Where there is Love 💞There is Life💞 PART 8

നോവൽ
എഴുത്തുകാരി: MARY DIFIYA

---

മഹി ഒട്ടും സമയം കളയാതെ വണ്ടിയെടുത്ത് ഗുഡ് ഷെപ്പേർഡ് ഓർഫനേജിലേക്ക് പോയി. സമയം ഏകദേശം 7മണി കഴിഞ്ഞിരുന്നു അവൻ അവിടെ എത്തിയപ്പോൾ. അകത്തു നിന്ന് സന്ധ്യപ്രാർത്ഥനയുടെ ശബ്ദം കേൾക്കാം. അവൻ കുറച്ചു നേരം കാത്ത് നിന്നു. പെട്ടന്ന് അവന്റെ ഫോൺ ശബ്‌ദിച്ചു..

സിദ്ധു….

മഹി :ആഹ് സിദ്ധു ഞാൻ നിന്നെ വിളിക്കാനിരിക്കുവായിരുന്നു.

സിദ്ധു :എന്താടാ കാര്യം?

മഹി ഉണ്ടായ സംഭവങ്ങൾ ഒന്ന് വിടാതെ എല്ലാം സിദ്ധുവിനോട് പറഞ്ഞു. പക്ഷെ നന്തി വിളിച്ചതോ പറഞ്ഞതോ ഒന്നും അവൻ സിദ്ധുവിനോട് പറഞ്ഞില്ല. എല്ലാം കേട്ട് നിന്ന സിദ്ധുവിന്റെ മനസ്സിൽ പകയാളിയത് മഹി അറിഞ്ഞില്ല..

സിദ്ധു :എടാ നിന്റെ അച്ഛൻ അവളെ സംരക്ഷിക്കാൻ കള്ളം പറഞ്ഞതായിക്കൂടെ?

മഹി അത്രയും നേരം അങ്ങനെയൊരു സാധ്യതയെപ്പറ്റി ആലോചിചിരുന്നില്ല.

മഹി :എടാ അച്ഛനെന്നോട് കള്ളം പറയില്ല.

സിദ്ധു :മ്മ്… ഞാൻ പറയാനുള്ളത് പറഞ്ഞു. ഇനി നിന്റെ ഇഷ്ടം… ഇപ്പോ നീ എവിടെയാ?

പെട്ടന്ന് ഒരു സിസ്റ്റർ മഹിക്ക് നേരെ വരുന്നത് അവൻ കണ്ടു.

മഹി :ഡാ ഞാൻ നിന്നെ തിരിച്ചു വിളിക്കാം…

മഹി ഫോൺ കട്ട്‌ ചെയ്തു.

സിസ്റ്റർ :Mr. Mahadhev അല്ലേ?

മഹി :അതെ…

സിസ്റ്റർ :ഞാൻ സിസ്റ്റർ തെരേസ്

മഹി :സിസ്റ്റർ.., ഞാൻ സിസ്റ്ററെ കാണാനാണ് വന്നത്..

സിസ്റ്റർ :യെസ് ഐ നോ… എന്നോട് അദ്ദേഹം പറഞ്ഞിരുന്നു.

മഹി :ആര്?

സിസ്റ്റർ :സോറി അത് പറയാൻ എനിക്ക് നിർവാഹം ഇല്ല. താങ്കൾക്ക് അറിയാനുള്ളത് മാത്രം ഞാൻ പറഞ്ഞാൽ പോരെ..

മഹി :സിസ്റ്റർ… അത്

സിസ്റ്റർ :എനിക്ക് അറിയാം മഹാദേവ്… നിങ്ങൾക്ക് ഒത്തിരി അറിയാനുണ്ട്.. ഞാൻ പറയാം…

അവര് ഓർഫനേജിന്റെ ഗാർഡനിലൂടെ നടന്നുതുടങ്ങി… സിസ്റ്റർ സംസാരിക്കാൻ തുടങ്ങി.

ഈ ഓർഫനേജ് സ്പോൺസർ ചെയ്യുന്നത് മംഗലത്ത് ഗ്രൂപ്പ്‌ ആണ്. ആൻഡ് നിങ്ങൾക്ക് ഒരു കാര്യം അറിയുമോന്ന് എനിക്കറിയില്ല..

മഹി :എന്താണ് സിസ്റ്റർ?

സിസ്റ്റർ :മംഗലത്ത് ഗ്രൂപ്പസിന്റെ അനന്തരാവകാശി മംഗലത്ത് മേനോന്റെ ആൺമക്കളോ അവരുടെ മക്കളോ അല്ല. മറിച്ച് അദ്ദേഹത്തിന്റെ മകളുടെ ഭർത്താവ് ആണ് നിലവിലെ അവകാശി..

മഹി :സിസ്റ്റർ…?

സിസ്റ്റർ :യെസ് മഹാദേവ്.. താനാണ് ഇപ്പോഴത്തെ അവകാശി. ബട്ട്‌ അതിൽ കുറച്ചു സ്പെഷ്യൽ ക്ലോസ്സ് മേനോൻ സർ ആഡ് ചെയ്തിട്ടുണ്ട്. കൂടെ നിൽക്കുന്നവർ ചതിക്കുമെന്ന് അദ്ദേഹം മുൻകൂട്ടി കണ്ടിരിക്കണം..

മഹി ചോദ്യ ഭാവത്തിൽ സിസ്റ്ററെ നോക്കി.

സിസ്റ്റർ : അതായത് മഹാദേവ്…. പാറുവിന്റെ പേരിലാണ് വിൽപത്രം. പക്ഷെ അവൾക്കത് അനുഭവിക്കാനോ കൈമാറ്റം ചെയ്യാനോ അവകാശം ഇല്ല.

അവളുടെ ഭർത്താവായ നിങ്ങൾക്കാണ് അത് താൽക്കാലികമായി അനുഭവിക്കാനുള്ള അവകാശം.

പക്ഷെ നിങ്ങൾക്കും അത് കൈമാറ്റം ചെയ്യാൻ അവകാശം ഇല്ല. നിങ്ങളുടെ കുഞ്ഞിന് പ്രായപൂർത്തി ആകുന്നവരെ സൂക്ഷിക്കുക എന്നതാണ് നിങ്ങളുടെ ഉത്തരവാദിത്തം. നിങ്ങളുടെ മൂത്ത കുട്ടിക്ക് മാത്രമാണ് അതിന്റെ പരമോന്നത അധികാരം. എത്ര ബ്രില്ലിയൻറ് പ്ലാൻ ആണല്ലേ?

മഹി ഇതെല്ലാം കേട്ട് ആലോചനയുടെ നിന്നു. അത് കണ്ട സിസ്റ്റർ അവന്റെ അടുത്തേക്ക് നടന്നു വന്നു.

സിസ്റ്റർ :ഇതും നിങ്ങളെ വിളിക്കുന്ന ആൾ പറയുന്നതും തമ്മിൽ എന്താണ് ബന്ധമെന്നല്ലേ ആലോചിക്കുന്നത്..?

മഹി അതേയെന്ന അർഥത്തിൽ തലയാട്ടി.

സിസ്റ്റർ :സീ മിസ്റ്റർ മഹാദേവ്… അത് താൻ ഒന്ന് ആലോചിച്ചാൽ മനസിലാക്കാം… അതായത് പാർവതി വിവാഹിതയായാൽ മാത്രമേ സ്വത്തുക്കൾക്ക് മറ്റൊരാവകാശി വരൂ… ഇപ്പോ നിങ്ങൾക്ക് മനസിലായിട്ടുണ്ടാവുമെന്ന് വിചാരിക്കുന്നു.

അപ്പൊ നിങ്ങളെ അകറ്റുക എന്നത് സ്വത്തുക്കൾ വേണ്ടവരുടെ ആവശ്യം. അതിന് വേണ്ടിയാണ് നിങ്ങളെ തെറ്റിദ്ധരിപ്പിക്കുന്നത്. അത് ആരാണെന്ന് എനിക്ക് അറിയില്ല. ഒരുപക്ഷെ നിങ്ങളെ വിളിക്കുന്ന ആ വ്യക്തിക്ക് അറിയാമായിരിക്കും.

ഇനി കാര്യങ്ങൾ ഞാൻ പറയുന്നതിനേക്കാൾ നല്ലത് കാർത്തിക്ക് പറയുന്നതാണ്. ഞാൻ വിളിച്ചതനുസരിച്ച് കാർത്തിക് വന്നിട്ടുണ്ട്… ദാ…

സിസ്റ്റർ കൈ ചൂണ്ടിയ ഭാഗത്തേക്ക് നോക്കിയ മഹി കാർത്തികിനെ കണ്ടു. അവന് കാർത്തികിനെ ഫേസ് ചെയ്യാൻ ബുദ്ധിമുട്ട് തോന്നി. പക്ഷെ അറിയാൻ ഒത്തിരി ബാക്കിയുണ്ടെന്ന് അവന് തോന്നി. അവൻ കാർത്തിക്കിന്റെ അടുത്തേക്ക് ചെന്നു.

മഹിയെ കണ്ട കാർത്തിക്കിന് ദേഷ്യം വരുന്നുണ്ടായിരുന്നെങ്കിലും… സിസ്റ്റർ പറഞ്ഞതോർത്ത് അവൻ സൗമ്യനായി നിന്നു.

മഹി കാർത്തിക്കിനടുത്ത് വന്ന് അവനെന്താണ് പറയുന്നതെന്ന് ശ്രദ്ധിക്കാൻ തയ്യാറായി.

കാർത്തിക് :ഞാൻ പറയുന്നത് നിങ്ങൾക്ക് വേണെങ്കിൽ വിശ്വസിക്കാം ഇല്ലെങ്കിൽ തള്ളിക്കളയാം…, താൻ വിചാരിക്കുന്നത് പോലെ ഞാനും പാറുവും തമ്മിൽ പ്രണയത്തിലല്ല.

അത്പോലെ അന്ന് തനിക്ക് കിട്ടിയ ചിത്രങ്ങളും സത്യമല്ല. അതിൽ കാണുന്നയാൾ ഞാൻ തന്നെയാണ്. പക്ഷെ കൂടെ ഉള്ള പെൺകുട്ടി… അത് പാറുവല്ല..

മഹി :പിന്നെ?

മഹി അത്ഭുതത്തോടെ ചോദിച്ചു..

കാർത്തിക് :അത് തന്റെ പെങ്ങളാണ്.. വൈശു…

മഹി :നോ..

കാർത്തിക് :സത്യമാണ്. ഞാൻ പറഞ്ഞല്ലോ ഇഷ്ടമുണ്ടെങ്കിൽ വിശ്വസിച്ചാൽ മതി.

ഞാനും വൈശുവും തമ്മിൽ 2വർഷമായി പ്രണയത്തിലാണ്… പാറുവിനോപ്പം എംബിഎ ഫസ്റ്റ് ഇയർ പഠിക്കുമ്പോൾ ഇവിടെ ഉത്സവത്തിന് വന്നപ്പോഴാണ് ഞങ്ങൾ പരിചയപ്പെടുന്നത്.. പിന്നീട് അത് പ്രണയമായി..

ആ ഫോട്ടോ അന്ന് നിങ്ങൾ പാറുവിനെ കാണിച്ചപ്പോഴേ അവൾക്ക് അത് ഞങ്ങളുടേതാണെന്ന് മനസിലായി. അന്നവളത് പറയാൻ ശ്രമിച്ചപ്പോൾ നിങ്ങൾ കേട്ടില്ല. പിന്നീട് നിങ്ങൾ സത്യാവസ്ഥ അന്വേഷിക്കുമെന്ന് അവൾ വിചാരിച്ചു.

മഹി തല താഴ്ത്തി നിന്നു.

കാർത്തിക് :ഈ കാര്യം മഹിയുടെ അച്ഛന് അറിയാം… നിങ്ങൾ പറഞ്ഞില്ലെ ഒരു വീഡിയോ കണ്ടെന്ന്. അന്ന് അദ്ദേഹവും ഞങ്ങളോടൊപ്പം ഉണ്ടായിരുന്നു. അന്ന് ഞാൻ എല്ലാം അദ്ദേഹത്തോട് പറഞ്ഞു.

പിന്നെ ഒരു കാര്യം കൂടി. നിങ്ങളുടെ റിസപ്ഷന് പാറു വിളിച്ച സ്പെഷ്യൽ ഗസ്റ്റ് ഞാനല്ല. അത് ഈ ഓർഫനേജിലെ കുട്ടികളായിരുന്നു. ഞാൻ വൈശു വിളിച്ചിട്ടാണ് വന്നത്.

അന്ന് നിങ്ങൾ അവളെ അവളുടെ സമ്മതമില്ലാതെ തൊട്ടതിന്റെ പിറ്റേന്ന് നിങ്ങളെ ഞാൻ പെരുമാറിയേനെ പക്ഷെ അവൾ തടഞ്ഞു… ഇനിയത് ഉണ്ടാവില്ല. ഇന്ന് അവൾ ഏറ്റവും വെറുക്കുന്നത് നിങ്ങളെയാണ്…

അത്രെയും പറഞ്ഞ് കാർത്തിക് നടന്നു. മഹിയുടെ കണ്ണുകൾ നിറഞ്ഞിരുന്നു. പെട്ടന്ന് കാർത്തിക് നിന്നു. ഒന്ന് തിരിഞ്ഞിട്ട് അവൻ പറഞ്ഞു..

“പാർവതിയിൽ നിന്ന് കാളിയിലേക്ക് അധിക ദൂരമില്ല.ഒരുത്തൻ പെണ്ണിന്റെ മാനത്തിന് വില പറയുന്നത്ര ദൂരമേയുള്ളൂ.. ഇനി താനത് അറിയും… ”

കേട്ടതെല്ലാം മഹിയെ തളർത്തുന്നതായിരുന്നു…

“എന്റെ ശ്രീ പാവമായിരുന്നു.. എനിക്ക് തെറ്റിയല്ലോ മഹാദേവാ… ”

മഹിയുടെ കണ്ണുകൾ നിറഞ്ഞു.

എങ്ങനെയോ മഹി ഡ്രൈവ് ചെയ്ത് വീട്ടിലെത്തി. ഗെയ്റ്റ് കടന്നതും പതിവില്ലാതെ കൃഷ്ണേട്ടൻ (സെക്യൂരിറ്റി )മഹിയുടെ അടുത്തേക്ക് വന്നു…

മഹി :എന്താ കൃഷ്ണേട്ടാ?

കൃഷ്ണേട്ടൻ :മോനെ എനിക്ക് മോന്റെ അത്ര പഠിപ്പില്ല. പക്ഷെ പറഞ്ഞു പോകുവാ… ഇന്ന് ചെയ്തത് കുറച്ചു കൂടിപ്പോയി…

മഹി തല താഴ്ത്തി… പെട്ടന്ന് എന്തോ ഓർത്ത്‌ അവൻ അയാൾക്ക് നേരെ തിരിഞ്ഞു…

മഹി :കൃഷ്ണേട്ടാ… അന്ന് എന്റെ കല്യാണ തലേന്ന് ആ കൊറിയർ കൊണ്ട് വന്നത് ആരാ?

കൃഷ്ണേട്ടൻ :എന്ന്? എന്ത് കൊറിയർ?… കുഞ്ഞ് എന്തൊക്കെയാ പറയുന്നേ…

മഹി :അന്ന് എന്റെ കല്യാണത്തലേന്ന് ഒരു ഒരു കൊറിയർ ഒരാൾ ഇവിടെ എറിഞ്ഞിട്ട് പോയിട്ട് കൃഷ്ണേട്ടൻ അത് എടുത്ത് സിദ്ധുവിന്റെ കയ്യിൽ കൊടുത്തില്ലേ?

കൃഷ്ണേട്ടൻ :കുഞ്ഞ് പറയുന്നതൊന്നും എനിക്ക് മനസിലാവുന്നില്ല.. മോനെ അന്ന് ഞാൻ ലീവ് ആയിരുന്നു..

മഹി ഞെട്ടി… അവൻ ഒന്നും മിണ്ടാതെ അകത്തേക്ക് നടന്നു…. സിദ്ധു പിന്നെ എന്ത്കൊണ്ട് അങ്ങനെ പറഞ്ഞു എന്നതായിരുന്നു അവന്റെ ചിന്ത…

അവൻ സ്റ്റെയർ കേറാൻ തുടങ്ങവേ വൈശു അവനെ വിളിച്ചു… അവൻ അവളെ തിരിഞ്ഞു നോക്കി…

വൈശു :ഏട്ടൻ കാർത്തിയേട്ടനെ കണ്ടില്ലേ?

മഹി :മ്മ്…

വൈശു :ഏട്ടൻ എല്ലാം പറഞ്ഞില്ലേ?

മഹി :മ്മ്… നിനക്കെങ്കിലും എന്നോട് പറയാമായിരുന്നു…

വൈശു :പാറുവാണ് പറയണ്ടെന്ന് പറഞ്ഞത്. ഏട്ടൻ സ്വയമേ അവളെ മനസിലാക്കുമെന്ന് അവൾ വിശ്വസിച്ചിരുന്നു.

മഹി അതിന് മറുപടി ഒന്നും പറഞ്ഞില്ല.. തെറ്റ് തന്റേതാണെന്ന് അവന് ബോധ്യം ഉണ്ടായിരുന്നു..

അവൻ മുറിയിൽ കയറി വാതിൽ അടച്ചു. ആ മുറി നിറയെ അവളുടെ ഗന്ധം ആയിരുന്നു… അവൻ കണ്ണടച്ച് ആ ഗന്ധം തന്നിലേക്ക് ആവാഹിച്ചു…

ഇന്നലെ വരെ കൂടെയുണ്ടായിട്ടും ഞാൻ അറിഞ്ഞില്ലല്ലോ.. നിന്നിലെ ഗന്ധത്തെ… പകരനായില്ലല്ലോ എന്റെ പ്രണയം…

അവൻ കണ്ണടച്ച് ബെഡിൽ കിടന്നു.. പക്ഷെ അവന് ഉറങ്ങാനായില്ല. അന്ന് ആ വീട്ടിൽ ആരും ഉറങ്ങിയില്ല.

💖💖💖💖💖💖💖💖💖💖💖💖💖💖💖💖

മറ്റൊരു സ്ഥലത്ത് ഒരു ഫ്ലാറ്റിൽ..

ബാൽക്കണിയിൽ ഇട്ടിരിക്കുന്ന കൗച്ചിൽ ചാരിയിരിക്കുകയാണ് പാറു. അവളുടെ നിറഞ്ഞൊഴുകുന്ന കണ്ണുകൾ അവൾ ഉറങ്ങിയിട്ടില്ലെന്നതിന് തെളിവായിരുന്നു.

അപ്പു (അപർണ ): പാറു വന്ന് ഭക്ഷണം കഴിക്ക്..

പാറു :എനിക്ക് വേണ്ട അപ്പു.. എനിക്ക് ആവില്ല കഴിക്കാൻ…

അപ്പു :പറ്റില്ല പാറു.. നിനക്ക് വേണ്ടായിരിക്കാം പക്ഷെ നിന്റെ ഉള്ളിൽ മറ്റൊരു ജീവനുണ്ട്. അതിന് ഭക്ഷണം ആവശ്യമാണ്… അത് കേട്ടതും പാറു കണ്ണ് തുറന്ന് നോക്കി.. പിന്നെ മെല്ലെ അവൾ എഴുന്നേറ്റു…

ഭക്ഷണം കഴിക്കാൻ ഇരുന്നിട്ടും നുള്ളിപ്പെറുക്കി ഇരുന്നതല്ലാതെ അവൾ ഒന്നും കഴിക്കുന്നില്ലെന്ന് അപ്പു ശ്രദ്ധിച്ചു.

അപ്പു :പാറു… നീയിത് എന്താ കാണിക്കുന്നേ… മാറ് ഞാൻ വാരിത്തരാം..

അപ്പു അവൾക്ക് വാരികൊടുക്കാൻ തുടങ്ങി.. അപ്പോഴും പാറുവിന്റെ കണ്ണുകൾ നിറഞ്ഞൊഴുകുന്നുണ്ടായിരുന്നു.

അപ്പു :പാറു.. ഇനി നീയിങ്ങനെ കരഞ്ഞു തളർന്ന് ഇരുന്നൂടാ… ഒറ്റയ്ക്ക് ജീവിക്കാൻ പഠിക്കണം.. തള്ളി പറഞ്ഞവരുടെ മുന്നിൽ ജീവിച്ച് കാണിച്ചുകൊടുക്കണം…

എന്തോ തീരുമാനിച്ചുറപ്പിച്ചപോലെ പാറു കണ്ണുകൾ തുടച്ച് എഴുന്നേറ്റു..

പാറു :മതി അപ്പു… ഞാൻ കിടക്കാൻ പോകുവാ.. അവൾ പോയി കിടന്നു… എപ്പോഴോ അവൾ ഉറക്കത്തിലേക്ക് വീണു.

💖💖💖💖💖💖💖💖💖💖💖💖💖💖💖💖

പിറ്റേന്ന് വളരെ വൈകിയാണ് മഹി എഴുന്നേറ്റത്. അവൻ ഒന്നും ചെയ്യാനില്ലാതെ കുറെയേറെ നേരം വെറുതെ ഇരുന്നു… പിന്നെ എഴുന്നേറ്റു ഫ്രഷ് ആവനായി പോയി.

ഭക്ഷണം കഴിക്കാൻ ഇരുന്നിട്ടും ആരും തന്നോട് സംസാരിക്കുന്നത് പോലുമില്ലെന്ന് കണ്ട് മഹി ആകെ തകർന്നു.

മഹി :അമ്മേ…

ലക്ഷ്മിയമ്മ ഒന്നും മിണ്ടാതെ എഴുന്നേറ്റ് പോയി. പിറകെത്തന്നെ ഓരോരുത്തരായി എഴുന്നേറ്റു. മഹി ഒന്നും ചെയ്യാനില്ലാതെ തളർന്നിരുന്നു…

“നീ ഇല്ലാതെ ഞാൻ പൂർണനല്ല പെണ്ണെ… നീ ഇല്ലാതെ ഈ കൈലാസം പോലും എനിക്ക് അന്യമാവുന്നല്ലോ “…

ഏകദേശം 12.30 ആവാറായപ്പോൾ മഹിക്ക് ഒരു കോൾ വന്നു..

മഹി :ഹലോ..

നന്തി :ഞാൻ നന്തി… ഇപ്പോൾ താങ്കൾക്ക് കാര്യങ്ങൾ ഏകദേശം മനസിലായി കാണുമല്ലോ…

മഹി പക്ഷെ അത് കേട്ടില്ല… ആ ശബ്ദത്തിന് പിന്നിലായി കേൾക്കുന്ന ബാങ്ക്‌ വിളിയാണ് മഹി ശ്രദ്ധിച്ചത്… അടുത്ത് ആകെ ഒരേയൊരു മുസ്ലിം പള്ളിയെ ഉള്ളു. മഹി കോൾ കട്ട്‌ ആക്കാതെ വണ്ടി സ്റ്റാർട്ട്‌ ചെയ്ത് മസ്ജിദ് ലക്ഷ്യമാക്കി നീങ്ങി…

അപ്പോഴും നന്തി ഓരോന്ന് പറഞ്ഞു കൊണ്ടിരിക്കുകയായിരുന്നു… മഹി മസ്ജിദിനു അടുത്തുള്ള എസ്.ടി.ഡി ബൂത്തിന് മുന്നിൽ എത്തി. അതിനുള്ളിൽ കോൾ ചെയ്യുന്നയാൾ മഹിക്ക് പുറം തിരിഞ്ഞാണ് നിന്നിരുന്നത്..

പെട്ടന്ന് കോൾ ഡിസ്കണക്ട് ആയി. ബൂത്തിന്റെ ഡോർ തുറന്ന് പുറത്തേക്ക് വരുന്നയാളെ കണ്ട് മഹി ഞെട്ടി. മഹിയെ അവിടെ കണ്ട് ആയാളും ഞെട്ടി.

(തുടരും… )

Where there is Love 💞There is Life💞 PART 1

Where there is Love 💞There is Life💞 PART 2

Where there is Love 💞There is Life💞 PART 3

Where there is Love 💞There is Life💞 PART 4

Where there is Love 💞There is Life💞 PART 5

Where there is Love 💞There is Life💞 PART 6

Where there is Love 💞There is Life💞 PART 7