പ്രിയനുരാഗം – ഭാഗം 4
നോവൽ
എഴുത്തുകാരി: ഐഷണി മഹാദേവ്
“ആഹാ നല്ല സ്മെൽ .ഇന്ന് പുട്ടും കടലക്കറിയും ആണെന്ന് തോന്നുന്നു .” ഇതും പറഞ്ഞുകൊണ്ട് മേലെ നിന്നും ഇറങ്ങി വന്ന കിച്ചു നേരെ അടുക്കളയിലേക്ക് നടന്നു .
അവിടെ സാവിത്രി തിരക്കിട്ടു പാചകത്തിൽ ആണ് .
സഹായിക്കാൻ വരുന്ന ലക്ഷ്മിയും ഉണ്ട് . സാവിത്രി ഇടക്കിടക്ക് ക്ലോക്കിലേക്ക് നോക്കുന്നുണ്ട് .
ഇത് കണ്ടുകൊണ്ടാണ് കിച്ചു അടുക്കളയിൽ എത്തിയത് .
“ഇതെന്താ പുട്ടിനു ആവി വരാൻ ടൈമിംഗ് നോക്കുവാണോ അമ്മ .” കിച്ചു ചിരിച്ചുകൊണ്ട് ചോദിച്ചു .
“ദേവു മോള് വരുമെന്ന് പറഞ്ഞിട്ട് കാണുന്നില്ല്യല്ലോ .” സാവിത്രി പരിഭവം പറഞ്ഞു .
” എന്റെ അമ്മേ സമയം രാവിലെ 7 മണി ആവുന്നേ ഉള്ളു .
ദേവു ചേച്ചി എന്നെ പോലെ നേരത്തെ എഴുന്നേൽക്കണം എന്നൊന്നും ഇല്ല .എല്ലാവരും എന്നെ പോലെ ആവുമോ .” കിച്ചു ചിരിച്ചുകൊണ്ട് പറഞ്ഞു .
“അല്ല ഇന്നെന്താ എന്റെ മോൻ ഇത്ര നേരത്തെ അല്ലെങ്കിൽ ഉച്ചക്ക് അല്ലെ എഴുന്നേറ്റു വരാറുള്ളൂ .” സാവിത്രി ചോദിച്ചു .
“ഹിഹിഹി … ഉറക്കം പോയി .പിന്നെ എഴുന്നേറ്റു പോന്നു .അമ്മ ഒരു കോഫി തന്നേ .” കിച്ചു ഇളിച്ചുകൊണ്ട് പറഞ്ഞു .
“അവിടെ നിൽക്ക് ഇപ്പോ തരാം .കണ്ണൻ ജോഗിങ് കഴിഞ്ഞു വന്നോ ?” സാവിത്രി ചോദിച്ചു .
“ഞാൻ കണ്ടില്ല .അച്ഛൻ എവിടെ .?” കിച്ചു ചോദിച്ചു .
“ഇതാ കോഫി .അച്ഛൻ ഗാർഡനിൽ ഉണ്ട് . പത്രം വായിക്കുവാ . ഞാൻ അച്ഛന് കോഫി കൊടുത്തു വരാം .” സാവിത്രി അതും പറഞ്ഞു കോഫി കൊണ്ട് പുറത്തേക്ക് നടന്നു .
കിച്ചുവും അവരുടെ കൂടെ പോയി . സാവിത്രി കൃഷ്ണന് കോഫി കൊടുത്തു .
“സാവിത്രി കാക്ക മലർന്നു പറക്കുന്നുണ്ടോന്ന് ഒന്ന് നോക്കിക്കേ .പതിവില്ലാത്ത പലതും ആണ് നടക്കുന്നത് .” കൃഷ്ണൻ കിച്ചുവിനെ കളിയാക്കി കൊണ്ട് പറഞ്ഞു . കിച്ചു ഒന്ന് ഇളിച്ചു .
“ദേവു മോള് എപ്പഴാ വരാ കൃഷ്ണേട്ടാ ” സാവിത്രി ചോദിച്ചു .
“നേരം പുലർന്നല്ലേ ഉള്ളു സാവിത്രി .നീ വേണമെങ്കിൽ ഒന്ന് ഫോൺ ചെയ്ത് നോക്ക് .നമ്പർ തന്നിട്ടല്ലേ മോള് പോയത് .” കൃഷ്ണൻ പറഞ്ഞു .
സാവിത്രി വേഗം കൃഷ്ണന്റെ ഫോൺ എടുത്ത് പ്രിയയെ വിളിച്ചു .അപ്പോഴാണ് ജോഗിങ് കഴിഞ്ഞു ഗൗതം അങ്ങോട്ട് വന്നത് .
“അമ്മ ആരോടാ രാവിലെ തന്നെ ഫോണിൽ സംസാരിക്കുന്നത് .?” ഗാർഡനിലെ ഊഞ്ഞാലിൽ കൃഷ്ണന്റെ അടുത്തു വന്നിരുന്നുകൊണ്ട് ഗൗതം ചോദിച്ചു .
“അത് ദേവു ചേച്ചിയോടാ .ദേവു ചേച്ചി എപ്പോൾ വരുമെന്ന് അറിയാതെ അമ്മക്ക് ഒരു സമാധാനം ഇല്ല .” കിച്ചു പറഞ്ഞു . ഗൗതം ഒന്നും മിണ്ടിയില്ല .
“മോള് വേഗം വരാമെന്നു പറഞ്ഞു .ഇവിടെ വന്നു ബ്രേക്ഫാസ്റ് കഴിച്ചാൽ മതിയെന്ന് ഞാൻ പറഞ്ഞിട്ടുണ്ട് .” സാവിത്രി ഫോൺ കട്ട് ചെയിതുകൊണ്ട് വന്നു പറഞ്ഞു . ഗൗതം ഒന്നും മിണ്ടാതെ വീടിനകത്തേക്ക് പോയി .
‘അവൾ ഇങ്ങോട്ട് വരുന്നതിനു മുൻപ് ഓഫീസിൽ പോവണം .’ ഗൗതം മനസ്സിൽ പറഞ്ഞ് അവരുടെ ജിം റൂമിൽ പോയി സ്ഥിരം വർക്ക് ഔട്ട് ചെയിതു .
കുളിച്ചു റെഡി ആയി ഓഫീസിൽ പോകാൻ താഴേക്ക് വന്നു .
സാവിത്രിയും കൃഷ്ണനും സിറ്റ് ഔട്ടിൽ ഗേറ്റിലേക്ക് നോക്കി ഇരിക്കുന്നതാണ് താഴേക്ക് ഇറങ്ങി വന്ന ഗൗതം കാണുന്നത് .
“അമ്മേ എനിക്ക് ബ്രേക്ഫാസ്റ് തന്നേ ഞാൻ ഓഫീസിൽ പോവാണ് . ” ഗൗതം പറഞ്ഞു .
“ദേവുമോൾ ഇപ്പൊ വരും നമുക്കു എല്ലാവര്ക്കും ഒരുമിച്ചിരുന്നു കഴിക്കാം .നീ ഒന്ന് വെയിറ്റ് ചെയ്തേ കണ്ണാ .” സാവിത്രി പറഞ്ഞു .
“എനിക്ക് പോവണം അമ്മ എനിക്ക് ബ്രേക്ക് ഫാസ്റ്റ് എടുത്ത് തന്നേ .” ഗൗതം വാശി പിടിച്ചു കൊണ്ട് പറഞ്ഞു .
“നിനക്കു എന്താ കണ്ണാ ഇത്ര തിരക്ക് ഞാനും ഓഫീസിലേക്ക് തന്നെ ആണ് .ഒരുമിച്ച് ഇറങ്ങാം .” കൃഷ്ണൻ പറഞ്ഞു .
തിരിച്ചു പറയാൻ കാരണങ്ങൾ ഒന്നും കിട്ടാതെ ഗൗതമിനു ദേഷ്യം വരുന്നുണ്ടായിരുന്നു .
‘അവള് വരുന്നതിനു മുൻപ് പോകാം എന്ന് വെച്ചാൽ അതും നടക്കുന്നില്ലലോ .
ഇനി കണ്ടാലും അറിയാത്ത പോലെ തന്നെ നിന്നാൽ മതി .അവൾക്കു ചിലപ്പോൾ തന്നെ ഓർമ ഇല്ലെങ്കിൽ താനായിട്ട് ഓര്മിപ്പിക്കണ്ട .
അമ്പലത്തിൽ വെച്ചും റെസ്റ്റോറന്റിൽ വെച്ചും രണ്ടു നോട്ടം കണ്ടതല്ലേ ഉള്ളു .ഓർമ കാണില്ലായിരിക്കും . ‘ ഗൗതം ചിന്തിച്ചു .
അപ്പോഴാണ് പ്രിയ തന്റെ ഹിമാലയൻ ബൈക്കിൽ അങ്ങോട്ട് വന്നത് .
സിറ്റ് ഔട്ടിൽ നിൽക്കുന്ന അവരെ മൂന്നുപേരെയും നോക്കി പുഞ്ചിരിച്ചു .
ഗൗതം അവളെ നോക്കാതെ അകത്തേക്ക് കയറി പോയി . ‘ ഇയാൾക്ക് ഇത് എന്തോന്നാ ഇത്ര ജാഡ . എന്നെ ഓർമ ഇല്ലായിരിക്കുമോ .അതിനു വഴിയില്ലലോ .
അന്ന് അമ്പലത്തിൽ വെച്ചും റെസ്റ്റോറന്റിൽ വെച്ചും നോക്കി നിന്നത് ഞാൻ കണ്ടതാ .കാട്ടുകോഴി ! അന്ന് ലാലേട്ടന്റെ ഡയലോഗ് പറഞ്ഞത് ആലോചിച്ചു ഇപ്പോഴും ഞാൻ ചിരിക്കാറുണ്ട് . പിന്നിയാളിതെന്തോന്ന് ഇങ്ങനെ .ജാഡ തെണ്ടി .’
പ്രിയ ഇതും ചിന്തിച്ചു ബൈക്കിൽ തന്നെ ഇരിക്കുമ്പോൾ ആണ് സാവിത്രി അടുത്തേക്ക് വന്നത് .
“മോളെന്താ ഇറങ്ങാതെ ഇരിക്കുന്നെ ” സാവിത്രി ചോദിച്ചു .
“ഒന്നൂല്യ അമ്മെ .ഞാൻ ചുമ്മാ .” പ്രിയ പറഞ്ഞൊപ്പിച്ചു ബൈക്കിൽ നിന്ന് ഇറങ്ങി . സാവിത്രി അവളെയും കൂട്ടി അകത്തേക്ക് നടന്നു .കൂടെ കൃഷ്ണനും .
“ദേവു ചേച്ചി വന്നോ .വേഗം വാ ഫുഡ് കഴിക്കാം .ചേച്ചി വന്നിട്ടേ ഫുഡ് തരൂന്ന് പറഞ്ഞു അമ്മ പിടിച്ചിരുത്തിയതാ .വിശന്നിട്ടു വയ്യിയ .
ഇന്ന് അറിയാതെ നേരത്തെ എഴുന്നേറ്റു പോയി .അതോണ്ട് ഭയങ്കര വിശപ്പു .വന്നേ .” അതും പറഞ്ഞു പ്രിയയെയും പിടിച്ചു വലിച്ചു കിച്ചു ഡൈനിങ്ങ് ടേബിൾ ലക്ഷ്യമാക്കി നടന്നു .സാവിത്രിയും കൃഷ്ണനും അവർക്ക് പിറകെ പോയി .
“കണ്ണാ നീ വരുന്നില്ലേ .” അവിടെ സോഫയിൽ തന്നെ ഇരിക്കുന്ന ഗൗതമിനോട് കൃഷ്ണൻ ചോദിച്ചു .
“ആ വരുന്നു. ” എന്ന് പറഞ്ഞു ഗൗതവും എഴുന്നേറ്റു ചെന്ന് .
“നിങ്ങളെല്ലാവരും ഇരിക്ക് ഞാൻ സെർവ് ചെയ്‌യാം .” പ്രിയ പറഞ്ഞു .
“മോളിരുന്നോ അമ്മ വിളമ്പിക്കോളാം .” സാവിത്രി പറഞ്ഞു .
“നിങ്ങളിൽ ആരെങ്കിലും ഒന്ന് വിളമ്പുമോ .എനിക്ക് വിശന്നിട്ട് വയ്യ.” കിച്ചു പറഞ്ഞു .
“സാവിത്രികുട്ടി അവിടിരിക്ക് .ഞാൻ വിളമ്പാം .” പ്രിയ ചിരിച്ചുകൊണ്ട് പറഞ്ഞ് എല്ലാവര്ക്കും വിളമ്പാൻ തുടങ്ങി .
ഗൗതമിനു വിളമ്പാൻ പോയപ്പോൾ അവൻ വേണ്ട ഞാൻ എടുത്തോളാം എന്ന് പറഞ്ഞ് ഒരു കഷ്ണം പുട്ടു എടുത്ത് പ്ലേറ്റിലേക്ക് ഇട്ടു കറി എടുത്ത് ഒഴിച്ചു .
അവന്റെ ആ പെരുമാറ്റം കൃഷ്ണനും സാവിത്രിക്കും വിഷമം ഉണ്ടാക്കി .പ്രിയക്ക് വിഷമമായിട്ടുണ്ടാവുമോ എന്നായിരുന്നു അവർക്ക് . പക്ഷെ പ്രിയ അവരെ നോക്കി കണ്ണിറുക്കി കാണിച്ചു .
അവളും വന്നു സാവിത്രിക്ക് അരികിൽ ഇരുന്നു .സാവിത്രി അവൾക്ക് വിളമ്പി കൊടുത്തു .
“ദേവു ചേച്ചി ഒന്നും വിചാരിക്കണ്ട കിണ്ണന് പുട്ടു എന്ന് വെച്ചാൽ പ്രാന്താണ് .
ചേച്ചി വിളമ്പിയാൽ കുറഞ്ഞു പോയാലോന്ന് വിചാരിച്ചാണ് .കണ്ടില്ലേ ഇരുന്നു തട്ടുന്നത് . ” കിച്ചു ഗൗതമിനെ കളിയാക്കി കൊണ്ട് പറഞ്ഞു .
ഗൗതം അവനെ കൂർപ്പിച്ചു നോക്കിയിട്ട് ഭക്ഷണത്തിൽ കോൺസെൻട്രേറ്റ് ചെയിതു .
ഗൗതം ഒഴികെ ബാക്കി എല്ലാവരും ചിരിച്ചു .
“എനിക്കും പുട്ടു ഭയങ്കര ഇഷ്ട്ടമാണ് .” പ്രിയ പറഞ്ഞു . പ്രിയ അത് പറഞ്ഞതും ഗൗതം ചുമച്ചു .
“ഒന്ന് പതുക്കെ കഴിക്ക് കണ്ണാ .
നിനക്കു ഉള്ളത് ആരും എടുത്തോണ്ട് പോവില്ല .” കണ്ണന് വെള്ളം എടുത്ത് കൊടുക്കുന്നതിന്റെ ഇടക്ക് കിച്ചു അവനെ കളിയാക്കി പറഞ്ഞു .
ഭക്ഷണം കഴിച്ചു എല്ലാവരും ലിവിങ് റൂമിൽ ഇരുന്നു സംസാരിക്കുകയായിരുന്നു .
ഗൗതം മാത്രം അതിൽ നിന്നും മാറി നിന്നു .അവൻ ഫോണിൽ എന്തോ നോക്കുന്ന തിരക്കിൽ ആണ് പക്ഷെ ശ്രദ്ധ മുഴുവൻ അവിടെ സംസാരത്തിൽ ആണെന്നു മാത്രം .!
അവൻ ഇടക്കിടക്ക് കൃഷ്ണന്റെ അടുത്തു വന്നു ഓഫീസിൽ പോകാമെന്നു പറയുന്നുണ്ട് .
കൃഷ്ണനാണെങ്കിൽ പ്രിയയോട് സംസാരിച്ചു തീരുന്നതും ഇല്ല്യ .ഒടുവിൽ അവന്റെ ശല്യം കൂടി കൂടി വന്നപ്പോൾ പോയിട്ട് വരാം എന്ന് പറഞ്ഞു പ്രിയയുടെ തലയിൽ ഒന്ന് തലോടി കൃഷ്ണൻ ഇറങ്ങി .കൂടെ ഗൗതവും .
പ്രിയ സാവിത്രിയുടെ കൂടെ അടുക്കളയിലേക്ക് പോയി .കിച്ചു ടിവി കാണാൻ തുടങ്ങി . ലക്ഷ്മിയെ പ്രിയയ്ക്ക് സാവിത്രി പരിചയപ്പെടുത്തി കൊടുത്തു .
ലക്ഷ്മിക്കും അവളുടെ പെരുമാറ്റം ഒരുപാട് ഇഷ്ട്ടമായി . സാവിത്രിയെ പാചകത്തിൽ സഹായിക്കുകയായിരുന്നു പ്രിയ . “മോള്ക്ക് കുക്കിംഗ് ഒക്കെ അറിയാലോ .” ലക്ഷ്മി ആണ് .
“അമ്മേടെ കൂടെ ഞാനാണ് കിച്ചണിൽ സഹായിക്കാറ് . അമ്മ ചെയ്യുന്നതൊക്കെ നോക്കി പഠിച്ചിട്ടുണ്ട് .” പ്രിയ പറഞ്ഞു .
“ജാനകി നന്നായി പാചകം ചെയ്‌യും .അവള് വെയ്ക്കുന്ന എല്ലാത്തിനും പ്രത്യേക രുചിയാണ് . ആ കൈപ്പുണ്യം മോൾക്കും കിട്ടിയിട്ടുണ്ട്. ”
പ്രിയ ഉണ്ടാക്കിയ കറി ടേസ്റ്റ് ചെയിതു കൊണ്ട് സാവിത്രി പറഞ്ഞു .ജാനകിയുടെ ഓർമയിൽ അവരുടെ രണ്ടുപേരുടെയും കണ്ണ് നിറഞ്ഞു .
പ്രിയ സാവിത്രി അത് കാണാതിരിക്കാൻ “ഞാൻ കിച്ചു എന്ത് ചെയ്യുവാന്ന് നോക്കട്ടെ ” എന്നും പറഞ്ഞു പുറത്തേക്ക് നടന്നു .
കിച്ചു ഫോണിൽ കളിച്ചുകൊണ്ട് ടീവി കാണുകയാണ് .
പ്രിയയും വന്നു സോഫയിൽ ഇരുന്നു .
“ചേച്ചിടെ കണ്ണെന്താ കലങ്ങി ഇരിക്കുന്നെ .” കിച്ചു പ്രിയയെ നോക്കി കൊണ്ട് പറഞ്ഞു .
“ആ ..അത് .. കിച്ചണിൽ നിന്ന് പുക കണ്ണിൽ കൊണ്ടതാവും .” പ്രിയ പറഞ്ഞു .
“അതിനു ഇവിടത്തെ കിച്ചണിൽ എവിടെയാ അടുപ്പ് .!” കിച്ചു ചോദിച്ചു .
“നീ ഒന്ന് എന്നെ ഈ വീടൊക്കെ ഒന്ന് കാണിച്ചേ .ഞാൻ വന്നിട്ട് ഒന്നും കണ്ടില്ല .” പ്രിയ ഒഴിഞ്ഞു മാറാനായി പറഞ്ഞു കിച്ചുവിനെയും കൂട്ടി മുകളിലേക്ക് നടന്നു .
പ്രിയക്ക് ആ വീട് ഭയങ്കരമായി ഇഷ്ട്ടപെട്ടു .നല്ല കൺസ്ട്രക്ഷൻ നല്ല രീതിയിൽ ഇന്റീരിയർ ചെയിതിട്ടുണ്ട് . ബാൽക്കണി നിറയെ ചെടികളാണ് .
“നിന്നെ കണ്ടാൽ ഇവിടൊന്നും വരുന്ന ലക്ഷണമില്ലല്ലോ ” മേലെ സെറ്റ് ചെയിത ജിം കണ്ടുകൊണ്ട് ചോദിച്ചതാണ് പ്രിയ .
“ഇത് കണ്ണന്റെ ആണ് .അവനെ കണ്ടില്ലേ അവൻ വല്ല്യ വർക്ക് ഔട്ട് ഒക്കെ ആണ് .എനിക്ക് മടിയാണ് .
ആരെക്കാണിക്കാനാ അവനീകിടന്നു തലകുത്തിമറയുന്നെന്ന് എനിക്ക് അറിഞ്ഞൂടാ . സന്യാസിക്ക് 6 പാക്ക് ഒക്കെ എന്തിനാണാവോ .”
കിച്ചു പറയുന്നത് കേട്ട് പ്രിയ സംശയത്തോടെ അവനെ നോക്കി .
“ആ ചേച്ചിക്ക് അറിയില്ലല്ലോ .അവനു പ്രാന്താ . അവൻ കല്യാണം ഒന്നും കഴിക്കില്ല പോലും .അവനു പ്രേമം കല്യാണം അതിലൊന്നും വിശ്വാസം ഇല്ലന്ന് .
അവന്റെ പ്രണയം യാത്രകളോട് ആണെന്നു പറഞ്ഞോണ്ട് നടക്കുവാ .
അവനിതുവരെ ഒരു പെണ്ണിനെ നോക്കുന്നത് ഞാൻ കണ്ടിട്ടില്ല്യ . അവനെ കോളേജിലെ ഒക്കെ പെൺപിളേര് ഇങ്ങോട്ട് വന്നു പ്രപ്പോസ് ചെയിതിട്ടുണ്ട് .അവൻ അവരെ ഒക്കെ ചീത്ത പറഞ്ഞു ഓടിച്ചു വിടും .മഹാ ചൂടൻ ആണ് .
ഇതുവരെ പഠിച്ചിട്ടുള്ള എല്ലായിടത്തും അവൻ തല്ലുണ്ടാക്കിയിട്ടുണ്ട് .
പിന്നെ അവൻ നല്ലോണം പഠിക്കും അതും അല്ലാതെ അവൻ ഉണ്ടാക്കിയ തല്ലിൽ ഒക്കെ ന്യായം അവന്റെ ഭാഗത്താണ് അതോണ്ട് മാനേജ്മെന്റ് ഒക്കെ വാണിംഗ് കൊടുത്തു വിടത്തെ ഉള്ളു .
അവനു പക്ഷെ അതിന്റെ അഹങ്കാരം ഒന്നും ഇല്ല്യ ഒരു വാണിംഗ് കിട്ടുമ്പോഴേക്കും അടുത്തത് വാങ്ങി വെക്കും . ” കിച്ചു പറഞ്ഞു .
“ഓ അങ്ങിനെയാണോ .അപ്പൊ ഗൗതം ഇതുവരെ ഒരു പെണ്ണിനേയും നോക്കിയിട്ടില്ലേ .ഇനി വല്ല തേപ്പും കിട്ടിയ ദേഷ്യം ആണെങ്കിലോ .” പ്രിയ സംശയത്തോടെ ചോദിച്ചു .
“ഏയ് അതൊന്നും അല്ല . അവനു കുറെ ഫ്രണ്ട്സുണ്ട് പക്ഷെ അവൻ ട്രിപ്പ് പോവുമ്പോൾ ആരെയും കൂട്ടില്ല അവനു ഒറ്റക്ക് യാത്ര ചെയ്യാനാണ് ഇഷ്ട്ടം .
ഞാൻ എത്ര ചോദിച്ചിട്ടുണ്ടെന്നോ . കല്യാണം ഒക്കെ കഴിച്ചാൽ ഫ്രീഡം പോവുമെന്നും അവനിങ്ങനെ യാത്ര ചെയ്ത് നടക്കാനാണ് ഇഷ്ടമെന്നുമാണ് പറയാറ് .
അവന്റെ ഫ്രണ്ട്സിൽ പോലും ഒരു പെൺകുട്ടി ഇല്ല .അവന്റെ മനസ്സിൽ ഇഷ്ട്ടപെടുന്ന പോലെ ആരേം കാണാത്തത് കൊണ്ടാവും ആരേം നോക്കാത്തത് . അവന്റെ ലൂക്കൊക്കെ എനിക്കുണ്ടെൽ ഞാൻ എത്ര എണ്ണത്തിനെ വളച്ചേനെ .
ആ ..യോഗല്ല്യ .” കിച്ചു പറയുന്നത് കേട്ടതും പ്രിയ ചിരിച്ചു .
കിച്ചുവിന്റെ ഫോൺ താഴെ നിന്ന് റിങ് ചെയ്‌യുന്നത്‌ കേട്ടപ്പോൾ പ്രിയയെ അവിടെ നിർത്തി കിച്ചു താഴേക്ക് പോയി . അവിടെയൊക്കെ നടന്നു കാണുകയായിരുന്നു പ്രിയ .
ഗൗതമിന്റെ റൂമിന്റെ മുന്നിൽ എത്തിയതും എന്തോ ഒരു തോന്നലിൽ അവൾ അകത്ത് കടന്നു .റൂം അവൾക് ഒറ്റ നോട്ടത്തിൽ ഇഷ്ട്ടപെട്ടു .
ഗൗതമിന്റെ റൂമിന്റെ ഉള്ളിൽ വേറൊരു ചെറിയൊരു റീഡിങ് റൂം ഉണ്ടായിരുന്നു .
അവൾ വാതിൽ തുറന്നു അതിനകത്തേക്ക് പോയി .
അവിടെ ഒരു ചുമരിൽ അവൻ ഇതുവരെ യാത്ര ചെയിത സ്ഥലങ്ങളിൽ നിന്നും എടുത്ത ഫോട്ടോസ് ഭംഗിയായി ഒട്ടിച്ചു വെച്ചിരുന്നു .ഓരോ ഫോട്ടോസിന്റെ താഴെയും അതെടുത്ത സ്ഥലം സമയം കൂടെ ഒരു ചെറിയ കുറിപ്പും ഒക്കെ ഉണ്ടായിരുന്നു .
അത് കണ്ടപ്പോൾ പ്രിയക്ക് അത്ഭുതം തോന്നി .അവളുടെ റൂം ആണ് അവൾക് പെട്ടന്ന് ഓർമ വന്നത് .പ്രിയക്കും യാത്രകൾ ഒരുപാട് ഇഷ്ട്ടമാണ് .അവൾ അതോരോന്നും നോക്കി നിന്നു .
ഇതേ സമയം കൃഷ്ണനും ഗൗതവും ഓഫീസിൽ നിന്ന് തിരിച്ചു വന്നു .അവനു തിരിച്ചു വരാൻ ഒട്ടും താത്പര്യം ഇല്ലെന്ന് അവന്റെ മുഖത്തു തന്നെ ഉണ്ട് .
അവൻ നോക്കിയപ്പോൾ ഹാളിൽ ഒന്നും പ്രിയ ഇല്ല . ‘സമാധാനം അവൾ അമ്മയുടെ കൂടെ കിച്ചണിൽ ആയിരിക്കും റൂമിൽ പോയി ഇരിക്കാം .ലഞ്ച് കഴിക്കാൻ വിളിക്കുമ്പോൾ വന്നാൽ മതിയല്ലോ .
അവൻ റൂമിൽ ചെന്ന് ഒന്ന് ഫ്രഷ് ആവാൻ ഷർട്ട് അഴിക്കുമ്പോൾ ആണ് പ്രിയ അവന്റെ റീഡിങ് റൂമിൽ നിന്നും ഇറങ്ങി വരുന്നത് .
“അയ്യോ അഴിക്കല്ലേ ഷർട്ട് അഴിക്കല്ലേ ..” കണ്ണും പൂട്ടി തന്റെ റീഡിങ് റൂമിന്റെ വാതിൽക്കൽ നിൽക്കുന്ന പ്രിയയെ കണ്ട് ഗൗതം ഞെട്ടി .
” നീ എന്താ ഇവിടെ .എന്റെ റൂമിൽ കേറാൻ ആര് പറഞ്ഞു .കണ്ടവർക്കൊന്നും കേറി നിരങ്ങാനുള്ളത് അല്ല എന്റെ റൂം .ഇറങ്ങി പോടി ഇവിടന്ന് .” ഗൗതം ഉറഞ്ഞു തുള്ളികൊണ്ട് പറഞ്ഞു .
“അതെ ഇത് തന്റെ റൂം അല്ലെ ഇതിൽ ഞാൻ ഒന്ന് കേറി പോയാൽ ഇതെന്താ ഉരുകി പോവുമോ .ഞാൻ പൊക്കോളാം .അല്ലേലും ഞാൻ ഇവിടെ കേറി താമസിക്കാൻ ഒന്നും വന്നതല്ല .” എന്ന് പറഞ്ഞു പ്രിയ ഡോറിന്റെ അടുത്തേക്ക് നടന്നു .
“നിന്ന് പ്രസംഗിക്കാതെ ഇറങ്ങി പോടി വേഗം .” ഗൗതം പിന്നെയും ദേഷ്യപ്പെട്ടു .
“എടോ എന്നെ കേറി എടി പോടിന്നു വിളിച്ചാലുണ്ടല്ലോ .”
പ്രിയ ദേഷ്യത്തോടെ പറഞ്ഞു .
“വിളിച്ചാൽ നീ എന്ത് ചെയ്യുമെടി .” ഗൗതവും വിട്ടു കൊടുത്തില്ല .
“ഇവടെ വല്ല്യ ഡയലോഗ് അടിച്ചു പെൺപിളേരെ തിരിഞ്ഞു നോക്കില്ലന്ന് പറഞ്ഞു നടക്കുന്ന തന്റെ കള്ള സ്വഭാവം ഞാൻ ഇവിടെ അങ്ങ് വിവരിച്ചു കൊടുക്കും .
അന്ന് അമ്പലത്തിൽ വെച്ചും റെസ്റ്റോറന്റിൽ വെച്ചും ഉണ്ടായതൊക്കെ ഞാൻ അങ്ങോട്ട് വിവരിക്കും .
പൊന്നു മോൻ ഒരു കാട്ടുകോഴി ആണെന്ന് എല്ലാരും അറിയട്ടെ .വെറുതെ എന്നോട് കളിച്ചു നാണം കെടാൻ നിൽക്കണ്ട .” ഗൗതം പ്രിയ പറയുന്ന കേട്ട് തരിച്ചു നിന്നു .
ഗൗതമിന്റെ റൂമിന്റെ പുറത്തു ഇറങ്ങി നിന്നു “മോനെ ദിനേശാ ഇടഞ്ഞ കൊമ്പാന്റെ കൃഷ്ണമണിക്ക് തോട്ടി കേറ്റി കളിയ്ക്കല്ലേ.
ചവിട്ടി താഴ്ത്തും നിന്നെ ഞാൻ പാതാളത്തിലേക്ക് . കേട്ടോടൊ വായിനോക്കി .” ലാലേട്ടനെ പോലെ ചെരിഞ്ഞു നിന്ന് ഡയലോഗ് അടിച്ചു പ്രിയ താഴേക്ക് ഓടി .
തരിച്ചു നിന്നിരുന്ന ഗൗതമിന്റെ ചുണ്ടിലും അവളുടെ ആ പ്രവർത്തി പുഞ്ചിരി നിറച്ചു .
പ്രിയ താഴേക്ക് ചെന്നു കൃഷ്ണനോട് ഓരോന്ന് സംസാരിച്ചു ഇരിക്കുമ്പോൾ ആണ് സാവിത്രി അങ്ങോട്ട് വന്നു ഭക്ഷണം കഴിക്കാം എന്ന് ചോദിക്കുന്നത് . കൃഷ്ണനും പ്രിയയും ഡൈനിങ്ങ് ഹാളിലേക്ക് നടന്നു .
“കിച്ചു കണ്ണനെ വിളിച്ചുവാ .ഭക്ഷണം കഴിക്കാം .” സാവിത്രി പറഞ്ഞു .
കിച്ചു ഗൗതമിനെയും കൂട്ടി കൊണ്ട് വന്നു . ഗൗതം പ്രിയയെ ശ്രദ്ധിക്കാതിരിക്കാൻ പരമാവതി ശ്രദ്ധിക്കുന്നുണ്ട് . സാവിത്രിയും പ്രിയയും ചേർന്നാണ് വിളമ്പിയത് .അത് കഴിഞ്ഞു അവരും കൂടെ ഇരുന്നു .
“ലക്ഷ്മി ചേച്ചി കഴിച്ചോ അമ്മേ .” പ്രിയ ചോദിച്ചു .
“അവള് കഴിച്ചിട്ടു പോയി .അവൾക്കു വേറേം വീട്ടിൽ പോവാനുണ്ട് .” സാവിത്രി പറഞ്ഞു .
” ഇന്ന് കറിക്ക് എന്തോ വ്യതാസം ഉണ്ടല്ലോ അമ്മേ .” ഇത്രയും നേരം മിണ്ടാതിരുന്ന ഗൗതം ആണ് ചോദിച്ചത് .
” ദേവു മോളാണ് ഉണ്ടാക്കിയത് .” സാവിത്രി പറഞ്ഞു .
” വെറുതെ അല്ല ഒരു വസ്തുവിനും കൊള്ളില്ല .” ഗൗതം പ്രിയ ഉണ്ടാക്കിയതാണെന്ന് അറിഞ്ഞപ്പോൾ മുഖം മാറ്റിക്കൊണ്ട് പറഞ്ഞു .
പ്രിയ അവനെ കൂർപ്പിച്ചു നോക്കി .
“ഒന്ന് പോടാ അവിടന്ന് .നല്ല രുചിയുണ്ട് .അവനു ബോധം ഇല്ലാതെ പറയുന്നതാ മോള് അതൊന്നും കാര്യമാക്കണ്ട .” കൃഷ്ണൻ പറഞ്ഞു .
ഗൗതം വീണ്ടും കറി എടുത്ത് ഒഴിച്ചത് കണ്ടപ്പോൾ “ഓ ടേസ്റ്റ് ഇല്ലാത്തോണ്ടായിരിക്കും നീ പിന്നേം എടുത്ത് കഴിക്കുന്നത് .നാണമില്ലലോ കിണ്ണ ..” കിച്ചു അവനെ കളിയാക്കി .
“അത് പിന്നെ വേറെ വഴിയില്ലാത്തോണ്ട് കഴിച്ചല്ലേ പറ്റു .” അതും പറഞ്ഞു ഗൗതം കഴിക്കാൻ തുടങ്ങി . എല്ലാരും ചിരിച്ചു .
ഗൗതം ഫുൾ കോൺസെൻട്രേഷൻ ഭക്ഷണത്തിൽ ആണ് .
‘തനിക്കു ഞാൻ വെച്ചിട്ടുണ്ടെടോ ‘ പ്രിയ മനസ്സിൽ പറഞ്ഞു .
പിന്നെയും കുറെ നേരം സംസാരിച്ചിരുന്നു വൈകീട്ടാണ് പ്രിയ വീട്ടിലേക്ക് പോയത് .ആ സമയങ്ങളിലൊക്കെ ഗൗതം റൂമിൽ തന്നെ ഇരുന്നു .
പ്രിയയെ പറഞ്ഞയക്കാൻ സാവിത്രിക്കും കൃഷ്ണനും കിച്ചുവിനും ഒട്ടും മനസ്സില്ലായിരുന്നു .
പ്രിയ ബൈക്ക് എടുത്ത് പോവുമ്പോൾ ഗൗതം റൂമിന്റെ ബാൽക്കണിയിൽ നിന്ന് അവളെ നോക്കുന്നുണ്ടായിരുന്നു .
തുടരും
