Where there is Love 💞There is Life💞 PART 12

നോവൽ
എഴുത്തുകാരി: MARY DIFIYA

Thank you for reading this post, don't forget to subscribe!

---

നടക്കില്ല അത്…

മഹി :ഭവ്യ…..

ഭവ്യ :ആഹ് ഭവ്യ തന്നെ… ഇത് ശരിയാവില്ല മഹിയേട്ടാ… വിഷ്ണു… തനിക്ക് ഇങ്ങനെ തോന്നാൻ എന്താ കാരണമെന്ന് എനിക്ക് അറിയില്ല… ഞാൻ അറിഞ്ഞോ അറിയാതെയോ അങ്ങനൊരു മോഹം തന്നിട്ടുണ്ടെങ്കിൽ ക്ഷമിക്കണം…. ഇത് മനസ്സിൽ വച്ച് നടക്കരുത്… അത് സങ്കടം മാത്രമേ തരൂ… നമുക്ക് രണ്ടാൾക്കും…

വിച്ചു എന്ത് പറയണം എന്നറിയാതെ അവളെ നോക്കി നിന്നു… അവളും ഒരു നിമിഷം അവനെ നോക്കിയിട്ട് വെട്ടിത്തിരിഞ്ഞു നടന്നു…

മഹി അവനെ ഒന്ന് നോക്കി… അവനൊന്ന് പുഞ്ചിരിച്ചു കാണിച്ചു…

വിച്ചു : സാരമില്ല ഏട്ടാ… ചിഞ്ചു പോയാൽ മഞ്ജു, മഞ്ജു പോയാൽ രഞ്ജു… അത്രന്നെ..

അവൻ അത് പറഞ്ഞ് നടന്നകന്നു… പക്ഷെ അവന്റെ കൺകോണിൽ നിറഞ്ഞു വന്ന നീർത്തുള്ളി അവന്റെ ഉള്ളിലെ വിഷമം പറയാതെ പറയുന്നുണ്ടായിരുന്നു..

അന്ന് മുഴുവൻ വിച്ചു മൂകനായി കാണപ്പെട്ടു… അവനൊന്നും ആരോടും മിണ്ടിയില്ല.. അവന്റെ ആ മാറ്റം എല്ലാവരിലും ഒരു സംശയം പടർത്തി..

പക്ഷെ ആ മാറ്റത്തിന്റെ കാരണം അറിയാവുന്ന മഹി ഭവ്യയെ വീക്ഷിക്കാൻ തുടങ്ങി… അവളാണെങ്കിൽ വിച്ചുവിനെക്കാൾ മൂകയായി കാണപ്പെട്ടു.. അത് അവനിൽ വീണ്ടും ചില സംശയങ്ങൾ സൃഷ്ടിച്ചു…

അന്ന് വൈകുന്നേരം ഗാർഡനിൽ ഒറ്റയ്ക്ക് ഇരിക്കുകയായിരുന്ന വിച്ചുവിനടുത്ത് മഹി വന്നിരുന്നു..

മഹി : ഡാ

വിച്ചു മഹിയെ കണ്ടിരുന്നില്ല അവൻ ഞെട്ടി തിരിഞ്ഞു നോക്കി…

വിച്ചു : ആഹ് ഏട്ടനോ? എന്താ ഏട്ടാ?

മഹി : എന്ത് ഇരുപ്പാ ഇത്.. ഒരുമാതിരി നിരാശ കാമുകന്മാരെ പോലെ..

വിച്ചു ഒന്ന് ചിരിച്ചു കാണിച്ചു…

മഹി : ഡാ പൊട്ടാ… നീ അവളുടെ ഒറ്റ നോ പറച്ചിലിൽ നിറുത്തിയോ….

വിച്ചു : അല്ലാതെ എന്ത് ചെയ്യാനാ?

മഹി : ബെസ്റ്റ്…. കാമുകന്മാർക്ക് അപമാനം 🤦‍♂️
ഡാ… ആക്ച്വലി അവൾക്ക് നിന്നോട് ഇഷ്ടക്കുറവൊന്നും ഇല്ലെന്ന് തോന്നുന്നു.. വേറെന്തോ പ്രോബ്ലം ഉണ്ട്…

വിച്ചു : അത് ഏട്ടനെങ്ങനെ അറിയാം?

മഹി : ഡാ നീ ഭയങ്കര മൂഡ്ഔട്ട്‌ ആയിട്ട് ഇരിക്കുവാണെന്ന് എല്ലാവരും പറഞ്ഞപ്പോൾ അവളുടെ ഭാവങ്ങൾ കണ്ടിട്ട് എനിക്ക് അങ്ങനെ തോന്നി…

വിച്ചു : പിന്നെ… ഒന്ന് പോയെ..

മഹി : ഡാ പുച്ഛിക്കല്ലേ… ഒന്നുമില്ലേലും ഞാനും കുറെ കാലം പ്രേമിച്ചതാ…

വിച്ചു :അത് വേ.. ഇത് റേ…

മഹി : ഓഹോ.. ആയിക്കോട്ടെ… എന്നാലും നീ ഒറ്റ തവണ ട്രൈ ചെയ്ത് നിർത്തണ്ട…

വിച്ചു : അല്ലേലും ഞാൻ നിർത്താനൊന്നും പോണില്ല… സങ്കടായിന്നുള്ളത് സത്യമാ… പക്ഷെ പിന്നെ ഞാൻ സങ്കടപ്പെട്ട് ഇരുന്നതൊന്നുമല്ല.. പ്ലാനിങ് ആയിരുന്നു 😁😁

മഹി : ഓഹോ ഇപ്പോ ഞാൻ സോമേട്ടൻ ആയോ…. മ്മ്മ്… നടക്കട്ടെ.. നടക്കട്ടെ..

മഹി പോയിക്കഴിഞ്ഞ് വിച്ചു വീണ്ടും ആലോചനയിലാണ്ടു… പക്ഷെ ഇങ്ങനെ ഇരുന്നിട്ട് ഇനി കാര്യമില്ലെന്ന് മനസിലാക്കിയ അവൻ ഭവ്യയുടെ റൂം ലക്ഷ്യം വച്ച് നടന്നു…

💖💖💖💖💖💖💖💖💖💖💖💖💖💖💖💖

ഇതേ സമയം മറ്റൊരിടത്ത്…

ഗ്ലാസിൽ പകർന്ന മദ്യം ചുണ്ടോട് ചേർത്ത് രുചിച്ചുകൊണ്ട് കൈലാസത്തിലെ ശിവപാർവതിമാർക്കെതിരായ ആലോചനയിൽ മുഴുകുകയായിരുന്നു ആ മൂന്നുപേർ…

പെട്ടന്ന് ഒരു ഗ്ലാസ് വായുവിൽ ഉയർന്ന് പൊങ്ങി നിലത്തു വീണു ചിന്നഭിന്നമായി..

അയാൾ അലറി….

ഇനിയെന്ത് വഴി… പറ…. എന്റെ കണക്കുകൂട്ടലുകൾ തെറ്റുന്നു…. ഭാര്യയെ അവൻ പൊതിഞ്ഞു പിടിക്കുന്നു… എന്ത് നടക്കരുതെന്ന് ഞാൻ ആഗ്രഹിച്ചോ അത് നടക്കാൻ പോകുന്നു.. ആ കുഞ്ഞ് കൂടി ജനിച്ചാൽ… ഞാൻ തോറ്റു… എന്റെ മക്കൾ അനുഭവിക്കേണ്ട സ്വത്ത് അവളുടെ കുഞ്ഞ് അനുഭവിക്കാൻ പോകുന്നു… എല്ലാം മേനോന്റെ കുതന്ത്രം… തടയണം….. തടഞ്ഞേ പറ്റൂ…

അയാളുടെ ആക്രോശം ആ മുറി മുഴുവൻ മുഴങ്ങി കേട്ടു…

അയാളുടെ അടുത്തിരുന്ന ആ പെണ്ണ് എഴുന്നേറ്റ് സിദ്ധുവിന്റെ അടുത്തായി വന്നു നിന്നു… അവളും അവന്റെ നേരെ ചോദ്യ ശരങ്ങൾ എയ്യാൻ തുടങ്ങി..

നീയാണ് എന്നോട് പറഞ്ഞത് എനിക്ക് അവനെ നേടി തരാമെന്ന്.. പക്ഷെ അവനിപ്പോൾ എന്നിൽ നിന്ന് ഒത്തിരി അകലെയാണ്… അവളോട്‌ ഒത്തിരി ചേർന്നും.. സഹിക്കില്ല അതെനിക്ക്…

അത് കൂടി കേട്ടതോടെ സിദ്ധു പൊട്ടി ചിരിക്കാൻ തുടങ്ങി…. അവന്റെ ആ ചിരി കേട്ട് മറ്റുള്ള രണ്ട് പേരും അവനെ നോക്കി… അവനിലെ ഭ്രാന്തനെ അറിയാമായിരുന്ന അയാൾ നിശബ്ദനായി… എന്നാൽ അവൾ അവന് നേരെ വീണ്ടും ആക്രോശിച്ചു…. പെട്ടന്ന് കൈ നീട്ടി സിദ്ധു ഒരടി അവൾക്ക് കൊടുത്തു.. ആ അടിയുടെ ആഘാതത്തിൽ അവൾ വേച്ചു വീണു…

അവളുടെ ചുണ്ടിനിടയിലൂടെ ഒലിച്ചിറങ്ങിയ രക്തം സിദ്ധു പാഞ്ഞു വന്ന് ആവേശത്തോടെ മണത്തു നോക്കി.. അതിന്റെ മണം അവനെ ഉന്മത്തനാക്കി… ഇന്നു വരെ കാണാത്ത അവന്റെ ആ ഭാവം അവളെ ഭയപ്പെടുത്താൻ തുടങ്ങി… അവൾ പിന്നിലേക്ക് നിരങ്ങി നീങ്ങി…

അത് കണ്ട സിദ്ധു വീണ്ടും പൊട്ടി ചിരിച്ചു…

സിദ്ധു : ഈ ഭയം അതാണെന്റെ ഹരം…. ഈ മണം രക്തത്തിന്റെ മണം അതാണെന്റെ ലഹരി….

അത് കേട്ട് ഭയന്ന് കൂനിക്കൂടി ഇരുന്ന അവൾക്ക് മുന്നിൽ അവൻ ഇരുന്നു… എന്നിട്ട് പറഞ്ഞു…

സിദ്ധു : അയാൾക്ക് സ്വത്തുക്കൾ വേണം… നിനക്ക് അവനെ വേണം.. എനിക്ക് അവളെയും… എല്ലാത്തിനും ഏക തടസ്സം ആ നശിച്ച കുഞ്ഞാണ്… അത് ഇല്ലാതാവണം ആദ്യം.. ഹാഹാഹാ…

അവർ ചോദ്യ ഭാവത്തിൽ അവനെ നോക്കി… അവൻ അവളെ നോക്കി തുടർന്നു.

സിദ്ധു :നീ അവളുടെ കൊളീഗല്ലെ… നീ ചുമ്മാ അവളെ ഒന്ന് കാണാൻ പോ… കണ്ട് സുഖ വിവരം അന്വേഷിക്ക്…

അവനൊന്ന് ചിരിച്ചു.. ആ ചിരിയിൽ പല ഗൂഢതന്ത്രങ്ങളും നിറഞ്ഞു നിന്നു…

പക്ഷെ എന്തിനു?

അവളുടെ ആ ചോദ്യത്തിനും അവനൊന്ന് ചിരിച്ചു കാണിച്ചതേയുള്ളു… എന്നിട്ട് തന്ത്രങ്ങൾ അവർക്ക് മുന്നിൽ അവതരിപ്പിച്ചു… വിജയിക്കുമെന്ന് ഉറപ്പുള്ള ഈ തന്ത്രങ്ങൾ അവരുടെ ഉള്ളിൽ കുളിർമഴ പെയ്യിച്ചു… അവർ ആർത്ത് ചിരിച്ചു…. കണ്ണുകളിൽ വന്യത നിറഞ്ഞ ആ ചിരി ആ ചുവരുകളെപ്പോലും ഭയപ്പെടുത്തി…

💖💖💖💖💖💖💖💖💖💖💖💖💖💖💖💖

മുറിയിൽ ഗൗതമിനോട് ഫോണിൽ സംസാരിക്കുകയായിരുന്നു ഭവ്യ…

ഭവ്യ : ഇത് നടക്കില്ല ഏട്ടാ… മനസിലാക്ക്… ഏട്ടന് അറിയാവുന്നതല്ലേ എല്ലാം… എന്നിട്ടും ഇങ്ങനെ പറയല്ലേ… വിച്ചുവിനെ വേദനിപ്പിക്കാൻ ആയിട്ടല്ല… പക്ഷെ.. ഇപ്പോ ഇതാണ് നല്ലത്… ഇല്ലെങ്കിൽ വിച്ചു കൂടുതൽ വിഷമിക്കുകയെ ഉള്ളു….

ഇത് കേട്ടുകൊണ്ടാണ് വിച്ചു അവളുടെ മുറിയിലേക്ക് വന്നത്… ആരെയാണ് വിളിക്കുന്നതെന്ന് അറിയില്ലെങ്കിലും അവനാണ് സംസാര വിഷയമെന്ന് അവളുടെ ഈ സംസാരത്തിൽ നിന്ന് അവന് മനസിലായി.. ഒപ്പം മഹി പറഞ്ഞതും അവന് സത്യമായി തോന്നി… മറ്റെന്തോ പ്രശ്നങ്ങൾ ഉണ്ട്… അതറിയണമെന്ന് അവൻ തീരുമാനിച്ചു.. അവള് അറിയാതെ അവൻ ആ മുറിയുടെ വാതിൽ മെല്ലെ ലോക്ക് ചെയ്തു…. അവളപ്പോഴും ഫോണിൽ സംസാരിക്കുകയായിരുന്നു..

ഫോൺ കട്ട്‌ ചെയ്ത് തിരിഞ്ഞ ഭവ്യ വാതിലിനടുത്തായി നിൽക്കുന്ന വിച്ചുവിനെക്കണ്ട് ആദ്യമൊന്ന് പതറി പിന്നെ അവന് നേരെ ചീറിക്കൊണ്ട് അടുത്തു..

ഭവ്യ : താനെന്താ ഇവിടെ?… എന്തിനാ വന്നത്?

വിച്ചു : എന്റെ വീട്… ഞാൻ എനിക്കിഷ്ടമുള്ള സ്ഥലത്തൊക്കെ പോകും…

ആ മറുപടി അവളൊട്ടും പ്രതീക്ഷിച്ചിരുന്നില്ല… അത്കൊണ്ട്തന്നെ അവളൊന്ന് ഞെട്ടി.. പക്ഷെ തോറ്റുകൊടുക്കാൻ അവൾ തയ്യാറായിരുന്നില്ല..

ഭവ്യ :ഓഹോ.. എങ്കിൽ താൻ ഇവിടിരുന്നോ ഞാൻ പൊയ്ക്കോളാം..

അവൾ അവനെ മറികടന്ന് പോകാനാഞ്ഞു.. പക്ഷെ അവൻ അവളുടെ കയ്യിൽ പിടിച്ചു വലിച്ച് ചുവരോട് ചേർത്ത് നിറുത്തി.. അവനും ചേർന്ന് നിന്നു..

ചിരിച്ചും ചിരിപ്പിച്ചും തന്റെ മുന്നിൽ നടന്ന വിച്ചു അല്ല അതെന്ന് അപ്പോഴവൾക്ക് തോന്നി… അവന്റെ കണ്ണുകളിൽ നിറഞ്ഞു നിന്ന ഭാവം അവൾക്ക് മനസിലായില്ല… അവളുടെ ഹൃദയം പെരുമ്പറ മുഴക്കാൻ തുടങ്ങി… എന്തിനെന്നില്ലാതെ അവൾ വിയർത്തു… കൈകാലുകൾ വിറക്കാൻ തുടങ്ങി…

അവൻ അവളിലെ ഈ മാറ്റങ്ങൾ കൗതുകത്തോടെ നോക്കിനിൽക്കുകയായിരുന്നു…

അവന് ഇത്ര മാത്രം മതിയായിരുന്നു അവളിൽ അവനോടുള്ള മനോഭാവം എന്തെന്ന് മനസിലാക്കാൻ….

അവളുടെ കണ്ണുകളിലേക്ക് ആഴ്ന്നിറങ്ങി അവൻ ചോദിച്ചു…

വിൽ യു ബി മൈൻ… ഫോർഎവർ..

അവൾക്ക് എതിർക്കാനായില്ല… അവന്റെ കണ്ണുകളിലേക്ക് നോക്കി അവൾ നിന്നു…

പക്ഷെ പെട്ടന്ന് ഓർമ വന്ന ആ മുഖങ്ങൾ അവളെ അസ്വസ്ഥതയാക്കി. അവൾ അവനെ തള്ളിമാറ്റി

ഭവ്യ : തനിക്ക് പറഞ്ഞാൽ മനസിലാവില്ലേ? എനിക്ക് താല്പര്യമില്ല… വിൽ യു പ്ലീസ് ഗെറ്റ് ഔട്ട്‌…

അവന് എന്തെന്നില്ലാത്ത സങ്കടം തോന്നി.. അവന്റെ കണ്ണുകൾ നിറഞ്ഞു വന്നു.. അവൻ തിരിഞ്ഞു നടന്നു.. ലോക്ക് മാറ്റാൻ ആഞ്ഞു.. പക്ഷെ പെട്ടന്ന് എന്തോ പ്രേരണയിൽ അവൻ വീണ്ടും വന്ന് അവളുടെ ഇടുപ്പിലൂടെ കൈകളിട്ട് അവളെ ചേർത്ത് നിറുത്തി… അവൾ അവന്റെ കൈകളിൽ കിടന്ന് കുതറി.. പക്ഷെ അവന്റെ കരുത്തുറ്റ കരങ്ങൾക്ക് മുന്നിൽ അവൾക്ക് തോൽവി സമ്മതിക്കേണ്ടി വന്നു…

ഭവ്യ : പ്ലീസ് വിച്ചു… ഞാനെന്ത് ചെയ്തിട്ടാ താനെന്നെ ഇങ്ങനെ വിഷമിപ്പിക്കുന്നെ… പ്ലീസ് ലീവ് മി..

വിച്ചു : ഞാനല്ല നീയാ എന്നെ വേദനിപ്പിക്കുന്നെ… നിനക്കെന്നെ ഇഷ്ടമാണ്.. അതെനിക്ക് കുറച്ചു സെക്കൻഡുകൾക്ക് മുന്നേ മനസിലായതുമാണ്… എന്നിട്ടും എന്തിനാ എന്നെ ഇങ്ങനെ അകറ്റുന്നെ.. പറ.. പറയാതെ ഞാൻ ഇവിടുന്നു പോകില്ല..

മറ്റു വഴിയില്ലെന്ന് കണ്ട് ഭവ്യ പറയാൻ തുടങ്ങി…

ഭവ്യ : വിച്ചു പറഞ്ഞത് ശരിയാണ്.. എനിക്ക് തന്നെ ഇഷ്ടമാണ്.. അത് തന്നെപ്പോലെ കഴിഞ്ഞ ദിവസം പൊട്ടിമുളച്ചതൊന്നുമല്ല… വര്ഷങ്ങളായി എനിക്കിഷ്ടമാണ്..

അത് കേട്ട് വിച്ചു വിശ്വാസമാവാതെ അവളെ നോക്കി… അവളുടെ കണ്ണുകളിൽ കണ്ട നീർത്തിളക്കം അതെല്ലാം സത്യമാണെന്നു അവനെ ബോധ്യപ്പെടുത്തി..അവനവളെ നെഞ്ചോടു ചേർത്ത് നിറുത്തി.. അവന്റെ കരവലയത്തിനുള്ളിൽ ചേർന്ന് നിന്ന് അവൾ തുടർന്നു..

ഭവ്യ : അച്ഛനുമമ്മയും മഹിയേട്ടനെ എനിക്ക് വരാനായി ചൂണ്ടി കാണിച്ച് തന്നത് എനിക്ക് 15 വയസ്സുള്ളപ്പോഴാണ്.. പക്ഷെ അതിനേക്കാൾ മുന്നേ എപ്പോഴോ ഞാൻ പോലും അറിയാതെ സ്നേഹിച്ചു തുടങ്ങിയതാ തന്നെ… വളർന്നിട്ടും അതിനു മാറ്റമൊന്നും വന്നില്ല…

വിച്ചു : പിന്നെയെന്താ?

അവളൊന്ന് ചിരിച്ചു… ഒരുപാട് വേദന ഉള്ളിൽ നിറച്ചൊരു ചിരി..

ഭവ്യ : എന്റെ ഏട്ടൻ എന്ത്കൊണ്ടാ ആരോടും ഒന്നും സംസാരിക്കാത്തതെന്ന് അറിയുമോ വിച്ചു.. അവന്റെ പ്രണയം നഷ്ടപ്പെട്ട വേദനയിലാ അവൻ..

വിച്ചു ഒന്നും മനസിലാവാതെ അവളെ നോക്കി… അവൾ അവന്റെ നെഞ്ചിൽ നിന്ന് അടർന്നു മാറി ബാൽക്കണിയിലേക്ക് നടന്നു… വിച്ചു പിന്നാലെയും

ഭവ്യ : എന്റെ ഏട്ടൻ ഇങ്ങനെ ആയിരുന്നില്ല വിച്ചു… എല്ലാവരെയും ഒത്തിരി ഇഷ്ടപ്പെടുന്ന, തന്നെക്കാൾ ഫണ്ണി ആയ, എല്ലാവരെയും സ്നേഹിക്കാൻ മാത്രം അറിയാവുന്ന ഒരു ഭവിക്ക് ഉണ്ട്… അല്ല… ഉണ്ടായിരുന്നു… അവന്റെ എല്ലാ സന്തോഷവും അവളായിരുന്നു… ലാവണ്യ… അവന്റെ പ്രണയം… ഒരു അനാഥക്കുട്ടി ആയിരുന്നു… സ്വന്തം കഴിവ് കൊണ്ട് ഞങ്ങളുടെ കമ്പനിയിലെ തന്നെ ഏറ്റവും ഉയർന്ന പോസ്റ്റിൽ വർക്ക്‌ ചെയ്തിരുന്ന .. ഒരു അയൺ ലേഡി… പക്ഷെ മനസ്കൊണ്ട് ഒരു പാവമായിരുന്നു… ഒത്തിരി ഇഷ്ടമായിരുന്നു എന്റെ ഏട്ടനെ…

പക്ഷെ എന്റെ അച്ഛൻ… അമ്മ… അവർക്ക് സ്വത്ത് മാത്രം മതിയായിരുന്നു… അത് നേടാനുള്ള ആദ്യത്തെ വഴി ഞാനും മഹിയേട്ടനും തമ്മിലുള്ള വിവാഹം ആയിരുന്നു… പക്ഷെ മഹിയേട്ടന്റെ പുണ്യം… പാറു ഏട്ടന്റെ ജീവിതത്തിലേക്ക് വന്നു.. പിന്നെ അവരുടെ ലക്ഷ്യം ഭവിക്കും വൈശുവും തമ്മിലുള്ള വിവാഹമായി… അതിനു വേണ്ടിയാണ് ഇങ്ങോട്ട് തിടുക്കപ്പെട്ട് വന്നത് പോലും…

പക്ഷെ ഈ കാര്യം അറിഞ്ഞ ഭവിക്ക് ഇങ്ങോട്ട് വരാൻ തയ്യാറായില്ല.. അവൻ അവന്റെ പ്രണയത്തെപ്പറ്റി അവരോട് പറഞ്ഞു…

പക്ഷെ അവര് ചെയ്തത്….

അത്രയും പറഞ്ഞ് അവൾ കരഞ്ഞു പോയി…

വിച്ചു : എന്താടോ… എന്താ ഉണ്ടായത്…

ഭവ്യ : ആ പാവം ഇന്ന് ജീവനോടെ ഇല്ല വിച്ചു…

അത് പറഞ്ഞ് അവൾ മുഖം പൊത്തി കരഞ്ഞു.. വിച്ചു അവളെ ചേർത്ത് നിറുത്തി ആശ്വസിപ്പിച്ചു..

ഭവ്യ : എനിക്ക് പേടിയാ വിച്ചു… എന്നെ സ്നേഹിക്കുന്നതിന്റെ പേരിൽ തനിക്കും അത്പോലെ വല്ലതും… താങ്ങാനുള്ള കരുത്ത് എന്റെ മനസ്സിന് ഇല്ല.. അതുകൊണ്ടാ ഞാൻ…

പറഞ്ഞ് പൂർത്തിയാക്കാതെ അവൾ വിതുമ്പി കരഞ്ഞു..

വിച്ചു : അങ്ങനെ ഒന്നും സംഭവിക്കില്ലെടോ.. അവർക്ക് വേണ്ടത് സ്വത്തുക്കളല്ലേ… അങ്ങനാണേൽ കൈലാസത്തിൽ മഹാദേവ് മാത്രമല്ല ഈ വിഷ്ണുവും അവകാശിയാണ്… അത്കൊണ്ട്തന്നെ അവർ എതിർക്കില്ല… വിഷമിക്കാതെ…

അവൾ അവനോട് ഒന്നു കൂടി ചേർന്ന് നിന്നു… പെട്ടന്ന് എന്തോ ഓർത്ത് അവൾ അവനിൽ നിന്ന് അകന്ന് മാറി… ഇനിയുമെന്താ എന്ന അർത്ഥത്തിൽ അവൻ അവളെ നോക്കി…

ഭവ്യ : വിച്ചു.. എനിക്ക് ഒരു കാര്യം പറയാനുണ്ട്…

വിച്ചു : പറ..

ഭവ്യ : അത് മഹിയേട്ടൻ കൂടി കേൾക്കണം…

വിച്ചു : എങ്കിൽ വാ ഏട്ടന്റെ അടുത്തേക്ക് പോകാം…

അവർ മഹിയുടെ മുറിയിലേക്ക് നടന്നു…

മഹി ഓഫീസ് റൂമിൽ ഇരുന്ന് ഫയൽ നോക്കുകയായിരുന്നു… പാറു പ്രതാപനും ലക്ഷ്മിക്കും ഒപ്പം തൊടിയിലായിരുന്നു…

ഫയൽ നോക്കുന്നതിനിടയിൽ മുന്നിൽ ആളനക്കം കണ്ട് അവൻ മുഖമുയർത്തി നോക്കി..

മുന്നിൽ ഒരുമിച്ച് നിൽക്കുന്ന വിച്ചുവിനെയും ഭവ്യയെയും കണ്ട് അവൻ അന്തംവിട്ടു… ചേർത്ത് പിടിച്ചിരിക്കുന്ന അവരുടെ കൈകൾ കാര്യങ്ങളുടെ കിടപ്പ്‌വശം അവന് മനസിലാക്കി കൊടുത്തു… അവന്റെ മുഖത്ത് ഒരു പുഞ്ചിരി വിരിഞ്ഞു…

മഹി : ആഹാ എന്താണ്… കമിതാക്കൾ ഒരുമിച്ച്.. ശീതസമരം അവസാനിച്ചോ?

വിച്ചു : അതൊക്കെ കുറച്ചു മുന്നേ ഞങ്ങൾ അങ്ങ് തീർത്തു…

മഹി : ആഹാ വളരെ നല്ല കാര്യം… അറിയിച്ചതിൽ വളരെ സന്തോഷം… അപ്പൊ മക്കൾ അങ്ങ് മാറി പുറത്ത് വല്ലതും പോയി റോമൻസിക്ക്… എനിക്ക് കുറച്ചു പണി ഉണ്ട്…

ഭവ്യ : ഏട്ടാ എനിക്കൊരു കാര്യം പറയാനുണ്ട്….

അവൻ മുഖമുയർത്തി നോക്കി… അവളുടെ മുഖത്ത് നിറഞ്ഞു നിന്ന ഗൗരവം അവൾ പറയാൻ പോകുന്ന കാര്യവും ഗൗരവം നിറഞ്ഞതാണെന്ന് വിളിച്ചു പറയുന്നുണ്ടായിരുന്നു..

മഹി :ഇരിക്ക് …

അവർ അവന് മുന്നിലുള്ള ചെയറിൽ ഇരുന്നു…

ഭവ്യ : ഏട്ടാ എങ്ങനെ പറഞ്ഞു തുടങ്ങണമെന്ന് എനിക്ക് അറിയില്ല…

മഹി : നീ പറ എന്താണെങ്കിലും…

ഭവ്യ വിച്ചുവിനോട് പറഞ്ഞ കാര്യങ്ങൾ മഹിയോട് പറഞ്ഞു… വിച്ചു പറഞ്ഞത് തന്നെയായിരുന്നു മഹിക്കും പറയാനുണ്ടായിരുന്നത്…

മഹി : ഇതാണോ കാര്യം… നീ പേടിക്കണ്ട… അപ്പച്ചി ഇനി അച്ഛനോട് പറയാൻ പോകുന്ന കാര്യമേ നിങ്ങളുടെ കല്യാണം ആവും… അത്കൊണ്ട് ആ ടെൻഷൻ വേണ്ട..

ഭവ്യ : അതല്ല എനിക്ക് ഏട്ടനോട് പറയാനുള്ള കാര്യം…

മഹി : പിന്നെ..?

ഭവ്യ : ഏട്ടാ പാറുവിന്റെ ജീവൻ അപകടത്തിലാണ്..

മഹി : വാട്ട്‌?

ഭവ്യ : എന്റെ അച്ഛൻ ആരുമായോക്കെയോ ചേർന്ന് എന്തൊക്കെയോ പ്ലാൻ ചെയ്യുന്നുണ്ടായിരുന്നു… അച്ഛന് മംഗലത്ത് തറവാടിനോട് തീർത്താൽ തീരാത്ത പകയുണ്ട്… ആ പക പോക്കാൻ അച്ഛൻ തിരഞ്ഞെടുത്തിരിക്കുന്ന മാർഗം പാറുവാണ്…

അത് കേട്ടതും മഹിയുടെ മുഖം വലിഞ്ഞു മുറുകി.. അത് കണ്ട് ഭവ്യ തുടർന്നു..

ഭവ്യ : എടുത്ത് ചാടരുത് സൂക്ഷിച്ചു നീങ്ങണം… അച്ഛന്റെ ഇപ്പോഴത്തെ പാർട്നെർസ് ആരൊക്കെയാണെന്ന് എനിക്കറിയില്ല.. പക്ഷെ അതിലൊരാളുടെ നമ്പർ എനിക്ക് അറിയാം..

മഹി : ആ നമ്പർ താ

അവൾ ആ നമ്പർ അവന് കൊടുത്തു…

ഭവ്യ : ഈ കാര്യങ്ങൾ ഗൗതം ഏട്ടന് അറിയാം… ഒരു പ്രൊജക്റ്റിന്റെ ഭാഗമായി പരിചയപ്പെട്ടതാണ് ഏട്ടനെ പിന്നീട് അത് മംഗലത്ത് വീട്ടിലെ ആളാണെന്ന് അറിഞ്ഞപ്പോ മുതൽ ഞങ്ങൾ ഒരുമിച്ച് അച്ഛന്റെ കൂട്ടാളികളെ അന്വേഷിക്കുന്നു… പക്ഷെ ഞങ്ങൾ എപ്പോൾ ട്രൈ ചെയ്താലും ഈ നമ്പർ സ്വിച്ച് ഓഫ് ആവും…

ഇതെല്ലാം കേട്ട് മഹിക്ക് ഈ കാര്യങ്ങൾ തന്നോട് പറയാത്തതിൽ ഗൗതമിനോട് ദേഷ്യം തോന്നി.. അവൻ ഫോണെടുത്ത് ഭവ്യ കൊടുത്ത നമ്പർ ഡയൽ ചെയ്തു…

അത് റിങ് ചെയ്യാൻ തുടങ്ങി…

“ഹെലോ ”

മറു തലയ്ക്കൽ നിന്ന് കേട്ട ശബ്ദം തിരിച്ചറിഞ്ഞ മഹി ഞെട്ടി വിറങ്ങലിച്ചു നിന്നു…

ദേവൻ…

മഹി അറിയാതെ ആ പേര് ശബ്‌ദിച്ചു… പക്ഷെ അതിന് മുന്നേ കോൾ കട്ട്‌ ആയിരുന്നു.. അത്കൊണ്ട് മഹിയാണ് വിളിച്ചതെന്ന് ദേവൻ അറിഞ്ഞില്ല…

വിച്ചു : ഏട്ടാ ഏട്ടൻ എന്താ പറഞ്ഞെ?

ഭവ്യ : ഏട്ടൻ പറഞ്ഞത് പാറുവിന്റെ ഏട്ടന്റെ പേരല്ലേ?

അവർ ഓരോന്ന് ചോദിച്ചുകൊണ്ടേയിരുന്നു… പക്ഷെ അതൊന്നും മഹി കേൾക്കുന്നുണ്ടായിരുന്നില്ല… അവന്റെ ഓർമ്മകൾ വർഷങ്ങൾക്ക് പിന്നിലേക്ക് പോയിക്കൊണ്ടിരുന്നു…

വല്യേട്ടന്റെ പാറുക്കുട്ടി……

ആ വിളി അവന്റെ കാതുകളിൽ മുഴങ്ങി…

“ഏട്ടാ…. ” വിച്ചു കുലുക്കി വിളിച്ചപ്പോഴാണ് അവൻ ബോധമണ്ഡലത്തിലേക്ക് വന്നത്…

മഹി : അത് അവനാ… ദേവൻ… എന്റെ ശ്രീയുടെ വല്യേട്ടൻ…

അത് കേട്ട് മറ്റു രണ്ട് പേരും തറഞ്ഞ് നിന്നു..

ഭവ്യ : അപ്പൊ… ആയാളും ചേർന്ന്…

മഹി : മ്മ്….

ഏതോ ലോകത്തെന്ന പോലെ മഹി മൂളി… പെട്ടന്ന് വാതിൽ തുറന്ന് പാറു വന്നു.. ഭവ്യയെയും വിച്ചുവിനെയും പെട്ടന്ന് അവിടെ കണ്ട് അവളൊന്ന് അത്ഭുതപ്പെട്ടു..

പാറു : എന്താണ് മൂന്നും കൂടി ഒരു ഗൂഢാലോചന..?

ഭവ്യ : ഒന്നുല്ല പാറു

മൂന്ന് പേരും പതർച്ച മറച്ചു വെക്കാൻ നന്നേ പാട്പെട്ടു. അത് പാറു ശ്രദ്ധിച്ചെങ്കിലും.. അത് ചോദിക്കുന്നതിന് മുന്പേ താഴെ നിന്ന് വൈശു വിളിക്കുന്ന ശബ്ദം കേട്ടു. അവൾ ഒന്നുകൂടി എല്ലാവരെയും നോക്കിയിട്ട് താഴേക്ക് പോയി..

അവൾ പോയെന്ന് ഉറപ്പായതും മഹി അവർക്ക് നേരെ തിരിഞ്ഞു…

മഹി : നാളെ എനിക്ക് സംസാരിക്കണം… എല്ലാവരും ഉണ്ടാവണം… കാർത്തിക്കും വൈശുവും ഗൗതമും ഉൾപ്പെടെ എല്ലാവരും…

വിച്ചു : ആഹ് ഏട്ടാ…

ഭവ്യ : ഇവിടെ വച്ച് വേണ്ട…

മഹി : ആഹ് അതെ… ശ്രീ ഒന്നും അറിഞ്ഞിട്ടില്ല… അറിയരുത്… സഹിക്കാനാവില്ല അവൾക്ക്…

വിച്ചു : മ്മ്….

ഭവ്യ : ആരുടേയും ശ്രദ്ധ കിട്ടാത്ത സ്ഥലം നോക്കണം…

വിച്ചു : ആ കാര്യം ഞാൻ നോക്കിക്കോളാം…

മഹി : എല്ലാരെയും അറിയിച്ചിട്ട് എനിക്ക് മെസ്സേജ് ചെയ്താ മതി…

വിച്ചു : ശരി ഏട്ടാ…

വിച്ചുവും ഭവ്യയും മുറി വിട്ടിറങ്ങി.. അപ്പോഴും മഹി ആലോചനയിലായിരുന്നു…

ദേവൻ… എന്തിന് വേണ്ടി .. എന്ന ചോദ്യം അവന്റെ ഉള്ളിൽ നിറയാൻ തുടങ്ങി… സ്വത്തിന് വേണ്ടി എന്നുള്ളത് അത്ര ന്യായീകരിക്കാവുന്ന കാരണമായി അവന് തോന്നിയില്ല… കാരണം.. ഓരോരുത്തർക്ക് ഉള്ള ഷെയർ മേനോൻ സർ മാറ്റിയിരുന്നു.. പരമ്പരാഗത സ്വത്ത് മാത്രമാണ് പാറുവിന്റെ പേരിൽ ഉള്ളത്… എന്നിട്ടും അതിന് വേണ്ടി… ഏയ്‌… മറ്റെന്തോ ഉണ്ട്… മഹി ആലോചനയിൽ മുഴുകി…

എത്ര നേരം അങ്ങനെ ഇരുന്നെന്ന് അറിയില്ല… പാറു വന്ന് കഴിക്കാൻ വിളിച്ചപ്പോഴാണ് അവൻ സമയം നോക്കിയത്..

8 മണി…

അവളെ ഒന്നും അറിയിക്കാതിരിക്കാൻ അവളുടെ മുന്നിൽ ചിരിച്ചു കളിച്ചു അവൻ നിന്നു… അവർ ഒരുമിച്ച് കഴിക്കാൻ ഇരുന്നു.

എല്ലാവരും ഉണ്ടായിരുന്നു കഴിക്കാൻ… വിച്ചുവിന്റെയും ഭവ്യയുടെയും മുഖത്ത് മഹിയേക്കാൾ ടെൻഷൻ നിഴലിച്ചു..

മഹി അവരെ കണ്ണ് കൊണ്ട് ശാസിച്ചു.. പാറു ഒന്നും അറിയരുതെന്ന് അവന് നിർബന്ധം ഉണ്ടായിരുന്നു.. അവൻ വൈശുവിനെ നോക്കി അവളുടെ മുഖഭാവത്തിൽനിന്ന് അവളും എല്ലാം അറിഞ്ഞു എന്നവന് മനസിലായി.

ഒന്നും കഴിക്കാൻ അവർക്കാർക്കും സാധിച്ചില്ല.. മക്കളെല്ലാം നുള്ളിപ്പെറുക്കി നിശബ്ദരായി ഇരിക്കുന്നത് പ്രതാപനിൽ സംശയം ഉളവാക്കി. അയാൾ അവരെ മാറിമാറി നോക്കി..

ഇനിയും അവിടെ ഇരുന്നാൽ പിടിക്കപ്പെടും എന്ന് മനസിലാക്കിയ മഹി കഴിക്കൽ മതിയാക്കി എഴുന്നേറ്റു. ഒപ്പം എഴുന്നേൽക്കാൻ തുടങ്ങിയ പാറുവിനെ അവൻ തടഞ്ഞു… അവളെ അവിടിരുത്തി നെറ്റിയിൽ ഒരു ഉമ്മ കൊടുത്തു..

മഹി : മുഴുവൻ കഴിക്കണം കേട്ടോ…

പാറു അനുസരണയോടെ തലയാട്ടി.. മഹി മുറിയിലേക്ക് പോയി… പിന്നാലെ ഓരോരുത്തരായി എഴുന്നേറ്റു…

ലക്ഷ്മി : എന്ത്പറ്റി ഈ കുട്ടികൾക്ക്

ലക്ഷ്മി അവർ പോയ വഴിയേ നോക്കി പരിതപിച്ചു…

💖💖💖💖💖💖💖💖💖💖💖💖💖💖💖💖

മുറിയിലെ ബാൽക്കണിക്ക് അടുത്തുള്ള കൗച്ചിൽ ഇരിക്കുകയായിരുന്നു മഹി ഗ്ലാസ്‌ ഡോർ പകുതിയോളം നീക്കിയിട്ടുണ്ട്..

ഒരു ജെഗ്ഗിൽ വെള്ളവുമായി പാറു മുറിയിലേക്ക് വന്നു..

പാറു : എന്താണ് മഹാദേവാ ഒരു ആലോചന?

മഹി : എന്നോടോ? അതോ സാക്ഷാൽ മഹാദേവനോടോ?

പാറു : എന്റെ പാതി മഹാദേവനോട്തന്നെ..

മഹി : ഒന്നുല്ല ശ്രീ… പഴയ കാര്യങ്ങൾ ഓരോന്ന്…

പാറു : ഓഹോ… അത് പറഞ്ഞപ്പോഴാ.. ഞാൻ ഈ വീട്ടിൽ വന്നപ്പോൾ മുതൽ കേൾക്കുന്നതാ ഏട്ടൻ എന്നെ പണ്ട് മുതലേ പ്രണയിക്കുന്നതാണെന്ന്, പക്ഷെ ഏട്ടൻ എന്നോട് കഥ പറഞ്ഞില്ലല്ലോ…

അവൾ അവന്റെ അടുത്ത് നിന്ന് ചോദിച്ചു

മഹി : കഥയൊക്കെ പിന്നെ പറയാം… ഇപ്പൊ എന്റെ ശ്രീക്കുട്ടി പോയി കിടന്ന് ചാച്ചി ഉറങ്ങ്..

പാറു : ഉംഹും…. ഇപ്പോ പറയണം..

മഹി : ഇപ്പോ പറയാൻ ഒരു മൂഡില്ല ശ്രീ..

പാറു :😏😏😏അല്ലേലും മഹിയെട്ടന് എന്നോട് ഇഷ്ടോന്നുല്ല.. എല്ലാ ഇഷ്ടവും കുഞ്ഞിനോടാ.. അതോണ്ടല്ലേ കുഞ്ഞിന്റെ ഹെൽത്ത്‌ മാത്രം നോക്കുന്നെ.. എന്റെ ഇഷ്ടം ഒന്നും നോക്കുന്നു പോലുമില്ല…

പരിഭവം പറഞ്ഞ് പാറു തിരിഞ്ഞു നടക്കാൻ ഒരുങ്ങവെ മഹി അവളുടെ കയ്യിൽ പിടുത്തമിട്ടു.. ഒറ്റവലിക്ക് അവൾ അവന്റെ മടിയിൽ വന്നു വീണു… ഒരു കൈകൊണ്ട് അവളെ അവൻ ചുറ്റി പിടിച്ചു.. മറുകൈകൊണ്ട് അവൻ അവളുടെ കവിളിണകളെ തഴുകാൻ തുടങ്ങി… വശ്യമായ പുഞ്ചിരിയോടെ അവൻ അവളോട്‌ ചേർന്നിരുന്നു..

മഹി : ഇങ്ങനെയൊന്നും പരിഭവം പറയല്ലേ പെണ്ണെ… ഒരു പത്ത് വയസുകാരി കുറുമ്പിയെ ഓർമ വരും..

അവളുടെ മൂക്കിൻത്തുമ്പിൽ പിടിച്ചു വലിച്ച് അവനത് പറഞ്ഞപ്പോൾ അവളുടെ കണ്ണുകൾ കൗതുകത്താൽ വിടർന്നു..

അവളുടെ കണ്ണുകളിൽ നോക്കി അവൻ പറഞ്ഞു തുടങ്ങി..

മഹി :നിനക്ക് അന്ന് 10 വയസ്സ്.. എനിക്ക് 15ഉം…

അന്ന് പത്താം ക്ലാസ് പരീക്ഷയുടെ തലേന്ന് പഠിക്കാൻ നിന്റെ വീട്ടിൽ വന്നതായിരുന്നു ഞാൻ.. അന്ന് ആദ്യമായാണ് ഞാൻ നിങ്ങളുടെ വീട്ടിൽ വരുന്നത്.

ഗൗതമും ഞാനും പഠിച്ചുകൊണ്ടിരിക്കുമ്പോഴാണ് നീ പുറത്തെ ലോണിലൂടെ ഓടുന്നത് കണ്ടത്… പിന്നാലെ നിന്റെ വല്യേട്ടൻ ഉണ്ടായിരുന്നു…

ദേവൻ :വല്യേട്ടന്റെ പാറുക്കുട്ടി…. നിൽക്ക് മോളെ..

ഇല്ല എന്ന് പറഞ്ഞ് നീ തിരിഞ്ഞു നിന്ന് കൊഞ്ഞനം കുത്തി കാണിച്ചപ്പോൾ ഒരു കൗതുകം തോന്നി..

മഹി : ഏതാടാ ആ കുറുമ്പി?

ഗൗതം : അതോ… അതെന്റെ പെങ്ങളുട്ടിയാടാ..

അന്ന് പിന്നെ ഞാൻ പഠിച്ചില്ല.. നിന്റെ കുറുമ്പുകൾ നോക്കിയിരുന്നു…

പാറു :അയ്യേ നിർത്ത്.. നിർത്ത്..

ആ ഫ്ലോ പോയ ദേഷ്യത്തിൽ മഹി പാറുവിനെ നോക്കി..

മഹി : മ്മ്.. എന്താ?

പാറു : അയ്യേ… നാണമില്ലല്ലോ മനുഷ്യാ.. 10 വയസുള്ള കൊച്ചിനെ പ്രേമിച്ചുന്ന് പറയാൻ…

മഹി : അതിന് ഞാൻ പ്രേമിച്ചുന്ന് പറഞ്ഞോ?

പാറു : പിന്നെ??

മഹി : മിണ്ടാതിരിക്ക് ബാക്കി പറയട്ടെ…

പാറു : ആഹ് പറ..

മഹി : അന്ന് എനിക്ക് വെറും കൗതുകം ആയിരുന്നു നീ..

പിന്നെ നിന്നെ ഞാൻ കണ്ടില്ല… നാലാം ക്ലാസ് കഴിഞ്ഞ് നിന്നെ നിന്റെ അമ്മാവന്റെ വീട്ടിൽ നിറുത്തിയല്ലേ പഠിപ്പിച്ചത്… പത്തിൽ പടിക്കുമ്പോഴോ മറ്റോ ആണ് നീ പിന്നെ വന്നത്… അതും വെക്കേഷന് മാത്രം

അത് കഴിഞ്ഞ് നീ ഇവിടെ നാട്ടിൽ പ്ലസ് വണ്ണിൽ ചേർന്നപ്പോഴേക്കും ഞാൻ ബാംഗ്ലൂർക്ക് പോയി പിജി ചെയ്യാൻ…

പക്ഷെ ഗൗതമിലൂടെ നിന്റെ കുറുമ്പുകൾ ഞാൻ അറിയുന്നുണ്ടായിരുന്നു… ഞാൻ വളർന്നതിനൊപ്പം നിന്റെ കുറുമ്പുകൾ എന്നിൽ പുതിയ ചില വർണങ്ങൾ വിരിയിച്ചു… ☺️

പിന്നെ വർഷങ്ങൾക്ക് ശേഷം നിന്നെ കണ്ടത് അമ്പലത്തിൽ വച്ചാണ്… അന്ന് നിന്നെ വന്നിടിച്ചു വീണു…

നിനക്കറിയുമോ അന്ന് നീ പറഞ്ഞ വഴക്ക് പോലും ഞാൻ കേട്ടില്ല… ഈ സിനിമയിലൊക്കെ കാണുന്ന പോലെ നമ്മുടെ കണ്ടുമുട്ടലിൽ ബാക്ഗ്രൗണ്ട് മ്യൂസിക് വായിക്കുന്നത്പോലെയാണ് എനിക്ക് തോന്നിയത്. 😇

പാറു : ആഹാ അപ്പൊ ഇടിച്ചപ്പോ മനസ്സിലായോ ഞാനാണെന്ന്….

മഹി : ഒരു ഡൌട്ട് തോന്നി.. ഉറപ്പിക്കാൻ പേര് ചോദിക്കാൻ വന്നപ്പോഴാ പൂജാരി നിന്റെ പേര് പറഞ്ഞത് കേട്ടത്… അപ്പൊ ഉറപ്പായി.. എന്റെ ശ്രീ ആണെന്ന്..

പാറു മഹിയുടെ നെഞ്ചോടു ചേർന്നിരുന്നു.. അവൻ അവളുടെ മുടിയിഴകളിൽ തലോടി…

പാറു : ബാക്കി പറ മഹിയേട്ടാ..

മഹി :അത് കഴിഞ്ഞ് നിന്നെ കാണാൻ ഒരു വഴിയും ഇല്ലാതിരിക്കുമ്പോഴാ അന്ന് ആ കട വരാന്തയിൽ നീ നനഞ്ഞു നിൽക്കുന്നത് കണ്ടത്.. സിദ്ധു വിളിച്ചിട്ട് നീ വരാത്തത് കണ്ട് ഞങ്ങൾ നടക്കാൻ തുടങ്ങുവായിരുന്നു.. അപ്പോഴാ അവിടെ നിന്നിരുന്നവന്മാരുടെ കണ്ണ് നിന്റെ ദേഹത്താണെന്ന് ഞാൻ കണ്ടത്… അതാ ദേഷ്യപ്പെട്ട് വിളിച്ചത്…

പക്ഷെ നീ വേഗം വരുന്നത് കണ്ടപ്പോൾ ഒരു സന്തോഷം… ഞാൻ പറഞ്ഞിട്ട് എന്റെ പെണ്ണ് കേട്ടല്ലോ..

സത്യം പറഞ്ഞാൽ.. നീ എന്റെ കൂടെ നടന്നപ്പോ.. ഞാൻ എങ്ങനെയാ പിടിച്ചു നിന്നതെന്ന് എനിക്ക് മാത്രമേ അറിയൂ… കുറച്ചു കൂടി ദൂരം ഒരുമിച്ച് നടന്നിരുന്നെങ്കിൽ ഞാൻ നിന്നെ വല്ലതും ചെയ്തേനെ… 😁😁..

പാറു : ഛെ.. വൃത്തികെട്ടവൻ..

പാറു മെല്ലെ അവന്റെ നെഞ്ചിൽ ഒന്ന് കുത്തി…

മഹി : ഹാ കുത്താതെ പെണ്ണെ… എന്റെ പെണ്ണ് ഉണ്ടവിടെ അവൾക്ക് നോവും…

അത് കേട്ടതും പാറു അവന്റെ നെഞ്ചിൽ അമർത്തി ചുംബിച്ചു…

പാറു : എന്നിട്ട്… ബാക്കി പറ..

മഹി : 😄😄..എന്നിട്ട്…

പാറു : എന്താ ഒരു ചിരി…

മഹി : പിന്നെ ഒരു ദിവസം.. ഞാൻ ഞങ്ങളുടെ മാന്തോപ്പിൽ ചുമ്മാ ഒന്ന് നോക്കാനിറങ്ങി… കുറെ പിള്ളേര് വന്ന് മാമ്പൂ എല്ലാം കൊഴുക്കുന്നു എന്ന് കേട്ടിട്ട് നോക്കാൻ ഇറങ്ങിയതാ..

ഞാൻ വിചാരിച്ചതുപോലെ അന്നും കുറെ പീക്കിരികൾ മാവിന്റെ കൊമ്പിൽ ഉണ്ടായിരുന്നു… പക്ഷെ.. കൂട്ടത്തിൽ ഒരു വലിയ കാന്താരിയും ഉണ്ടായിരുന്നു.. ☺️☺️☺️

പാറു : ഏഹ്ഹ്.. അപ്പൊ അന്ന് ആ വന്ന.. പിള്ളേര് പറഞ്ഞ കടുവ ഏട്ടൻ ആയിരുന്നോ?

മഹി : ഏഹ് കടുവയോ?

പാറു : ആഹ്.. അന്ന് ആദ്യായിട്ട അന്ന് മാങ്ങ മോട്ടിക്കാൻ വന്നേ… അപ്പൊ കൂടെ ഉണ്ടായിരുന്ന പീക്കിരീസ് പറഞ്ഞതാ… ഏട്ടനെ കണ്ടപ്പോ കടുവാന്ന് 🤭

മഹി : ഓഹോ..

പാറു : ആഹ്… അത് കേട്ടപ്പൊത്തന്നെ ഞാൻ ഇറങ്ങി ഓടി…

മഹി : ആഹ് നീ ഓടിയപ്പോ നിന്റെ കൊലുസ് എനിക്ക് കിട്ടി.. ഒരു വെള്ളി കൊലുസ്..

പാറു : ഞാൻ കണ്ടു..

മഹി : എവിടെ?

പാറു : ഏട്ടൻ എടുത്ത് വച്ചിരിക്കുന്ന ആ പെട്ടിയിൽ..

മഹി : ഏഹ്.. എല്ലാം കണ്ടോ?

പാറു : ആഹ്..

മഹി : എന്നിട്ട് എല്ലാത്തിന്റെയും കഥ മനസ്സിലായോ?

പാറു : ഇല്ല.. ആകെ ഒന്ന് മാത്രമേ വിച്ചു പറഞ്ഞുള്ളു..

മഹി : ഏത്?

പാറു : വൈറ്റ് കുർത്ത 🤭

മഹി :😁😁..എന്നാലേ അതിലില്ലാത്ത രണ്ട് സാധനങ്ങളുണ്ട്…

പാറു എന്തെന്ന അർഥത്തിൽ അവനെ നോക്കി…

മഹി : ഒന്ന് എന്റെ കഴുത്തിൽ കിടക്കുന്ന രുദ്രക്ഷം…

പാറു : ദുഷ്ടാ… ഇതും എന്റെയാണോ?

മഹി :😁😁അതേല്ലോ…

പാറു : ഓഹോ… ഇത് കാണാതെ ഞാൻ എത്ര വിഷമിച്ചുന്നോ…

മഹി :😁😁ഇതിന്റെ ചെയിൻ ആണ് ആ പെട്ടിയിൽ ഉള്ളത്…

പാറു :മ്മ്… ആട്ടെ… രണ്ടാമത്തേത് എന്താ?

മഹി : അത്…. ഒരു കുഞ്ഞി കഥയാ. കേട്ട് കഴിഞ്ഞ് എന്നെ തല്ലരുത്…

അന്ന് നീ എന്റെ മേലെ കളർ ഒഴിച്ചപ്പോ എല്ലാരും എന്നെ കളിയാക്കി.. പക്ഷെ എനിക്കെന്തോ ദേഷ്യം ഒന്നും വന്നില്ല… നിന്റെ ആ ഒറ്റ കണ്ണടച്ച് സോറി പറഞ്ഞോണ്ടുള്ള ആ നിൽപ് ആയിരുന്നു മനസ് നിറയെ..

പക്ഷെ രാത്രി ആയപ്പോ എനിക്ക് ഉറങ്ങാൻ പറ്റുന്നില്ല.. നിന്നെ എങ്ങനേലും കാണണമെന്ന് തോന്നി…

പിന്നെ ഒന്നും നോക്കിയില്ല.. വച്ച്പിടിച്ചു നിന്റെ വീട്ടിലേക്ക്..

മതിൽ കഷ്ടപ്പെട്ട് ചാടി… ഒരു ഊഹം വച്ച് നിന്റെ മുറി കണ്ടുപിടിച്ചു.. അത് ലോക്ക് അല്ലാത്തത് എന്റെ ഭാഗ്യം…

അവിടെ വന്നപ്പോൾ നിന്റെ കിടപ്പ് കണ്ടപ്പോൾ എന്റെ സകല നിയന്ത്രണവും പോയി…

ഒരു കുട്ടി ബനിയനും കുഞ്ഞി ഷോർട്സും ഇട്ട്.. എന്റമ്മോ… വയറൊക്കെ കാണിച്ച്..

കുറെ നേരം നിന്റെ മുഖത്തേക്ക് നോക്കിയിരുന്നു… സത്യം പറഞ്ഞാൽ മുഖത്തേക്ക് മാത്രം നോക്കാൻ ഞാൻ കുറച്ചു പാടുപെട്ടു 😉

അങ്ങനെ കഷ്ടപ്പെട്ട് നിയന്ത്രിക്കുന്നതിനിടയിലാ അത് എന്റെ കണ്ണിൽപെട്ടത്..

എന്താണെന്ന് ചോദിക്കാത്തത് എന്താ ശ്രീ?

അവളുടെ ഭാഗത്ത് നിന്ന് പ്രതികരണം ഒന്നും കിട്ടാതെ വന്നപ്പോൾ അവൻ അവളുടെ മുഖത്തേക്ക് നോക്കി.. അവളപ്പോഴേക്കും ഉറങ്ങിയിരുന്നു…

അവനവളെ പ്രണയാർദ്രമായി നോക്കി. അവളുടെ അധരങ്ങളിൽ മൃദുവായി ഒന്ന് ചുംബിച്ചു… എന്നിട്ട് അവളെ എടുത്ത് കട്ടിലിൽ കിടത്തി… നെറ്റിയിൽ ഒരു ഉമ്മ കൂടി കൊടുത്തിട്ട് അവൻ കുളിക്കാൻ കയറി…

കുളിച്ചു വന്നിട്ട് അവൻ കണ്ണാടിയിൽ നോക്കി മുടി ചീകിയൊതുക്കി… അവന്റെ വലത്തേ കയ്യിലെ ചരടിൽ ചേർന്ന് കിടക്കുന്ന ഏലസിലേക്ക് അവൻ ഒരു ചെറു ചിരിയോടെ നോക്കി… കണ്ണാടിയിലൂടെ ശ്രീയുടെ മുഖത്തേക്ക് നോക്കി.. അവൾ നല്ല ഗാഢനിദ്രയിലായിരുന്നു…

അന്നും നീ ഇങ്ങനെ നല്ല ഉറക്കത്തിലായിരുന്നു ശ്രീ… അതുകൊണ്ടാ നിന്റെ അരക്കെട്ടിൽ ചേർന്ന് നിന്റെ പൊന്നരഞ്ഞാണത്തിൽ കൊരുത്ത ഈ ഏലസ് ഞാൻ അടിച്ചു മാറ്റിയിട്ടും നീ അറിയാതിരുന്നത്… ☺️

മഹി മെല്ലെ അവളുടെ അടുത്ത് ചെന്ന് ചേർന്ന് കിടന്നു… അവളുടെ കവിളിൽ ഒരു ചുംബനം കൊടുക്കവേ അവന്റെ ഫോണിൽ ഒരു മെസ്സേജ് വന്നു…

വിച്ചു ആയിരുന്നു അത്…

ഏട്ടാ നാളെ രാവിലെ 10 മണിക്ക് ഹോട്ടൽ ഗ്രീൻ ലെയ്ക്കിൽ

ഓക്കേ എന്നെ തിരിച്ചു മെസ്സേജ് അയച്ചിട്ട് അവൻ കിടന്നു… അടുത്ത ദിവസം മുതൽ തന്റെ കുഞ്ഞിന് കാവലായി ഒരു സൈന്യം ഒരുങ്ങുന്നു എന്ന ആശ്വാസത്തോടെ…

അവൻ പാറുവിനെ നോക്കി… മംഗലത്തിന്റെ അനന്തരാവകാശിയെയാണ് നമ്മൾ സംരക്ഷിക്കേണ്ടത്…. ഞാൻ അത് ചെയ്തേ പറ്റൂ ശ്രീ … ഞാൻ ചെയ്യാൻ പോവുന്നത് ഒരു തെറ്റല്ല.. പക്ഷെ നിനക്ക് മുന്നിൽ അത് എനിക്ക് പറയാനും പറ്റില്ല.. കാരണം നീ അയാളെ അത്രമേൽ വിശ്വസിക്കുന്നുവെന്ന് എനിക്കറിയാം.. നിന്റെ വിശ്വാസത്തെയാണ് അയാൾ മുതലെടുക്കുന്നത്… അത് വച്ച് തന്നെ വേണം എനിക്കവനെ പൂട്ടാൻ..

(തുടരും… )

Where there is Love 💞There is Life💞 PART 1

Where there is Love 💞There is Life💞 PART 2

Where there is Love 💞There is Life💞 PART 3

Where there is Love 💞There is Life💞 PART 4

Where there is Love 💞There is Life💞 PART 5

Where there is Love 💞There is Life💞 PART 6

Where there is Love 💞There is Life💞 PART 7

Where there is Love 💞There is Life💞 PART 8

Where there is Love 💞There is Life💞 PART 9

Where there is Love 💞There is Life💞 PART 10

Where there is Love 💞There is Life💞 PART 11