🖤പ്രണയവർണ്ണങ്ങൾ🖤: ഭാഗം 31

രചന: ആമി

ഗൗരി മുറിയിൽ ചെല്ലുമ്പോൾ രുദ്ര് അവിടെ ഇല്ലായിരുന്നു.. ഗൗരി അവനെ നോക്കാതെ തന്നെ വേഗം കിടന്നു.. ഉറക്കം വന്നില്ലെങ്കിൽ പോലും അവൾ കണ്ണുകൾ അടച്ചു കിടന്നു.. രുദ്ര് ന്റെ സാമീപ്യം കൊതിച്ചു കൊണ്ടു.. അവളുടെ മനസ്സിൽ അവന്റെ വാക്കുകൾ തന്നെ മുഴങ്ങി കൊണ്ടിരുന്നു.. ഓർക്കുന്തോറും സങ്കടം ഇരട്ടിച്ചു.. എത്ര സമാദാനിക്കാൻ നോക്കിയിട്ടും അവൾക്ക് കഴിഞ്ഞില്ല.. അരുണിനോട് തോന്നിയ ദേഷ്യത്തെക്കാൾ അവൾക്ക് രുദ്രിനെ സങ്കടം ആണ് തോന്നിയത്.. തന്നെ അവിശ്വസിച്ചതിൽ.. കണ്ണിന് മുകളിൽ കൈകൾ വച്ചു അവൾ കിടന്നു..

കുറച്ചു നേരത്തിനു ശേഷം രുദ്ര് മുറിയിൽ എത്തിയത് ഗൗരി അറിഞ്ഞു.. എങ്കിലും അവൾ അവനെ നോക്കാൻ പോയില്ല.. രുദ്ര് ലൈറ്റ് ഓഫ് ചെയ്തു കിടക്കുന്നതും എല്ലാം അവൾ അറിഞ്ഞു.. ഇന്നലെ വരെ അവരുടെ കളി ചിരികൾ മുഴങ്ങി കേട്ട ആ മുറിയിൽ ഇന്ന് മൗനം തളം കെട്ടി കിടന്നു.. ഗൗരിക്ക് ഉറപ്പ് ഉണ്ടായിരുന്നു രുദ്ര് തന്നെ അവിശ്വസിക്കില്ല എന്ന്.. പക്ഷെ അരുൺ എന്താണ് പറഞ്ഞത് എന്ന് അവൾ ഊഹിച്ചു എങ്കിലും മനസ്സിൽ ഒന്നും വന്നില്ല.. ആ ഫോട്ടോ കൊണ്ടു മാത്രം രുദ്ര് തെറ്റി ധരിക്കില്ല.. മറ്റെന്തോ കാരണം കാണും എന്ന് തന്നെ അവൾ ഉറപ്പിച്ചു.. ഉറക്കത്തിൽ രുദ്രിന്റെ കൈകൾ അവളുടെ ഇടുപ്പിൽ ചുറ്റിയതും ഗൗരി അവനെ നോക്കി..

ഉറക്കത്തിൽ ആണെന്ന് മനസ്സിലായി അവൾ അവനോട് ചേർന്നു കിടന്നു.. അവന്റെ നെഞ്ചിൽ മുഖം വച്ചു അവൾ ഉറക്കത്തിലേക്ക് വീണു.. എന്നാൽ ഇതെല്ലാം അറിഞ്ഞു കൊണ്ടു രുദ്ര് കിടന്നു.. ഒന്നും ചെയ്യാൻ കഴിയാതെ.. രാവിലെ ഗൗരി ജോലി എല്ലാം കഴിഞ്ഞു കോളേജിൽ പോകാൻ ഇറങ്ങുമ്പോൾ ആണ് രുദ്രയും ഇറങ്ങുന്നത്.. ഗൗരി അവനെ ശ്രദ്ധിക്കാതെ വേഗം മുന്നിൽ ഇറങ്ങി നടന്നു.. രുദ്ര് ബൈക്ക് എടുത്തു അവളുടെ അടുത്ത് പോയി നിർത്തി.. വഴിയിൽ തടസ്സം ആയിട്ടാണ് അവൻ നിർത്തിയത് എങ്കിലും ഗൗരി വഴി മാറി നടന്നു.. രുദ്ര് വീണ്ടും ബൈക്ക് എടുത്തു അവളുടെ അടുത്ത് നിർത്തി..

അത് വരെ അവനെ ഒന്നു നോക്കുക പോലും ചെയ്യാതെ ഇരുന്ന ഗൗരി അവനെ ദേഷ്യത്തിൽ നോക്കി.. എനിക്ക് ഒറ്റയ്ക്ക് പോകാൻ അറിയാം.. ഗൗരി കയറ്.. രുദ്ര് ഗൗരവം വിടാതെ തന്നെ പറഞ്ഞു.. രുദ്ര് അവളെ വിളിച്ചത് പിണക്കം മാറി ആവുമെന്ന് അവൾ കരുതി എങ്കിലും അവന്റെ മുഖഭാവത്തിൽ നിന്നും അത് അങ്ങനെ അല്ല എന്ന് അവൾക് മനസിലായി.. അവളും വിട്ടു കൊടുക്കാൻ ഉദ്ദേശം ഇല്ലായിരുന്നു.. ഇല്ല.. മാറിക്കെ.. നിന്നോട് അല്ലെ ഡി പുല്ലേ കയറാൻ പറഞ്ഞെ.. വെറുതെ.. നിങ്ങൾ എന്ത് പറഞ്ഞാലും പേടിച്ചു കൂടെ വരാൻ എന്നെ കിട്ടില്ല.. ഗൗരിയുടെ സംസാരം രുദ്രിൽ കൂടുതൽ ദേഷ്യം തോന്നിച്ചു..

അവൻ ബൈക്കിൽ ഹാൻഡിൽ പിടിച്ചു മുറുക്കി..അവളെ തുറിച്ചു നോക്കി അവൻ പോയി.. ഗൗരി നിറഞ്ഞ മിഴികൾ തുടച്ചു കൊണ്ടു നടന്നു.. രുദ്രിന് ഇത്രയും ദേഷ്യം അവൾ കണ്ടിട്ടില്ല.. മനസ്സിൽ അരുണിനെ കാണണം എന്ന് ഉറപ്പിച്ചു കൊണ്ടു തന്നെ അവൾ കോളേജിലേക്ക് പോയി.. അവനെ നോക്കി സ്റ്റാഫ് റൂമിൽ പോകുമ്പോൾ ആണ് അവൻ എതിരെ നടന്നു വരുന്നത് ഗൗരി കണ്ടത്.. അവളെ കണ്ടതും അവന്റെ ചുണ്ടിൽ വിരിഞ്ഞ സന്തോഷത്തിന്റെ ചിരി എന്തിനാണ് എന്ന് ഗൗരിക്ക് മനസിലായി.. ഉള്ളിൽ നുരഞ്ഞു പൊന്തിയ ദേഷ്യം അടക്കി പിടിച്ചു കൊണ്ടു അവൾ അവനെ കാത്തു നിന്നു..

എന്താ ഗൗരി.. മുഖത്തു ഒരു വാട്ടം.. അവൾ ഒന്നും മിണ്ടാതെ അവനെ തന്നെ നോക്കി.. അവൻ ചിരിച്ചു കൊണ്ടു ചുറ്റും നോക്കി.. എന്നിട്ട് അവളിലേക്ക് മുഖം ഒന്നു അടുപ്പിച്ചു.. നിങ്ങളുടെ ജീവിതത്തിലെ ആദ്യത്തെ കരട് ഞാൻ ഇന്നലെ അവന് കൊടുത്തിട്ടുണ്ട്.. താൻ ശരിക്കും പൊട്ടൻ ആണോ അതോ പൊട്ടൻ ആയി അഭിനയിക്കുന്നതോ.. അരുൺ ഒന്നും പറയാതെ അവളെ തുറിച്ചു നോക്കി.. അവളുടെ മുഖത്തു അന്നേരം വിരിഞ്ഞ ചിരി അവൻ കണ്ടു.. നീ ഒരു ഫോട്ടോ കൊടുത്തത് കണ്ടു നീ പറഞ്ഞത് എല്ലാം വിശ്വസിച്ചു എന്നെ തള്ളി കളയുന്ന ഒരു പൊങ്ങാൻ കെട്ട്യോൻ ആണെന്ന് കരുതിയോ എന്റെ ഭർത്താവ്.. രുദ്ര് ഇന്നലെ നിന്നെ വെറുതെ വിട്ടിട്ടുണ്ട് എങ്കിൽ അത് നിനക്ക് ഉള്ള ദിവസം കുറിച്ച് കൊണ്ടു ആയിരിക്കും..

അവന്റെ കൂടെ നിനക്ക് ഇനി ഒരു ജീവിതം ഇല്ല എന്ന് തിരിച്ചറിവിൽ നിനക്ക് തോന്നുന്നത ഇതൊക്കെ.. അവൻ എല്ലാം വിശ്വസിച്ചു കൊണ്ടു തന്നെ ആണ് ഇന്നലെ എന്റെ അടുത്ത് നിന്നും പോയത്.. കേവലം ഒരു ഫോട്ടോയോ അല്ലെങ്കിൽ നിന്നെ പോലെ ഒരുത്തന്റെ വാക്ക് കേട്ട് അങ്ങേരു എന്നെ അവിശ്വസിക്കില്ല.. കാരണം ആ മനസ്സിൽ ഈ ഗൗരി മാത്രം ഉള്ളു.. അവിടെ മറ്റാരും വന്നിട്ടുമില്ല വരികയും ഇല്ല.. ആ എന്നെ തള്ളി കളയാൻ ഈ കാരണം പോര രുദ്ര് ദേവന്.. ഈ ഗൗരി ചതിച്ചാലും അങ്ങേരു എന്നെ വിട്ടു പോകില്ല.. നീ അവനെ ഇത്രയും വിശ്വസിക്കുന്നുണ്ടോ.. ഉണ്ട്.. ഈ കഴുത്തിൽ താലി കെട്ടിയത് ആണും പെണ്ണും കേട്ട നിന്നെ പോലെ ഒരാൾ അല്ല.. രുദ്ര് ദേവ് ആണ്..

അവളുടെ ഓരോ വാക്കുകളും അവന്റെ ഹൃദയത്തെ കൊത്തി വലിച്ചു.. ഗൗരി അവനെ പുച്ഛത്തോടെ നോക്കി.. ഇന്നലെ നിന്നെ ഒന്ന് നോവിക്കുക പോലും ചെയ്യാതെ അങ്ങേരു പോയിട്ടുണ്ടെങ്കിൽ കാത്തിരുന്നോ നീ അതിലും വലുത് നിന്നെ തേടി വരുന്നുണ്ട്.. അപ്പൊ ക്ലാസ്സിൽ കാണാം അരുൺ സർ.. കളിയാക്കി കൊണ്ടു ഗൗരി നടന്നു അകലുമ്പോൾ അരുണിന്റെ മനസ്സിൽ കനൽ എരിഞ്ഞു തുടങ്ങി.. രുദ്ര് തനിക്ക് നേരെ കരു നീക്കം തുടങ്ങിയെന്ന് അവന് മനസിലായി.. ഉള്ളിൽ വന്ന ഭയത്തെ മറച്ചു കൊണ്ടു അവൻ ക്ലാസ്സിലേക്ക് നടന്നു.. ക്ലാസ്സിൽ ഇരിക്കുന്നത് എല്ലാം ഗൗരിക്ക് അലസമായി തോന്നി.. ധന്യ അന്ന് ലീവ് ആയിരുന്നു..

അവളും കൂടെ ഇല്ലാത്തതു കൊണ്ടു ഗൗരി ഉച്ചക്ക് ശേഷം ക്ലാസ്സിൽ ഇരുന്നില്ല.. അവൾ വീട്ടിൽ വന്നു.. മുറിയിൽ കയറുമ്പോൾ അവളുടെ മനസ്സിൽ രുദ്രിന്റെ ഓർമ്മകൾ വന്നു നിറഞ്ഞു.. രുദ്ര് അഴിച്ചു ഇട്ട ഷർട്ട്‌ ഒന്നു എടുത്തു മുത്തിയ ശേഷം ഗൗരി അവൾ കുളിക്കാൻ കയറി.. ആ സമയം ആണ് രുദ്ര് അങ്ങോട്ട്‌ വന്നത്.. സ്പൈർ കി ഉപയോഗിച്ച് അവൻ അകത്തു കയറി.. അടുക്കളയിൽ പോയി വെള്ളം കുടിച്ചു രുദ്ര് മുറിയിൽ ചെല്ലുമ്പോൾ ഗൗരി ബാത്‌റൂമിൽ ആയിരുന്നു.. ബെഡിൽ അവളുടെ വസ്ത്രങ്ങൾ കണ്ടു അവൾ അവിടെ ഉണ്ടെന്നു രുദ്രിന് മനസിലായി.. ആരും ഇല്ലെന്നു കരുതി അവൾ ഡ്രസ്സ്‌ എടുക്കാതെ ആണ് ബാത്‌റൂമിൽ കയറിഇരിക്കുന്നത്.. അത് മനസിലാക്കിയ രുദ്ര് അവളുടെ ഡ്രസ്സ്‌ എല്ലാം അലമാരയിൽ വച്ചു എന്നിട്ട് അലമാര പൂട്ടി താക്കോൽ എടുത്തു വച്ചു..

അവൻ ഒന്നും അറിയാത്തതു പോലെ ബെഡിൽ കിടന്നു ഫോണിൽ നോക്കി കിടന്നു.. അവളുടെ വരവ് കാണാൻ അവൻ കൊതിയോടെ അക്ഷമയോടെ ഇരുന്നു.. കുറച്ചു നിമിഷങ്ങൾക്ക് ശേഷം ഗൗരി വാതിൽ തുറന്നു പുറത്തു ഇറങ്ങിയതും ബെഡിൽ കിടക്കുന്ന രുദ്രിനെ കണ്ടു അവൾ ഞെട്ടി.. ടവൽ കൊണ്ടു ദേഹം ചുറ്റി തലയിൽ മുണ്ട് ചുറ്റി ആയിരുന്നു അവൾ വന്നത്.. രുദ്രിനെ കണ്ടതും ഗൗരി വേഗം തലയിൽ നിന്നും മുണ്ട് എടുത്തു ദേഹത്തൂടെ ചുറ്റി.. രുദ്ര് ഇതെല്ലാം അറിയുന്നെണ്ടെങ്കിലും അങ്ങോട്ട്‌ നോക്കിയില്ല.. ഗൗരി ഡ്രസ്സ്‌ എടുക്കാൻ നോക്കുമ്പോൾ അത് കണ്ടില്ല..

അവൾ വേഗം അലമാരയിൽ തപ്പാൻ വേണ്ടി നോക്കുമ്പോൾ അത് തുറക്കാൻ പറ്റിയില്ല.. അവൾ ആകെ പെട്ട്.. എന്ത് ചെയ്യും എന്ന് അറിയാതെ അവൾ അവനെ നോക്കി.. അലമാരയുടെ കീ എവിടെ.. രുദ്ര് ഉത്തരം പറയാതെ ഫോണിൽ തന്നെ നോക്കി കിടന്നു.. ഗൗരി ഇനി എന്ത് ചെയ്യും എന്ന് അറിയാതെ നിൽക്കുമ്പോൾ രുദ്ര് എഴുന്നേറ്റു അവളുടെ അടുത്ത് പോയി.. അവൻ അടുത്ത് വരുന്തോറും അവൾക്ക് എന്തോ പോലെ തോന്നി.. അവൾ അലമാരയുടെ മുന്നിൽ ആയിരുന്നു.. അവളുടെ ദേഹത്തേക്ക് ഒട്ടി നിന്നു കൊണ്ടു അവൻ അലമാരയുടെ മുകളിൽ നിന്നും കി എടുത്തു കൊടുത്തു.. അവൾക്ക് നേരെ കീ നീട്ടി കൊണ്ടു അവൻ അവളെ നോക്കി..

തലയിൽ നിന്നും ഇറ്റ് വീഴുന്ന വെള്ളം അവളുടെ മുഖമാകെ പടർന്നു കിടക്കുന്നുണ്ട്.. അവന് തന്നെ കൈവിടുമെന്ന് തോന്നി.. അവന്റെ നോട്ടം തന്നിൽ ആണെന്ന് മനസിലായി ഗൗരി വേഗം കഴുത്തിലേക്ക് മുണ്ട് ഇട്ട്.. കാണിക്കുന്നത് കണ്ടാൽ തോന്നും ഞാൻ ഒന്നും കണ്ടിട്ടില്ല എന്ന്.. ഇപ്പൊ കാണണ്ട.. പിന്നെ എനിക്ക് വേറെ പണി ഇല്ലല്ലോ.. രുദ്ര് അവളെ പുച്ഛിച്ചു കൊണ്ടു പോകാൻ നിന്നതും ഗൗരി അവന്റെ ഷർട്ടിൽ പിടിച്ചു അവനെ അവളിലേക്ക് അടുപ്പിച്ചു.. ഒരു നിമിഷം പകച്ചു പോയ രുദ്ര് അവളിലേക്ക് ചേർന്നു നിന്നു.. ഗൗരി കഴുത്തിൽ ചുറ്റിയ മുണ്ട് എടുത്തു മാറ്റി..

രുദ്ര് ഉള്ളിലെ വികാരങ്ങൾ ഉണരൻ തുടങ്ങിയിരുന്നു.. അവന്റെ കൈകൾ തന്നിലേക്ക് നീണ്ടതും ഗൗരി അവനിൽ നിന്നു അകന്നു മാറി.. ഇത്രയെ ഉള്ളു.. വെറുതെ ജാഡ കാണിക്കാൻ നിക്കല്ലേ.. അവൾ അവനെ കളിയാക്കി കൊണ്ടു മാറി നിന്നു.. അലമാര തുറന്നു ഡ്രസ്സ്‌ എടുക്കാൻ തുടങ്ങിയതും രുദ്ര് അവളെ വയറിലൂടെ ചുറ്റി പിടിച്ചു ബെഡിൽ കിടത്തി അവളുടെ മുകളിൽ കിടന്നു.. ഉള്ളിൽ ഗൗരി ഞെട്ടി എങ്കിലും പുറത്തു കാണിച്ചില്ല.. അടുത്ത നിമിഷം അവളുടെ ദേഹത്ത് ചുറ്റിയ ടവലിൽ രുദ്ര് പിടിച്ചതും ഗൗരി ദയനീയഭാവത്തിൽ അവനെ നോക്കി.. നീ രുദ്ര് ദേവിനോട് കളിക്കാൻ നിൽക്കുന്നോ.. നിന്നെ കളി പഠിപ്പിക്കും ഞാൻ.. ഗൗരി നിഷേധ ഭാവത്തിൽ തല ആട്ടി.. രുദ്ര് അത് ശ്രദ്ധിക്കാതെ അവളിലേക്ക് അമർന്നു കൊണ്ടു ടവൽ എടുക്കാൻ വേണ്ടി കൈകൾ കൊണ്ടു പോയി..…..(തുടരും)