Where there is Love 💞There is Life💞 PART 5

നോവൽ
എഴുത്തുകാരി: MARY DIFIYA

Thank you for reading this post, don't forget to subscribe!

---

പിറ്റേന്ന് കുറച്ചു ഉറച്ച തീരുമാനങ്ങളുമായാണ് പാറു എഴുന്നേറ്റത്….

കുളിച്ച് ഓഫീസിലേക്ക് ഇടാനുള്ള അവളുടെ ഡ്രസ്സും മഹി തലേന്ന് എടുത്ത് വച്ച അവന്റെ ഡ്രസ്സും അവൾ അയൺ ചെയ്തു.

താഴെ പൂജാ മുറിയിൽ വിളക്ക് തെളിയിച്ച് പ്രാര്ഥിക്കുമ്പോഴാണ് ലക്ഷ്മി പൂജാ മുറിയിലേക്ക് വന്നത്… അവരുടെ മനസ്സ് ആ കാഴ്ച്ചയിൽ നിറഞ്ഞു…

പ്രാർത്ഥിച്ച് കഴിഞ്ഞ് രണ്ട് പേരും ഒന്നിച്ച് അടുക്കളയിൽ കയറി രാവിലത്തെ ഭക്ഷണം തയ്യാറാക്കി…

പാറു മഹിക്കുള്ള ചായയുമായി മുകളിലേക്ക് പോയി. അവൻ ബാത്‌റൂമിൽ നിന്ന് ഇറങ്ങിയതും പാറു മുറിയിലേക്ക് കയറിയതും ഒരുമിച്ചായിരുന്നു…

ഒരു ടവൽ മാത്രം ധരിച്ച് അവൻ നിൽക്കുന്നത് കണ്ട് അവൾ ഞെട്ടി.. അവനും അവളെ ആ സമയത്ത് അവിടെ പ്രതീക്ഷിച്ചില്ല. അവൾ പെട്ടന്ന് തിരിഞ്ഞ് കണ്ണടച്ച് നിന്ന് വിളിച്ച് കൂവി..

പാറു :ഡോ… ഒരു ഷർട്ട്‌ എങ്കിലും എടുത്തിടെടോ…

മഹി :അവളുടെ ആ ഭാവം കണ്ട് അവനു ഒരു കുസൃതി തോന്നി …

അവൻ അവളുടെ തൊട്ട് പിറകിലായി ചെന്ന് നിന്നു. എന്തോ ഒരു പ്രേരണയിൽ അവൻ അവളുടെ ഇടുപ്പിലൂടെ കയ്യിട്ട് അവനോട് ചേർത്ത് നിറുത്തി…

പാറു ഞെട്ടിത്തരിച്ചു… അവൾ അനങ്ങാനാവാതെ നിന്നു.

മഹി പിന്നിൽ കിടന്ന അവളുടെ മുടി വകഞ്ഞ് മാറ്റി അവളുടെ പിൻകഴുത്തിലെ മറുകിൽ ഉമ്മ വച്ചു. അവളൊന്ന് പുളഞ്ഞുപോയി….. അവന്റെ കയ്യുടെ ബലം കൂടി വന്നതും പെട്ടന്ന് പാറുവിന്റെ ഫോൺ റിങ് ചെയ്തു.. രണ്ടാളും ഞെട്ടി മാറി നിന്നു. പരസ്പരം നോക്കാൻ വല്ലാത്തൊരു ജാള്യത രണ്ടാൾക്കും അനുഭവപ്പെട്ടു.

അവൻ വേഗം ഡ്രസ്സ് എടുത്ത് ഡ്രസ്സിങ് ഏരിയയിലേക്ക് പോയി.

മഹി :ശേ… അവളെ അടുത്ത് കാണുമ്പോ ഉള്ളിലെ ദേഷ്യം ഒക്കെ എങ്ങോ മാഞ്ഞു പോവുന്നല്ലോ.. പാടില്ല. ഷീ ഈസ്‌ എ ചീറ്റ്..

അവൻ മനസ്സിനെ പറഞ്ഞ് പഠിപ്പിച്ചു.

പാറു :അങ്ങേരെ അവോയ്ഡ് ചെയ്യണമെന്നൊക്കെ വിചാരിച്ചല്ലേ എഴുന്നേറ്റത്. എല്ലാം വെള്ളത്തിൽ വരച്ച വര പോലെ ആകുവാണല്ലോ മഹാദേവാ…. അല്ലേൽ അത് വേണ്ട എല്ലാ മഹാദേവന്മാരും കണക്കാ… ആഞ്ചനേയൻ മതി. കണ്ട്രോൾ തരണേ ആഞ്ചനേയാ..

അതിനു ശേഷം രണ്ടാളും പരസ്പരം ഒന്ന് നോക്കി പോലുമില്ല.

ഓഫീസിലെ ആദ്യ ദിവസമായതിനാൽ നേരത്തെ ഇറങ്ങാൻ അവൾ തീരുമാനിച്ചു..
വൈറ്റ് കളർ ക്രോപ് ടോപ്പും ആങ്കിൾ ലെങ്ത് ജീൻസും പര്പളിൽ ബ്രൗണിഷ് ഷേഡ് ഉള്ള കോട്ടും ധരിച്ച് തികച്ചും ഫോർമൽ ആയി തയ്യാറായി വരുന്ന പാറുവിനെ അവിടെ എല്ലാവരും കൗതുകത്തോടെ നോക്കിനിന്നു. അവൾ എല്ലാവരെയും ഒന്ന് നോക്കി ചിരിച്ചിട്ട് മഹിയെ നോക്കുക പോലും ചെയ്യാതെ അവൾ എല്ലാരോടും യാത്ര പറഞ്ഞ് ഇറങ്ങി.

അവളുടെ ആ അവഗണന അവനെ വല്ലാതെ അസ്വസ്ഥതനാക്കി.

ഓഫീസിൽ എത്തിയിട്ടും മഹി അസ്വസ്ഥനായിരുന്നു. അവൻ അത് ദേഷ്യത്തിന്റെ രൂപത്തിൽ എല്ലാരോടും പ്രകടിപ്പിച്ചുകൊണ്ടിരുന്നു.

അപ്പോഴാണ് പുതിയ പ്രൊജക്റ്റിന്റെ ഫയലുമായി സിദ്ധു കയറി വന്നത്.
പുതിയ പ്രൊജക്റ്റ്‌ ടീം ഔട്സോഴ്സിങ് കമ്പനിയിൽ നിന്ന് ഇന്ന് എത്തുമെന്ന് പറഞ്ഞിട്ട് സിദ്ധു പോയി. മഹി ആ ഫയൽ ഒന്ന് നോക്കുക പോലും ചെയ്യാതെ സൈൻ ചെയ്തിട്ട് മാറ്റി വച്ചു. ഫയൽ സിദ്ധു വെരിഫൈ ചെയ്തിട്ടുണ്ടാവുമെന്ന് അവനു ഉറപ്പായിരുന്നു.

💖💖💖💖💖💖💖💖💖💖💖💖💖💖💖💖

പുതിയ ഓഫീസിൽ എത്തിയ പാറു ഗൗതമിന്റെ ക്യാബിനിൽ പോയി ചാർജ് എടുത്തു..
ഗൗതം അവൾക്ക് വേണ്ട നിർദ്ദേശങ്ങൾ നൽകിക്കൊണ്ടിരുന്നു.

ഗൗതം : പാറു…. നമ്മുടെ കമ്പനി ഒരു ഡാറ്റാ ഔട്സോഴ്സിങ് കമ്പനി ആണ്. നീ ഇന്ന് ജോയിൻ ചെയ്തത് നന്നായി. ഇന്ന് പുതിയ പ്രോജക്ടിന് ടീം ഇടാൻ തീരുമാനിച്ചിരിക്കുകയായിരുന്നു. എനിവേ നിന്നെ ആ ടീമിൽ ചേർക്കാം.

പാറു :അത്.. കുഞ്ഞേട്ടാ.. എനിക്ക് അത്ര എക്സ്പീരിയൻസ് ഇല്ലല്ലോ.

ഗൗതം :ഇട്സ് ഓക്കേ… നിനക്ക് നല്ലൊരു ടീമിനെ തരാം. പോരെ?

പാറു :അല്ല ഏത് കമ്പനിയുടെ വർക്ക്‌ ആണ്?

ഗൗതം :കൈലാസം ഗ്രൂപ്പസിന്റെ.. ☺️

പാറു :വാട്ട്‌?

ഗൗതം :യെസ്… നിന്റെ കെട്ടിയോന്റെ കമ്പനിതന്നെ… പിന്നെ ഇന്ന് മുതൽ വർക്ക്‌ കംപ്ലീറ്റ് ആവുന്നത് വരെ നിങ്ങളുടെ ടീം അവരുടെ ഓഫീസിൽ ആണ് വർക്ക്‌ ചെയ്യേണ്ടത്.

പാറു :കുഞ്ഞേട്ടാ.. എന്നെ ഇതിന്ന് ഒഴിവാക്കികൂടെ… കുഞ്ഞേട്ടനോട് ഞാൻ എല്ലാം പറഞ്ഞതല്ലേ…

ഗൗതം :നോ പാറു… വർക്ക്‌ ഈസ്‌ വർഷിപ്. അതിൽ നോ കോംപ്രമൈസ്. പിന്നെ നീ എന്റെ അനിയത്തിയാണ്. അതുപോലെ അവനെന്റെ ഫ്രണ്ടും… നിങ്ങൾ രണ്ടാളും എനിക്ക് ഒരുപോലെയാ..

പാറു :മ്മ്…

ഗൗതം :നിനക്ക് ഞാൻ ടീം മേറ്റ്സിനെ ഇൻട്രൊഡ്യൂസ് ചെയ്യാം… കം…

പാറു അവനു പിന്നാലെ പോയി… അവിടെ 3 പേര് കാത്തുനിൽക്കുന്നുണ്ടായിരുന്നു…. ആദ്യത്തെ ആൾ അപർണ(അപ്പു ). ഗൗതമിന്റെ ഭാര്യയുടെ അനിയത്തി. രണ്ടാമത്തെ ആൾ രാധിക (രാധു ).മൂന്നാമത്തെ ആൾ ഹേമന്ത് രാധുവിന്റെ ഫിയൻസി ആണ്. ഇവരെല്ലാം സോഫ്റ്റ്‌വെയർ എങ്ങിനീർസ് ആണ്. ഗൗതം അവരെയെല്ലാം അവൾക്ക് പരിചപ്പെടുത്തികൊടുത്തു.

ആ കൂട്ടത്തിൽ അപ്പുവിനെ അവൾക്ക് മുന്നേ പരിചയം ഉണ്ടായിരുന്നു. പാറുവിന് അപ്പു കാർത്തിക്കിനെ പോലെ ആയിരുന്നു. അപ്പുവിന് തിരിച്ചും.

ഗൗതം :ആ പാർവതി… ഒരാൾ കൂടി ഉണ്ട്.. ആളെ നിനക്കറിയാം കാർത്തിക്… ഹി ഈസ്‌ ഇൻ അനുപമ ‘സ് ക്യാബിൻ…

കാർത്തിക്കിന്റെ പേര് കേട്ടതും പാറുവിന്റെ മുഖം തെളിഞ്ഞു. പക്ഷെ മഹിയെപ്പറ്റി ഓർത്തതും മുഖം ഇരുണ്ടു. അത് മനസിലാക്കിയെന്നോണം ഗൗതം അവളെ നോക്കി ഒന്നുമില്ലെന്ന അർത്ഥത്തിൽ കണ്ണ് ചിമ്മി കാണിച്ചു.

അവര് 5 പേരും പ്രൊജക്റ്റിനെപ്പറ്റി സംസാരിച്ച് തീരുമാനത്തിലായതിനു ശേഷം. മഹിയുടെ ഓഫീസിലേക്ക് പോയി.

💖💖💖💖💖💖💖💖💖💖💖💖💖💖💖💖

സിദ്ധു :ഡാ പ്രൊജക്റ്റ്‌ ടീം വന്നിട്ടുണ്ട്.. നിനക്ക് ഒരു സർപ്രൈസും…

മഹി :എന്ത് സർപ്രൈസ്‌… നീ അവരെ വിളിക്ക്..

മഹി രാവിലത്തെ പാറുവിന്റെ അവഗണയിൽ മൂഡ്ഔട്ട്‌ ആയിരുന്നു. അത്കൊണ്ട്തന്നെ വലിയ താല്പര്യമില്ലതെ അവൻ പറഞ്ഞു.

കഴിഞ്ഞ ദിവസം വരെ ഞാനായിരുന്നു അവളെ അവഗണിച്ചത്. എന്നാൽ അവള് എന്നെ ചുറ്റിപറ്റി തന്നെ ഉണ്ടായിരുന്നു.. പക്ഷെ ഇന്ന് രാവിലെ മുതൽ ഒരു മാറ്റം. ഒരുപക്ഷെ ഞാനാണ് കാർത്തിക്കിനെ ഉപദ്രവിച്ചത് എന്ന തോന്നലാവും. അവൾക്ക് അവൻ അത്ര പ്രിയപ്പെട്ടതാണോ. എന്നേക്കാൾ?

മഹി ഓരോന്ന് ആലോചിച്ച് ഇരുന്നപ്പോൾ പരിചിതമായ ശബ്ദം കേട്ട് അവൻ തിരിഞ്ഞു നോക്കി… മുന്നിൽ പാറു… അവന്റെ മുഖം തെളിഞ്ഞു. എന്നാൽ അവളാകട്ടെ തികച്ചും ഫോർമൽ ആയി എന്തോ ചോദിക്കുന്നുണ്ട്. പെട്ടന്ന് സിദ്ധു തോളിൽ തട്ടി.

പാറു :ഷാൽ വീ കം ഇൻ സർ..?

മഹി :യെസ്…

മഹി മുഖത്ത് കുറച്ച് ഗൗരവം വരുത്തി പറഞ്ഞു.. പക്ഷെ പാറുവിന് പിന്നാലെ കയറിയ കത്തിക്കിനെ കണ്ടതും അവൻ അവന്റെ സ്ഥായി ഭാവത്തിലേക്ക് മാറി..

അപർണ അവരുടെ പ്രൊജക്റ്റ്‌ ഡ്യൂറേഷനെപറ്റിയൊക്കെ സംസാരിച്ചു…

മഹി അവർക്ക് എല്ലാവർക്കുമായി അവന്റെ അടുത്തുള്ള വലിയൊരു ക്യാബിൻ സെറ്റ് ചെയ്തു കൊടുത്തു. പാറുവിനെ കാണാൻ മാത്രമായിരുന്നില്ല അത്… കാർത്തിക്കിന്റെ പാറുവിനോടുള്ള സമീപനം വീക്ഷിക്കുക എന്നൊരു ഉദ്ദേശം കൂടി അതിനുണ്ടായിരുന്നു.

വൈകുന്നേരം വരെ മഹി പാറു അറിയാതെ അവളെ നോക്കികൊണ്ടിരുന്നു. ഇടയ്ക്കിടയ്ക്ക് കാർത്തിക്ക് അവളോട് ക്ലോസ് ആയി ഇടപെടുന്നത് അവനു തീരെ ഇഷ്ടപ്പെട്ടില്ല. പക്ഷെ ഈ കാഴ്ചകൾ കണ്ട് നിഗൂഢമായ ഒരു ചിരിയുമായി ഒരാൾ അവസരത്തിനായി കാത്തിരിക്കുന്നുണ്ടായിരുന്നു…

“ഇന്ന് നിന്നെ അവൻ പൂർണമായും വെറുക്കും. അതിനുള്ള അവസരം ഞാൻ ഉണ്ടാക്കും… ”

അയാൾ അയാളുടെ ക്യാബിനിന്റെ ഉള്ളിലിരുന്ന് ചിരിച്ചു….

ഉച്ച വരെ വലിയ കുഴപ്പങ്ങൾ ഇല്ലാതെ പോയി…

ഉച്ചയ്ക്ക് ഭക്ഷണം കഴിക്കാൻ പാറുവും ടീമും ഒരുമിച്ചും… മഹിയും സിദ്ധുവും ഒരുമിച്ചും ആണ് ഇരുന്നത്…

അപ്പു മഹിയുടെ അടുത്തേക്ക് ചെന്നു…

അപ്പു :സർ..

മഹി :യെസ്

അപ്പു :അല്ല സർ പാറുവിന്റെ ഹസ്ബൻഡ് അല്ലേ.?

മഹി :യെസ്…

അപ്പു :ദെൻ വൈ ഡോണ്ട് യു ജോയിൻ വിത്ത്‌ അസ്?

മഹി :അത്… ഞാൻ… നിങ്ങൾ ഫ്രെണ്ട്സ് ആയിട്ട് ഇരിക്കുവല്ലേ? ഞാൻ അതിനിടയിൽ…

അപ്പു : നോ സർ ഇട്സ് ഔർ പ്ലെഷർ…

മഹി :എന്നാ ഓക്കേ..

മഹി എഴുന്നേറ്റ് പാറുവിന് ഓപ്പോസിറ്റ് ആയിട്ട് ഇരുന്നു. ഭക്ഷണം കഴിക്കുന്നതിന് ഇടയിൽ പലതവണ മഹിയുടെയും പാറുവിന്റെയും കണ്ണുകൾ തമ്മിൽ ഇടഞ്ഞു… രാവിലെ ഉള്ള നിമിഷങ്ങൾ ഓർക്കുമ്പോഴൊക്കെ മഹിയുടെ ചുണ്ടിൽ ഒരു പുഞ്ചിരി വിരിഞ്ഞു. എന്നാൽ പാറുവിന് അടുത്തിരിക്കുന്ന കാർത്തിക്കിനെ കാണുന്നതും വന്ന ചിരി അതെ സ്പീഡിൽ ദേഷ്യത്തിനു വഴി മാറി.

പാറുവും മറ്റുള്ളവരും ഇതൊന്നും ശ്രദ്ധിക്കാതെ ഭക്ഷണം കഴിച്ചു കൊണ്ടിരുന്നു…. പെട്ടന്ന് പാറുവിന്റെ ഭക്ഷണം തരിപ്പിൽ കയറി അവള് ചുമക്കാൻ തുടങ്ങി. അത് കണ്ട് മഹി വെള്ളം അവൾക്ക് നേരെ നീട്ടാൻ കൈ ആഞ്ഞതും കാർത്തിക്ക് അവളുടെ തലയിൽ തട്ടി കൊടുത്തു.. ചുമ ഒന്നടങ്ങിയപ്പോൾ അവൻതന്നെ വെള്ളവും അവൾക്ക് കൊടുത്തു. അവൾ ഭക്ഷണം മതിയാക്കി എഴുന്നേറ്റു. പിറകെ കാർത്തിക്കും.

മഹി ഇതെല്ലാം കണ്ട് പല്ല് ഞെരിച്ചുകൊണ്ടിരുന്നു.. ഇതെല്ലാം സസൂക്ഷ്മം വീക്ഷിച്ച മറ്റൊരാൾ കൂടി ആ ക്യാന്റീനിൽ ഉണ്ടായിരുന്നു.

💖💖💖💖💖💖💖💖💖💖💖💖💖💖💖💖

വൈകുന്നേരം വർക്ക്‌ കഴിഞ്ഞ് എല്ലാവരും നേരത്തെ പോയി. പ്രൊജക്റ്റ്‌ ടീമിൽ പാറുവും കാർത്തിക്കും ബാക്കിയായി. മഹിയുടെ പി. എ നൽകിയ നിർദേശം അനുസരിച്ച് കുറച്ചു ഡാറ്റാസ് സോർട് ചെയ്യുകയായിരുന്നു അവർ.

വർക്ക്‌ കഴിഞ്ഞപ്പോൾ കുറച്ചു ലേറ്റ് ആയി. പാറുവിന് നല്ല തലവേദന അനുഭവപ്പെട്ടു… അവർ ഓഫീസിൽ നിന്നിറങ്ങി… അവർ ബസ് സ്റ്റോപ്പിലേക്ക് നടന്നു. ബസ് സ്റ്റോപ്പിന് അടുത്തായി ഒരു പാർക്ക്‌ ഉണ്ടായിരുന്നു.പാറുവിന് തല ചുറ്റുന്നപോലെ തോന്നിയത്കൊണ്ട് കുറച്ചു നേരം അവിടെ ഇരുന്നിട്ട് പോകാമെന്നു കാർത്തിക്ക് പറഞ്ഞു.

അവർ പാർക്കിലെ ബെഞ്ചിന് അടുത്തേക്ക് നടക്കുമ്പോൾ പെട്ടന്ന് പാറു വീഴാൻ തുടങ്ങി. കാർത്തിക്ക് അവളെ ചേർത്ത് പിടിച്ചു. അവൾ അവനെ താങ്ങി ബെഞ്ചിനടുത്തേക്ക് പോയി.

ഈ കാഴ്ച്ച കണ്ട് തറഞ്ഞ് നിൽക്കുകയായിരുന്നു മഹി… അവൾക്ക് എന്താണ് സംഭവിച്ചതെന്ന് അവൻ അറിഞ്ഞില്ല. കാറിൽ പോകുമ്പോൾ പെട്ടെന്നാണ് അവര് പാർക്കിലേക്ക് കയറുന്നത് സിദ്ധു കണ്ടത്. അങ്ങനെ കാർ സൈഡ് ആക്കി. മഹിയും സിദ്ധുവും പാർക്കിലെക്ക് കയറുമ്പോൾ കണ്ട കാഴ്ച കാർത്തിക് അവളെ ചേർത്ത് പിടിച്ചിരിക്കുന്നതാണ്. അവളും അവനോട് ചേർന്ന് നിൽക്കുന്നു..

കണ്ട് നിൽക്കുന്തോറും മഹിക്ക് സമനില തെറ്റുന്നത് പോലെ തോന്നി. അവൻ തിരികെ നടന്നു. സിദ്ധു അവന്റെ പേര് വിളിച്ച് പിറകെ ഓടി. കാറിനു അടുത്ത് എത്തിയതും മഹി കീ സിദ്ധുവിനു നേരെ എറിഞ്ഞുകൊടുത്തിട്ട് കാർ എടുക്കാൻ പറഞ്ഞു.

സിദ്ധു :എങ്ങോട്ടാ?

മഹി :നിന്റെ വീട്ടിലേക്ക് പോ… എനിക്ക് കുടിക്കണം

സിദ്ധു :ഡാ വേണ്ട… കുടിച്ചാൽ ശെരിയാവില്ല..

മഹി :നീ ഞാൻ പറയുന്നത് കേട്ടാ മതി.. അതോ നിനക്കും എന്റെ കൂടെ നിൽക്കാൻ ബുദ്ധിമുട്ട് ഉണ്ടോ?

ഇനി കൂടുതലൊന്നും പറഞ്ഞിട്ട് കാര്യമില്ലെന്ന് അറിയാവുന്നത് കൊണ്ട് സിദ്ധു പിന്നെ മിണ്ടാതെ അവന്റെ വീട് ലക്ഷ്യമാക്കി വണ്ടി എടുത്തു.

സിദ്ധു ഒറ്റയ്ക്കാണ് താമസം അത്കൊണ്ട്തന്നെ കൂട്ടുകാരെല്ലാം കൂടുമ്പോഴും അല്ലാത്തപ്പോഴും മദ്യപിക്കാൻ അവർ സിദ്ധുവിന്റെ വീടാണ് തിരഞ്ഞെടുത്തിരിക്കുന്നത്.

സിദ്ധുവിന്റെ വീട് എത്തിയതും അവർ കാറിൽ നിന്ന് ഇറങ്ങി.. നേരെ ഹാളിനോട് ചേർത്ത് വച്ചിട്ടുള്ള മദ്യ കുപ്പികൾ നിറഞ്ഞ ഷെൽഫിനടുത്തേക്ക് പോയി.. സിദ്ധു അവനു ആവശ്യമുള്ള മദ്യം സെർവ് ചെയ്തിട്ട് ഫ്രഷാവാൻ മുറിയിലേക്ക് കയറി.

മദ്യം കുപ്പിയോടെ കമഴ്ത്തി കുടിക്കുവായിരുന്നു മഹി.

അവളെ ഞാൻ സ്നേഹിച്ചു. പക്ഷെ അവളെന്നെ വഞ്ചിച്ചു… അവൻ പുലമ്പിക്കൊണ്ടിരുന്നു.

റൂമിലേക്ക് കയറിയ സിദ്ധു ഇത് കേട്ടു…

തിരികെ ഇറങ്ങി മഹിയെ സമാധാനിപ്പിക്കാൻ ഓരോന്ന് പറഞ്ഞു..

സിദ്ധു :ഡാ നമുക്ക് അവളോട് ചോദിക്കാം. എല്ലാം ശെരിക്ക് അറിയാതെ നീ ഇങ്ങനെ ഓരോന്ന് പറഞ്ഞിട്ടെന്തിനാ..?

മഹി :ഇനി എന്ത് അറിയാനാ? കണ്മുന്നിൽ കണ്ടല്ലോ… അത് സത്യമല്ലാതാവില്ലല്ലോ…. മഹി വീണ്ടും കുപ്പി വായിലേക്ക് കമിഴ്ത്തികൊണ്ട് പറഞ്ഞു.. അവന്റെ നാവ് കുഴയുന്നുണ്ടായിരുന്നു.

സിദ്ധു :ഡാ കണ്മുന്നിൽ കാണുന്നതെല്ലാം സത്യം ആവണമെന്നില്ല..

മഹി :നീ പോടാ… ഇതാണ് സത്യം… ഇതാണ് സത്യം…

അവൻ സിദ്ധുവിനെ തള്ളിനീക്കികൊണ്ട് പറഞ്ഞോപ്പിച്ചു.

മഹിയുടെ ബോധം മറയുന്നത് നിസഹായതയോടെ നോക്കി നിന്നിട്ട് സിദ്ധു മുറിയിലേക്ക് കയറി.

മുറിയിലെത്തി വാതിൽ അടച്ചു തിരിഞ്ഞ സിദ്ധുവിന്റെ മുഖത്ത് നിന്ന് നിസഹായത നീങ്ങി അവിടെ ക്രൂരമായ ഒരു ചിരി വിടർന്നു…

അവന്റെ ഭ്രാന്തമായ ആവേശത്തോടെ ആ മുറിയിൽ നിറഞ്ഞു നിൽക്കുന്ന പാറുവിന്റെ ഫോട്ടോസിനു ഒത്ത നടുക്കുള്ള അവളുടെ ചിരിക്കുന്ന ആ വലിയ ഫോട്ടോയ്ക്ക് മുന്നിൽ മുട്ട്കുത്തി നിന്നു..

എന്നിട്ട് അലറി…..

“എന്റെ സാമ്രാജ്യത്തിന്റെ റാണി നിന്റെ രാജാവ് നിന്നിലേക്ക് എത്തുന്നു…

ഹഹാ ഹാഹാ……. ”

💖💖💖💖💖💖💖💖💖💖💖💖💖💖💖💖

(തുടരും… )

Where there is Love 💞There is Life💞 PART 1

Where there is Love 💞There is Life💞 PART 2

Where there is Love 💞There is Life💞 PART 3

Where there is Love 💞There is Life💞 PART 4