💔 മൊഴിയിടറാതെ 💔 : ഭാഗം 20

എഴുത്തുകാരി: തമസാ

Thank you for reading this post, don't forget to subscribe!

നിനിലിന്റെ കാറിന്റെ പുറകെ ദീപനും മോളെയും എടുത്തു കൊണ്ട് വീട്ടുമുറ്റത്തേക്ക് ചെന്നു……. “” ആ കുട്ടിയോട് വാതിലടച്ച് അകത്ത് ഇരിക്കാൻ പറഞ്ഞിട്ടാ ഞാൻ അവിടെ നിന്നത്….. “”” അവരിൽ നിന്ന് ഇത്തിരി നീങ്ങി നിന്ന് ദീപൻ അവരോട് പറഞ്ഞു… കോളിംഗ് ബില്ലിൽ തെരു തെരെ അമർത്തി നിനിൽ പിന്നെയും വിളിച്ചു….. കുറച്ചു വൈകിയാണ് നീന വന്നു വാതിൽ തുറന്നത്…….. “”” നിങ്ങള് വന്നോ….. ഞാൻ ഉറങ്ങിപ്പോയി മേശ മേല് തല വെച്ചിരുന്ന്….. “”” പപ്പയുടെയും അമ്മായുടെയും അടുത്തേക്ക് വന്നു നിന്ന് അവൾ പറഞ്ഞു…… നിനിൽ പെട്ടെന്ന് തന്നെ അവളെ ചേർത്ത് പിടിച്ചു…. “

“” ആ കുട്ടിയോട് വീട്ടിൽ പൊയ്ക്കൊള്ളാൻ പറയാൻ തുടങ്ങിയതാരുന്നു ഞാൻ….. പിന്നെ വിചാരിച്ചു നിങ്ങളവിടെ ഇല്ലെന്ന് ഇവിടുന്ന് പോയവർക്കൊക്കെ അറിയാം…. അപ്പൊ ഒറ്റയ്ക്ക് വിടുന്നത് സേഫ് അല്ലാലോ ന്ന് വിചാരിച്ചിട്ടാ ഞാൻ…… “”” ദീപനിൽ നിന്ന് അത് കേൾക്കെ പരമ പുച്ഛമാണ് നിനിലിനു തോന്നിയത്…… വേശ്യയുടെ ചാരിത്ര്യ പ്രസംഗം…. “”” എനിക്ക്…… എനിക്കിപ്പോ മനസിലാവും നിനിൽ…….. ഞാൻ ഇപ്പോഴാ ജീവിതത്തിൽ സൂക്ഷിക്കാതെ പോയ പല മൂല്യങ്ങളുടെയും വില മനസിലാക്കുന്നത്….. വൈകിപ്പോയി…. പക്ഷേ ഇനി ഒരു പെൺകുഞ്ഞിനേം ഞാൻ ചീത്തക്കണ്ണോടെ നോക്കില്ല……..””” തെറ്റിദ്ധരിക്കപ്പെടുമ്പോൾ ഉണ്ടാകുന്ന വിഷമം അവന്റെ വാക്കിൽ സ്പഷ്ടമായിരുന്നു…. “”

” കള്ളനെ വിശ്വസിച്ചാലും ഒരു പെണ്ണുപിടിയനെ വിശ്വസിക്കാൻ പറ്റില്ലല്ലോ ദീപൻ…… പെണ്ണിനെ ഭോഗിച്ചു ശീലിച്ചവനൊരിക്കലും തന്റെ ദൃഷ്ടി ഉറപ്പിച്ചു നിർത്തുവാൻ പറ്റില്ല….. എത്ര നല്ലവനെന്ന രേഖപ്പെടുത്താൻ ശ്രമിച്ചാലും അവസരം കിട്ടിയാൽ അവന്റെ കണ്ണുകൾ പെണ്ണിന്റെ അളവെടുക്കും……അവൻ പോലുമറിയാതെ …… . ഐ ആം സോറി ദീപൻ….. “” നിനിൽ ദീപന്റെ കയ്യിൽ നിന്ന് നന്ദൂട്ടിയെ എടുക്കാൻ നോക്കിയെങ്കിലും മോള്, ദീപന്റെ ശരീരത്തിലേക്ക് അള്ളിപ്പിടിച്ച് ഇരുന്നു…… വല്ലാതെ സന്തോഷം തോന്നി ദീപന്….. എന്റെ കുട്ടി എന്നെ സ്നേഹിച്ചു തുടങ്ങിയോ… മോളെയും കൊണ്ട് നടയിലേക്കിരുന്ന അവൻ കുഞ്ഞിനെ കെട്ടിപ്പിടിച്ചു…..

അവന് നേരെ തിരിഞ്ഞു രണ്ടു കാലും വശങ്ങളിലേക്ക് ഇട്ട് നന്ദു, അവന്റെ മീശയിൽ ചൂണ്ടു വിരൽ കൊണ്ട് തൊട്ടു…… കുഞ്ഞോളേ……. അച്ഛ…….അച്ഛ…… പറഞ്ഞെ കുഞ്ഞോളേ…… അച്ഛ…. മോളുടെ കൈ മീശയിൽ നിന്ന് പിടിച്ചു മാറ്റി ദീപൻ പറഞ്ഞു… ചുണ്ട് കൊണ്ട് വെറുതെ ഓരോന്ന് കാട്ടിയതല്ലാതെ മോളൊന്നും പറഞ്ഞില്ല….. നിരാശ തോന്നി ദീപന്….. ഒപ്പം, നിനിലിന്റെ മുന്നിൽ വെച്ച് അച്ഛാ എന്ന് മോള് വിളിക്കാത്തതിന്റെ സങ്കടവും……. കുറച്ചു കഴിഞ്ഞപ്പോൾ, ജീപ്പ് വന്നു…. അതിൽ നിന്ന് രണ്ടു ചേച്ചിമാരും ഒരു ചേട്ടനും ഇറങ്ങി….. ബാക്കി ഉള്ളവർ ഹോസ്പിറ്റലിൽ നിന്ന് തന്നെ വീട്ടിലേക്ക് മടങ്ങിപ്പോയിരുന്നുത്രെ….. ആകെ ക്ഷീണിച്ചു കയറി വന്ന ഗീതു കാണുന്നത് മോളെയും കൊണ്ട് ഇരിക്കുന്ന ദീപനും….

ഒന്നും മിണ്ടാൻ കൂടി വയ്യായിരുന്നു അവൾക്ക് …പക്ഷേ ദീപന്റെ കയ്യിലിരിക്കുന്ന മോള് …….. ആരെയും നോക്കാതെ നേരെ ചെന്ന് മോളേ പിടിച്ചു വാങ്ങി ……അവളെ കണ്ട സന്തോഷത്തിൽ തുള്ളിക്കൊണ്ട് മോളവളുടെ നെഞ്ചിലേക്ക് ഒട്ടി ….. തന്നോട് ഒന്നും മിണ്ടാതെ കുഞ്ഞിനേയും കൊണ്ട് അകത്തേയ്ക്ക് നടക്കുന്ന ഗീതു ,ദീപനൊരു അതിശയം ആയിരുന്നു … “””” ഗീതൂന്റെ അമ്മവീട്ടുകാരാണോ ???”””” ജീപ്പിൽ ഒപ്പമുണ്ടായിരുന്ന കുറച്ചു പ്രായമുള്ള ആള് ചോദിച്ചു …… “””” ഞാൻ നന്ദൂട്ടിയുടെ …………….””””” ദീപൻ പറയുന്നത് കേട്ട് ഹാളിലേക്ക് കയറാൻ തുടങ്ങിയ ഗീതു തിരിഞ്ഞു നിന്നു പറഞ്ഞു ….. “

“” ആരുമല്ല …….നന്ദുവിന്റെ ആരുമല്ല …..മരണ വീട് കണ്ടു കയറിയതാ ………””” തന്നെ കൂർപ്പിച്ചു നോക്കിയിട്ട് അകത്തേക്ക് പോകുന്നവളെ ദീപനും അത് പോലെ തന്നെ നോക്കി ….. ഒരുമ്മ കൊടുക്കാൻ ഉള്ള സമയം തന്നില്ല ……പിശാശ് …. അവന്റെ മനസ് പറഞ്ഞു ….. ദീപൻ പിന്നെ അവിടെ നിന്നില്ല …..വീട്ടിൽ ചെന്നിട്ട് വേണം തന്റെയും കൂടി സാമ്പിൾ എടുത്തു സാഗറിന് കൊണ്ട് പോയി കൊടുക്കാൻ …….ബൈക്ക് തിരിച്ച് അവൻ അവന്റെ വീട്ടിലേക്ക് പോയി ….. മോൾക്ക് പാല് കൊടുക്കുകയായിരുന്നു ഗീതു ……പതിവില്ലാതെ ഒന്നും മിണ്ടാതെ പാലൂട്ടുന്ന അമ്മയെ കുഞ്ഞും വെറുതെ നോക്കിക്കിടന്നു ….ആ കിടപ്പിൽ തന്നെ കുഞ്ഞും ഉറങ്ങി …….കുറച്ചു കഴിഞ്ഞ് മുൻ വശത്ത് ചെന്ന് എല്ലാവരോടും പൊയ്ക്കൊള്ളാൻ ഗീതു പറഞ്ഞു …….

നിനിലിന്റെ മമ്മി സമ്മതിച്ചില്ലെങ്കിലും എന്നും വന്നു കൂട്ടിരിക്കാൻ പറ്റില്ലല്ലോ എന്നും പറഞ്ഞെല്ലാവരേയും വിട്ടു ……..അവൾക്കും അതായിരുന്നു ആവശ്യം …..സമ്പൂർണ നിശബ്ദത …….കഴിക്കാൻ ഉള്ളതും ആയി വരാമെന്ന് പറഞ്ഞിട്ടവർ പോയി …..കുഞ്ഞിനെ ചുറ്റിപ്പിടിച്ചു വെറുതെ കിടന്നൊടുവിൽ ഗീതുവും മയങ്ങി …… 💔💔 സാഗറിന്റെ അടുത്ത് ചെന്ന് സാമ്പിൾ എല്ലാം കൊടുത്തു …..ഉള്ളിൽ തുടി കൊട്ടാണ് …..നാലാഴ്ച ഏറ്റവും മാക്സിമം എന്ന് ആണ് പറഞ്ഞിരിക്കുന്നത് …….പിടിക്കപ്പെടരുതേ അതിന് മുൻപ് എന്നുള്ള ഒരു പ്രാർത്ഥന മാത്രമേ ഉള്ളു ……….സാഗറിനെ എല്ലാം ഏല്പിച്ചു അവന്റെ മുന്നിൽ വെച്ച് തന്നെ ക്യാഷ് ട്രാൻസ്ഫർ ചെയ്തു കൊടുത്തു ……..ഇനി നേരെ നാസർ വക്കീലിന്റെ അടുത്തേക്കാണ് …..

ലീഗലി പോവേണ്ട എന്ന് പറയാം ……….ക്യാഷ് കൊടുക്കാം അയാൾ പേപ്പേഴ്സ് വല്ലതും റെഡി ആക്കി കഴിഞ്ഞെങ്കിൽ ……നമ്മൾ കാരണം ഇനി ഒരു നഷ്ടം ഉണ്ടായെന്നു വേണ്ട …. അയാളുടെ ഓഫീസിലേക്ക് കേറാൻ തുടങ്ങിയപ്പോഴാണ് പിന്നെയും ദേവസി വക്കീലിനെ കണ്ടത് …..നാസറിന്റെ ഓഫീസ് റൂമിൽ നിന്ന് ഇറങ്ങി വരുന്നു …..കോടതിയിൽ പോയാൽ പ്രശ്നമാകും എന്ന് അറിയാവുന്നത് കൊണ്ടാണ് അവിടെ പോയി കാണാതെ കലൂരുള്ള ഓഫീസിൽ തന്നെ വന്നത് …….ഛെ ……എന്നിട്ടിപ്പോ കറക്റ്റ് ആയി തല വെച്ചു ……..ദേവസി കാണുന്നതിന് മുൻപേ അവിടെ നിന്ന് മാറണം എന്ന ഉദേശത്താൽ ഭിത്തി മറയുടെ അപ്പുറത്തേക്ക് ഒന്നും അറിയാത്തതു പോലെ മാറി നിന്നു ദീപൻ ……

ക്ഷെ അതിന് മുൻപ് തന്നെ ദീപനെ അയാൾ കണ്ടിരുന്നു ……തന്നെ കണ്ടിട്ട് അവൻ മാറിയതാണെന്ന് തന്റെ കൂർമ്മ ബുദ്ധി കൊണ്ട് ഗണിച്ചെടുത്ത അയാൾ പുറത്തേക്ക് ഇറങ്ങാതെ നാസറിന്റെ അടുത്തേക്ക് തന്നെ ചെന്നു …… “”” ഞാൻ വന്നേക്കാടോ …..27 ന് അല്ലേ ഫങ്ക്ഷൻ ……””” തിരിച്ചു വരുന്ന ദേവസിയെ കണ്ട് നാസർ പറഞ്ഞു …. ഓടി വന്നു കസേര വലിച്ചിട്ടു പിന്നെയും ഇരുന്നു , ദേവസി …. “” അതല്ല നാസർ …..ഞാൻ ഇവിടെ വെച്ച് ഒരുത്തനെ കണ്ടിട്ട് തിരിച്ചു കയറിയതാ …..ദീപൻ ….ഞങ്ങൾ മുൻപ് പരിചയമുണ്ട് …….””” അയാളുടെ മറുപടിയ്ക്കായി ചൂണ്ട കൊരുത്തിട്ടു വക്കീൽ …. “”” ഓഹ് യെസ് യെസ് ……തന്നോട് പറയണം എന്ന് ഓർത്തിരുന്നതാ …..

ഈ ടെൻഷന്റെ ഒക്കെ ഇടയിൽ വിട്ടു പോയി …….തന്റെ ജൂനിയർ വാദിച്ച ഗിരി വധക്കേസില്ലേ ……..സിസ്റ്ററെ റേപ്പ് ചെയ്തിട്ട് ഗിരിയെ കൊന്ന കേസ് ……..അത് റീ ഓപ്പൺ ആവും ….ദീപൻ ….അയാൾ കഴിഞ്ഞ ദിവസം ഇവിടെ വന്നിരുന്നു ……. ഗിരിയുടെ അനിയത്തി പ്രസവിച്ച മകൾ തന്റെ ആണെന്നും DNA പരിശോധിച്ചു കുട്ടിയുടെ പിതൃത്വം തെളിയിക്കണം എന്നും ആണ് അയാളുടെ ആവശ്യം …..പീഡിപ്പിച്ചവരിൽ അയാളും ഉണ്ടായിരുന്നു …..മറ്റാരുടെയോ സഹായത്താൽ കേസിൽ നിന്ന് രക്ഷപെട്ടതാണ് ആള് …… അയാൾക്ക് ,,, ഗീതു എന്ന ആ റേപ്പ് വിക്ടിമിന്റെ മകളെ , പിതൃത്വം അയാളുടെ ആണെന്ന് തെളിയിക്കപ്പെട്ടാൽ വളർത്തുവാൻ പിതാവെന്ന നിലയിൽ അനുമതി കൊടുക്കണം എന്ന് കോടതിയിൽ ഹർജി നൽകാൻ ആണ് എന്റെ സഹായം ചോദിച്ചു വന്നത് …. “

“‘ എന്നിട്ട് താൻ അത് നീക്കിയോ ….?…””” വെപ്രാളപ്പെട്ട് ദേവസി ചോദിച്ചു …… “”” ഇല്ലെടോ ……രണ്ടു ദിവസം ആയിട്ടല്ലേ ഉള്ളു എന്റെ മുന്നിൽ ആളെത്തിയിട്ട് …….”””” മ്മ് ……എങ്കിൽ ശരി …. പുകഞ്ഞ തലച്ചോറുമായി അയാൾ തന്റെ കാറിനു നേർക്ക് അവിടെ നിന്നും ഇറങ്ങി നടന്നു ……..താൻ അകത്തു കേറുന്നത് ഇനി റിസ്ക് ആണെന്ന് ദീപന് തോന്നി …..കണ്ണാടിയിലൂടെ എങ്കിലും തന്റെ നിഴൽ അയാൾ കണ്ടിട്ടുണ്ടെങ്കിലോ ……. ..!!!! ദീപൻ വീട്ടിലേക്ക് തന്നെ മടങ്ങി ….. 💔💔💔 ദേവസ്സിയുടെ കാർ ചെന്നു നിന്നത് ആലുവ റിവർ സൈഡിൽ ഉള്ള ശേഷന്റെ ഗസ്റ്റ് ഹൌസിൽ ആയിരുന്നു ….. “”””

വാ ……എന്താണ് വക്കീല് മൂട്ടിൽ തീയിട്ട പോലെ പാഞ്ഞു വരുന്നത് …..””” ഡോറും തള്ളിത്തുറന്നു വേഗം വരുന്ന ദേവസിയെ നോക്കി അയാൾ പറഞ്ഞു ……കോഫിയുമായി നിന്ന സെർവന്റ് പയ്യനോട് പുറത്തു പോകാൻ വക്കീൽ വിരൽ കൊണ്ട് ആംഗ്യം കാണിച്ചു ……അയാൾ ഇറങ്ങിയ വഴി വക്കീൽ വാതിൽ ചേർത്തടച്ചു …… “””” ശേഷാ ……ആ ദീപൻ നമുക്കിട്ടൊന്ന് കൊട്ടാൻ റെഡിയായി നില്ക്കുവാ ….കേസിനു പോകുവാണെന്ന് അവൻ ……..ആ പിഴച്ച പെണ്ണിന്റെ കൊച്ചിന് തന്തയെ ഉണ്ടാക്കാൻ …..”””””” വിചാരിച്ചത്ര ഞെട്ടൽ അയാളുടെ മുഖത്തു വക്കീൽ കണ്ടില്ല …… “”” എനിക്കറിയാമായിരുന്നു ……വിത്തെറിഞ്ഞ് വിളവ് കൊയ്ത പാടം കഴിവുള്ളവർമാര് വെറുതെ കളയില്ല വക്കീലേ ……

വീണ്ടും വിത്തിറക്കി ലാഭം കൊയ്യാൻ തന്നെ നോക്കും ……..അവനും അത്ര ഉള്ളു ….”””” “”” അങ്ങനെ ആണെങ്കിൽ മറ്റവന്മാരും വരേണ്ടതല്ലേ ……ഇവന് മാത്രം എന്താ …..നന്ദി ഇല്ലാത്ത പെറുക്കി “”” മുകളിലേക്ക് നോക്കി അട്ടഹസിച്ചു , ശേഷാദ്രി പൈ ……. “”””” മറ്റവന്മാർക്ക് പാട്ടത്തിനെടുത്ത് വിത്തിറക്കിയാരുന്നു ശീലം …….”””””” ചിരി വിടാതെയുള്ള ശേഷന്റെ സംസാരം മടുപ്പ് നിറച്ചു ദേവസ്സിയിൽ ….. “” കളിപറയാതെ ഇനി എന്താണെന്ന് തീരുമാനിക്ക് ശേഷാ, നീ ……അകത്തു പോകും എല്ലാം ….”

” ഇരിപ്പിടത്തിൽ നിന്ന് എണീറ്റ് പോയി മൊബൈൽ എടുത്തു കൊണ്ട് വന്നിരുന്നു ശേഷാദ്രി …….കോൺടാക്ട് ലിസ്റ്റിലെ നമ്പർ തിരഞ്ഞൊടുവിൽ അയാൾ ഫോൺ സോഫ പില്ലോയുടെ മീതെ വെച്ചു ………അവിടെ കിടന്ന് സ്പീക്കറിൽ ബെല്ലടിച്ചോടുവിൽ അത് കണക്ട് ആയി ….. “””” ബസ് വിട്ടേക്കാം …..നാളെ വെളുപ്പിനിങ്ങു പോരെ …….അന്ന് പറഞ്ഞതൊക്കെ ഓർമയുണ്ടല്ലോ ……ദീപൻ …ഗീതു ..കുഞ്ഞ് ……ഒരാളെ തീർക്കണോ അതോ എല്ലാവരെയുമോ എന്ന് നിങ്ങൾക്ക് ചിന്തിച്ചു തീരുമാനിക്കാം ………..എനിക്ക് വേണ്ടിയല്ല ….നിങ്ങൾക്കും കൂടി വേണ്ടിയാണ് ………”””” അടിമയെ പോലെ അപ്പുറത്ത് നിന്ന് മറുപടികൾ വന്നു ……

ഫോൺ വെച്ചു കഴിഞ്ഞപ്പോൾ ശേഷാദ്രിയുടെയും ദേവസ്സിയുടെയും മുഖത്തൊരുപോലെ ചിരിയുണ്ടായിരുന്നു …….ക്രൗര്യം തുല്യ പങ്ക് മേടിച്ച ചിരി …………. ആ നേരം , കുറച്ചാഴ്ചകൾക്കകം തന്നിലേക്ക് വന്നു ചേരാൻ പോകുന്ന റിസൾട്ട്‌ മനസ്സിൽ സങ്കൽപ്പിച്ചു കൊണ്ട് ഫോണിൽ പകർത്തിയ ഗൗരി നന്ദ എന്ന കുഞ്ഞാറ്റയുടെ കുഞ്ഞിപ്പല്ല് കാട്ടി ഇരിക്കുന്ന മുഖത്തേക്ക് നോക്കി കിടന്നു ദീപൻ …….. കുഞ്ഞിന്റെ കവിളിൽ പറ്റിയിരിക്കുന്ന പഴത്തിന്റെ കഷ്ണങ്ങളിലൂടെ എന്ന പോലെ ഫോൺ ഡിസ്പ്ലേയിലൂടെ അവൻ വിരലോടിച്ചു …..

ഒരിടത്തൊരിടത്തൊരച്ഛനുണ്ടായിരുന്നു കുഞ്ഞോളേ …….മകളേ കാണാനായി കൂർത്ത മുൾക്കാട്ടിൽ പമ്മിയിരുന്നൊരച്ഛൻ ………അയാൾക്ക് ഇനി സന്തോഷത്തിന്റെ ദിവസങ്ങളാവും ……… ആരെയും കൂസാതെ അവളെന്റെയാണെന്നു പറയുവാൻ തെളിവുകൾ ഉണ്ടാക്കിയ ഒരച്ഛന്റെ വിജയ ദിവസങ്ങൾ …….. നെഞ്ചിലേക്ക് തന്നെ ഫോൺ വെച്ചു കൊണ്ട് അയാൾ മലർന്ന് കിടന്നു ചിരിച്ചു ……മയങ്ങുംമ്പോഴും ആ ചിരി അങ്ങനെ തന്നെ ഉണ്ടായിരുന്നു ….. 🎯 എന്റെ കർമങ്ങൾ ഞാൻ വൃക്ഷങ്ങളായി നട്ടു …

ആദ്യം നട്ടതെല്ലാം തിന്മയുടെ വൃക്ഷങ്ങളായിയിരുന്നു ….. അതുകൊണ്ട് തന്നെ അവറ്റകളായിരുന്നു ആദ്യം പടർന്നു പന്തലിച്ചതും ………വളരും തോറും അവയുടെ തോലുപൊട്ടി അറയ്ക്കുന്ന ഗന്ധമുള്ള വിഷ രസം ചുറ്റും വീണു കൊണ്ടിരുന്നു …….. ഒടുവിൽ , അതിനടുത്തു ഞാൻ നന്മയുടെ ഒരേയൊരു വൃക്ഷത്തൈ കൊണ്ട് നട്ടു ……….ആദ്യം ഒരു തുള്ളി വിഷ രസം അതിന് മേൽ വീണു …….തൈ വലുതാകും തോറും എല്ലായിലകളിലും വിഷം വീഴാൻ തുടങ്ങി ……നന്മയുടെ പൂമൊട്ടുകൾക്ക് മേലെയും അവ വീണു …..

നന്മയും തിന്മയും ഏതെന്ന് തിരിച്ചറിയാൻ പറ്റാത്ത വണ്ണം എല്ലാ വൃക്ഷങ്ങളും ദുർഗന്ധം പരത്തി ……….. ഇത് തിന്മകളുടെ മാത്രം കൂട്ടമാണ് ………. ഓരോരുത്തരും പറഞ്ഞു …….. ചികഞ്ഞു ചെല്ലാൻ ആരുമുണ്ടായില്ല ……പൂവിരിച്ചു മണം പരത്തുവാൻ നോക്കി , നന്മ …… പക്ഷെ കാലം കഴിഞ്ഞു പോയിരുന്നു ……..ആ പൂവിനും ദുർഗന്ധം തന്നെ ആയിരുന്നു ……….. ആയിരം തിന്മകളുടെ വിഷഗന്ധത്തിനിടയിൽ നന്മ ഒന്നുണ്ടെങ്കിൽ സുഗന്ധം താനേ വരുമെന്ന് പറഞ്ഞത് , മണം പിടിക്കുവാനറിയാത്തൊരു വിഡ്‌ഢിയായിരുന്നു ……. നന്മ മനസിലാക്കി ✨️✨️✨️✨️✨️✨️✨️✨️✨️✨️✨️✨️✨️✨️✨️✨️✨️✨️✨️

തുടരും ……. © തമസാ ലക്ഷ്മി …… എഴുതണം എന്നൊക്കെ ആഗ്രഹം ഇല്ലാഞ്ഞിട്ടല്ല …..പക്ഷേ എക്സമിനു മുന്നേ അപ്പുറത്തെ വീട്ടിലെ പിള്ളേരോട് ഞാൻ പറഞ്ഞിരുന്നു , ഞാൻ അവരുടെ കൂടെ കളിക്കാൻ കൂടാംന്ന് ……ഓർമ ഉണ്ടായിട്ടൊന്നും അല്ല കൊച്ചുങ്ങൾ വരുന്നത് ……രണ്ടും നാലും വയസുള്ളൂ ……. പക്ഷേ നേരം വെളുക്കുമ്പോൾ തൊട്ട് 11-11:30 നേരം വരെ ആളിവിടെ ഉണ്ടാവും ……കഞ്ഞി വെപ്പ് …..പാട്ട് പാടൽ ……ഗുസ്തി …… ഒക്കെ ഉണ്ട് …. അത് കഴിഞ്ഞു പിന്നെ പഠിത്തം …..ഡെയിലി നോട്ട്സ് ………. ചെറിയ ചാറ്റ് ……ഓടിക്കാൻ പറ്റുന്നില്ല …… പിള്ളേര് എന്റെ വീക്നെസ് ആണ് …..ഊടായിപ്പ് എന്ന് വിചാരിക്കരുത് ട്ടോ ………😪

💔 മൊഴിയിടറാതെ 💔 : ഭാഗം 19