🖤പ്രണയവർണ്ണങ്ങൾ🖤: ഭാഗം 38

രചന: ആമി

ഉച്ചയോട് അടുത്ത് ആണ് അവർ ആ റിസോർട്ടിൽ എത്തിയത്.. കാടിനു നടുവിൽ കുഞ്ഞു കുഞ്ഞു വീട് പോലെ ഉള്ള നല്ല ഭംഗി ഉള്ളവയായിരുന്നു അത്.. കാടിന്റെ ഭംഗി ആവോളം ആസ്വദിക്കാനും പ്രകൃതിയെ പ്രണയിക്കാനും തോന്നുന്ന അത്രയും കുളിർമ നിറഞ്ഞ ഇടം.. രുദ്രിന്റെ കൈ പിടിച്ചു ഗൗരി അവർക്ക് അനുവദിച്ച മുറിയിൽ എത്തി.. അവിടെ അവൾക്ക് നന്നായി ഇഷ്ടമായി.. ചുറ്റും നോക്കി കൗതുകം കൊള്ളുന്ന അവളുടെ മിഴികൾ നോക്കി രുദ്ര്.. മുറിയിൽ കയറി ജനലിലെ കർട്ടൻ മാറ്റി പുറത്തെ കാഴ്ചകൾ ആസ്വദിക്കുമ്പോൾ ആണ് പിൻകഴുത്തിൽ ശ്വാസം തട്ടി മുടിയിളകൾ മുന്നോട്ടു പാറി വീണത്..

ഗൗരി ചിരിച്ചു കൊണ്ട് പുറകിലേക്ക് നീങ്ങി ആ നെഞ്ചിൽ ചാരി നിന്നു.. അവന്റെ കൈകൾ അവളെ പൊതിഞ്ഞതും അവയിൽ പിടിച്ചു അവളും മുറുക്കി… ഗൗരി ദേവ്… അവൻ കാതോരം വന്നു മൊഴിയുമ്പോൾ താടിയും മീശയും അവളെ ഇക്കിളി കൂട്ടി.. അവളുടെ കണ്ണുകൾ വിടർന്നു.. ആ നിമിഷം അവൾ തിരിഞ്ഞു നിന്നു.. അവന്റെ കണ്ണുകളിൽ നോക്കി.. അവന്റെ ഷർട്ടിന്റെ കോളറിൽ പിടിച്ചു രുദ്രിനെ അവളോട് കൂടുതൽ അടുപ്പിച്ചു.. അവളെ ഉറ്റു നോക്കുന്ന അവന്റെ മിഴികളെ കാണുമ്പോൾ എന്നും നാണിച്ചു തല താഴ്ത്തി ഇരുന്ന അവളുടെ മിഴികൾ അന്നേരം താഴ്ന്നില്ല..

പകരം അവയിലെ പ്രണയം അവന്റെ മിഴികളിൽ പടർത്തുകയായിരുന്നു.. വരും ഏഴ് ജന്മവും എനിക്ക് തരുമോ ഈ അസുരനെ.. തരില്ലെങ്കിലോ… ഇത് എന്റെ ഏഴാമത്തെ ജന്മം ആവട്ടെ.. ഈ അസുരന് വേണ്ടി അല്ലെങ്കിൽ എനിക്ക് ഇനി ജനിക്കേണ്ട.. നിരാശയുടെ തേങ്ങൽ നിറഞ്ഞ അവളുടെ സ്വരം കേട്ടതും രുദ്ര് അവളുടെ പിൻകഴുത്തിൽ പിടിച്ചു അവളുടെ ചുണ്ടുകളെ കവർന്നെടുത്തു.. പ്രണയം വാക്കുകൾക്ക് അതീതമായി മാറുമ്പോൾ ശരീരം അത് കാണിക്കുന്നു.. അതാണ് ചുംബനം.. അവന്റെ ചുംബനം അതായിരുന്നു.. രുദ്ര് എന്ന അസുരന്റെ ജന്മം ഗൗരി എന്ന ദേവിക്ക് വേണ്ടി ആകട്ടെ..

മുറിയുടെ ബെൽ അടിക്കുന്ന ശബ്ദം കേട്ടതും അവർ അകന്നു മാറി.. ശ്വാസം എടുക്കാൻ ബുദ്ധിമുട്ടി ഗൗരി അവനെ നോക്കുമ്പോ അവളുടെ ചുണ്ടിൽ പടർന്ന അവളുടെ ഉമിനീര് അവന്റെ വിരലാൽ തുടച്ചു കൊണ്ട് അവൻ ചിരിച്ചു.. രുദ്ര് വാതിൽ തുറന്നതും ഒരു ബാഗ് മുറിയിൽ വച്ചു അയാൾ പോയി.. ബാഗിൽ നിന്നും ഡ്രസ്സ്‌ എടുത്തു കൊണ്ട് ബാത്രൂമിൽ കയറാൻ നിന്ന ഗൗരിയുടെ മുന്നിലേക്ക് രുദ്ര് കയറി നിന്നു.. ഗൗരി പുരികം പൊക്കി എന്താ എന്ന് ആഗ്യം കാണിച്ചു.. അവൻ ചുമൽ ഉയർത്തി ഒന്നും ഇല്ലെന്നു പറഞ്ഞു.. അവൾ വീണ്ടും മുന്നോട്ടു വന്നതും രുദ്ര് അവളോട്‌ ഒന്നു കൂടെ ചേർന്നു നിന്നു.. ദേവേട്ടാ..മാറി നിൽക്ക്.. കുളിക്കണോ..ഈ തണുപ്പിന്.. പിന്നെ..

ഇന്നലെ രാത്രി തുടങ്ങിയ ഇരുപ്പ് അല്ലെ മനുഷ്യ.. ആ പല്ല് എങ്കിലും തെക്ക്.. നേരത്തെ ഇത് പറഞ്ഞില്ലല്ലോ.. എന്ത്.. ഉമ്മ വെച്ചപ്പോൾ പല്ല് തേച്ചിട്ട് മതി എന്നൊന്നും പറഞ്ഞില്ല എന്ന്.. ഉമ്മ വെക്കാൻ പല്ല് തെക്കേണ്ട ആവശ്യം ഇല്ല.. പക്ഷെ പുറത്തു ഇറങ്ങിയാൽ ആളുകളോട് മിണ്ടണം എങ്കിൽ പല്ല് തേക്കണം.. ഗൗരി പറഞ്ഞു കൊണ്ട് ബാത്രൂമിൽ വാതിൽ തുറന്നതും രുദ്ര് വാതിലിനു മുന്നിൽ കയറി നിന്നു.. ഞാനും വരട്ടെ.. അങ്ങോട്ട്‌ മാറി നിക്ക് മനുഷ്യ.. ഗൗരി അവനെ തള്ളി മാറ്റി വേഗം അകത്തു കടന്നു.. രുദ്ര് അകത്തു വരും മുന്നേ വാതിൽ അടയ്ക്കാൻ നിന്നതും രുദ്രിന്റെ കൈ ഇടയിൽ പെട്ടു.. അവൻ നിലവിളിച്ചു.. കൈ… ഡി കൈ വേദനിക്കുന്നു.. ഗൗരി വേഗം പേടിച്ചു വാതിൽ തുറന്നതും രുദ്ര് അവസരം മുതലാക്കി അകത്തു കിടന്നു വാതിൽ കുറ്റി ഇട്ടു..

അവന്റെ അഭിനയ ആണെന്ന് മനസ്സിലായതും ഗൗരി അവനെ തുറിച്ചു നോക്കി.. എന്താ ഡി നോക്കുന്നെ.. അവൾ മിണ്ടാതെ അവനെ നോക്കി നിന്നു.. രുദ്ര് നടന്നു അവളുടെ അടുത്ത് വന്നു ഇടുപ്പിലൂടെ കയ്യിട്ടു അവളെ ചേർത്തു നിർത്തി.. നിന്റെ ഈ നോട്ടം ഉണ്ടല്ലോ പെണ്ണെ.. ഉഫ്.. രുദ്ര് പറഞ്ഞതും ദേഷ്യം ചുവന്ന കവിളുകളിൽ നാണം വിരിഞ്ഞു.. എങ്കിലും അവൾ ദേഷ്യം നടിച്ചു അവന്റെ പിടിയിൽ നിന്നും വിട്ടു മാറി.. എന്തിനാ ഈ നാണം..ഈ അസുരന്റെ പ്രാണന്റെ പകുതി അല്ലെ.. എന്റെ പ്രണയത്തിൽ അലിഞ്ഞതല്ലേ നീ.. എത്ര നാൾ കഴിഞ്ഞാലും നിങ്ങളുടെ പ്രണയം എനിക്ക് പുതുമ തന്നെ ആണ്.. ഓരോ വട്ടവും വീര്യം കൂടി കൂടി വന്നു എന്നെ തളർത്തുന്നു..

അവളുടെ കഴുത്തിലെ മറുകിൽ അവന്റെ ചുണ്ടുകൾ എന്തിനോ പരതി കൊണ്ടിരുന്നു.. നിലത്തു വീഴുന്ന അവളുടെ വസ്ത്രങ്ങൾ എല്ലാം നാണത്തോടെ കണ്ണ് പൊത്തി.. അവളുടെ ഓരോ അണുവിലും അവളുടെ അസുരന്റെ പ്രണയം വീണ്ടും വീണ്ടും പൊഴിഞ്ഞു.. (ഏയ്… ഏയ്… മതി മതി.. ഇങ് പോര്.. ഒരാളുടെ ബാത്‌റൂമിൽ എത്തി നോക്കാൻ നാണം ഇല്ലേ.. ചെ.. മോശം.. ഞാൻ നല്ല കുട്ടി ആണ് ട്ടോ.. അവിടെ എന്തെങ്കിലും നടന്നോട്ടെ.. ഞാൻ പോയി😜😜 ) ആ തണുപ്പിൽ ഒരു പുതപ്പിനടിയിൽ അവന്റെ പ്രണയത്തിൽ തളർന്നു അവൾ ഉറങ്ങി.. അവളുടെ മുടിയിൽ തലോടി അവനും.. ഫോൺ അടിക്കുന്ന ശബ്ദം കേട്ട് രുദ്ര് ഉണർന്നു.. ഫോൺ എടുത്തു ചെവിയിൽ വച്ചു..

ഒന്നും മിണ്ടാതെ അവൻ അത് കട്ട് ചെയ്തു.. അവന്റെ ദേഹത്തോട് ചേർന്നു പറ്റി ഉറങ്ങുന്ന അവളെ ഒന്ന് നോക്കി രുദ്ര് എഴുന്നേറ്റു ഇരുന്നു.. ഷർട്ട്‌ ഇട്ടു അവൻ ബാൽക്കണിയിൽ പോയി നിന്നു ഫോണിൽ അബിയെ വിളിച്ചു.. എന്തായി.. പറഞ്ഞത് പോലെ ചെയ്തു.. വീട്ടിൽ അറിഞ്ഞോ.. അറിഞ്ഞു.. അവിടെ അമ്മയും അച്ഛനും ഒക്കെ ഉണ്ട്.. രുദ്രേട്ടനെ വിളിക്കാൻ ശ്രമിക്കുന്നുണ്ട്.. മ്മ്.. രുദ്ര് ഫോൺ കട്ട് ചെയ്തു.. പിന്നെ എന്തോ ഓർത്ത് എന്ന പോൽ ഫോൺ എടുത്തു ഓഫ് ചെയ്തു വച്ചു.. കുറച്ചു നേരം കൈകെട്ടി വിദൂരതയിൽ നോക്കി നിന്നു.. കുറച്ചു കഴിഞ്ഞു പുറകിൽ നിന്നും രണ്ടു കൈകൾ വന്നു അവന്റെ വയറിൽ ചുറ്റി.. ഉറങ്ങിയില്ലേ.. ഈ ചൂട് ഇല്ലെങ്കിൽ എങ്ങനെ ഉറങ്ങും..

അവളുടെ തോളിലൂടെ കൈ ഇട്ടു അവന്റെ നെഞ്ചിൽ ചേർത്ത് പിടിച്ചു.. ഒരു പുതപ്പ് കൊണ്ട് രണ്ടു പേരും മൂടി അങ്ങനെ നിന്നു.. ഗൗരി.. മ്മ്.. നിനക്ക് അറിയണ്ടേ.. വേണ്ട.. ഈ മനസ്സിൽ അത്രയും സങ്കടം നൽകുന്നത് ആണ് അതെന്ന് എനിക്ക് അറിയാം.. എനിക്ക് ഈ സങ്കടം വേണ്ട.. എന്നെ ഇത്രയും മനസ്സിലാക്കാൻ എങ്ങനെ കഴിയുന്നു നിനക്ക്.. അതോ.. നിങ്ങൾ എന്റെ കഥയിലെ വില്ലൻ അല്ലെ.. അപ്പൊ വില്ലന്റെ പെണ്ണിനും ഇത്തിരി വില്ലത്തരം വേണ്ടേ.. അവനെ വാരി പുണർന്നു കൊണ്ട് അവൾ പറഞ്ഞു.. അവർക്കിടയിൽ അന്നേരം ഉയർന്ന ചിരി അവരുടെ പരസ്പര വിശ്വാസത്തിന്റെ ആയിരുന്നു.. അവരുടെ പ്രണയവും സ്നേഹവും പങ്ക് വച്ചു ആ യാത്ര ഏറ്റവും ഭംഗി ഉള്ളതായി മാറി..

രാത്രിയിൽ വിയർപ്പിൽ ഒട്ടി അവന്റെ നെഞ്ചിൽ മയങ്ങുമ്പോളും അവന്റെ കൈ പിടിച്ചു ലോകം കാണുമ്പോളും അവളുടെ കൈകൾ അവന്റെ കയ്യിൽ സുരക്ഷിതമായിരുന്നു.. പ്രണയത്തിന്റെ പല വർണ്ണങ്ങൾ വിതറി ആ യാത്ര അവസാനിപ്പിച്ചു അവർ മടങ്ങി.. ❣️ഗൗരി ദേവിന്റെ പ്രണയവർണ്ണങ്ങൾ ❣️ തിരിച്ചുള്ള യാത്രയിൽ അവരുടെ കാർ ചെന്നു നിന്നത് സൂര്യ മംഗലം തറവാടിന്റെ മുറ്റത്തു ആയിരുന്നു..ഉറച്ച മനസ്സോടെ ഗൗരിയുടെ കൈ പിടിച്ചു രുദ്ര് ആ പടികൾ കയറി..അന്ന് വരെ ആ പടികൾ കയറുമ്പോൾ കിട്ടാത്ത ഒരു ആത്മ വിശ്വാസം അവന് അപ്പോൾ ഉണ്ടായിരുന്നു.. കാരണം അവന്റെ ഇടതു കയ്യിൽ അവന്റെ പെണ്ണിന്റ വലതു കരം ഉണ്ടായിരുന്നു….(തുടരും)