Where there is Love 💞There is Life💞 PART 3

നോവൽ
എഴുത്തുകാരി: MARY DIFIYA

---

ആ കത്ത് എങ്ങനെ അവന്റെ കയ്യിൽ കിട്ടിയെന്ന് ആലോചിക്കുവായിരുന്നു അയാൾ (നന്തി ).അയാൾ വേഗം തന്റെ ബൈക്ക് സ്റ്റാർട്ട്‌ ആക്കി…

അടുത്തുള്ള എസ്.ടി.ഡി ബൂത്ത്‌ ലക്ഷ്യമാക്കി അയാളുടെ ബൈക്ക് കുതിച്ചു…. എസ്.ടി.ഡി ബൂത്ത്‌ എത്തിയതേ അയാൾ വണ്ടിയിൽ നിന്ന് ചാടിയിറങ്ങി..

കയ്യിലുള്ള ചില്ലറ തപ്പിയെടുത്തു… ഫോണിന്റെ റിസീവർ കയ്യിലുള്ള തൂവാലകൊണ്ട് മൂടാൻ അയാൾ മറന്നില്ല… അല്ലെങ്കിൽ തന്റെ ശബ്ദം മഹി തിരിച്ചറിയുമെന്ന് അയാൾക്ക് ഉറപ്പായിരുന്നു. തന്റെ മൊബൈൽ നോക്കി അയാൾ മഹിയുടെ നമ്പർ ഡയൽ ചെയ്തു.

കയ്യിൽ ചില്ലറയായി രണ്ട് രൂപയെ ഉള്ളു.. അത് തീരുന്നതിനുള്ളിൽ അവനെ കാര്യങ്ങൾ പറഞ്ഞ് മനസ്സിലാക്കണമെന്ന് അയാൾ ഉറപ്പിച്ചു…

രണ്ട് തവണ റിങ് ചെയ്ത് കഴിഞ്ഞ് മഹി ഫോൺ അറ്റൻഡ് ചെയ്തു.

മഹി :ഹെലോ… മഹി ഹിയർ…

നന്തി :ഹെലോ.. മഹി… ഞാൻ ഒരു അത്യാവശ്യ കാര്യം പറയാനാണ് വിളിച്ചത്..

മഹി :നിങ്ങൾ ആരാണ്?

നന്തി :അത് പ്രസക്തമല്ല മഹി… തന്നെയും തന്റെ ഭാര്യയെയും തമ്മിൽ അകറ്റാൻ കുറച്ചു പേർ ശ്രമിക്കുന്നുണ്ട് മഹി.

മഹി :താൻ ആരാ? താൻ എന്തൊക്കെയാ പറയുന്നേ?

നന്തി :തന്റെ കല്യാണത്തിന് ഒരാഴ്ച മുന്നേ തനിക്ക് ഞാൻ ഒരു കത്ത് അയച്ചിരുന്നു. ഓഫീസ് അഡ്രസ്സിൽ… അത് പക്ഷെ തനിക് കിട്ടിയില്ല… പകരം ആർക്ക് കിട്ടരുതെന്ന് ഞാൻ വിചാരിച്ചോ അയാൾക്ക് അത് കിട്ടി. ഇന്ന് അയാൾ അത് വായിക്കുന്നത് ഞാൻ കണ്ടു.

മഹി :എന്ത് കത്ത്? എനിക്ക് എന്തിന്? ആർക്കാ കിട്ടിയത് അത്?

നന്തി :ശ്രദ്ധിച്ചു കേൾക്ക് മഹി… പാർവതിയുടെ പേരിൽ കുറച്ച് കള്ളക്കഥകൾ അവളുടെ വീട്ടിൽ അറിഞ്ഞതിന്റെ പേരിലാണ് നിങ്ങളുടെ വിവാഹം ഇത്ര വേഗം നടന്നത്. പക്ഷെ അതൊന്നും സത്യമായിരുന്നില്ല… കുറച്ചു ഫോട്ടോസും.. അവളുടെ കയ്യക്ഷരത്തിലുള്ള ഒരു കത്തും ആയിരുന്നു അവൾക്ക് എതിരെയുള്ള തെളിവുകൾ… ഒരുപക്ഷെ തനിക്കും അങ്ങനുള്ള കള്ളത്തെളിവുകൾ കിട്ടും. ഒരുപക്ഷെ കിട്ടിയിട്ടുണ്ടാവും. വിശ്വസിക്കരുതെന്ന് മാത്രേ പറയാനുള്ളു…. നിങ്ങളെ അകറ്റുക എന്നത് മാത്രമാണ് അവരുടെ ലക്ഷ്യം. പക്ഷെ പാർവതിയെ അവര് ഉപദ്രവിക്കില്ല .അതിന് പിന്നിലും കാരണങ്ങളുണ്ട്. വഴിയേ ഞാൻ അറിയിക്കാം. ഇപ്പോ കോൾ ഡിസ്കണക്ട് ആവും. കൂടെ ഉള്ളവരെ വിശ്വസിക്കരുത്. നിങ്ങൾക്ക് കാവലായി ഞാൻ ഉണ്ടാവും.തമ്മിൽ അകലരുത്. അത് അവളുടെ ജീവന് ആപത്താണ്…

മഹി പറയുന്നതൊന്നും ശ്രദ്ധിക്കാതെ അയാൾ ഒരുവിധം പറഞ്ഞൊപ്പിച്ചു.

മഹി :എനിക്കയച്ച കത്ത് ആർക്കാണ് കിട്ടിയതെന്നെങ്കിലും പറഞ്ഞൂടെ..?

——- ——— ——– ——— ——- ——— ——-
മറു ഭാഗത്ത്‌ കോൾ ഡിസ്കണക്ട് ആയിട്ടുണ്ടായിരുന്നു..

അയാൾ പറഞ്ഞതൊക്കെ സത്യമാണെങ്കിൽ ആരോ ഇതിനിടയിൽ കളിക്കുന്നുണ്ട്… അറിയണം എനിക്ക് അതാരാണെന്ന്.. എന്റെ ശ്രീ അവളെ ഞാൻ ഒത്തിരി വേദനിപ്പിച്ചു…

പക്ഷെ ഇതൊന്നും സത്യമല്ലെങ്കിൽ.. അവൾ എന്നെ പറ്റിക്കുകയാണെങ്കിൽ..??..

സിദ്ധുവിനെ വിളിക്കാൻ അവൻ ഫോണെടുത്തു.. പക്ഷെ അയാൾ പറഞ്ഞ വാക്കുകൾ അവന് ഓർമ വന്നു..

“കൂടെ ഉള്ളവരെ വിശ്വസിക്കരുത് ”

ആരും ഒന്നും തല്ക്കാലം അറിയരുതെന്ന് അവൻ ഉറപ്പിച്ചു.

💖💖💖💖💖💖💖💖💖💖💖💖💖💖💖

വൈകുന്നേരം മഹി നേരത്തെ വീട്ടിൽ എത്തി.നേരെ മുറിയിലെത്തിയ അവൻ അമ്പലത്തിൽ പോവാനായി തയ്യാറാവുന്ന പാറുവിനെ മതി മറന്ന് നോക്കിനിന്നു.

അവനറിയാതെതന്നെ അവൾക്ക് നേരെ അവന്റെ കാലുകൾ ചലിച്ചു തുടങ്ങി..

അവൻ അരികിലേക്ക് വരുന്നത് കണ്ണാടിയിലൂടെ കണ്ട പാറു അവനു നേരെ തിരിഞ്ഞ് നിന്നു
അവന് നടന്നടുക്കുന്തോറും അവളുടെ ഹൃദയം പെരുമ്പറ മുഴക്കുന്നത് അവൾക്ക് അറിയാൻ സാധിച്ചു..

പാറുവിന് തൊട്ട് മുന്നിലെത്തിയ മഹി മുന്നിലേക്ക് വീണു കിടക്കുന്ന അവളുടെ മുടിയിഴകൾ മടിയൊതുക്കികൊണ്ട് ആർദ്രമായി വിളിച്ചു…

“ശ്രീ ”

അവൾ കണ്ണുകളുയർത്തി അവനെ നോക്കി…എന്തിനെന്നില്ലാതെ അവളുടെ കണ്ണുകൾ നിറഞ്ഞു. അവളുടെ കണ്ണുകൾ കാന്തം പോലെ തന്നെ വലിച്ചടുപ്പിക്കുന്നത് അവൻ ശ്രദ്ധിച്ചില്ല… അവര് തമ്മിലുള്ള അകലം കുറഞ്ഞുവന്നു. അവൻ അവളുടെ കണ്ണിൽ മൃദുവായ് ഒന്ന് ചുംബിച്ചു…

വാതിലിൽ ആരോ മുട്ടുന്നത് കേട്ട് രണ്ട് പേരും സ്വബോധത്തിലേക്ക് വന്നു.

അവളെ നോക്കാൻ അവനു ബുദ്ധിമുട്ട് തോന്നി. കുളിക്കാനുള്ള ടവൽ എടുത്ത് അവൻ ബാത്‌റൂമിൽ കയറി.

ടാപ് തുറന്ന് വെള്ളം മുഖത്തേക്ക് ശക്തിയിൽ അടിച്ച് കഴുകി….

മഹി :ശേ… ഞാൻ എന്താ ഈ കാണിച്ചേ… അവളെന്ത് കരുതിക്കാണും…. നീ എന്നെ നിന്നിലേക്ക് വലിച്ചടുപ്പിക്കുകയാണല്ലോ പെണ്ണെ…

പക്ഷെ പാടില്ല… സത്യം അറിയുന്നത് വരെ ഞാൻ നിന്നിലേക്ക് അടുക്കാനോ… നിന്നെ വേദനിപ്പിക്കാനോ പാടില്ല.

സത്യം എന്ത് തന്നെയായാലും എത്രയും വേഗം കണ്ടെത്തണം.

💖💖💖💖💖💖💖💖💖💖💖💖💖💖💖💖

മുറിയിൽ കഴിഞ്ഞുപോയ നിമിഷങ്ങളെ കുറിച്ച് ആലോചിക്കുകയായിരുന്നു പാറു…

എനിക്കറിയാം ഏട്ടാ നിങ്ങൾക്ക് എന്നെ ഇഷ്ടാണ്… പക്ഷെ അതിന് തടസ്സം ആ ഫോട്ടോസും കത്തുമാണ്…. അത് ആരാണെന്ന് ഞാൻ എങ്ങനെ കണ്ടെത്തും..? മഹാദേവാ ഒരു വഴി കാണിച്ചു തരണേ…

💖💖💖💖💖💖💖💖💖💖💖💖💖💖💖💖

അമ്പലത്തിൽ മഹാദേവന് മുന്നിൽ കണ്ണടച്ച് നിന്ന് പ്രാർത്ഥിക്കുകയായിരുന്നു പാറു…

“മഹാദേവാ… മുന്നിലുള്ള എല്ലാ പ്രതിബന്ധങ്ങളും നീക്കി ഈ മഹാദേവിനെ എനിക്ക് തന്നേക്കണേ ”

മഹി ഒന്നും പ്രാർത്ഥിക്കാതെ കണ്ണടച്ച് നിൽക്കുന്ന പാറുവിനെ നോക്കികാണുകയായിരുന്നു….

അവളെ ആദ്യമായി കണ്ട നിമിഷം അവന്റെ ഓർമയിൽ തെളിഞ്ഞു വന്നു..

പണ്ട് 5 വർഷങ്ങൾക്ക് മുൻപ്…. ഇതേ തിരുനടയിൽ വച്ച് കണ്ടെത്തിയതാ നിന്നെ… എന്റെ പാതിയെ…… അവന്റെ ഓർമകൾ 5 വർഷങ്ങൾ പിന്നിലേക്ക് പോയി..

💖💖💖💖💖💖💖💖💖💖💖💖💖💖💖

മഴ പെയ്തു തോർന്നൊരു തണുത്ത തുലാ മാസ പ്രഭാതം….

അമ്മയുടെ നിർബന്ധം സഹിക്ക വയ്യാതെ എല്ലാരും ഒരുമിച്ച് അമ്പലത്തിൽ വന്നതായിരുന്നു അന്ന്….

തൊഴുതു തിരിഞ്ഞതും എന്തോ ഒന്ന് മേലെ വന്നു ഇടിച്ചതും ഒരുമിച്ചായിരുന്നു… ബാലൻസ് കിട്ടാതെ ഞാൻ മുന്നോട്ട് വീണു. കണ്ണ് തുറന്നപ്പോ കണ്ടത് രണ്ട് കാപ്പി കളർ ഉണ്ടക്കണ്ണുകളായിരുന്നു….

ലോകം മുഴുവൻ ആ കണ്ണുകളിൽ നിറഞ്ഞു നിൽക്കുന്ന പോലെ…..

പിന്നിൽ നിന്ന് വിച്ചു കുലുക്കി വിളിച്ചപ്പോഴാണ് ബോധം വന്നത്. ഞാൻ ഇപ്പഴും അവളുടെ മേലെ ആണ്. അവളാണേൽ കണ്ണ് പൊട്ടുന്ന ചീത്ത വിളിക്കുന്നുണ്ട്. എനിക്ക് അതെല്ലാം എ. ആർ. റഹ്മാന്റെ സംഗീതം ശ്രേയ ഘോഷാൽ പാടുന്ന പോലെയാ തോന്നിയെ…. പെട്ടന്ന് അവളെന്നെ തള്ളി മാറ്റി എണീറ്റ് പോയി… ഞാൻ അവളെത്തന്നെ നോക്കി നിന്നു….

വിച്ചു :ഏട്ടാ…..

മഹി :എന്താടാ പൊട്ടാ വിളിച്ചു കൂവുന്നേ…

വിച്ചു :ഓഹോ ഇപ്പോ പൊട്ടൻ ഞാൻ അല്ലെ???

മഹി :എന്താ സംശയം?

വിച്ചു :എന്റെ ഏട്ടാ.. ഏട്ടൻ എന്ത് പരിപാടിയ കാണിച്ചേ എന്തിനാ ആ കൊച്ചിനെ ഇടിച്ചിട്ടേ… എന്നിട്ട് എണീറ്റ് മാറാതെ കിടക്കുന്നു 🤦‍♂️

മഹി :അ…അത്… പിന്നെ

വിച്ചു :ഏത് പിന്നെ…? ദേ ഏട്ടാ ആ കൊച്ച് എന്റെ കൂടെ പഠിക്കുന്നതാ… വെറുതെ അതിന്റെ പുറകെ നടന്ന് എന്റെ മാനം കളയരുത്….

മഹി :ഡാ.. ഡാ… ഞാൻ ഇന്ന് വരെ ഏതേലും പെണ്ണിന്റെ പിന്നാലെ നടന്നിട്ടുണ്ടോ?

വിച്ചു :അതില്ല… എന്നാലും?

മഹി :ആ.. ഒരു എന്നാലുമില്ല… നീ പോയെ…

അവനെ പറഞ്ഞു വിട്ട് ഞാൻ അവള് പോയ വഴിയേ നോക്കി….

“എന്റെ മനസ്സിലേക്കാണല്ലോ പെണ്ണെ നീ ഇടിച്ചുകയറിയെ ”

അപ്പോഴാണ് ഞാൻ അവളുടെ പേരെന്താവുമെന്ന് ആലോചിച്ചത്. വിച്ചുവിനോട് ചോദിക്കാമെന്ന് വിചാരിച്ച് അവനെ അന്വേഷിച്ച് നടന്നപ്പോഴാണ് പൂജാരി അവളുടെ പേര് വിളിച്ച് പ്രസാദം കൊടുക്കുന്നത് കണ്ടത്…

“ശ്രീപാർവതി ”

പേര് കൊള്ളാം… ശ്രീപാർവതി… എന്റെ “ശ്രീ “.ഞാൻ ഇനി നിന്നേം കൊണ്ടേ പോവൂ…
അത് പറഞ്ഞ് നെഞ്ചിൽ ഒന്ന് തട്ടിയതും കയ്യിലെന്തോ തടഞ്ഞു.

ഒരു രുദ്രാക്ഷം.. കൂടെ ഒരു മാലയും. അവളുടെയാവും… അന്ന് മുതൽ ആ രുദ്രാക്ഷം തന്റെ നെഞ്ചിൽ ചേർന്ന് കിടപ്പുണ്ട്…അവളുടെ പിന്നാലെ അവനും… ഓർമകളുടെ വേലിയേറ്റം അവനിൽ ഒരു പുഞ്ചിരി വിരിയിച്ചു. പുഞ്ചിരിയോടെ അവന് അവളെ നോക്കി.. അവളപ്പോഴും കണ്ണടച്ച് പ്രാർത്ഥിക്കുവായിരുന്നു.

💖💖💖💖💖💖💖💖💖💖💖💖💖💖💖💖

അമ്പലത്തിൽ നിന്ന് എത്തിയ ഉടനെ റിസെപ്ഷന് വേണ്ടി ഇരുവരും റെഡി ആവാൻ തുടങ്ങി.

ഒരുങ്ങിയിറങ്ങിയ അവൾ ഒരു രാജകുമാരിയെപ്പോലെ സുന്ദരി ആയിരുന്നു. ഒരു നേവി ബ്ലു കളർ ഗൗൺ ആയിരുന്നു അവളുടെ വേഷം.. മഹി അതിന് ചേരുന്ന നേവി ബ്ലു കളർ ബ്ലേസറിൽ തിളങ്ങി….

എല്ലാവരുമായി സംസാരിക്കുന്ന തിരക്കിലാണ്… ക്ഷണിക്കപ്പെടാത്ത ആ അതിഥി അവിടെയെത്തിയത്.

“പാറു….. ”

വിളി കേട്ട് തിരിഞ്ഞ് നോക്കിയ പാറുവിന്റെ മുഖം വിളറി വെളുത്തു.
മഹിയുടെ മുഖം വലിഞ്ഞു മുറുകി.

“കാർത്തിക്ക്”. പാറു മന്ത്രിച്ചു…

ഓഹ് അപ്പൊ അച്ഛൻ പറഞ്ഞ ഇവളുടെ സ്പെഷ്യൽ ഗെസ്റ്റ് ഇവനാണല്ലേ. മഹി ഓർത്തു. അവൻ ദേഷ്യത്താൽ വിറച്ചു…

കാർത്തിക്ക് വേഗം വന്ന് പാറുവിനെ ഒന്ന് കെട്ടിപിടിച്ചു…. അത്കൂടി കണ്ടതോടെ മഹിയുടെ നിയന്ത്രണം നശിക്കുന്നുണ്ടായിരുന്നു.

പെട്ടന്ന് കാർത്തിക്ക് മഹിക്ക് നേരെ കൈനീട്ടി, എന്നിട്ട് പറഞ്ഞു…

ഹൈ ഐ ആം കാർത്തിക്ക്.. ഞാനും പാറുവും ഒരുമിച്ചായിരുന്നു ബാംഗ്ലൂർ… കല്യാണത്തിന് എത്താൻ പറ്റിയില്ല.. എനിവേ… യു ആർ റിയലി ലക്കി ടു ഹാവ് സച് എ ബ്യൂട്ടിഫുൾ വൈഫ്‌ ലൈക്‌ പാറു …

എന്നിട്ട് അവനെ കെട്ടിപിടിച്ചു, പിന്നെ മഹിക്ക് മാത്രം കേൾക്കുന്ന ശബ്ദത്തിൽ പറഞ്ഞു.

ബട്ട്‌ യു ഡോണ്ട് ഡെസേർവ് ഹേർ .

മഹി ഞെട്ടി അവനെ നോക്കി. അവനൊന്നു പുച്ഛിച്ചു ചിരിച്ചിട്ട് അവരുടെ അടുത്ത് നിന്ന് പോയി…

പാറുവും കാർത്തിക്കും തമ്മിൽ പ്രണയത്തിലാണോ എന്നാ മഹിയുടെ സംശയം ബലപ്പെടുകയായിരുന്നു അവിടെ…

മഹിയുടെ മുഖഭാവങ്ങൾ മാറി നിന്ന് വീക്ഷിച്ച കാർത്തിക്കിന്റെ മുഖത്ത് നിഗൂഢമായ ഒരു ചിരി വിരിഞ്ഞു…..

ഇരുട്ടിന്റെ മറവിൽ മറ്റൊരാൾ കൂടി ഇതെല്ലാം വീക്ഷിക്കുന്നുണ്ടായിരുന്നു….

💖💖💖💖💖💖💖💖💖💖💖💖💖💖💖💖

(തുടരും… )

Where there is Love 💞There is Life💞 PART 1

Where there is Love 💞There is Life💞 PART 2