്നു…. നഷ്ടപ്പെട്ടെന്ന് അവൻ കരുതിയ അവന്റെ കാമുകി….. അല്ല ഭാര്യ…. ലാവണ്യ…. ഭാസ്കറിനെ ഭയന്ന് അവൻ ആദ്യമേ തന്നെ അവളെ വിവാഹം ചെയ്തിരുന്നു… പക്ഷെ അവര് അവളെ കൊല്ലാൻ നോക്കുമെന്ന് അവൻ പ്രതീക്ഷിച്ചില്ല…. അവിടെ നിന്ന് എങ്ങനെയോ രക്ഷപെട്ട് നാട്ടിലെത്തിയതായിരുന്നു അവൾ…

അവളെ അവിടെ കണ്ടെത്തിയ ഭവിക്കിന് സ്വർഗം കിട്ടിയ സന്തോഷം ആയിരുന്നു…. അവൻ കുറെ ഏറെ നേരം അവളുടെ മടിയിൽ അവന്റെ സങ്കടങ്ങൾ ഇറക്കി വച്ചു….. അന്ന് തന്നെ അവൻ വാങ്ങിയ ഫ്ലാറ്റിലേക്ക് അവളുമായി താമസം മാറിയിരുന്നു ആരും അറിയാതെ പിറ്റേന്ന് പ്രോഗ്രാം ഒക്കെ കഴിഞ്ഞ് എല്ലാവരോടും ഒരുമിച്ച് പറയാമെന്നാണ് അവൻ വിചാരിച്ചത്…. പക്ഷെ അതിനു ശേഷം നടന്നത് അവൻ പ്രതീക്ഷിക്കാത്ത കാര്യങ്ങളായിരുന്നു…

ഭാസ്കറിന്റെ അറസ്റ്റിനു ശേഷം അവര് അയാളുടെ തറവാട്ടിലേക്ക് മാറി… പ്രമീളയ്‌ക്ക് അവരെ തടയനുമായില്ല….

ഇപ്പോ ദാ അവർക്കുമുണ്ട് മൂന്നും ഒന്നും വയസ്സുള്ള രണ്ട് പൊന്നോമനകൾ…..

ഇനി ബാക്ക് ടു പ്രേസേന്റ് *****************

മഹി നെഞ്ചിൽ കൈ വച്ച് ആശ്വാസത്തോടെ ലക്ഷ്മിയെ നോക്കി…

പിന്നീട് അവിടെ കളിയും ചിരിയും കെട്ടിപിടുത്തവും പരസ്പരം വിഷ് ചെയ്യലുമൊക്കെയായിരുന്നു…

വൈശു പോയി കുട്ടിപട്ടാളത്തെ വിളിച്ചെഴുന്നെല്പിച്ചു കൊണ്ടുവന്നു…

കേക്ക് കട്ടിങ്ങും ഗിഫ്റ്റ് കൈമാറലുമൊക്കെയായി സമയം കടന്നുപോയി…

പെട്ടെന്നാണ് കൂട്ടത്തിൽ നിന്ന് വൈശുവും കാർത്തിക്കും മിസ്സ്‌ ആയത് വിച്ചു ശ്രദ്ധിക്കുന്നത്… അവൻ എല്ലാവരെയും വിളിച്ച് ചുറ്റും അന്വേഷിക്കാൻ തുടങ്ങി.

ടെറസിന്റെ ഒരു മൂലയിൽ നിന്ന് കിന്നരിക്കുന്ന അവരെ കണ്ടതും വിച്ചുവിന് ഒരു ഐഡിയ തോന്നി….

കാർത്തിക്കും വൈശുവും ഇതൊന്നും അറിയാതെ സല്ലപിച്ചോണ്ടിരുന്നു…
കാർത്തിക് അവളെ ചുറ്റി പിടിച്ച് അവളുടെ അധരങ്ങൾ ലക്ഷ്യമാക്കി നീങ്ങിയതും… പെട്ടന്ന് മാനത്ത്നിന്ന് പൊട്ടിമുളച്ചതുപോലെ കാശി അവിടെ ലാൻഡ് ചെയ്തു…

അച്ഛേ…..

അവന്റെ ആ ടൈമിംഗ് കണ്ട് കാർത്തിക് നിരാശയോടെ വൈശുവിനെ നോക്കി….

“ഹഹാഹ്ഹ്…. നിനക്ക് അങ്ങനെ തന്നെ വേണമെടാ… ”

വിച്ചുവിന്റെ ശബ്ദം കേട്ട് കാർത്തി തിരിഞ്ഞു നോക്കി…

കാർത്തി : ഓഹോ അപ്പൊ ഇത് നിന്റെ പണിയാണല്ലേ

വിച്ചു : അതേടാ… പണ്ട് നീ എന്റെ മുന്നിൽ വച്ച് എന്റെ പെങ്ങളെ കേറി കിസ്സിയപ്പോ എനിക്ക് ഒന്നും ചെയ്യാൻ പറ്റിയില്ല… ഇപ്പൊ നീ നിന്റെ കെട്ടിയോളെ ഉമ്മിക്കാൻ പോയപ്പോ നിന്റെ മോനെക്കൊണ്ട് ഞാൻ റെവെന്ജ് എടുത്തു… ഹഹഹ 😆😆😆

കാർത്തിക് അവനെ നോക്കി പല്ലിറുമ്മി… വൈശു ആണേൽ ചിരി കടിച്ചു പിടിച്ചു നിൽക്കുവാണ്…

മറ്റുള്ളവരെല്ലാം ഇത് കണ്ട് ചിരിച്ചു…

കുറച്ചു നേരം കൂടി അവിടെ ചിലവഴിച്ചു എല്ലാവരും അകത്തേക്ക് കയറി പോയി….

മഹിയും പാറുവും മാത്രമായി….

പാറു : മഹിയേട്ടാ… ഏട്ടൻ എന്നെ ഇഷ്ടപ്പെട്ട നമ്മുടെ പ്രണയകഥ പറയുവോ?

മഹി : എന്റെ ശ്രീ ഇത് എത്രാമത്തെ തവണയായി നീ എന്നെകൊണ്ട് പറയിക്കുന്നെ?

പാറു : എനിക്ക് എത്ര കേട്ടാലും മതിയാവില്ല.. പറ മഹിയേട്ടാ…..

മഹി അവളെ ചേർത്ത് നിറുത്തി പറഞ്ഞു തുടങ്ങി…..

അപ്പോഴും തന്റെ പ്രണയകഥ പ്രണയിനിയോട് പറയാൻ കഴിയാതെ പോയ ഒരു താരകം ആകാശത്ത് മിന്നി നിൽക്കുന്നുണ്ടായിരുന്നു….

“അടുത്ത് ജന്മത്തിൽ ഇതിനേക്കാൾ മനോഹരമായി നിന്നോട് ഞാൻ എന്റെ പ്രണയകാവ്യം പറയും. അന്ന് നീ എന്നോട് അത്രമേൽ ചേർന്നിരിക്കും…. ”

ആകാശത്ത് നിന്നിരുന്ന ആ നക്ഷത്രം ഒന്ന് ചിമ്മി മേഘങ്ങൾക്കിടയിൽ മറഞ്ഞു……

അവസാനിച്ചു……….

💖💖💖💖💖💖💖💖💖💖💖💖💖💖💖💖

ഞാൻ അത്രമേൽ ഇഷ്ടത്തോടെ എഴുതിയ കഥയായിരുന്നു ഇത്… ആദ്യ പ്രണയം പോലെ ഇത് എന്നും എനിക്ക് പ്രിയങ്കരമായിരിക്കും….. ഇതുവരെ സപ്പോർട്ട് ചെയ്ത എല്ലാവർക്കും നന്ദി..

നിങ്ങൾ ഇങ്ങനെയാണോ എക്സ്പെക്ട് ചെയ്തതെന്ന് എനിക്കറിയില്ല… പക്ഷെ ഞാൻ ഇങ്ങനെയാണ് അവസാനിപ്പിക്കാൻ ആഗ്രഹിച്ചത്… ഇതാണ് ഞാൻ സ്വപ്നം കണ്ട കിനാശ്ശേരി.. 😁😁😁

അപ്പൊ ഞാൻ പോകുവാ…. ഇതിൽ നിന്ന് വ്യത്യസ്തമായ മറ്റൊരു കഥയുമായി വീണ്ടും വരാം… ബൈ 👋👋👋

ഒത്തിരി ഇഷ്ടത്തോടെ സഖി…. അല്ല സഖാവിന്റെ സഖി 💞

Where there is Love 💞There is Life💞 PART 1

Where there is Love 💞There is Life💞 PART 2

Where there is Love 💞There is Life💞 PART 3

Where there is Love 💞There is Life💞 PART 4

Where there is Love 💞There is Life💞 PART 5

Where there is Love 💞There is Life💞 PART 6

Where there is Love 💞There is Life💞 PART 7

Where there is Love 💞There is Life💞 PART 8

Where there is Love 💞There is Life💞 PART 9

Where there is Love 💞There is Life💞 PART 10

Where there is Love 💞There is Life💞 PART 11

Where there is Love 💞There is Life💞 PART 12

Where there is Love 💞There is Life💞 PART 13

Where there is Love 💞There is Life💞 PART 14

Where there is Love 💞There is Life💞 PART 15

Where there is Love 💞There is Life💞 PART 16