🖤പ്രണയവർണ്ണങ്ങൾ🖤: ഭാഗം 6

രചന: ആമി

Thank you for reading this post, don't forget to subscribe!

ഗൗരിയുടെ മനസ്സിൽ രുദ്രിനോട് ദേഷ്യവും പകയും ആളികത്തി.. അവന്റെ വാക്കുകൾ അവളുടെ കാതിൽ അലയടിച്ചു കൊണ്ടേ ഇരുന്നു.. അവളുടെ മനസ്സിൽ ഭയം തോന്നിയില്ല.. അവൾ പോലും അറിയാതെ അവനെ നേരിടാൻ അവൾ ഒരുങ്ങിയിരിക്കുന്നു.. അപ്പു മുറിയിലേക്ക് വന്നു ഗൗരിക്ക് ഫോൺ കൊടുത്തു പോയി.. അത് അരുൺ ആയിരുന്നു.. അവൾക്ക് അവനോട് സംസാരിക്കാൻ ബുദ്ധിമുട്ട് തോന്നി.. അവൾ മടിച്ചു കൊണ്ടു ഫോൺ ചെവിയിൽ വച്ചു.. ഹലോ.. എന്താടോ..

മുറിയിൽ തന്നെ ഒതുങ്ങി ഇരിക്കുവാണോ.. മ്മ്.. എന്നാലേ വേഗം റെഡി ആവു.. നമുക്ക് ഒന്നു പുറത്തു പോവാം.. വേണ്ട.. എനിക്ക്.. നീ എന്ത് പറഞ്ഞാലും ഞാൻ വരും.. നീ കൂടെ വരണം.. വേഗം ഞാൻ ഇപ്പൊ എത്തും.. അരുൺ അവളുടെ മറുപടി കേൾക്കാതെ ഫോൺ വച്ചു.. ഗൗരി മനസ്സ് കൊണ്ടു ഒട്ടും തയ്യാർ അല്ലായിരുന്നു.. അരുണിനെ ഫേസ് ചെയ്യാൻ തന്നെ അവൾക്ക് ബുദ്ധിമുട്ട് മുട്ട് തോന്നി.. അരുൺ വരും എന്ന് ഉറപ്പ് ഉള്ളത് കൊണ്ടു ഗൗരി സീതയോടും വിനയനോടും പറഞ്ഞു റെഡി ആയി..

അവർക്കും അത് ആശ്വാസം ആയിരുന്നു.. അരുണിനെ പോലെ ഒരാളെ കിട്ടിയതിൽ അച്ഛനും അമ്മയും ഒരുപാട് സന്തോഷിച്ചു.. കുറച്ചു കഴിഞ്ഞു അരുൺ വന്നു ഗൗരിയെയും കൂട്ടി പുറത്തു പോയി.. യാത്രയിൽ ഒന്നും തന്നെ ഗൗരി മിണ്ടിയില്ല.. അവൾ പുറത്തു നോക്കി ഇരുന്നു.. അവളുടെ മൗനതിൻ കാരണം അറിയുന്ന അരുൺ അവളോട് ഒന്നും മിണ്ടിയില്ല.. വഴിയോരത്തെ ഒരു മരത്തണലിൽ കാർ നിർത്തി അരുൺ.. ഗൗരി എന്താ ഇവിടെ എന്ന രീതിയിൽ അവനെ നോക്കി..

ഇങ്ങനെ ആണെങ്കിൽ നമുക്ക് തിരിച്ചു പോകാം.. ഗൗരി മുഖം താഴ്ത്തി.. അവൻ അവളോട് കൂടുതൽ ചേർന്നു ഇരുന്നു.. അവളുടെ മുഖം കയ്യിൽ എടുത്തു.. നീ ഒരു തെറ്റും ചെയ്തിട്ടില്ല ഗൗരി.. നീ എന്റെ പഴയ ഗൗരി തന്നെ ആണ്.. പിന്നെ എന്താ..അവൻ ഇന്ന് വന്നു പറഞ്ഞത് ആണോ.. അതൊക്കെ അവൻ നിന്നെ വിരട്ടാൻ വേണ്ടി ചുമ്മാ പറയുന്നത് അല്ലെ.. പറ്റുന്നില്ല ഏട്ടാ.. ഏട്ടന്റെ മുഖം കാണുമ്പോൾ കുറ്റബോധം തോന്നുവാ.. അവൻ നിന്നെ കുടുക്കിയതാണെന്ന് എല്ലാവർക്കും അറിയാം..

ഞാൻ ഏറ്റവും കൂടുതൽ പേടിച്ചത് അമ്മ തീരുമാനം മാറ്റുമോ എന്നായിരുന്നു.. നമ്മുടെ വിവാഹത്തിന് സമ്മതിക്കില്ല എന്ന് കരുതി.. പക്ഷെ എന്റെ അമ്മ പോലും നിന്നെ ഒരുപാട് മനസ്സിലാക്കി ഗൗരി.. രുദ്രിന് എതിരെ നീ മൊഴി കൊടുത്തതാണ് കാരണം എന്ന് അമ്മ പോലും നിന്നെ മനസ്സിലാക്കി.. ഗൗരി അരുൺ പറയുന്നത് എല്ലാം കെട്ട് അവന്റെ മുഖത്തേക്ക് നോക്കി ഇരുന്നു.. അവന്റെ മനസ്സിൽ തന്നോട് അത്ര മാത്രം പ്രണയം ഉണ്ടെന്ന് അവൾക്ക് മനസിലായി.. അവൾ അവന്റെ നെഞ്ചിൽ ചാഞ്ഞു..

അവളെ കൈകൾ കൊണ്ടു പൊതിഞ്ഞു പിടിച്ചു അരുൺ.. അയാൾ കാരണം ആണ് എല്ലാം..എനിക്ക് ഒന്നും മറക്കാൻ പറ്റുന്നില്ല.. അവന്റെ മുന്നിൽ നമ്മൾ ഒരുമിച്ചു ജീവിച്ചു കാണിച്ചു കൊടുക്കണം.. സന്തോഷത്തോടെ.. അപ്പോളെ നീ തകർന്നിട്ടില്ല എന്നവൻ അറിയൂ.. നീ ജയിക്കൂ..നീ തോറ്റാൽ ജയിക്കുന്നത് അവൻ ആണ്.. രുദ്ര് ദേവ്.. ഗൗരി കണ്ണുകൾ തുടച്ചു കൊണ്ടു അവനിൽ നിന്നും വേർപ്പെട്ടു.. അവൾ അവനെ നോക്കി ചിരിച്ചു.. അയാൾ ജയിക്കില്ല.. ഇനി എന്റെ ജീവിതത്തിൽ അയാൾക്ക് സ്ഥാനം ഇല്ല..

നിന്റെ സമ്മതം ഇല്ലാതെ അവനു വിവാഹം ചെയ്യാൻ പറ്റില്ല. ഇനി ചതിയിൽ കൂടെ ആണെങ്കിൽ അതിന് ഇവിടെ പോലീസും കോടതിയും എല്ലാം ഉണ്ട്.. ഗൗരി ആത്മവിശ്വാസത്തോടെ അവനെ നോക്കി.. അരുൺ അവളിൽ അത്ര മാത്രം സ്വാധീനം ചെലുത്തിയിരുന്നു.. ആ യാത്ര അവസാനിക്കുമ്പോൾ ഗൗരി അരുണിന്റെ പഴയ ഗൗരി ആയി മാറിയിരുന്നു.. രുദ്ര് ദേവ് എന്നാ പേര് പോലും അവർക്കിടയിൽ നിന്നും മാഞ്ഞു പോയിരിക്കുന്നു.. അതേയ്..

രണ്ടു ദിവസം കഴിഞ്ഞാൽ ക്ലാസ്സ്‌ തുടങ്ങും .. ഇനി എന്റെ സ്റ്റുഡന്റ് ആയി നല്ല കുട്ടി ആയി കോളേജിൽ വരണം.. കാറിൽ നിന്നും ഇറങ്ങി യാത്ര പറഞ്ഞു നടക്കുന്ന ഗൗരിയോട് അരുൺ വിളിച്ചു പറഞ്ഞു.. അവൾ തിരിഞ്ഞു നിന്നു ചിരിച്ചു കൊണ്ടു തലയാട്ടി.. അരുൺ പോകുന്നത് കണ്ണിൽ നിന്നും മായും വരെ ഗൗരി നോക്കി നിന്നു.. ഗൗരിയുടെ മനസ്സിൽ രുദ്ര് പാടെ മഞ്ഞു പോയിരുന്നു.. അരുൺ മാത്രം ആയിരുന്നു അവിടെ.. അവന്റെ സ്നേഹവും കരുതലും എല്ലാം അവൾക്ക് അവനോട് ഉള്ള പ്രണയം കൂടാൻ കാരണം ആയി..

ഓരോ നിമിഷവും അവനെ ഓർത്ത് അവന്റെ കൂടെ ഉള്ള ജീവിതം സ്വപ്നം കണ്ടു അവൾ കഴിഞ്ഞു.. ക്ലാസ്സ്‌ തുടങ്ങിയ അന്ന് രാവിലെ ഗൗരി കോളേജിൽ പോകുന്നത് വിനയനും സീതയും ആശങ്കയോടെ നോക്കി.. അത് കണ്ടു അവൾ അവരെ ചേർത്തു പിടിച്ചു.. നിങ്ങൾ പേടിക്കേണ്ട അമ്മ.. അയാളെ പേടിച്ചു അകത്തു ഇരുന്നാൽ ഞാൻ തോറ്റു പോകും.. അരുണേട്ടൻ ഉള്ളപ്പോൾ എനിക്ക് ആരെയും പേടി ഇല്ല..

അവളുടെ ആത്മവിശ്വാസം നിറഞ്ഞ വാക്കുകൾ അവർക്ക് ആശ്വാസം നൽകി.. എങ്കിലും രുദ്രിന്റെ വെല്ലുവിളി അവരെ അലട്ടുന്നുണ്ടായിരുന്നു.. കോളേജിൽ എത്തിയ ഗൗരി ശ്രേയയോടും സ്വാതിയോടും അത് വരെ നടന്നത് എല്ലാം പറഞ്ഞു.. എല്ലാം കെട്ട് കഴിഞ്ഞു അവർ അന്തം വിട്ടു ഇരുന്നു.. എന്നിട്ട് രുദ്ര് നിന്നെ കെട്ടും എന്നാണോ പറഞ്ഞത്.. അയാൾ അപ്പോ അങ്ങനെ പറഞ്ഞത് ആവും..

എന്റെ പൊന്നു മോളെ അങ്ങേര് പറഞ്ഞ പറഞ്ഞത് ചെയ്യും.. പിന്നെ എന്റെ സമ്മതം ഇല്ലാതെ എന്നെ വിവാഹം ചെയ്യുമോ.. പിന്നെ തട്ടി കൊണ്ടു പോയി ഒക്കെ ചെയ്താലും ഇവിടെ പോലിസ് ഒക്കെ ഇല്ലേ.. നിന്റെ സമ്മതം ഉണ്ടെങ്കിലോ.. നീ എന്റെ സ്വാതി പറയുന്നേ എടി.. നീ വിചാരിച്ച പോലെ രുദ്ര് നിസ്സാരക്കാരൻ അല്ല.. ഈ നാട്ടിലെ പല പ്രമുഖന്മാരുടെയും ഉറ്റ സുഹൃത്ത് ആണ് അവൻ.. പിന്നെ ഞാൻ അച്ചു ചേച്ചിയോട് ഒന്നു അന്വേഷിച്ചു.. അവരുടെ കോളേജിലെ സൂപ്പർ ഹീറോ ആയിരുന്നു ത്ര ഇങ്ങേരു..

അതിന്.. മനുഷ്യൻ സീരിയസ് ആയി പറയുമ്പോൾ ചളി കൊണ്ടു വരല്ലേ ശ്രേയ.. അല്ല ഡി നീ പറ.. അവരുടെ കോളേജിലെ ഹീറോ രുദ്ര് ദേവ്.. അന്ന് കോളേജിൽ രുദ്രിന് എതിരെ ഒരു ഗ്രൂപ്പ്‌ ഉണ്ടായിരുന്നു.. ആ കോളേജിൽ സകല തോന്നിവാസവും കാട്ടിയിരുന്ന ഒരു ഗ്രൂപ്പ്‌.. ആ ഗ്രൂപ്പിലെ ലീഡർ അന്നത്തെ മിനിസ്റ്ററുടെ മോൻ ആയിരുന്നു.. അവരെ വരെ കോളേജിൽ നിന്നും പുറത്തു ആക്കിയിട്ടുണ്ട് രുദ്ര്.. അത് എങ്ങനെ ആണെടി.. രുദ്ര് അവരെ കൊണ്ടു തന്നെ പറയിപ്പിച്ചു കോളേജിൽ നിന്നും പൊയ്ക്കോളാം എന്ന്..

മിനിസ്റ്റർ അടക്കം കോളേജ് മാനേജ്മെന്റ് മുന്നിൽ അവർ എല്ലാവരും സ്വയം കോളേജിൽ നിന്നും പോയി എന്നാ അച്ചു ചേച്ചി പറഞ്ഞത്.. അവരെ നന്നായി ഒന്നു പെരുമാറിയിട്ട് ഉണ്ടാവും.. തല്ല് കിട്ടിയപ്പോൾ ആരായാലും ചെയ്തു പോകില്ലേ.. പോടീ.. ശക്തി കൊണ്ടു അല്ല.. ബുദ്ധി കൊണ്ടാണ് അന്ന് അവിടെ രുദ്ര് ജയിച്ചത്.. നീ അത് വിട് ശ്രേയ.. നമ്മൾ ഇപ്പൊ ആലോചിക്കേണ്ടത് രുദ്ര് ഇവളോട് പറഞ്ഞ കാര്യം ആണ്.. രുദ്ര് പറഞ്ഞാൽ പറഞ്ഞത് ചെയ്യുന്നവൻ ആണ്..

ശ്രേയയുടെയും സ്വാതിയുടെയും സംസാരം കെട്ട് ഗൗരിയുടെ ഉള്ളിലും ഒരു കനൽ വീണു.. അയാൾ വാക്ക് പാലിക്കാൻ വേണ്ടി എന്തും ചെയ്യും.. ഗൗരി പരിഭ്രമത്തോടെ ഇരുന്നു..ക്ലാസ്സ്‌ തുടങ്ങി കഴിഞ്ഞും ഗൗരിക്ക് ഒന്നിലും ശ്രദ്ധ കൊടുക്കാൻ കഴിഞ്ഞില്ല.. ഉച്ച കഴിഞ്ഞു അരുണിന്റെ ക്ലാസ്സിൽ ആയിരുന്നു ഗൗരി ഒന്നു ഉഷാർ ആയത്.. അത് വരെ ഗ്ലൂമി ആയി ഇരുന്ന ഗൗരി എല്ലാം ശ്രദ്ധയോടെ കേൾക്കുന്നത് കണ്ടു സ്വാതിയും ശ്രേയയും അവളുടെ ചെവിയിൽ പതിയെ പറഞ്ഞു..

ക്ലാസ്സിൽ ശ്രദ്ധിച്ചില്ലെങ്കിൽ അരുണേട്ടൻ പിണങ്ങുമോ ഗൗരി.. പോടീ.. മര്യാദക്ക് ശ്രദ്ധിക്കാൻ നോക്ക്.. പിന്നെ അങ്ങേരു നിന്നെ വഴക്ക് പറയു.. ഞങ്ങൾക്ക് അയാളെ ഒരു പേടിയും ഇല്ല.. സ്വാതി.. അരുൺ ഉറക്കെ വിളിച്ചതും സ്വാതി പേടിച്ചു വേഗം എഴുന്നേറ്റു.. സംസാരിക്കാൻ ആണെങ്കിൽ പുറത്തു പോകാം.. എന്റെ ക്ലാസ്സിൽ പറ്റില്ല.. ഞാൻ മാത്രം അല്ല സർ.. ഞാൻ കണ്ടു.. ഇനി ആവർത്തിച്ചാൽ ഉണ്ടല്ലോ.. സിറ്റ്. സ്വാതി ഇരുന്നു ശ്രേയയെയും ഗൗരിയേയും നോക്കുമ്പോൾ അവർ വാ പൊതി ചിരിക്കുന്നു..

എനിക്ക് ഒറ്റയ്ക്ക് സംസാരിക്കാൻ പ്രാന്ത് ഉണ്ടോ.. നിന്നെ ഒഴിവാക്കി എന്നെ മാത്രം ചീത്ത പറഞ്ഞത് നോക്ക്.. ഗൗരി ചിരിയോടെ അരുണിനെ നോക്കി.. അവരുടെ സംസാരം കണ്ടു അരുൺ ഗൗരിയെ ദേഷ്യത്തിൽ നോക്കിയതും ഗൗരി ചിരി നിർത്തി ക്ലാസ്സിൽ ശ്രദ്ധിച്ചു.. ക്ലാസ്സ്‌ കഴിഞ്ഞു ഗൗരിയും ഫ്രണ്ട്സും കൂടെ കോളേജിന്റെ മുന്നിലെ ജൂസ് ഷോപ്പിൽ കയറി.. അവരുടെ സംസാരത്തിനു ഇടയ്ക്ക് ആണ് ഗൗരിയുടെ ഫോൺ അടിച്ചത്.. അരുൺ ആയിരുന്നു.. അവൾ വേഗം ഫോൺ എടുത്തു..

അരുണേട്ടാ പറയ്.. ഗൗരി.. നീ പോവില്ലേ.. എനിക്ക് കുറച്ചു വർക്ക്‌ ഉണ്ട്.. സ്വാതിയുടെ കൂടെ പൊയ്ക്കോ.. ആ ശരി.. ഞാൻ വീട്ടിൽ എത്തിയിട്ട് വിളിക്കാം. ഫോൺ വച്ചു ഗൗരിയും സ്വാതിയും ശ്രേയയും കൂടെ ബസ്സ്റ്റോപ്പിലേക്ക് നടക്കുമ്പോൾ ആണ് അവരുടെ മുന്നിലേക്ക് ഒരു പാഞ്ഞു വന്നു നിർത്തിയത്.. അതിൽ ഇരിക്കുന്ന ആളെ കണ്ടു ഗൗരിയടക്കം അവർ മൂന്നു പേരും ഞെട്ടി.. ബൈക്കിൽ നിന്നും ഇറങ്ങി രുദ്ര് അവരുടെ നേരെ നിന്നു ബൈക്കിൽ ചാരി ഇരുന്നു..

ഗൗരി അവനെ ദേഷ്യത്തിൽ നോക്കി അവനെ മറികടന്നു പോകാൻ നിന്നതും രുദ്ര് അവളുടെ മുന്നിൽ കയറി നിന്നു.. അങ്ങനെ അങ്ങ് പോയാലോ..നിനക്കും നിന്റെ മറ്റവനും ഉള്ള സമ്മാനം കൊണ്ടാണ് ഞാൻ വന്നിരിക്കുന്നെ.. രുദ്ര് അവരുടെ പുറകിൽ ആയി വന്ന ജീപ്പിലെ പുറകിലെ സീറ്റിൽ നിന്നും അവശരായ രണ്ടു പേരെ ഷർട്ടിൽ പിടിച്ചു പുറത്തേക്ക് വലിച്ചു.. ഇടി കൊണ്ടു ചോര ഒളിക്കുന്ന അവർ നിലത്തേക്ക് കമിഴ്ന്നു വീണു.. നിന്റെ സെലെക്ഷൻ തീരെ പൊര.. ഞാൻ അവനെ ആണ് പ്രതീക്ഷിച്ചത്.. സ്വന്തം പെണ്ണിനെ തൊട്ടവനെ വന്നു നേരിൽ കാണാൻ പോലും ഉള്ള ധൈര്യം ഇല്ലാത്തവന്റെ കൂടെ എങ്ങനെ പൊറുക്കും നീ..

അത് ഞാൻ അല്ലെ തീരുമാനിക്കേണ്ടത്.. തന്നെ പോലെ കൂലി തല്ല് കാരന്റെ കൂടെ ജീവിക്കാൻ ആണ് പേടി വേണ്ടത്..തന്റെ ചീപ്പ് ഷോ കാണാൻ എനിക്ക് സമയം ഇല്ല.. അയ് അങ്ങനെ പോവല്ലേ.. വെറുതെ ഇരുന്ന എന്റെ അടുത്തേക്ക് ഇത്രയും നല്ല വിരുന്നുകാരെ പറഞ്ഞു വിട്ട നിന്റെ കല്യാണചെക്കനെ ഒന്നു കാണാൻ വന്നത് ആണ് ഞാൻ.. കൂട്ടത്തിൽ നിന്നെയും.. രുദ്ര് പറയുന്നതിൽ സത്യം ഇല്ലെന്നു ഗൗരി മനസ്സിലാക്കി..അരുണിനെ മോശമാക്കാൻ വേണ്ടി മനഃപൂർവം പറഞ്ഞത് ആണെന്ന് മനസിലായി അവൾ അവിടെ നിന്നും പോകാൻ വേണ്ടി വേഗം നടന്നു..

പക്ഷെ ഒട്ടും പ്രതീക്ഷിക്കാതെ രുദ്ര് അവളുടെ കയ്യിൽ പിടിച്ചു.. എന്റെ ഷോ കഴിഞ്ഞിട്ടില്ല… ഗൗരി അവന്റെ കൈ കുടഞ്ഞു എറിഞ്ഞു.. രുദ്ര് അതെ സ്പീഡിൽ അവളുടെ കൈ പുറകിലേക്ക് ആക്കി അവളുടെ ദേഹത്തോട് ചേർന്നു നിന്നു.. ആ കാഴ്ച കണ്ടു ആളുകൾ എല്ലാം അവരെ തന്നെ നോക്കി.. സ്വാതിയും ശ്രേയയും പേടിയോടെ ചുറ്റും നോക്കി.. ഞാൻ പറഞ്ഞില്ലേ ഡി ഷോ കഴിഞ്ഞിട്ടില്ല എന്ന്.. താൻ പോടോ.. എന്താ.. ഒന്നു കൂടെ പറഞ്ഞെ.. എന്റെ കയ്യിൽ നിന്നും വിടാൻ.. പെണ്ണിനെ കയറി പിടിക്കുന്നതു അത്ര വലിയ ഹീറോയിസം ഒന്നും അല്ല.. അല്ല.. പക്ഷെ ഇനി ചെയ്യാൻ പോകുന്നത് ആണ് ഹീറോയിസം..

രുദ്ര് വലതു കൈ കൊണ്ടു അവളുടെ കവിളിൽ കുത്തി പിടിച്ചു അവളുടെ മുഖം അവന്റെ മുഖത്തോട് അടുപ്പിച്ചു.. അവളുടെ ഉയരുന്ന ഹൃദയമിടിപ്പും മുഖത്തു വീശുന്ന ശ്വാസവും എല്ലാം അവഗണിച്ചു രുദ്ര് അവളുടെ ചുണ്ടിൽ അമർത്തി ചുംബിച്ചു.. ഗൗരി അത് പ്രതീക്ഷിക്കാത്തതിനാൽ ഗൗരി തരിച്ചു പോയി.. അവന്റെ ചുണ്ടുകൾ അവളുടെ ചുണ്ടിൽ അമരുമ്പോൾ അവളുടെ ദേഹം വിയർത്തു.. ശ്വാസം എടുക്കാൻ കഴിയാതെ ഗൗരി കണ്ണുകൾ ഇറുക്കി പിടിച്ചു.. അവന്റെ കൈ പിടിയിൽ നിന്നും കൈ വലിക്കാൻ ശ്രമിക്കവേ അവൻ മുറുക്കെ പിടിച്ചു..

ഇടത് കൈ കൊണ്ടു അവന്റെ മുതുകിൽ ഇടിച്ചു കൊണ്ടേ ഇരുന്നു അവൾ.. ഒടുവിൽ അവൻ അവളുടെ ചുണ്ടുകളെ മോചിപ്പിക്കുമ്പോൾ അവളുടെ കണ്ണുനീർ അവന്റെ ചുണ്ടിൽ വീണിരുന്നു.. ഗൗരി തകർന്ന ഹൃദയത്തോടെ നിന്നു.. എന്തെ നിന്റെ നാവ് ഇറങ്ങി പോയോ.. അന്ന് നീ വലിയ ഡയലോഗ് ഒക്കെ പറഞ്ഞല്ലോ.. എന്നാ എന്റെ പൊന്ന് മോള് ഒന്നു കൂടെ കേട്ടോ..നിന്റെ വിവാഹം നിശ്ചയിച്ച അന്ന് അതെ മുഹൂർത്തത്തിൽ നിന്റെ വിവാഹം നടക്കും.. പക്ഷെ വരൻ ഈ രുദ്ര് ദേവ് ആയിരിക്കും..

ഇത് നിന്നോട് പ്രണയം തോന്നിയിട്ട് ഒന്നും അല്ല.. എന്റെ വാശി ആണ്.. രുദ്ര് അവളെ നോക്കി നടന്നകന്നു.. ബൈക്കിൽ കയറി അവൻ ബൈക്ക് എടുത്തു അവളുടെ മുന്നിൽ കൊണ്ടു പോയി നിർത്തി.. ഇപ്പൊ കഴിഞ്ഞത് വിവാഹനിശ്ചയം ആയി കണ്ടാൽ മതി.. ബാക്കി കല്യാണം കഴിഞ്ഞിട്ട്.. രുദ്ര് മീശ പിരിച്ചു കൊണ്ടു കണ്ണുകൾ അടച്ചു അവളോട് പറഞ്ഞു കൊണ്ടു പോയി..രുദ്ര് പോകുമ്പോൾ ആണ് ഗേറ്റിൽ നിൽക്കുന്ന അരുണിനെ രുദ്ര് കണ്ടത്.. അവനെ നോക്കി രുദ്ര് ചിരിച്ചു…

കണ്ണിലെ കനൽ മറച്ചു വച്ചു കൊണ്ട്… ഗൗരി ആളുകളുടെ നടുവിൽ തലയും താഴ്ത്തി നിന്നു.. ആരെയും നോക്കാൻ കഴിയാതെ അവൾ ഓടി.. അതിലൂടെ പോയ ഒരു ഓട്ടോ വിളിച്ചു അവൾ കയറി പോയി.. സ്വാതിയും ശ്രേയയും അവളെ വിളിച്ചെങ്കിലും അവൾ നിന്നില്ല.. വീട്ടിൽ എത്തിയതും ഗൗരി മുറിയിൽ കയറി വാതിൽ അടച്ചു.. ബാത്‌റൂമിൽ കയറി ഷവറിനു കീഴിൽ പോയി നിന്നു കരഞ്ഞു.. വെള്ളം വീഴുമ്പോൾ അവൾ അവളുടെ ചുണ്ടുകൾ ഉരച്ചു കഴുകി..

അവൾ കരഞ്ഞു കൊണ്ടു മുഖത്തേക്ക് വെള്ളം ഒഴിച്ച് കൊണ്ടേ ഇരുന്നു.. മനസ്സിൽ എന്തോ തീരുമാനിച്ചത് പോലെ ഗൗരി ബാത്‌റൂമിൽ നിന്ന് ഇറങ്ങി റൂമിലെ ഷെൽഫിൽ എന്തോ തിരഞ്ഞു.. ഒരു പ്രാന്തിയെ പോലെ അവൾ പെരുമാറി.. ഒടുവിൽ അവൾ തിരഞ്ഞത് കിട്ടിയ സന്തോഷത്തിൽ അവൾ അത് കൊണ്ടു ബാത്രൂമിലേക്ക് ഓടി.. രുദ്ര് ദേവ് നിങ്ങൾ ജയിക്കാൻ ഞാൻ സമ്മതിക്കില്ല..എന്ത് കളിയും കളിച്ചു താൻ എന്റെ വിവാഹം മുടക്കും എന്ന് അറിയാം.. പക്ഷെ തന്റെ താലി സ്വീകരിക്കാൻ ഈ ഗൗരി ജീവനോടെ ഉണ്ടാവില്ല.. ഗൗരി കയ്യിൽ കരുതിയ ബ്ലൈഡ് കൊണ്ടു ഇടതു കയ്യിൽ മുറിച്ചു..

അവൾ നിലത്തു ഇരുന്നു കൊണ്ടു കരഞ്ഞു.. എങ്കിലും രുദ്ര് അവളുടെ മരണത്തിന്റെ പേരിൽ കുടുങ്ങും എന്നൊരു ആശ്വാസം ഉണ്ടായിരുന്നു.. മനസ്സിൽ വിനയന്റെയും സീതയുടെയും അപ്പുവിന്റെയും മുഖം എല്ലാം മിന്നി മറഞ്ഞു.. അരുണിനെ ഓർത്തതും അവൾ കരഞ്ഞു പോയി.. എന്നോട് ക്ഷമിക് അരുണേട്ടാ.. ഈ ജന്മം എനിക്ക് ഭാഗ്യം ഇല്ല.. അടുത്ത ജന്മം നമുക്ക് ഒരുമിക്കാം.. അരുണേട്ടന്റെ പെണ്ണായി.. കണ്ണിൽ ഇരുട്ട് കയറി ബോധം മറയുമ്പോൾ അവളുടെ മനസ്സിൽ രുദ്ര് മാത്രം ആയിരുന്നു.. വീറോടെ തന്റെ മുന്നിൽ നിൽക്കുന്ന അവന്റെ മുഖം അവളുടെ ഹൃദയത്തിൽ ആഴത്തിൽ പതിഞ്ഞു..…… (തുടരും)

.നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക…