Where there is Love 💞There is Life💞 PART 6

നോവൽ
എഴുത്തുകാരി: MARY DIFIYA

Thank you for reading this post, don't forget to subscribe!

---

സിദ്ധു അവളുടെ ഫോട്ടോയിൽ തഴുകിക്കൊണ്ട് പറഞ്ഞു തുടങ്ങി…

“നീ പറ ഞാനല്ലേ നിന്നെ ആദ്യം സ്നേഹിക്കാൻ തുടങ്ങിയത്…. എന്റെ കൂട്ടുകാരന്റെ അനിയത്തി.. അങ്ങനെതന്നെയാ നിന്നെ ഞാൻ ആദ്യമൊക്കെ കണ്ടിരുന്നത്.

ഞാനും മഹിയും ഗൗതമും തമ്മിൽ ഇടയ്ക്ക് ഉണ്ടാവാറുള്ള വഴക്കുകളിൽ എപ്പഴും നീ എന്റെ ഭാഗത്തായിരുന്നു..

എപ്പോ മുതലാണ് നിന്നോടുള്ള എന്റെ സ്നേഹത്തിന്റെ അർഥം മാറിയതെന്ന് നിനക്ക് അറിയുമോ.. ഇല്ലല്ലേ…

അന്ന്… പപ്പേം മമ്മേം എന്നെ തനിച്ചാക്കി പോയില്ലേ.. അന്ന് ആ രാത്രി ഈ വീട്ടിൽ അവരുടെ മൃതദേഹത്തിനു മുന്നിൽ ഇരുന്ന് ഞാൻ കരഞ്ഞത് ഓർമ ഉണ്ടോ….

ഇനി ആർക്ക് വേണ്ടി ജീവിക്കണം എന്ന് ചിന്തിച്ച ഒരു പതിനേഴുകാരന് മുന്നിലേക്ക് വന്ന് ചേർത്ത് പിടിച്ച പന്ത്രണ്ടുകാരി ഉണ്ട്. അന്ന് മുതൽ നിനക്ക് വേണ്ടിയാ…

നിനക്ക് വേണ്ടി മാത്രമാ ഞാൻ ജീവിക്കുന്നെ…

ഞാൻ സങ്കടപ്പെട്ടിരുന്നപ്പോഴൊക്കെ കണ്ണ് ചിമ്മി കാണിച്ച് സാരമില്ല ഏട്ടാ എന്ന് പറഞ്ഞിരുന്ന പാവാടക്കാരി മുതിർന്നപ്പോൾ എന്നിൽ നിന്ന് അകലം കാണിക്കാൻ തുടങ്ങി… അത് ഞാൻ കണ്ടില്ലെന്ന് നടിച്ചു…

നിന്നെ പ്രണയാർദ്രമായി നോക്കിയവരെയൊക്കെ ഞാൻ ഉപദ്രവിച്ചുകൊണ്ടേയിരുന്നു…

അന്ന് മഴ നനഞ്ഞ് കടവരാന്തയിൽ കേറി നിന്ന നിന്നെ എന്റെ കുടകീഴിലേക്ക് വിളച്ചപ്പോ നീ ഓടിക്കയറിയത് മഹിയുടെ കുടകീഴിലാണ്.

അന്ന് നിന്നെ വീട്ടിലാക്കി തിരിച്ചു വരുന്ന വഴി നിന്നെ അവന് ഇഷ്ടമാണെന്ന് പറഞ്ഞു…

സഹിക്കുമോ ഞാൻ… പറ… ”

അവൻ പാറുവിന്റെ ഫോട്ടോ നോക്കി അലറി….

“ഞാൻ എന്താ ചെയ്തതെന്ന് അറിയണ്ടേ…. അന്ന് വൈകിട്ട് അവന്റെ ബൈക്കിന്റെ ബ്രേക്ക്‌ ഞാൻ ഊരി…. ഹാ ഹാ ഹ്ഹഹാ…..

തലനാരിഴയ്ക്ക് ജീവൻ രക്ഷപെട്ടു.. പക്ഷെ നിന്നെ ചേർത്ത് പിടിച്ച അവന്റെ വലതു കൈ തന്നെ ഒടിഞ്ഞു…

പിന്നെയും അവൻ നിന്നെ മോഹിച്ചപ്പോ അപ്പോഴേ തീർക്കേണ്ടതായിരുന്നു അവനെ…. അപ്പോഴാ അയാളുടെ വരവ്…

അയാൾ എന്നെ തടഞ്ഞു. എന്റെ ഇഷ്ടത്തിന് അയാൾ കൂടെ നിൽക്കാമെന്ന് പറഞ്ഞു… നിന്നെ നേടിത്തരാമെന്ന് വാക്ക് തന്നു..

അയാൾക്ക് വേണ്ടത് നിന്റെ സ്വത്തുക്കളായിരുന്നു. എനിക്ക് നിന്നെയും… പക്ഷെ നീയോ വീണ്ടും വീണ്ടും അവനെ… മഹിയെ നിന്നിലേക്ക് വലിച്ചടുപ്പിച്ചു…

നയത്തിൽ അവനെ നിന്നിൽ നിന്ന് അകറ്റാനാണ് അവന്റെ നിഴലുപോലെ ഞാൻ അവനോട് ചേർന്നത്.

നിന്നെ നഷ്ടപ്പെടുമോ എന്ന് ഭയന്ന് കൂടെ നിൽക്കുന്ന അയാൾ പോലുമറിയാതെയാണ് ഞാൻ നിന്റെയും കാർത്തിക്കിന്റെയും ഫോട്ടോസ് മോർഫ് ചെയ്ത് നിന്റെ വീട്ടിലേക്ക് അയച്ചത്…

എനിക്ക് ഉറപ്പായിരുന്നു നിന്റെ വീട്ടുകാർ നിന്റെ വിവാഹം വേഗം നടത്താൻ തീരുമാനിക്കുമെന്ന്. ഞാൻ നിന്റെ വീട്ടിൽ വിവാഹ ആലോചനയുമായി വരാനിരിക്കുവായിരുന്നു…. പക്ഷെ…. പക്ഷെ… ”

സിദ്ധു അടുത്തിരുന്ന ഗ്ലാസ് എറിഞ്ഞുടച്ചു…

“അവിടെയും മഹി ആദ്യമെത്തി. നിന്റെ അച്ഛൻ സമ്മതിച്ചു. പലവിധത്തിൽ അത് തടയാൻ ഞാൻ നോക്കി….. ഓഫീസിൽ ഫോട്ടോസ് അയച്ചു. പക്ഷെ അത് അവിടെ എത്തിയില്ല…. എന്തുകൊണ്ട്….???

പക്ഷെ ഞാൻ പിന്മാറിയില്ല കല്യാണ തലേന്ന് ഫോട്ടോസ് ഞാൻ നേരിട്ട് അവന്റെ കയ്യിൽ കൊടുത്തു…. അവൻ വിശ്വസിച്ചു….

അവിടെ ഞാൻ ജയിച്ചു… നിന്നെയും അവനെയും തമ്മിൽ അകറ്റാനുള്ള എന്റെ പദ്ധതിയുടെ ആദ്യ പടി…

അതിനിടയിൽ വേറൊരുത്തൻ വന്നു.. അവൻ നിനക്ക് കാവലാണെന്ന്… എന്തിന്… എന്തിനാ പാറു നീ പറ ഞാൻ ഉള്ളപ്പോ വേറെ കാവൽ നിനക്ക് വേണോ….. ഹാാാ…

അവനെ നമുക്ക് ഇല്ലാതാക്കാം ഇല്ലെങ്കിൽ അവന്റെ എന്റെ പദ്ധതികൾ മഹിയെ അറിയിക്കും…

പക്ഷെ… കാർത്തിക്കിനെ വീണ്ടും കളത്തിൽ ഇറക്കിയത് ഞാനല്ല… അത് വിധി… ഹഹാ ഹാഹ്ഹ്ഹ…. കണ്ടോ വിധിക്ക് പോലും ഇഷ്ടമല്ല നീ മഹിയുടെതാവുന്നത്..

കാർത്തിക്… അവൻ ഇപ്പൊ എന്റെ തുറുപ്പു ചീട്ട് ആണ്… അന്ന് പാർട്ടിയിൽ അവനെ കണ്ട മഹിയുടെ മുഖം ഞാൻ ശ്രദ്ധിച്ചു…. അത് കൊണ്ടാ ഞാൻ കാർത്തികിനെ ചെറുതായിട് വേദനിപ്പിച്ചത്. എനിക്കറിയാം അവനെ തൊട്ടാൽ നിനക്ക് പൊള്ളും.. നീ മഹിയെ സംശയിക്കും… അത് സക്സസ് ആയി..

അതിനു ശേഷം കാർത്തിക് നിന്നെ ഇവിടെ ഒറ്റയ്ക്കാക്കി പോകില്ലെന്ന് എനിക്ക് ഉറപ്പായിരുന്നു…. നിനക്ക് അറിയുമോ അവനും നീയും പ്രോജെക്ടിൽ വേണമെന്ന ആവശ്യം നിന്റെ ഏട്ടന്റെ കമ്പനിയിലേക്ക് അയച്ചത് ഞാനാണ്…

മഹിയുടെ സൈൻ ഉള്ളത്കൊണ്ട് നിന്റെ ഏട്ടൻ സംശയിച്ചില്ല… മഹി ആ ഫയൽ നോക്കില്ല. അത്രയ്ക്ക് വിശ്വാസമാ എന്നെ.. ഹഹ ഹാ ഹഹഹഹാ…. മണ്ടൻ സ്വന്തം ഭാര്യയെ വിശ്വസിക്കാതെ എന്നെ വിശ്വസിക്കുന്നു…

ഇന്നത്തോടെ അവൻ നിന്നെ വെറുക്കണമെന്ന് എനിക്ക് നിർബന്ധം ഉണ്ടായിരുന്നു. ഞാൻ നിന്നെ സ്നേഹിക്കാൻ ഉള്ളപ്പോ വേറാരും നിന്നെ സ്നേഹിക്കണ്ട.

അതുകൊണ്ടാ നിന്റെ ഈവെനിംഗ് ടീയിൽ ഞാൻ ഡ്രഗ്സ് കലർത്തിയത്. ചെറിയ ഡോസ് ആയിരുന്നു. ഞാൻ പ്രതീക്ഷിച്ചപോലെ നിനക്ക് തല ചുറ്റി..

കാർത്തിക് നിന്നെ താങ്ങി പിടിച്ചു.. നിങ്ങൾ ചേർന്ന് നിൽക്കുന്നത് മാത്രം കണ്ട മഹി തെറ്റിദ്ധരിച്ചു… അല്ല അവനെ എങ്ങനെ കുറ്റം പറയും. സ്വന്തം ഭാര്യ വേറൊരുത്തനോട് ചേർന്ന് പാർക്കിൽ ഇരിക്കുന്നതല്ലേ അവൻ കണ്ടത്…

അവനെ ആ സമയത്ത് അവിടെത്തിക്കാൻ ഞാൻ പെട്ട പാട്. ഹോ…. ഇപ്പോ.. എനിക്ക് സമാധാനമായി… ഇനി അധികം താമസമില്ല.. ഞാൻ വരും നിന്നെ എന്റെ ജീവിതത്തിലേക്ക് കൂട്ടാൻ… ഞാൻ വരും… ”

ഇത്രയും പറഞ്ഞ് സിദ്ധു പാറുവിന്റെ ഫോട്ടോയിൽ അമർത്തി ചുംബിച്ചു. എന്നിട്ട് മുറി വിട്ടിറങ്ങി.

മഹി അപ്പോഴും മദ്യ ലഹരിയിൽ പുലമ്പിക്കൊണ്ടിരിക്കുകയായിരുന്നു.

💖💖💖💖💖💖💖💖💖💖💖💖💖💖💖

രാത്രി ഏറെ വൈകിയിട്ടും മഹിയെ കാണാതെ ഡൈനിങ്ങ് ഹാളിൽ കാത്തിരിക്കുകയായിരുന്നു പാറു. ബാക്കിയുള്ളവരെ എല്ലാം അവൾ കിടക്കാൻ പറഞ്ഞു വിട്ടു…

മഹിയെ കാണാതെ അവൾ വിഷമിച്ചു.. അകാരണമായ ഭയം അവളെ കീഴ്പെടുത്തുന്നുണ്ടായിരുന്നു.

11മണി കഴിഞ്ഞപ്പോൾ കാറിന്റെ ഹോൺ കേട്ട് അവളെഴുന്നേറ്റ് ചെന്ന് വാതിൽ തുറന്നു. വാതിൽക്കൽ മഹിയെ താങ്ങിപ്പിടിച്ച് നിൽക്കുന്ന സിദ്ധു ആയിരുന്നു.

മഹിയുടെ അവസ്ഥ കണ്ട് അവൾ പരിഭ്രമിച്ചു…

സിദ്ധു :പാറു പേടിക്കണ്ട… കുടിച്ചതാ.. ഞാൻ പറഞ്ഞതാ കേട്ടില്ല..

പാറു ഒന്നും മിണ്ടിയില്ല കേട്ട് നിന്നു.
പാറുവും സിദ്ധുവും ചേർന്ന് മഹി റൂമിൽ എത്തിച്ചു.

ഈ സമയമത്രയും സിദ്ധുവിന്റെ കണ്ണുകൾ പാറുവിന്റെ ശരീരത്തിൽ ഇഴഞ്ഞ് നടക്കുകയായിരുന്നു.

പക്ഷെ മഹിയുടെ അവസ്ഥ കണ്ട് വേറെന്തോ ചിന്തിച്ചു നടന്ന പാറു സിദ്ധുവിന്റെ കഴുകൻ കണ്ണുകൾ അവളുടെ ശരീരത്തെ കൊത്തിപ്പറിക്കുന്നത് കണ്ടില്ല.

സിദ്ധു പാറുവിനോട് യാത്ര പറഞ്ഞ് അവിടെ നിന്ന് ഇറങ്ങി. അപ്പോഴും അവന്റെ ചുണ്ടിൽ ക്രൂരമായ ഒരു ചിരി ഒളിഞ്ഞിരുന്നു.

വാതിലടച്ച് മുറിയിൽ കയറിയ പാറുവിന് മദ്യത്തിന്റെ രൂക്ഷ ഗന്ധം അസഹനീയമായി തോന്നി. കണ്ണുകൾ നിറഞ്ഞൊഴുകി.

അന്ന് ആദ്യമായി അച്ഛന്റെ തീരുമാനത്തിന് സമ്മതം മൂളിയതിൽ പാറുവിന് കുറ്റബോധം തോന്നി.

അവൾ അവന്റെ കാലിൽ നിന്ന് ഷൂസ് അഴിച്ചു മാറ്റി. ഷിർട്ടിന്റെ മുകളിലെ രണ്ട് ബട്ടൺ തുറന്നിട്ടു. എസി കൂട്ടി ഇട്ടു. കട്ടിലിൽ കിടക്കാതെ അരികിലുള്ള കൗച്ചിൽ ഇരുന്ന് അവൾ പതിയെ മയക്കത്തിലേക്ക് വഴുതി വീണു. അപ്പോഴും അവളുടെ കണ്ണുകൾ തോർന്നിരുന്നില്ല.

💖💖💖💖💖💖💖💖💖💖💖💖💖💖💖💖

പിറ്റേന്ന് പുലർച്ചെ ആദ്യം എഴുന്നേറ്റത് മഹി ആയിരുന്നു. അവൻ കണ്ണുതുറന്നതേ ആദ്യം കണ്ടത് പാറുവിന്റെ മുഖം ആയിരുന്നു.

നിഷ്കളങ്കമായി ഉറങ്ങുന്ന അവളെ കണ്ടതും അവൻ എഴുന്നേറ്റിരുന്ന് അവളെ നോക്കി.

അവളുടെ പിന്നിലായി ഗ്ലാസ്‌ ബാൽക്കണിയിലൂടെ മഴ കണ്ടതും അവന്റെ ചുണ്ടിൽ പുഞ്ചിരി വിരിഞ്ഞു. ഓർമ്മകൾ കാലങ്ങൾ പിന്നിലേക്ക് ഓടി…

💖💖💖💖💖💖💖💖💖💖💖💖💖💖💖💖

അന്ന് അമ്പലത്തിൽ വച്ച് കണ്ടതിനു ശേഷം അവന്റെ ശ്രീയെ കാണാതെ വിഷമിച്ചിരിക്കുകയായിരുന്നു മഹി.

ആ ദിവസത്തിനു ശേഷം എന്നും അവൻ അമ്പലത്തിൽ പോകുമായിരുന്നു. അവന്റെ ശ്രീയെ കാണുക എന്നത് മാത്രമായിരുന്നു അവന്റെ ലക്ഷ്യം.

അന്ന് നല്ല മഴയായിരുന്നു… മഹി എം.ബി.എ കഴിഞ്ഞ് നിൽക്കുന്ന സമയം… അന്ന് അമ്പലത്തിൽ പോകാൻ അവൻ കൂട്ടിനു വിളിച്ചത് സിദ്ധുവിനെ ആയിരുന്നു.

അമ്പലത്തിൽ നിന്ന് അന്നും നിരാശനായി ഇറങ്ങി നടക്കുമ്പോഴാണ് പരിചിതമായ ആ ശബ്ദം കേൾക്കുന്നത്…

പാറു :എന്തൊരു മഴയാ എന്റെ മഹാദേവാ… കോളേജിൽ ആദ്യ ദിവസമാണ്… എങ്ങനെ പോവും ഞാൻ… ഈ മഴ തോർന്ന് വീട്ടിൽ എത്തുമ്പോൾ ഒരു നേരാവും..

അത് കണ്ട മഹിയുടെ ചുണ്ടിൽ കുസൃതി വിരിഞ്ഞു. അവളെ വിളിക്കാൻ ആയുമ്പോഴാണ് സിദ്ധു അവളെ വിളിച്ചത്…

സിദ്ധു :പാറു… ഇങ് വാ വീട്ടിൽ ആക്കിത്തരാം

പാറു :വേണ്ട ഏട്ടാ, മഴ കഴിഞ്ഞ് ഞാൻ പൊയ്ക്കോളാം..

അവൾ വരുന്നില്ലെന്ന് കണ്ടപ്പോൾ തിരികെ നടക്കാൻ തുടങ്ങിയതാ അവര് . പക്ഷെ അവളുടെ അടുത്ത് നിന്നവന്മാരുടെ കണ്ണ് നനഞ്ഞൊട്ടിയ അവളുടെ ശരീരത്തിലാണെന്ന് കണ്ട മഹിയുടെ മുഖം ചുവന്നു.

മഹി :ഡീ….. നിന്നോട് വരാൻ പറഞ്ഞാ വന്നാ മതി…

മഹിയുടെ വിളി കേട്ട്തന്നെ പാറു പേടിച്ചു. അവൾ ഓടി വന്ന് മഹിയുടെ കൂടെ കുടക്കീഴിൽ കയറി.

“എന്തൊരു സാധനം…. കാട്ടുമാക്കാൻ.. പതുക്കെ വിളിച്ചാലെന്താ… ഹും.. ”

അവൾ പിറുപിറുക്കുന്നത് കേട്ട് ചിരിയാണ് വന്നത്. അവളെ ചേർത്ത് പിടിച്ചു നടക്കുമ്പോൾ നെഞ്ചിൽ വല്ലാത്തൊരു പിടപ്പ് അറിഞ്ഞു. ഇന്നു വരെ അറിയാത്ത ഈണത്തിൽ ഹൃദയം മിടിക്കുന്നത് അവൻ മനസിലാക്കി.

പെട്ടെന്നുണ്ടായ ഇടിമിന്നലിൽ അവൾ അവനോട് കുറച്ചുകൂടി ചേർന്ന് നിന്നു…

അപ്പോഴാണ് അവളുടെ പിന്കഴുത്തിൽ മുടികൊണ്ട് പാതി മറഞ്ഞു കിടക്കുന്ന മറുകിൽ അവന്റെ ശ്രദ്ധ പതിഞ്ഞത്…

ആ കാഴ്ചയും അവളിൽ നിന്ന് ഉയർന്ന ബ്ലു ലേഡി പെർഫ്യൂമിന്റെ മണവും അവന്റെ കണ്ട്രോൾ കളയാൻ പാകത്തിനുള്ളതായിരുന്നു…

പെട്ടന്ന് അവളുടെ വീടെത്താൻ അവൻ പ്രാർത്ഥിച്ചു ഇല്ലെങ്കിൽ എന്തെങ്കിലും ചെയ്ത് പോകുമോ എന്ന ഭയം അവനുണ്ടായിരുന്നു.

വീടെത്തിയതും അവൾ പറഞ്ഞിട്ട് അകത്തേക്ക് പോയി. ഞങ്ങളും മടങ്ങി. അവളുടെ ഗന്ധം അന്ന് മുഴുവൻ ആ ഷിർട്ടിൽ ഉണ്ടായിരുന്നു..

💖💖💖💖💖💖💖💖💖💖💖💖💖💖💖💖

മഴ നോക്കിനിൽക്കുകയായിരുന്ന അവന്റെ ഉള്ളിൽ ഓർമകളുടെ വേലിയേറ്റം ഒരു പൊള്ളൽ ഏല്പിച്ചു. അവൻ ഒരു പിടച്ചിലോടെ അവളെ തിരിഞ്ഞ് നോക്കി…..

ഉള്ളിലെ താപം താങ്ങാൻ ആവാതെ അവന്റെ മിഴികൾ രണ്ട് തുള്ളി പൊഴിച്ചു.

അവൻ വേഗം ഫ്രഷ് ആവാൻ ബാത്‌റൂമിൽ കയറി. ഫ്രഷ് ആയി വന്ന അവൻ ഓഫീസ് റൂമിൽ കയറി ഡയറി മറിച്ച് നോക്കി…

ഒരു താളിൽ അവൻ കുറിച്ചു.

“സിദ്ധു പറഞ്ഞതാവും ശെരി… ചിലപ്പോൾ ഞാൻ അറിയാത്ത എന്തെങ്കിലും ഇന്നലെ നടന്നിട്ടുണ്ടാവും. കണ്ടതെല്ലാം സത്യമാവണമെന്നില്ലല്ലോ…

നീ എന്നെ ചതിക്കുമെന്ന് വിശ്വസിക്കാനാവുന്നില്ല പെണ്ണെ… നിന്നെ അത്രമേൽ പ്രണയിച്ചിരുന്നു ഞാൻ….

അറിയില്ല…. എന്തോ ഒന്ന് എന്റെ പ്രണയത്തെ നിന്നിൽ നിന്ന് അകറ്റുന്നു…. അത് കാർത്തിക് ആണോ? അറിയില്ല…. ”

അവൻ ആ മുറി വിട്ട് ഇറങ്ങി. അവൻ തയ്യാറായി ഓഫീസിലേക്ക് പോയി.

തനിക്കായി കാലം കാത്തു വച്ചിരിക്കുന്ന പരീക്ഷണങ്ങൾ അറിയാതെ പാറു അപ്പോഴും ഉറങ്ങുകയായിരുന്നു

💖💖💖💖💖💖💖💖💖💖💖💖💖💖💖

അന്ന് പാറു ലേറ്റ് ആയിട്ടാണ് ഓഫീസിൽ എത്തിയത്. അവൾ ആകെ ക്ഷീണിതയായി കാണപ്പെട്ടു.

മനസിലെ ദുഃഖം പുറത്ത് കാണിക്കാതിരിക്കാൻ അവൾ ശ്രമിച്ചെങ്കിലും,
അവളെ അടുത്തറിയാവുന്ന കാർത്തിക്കിനും അപ്പുവിനും അവളുടെ അവസ്ഥ മനസിലായി.

പക്ഷെ മറ്റുള്ളവർ അത് കാര്യമാക്കിയില്ല… അവർക്ക് മുന്നിൽ പാറു ചിരിച്ചു കളിച്ചു നടന്നു….

അന്നും മഹി കുടിച്ചിട്ടാണ് വന്നത്. അതും സിദ്ധുവിന്റെ പദ്ധതിയുടെ ഭാഗമായിരുന്നു… മഹിക്ക് നൽകിയ മദ്യത്തിൽ അവൻ ഡ്രഗ്സ് കലർത്തി.

സിദ്ധു അവനെ വീട്ടിൽ കൊണ്ടുവന്ന് ആക്കി… മറ്റുള്ളവർ ഉറങ്ങിയിരുന്നു. പാറുവും സിദ്ധുവും ചേർന്ന് അവനെ റൂമിൽ കൊണ്ട്പോയി കിടത്തി.

അത് പതിവാകാൻ തുടങ്ങി… ദിവസങ്ങൾ ആഴ്ചകൾക്കും, ആഴ്ചകൾ മാസങ്ങൾക്കും വഴി മാറി… അവരുടെ വിവാഹം കഴിഞ്ഞിട്ട് ഇപ്പോൾ 4 മാസം.., പാറു ജീവിതത്തെ വെറുക്കാൻ തുടങ്ങിയിരുന്നു ഇതിനോടകം.

വല്ലാത്തൊരു മരവിച്ച അവസ്ഥയിലായിരുന്നു അവൾ. വീട്ടിലും ഓഫീസിലും അവൾ മൂകയായി കാണപ്പെട്ടു.

കാർത്തിക്കും അപ്പുവും അവളോട് മാറിമാറി ചോദിച്ചെങ്കിലും അവൾ ഒന്നും പറയാൻ തയ്യാറായില്ല. എല്ലാ ഉത്തരങ്ങളും ഒരു പുഞ്ചിരിയിൽ ഒതുക്കി.

ആരോടും അധികം സംസാരവും ഇല്ലാതായി.

അവളുടെ വീട്ടിൽ നിന്ന് എന്നും വിളിക്കുമെങ്കിലും അവരെ ആരെയും അവൾ ഒന്നും അറിയിച്ചില്ല.

കാർത്തിക്കിന്റെ ആക്‌സിഡന്റിന് ശേഷമുള്ള കാര്യങ്ങൾ ഗൗതമിനോട് പോലും അവൾ പറഞ്ഞില്ല.

വിരുന്നിനു ചെല്ലാൻ നിര്ബന്ധിച്ചപ്പോഴൊക്കെ ഓരോരോ തിരക്കുകൾ പറഞ്ഞ് അവൾ ഒഴിഞ്ഞു…

ഇവിടെ വീട്ടിൽ പ്രതാപനും ലക്ഷ്മിയും ഉൾപ്പെടെ എല്ലാവർക്കും അവളുടെ ഈ മാറ്റം ഒരു അത്ഭുതമായിരുന്നു….

പതിവ് പോലെ അന്നും എല്ലാവരും ഓഫീസ് ക്യാന്റീനിൽ ഒരുമിച്ചിരുന്നാണ് ഉച്ച ഭക്ഷണം കഴിച്ചത്.

പാറുവിനും തനിക്കും ഇടയിലെ പ്രശ്നങ്ങൾ മറ്റാരും അറിയാതിരിക്കാൻ എല്ലാവർക്കും മുന്നിൽ തകർത്ത് അഭിനയിക്കുകയാണ് മഹി.

ഒരു പുച്ഛം കലർന്ന ചിരിയോടെ മാത്രമാണ് പാറു അത് വീക്ഷിച്ചത്. ഇവർ തമ്മിലുള്ള ഈ നാടകം കാർത്തിക് വീക്ഷിക്കുനുണ്ടായിരുന്നു.

അന്ന് വൈകിട്ട് എല്ലാവരും പോയിക്കഴിഞ്ഞ് കാർത്തിക് അവളെ പിടിച്ചിരുത്തി അവന്റെ ഉള്ളിലുണ്ടായിരുന്ന സംശയങ്ങൾ ചോദിക്കാൻ തുടങ്ങി… പക്ഷെ അവൾ ഒന്നും മിണ്ടാതെ തല താഴ്ത്തി ഇരിക്കുകയായിരുന്നു.

കാർത്തി :പാറു എന്റെ മുഖത്തേക്ക് നോക്ക്… നീയും മഹിയേട്ടനും തമ്മിൽ എന്താ പ്രശ്നം….

പാറു :ഒന്നുമില്ല…

കാർത്തി :ഡീ നിന്നെ കുറെ നാളായി ഞാൻ കാണാൻ തുടങ്ങിയിട്ട്. നിന്റെ ചെറിയ മാറ്റം പോലും എനിക്ക് മനസ്സിലാവും.

പക്ഷെ ഇപ്പോ കുറച്ചു നാളായി നീ എനിക്ക് മനസിലാക്കാൻ സാധിക്കുന്നതിന് അപ്പുറത്തേക്ക് പോയ്‌കൊണ്ടിരിക്കുകയാണ്… പറ… എന്താണെങ്കിലും നമുക്ക് പരിഹാരം ഉണ്ടാക്കാം

പക്ഷെ പാറു ഒന്നും മിണ്ടാതെ അവനെ ഒന്ന് നോക്കി ചിരിച്ചിട്ട് എഴുന്നേറ്റ് പോയി…

അന്നും രാത്രി ഭക്ഷണം കഴിക്കാൻ ഇരുന്നപ്പോൾ പാറു ഒന്നുംതന്നെ മിണ്ടുന്നില്ല എന്ന് ശ്രദ്ധിച്ച പ്രതാപൻ അവളോട് സംസാരിക്കാൻ തീരുമാനിച്ചു…

അന്ന് എല്ലാവരും ഉറങ്ങിയിട്ടും പ്രതാപൻ ഉറങ്ങിയില്ല. താനറിയാതെ ഈ വീട്ടിൽ നടക്കുന്നതെന്താണെന്ന് കണ്ടെത്താൻ അയാൾ ഉറങ്ങാതെ കാത്തിരുന്നു. പാറു അത് കണ്ടതുമില്ല.

ഏകദേശം 11മണിയോടെ മഹി എത്തി. പതിവിനു വിപരീതമായി അന്ന് മഹി ഒറ്റയ്ക്ക് ഡ്രൈവ് ചെയ്താണ് വന്നത്. അവനന്ന് മദ്യപിച്ചിട്ടുണ്ടായിരുന്നില്ല പകരം അവനെ ഡ്രഗ്സ് യൂസ് ചെയ്യാൻ സിദ്ധു ശീലിപ്പിച്ചിരുന്നു.

വാതിൽ തുറന്ന അവൾ അവന്റെ കോലം കണ്ട് നോക്കി നിന്നു. അവന്റെ കണ്ണുകൾ ചുവന്നിരുന്നു കാലുകൾ നിലത്തുറക്കാതെ വല്ലാത്തൊരു രീതിയിൽ അവൻ അവളുടെ ശരീരത്തിൽ നോട്ടം ഉഴിഞ്ഞുകൊണ്ടിരുന്നു..

അത് കണ്ട പാറു അസഹനീയതയോടെ നടന്ന് നീങ്ങി.. അവൻ അവളെ വലിച്ച് നിലത്തേക്ക് തള്ളിയിട്ടുകൊണ്ട് ചോദിച്ചു…

“നിനക്ക് ഞാൻ നോക്കുമ്പോ മാത്രം എന്താടി… നിന്റെ മറ്റവൻ നോക്കുമ്പോ ഒരു കുഴപ്പവും ഇല്ലല്ലോ ”

അവൾ അറപ്പോടെ അവന്റെ വാക്കുകൾ കേട്ട് നിന്നു. അവളുടെ കൈകളെ അവന്റെ ബൂട്ട് ഇട്ട കാലുകൊണ്ട് അവൻ ചവിട്ടി ഞെരിച്ചു…

വലിയ വേദനയിലും അവളുടെ കണ്ണുകൾ നിറഞ്ഞില്ല… ആ കണ്ണുകൾ ഒരിക്കലും നിറയാത്ത വിധം വറ്റി തുടങ്ങിയിരുന്നു…

ഈ കാഴ്ച കണ്ട പ്രതാപൻ ഓടി വന്ന് അവനെ തള്ളി നിലത്തേക്കിട്ടു. മഹി സ്വയം എഴുന്നേൽക്കാനാവാതെ അവിടെത്തന്നെ കിടന്നു…

പ്രതാപൻ പാറുവിനെ പിടിച്ചെഴുന്നേല്പിച്ചു.. അവൾ അയാളുടെ നെഞ്ചിൽ ചേർന്ന് നിന്ന് പൊട്ടിക്കരഞ്ഞുപോയി ….

അവളുടെ തോളിൽ തട്ടി അയാൾ ആശ്വസിപ്പിച്ചു. അവളുടെ കരച്ചിൽ ഒന്നടങ്ങിയപ്പോൾ അയാൾ അവളോട് ചോദിച്ചു.

പ്രതാപൻ :എന്താ മോളെ ഞാൻ ഈ കണ്ടതിന്റെയൊക്കെ അർഥം?

അതിനുത്തരമായി അവളൊന്ന് നിർജീവമായി ചിരിച്ചു. എന്നിട്ട് ഇതുവരെ ഉണ്ടായ എല്ലാ കാര്യങ്ങളും അയാളോട് പറഞ്ഞു. പറഞ്ഞ് തീർന്നപ്പോഴേക്കും അവൾ വീണ്ടും കരഞ്ഞ് പോയിരുന്നു…

അയാൾ അവളെ ആശ്വസിപ്പിച്ച് കിടക്കാൻ പറഞ്ഞു വിട്ടു. മഹിയെയും താങ്ങി റൂമിൽ കൊണ്ടുപോയാക്കി..

ചില തീരുമാനങ്ങളുമായി അയാൾ കിടക്കാൻ മുറിയിൽ കയറി. പാറു അപ്പോഴും കരയുകയായിരുന്നു. പുറത്ത് ആർത്തലച്ച് പെയ്തുകൊണ്ടിരുന്ന മഴ അവളുടെ കണ്ണുനീരിനു മുന്നിൽ തോറ്റ് പിന്മാറി.

💖💖💖💖💖💖💖💖💖💖💖💖💖💖💖💖

പിറ്റേന്ന് രാവിലെ എഴുന്നേറ്റ പാറുവിനോട് വൈകിട്ട് ഓഫീസിൽ നിന്ന് അവളെ കൂട്ടാൻ ചെല്ലാമെന്ന് പ്രതാപൻ പറഞ്ഞു. ഒരിടം വരെ പോകണമെന്ന് മാത്രമേ അയാൾ അവളോട് പറഞ്ഞുള്ളു…

വലിയ താല്പര്യമില്ലെങ്കിലും അവൾ ഓഫീസിൽ പോയി. അന്ന് കാർത്തിക്ക് ലീവ് ആയിരുന്നു. വൈകുന്നേരം പ്രതാപൻ അവളെ കാത്ത് ഓഫീസിനു പുറത്ത് നിൽപ്പുണ്ടായിരുന്നു.

പതിവില്ലാത്ത ഈ കാഴ്ച കണ്ട് സിദ്ധു അവരെങ്ങോട്ടാണ് പോകുന്നതെന്നറിയാൻ അവരെ പിന്തുടർന്നു. മഹിയോട് ഇപ്പോ വരുമെന്നാണ് സിദ്ധു പറഞ്ഞത്. മഹി ആ സമയം ബാക്കിയുള്ള മെയിൽസ് ചെക് ചെയ്യാൻ ഇരുന്നു.

പ്രതാപൻ പാറുവുമായി കാർത്തിക്കിന്റെ വീട്ടിലേക്കാണ് പോയത്. പ്രതാപൻ എല്ലാ കാര്യങ്ങളും കാർത്തിക്കിനെ വിളിച്ച് അറിയിച്ചിരുന്നു. അവൻ അവരെ കാത്ത് പുറത്തു നിൽപ്പുണ്ടായിരുന്നു.

കാർത്തി അവളെ കണ്ടതും ഓടിവന്ന് അവളെ കെട്ടിപിടിച്ചു. അത് ഒളിഞ്ഞിരുന്ന് കണ്ട സിദ്ധു ഒരു നിഗൂഢമായ ചിരിയോടെ വീഡിയോ ഷൂട്ട്‌ ചെയ്യാൻ തുടങ്ങി.

കുറച്ചു നീങ്ങി നിന്നിരുന്ന പ്രതാപനെ സ്‌ക്രീനിൽ കിട്ടാത്ത വിധത്തിലാണ് അവൻ വീഡിയോ എടുത്തത്.

കാർത്തിക് അവളുടെ മുഖം കൈക്കുമ്പിളിൽ എടുത്ത് വാത്സല്യത്തോടെ നോക്കി

കാർത്തി :എങ്ങനെ സഹിച്ചു നീ ഇതെല്ലാം. ഒരു വാക്ക് എന്നോടെങ്കിലും പറയാമായിരുന്നില്ലേ നിനക്ക്..

പാറു കരഞ്ഞുകൊണ്ട് അവന്റെ നെഞ്ചിൽ മുഖം ചേർത്തു.

കാർത്തിക്ക് അവളുമായി അകത്തേക്ക് കയറി. മുന്നിലെ അകത്തേക്ക് കയറിയ പ്രതാപനെ സിദ്ധു വീഡിയോയിൽ ഉൾപ്പെടുത്തിയില്ല.

കാർത്തിക് വാതിൽ അടക്കുന്നത് വരെയുള്ള വീഡിയോ എടുത്ത അവൻ. പെട്ടെന്ന് തന്നെ ആവശ്യമായ മാറ്റങ്ങൾ വരുത്തി വീഡിയോ മഹിക്ക് അയച്ചു……

💖💖💖💖💖💖💖💖💖💖💖💖💖💖💖💖

ഇതേ സമയം ഓഫീസിൽ മെയിൽ ചെക്ക് ചെയ്യുന്നതിനിടയിലാണ് അപരിചിതമായ ഒരു മെയിൽ ഐഡി യിൽ നിന്ന് ഒരു മെയിൽ വന്നത്.

മെയിലിൽ അറ്റാച്ച് ചെയ്തിരുന്ന വീഡിയോ കണ്ടതും അവന്റെ മുഖം ചുവന്നു. ദേഷ്യത്തിൽ അവൻ വിറച്ചു.

കാർത്തിക് അവളുടെ മുഖം കൈക്കുമ്പിളിൽ എടുത്ത് എന്തോ പറയുന്നതും അവര് കെട്ടിപിടിച്ചു നിൽക്കുന്നതും. അത് കഴിഞ്ഞ് ഒരുമിച്ച് ആ വീട്ടിൽ കയറി വാതിൽ അടയ്ക്കുന്നത് വരെയാണ് ദൃശ്യങ്ങൾ.

അവൻ ദേഷ്യത്തിൽ ടേബിളിൽ ഇരുന്ന ഫയലുകൾ തട്ടി മറിച്ചിട്ടു. തിരിച്ചു വന്ന സിദ്ധു എല്ലാം തകർന്നവനെ പോലെയുള്ള മഹിയുടെ ഇരിപ്പ് കണ്ട് ചുണ്ടിലൂറിയ ചിരി മറച്ച് പിടിച്ചു അവന്റെ അടുത്തേക്ക് ചെന്നു.

സിദ്ധു :മഹി… ഡാ എന്താ പറ്റിയത്..

മഹി എല്ലാ കാര്യങ്ങളും അവനോട് പറഞ്ഞു…

സിദ്ധു :ഡാ അവളെ ഇനി നിനക്ക് വേണോടാ. വേണ്ടെന്ന് വെക്ക്… അവൾ പൊയ്ക്കോട്ടെ അവന്റെ കൂടെയോ ആരുടെ കൂടെയോ ജീവിക്കട്ടെ…

മഹി : വയ്യെടാ.. എല്ലാവരുടെയും മുന്നിൽ തോറ്റവനെ പോലെ നിൽക്കാൻ എനിക്ക് വയ്യ.

സിദ്ധു :എന്നുവച്ചാൽ നീ അവളെ ലൈഫെലോങ് ചുമക്കാൻ പോകുവാണോ? അവൾക് അവന്റെ ചോരയിൽ ഒരു കുഞ്ഞുണ്ടായാൽ അതിനെയും നീ ഏറ്റെടുക്കുമോ?

മഹിക്ക് സമനില തെറ്റുന്നത് പോലെ തോന്നി. അവൻ സിദ്ധുവിന്റെ കൈ കൂട്ടി പിടിച്ച് കരഞ്ഞു.

മഹി :ഡാ എനിക്ക് ആ മരുന്ന് വേണം. നീ എനിക്ക് തരാറുള്ള ടെന്ഷന് കഴിക്കുന്ന മരുന്ന്.

സിദ്ധു അവന് ഡ്രഗ്സ് ടെന്ഷന്റെ മരുന്ന് എന്നപേരിലാണ് നല്കികൊണ്ടിരുന്നത്. സിദ്ധു അവനെ ചേർത്ത് പിടിച്ചു.

സിദ്ധു :വാ നമുക്ക് എന്റെ വീട്ടിലേക്ക് പോകാം ഞാൻ തരാം നിനക്ക്.. വാ

അവര് ഓഫിസ് പൂട്ടി ഇറങ്ങി. സിദ്ധുവിന്റെ കണ്ണിൽ ഒളിഞ്ഞിരുന്ന വന്യത മഹിക്ക് തിരിച്ചറിയാൻ സാധിച്ചില്ല. അവര് സിദ്ധുവിന്റെ വീട്ടിലേക്ക് പോയി.

മഹി അന്ന് നേരത്തെ വീട്ടിലെത്തി. അവൻ നേരെ മുറിയിലേക്കാണ് പോയത്. പാറുവും പ്രതാപനും അപ്പോഴും എത്തിയിട്ടുണ്ടായിരുന്നില്ല.

കുറച്ചു നേരം കഴിഞ്ഞ് അവരെത്തി.

ഏകദേശം 10 മണി കഴിഞ്ഞിരുന്നു.
പാറു മുറിയിലേക്ക് കയറിയതും മഹി അവൾക്ക് നേരെ ചെന്നു. തലേന്നത്തെ ഓർമ്മകൾ ഉള്ളത്കൊണ്ടും അവന്റെ ഭാവം വല്ലാത്തൊരു രീതിയിൽ ആയിരുന്നത്കൊണ്ടും പാറു ഭയന്നു.

മഹി :എവിടായിരുന്നു നീ ഇത്ര നേരം.

പാറു :കാ…കാർത്തിക്കിന്റെ അടുത്ത്.

അവൾ വിക്കി വിക്കി പറഞ്ഞൊപ്പിച്ചു….

മഹി അവളെ കൈക്ക് പിടിച്ചു വലിച്ചു ബെഡിലേക്ക് എറിഞ്ഞു. അവൾ എഴുന്നേറ്റിരുന്നു…

പാറു :അച്ഛനും. ഉണ്ടായ………

അവൾ പറയാൻ വന്നത് മഹി തടഞ്ഞു.

മഹി :ശ്….. മിണ്ടരുത്.. അവന് ശബ്ദം താഴ്ത്തി വല്ലാത്തൊരു ഭാവത്തോടെ പറഞ്ഞു. എന്നിട്ട് അവളെ അടിമുടി ഒന്ന് നോക്കി..

അവൾ ഭയന്ന് പിന്നിലേക്ക് നീങ്ങാൻ തുടങ്ങി..
അവൾ ആ മുറിയിൽ നിന്ന് രക്ഷപെടാൻ ആഗ്രഹിച്ചു. പക്ഷെ അതിന് അവൾ ശ്രമിക്കുന്നതിനു മുൻപേ വന്യമായ കരുത്തോടെ അവൻ അവളിലേക്ക് പടർന്നു കയറാൻ തുടങ്ങിയിരുന്നു.

തടയാൻ പോലും അവൾ ഭയപ്പെട്ടു. വെറുപ്പോടെ തള്ളി മാറ്റാൻ ശ്രമിച്ചപ്പോൾ ക്രൂരമായി അവൻ അവളെ ഉപദ്രവിക്കാൻ തുടങ്ങി…

ആ രാത്രിയിൽ എപ്പോഴോ തന്റെ ഇരയെ കീഴ്പ്പെടുത്തിയ സിംഹത്തെപ്പോലെ അവൻ അവളെ കീഴ്‌പ്പെടുത്തി.

അവൻ തളർന്ന് ഉറങ്ങിയപ്പോഴും അവൾ ഉറങ്ങിയില്ല. വിവാഹം മുതൽ അത് വരെയുള്ള നിമിഷങ്ങൾ അവളുടെ മുന്നിലൂടെ സിനിമയിൽ എന്നപോലെ കടന്ന് പോയി.

തന്നെ എന്നും വേദനിപ്പിച്ചിട്ടുള്ള ഒരാൾക്ക് തന്റെ ശരീരത്തിൽ അവകാശം കൊടുക്കേണ്ടി വന്ന അവളുടെ ദുരവസ്ഥയോർത്ത് അവൾ തേങ്ങി.

മഹിയെ ഇന്നോളം വെറുക്കാൻ സമ്മതിക്കാതെ ഇരുന്ന അവളിലെ ഭാര്യ മരിക്കുകയായിരുന്നു അവിടെ. ഉറങ്ങികിടക്കുന്ന അവനെ നോക്കി അവൾ പറഞ്ഞു.

“ഇന്ന് ഈ ഭൂമിയിൽ ഞാൻ വെറുക്കുന്ന ഒരേയൊരാൾ നിങ്ങളാണ്.. നിങ്ങൾ മാത്രം.എന്റെ മനസിനെ സ്വന്തമാക്കാതെ ശരീരം മാത്രം സ്വന്തമാക്കിയ മൃഗം. ”

അവളുടെ കണ്ണുകൾ പകയോടെ അവനെ നോക്കിക്കണ്ടു.

“നിങ്ങൾ ഇതിന് അനുഭവിക്കും. ചെയ്ത തെറ്റ് നിങ്ങൾ മനസിലാക്കുമ്പോഴേക്കും നിങ്ങൾക്ക് എത്തിപ്പിടിക്കാൻ കഴിയാത്ത ദൂരത്തിൽ ഞാൻ എത്തും. ഇനി നമ്മൾ ഒരുമിച്ച് ഒരു ജീവിതം ഇല്ല. ”

അവൾ എഴുന്നേറ്റ് ബാംഗ്ലൂർ അവൾ താമസിച്ചിരുന്ന വീടിന്റെ ഓണർ റോസിലി ആന്റിയുടെ ഹസ്ബൻഡ് ഡേവിസ് അങ്കിളിന്റെ കമ്പനിയിലെ വേക്കൻസിയിലേക്ക് ജോബ് അപ്ലിക്കേഷൻ മെയിൽ ചെയ്തു.

എന്നിട്ട് എന്തോ തീരുമാനിച്ചുറപ്പിച്ച് കൗച്ചിൽ ചാരിയിരുന്ന് ഉറങ്ങാൻ തുടങ്ങി.

പക്ഷെ കാലം അവൾക്കായി കാത്ത് വച്ചത് മറ്റൊന്നായിരുന്നു…. അത് അവളുടെയും അവൾക്ക് ചുറ്റുമുള്ളവരുടെയും ജീവിതത്തിൽ പുതിയൊരു വെളിച്ചം നൽകാൻ മാത്രം പ്രാപ്തമായിരുന്നു.

💖💖💖💖💖💖💖💖💖💖💖💖💖💖💖💖

(തുടരും… )

Where there is Love 💞There is Life💞 PART 1

Where there is Love 💞There is Life💞 PART 2

Where there is Love 💞There is Life💞 PART 3

Where there is Love 💞There is Life💞 PART 4

Where there is Love 💞There is Life💞 PART 5