Where there is Love 💞There is Life💞 PART 11

നോവൽ
എഴുത്തുകാരി: MARY DIFIYA

Thank you for reading this post, don't forget to subscribe!

---

ഫോൺ റിങ് ചെയ്തത് മഹിയോ പാറുവോ അറിഞ്ഞില്ല….. അവരിരുവരും മത്സരിച്ചു പ്രണയിക്കുകയായിരുന്നു…

താഴെ എല്ലാവരും ഒരുമിച്ച് ബ്രേക്ക്‌ഫാസ്റ്റ് കഴിക്കാൻ ഇരുന്നു…

പ്രതാപൻ :എവിടായിരുന്നു രണ്ടും?

പാറുവും മഹിയും മുഖത്തോട് മുഖം നോക്കി..

പ്രതാപൻ :ഫോൺ എത്ര നേരമായി റിങ് ചെയ്യുന്നു? രണ്ടാൾക്കും ചെവി കേട്ടുടെ?

മഹി :അ.. അത്. അതുപിന്നെ….. കുളിക്കുവായിരുന്നു

വിച്ചു :രണ്ടാളും ഒരുമിച്ച് കുളിക്കുവായിരുന്നോ?

വിച്ചുവിന്റെ അസ്ഥാനത്തെ സംശയം കേട്ട് പ്രതാപനും ലക്ഷ്മിയും അവനെ നോക്കി കണ്ണുരുട്ടി… വൈശു ഇത് കേട്ട് കഷ്ടപ്പെട്ട് ചിരി അടക്കി… പാറു നാണക്കേട്കൊണ്ട് മുഖം ഉയർത്തിയതേയില്ല… മഹിയാണെങ്കിൽ നിന്നെ ഞാൻ എടുത്തോളാടാ എന്ന ഭാവത്തിൽ വിച്ചുവിനെ നോക്കി…

പക്ഷെ പൊട്ടനായതുകൊണ്ടോ എന്തോ വിച്ചുവിന് ഈ വക നവരസങ്ങൾ ഒന്നും മനസിലായില്ല… 😁😁അവൻ നല്ല അന്തസായിട്ട് എല്ലാരേം നോക്കി ഇളിച്ചു…

കഴിച്ച് എഴുന്നേറ്റതും പാറു എല്ലാം ശർദ്ധിച്ചുകളഞ്ഞു… അവളാകെ അവശയായി… മഹി അവളെ താങ്ങി അവനോട് ചേർത്ത് നിറുത്തി… അവൻ തന്നെ അവളുടെ വായ കഴുകിച്ച് അവളുമായി മുകളിലേക്ക് പോയി…

താഴെ ഇത് നോക്കി നിന്ന എല്ലാവരുടെയും കണ്ണിൽ ഒരു സംതൃപ്തി വിളങ്ങി… ഒരാളുടെയൊഴിച്ച്…

പെട്ടന്ന് കഴിച്ച് എഴുന്നേറ്റ അയാൾ ഫോണെടുത്ത് ഒരു നമ്പറിലേക്ക് വിളിച്ചു…

കാൾ കണക്ട് ആയി…

അപ്പുറത്ത് നിന്ന് ഒരു പുരുഷ ശബ്ദം….

“നീയെന്താ ഈ നേരത്ത്? നീ കഴിച്ചോ? ”

“ഓ തീറ്റപ്രാന്തൻ…. നിന്നെയൊക്കെ പ്രേമിച്ച എന്നെ പറഞ്ഞാ മതി 🤦”

“നീ ഇത് എന്തൊക്കെയാ പറയുന്നേ വൈശു… നിനക്ക് പ്രാന്ത് ആയോ? ”

“ഇല്ല പക്ഷെ വൈകാതെ ആവും… ”

(ഇപ്പൊ മനസിലായല്ലോ ആര് ആരെയാ വിളിച്ചെന്ന്… വില്ലൻ വീട്ടിൽ ഉള്ളയാളാണെന്ന് വിചാരിച്ചല്ലേ 🤭🤭)

കാർത്തി :ഡീ പുല്ലേ തെളിച്ചു പറ..

വൈശു :ഇവിടെ ഏട്ടനും പാറുവും ഒരുമിച്ച് കുളിക്കുന്നു…. ബാത്രൂം റൊമാൻസ്…. പാറു ശർദ്ധിക്കുന്നു.. ഏട്ടൻ തടവിക്കൊടുക്കുന്നു…. ചേർത്ത് പിടിക്കുന്നു… അതൊക്കെ കണ്ടിട്ട് മനുഷ്യന് കൊതിയാകുവാ… ഇയാളോട് ഇവിടെ വന്നു പെണ്ണ് ചോദിക്കാൻ പറഞ്ഞിട്ട്…

കാർത്തി :ഓ അതാണോ കാര്യം…. പോട്ടെ ചക്കരെ… ഇപ്പൊ അവരുടെ ടൈം ആണ്… നമുക്കും വരും ടൈം…

വൈശു :അപ്പോഴേക്കും എന്റെ മൂക്കിൽ പല്ല് വരും…

കാർത്തി :എടി നിന്റെ ഏട്ടൻ ഒരു കമ്പനിയുടെ എം. ഡി ആണ്… ഞാനോ ഇപ്പോഴും ഒരു കമ്പനിയിൽ അസിസ്റ്റന്റ് മാനേജർ… മനസ്സിലായോ

വൈശു :താൻ സെറ്റെൽഡ്‌ ആവുമ്പോഴേക്കും ഞാൻ വല്ലവന്റെയും ഭാര്യ ആയിട്ടുണ്ടാവും.. നോക്കിക്കോ…

കാർത്തി :ഓഹോ നീ കെട്ടാൻ മുട്ടി നിക്കുവാണോ… എന്നാ ശെരി എന്റെ വീട്ടുകാരെ നാളെ അങ്ങ് വിട്ടേക്കാം…

വൈശു :😘😘😘

കാർത്തി :വച്ചിട്ട് പോടീ… ഞാൻ വല്ലതും കഴിക്കട്ടെ…

വൈശു :പരട്ട…. റോമൻസിക്കാൻ അറിയാത്തവൻ…

അവൾ ദേഷ്യത്തിൽ കോൾ കട്ട്‌ ആക്കി …

കാർത്തി :നിനക്ക് ഞാൻ കാണിച്ച് തരാട്ടോ റൊമാൻസ്….

ഒന്ന് ചിരിച്ചിട്ട് അവൻ പ്രതാപനെ വിളിച്ച് നാളെ അങ്ങോട്ടേക്ക് വരുന്ന കാര്യം അറിയിച്ചു…. അയാൾക്കും സന്തോഷമേ ഉണ്ടായിരുന്നുള്ളു…

💖💖💖💖💖💖💖💖💖💖💖💖💖💖💖💖

മുകളിലെത്തിയ പാറു കുറച്ചു നേരം ഒന്ന് മയങ്ങി..

അവൾ കണ്ണ് തുറക്കുമ്പോൾ മഹിയുടെ നെഞ്ചോട് ചേർന്ന് കിടക്കുകയായിരുന്നു… അപ്പോഴും അവന്റെ കൈകൾ അവളുടെ മുടിയെ തലോടുന്നത് അവൻ ഉറങ്ങിയിട്ടില്ലെന്നതിന് തെളിവായിരുന്നു..
അവൾ ഒന്നുകൂടി അവനോട് ചേർന്ന് കിടന്നു… പെട്ടന്ന് അവളുടെ ഫോൺ റിങ് ചെയ്തു.

പാറു :അമ്മയാണ് മഹിയേട്ടാ

മഹി :സംസാരിക്ക്‌.. ☺️

പാറു കുറച്ചധികം നേരം അമ്മയുമായി സംസാരിച്ചിരുന്നു… കോൾ കട്ട്‌ ചെയ്ത് വീണ്ടും അവൾ അവനെ ചുറ്റി കിടന്നു..

മഹി :എന്താ ശ്രീ.. അമ്മയെന്താ പറഞ്ഞെ?

പാറു :ഒന്നുല്ല.. സുഗാമാണോന്നൊക്കെ… പിന്നെ..

മഹി :പിന്നെ…?

പാറു :വല്യേട്ടൻ ദേഷ്യത്തിലാണെന്ന്…

മഹി :മ്മ് തോന്നി… അങ്ങേര് ഇവിടെ വന്ന് എന്നെ പറഞ്ഞിട്ട് പോയതൊന്നും ഞാൻ മറന്നിട്ടില്ല…

പാറു :എന്നോടുള്ള ഇഷ്ടംകൊണ്ടല്ലേ… എന്നെ പറഞ്ഞതൊന്നും ഏട്ടനും മറന്നിട്ടുണ്ടാവില്ല…

മഹി :ഓഹോ… ആയ്ക്കോട്ടെ…

മഹി എഴുന്നേറ്റ് പോകാനൊരുങ്ങി.

പാറു :പിണങ്ങല്ലേ മഹിയേട്ടാ… ഏട്ടനെ നമുക്ക് പറഞ്ഞ് മനസിലാക്കാം.. എന്നോട് അധികമൊന്നും പിണങ്ങിയിരിക്കാൻ ഏട്ടന് പറ്റില്ല..

മഹി :മ്മ്…

മഹി ചിരിച്ചുകൊണ്ട് അവളോട്‌ ചേർന്ന് കിടന്ന് അവളെ തലോടി..

മഹി :ശ്രീ…

പാറു :എന്താ മഹിയേട്ടാ?

പാറു കണ്ണുകളുയർത്തി അവനെ നോക്കി..

മഹി :അച്ഛൻ… അച്ഛനോട് ഇപ്പോഴും പിണക്കമാണോ?

പാറു :ഞാനല്ല ഏട്ടാ.. അച്ഛന്… അച്ഛന് എന്നെ വിശ്വാസമില്ല… അല്ലെങ്കിൽ വിവാഹം കഴിഞ്ഞെങ്കിലും എന്നോട് ഒന്ന് മിണ്ടിയേനെ.. ഇതിപ്പോ നമുക്ക് ഒരു കുഞ്ഞുണ്ടാവാൻ പോകുന്നൂന്ന് അറിഞ്ഞിട്ട് പോലും…

അത്രയും പറഞ്ഞപ്പോഴേക്കും അവൾ വിതുമ്പി കരയാൻ തുടങ്ങി… അവനവളെ ആശ്വസിപ്പിച്ചു.. അവളുടെ മൈൻഡ് മാറ്റാൻ അവൻ പലതും പറഞ്ഞ് അവളെ ചിരിപ്പിച്ചു…

പക്ഷെ അവനും ആലോചിക്കുകയായിരുന്നു.. പാറുവിന്റെ അച്ഛനെന്ന മംഗലത്ത് മേനോനെ കുറിച്ച്…. ആ വലിയ മിസ്റ്ററിയെക്കുറിച്ച്…

💖💖💖💖💖💖💖💖💖💖💖💖💖💖💖💖

അവനവളെ എന്നിൽ നിന്ന് ഒളിപ്പിച്ചു പിടിക്കാൻ ശ്രമിക്കുന്നു… എത്ര നാൾ നീ അവളെ മറച്ചു പിടിക്കും…. നശിപ്പിക്കും ഞാൻ….. മുച്ചൂടും മുടിക്കും ഞാൻ….. മംഗലത്ത് എന്ന തറവാട് ഇല്ലാതാവും.. അന്ന്… അന്ന് എന്റെ പ്രതികാരം പൂർത്തിയാകും… ഹാ……

ആ മുറിക്കുള്ളിലിരുന്ന് അയാൾ അലറി… അയാളുടെ ആ ഭാവം പിന്നിൽ നിന്നിരുന്ന ആ പാവം പിടിച്ച പെണ്ണിനെ പരവശയാക്കി… എന്തെങ്കിലും ചെയ്യണമെന്ന് അവളുടെ മനസ്സ് തുടിച്ചുകൊണ്ടേയിരുന്നു… ഇനിയും പേടിച്ചിരുന്നുടാ.. അവൾ എന്തോ തീരുമാനിച്ചുറപ്പിച്ച് മുറി വിട്ടിറങ്ങി…

💖💖💖💖💖💖💖💖💖💖💖💖💖💖💖💖

വൈകുന്നേരം അടുക്കളയിൽ ചായ തിളപ്പിക്കുകയായിരുന്നു ലക്ഷ്മിയമ്മ… പാറുവും അവരോടൊപ്പം ഓരോന്ന് ചെയ്ത്കൊണ്ട് അവിടെ നിന്നിരുന്നു…

അടുക്കളയുടെ മുന്നിലൂടെ പലതവണ ഉലാത്തിയ മകന്റെ പുതിയ ഭാവം കണ്ട് ചിരി കടിച്ചു പിടിച്ചു ഹാളിൽ ഇരിക്കുകയായിരുന്നു പ്രതാപൻ…. മഹിക്കിട്ട് ഒരു പണി കൊടുക്കാൻ അയാൾക്ക് തോന്നി… പെട്ടന്ന് ഉദിച്ച ബുദ്ധി പ്രയോഗിക്കാനുള്ള അവസരത്തിനായി അയാൾ കാത്തിരുന്നു..

ചായ കുടിച്ചുകൊണ്ടിരിക്കുമ്പോൾ പ്രതാപൻ കാർത്തിക്ക് വിളിച്ചു പറഞ്ഞ കാര്യം എല്ലാവരോടുമായി പറഞ്ഞു… ആർക്കും എതിരഭിപ്രായം ഇല്ലായിരുന്നു…

എല്ലാവരുടെയും മുഖത്തെ സന്തോഷം കണ്ട് പ്രതാപൻ പറഞ്ഞു തുടങ്ങി…

പ്രതാപൻ :മോൾക്ക് റസ്റ്റ്‌ പറഞ്ഞതുകൊണ്ടല്ലേ ജോലി നിർത്തിയത്…

മഹി :ആഹ് അതെ അച്ഛാ..

മഹി ചാടിക്കയറി പറഞ്ഞു…

പ്രതാപൻ :അപ്പൊ… ഇങ്ങനെ സ്‌റ്റെപ്സ് കയറുന്നതും അത്ര നല്ലതല്ലല്ലോ… അത്കൊണ്ട് മോള് ഇന്ന് മുതൽ അമ്മയുടെ കൂടെ കിടന്നോ…

അത് കേട്ട് പാറുവും മഹിയും മുഖത്തോട് മുഖം നോക്കി…

പാറു :അല്ല അച്ഛാ അപ്പൊ മഹിയേട്ടൻ…

പ്രതാപൻ :അവൻ മുകളിൽ കിടന്നോളും…

മഹി എന്നോട് ഇത് വേണമായിരുന്നോ എന്ന ഭാവത്തിൽ അച്ഛനെ നോക്കി… അച്ഛനായിപ്പോയി… ഇല്ലേൽ പ്രതാപൻ നാളെ കിണറ്റിൽ കിടന്നേനെ… 😁😁😁

പാറു ഇതൊന്നും തന്നെ ബാധിക്കുന്ന കാര്യമില്ലെന്ന രീതിയിൽ ഇരിക്കുന്നത് കൂടി കണ്ടപ്പോൾ മഹിക്ക് എവിടെനിന്നോ ദേഷ്യം ഇരച്ചു കയറി…അവൻ ചാടിതുള്ളി മുകളിലേക്ക് പോയി.. അത് കണ്ട് പ്രതാപൻ ഊറി ചിരിച്ചു..

💖💖💖💖💖💖💖💖💖💖💖💖💖💖💖💖

ഓഫീസിൽ ഇരുന്ന ഗൗതമിനെ തേടി ഒരു കോൾ വന്നു… മറുപുറത്ത് ഒരു സ്ത്രീ ശബ്ദം ആയിരുന്നു…

അവർ പറഞ്ഞ കാര്യങ്ങളൊന്നും വിശ്വാസനീയമായിരുന്നില്ല.. പക്ഷെ സാഹചര്യങ്ങൾ കേട്ടതിനെ തള്ളിക്കളയാതെ സംശയത്തിന്റെ നിഴലിൽ നിർത്താൻ അവനെ പ്രേരിപ്പിച്ചു…

കോൾ കട്ട്‌ ആയിട്ടും അവൻ ആലോചിക്കുകയായിരുന്നു… ഈ കേട്ട ശബ്ദം വര്ഷങ്ങളായി തനിക്ക് പരിചിതമല്ലേ?… എങ്കിൽ കേട്ടതൊക്കെ?

അവൻ എന്തോ തീരുമാനിച്ചുറാപ്പിച്ച് ക്യാബിൻ വിട്ട് പുറത്തിറങ്ങി….

അവൻ ഫോണെടുത്ത് രാഹുൽ ഐ പി എസ് എന്ന് കണ്ട നമ്പറിലേക്ക് വിളിച്ചു…. അറിഞ്ഞ കാര്യങ്ങൾ രാഹുലിനോട്‌ പറഞ്ഞപ്പോൾ അവന്റെ പ്രതികരണവും ഒന്നും തള്ളിക്കളയണ്ടാ എന്നത് തന്നെയായിരുന്നു…

കരുക്കൾ അതിവേഗത്തിൽ നീക്കണമെന്ന് ഗൗതം ഉറപ്പിച്ചു….

💖💖💖💖💖💖💖💖💖💖💖💖💖💖💖💖

രാത്രി ഭക്ഷണം കഴിച്ചു കഴിഞ്ഞ് നേരം ഒത്തിരി കഴിഞ്ഞിട്ടും പാറുവിനെ മുറിയിലേക്ക് കാണാതെ അസ്വസ്ഥനായി ഇരിക്കുകയായിരുന്നു മഹി…

അച്ഛന്റെ ഓരോ തീരുമാനങ്ങൾ…. എന്റെ ഭാര്യയുടെ കാര്യം ഞാനല്ലേ തീരുമാനിക്കേണ്ടത്?… അച്ഛനെന്താ അവളെന്റെ കൂടെ നിന്നാൽ?? അല്ലെൽത്തന്നെ ഇതൊക്കെ സമ്മതിച്ചു കൊടുത്ത അവളെ പറഞ്ഞാ മതിയല്ലോ… ഹും….

പാവം മഹി പ്രതാപനോടുള്ള ദേഷ്യം അങ്ങോട്ടുമിങ്ങോട്ടും നടന്ന് പിറുപിറുത്തു തീർക്കുകയാണ്….

എന്നിട്ടും ഒരു സമാധാനം കിട്ടാതെയായപ്പോൾ മഹി താഴേക്ക് ഇറങ്ങി… താഴെ എല്ലാ മുറികളിലെയും ലൈറ്റ് ഓഫ് ആയിരുന്നു..

“ലക്ഷണം കണ്ടിട്ട് എല്ലാം ഉറങ്ങിയെന്നു തോന്നുന്നു… എന്റെ പെണ്ണ് ഉറങ്ങിയിട്ടുണ്ടാവല്ലേ മഹാദേവാ… ”

പിറുപിറുത്ത് മഹി നടന്നു…

എന്തൊരു ഗതികേട് ആണ് മഹാദേവാ… സ്വന്തം ഭാര്യയെ ഒളിഞ്ഞു പോയി കാണണം… അവസ്ഥ…

അവൻ സ്വയം പരിതപിച്ചു…

മുറിയുടെ വാതിൽക്കൽ എത്തിയ മഹി മെല്ലെ വാതിൽ തുറന്നു നോക്കി… മുറിയിലെ ഡിം ലൈറ്റിൽ അമ്മയും പാറുവും ഉറങ്ങുന്നത് അവൻ കണ്ടു… അമ്മ അങ്ങോട്ട്‌ തിരിഞ്ഞാണ് കിടക്കുന്നത്..

മഹി മെല്ലെ നടന്ന് പാറു കിടക്കുന്ന വശത്ത് മുട്ടുകുത്തി നിന്നു… എന്നിട്ട് പതുക്കെ വിളിച്ചു…

ശ്രീ….

എവിടെ…. പാറു അറിഞ്ഞില്ല…

മഹി :ശ്രീ….

ഇത്തവണ പാറു അറിഞ്ഞു.. ഞെട്ടി കണ്ണ് തുറന്ന അവൾ ശബ്ദം ഉണ്ടാക്കാൻ തുടങ്ങിയപ്പോൾ മഹി അവളുടെ വായ പൊത്തി പിടിച്ചു…

മഹി :സൗണ്ട് ഉണ്ടാക്കല്ലേ.. ഞാനാ…

പാറു :എന്താ മഹിയേട്ടാ ഈ നേരത്ത്…

പാറു ശബ്ദം അടക്കി ചോദിച്ചു…

മഹി :എനിക്ക് ഉറക്കം വരുന്നില്ല ശ്രീ.. എഴുന്നേറ്റ് വാ നമുക്ക് മുറിയിൽ പോകാം…

പാറു :പോ മഹിയേട്ടാ.. അച്ഛനോ അമ്മയോ അറിഞ്ഞാൽ നാണക്കേട് ആണ്… ഏട്ടൻ പോയി നാമം ജപിച്ചു കിടന്നേ…

മഹി :ഡീ ഞാൻ മുകളിൽ എത്തി 10 മിനിറ്റിനുള്ളിൽ വന്നില്ലേൽ.. ഞാൻ വന്ന് പൊക്കിക്കൊണ്ട് പോകും… ഭാര്യയെ രണ്ടാമതും പീഡിപ്പിച്ച ഭർത്താവെന്ന പേര് എനിക്ക് ഉണ്ടാക്കി തരരുത്.. എന്ത് വേണമെന്ന് തീരുമാനിച്ചോ…

അതും പറഞ്ഞ് മഹി എഴുന്നേറ്റ് പോയി.. ഇനി ആലോചിച്ചിരുന്നത് ബുദ്ധിയല്ലെന്ന് തിരിച്ചറിഞ്ഞ പാറു ശബ്ദം ഇല്ലാതെ എഴുന്നേറ്റ് മുകളിലേക്ക് പോയി…

ഇത് കണ്ട് വന്ന പ്രതാപൻ കയറി കട്ടിലിൽ കിടന്നു…

ലക്ഷ്മിയമ്മ :അവൾ പോയല്ലേ…?

പ്രതാപൻ :എനിക്ക് ഉറപ്പായിരുന്നു അവൻ വരുമെന്നും അവൾ പോകുമെന്നും…

ലക്ഷ്മിയമ്മ :മ്മ്…. മത്തൻ കുത്തിയാൽ കുമ്പളം മുളയ്ക്കില്ലല്ലോ… 🤭

പ്രതാപൻ :അതെന്താഡോ ഭാര്യേ അങ്ങനെ പറഞ്ഞെ?

ലക്ഷ്മി :അല്ലെങ്കിൽ പിന്നെ ഈ നേരത്ത് നിങ്ങൾ ഇങ്ങോട്ട് വരുവോ മനുഷ്യാ…

ലക്ഷ്മിയമ്മ ഒന്ന് ചിരിച്ചുകൊണ്ട് അത് പറഞ്ഞപ്പോൾ പ്രതാപൻ അവരെ കെട്ടിപിടിച്ചു കിടന്നു…

അച്ഛൻ എങ്ങോട്ടാണ് പോകുന്നതെന്ന് അറിയാൻ പിറകെ വന്ന വിച്ചു ഇത് കണ്ട് പകച്ച് പണ്ടാരമടങ്ങി…

വയസാം കാലത്താണ് കിളവന്റെ റൊമാൻസ്… കള്ള കിളവൻ… ഹും….

ആത്മഗതിച്ചുകൊണ്ട് വിച്ചു മുറിയിലേക്ക് പോയി…

💖💖💖💖💖💖💖💖💖💖💖💖💖💖💖💖

മുറിയിൽ പാറുവിനെ കാത്ത് തെക്ക് വടക്ക് നടക്കുകയായിരുന്നു മഹി… പാറു വരുന്നത് കണ്ടതും അവൻ പാഞ്ഞു ചെന്ന് അവളെ ചുവരോട് ചേർത്ത് നിറുത്തി അവനും ചേർന്ന് നിന്നു…

പാറു :എന്താ മഹിയേട്ടാ ഇത്…?

മഹി :ശ്രീ… ഞാനിവിടെ നീയില്ലാതെ കിടക്കാൻ പറ്റാതെ നട്ടം തിരിയുന്നു… നീ സുഖായി ഉറങ്ങുന്നു…

പാറു :എന്റെ മഹിയേട്ടാ കൊഞ്ചാതെ വന്ന് കിടന്നുറങ്ങു…

മഹി അവളെ കൂർപ്പിച്ചു നോക്കിയിട്ട് പോയി കിടന്നു… പാറു പിന്നിലെ ചെന്ന് കെട്ടിപിടിച്ചു കിടന്നു…. അവനാ കൈ തട്ടി മാറ്റി…

പാറു :ഹാ… പിണങ്ങാതെ മഹിയേട്ടാ…

അത് കേട്ട അവന്റെ ചുണ്ടിൽ ഒരു പുഞ്ചിരി വിരിഞ്ഞു…

💖💖💖💖💖💖💖💖💖💖💖💖💖💖💖💖

പിറ്റേന്ന് ഒരു 10 മണിയോടെ കാർത്തിക്കും കുടുംബവും എത്തി…. അവരെ പ്രതാപനും മഹിയും വിച്ചുവും ചേർന്ന് ക്ഷണിച്ചിരുത്തി..

പ്രതാപൻ :എല്ലാം ചടങ്ങ് പോലെ തന്നെ നടക്കട്ടെ അല്ലേ?

വിശ്വൻ (കാർത്തിക്കിന്റെ അച്ഛന് ):അതെയതെ…

സുഭദ്രയും (കാർത്തിക്കിന്റെ അമ്മ )ഒന്ന് ചിരിച്ചു…

ചടങ്ങ് പോലെ പാറുവും ലക്ഷ്മിയും ചേർന്ന് വൈശുവിനെ അണിയിച്ചൊരുക്കിയിരുന്നു…

കാർത്തിക് അവളെ കണ്ണിമ ചിമ്മാതെ നോക്കിയിരുന്നു…

“ഒന്ന് മയത്തിൽ നോക്കളിയാ.. ”

വിച്ചു ചെവിയിൽ പറഞ്ഞപ്പോഴാണ് കാർത്തിക്കിന്റെ ബോധം വന്നത്… അവൻ വിച്ചുവിനെ നോക്കി ഇളിച്ചു കാണിച്ചു 😁

പ്രതാപൻ :ഇനി പെണ്ണിനും ചെക്കനും എന്തെങ്കിലും ഉണ്ടെങ്കിൽ സംസാരിക്കാം….

മഹി :ഏയ്‌ അതൊന്നും വേണ്ട… അല്ലേ അളിയാ.?

കാർത്തിക് മഹിയെ ദയനീയമായി നോക്കി…

മഹി നന്നായൊന്ന് ഇളിച്ചു കാണിച്ചു.. 😁

കാർത്തിക് കണ്ണുകൊണ്ട് പാറുവിനെ സോപ്പിടാൻ തുടങ്ങി..

അവസാനം സഹികെട്ട് പാറു ഇടപെട്ട് രണ്ടിനെയും മുകളിലെ ബാൽക്കണിയിലേക്ക് വിട്ടു..

കാർത്തിക് :നീയെന്താ ഇന്നലെ എന്നെ വിളിച്ചേ? പരട്ട എന്നല്ലേ?… എനിക്ക് റൊമാൻസ് അറിയില്ലെന്നല്ലേ?

വൈശു : ഞ… ഞാനോ… എ.. എപ്പോ?

കാർത്തിക്ക് :അതെ ഏട്ടന്റെ മോള് തന്നെ…

മീശ പിരിച്ച് മുന്നിലേക്ക് വരുന്ന കാർത്തിക്കിനെ നേരിടാനാവാതെ വൈശു പിന്നിലേക്ക് നീങ്ങി..
മതിലിൽ തട്ടി നിന്നതും ഇനി നീങ്ങാൻ സ്ഥലമില്ലെന്ന നഗ്‌ന സത്യം അവൾ തിരിച്ചറിഞ്ഞു…. അപ്പോഴേക്കും കാർത്തി അവളുടെ തൊട്ട് മുന്നിൽ എത്തിയിരുന്നു…. അധരങ്ങൾ തമ്മിൽ അകലം കുറഞ്ഞു വന്നതും വൈശു ഒരു പിടച്ചിലോടെ കണ്ണടച്ചു…

പിന്നിൽ ഈ രംഗങ്ങളെല്ലാം കണ്ട് നിന്ന വിച്ചു എവിടെ കലാപരിപാടി അവതരിപ്പിച്ചാലും ഇതാണല്ലോ തന്റെ അവസ്ഥ എന്നോർത്ത് പരിതപിച്ചു…. ഈ വീട്ടിൽ സിംഗിൾ ആയ ഒരേയൊരു വ്യക്തി താനാണെന്ന് മനസിലാക്കിയ അവൻ എത്രയും പെട്ടന്ന് കമ്മിറ്റഡ് ആവാൻ കച്ച കെട്ടി അവിടുന്ന് നടന്നകന്നു…

രണ്ടിനെയും കാണാതെ അന്വേഷിച്ചു വന്നതായിരുന്നു മഹിയും പാറുവും… പക്ഷെ അവിടെ കണ്ട ഉമ്മിക്കൽ സീനോട് കൂടി ഈ കാര്യത്തിൽ അവർ തങ്ങളേക്കാൾ പുലികളാണെന്ന് സത്യം അവർ മനസിലാക്കി… പെട്ടന്ന് സംയമനം വീണ്ടെടുത്ത മഹി അവരുടെ ആ കഞ്ഞിയിൽ പാറ്റയിട്ടു…

മഹി :ഡാ….

ആ അലർച്ചയോട്കൂടി രണ്ടും അകന്ന് മാറി…

മഹി :എന്താ ഇവിടെ?

കാർത്തി :അ… അത് പിന്നെ… വെള്ളം… ദാഹിച്ചപ്പോ….

കാർത്തിക്ക് കിടന്ന് തപ്പിക്കളിക്കുന്നത് കണ്ട് ചിരി വന്നെങ്കിലും അവനത് മറച്ചു പിടിച്ചു…

മഹി :ഓഹോ… അളിയന് ദാഹിച്ചിട്ടാണോ? വാ അളിയന്റെ എല്ലാ ദാഹവും ഞാൻ മാറ്റി തരാം…

കാർത്തി :അയ്യേ… അളിയാ…

മഹി :ഇങ് വാ അളിയാ…

അവര് അവിടെ നിന്ന് പോയതും പാറു വൈശുവിനെ കളിയാക്കാൻ തുടങ്ങി…. വൈശു അവളെ തള്ളി മാറ്റി അകത്തേക്ക് ഓടി…

അത് കണ്ട് നോക്കി ചിരിച്ചുകൊണ്ട് നിൽക്കുമ്പോഴാണ്.. ഒരു ഹോണോട് കൂടി ആ കാർ കൈലാസത്തിന്റെ ഗേറ്റ് കടന്ന് വന്നത്…

കാറിൽ വന്ന് ഇറങ്ങിയ വ്യക്തികളെ തെല്ലൊരു അപരിചിതത്വത്തോടെ പാറു നോക്കി നിന്നു….

ആ കാറിൽ നിന്ന് ഇറങ്ങിയവരുടെ നേരെ വീട്ടിലുള്ളവരെല്ലാം ചെല്ലുന്നത് കണ്ട പാറു താഴേക്ക് പോയി….

അകത്ത് പ്രതാപൻ വന്നവരെ കാർത്തിക്കിനും വീട്ടുകാർക്കും പരിചയപ്പെടുത്തികൊടുക്കുകയായിരുന്നു…

പ്രതാപൻ :ഇത് പ്രമീള എന്റെ ഒരേയൊരു പെങ്ങൾ… ഇത് അവളുടെ ഭർത്താവ് ഭാസ്കർ… ഇത് അവരുടെ മക്കളാണ് ഭവ്യ… ഭവിക്ക്… ഇവര് അമേരിക്കയിലായിരുന്നു ഇപ്പോൾ വെക്കേഷന് വന്നതാ…

കാർത്തിക്കിന്റെ അച്ഛനും അമ്മയും അവരെ നോക്കിയൊന്ന് പുഞ്ചിരിച്ചു..

പക്ഷെ… കാർത്തിക്കിനെയും കുടുംബത്തെയും പ്രമീളയും കുടുംബവും പുച്ഛത്തോടെയാണ് നോക്കിയത്..

പ്രമീള : ആരാ ഏട്ടാ ഇവര്?

പ്രതാപൻ :ഇത് നമ്മുടെ വൈശുവിന്റെ ചെക്കനും വീട്ടുകാരുമാ…

അത് കേട്ട് ഭാസ്കറിന്റെ മുഖം വിവർണമായി…. അധികം വൈകാതെ കാർത്തിയും കുടുംബവും യാത്ര പറഞ്ഞിറങ്ങി…. വീട്ടിൽ അവര് മാത്രമായി… പ്രമീള പാറുവിന് നേരെ തിരിഞ്ഞു…

പ്രമീള :ഓ ഇതാണല്ലേ മഹിയെ മയക്കിയെടുത്ത തമ്പുരാട്ടി…

പ്രമീളയുടെ ആ പ്രയോഗം അവിടെ ആർക്കും ഇഷ്ടമായില്ലെന്ന് അവരുടെ മുഖം വിളിച്ചു പറയുന്നുണ്ടായിരുന്നു…

പാറുവിന്റെ മുഖം ഇരുണ്ടു… അത് കണ്ട മഹിയുടെ മുഖം വലിഞ്ഞു മുറുകി…. ഇതൊക്കെ മനസിലാക്കിയെന്നോണം ഭാസ്കർ ഇടപെട്ടു…

ഭാസ്കർ :അല്ല അളിയാ… മഹിയുടെയും ഭവ്യയുടെയും കാര്യം നമ്മൾ നേരത്തെ തീരുമാനിച്ചിരുന്നതാണല്ലോ.. അത് നടക്കാതായപ്പോ… അവൾക്ക് ഒരു ബുദ്ധിമുട്ട്.. അത്രേയുള്ളൂ… നിങ്ങൾ അത് കാര്യാക്കണ്ട…

എല്ലാവരെയും നോക്കി ചിരിച്ചുകൊണ്ട് അയാളത് പറഞ്ഞപ്പോൾ അതുവരെ ഉണ്ടായിരുന്ന അന്തരീക്ഷം ഒന്ന് ശാന്തമായി..

പക്ഷെ.. പ്രമീള വിടാൻ തയ്യാറായിരുന്നില്ല..

പ്രമീള :അത് മാത്രമല്ലല്ലോ…. വൈശുവിന്റെയും ഭവിക്കിന്റെയും കാര്യവും നമ്മൾ ആലോചിച്ചിരുന്നതല്ലേ…. എന്നിട്ടിപ്പോ അതും…

പ്രതാപൻ :അത് പിന്നെ… കുട്ടികളുടെ ഇഷ്ടമല്ലേ നോക്കേണ്ടത്….

പ്രമീള :അതെ… പക്ഷെ.. ഏട്ടൻ ഏട്ടന്റെ കുട്ടികളുടെ ഇഷ്ടം മാത്രേ നോക്കിയുള്ളൂ..

ഭാസ്കർ :അതൊക്കെ വിട് പ്രമീ… സാരമില്ല.. എല്ലാം കഴിഞ്ഞില്ലേ….

പ്രതാപൻ :പോട്ടെ പ്രമീളെ.. നീ പോയി ഒന്ന് ഫ്രഷ് ആവ്… മക്കളും ചെല്ല്… വിച്ചു മുറി കാണിച്ചു കൊടുക്ക്….

അവര് മുറിയിലേക്ക് പോയി…

ലക്ഷ്മി :ഇപ്പോഴും പ്രമീളയ്‌ക്ക് ഒരു മാറ്റവും ഇല്ലല്ലോ…

പ്രതാപൻ :അവളെങ്ങനെയാ…

മഹി :എങ്ങനായാലും ഇനി എന്റെ പെണ്ണിനെ പറഞ്ഞാൽ അച്ഛന്റെ പെങ്ങളെ ഞാൻ എന്താ ചെയ്യുക എന്ന് പറയാൻ പറ്റില്ല…

അതും പറഞ്ഞ് അവൻ പാറുവിനെയും വിളിച്ച് മുറിയിലേക്ക് പോയി.. മുറിയിൽ എത്തിയിട്ടും പാറു ഒന്നും മിണ്ടാതെ ബാൽക്കണിയിൽ പോയി നിന്നു.. ഇത് കണ്ട മഹി പിറകിലൂടെ അവളെ ചേർത്ത് നിറുത്തി…

മഹി : ശ്രീ… അത് വിട്ടേക്ക്… അപ്പച്ചി അങ്ങനെയാണ്… അതൊന്നും കാര്യാക്കണ്ട..

പാറു :അതല്ല മഹിയേട്ടാ… അയാളെ എനിക്കറിയാം…

മഹി :ആരെ?

പാറു :ഭാസ്കർ….

മഹി ഒന്നും മനസിലാവാതെ അവളെ നോക്കി… അവൾ ആ ദിവസത്തിന്റെ ഓർമയിലേക്ക് പോയി….

💖💖💖💖💖💖💖💖💖💖💖💖💖💖💖💖

അന്ന് പാറു പത്തിൽ പഠിക്കുന്ന സമയം… അന്ന് വൈകിട്ട് ക്ലാസ്സിൽ നിന്ന് വന്ന പാറു കണ്ടത് അച്ഛനുമായി വാഗ്വാദം ചെയ്യുന്ന ഭാസ്കറിനെയാണ്… അയാൾ അച്ഛന്റെ പാർട്ണർ ആയിരുന്നു…. കുട്ടിയായ പാറു അത് നോക്കിനിന്നു..

മേനോൻ :നീ ഇങ്ങനൊക്കെ ചെയ്യുമെന്ന് ഞാൻ പ്രതീക്ഷിച്ചില്ല… ഇന്ന് ഇറങ്ങണം… മംഗലത്ത് കുടുംബത്തിൽ നിന്നും ബിസിനസിൽ നിന്നും….

ഭാസ്കർ :ഈ ഉണ്ടാക്കിയതിലെല്ലാം എന്റെ കൂടി വിയർപ്പ് ഉണ്ട്… അത് നല്ല വഴിയിലൂടെ അല്ലായിരിക്കാം… പക്ഷെ ഇത് എന്റെ കൂടി അധ്വാനം ആണ്…

മേനോൻ :കണക്ക് പ്രകാരം ഉള്ള എല്ലാ സെറ്റ്‌ൽമെൻറ്സും ഇന്നത്തോടെ തീർക്കും… നിനക്ക് പോകാം…

ഭാസ്കർ : അങ്ങനെ ഞാൻ പോകുമെന്ന് കരുതരുത്.. എന്നെ ഒഴിവാക്കി ഒറ്റയ്ക്ക് നേടാൻ ശ്രമിച്ചാൽ… നശിപ്പിക്കും ഞാൻ മംഗലത്ത് എന്ന പേര് പോലും ഭൂമിയിൽ ഇല്ലാത്ത വിധം നശിപ്പിക്കും…

പിന്നീട് പലതവണ ഭാസ്കർ മംഗലത്ത് ഗ്രൂപ്പിന് എതിരായി പലതും ചെയ്തു… അമേരിക്കയിലേക്ക് പോയിട്ടും അതിന് കുറവൊന്നും ഉണ്ടായിരുന്നില്ല…

💖💖💖💖💖💖💖💖💖💖💖💖💖💖💖💖

ഇത് മഹിക്ക് പുതിയ അറിവായിരുന്നു…. ഗൗതമുമായും ആ കുടുംബവുമായും വര്ഷങ്ങളുടെ പരിചയം ഉണ്ടെങ്കിലും ഇങ്ങനൊരു കഥ അവന് അറിയില്ലായിരുന്നു..

💖💖💖💖💖💖💖💖💖💖💖💖💖💖💖💖

ഇതേ സമയം മറ്റൊരു മുറിയിൽ….

പ്രമീള :നിങ്ങൾ എന്താ അവളെ കണ്ടിട്ട് ഒന്നും പറയാതെ ഇങ് പോന്നത് ഭാസ്കർ..

ഭാസ്കർ : നിന്നെക്കാൾ പകയുണ്ട് എനിക്ക്.. പക്ഷെ ഞാൻ അത് പറഞ്ഞു തീർക്കില്ല… നിനക്ക് അറിയില്ല പ്രമീ…. മേനോന്റെ ഹൃദയമാണ് അയാളുടെ മകൾ….മംഗലത്തിന്റെ അവകാശിയും അവളാകും….

പ്രമീള :അതിനു?

ഭാസ്കർ ഒന്ന് ചിരിച്ചു….

ഭാസ്കർ :നീ വിചാരിക്കുന്നതിന് മുൻപേ ഞാൻ കളികൾ തുടങ്ങി പ്രമീ…

ഇത് കേട്ട് വന്ന ഭവ്യയ്ക്ക് വല്ലാത്ത അസ്വസ്ഥത തോന്നി….

ഭവ്യ :ദിസ്‌ ഈസ്‌ നോട് ഫെയർ ഡാഡി…

പ്രമീള അവളെ തുറിച്ചു നോക്കി… അതോടെ അവൾ പുറത്തേക്ക് പോയി… അവൾ അവളുടെ മുറിയിൽ കയറി ഗൗതമിന് ഫോൺ ചെയ്തു…

ഇതേ സമയം അവളെ വിടാതെ പിന്തുടർന്നിരുന്ന രണ്ട് കണ്ണുകൾ ആ വീട്ടിൽ ഉണ്ടായിരുന്നു….

“നീയാണ് എന്റെ ഹൃദയത്തിന്റെ റാണി “……

വൈശു :ഏത് റാണി…?

അത് കേട്ട് അത്ര നേരം ഭവ്യയുടെ മുറിയിലേക്ക് നോക്കി നിന്ന വിച്ചു ഞെട്ടി…

വിച്ചു :നീ ഇവിടെ ഉണ്ടായിരുന്നോ? എപ്പോ വന്നു? സുഖല്ലേ… അളിയന് സുഖല്ലേ? അപ്പൊ വരട്ടെ…

അവനെന്തൊക്കെയോ പറഞ്ഞ് അവിടെ നിന്ന് രക്ഷപെടാൻ ശ്രമിച്ചു… പക്ഷെ ദയനീയമായി പരാജയപ്പെട്ടു…

വൈശു :മോനെ പറ….

വിച്ചു :പറ…

വൈശു :നീ പറ…

വിച്ചു: പറ…

വൈശു : ഡാ പുല്ലേ പറ…

വിച്ചു : അതല്ലെടി പൊട്ടി പറഞ്ഞെ പറ……

വൈശു :ഓഹോ… വേണ്ട പറയണ്ട… ഏട്ടാ…. ഏട്ടാ…

വിച്ചു : അയ്യോ വേണ്ട ഞാൻ പറയാം…

വൈശു :അങ്ങനെ വഴിക്ക് വാ മോനെ…

വിച്ചു പിന്നെ ഒന്നും നോക്കിയില്ല… വള്ളിപുള്ളി തെറ്റാതെ എല്ലാം അങ്ങ് പറഞ്ഞു.. 😁😁😁

വൈശു :അപ്പൊ നിനക്കവളെ അങ്ങ് പിടിച്ചു…

വിച്ചു :അതെ 😎

വൈശു :പക്ഷെ അവൾക്ക് ഇഷ്ടമല്ലെങ്കിലോ?

വിച്ചു :എടി.. നീ അവളെ ശ്രദ്ധിച്ചോ?ആ കുടുംബത്തിൽ ബാക്കി എല്ലാത്തിന്റെയും മുഖത്ത് ഒരു പുച്ഛം ആയിരുന്നു സ്ഥായി ഭാവം.. പക്ഷെ അവൾ വന്നപ്പൊത്തന്നെ അച്ഛന്റെയും അമ്മയുടെയും കാലിൽ തൊട്ട് അനുഗ്രഹം വാങ്ങി എല്ലാരേയും നോക്കി ചിരിച്ചു…

വൈശു :അതിനു…

വിച്ചു :അപ്പൊ അവൾ അവരെപ്പോലെ അല്ല.. എന്നുവച്ചാൽ നല്ല കുട്ടിയാണ്.. അതുകൊണ്ട് അവളെ ഞാൻ അങ്ങനെ വിട്ട് കളയില്ല… ഞാൻ വളക്കും.. 😁

വൈശു :ആഹ് നീ നോക്ക്… എന്തെങ്കിലും പ്രശ്നം ഉണ്ടായാൽ…

വിച്ചു : ഉറപ്പായിട്ടും നിന്നെ വിളിക്കാം…

വൈശു : ഡോണ്ട് ഡൂ… ഒരിക്കലും എന്നെ വിളിക്കരുത്… 😁😁

വിച്ചു :പോടീ പട്ടി…. നോക്കിക്കോ നിന്റെ ഫസ്റ്റ് നൈറ്റ്‌ നായ നക്കും… 😏

വൈശു : വോ.. നീ നക്കിയാൽ ഞാൻ അങ്ങ് സഹിക്കും 😁😁

വിച്ചു :😏😏😏

💖💖💖💖💖💖💖💖💖💖💖💖💖💖💖💖

ഭവിക്ക് മാത്രം ഇതിലൊന്നും പെടാതെ മാറി നിന്നു…..

പിറ്റേന്ന് തന്നെ ഭാസ്കറും കുടുംബവും അയാളുടെ തറവാട്ടിലേക്ക് മാറാൻ തീരുമാനിച്ചു…. പക്ഷെ ലക്ഷ്മിക്ക് ഭവ്യയെ ഒത്തിരി ഇഷ്ടമായതിനാൽ അവളെ കുറച്ചു ദിവസം അവിടെ നിറുത്താൻ പ്രതാപൻ പ്രമീളയോട് പറഞ്ഞു…

പ്രമീളയ്‌ക്കും അതിൽ എതിർപ്പ് ഒന്നും ഉണ്ടായിരുന്നില്ല… വിവാഹിതനല്ലാത്ത ഒരു മകൻ കൂടി പ്രതാപന് ഉണ്ടെന്നുള്ളതാണെന്ന് അതിനു പിന്നിലെ രഹസ്യം…

പോകുന്നത് വരെ ഭാസ്കറും പ്രമീളയും പാറുവിനോട് സംസാരിച്ചില്ല.. അവൾ തിരിച്ചും..

ഭവിക്ക് ആരോടും സംസാരിക്കാൻ തയ്യാറായിരുന്നില്ല… അവൻ സ്വന്തം അച്ഛനോടും അമ്മയോടും പോലും സംസാരിക്കുന്നില്ലെന്നത് മറ്റുള്ളവർക്ക് ഒരു അത്ഭുതമായിരുന്നു…

ഇതിൽ നിന്നെല്ലാം വ്യത്യസ്തയായിരുന്നു ഭവ്യ… അവൾ എല്ലാവരോടും പെട്ടന്ന് കൂട്ടായി… പാറുവിന് അവളെ ഒത്തിരി ഇഷ്ടപ്പെട്ടു…

അങ്ങനെ സംഭവബഹുലമായ ആ ദിവസത്തിനു ശേഷം പിറ്റേന്ന് രാവിലെതന്നെ പ്രമീളയും ഭർത്താവും മകനും ആ വീട് വിട്ട് പോയി…

രാത്രി ഒത്തിരി വൈകിയാണ് മഹി ഉറങ്ങാൻ കിടന്നത്. ഓഫീസിൽ പോകാതെ വീട്ടിലിരുന്നാണ് ഇപ്പോൾ ജോലി മുഴുവൻ… അത്കൊണ്ട്തന്നെ രാത്രി കിടക്കുമ്പോൾ വൈകും…

അന്ന് രാവിലെ എഴുന്നേറ്റപ്പോൾ മഹി കണ്ടത് ലാപ്ടോപിൽ കാര്യമായി എന്തോ ചെയ്യുന്ന പാറുവിനെയാണ്.. അവൻ ശബ്ദം ഉണ്ടാക്കാതെ അവൾക്ക് പിന്നിലായി നിന്ന് ലാപ്ടോപ്പിൽ നോക്കി… അവൾ ഡേവിസ് എന്നുള്ള ആരുമായോ ചാറ്റ് ചെയ്യുന്നതാണ് അവൻ കണ്ടത്..

മഹി :എന്താ ശ്രീ രാവിലെതന്നെ…?

പാറു :ആഹ് മഹിയേട്ടൻ എഴുന്നേറ്റോ? ഞാൻ ബാംഗ്ലൂരിൽ ജോലിക്ക് അപ്ലൈ ചെയ്തിരുന്നു.. പരിചയം ഉള്ള ഒരു അങ്കിളിന്റെ കമ്പനിയിൽ…

മഹി : ഏഹ്.. എപ്പോ?

പാറു : അത്… അന്ന്… നമ്മൾ.. തമ്മിൽ…

മഹി : ഓഹ്..

പാറു : അന്നത്തെ ആ ദേഷ്യത്തിലും സങ്കടത്തിലും ചെയ്തതാ… ഞാൻ പോവാനിരുന്നതിന് രണ്ട് ദിവസം മുൻപാണ് പ്രെഗ്നന്റ് ആണെന്ന് അറിഞ്ഞത്…

മഹി :അപ്പൊ വേണ്ടാന്ന് വച്ചില്ലേ?

പാറു :ഇല്ല… മൂന്നു മാസം കഴിഞ്ഞ് ഞാൻ പോകുമായിരുന്നു… മഹിയേട്ടൻ ഇങ്ങോട്ട് കൂട്ടി കൊണ്ട് വന്നില്ലായിരുന്നുവെങ്കിൽ..

മഹി :ഓഹോ.. നീ പോകുമായിരുന്നോ?

പാറു : ആഹ്…

മഹി :മ്മ്.. അത് അപ്പോഴല്ലേ… ഇപ്പോഴാണെങ്കിൽ പോകുവോ?

പാറു ഒന്ന് ചിന്തിച്ചു…. ഒരു കുസൃതി തോന്നിയ അവൾ പോകുമെന്ന് പറഞ്ഞു…

മഹി : പോകുവോ നീ?

മഹി മുന്നോട്ട് ആഞ്ഞു… പാറു പിന്നിലോട്ടും…

പാറു : ആഹ് പോകും…

പക്ഷെ പിന്നെ മഹി ഒന്നും മിണ്ടിയില്ല… അവളുടെ കണ്ണിലേക്ക് തന്നെ നോക്കി നിന്നു…

നിറഞ്ഞ് വരുന്ന അവന്റെ കണ്ണുകൾ അവളുടെ ഉള്ളിൽ ഒരു പിടച്ചിൽ സൃഷ്ടിച്ചു…

പാറു : അയ്യേ എന്റെ മഹിയേട്ടൻ ഇത്ര പാവാണോ? ഞാൻ അങ്ങനെ പോകുവോ 🤭

മഹി : അതല്ല ശ്രീ ചെയ്തുപോയ തെറ്റുകളുടെ ബാക്കി പത്രമായി നഷ്ടപ്പെട്ടുപോയ ദിവസങ്ങളെ തിരിച്ചു പിടിക്കാൻ ശ്രമിക്കുകയാണ് ഞാൻ… അറിയാം.. പെട്ടന്ന് എല്ലാം മറക്കാൻ നിനക്ക് പറ്റില്ലെന്ന്… പക്ഷെ…

പാറു : അയ്യേ…. മഹിയേട്ടാ ഞാൻ അതൊക്കെ മറന്നു..

മഹിയുടെ കണ്ണുകൾ അപ്പോഴും നിറഞ്ഞൊഴുകുകയായിരുന്നു…

പാറു : അയ്യേ… അമുൽ ബേബി.. 🤭

മഹി പെട്ടന്ന് കണ്ണ് തുടച്ച് അവളെ കൂർപ്പിച്ചു നോക്കി..

മഹി : ആരാഡി അമുൽ ബേബി?

പാറു : വേറാര് ഇയാൾ തന്നെ… 🤭🤭

മഹി :ഓഹോ നിനക്ക് കാണിച്ചു താരാഡി…

അതും പറഞ്ഞ് മഹി അവൾക്ക് നേരെ ചെന്നു…. അവൾ ഓടി ബാത്‌റൂമിൽ കയറി..

മഹി : നീ ഇറങ്ങുവല്ലോ… കാണിച്ച് തരാം…

പാറു : ഞാൻ ഇറങ്ങുല്ലാ….

മഹി : ഡീ…

പെട്ടന്ന് മഹിക്ക് ഒരു കോൾ വന്നു…

സിദ്ധു….

മഹി കോൾ എടുത്തു..

മഹി : ഹലോ..

സിദ്ധു : ഹെലോ അളിയാ… എവിടാണ് രണ്ട് ദിവസമായി ഫോൺ എടുക്കുന്നില്ലല്ലോ

മഹി : എടാ അത് പിന്നെ… ഇവിടെ കുറച്ചു തിരക്ക്…

സിദ്ധു : മ്മ്… നീ അവളെ വീട്ടിലേക്ക് വിളിച്ചുകൊണ്ടുവന്നല്ലേ?

മഹി :മ്മ്…

സിദ്ധു :നിനക്കെന്താ പറ്റിയെ? വട്ടായോ? അവളെപ്പോലൊരു.. $##%&&& വീട്ടിലേക്ക് വീണ്ടും വിളിച്ചുകൊണ്ടുവരാൻ…

ഇത് കേട്ട് മഹിക്ക് ദേഷ്യം വരുന്നുണ്ടായിരുന്നു… അവൻ കടിച്ചുപിടിച്ചു നിന്നു..

മഹി : ഡാ നിർത്ത്… ഞാൻ എല്ലാം ക്ഷമിച്ച് അവളെ സ്വീകരിച്ചു.. ഇനി ഇതിനെപ്പറ്റി ഒരു സംസാരം വേണ്ട…

സിദ്ധു : മ്മ്… എന്നാൽ ശരി…

മഹി : ശരി…

കോൾ ഡിസ്‌കണക്റ്റ് ആയി..

അപ്പോഴേക്കും പാറു ആ മുറിയിൽ നിന്ന് വലിഞ്ഞിരുന്നു…

മഹി അവളുടെ ഫോട്ടോയിലേക്ക് നോക്കി.. അത് നോക്കി നിൽക്കവേ അതുവരെ ഉണ്ടായിരുന്ന ദേഷ്യം എങ്ങോ പോയി മായുന്നത് അവനറിഞ്ഞു… പകരം ഒരു ചിരി അവന്റെ ചുണ്ടിൽ സ്ഥാനം പിടിച്ചു…

💖💖💖💖💖💖💖💖💖💖💖💖💖💖💖💖

ഒരുമിച്ച് ഭക്ഷണം കഴിക്കാൻ ഇരിക്കുമ്പോഴും വിച്ചുവിന്റെ കണ്ണ് ഭവ്യയ്ക്ക് നേരെ ആയിരുന്നു..

പലപ്പോഴായി ഭവ്യയ്ക്ക് നേരെ നീളുന്ന വിച്ചുവിന്റെ കണ്ണുകളെ മഹി കയ്യോടെ പൊക്കി… പക്ഷെ പാവം വിച്ചു അതറിഞ്ഞില്ല…

ഭക്ഷണം കഴിച്ചു കഴിഞ്ഞ് മുറിയിലിരുന്ന് ഭവ്യയെ വളക്കാനുള്ള പദ്ധതികൾ ആസൂത്രണം ചെയ്യുകയായിരുന്നു വിച്ചു…

“നേരെ അവളുടെ മുന്നിൽ ചെന്ന് നിന്ന് ഇഷ്ടമാണെന്ന് പറഞ്ഞാലോ….
അല്ലെങ്കിൽ വേണ്ട അവൾ റിജെക്ട് ചെയ്യും…
അവളുടെ മുന്നിൽ എക്സ്പ്രസ്സ്‌ ചെയ്താലോ…. ”

“അത് അവള് തിരിച്ചറിഞ്ഞില്ലെങ്കിലോ “?.

“യെസ് യു ആർ റൈറ്റ്… ”

പറഞ്ഞു കഴിഞ്ഞാണ് ആ അശരീരി എവിടെ നിന്നാണെന്ന് വിച്ചു ശ്രദ്ധിച്ചത്…

പിന്നിൽ നിൽക്കുന്ന മഹിയെ കണ്ടതോടെ വിച്ചുവിന്റെ കിളികളെല്ലാം ദേശാടനത്തിനു പോയി…

മഹി : പറ മോനെ… നീ പറയുന്നോ അതോ ഞാൻ പറയിപ്പിക്കണോ?

വിച്ചു : ഞാൻ പറഞ്ഞോളാം…

മഹി : എന്നാ പോരട്ടെ…

പിന്നെ ഒരു കുമ്പസാരമായിരുന്നു… എല്ലാം കേട്ട് കഴിഞ്ഞു ഒരു ചോദ്യം മാത്രമേ മഹി ചോദിച്ചുള്ളൂ…

മഹി : നീ സീരിയസ് ആയിട്ടാണോ നോക്കുന്നത്?

വിച്ചു : സത്യായിട്ടും എനിക്ക് ഇഷ്ടാണ് ഏട്ടാ… അവളെ മതി എനിക്ക്…

മഹി :ഞാൻ ഉണ്ടാവും കൂടെ…

നടക്കില്ല അത്…..

പുറത്ത് നിന്ന് കേട്ട ആ ശബ്ദം കേട്ട് രണ്ടുപേരും തിരിഞ്ഞു നോക്കി …

(തുടരും… )

Where there is Love 💞There is Life💞 PART 1

Where there is Love 💞There is Life💞 PART 2

Where there is Love 💞There is Life💞 PART 3

Where there is Love 💞There is Life💞 PART 4

Where there is Love 💞There is Life💞 PART 5

Where there is Love 💞There is Life💞 PART 6

Where there is Love 💞There is Life💞 PART 7

Where there is Love 💞There is Life💞 PART 8

Where there is Love 💞There is Life💞 PART 9

Where there is Love 💞There is Life💞 PART 10