💞മീര 💞 : ഭാഗം 9

നോവൽ
എഴുത്തുകാരി: അഹല്യ ശ്രീജിത്ത് വൈക്കം

---

ഉണ്ണി നേരെ പോയത് പ്രിയയുടെ അടുത്തേക്കായിരുന്നു. അവൻ അവളുടെ വീടിനു മുൻപിൽ എത്തുമ്പോൾ സുകുമാരൻ നായർ കുറച്ചു ആൾക്കാർക്കൊപ്പം മുറ്റത് നിൽപ്പുണ്ടായിരുന്നു അതൊന്നും വക വെക്കാതെ ഉണ്ണി അകത്തേക്കു ചെന്നു.

” പ്രിയ…. ഇങ്ങു ഇറങ്ങി വാടി” അവൻ ഉച്ചത്തിൽ അലറി.

” എന്താടാ ഞാൻ ഇവിടെ മുഴുവനോടെ നില്കുന്നത് നിന്റെ കണ്ണ് കാണില്ലേ ” സുകുമാരൻ നായരുടെ ചോദ്യം കേട്ടു ഉണ്ണി പുച്ഛത്തോടെ അയാളെ ഒന്ന് നോക്കി.

” എനിക്ക് സംസാരിക്കേണ്ടത് പ്രിയയോടാണ് അല്ലാതെ നിങ്ങളോടല്ല ”

” ഇനി നിനക്ക് എന്തോന്നാടാ പറയാൻ ഉള്ളത് കുടുംബത്തിൽ കുറച്ചു സ്വാതന്ത്ര്യം തന്നപ്പോൾ നീ ഇവിടെ കേറി അധികാരം പിടിച്ചെടുക്കാൻ നോക്കിയല്ലേ ” സുകുമാരൻ നായർ അലറി. ഇത് കേട്ടു ഉണ്ണിയുടെ കണ്ണുകൾ രോക്ഷം കൊണ്ടു ചുവന്നു.

” ഞാൻ ഒരു അധികാരവും പിടിച്ചെടുക്കാൻ നോക്കിയിട്ടില്ല പിന്നെ നിങ്ങൾ ഒക്കെ വിചാരിക്കുന്നത് പോലെ പ്രിയയുടെ വയറ്റിൽ വളരുന്നത് എന്റെ കുഞ്ഞല്ല ”

ഉണ്ണി പറഞ്ഞു തീർന്നതും സുകുമാരൻ നായർ അലറി കൊണ്ടു മുന്നോട്ട് ഓടി വന്നു അവനെ തള്ളി.. അപ്രതീക്ഷിതമായി വന്ന ആ തള്ളലിൽ ഉണ്ണി പിന്നോട്ട് മറിഞ്ഞു വീണു.

” നോക്കി നില്കാതെ ഇവന്റെ കയ്യും കാലും തല്ലിയൊടിക്കടാ ” സുകുമാരൻ നായർ ചുറ്റും നിന്ന തടിമാടൻ മാറോടു പറഞ്ഞു. അത് കേൾക്കേണ്ട താമസം അവർ അവനെ തലങ്ങും വിലങ്ങും പൊതിരെ തല്ലാൻ തുടങ്ങി.

ആ സമയം ഒരാൾ വാതുക്കൽ പ്രത്യക്ഷപ്പെട്ടു മറ്റാരുമല്ല പ്രിയ. അടിയുടെ ആഘാതത്തിൽ ബോധം മറയുന്നതിനു മുൻപ് ഉണ്ണി പാതി അടഞ്ഞ കണ്ണുകളിൽ പ്രിയയുടെ രൂപം അവ്യക്തമായി കണ്ടു.

ബോധം അവനിൽ നിന്നു അകന്നു പോകുമ്പോഴും ആ മനസ് പ്രിയയെ സ്നേഹിച്ചതിനേക്കാൾ പതി മടങ്ങു വെറുത്തു തുടങ്ങിയിരുന്നു.
*
സൂര്യ കിരണങ്ങൾ കണ്ണുകളിൽ കുത്തി തുളച്ചു കയറിയപ്പോഴാണ് ഉണ്ണി മെല്ലെ കണ്ണ് തുറക്കുന്നത്. പുറത്തേക്കു കാഴ്ചകൾ എല്ലാം അവനു അവ്യക്തമായിരുന്നു. ശരീരം ആകെ ആയിരം സൂചികൾ ഒന്നിച്ചു കുത്തുന്ന വേദന.

അവൻ കണ്ണുകൾ തിരുമ്മി കാഴ്ചകൾ വ്യക്തമാക്കാൻ ശ്രമിച്ചു. പതിയെ പതിയെ ചുറ്റും ഉള്ളതെല്ലാം അവന്റെ കണ്ണുകളിൽ വ്യകത്മാക്കികൊണ്ടിരുന്നു. തൊട്ടു മുൻപിൽ ആയി അമ്മ നിക്കുന്നു അടുത്ത് തന്നെ അനിയനും.

അമ്മയുടെ കണ്ണുകൾ കരഞ്ഞു കലങ്ങിയിരുന്നു. അപ്പോഴാണ് അവൻ താൻ കിടക്കുന്നത് ഹോസ്പിറ്റൽ ബെഡിൽ ആണെന്ന സത്യം തിരിച്ചറിഞ്ഞത്.

അപ്പോഴേക്കും തലേന്ന് നടന്ന സംഭവങ്ങൾ എല്ലാം അവന്റെ ഓർമ്മയിലേക്ക് മറനീക്കി വന്നിരുന്നു. താൻ തന്റെ ലോകം എന്ന് വിശ്വസിച്ചിരുന്നതെല്ലാം തന്നെ വിട്ട് പോയിരിക്കുന്നു എന്ന് ഓർത്തപ്പോൾ അവനു പ്രാണൻ വിട്ട് പോകുന്ന വേദന തോന്നി.

ജീവന് തുല്യം സ്നേഹിച്ചവൾ മറ്റൊരുത്തന്റെ കുഞ്ഞിനെ ഉദരത്തിൽ ചുമന്നു തന്നെ കുറ്റക്കാരനാക്കി ഈ പരുവത്തിൽ ആക്കി ഇട്ടു. ഇതെല്ലാം ഓർത്തു അവന്റെ സമനില തെറ്റിക്കൊണ്ടിരുന്നു.

” മോനെ ഉണ്ണി ”

പെട്ടെന്നവൻ ഞെട്ടി ബെഡിന്റെ സൈഡ്ിലേക്ക് നോക്കി. അമ്മ അരികിൽ പുഞ്ചിരിയോടെ നില്കുന്നു. താൻ കണ്ണ് തുറന്നതിന്റെ സന്തോഷം ആ കണ്ണുകളിൽ പ്രതിഫലിക്കുണ്ടെന്നു അവനു മനസിലായി.

” എന്റെ മോനെ ഈ പരുവത്തിൽ ആക്കിയത് ആ സുകുമാരൻ നായർ ആണല്ലേ അവിടത്തെ പണിക്കാരൻ എല്ലാം പറഞ്ഞു ” അമ്മയുടെ വാക്കുകൾ കേട്ടെങ്കിലും മറുപടി പറയാൻ ഉണ്ണിയുടെ നാവു ചലിച്ചില്ല അപ്പോഴേക്കും ഡോക്ടർ എത്തിയിരുന്നു.

ഉണ്ണിയെ കൊണ്ട് തല്ക്കാലം സംസാരിപ്പിക്കണ്ട എന്നായിരുന്നു ഡോക്ടറുടെ നിർദ്ദേശം അതിനാൽ അമ്മ ആ ഉദ്യമത്തിൽ നിന്നു പിന്മാറി.
***
ദിവസങ്ങൾ കടന്നു പോയി ഉണ്ണി ഡിസ്ചാർജ് ആയി വീട്ടിൽ എത്തി. 3 മാസത്തേക്ക് പൂർണ്ണ വിശ്രമം പറഞ്ഞിരുന്നതിനാൽ മുറിയിൽ തന്നെ കഴിച്ചു കൂട്ടാനായിരുന്നു അവന്റെ വിധി.
അവന്റെ പരിചരണം മുഴുവൻ അമ്മ ഏറ്റെടുത്തിരുന്നു.

അതി രാവിലെ തന്നെ അമ്മ അവനു വേണ്ടി ഓരോന്ന് ചെയ്തു തുടങ്ങും. ഒരു കുഞ്ഞിനെ പോലെ തന്നെ പരിചരിക്കുന്ന അമ്മയെ അവൻ ഒരു നിമിഷം നോക്കി നിന്നു. ഈ അമ്മയെ പോലും ആ വഞ്ചകിയുടെ പേരും പറഞ്ഞു ആക്ഷേപിച്ചിട്ടുണ്ട്..

മീരയുടെ പേരും പറഞ്ഞു അമ്മ തന്നെ സമീപിക്കുമ്പോളൊക്കെ നിരാശയാക്കി മടക്കി വിട്ടിട്ടുണ്ട് എന്നിട്ടും ഒരു പരാതിയുമില്ലാതെ തന്റെ കൈലിരുപ്പു കൊണ്ട് വാങ്ങിക്കൂട്ടിയ വിധിയെ തന്നിൽ നിന്നും തുടച്ചു കളയാൻ പരിശ്രമിക്കുന്നു.

അവന്റെ മനസ് അമ്മയുടെ പാദങ്ങളിൽ വീണ് മാപ്പ് പറയാൻ വെമ്പൽ കൊണ്ടു അപ്പോഴാണ് പുറത്ത് കാളിങ് ബെൽ മുഴങ്ങിയത് അത് കേട്ടു അമ്മ പുറത്തേക്ക് പോയി.

കുറച്ചു കഴിഞ്ഞു മുറിയുടെ ഓര്ത്ത് ഒരു കാൽ പെരുമാറ്റം കേട്ടു ഉണ്ണി വാതുക്കലേക്കു നോക്കി.. വന്ന ആളെ കണ്ടു അവൻ അത്ഭുതപ്പെട്ടു ” നന്ദൻ ”

വാതിക്കൽ നിന്നു കൊണ്ട് തന്നെ നന്ദൻ ഉണ്ണിയെ നോക്കി ഒന്ന് പുഞ്ചിരിച്ചു. ഉണ്ണി ബെഡിൽ നിന്നു എഴുനേൽക്കാൻ ശ്രമിച്ചു.

” ഏയ്‌ വേണ്ട എണീക്കണ്ട ” നന്ദൻ പറഞ്ഞു.

നന്ദൻ ഉണ്ണിക്കരികിലേക്കു നടന്നടുക്കും തോറും ഉണ്ണിയുടെ മനസ്സിൽ കുറ്റബോധമോ, ചമ്മലോ നിരാശയോ അങ്ങനെന്തൊക്കെയോ വികാരങ്ങൾ മിന്നി മറഞ്ഞിരുന്നു.

” ഇപ്പോൾ എങ്ങനുണ്ട് ഉണ്ണി? ” നന്ദൻ ചോദിച്ചു.
” കുറവുണ്ട് ” അവൻ ഒറ്റ വാക്കിൽ മറുപടി ഒതുക്കി.

“ഉം ” നന്ദൻ ഒന്ന് മൂളി.

എന്ത് ഇനി പറയണം എന്ന് ഉണ്ണിക്കു യാതൊരു ഊഹവും ഇല്ലായിരുന്നു. എങ്കിലും അവൻ മുഖം ഉയര്ത്തി നന്ദനോട് ചോദിച്ചു.

” മീര വന്നില്ലേ? ”
” പുറത്തുണ്ട് ” നന്ദൻ മറുപടിയും നൽകി.
നന്ദൻ ഉണ്ണിക് സമീപം വന്നിരുന്നു.

” ഉണ്ണി തന്നോട് ഞാൻ എത്ര വട്ടം പറഞ്ഞിട്ടുണ്ട് പ്രിയ തന്നെ ചതിക്കുവാനെന്നു താൻ ഓർക്കുന്നുണ്ടോ തന്നെ ഞാൻ അവസാനമായി വന്നു കണ്ട ദിവസം ”

” ഉം ” ഉണ്ണി തലയാട്ടി സമ്മതിച്ചു.

” അന്ന് തന്നോട് ഞാൻ പറഞ്ഞു എന്റെ ഒരു ഫ്രണ്ടുമായി പ്രിയക്ക് ബന്ധം ഉണ്ടെന്നും അതിനാൽ അവളെ വിട്ട് മീരയെ സ്വീകരിക്കണമെന്നും അന്ന് താൻ എന്നെ കുറ്റക്കാരനാക്കി ആ ചട്ടുകാലിക്കു വേണ്ടി വക്കാലത്ത് പറയാൻ വന്ന ബ്രോക്കർ എന്ന് ആക്ഷേപിച്ചു.

.പ്രിയക്ക് മറ്റു പല ബന്ധങ്ങളും ഉണ്ടുഎന്നതിനു തെളിവുണ്ടോ എന്ന് ചോദിച്ചു അന്ന് ഒരു വ്യക്തമായ തെളിവ് തരാൻ എനിക്കായില്ല എന്നാൽ ഇന്ന് അത് തനിക്കു ബോധ്യമായി എന്ന് ഞാൻ വിശ്വസിക്കുന്നു” നന്ദന്റെ വാക്കുകൾ ഒരു അമ്പു കണക്കെ ഉണ്ണിയുടെ നെഞ്ചിൽ തുളച്ചു കയറി.

അവൻ നന്ദനെ നോക്കി ആ നോട്ടത്തിൽ കുറ്റബോധത്തിന്റെ ഒരു കൂമ്പാരം തന്നെ കുമിഞ്ഞു കൂടി നിന്നിരുന്നു.

” നന്ദ എന്നോട് ക്ഷമിക്കണം പ്രിയയുടെ സൗന്ദര്യത്തിലും പണത്തിലും കണ്ണ് മഞ്ഞളിച്ച ഞാൻ അന്നേതോ മായ ലോകത്തായിരുന്നു.

അവൾ കാരണം എനിക്ക് പ്രിയപെട്ടതെല്ലാം എന്നെ വിട്ടു അകന്നു എന്നെ സ്നേഹിച്ചവരെ മനസിലാക്കാൻ എനിക്ക് ആയില്ല മഹാ പാപിയാണ് ഞാൻ ” ഉണ്ണിയുടെ കണ്ണിൽ നിന്നു നീർതുള്ളികൾ പൊടിഞ്ഞു.

” ഉണ്ണി താൻ കരുതുന്നതല്ലടോ യഥാർത്ഥ സ്നേഹം അത് ബാഹ്യ സൗന്ദര്യത്തിലോ പണത്തിലോ ഒതുങ്ങുന്നതല്ല. പണം കൊണ്ടു സമ്പന്നവരായവരെ അല്ല മറിച്ചു ഉള്ളിൽ തട്ടിയുള്ള സ്നേഹം കൊണ്ടു സമ്പന്നവരായവരെ വേണം നമ്മൾ സ്നേഹിക്കാൻ ചിലപ്പോ അത്തര ക്കാർക്ക് ബാഹ്യമായ പല കുറവുകളും ഉണ്ടാകാം എങ്കിലും മനസ് എപ്പോളും കുറവുകൾ ഇല്ലാതെ പരിപൂർണ്ണo ആയിരുക്കും”

ഉണ്ണി മറുപടി പറയാനാകാതെ നിന്നു.നന്ദൻ തുടർന്നു കൊണ്ടിരുന്നു.

” ഉണ്ണിക്കറിയുമോ ഞാൻ എന്തിനാ മീരയുടെ കാര്യവും പറഞ്ഞു തന്നെ കാണാൻ വന്നതെന്ന് ”
” ഇല്ല എന്നാൽ നന്ദന് മീരയെ ഇഷ്ടമായിരുന്നു എന്നാൽ മീരക്ക് എന്നെയും എന്നിട്ടും എന്തിനാണ് മീരക്ക് വേണ്ടി നന്ദൻ എന്നെ കാണാൻ വന്നതെന്ന് ഇന്നും ഉത്തരം കിട്ടാത്ത ഒരു സമസ്യ ആയി തുടരുകയാണ് ”

നന്ദൻ പുഞ്ചിരിച്ചു.

” തനിക്കു അറിയില്ലാത്തതും എനിക്ക് അറിയാവുന്നതുമായ ഒരു വസ്തുത ഉണ്ടെടോ അതിനെയാണ്  ഉള്ളിൽ തട്ടി ഉള്ള സ്നേഹം എന്ന് പറയുന്നത് ഞാൻ മീരയെ ഇഷ്ടപ്പെട്ടു എന്നാൽ മീര തന്നെ അതിലേറെ സ്നേഹിക്കുന്നു എന്ന് മനസിലാക്കിയപ്പോൾ അത് നേടി കൊടുക്കാനാണ് ഞാൻ ശ്രമിച്ചത് എനിക്ക് വേണമെങ്കിൽ സ്വാർത്ഥൻ ആകാമായിരുന്നു

പക്ഷെ കഴിഞ്ഞില്ല ഒരു പക്ഷെ പ്രിയയുടെ കള്ളക്കളികൾ തനിക്കു മുൻപിൽ പറഞ്ഞാൽ അവളെ ഉപേക്ഷിച്ചു താൻ മീരയെ സ്വീകരിക്കുമെന്ന് ഞാൻ വ്യാമോഹിച്ചു പക്ഷെ.. ” അപ്പോഴേക്കും അവന്റെ കണ്ണുകൾ ചെന്നു വാതിക്കൽ ചാരി നിൽക്കുന്ന മീരയിലേകുടക്കി പറഞ്ഞു കൊണ്ടിരുന്നത് മുഴുവൻ പൂർത്തിയാക്കാതെ നന്ദൻ മീരയെ ഉറ്റു നോക്കി.

എല്ലാം കേട്ടു എന്ന ഭാവത്തിൽ അവൾ തലയാട്ടി. നന്ദൻ സംസാരം പാതി വഴിക് ഉപേക്ഷിച്ചത് മീരയെ കണ്ടിട്ടാണ് ഉണ്ണിക്കും മനസിലായി. അപ്പോഴേക്കും മീര മുറിക്കു ഉള്ളിലേക്ക് കയറി വന്നിരുന്നു.

ഇനി നിങ്ങൾ സംസാരിച്ചോ എന്ന ഭാവത്തിൽ നന്ദൻ മുറിയിൽ നിന്നും ഇറങ്ങി പോയി.

മീരയുടെ മുഖത്തേക്ക് ഒന്ന് നോക്കാൻ പോലും ആകാതെ ഉണ്ണി നിന്നു വിയർത്തു.

അറിയാതെങ്ങാനും ആ മുഖത്തേക്ക് ഒന്ന് നോക്കി പോയാൽ കുറ്റബോധത്താൽ തന്റെ ശിരസ്സു താഴ്ന്നു പോകുമെന്ന് അവനറിയാമായിരുന്നു.

” ഉണ്ണിയേട്ടന് ഇപ്പോൾ എങ്ങനുണ്ട്? ” അവൾ ചോദിച്ചു. അപ്പോഴാണ് അവൻ മുഖം ഉയർത്തി അവളെ ഒന്ന് നോക്കുന്നത്.

” ഉം കുറവുണ്ട് ”

” ശെരി റസ്റ്റ്‌ എടുക്ക് ” അവൾ പോകാൻ തിരിഞ്ഞു.
” മീര ” ഉണ്ണി വിളിച്ചു.

അവൾ തിരിഞ്ഞു നോക്കി.

” മീര ഞാൻ നിന്നോട് ചെയ്ത തെറ്റുകൾക്കുള്ള ശിക്ഷയാണിത്.. മാപ്പ് ചോദിക്കാൻ പോലും എനിക്ക് അര്ഹതയില്ലന്നറിയാം എന്നാലും ചോദിക്കുവാ എന്നോട് പൊറുക്കില്ലേ നീ? ”

മീര അൽപ നേരം ഒന്നും മിണ്ടാതെ നിന്നു എന്നിട്ട് പറഞ്ഞു.

” ഉണ്ണിയേട്ടാ.. ഉണ്ണിയേട്ടൻ കേട്ടിട്ടില്ലേ ഈ ഉർവശി ശാപം ഉപകാരമായെന്നുള്ള പഴമൊഴി അത്പോലാ എന്റെ കാര്യവും ഉണ്ണിയേട്ടൻ എന്നെ വഞ്ചിച്ചത് കൊണ്ടു നന്ദേട്ടൻ എന്റെ ജീവിതത്തിലേക്ക് വന്നു അതിനു ഞാൻ അങ്ങോട്ട് നന്ദി അല്ലെ പറയേണ്ടത് ”
ഇത് കേട്ടു ഉണ്ണി തല കുമ്പിട്ടു നിന്നു. മീര തുടർന്നു.

” ലോകത്തിൽ വളരെ ചുരുക്കം പെണ്കുട്ടികൾക്കെ നന്ദേട്ടനെ പോലൊരു ഭർത്താവിനെ കിട്ടു. അപ്പൊ ഞാൻ അല്ലെ ഭാഗ്യവതി. എനിക്ക് നഷ്ടപെട്ട എന്റെ കാലിന്റെ സ്വാധീനക്കുറവ് എല്ലാം മാറ്റി എന്നെ പൊന്നു പോലെ നോക്കുന്നു.

ഇതിൽ കൂടുതൽ ഒരു പെണ്ണിന് എന്താ വേണ്ടത് ” അവൾ പറഞ്ഞു നിർത്തി വാതിക്കലോട്ടു നടന്നു . വാതുക്കൽ എത്തും മുൻപേ അവൾ ഉണ്ണിക് നേരെ തിരിഞ്ഞു നിന്നു പറഞ്ഞു
” അഹ് പിന്നെ ഉണ്ണിയേട്ടാ ഒരു കാര്യം കൂടി ” ഉണ്ണി അവളെ നോക്കി.

” ഒരു സന്തോഷ വാർത്തയുണ്ട് അത് ആദ്യം അറിയേണ്ടത് ഉണ്ണിയേട്ടൻ തന്നെയാണെന്ന് തോന്നി എനിക്ക് നന്ദേട്ടനെ സമ്മാനിച്ചത് ഉണ്ണിഏട്ടൻ ആണല്ലോ അതുകൊണ്ട് തന്നെ ”
ഒന്നും മനസിലാകാതെ ഉണ്ണി അവളെ മിഴിച്ചു നോക്കി.

അവളുടെ മുഖത്തു ഒരു പുഞ്ചിരി വിരിഞ്ഞു.

” നന്ദേട്ടനും എനിക്കും ഇടയിൽ ഒരു കുഞ്ഞു അതിഥി കൂടി വരികയാണ്.. ഞങളുടെ സ്നേഹത്തിനു ലഭിക്കാൻ പോകുന്ന ആദ്യത്തെ ഉപഹാരം ഇത് നന്ദേട്ടൻ പോലും അറിയുന്നതിന് മുൻപ് ഉണ്ണിയേട്ടൻ അറിയണം എന്നായിരുന്നു നിയോഗം ”

ഇത്രയും പറഞ്ഞു അവൾ മുറിയിൽ നിന്നു ഇറങ്ങി.. ഉണ്ണിക് എന്തെന്നില്ലാത്ത ഒരു നിസംഗത മനസ്സിൽ തളം കെട്ടി വന്നു.

***

സരസ്വതിഅമ്മയോടു യാത്ര പറഞ്ഞു മീര ഇറങ്ങുമ്പോൾ നന്ദൻ മുറ്റത് തന്നെ നിൽപ്പുണ്ടായിരുന്നു.

മീരയെ കണ്ടതും നന്ദൻ അവൾക്കരികിലേക്കു നടന്നു എന്നാൽ അവൾ ഒരു കള്ള പരിഭവം മുഖത്ത് ചാലിച്ചു അവനെ നോക്കാതെ മുന്നോട്ട് നടന്നു .

” ഡോ താൻ എന്താ മുഖം വീർപ്പിച്ചു പോകുന്നെ എന്നെ മൈൻഡ് പോലും ചെയ്യാതെ ഇങ്ങോട്ട് വന്നപ്പോൾ ഒരു കുഴപ്പവും ഇല്ലായിരുന്നല്ലോ പിന്നെ ഇപ്പോൾ ഇതെന്ത് പറ്റി? ”

നന്ദന്റെ ചോദ്യത്തിന് മറുപടി ആയി അവൾ മുഖം കോട്ടി.
” ഡോ എന്താന്ന്? ”

നന്ദൻ വീണ്ടും ചോദ്യം അവർത്തിച്ചു. ഇത് കേട്ടു മീര തിരിഞ്ഞു നിന്നു നന്ദന്റെ മുഖത്തോട്ടു സൂക്ഷിച്ചു നോക്കി കൊണ്ട് പറഞ്ഞു.

” ഇവിടെ വരുന്നത് വരെ ഞാൻ പലതും അറിഞ്ഞിരുന്നില്ലല്ലോ ഇവിടെ വന്നപ്പോൾ അല്ലെ പലതും അറിയാൻ പറ്റിയെ ”
നന്ദൻ മുഖം ചുളിച്ചു.

” എന്ത് അറിഞ്ഞുന്നാ? ”

” നന്ദേട്ടൻ എനിക്ക് വേണ്ടി ബ്രോക്കർ പണിക്കു പോയ കാര്യം ”
ഇത് കേട്ടു നന്ദൻ പൊട്ടിച്ചിരിച്ചു.

“ഓ അതാണോ? അങ്ങനല്ലെടോ ഞാൻ ചെയ്യേണ്ടിയിരുന്നെ? ”
” ഉവ്വ ” അവൾ പുച്ഛ ഭാവത്തിൽ പറഞ്ഞു.

നന്ദൻ അവൾക്കരികിലേക്കു ചേർന്നു നിന്നു ആ കരം ഗ്രഹിച് അവന്റെ നെഞ്ചോടു ചേർത്തു.

” മീര തന്റെ ഇഷ്ടങ്ങളായിരുനെടോ അന്ന് എന്റേം ഇഷ്ടം താൻ വിഷമിക്കുന്നത് എനിക്ക് സഹിക്കാൻ പറ്റിയില്ല..

ഒരു പക്ഷെ അന്ന് ഉണ്ണി തന്നെ കെട്ടാമെന്നു ഏറ്റിരുന്നെൽ എനിക്ക് തന്നെ നഷ്ടമായേനെ എന്നാലും തന്റെ സന്തോഷമായിരുന്നു എനിക്ക് വലുത് ”

” നന്ദേട്ടാ ” അവൾ നെഞ്ചിൽ തളം കെട്ടിയ വാത്സല്യം മുഴുവൻ സംഭരിച്ചു വിളിച്ചു
നന്ദൻ അവളെ തന്നിലേക്ക് കൂടുതൽ ചേർത്ത് നിർത്തി.

അവൾ അവന്റെ മിഴികളിലേക്കു ഉറ്റു നോക്കി കൊണ്ട് പറഞ്ഞു.

” നന്ദേട്ടാ നന്ദേട്ടൻ എത്രമാത്രം എന്നെ സ്നേഹിക്കുന്നു എന്ന് എനിക്ക് പോലും ഊഹിക്കാൻ പറ്റുന്നില്ലല്ലോ ഇതിനൊക്കെ പകരമായി ഞൻ എന്താണ് തരേണ്ടത്? ”

” ഒന്നും വേണ്ട മോളെ നിന്റെ സ്നേഹം മാത്രം മതി നന്ദേട്ടന് ” അവൻ അവളുട നെറുകിൽ തലോടി കൊണ്ട് പറഞ്ഞു.

അപ്പോഴേക്കും മീര അവന്റെ വലതു കരം കവർന്നു തന്റെ ഉദരത്തിൽ വെച്ചിരുന്നു. അവൻ ഒന്നും മനസിലാകാതെ അവളെ നോക്കി.

ഒരു ചെറു നാണം അവളുടെ വദനത്തിൽ തൊട്ടു തലോടി പോയതായി അവനു തോന്നി. അവന്റെ മുഖത്ത് നിന്നും കണ്ണ് പറിച്ചു അവൾ കീഴ്പ്പോട്ടു നോക്കി എന്നിട് പറഞ്ഞു

” നന്ദേട്ടാ നമ്മുടെ സ്നേഹത്തിനുള്ള സമ്മാനം എന്റെ ഉള്ളിൽ തുടിച്ചു തുടങ്ങിയിട്ടുണ്ട് ”
” സത്യം? ” നന്ദൻ ആവേശത്തോടെ ചോദിച്ചു.
മീര നാണത്തോടെ തലയാട്ടി
നന്ദന് സന്തോഷം അടക്കാൻ കഴിഞ്ഞില്ല.അവൻ അവളെ വാരി എടുത്തു.

” എന്താ നന്ദേട്ടാ ഇത് എന്നെ വിട് ആരേലും കാണും കെട്ടോ ” അവൾ ചിണുങ്ങി.

” ഹ കാണട്ടെഡി ” നന്ദൻ ഒരു കൂസലും ഇല്ലാതെ പറഞ്ഞു.
” ശോ ” അവൾ തലയിൽ കൈ വെച്ചു.

അപ്പോഴാണ് നന്ദന്റെ ഫോൺ റിങ് ചെയ്തത്. ഡിസ്‌പ്ലേയിൽ അക്കി എന്ന് കണ്ടതും ഇരുവർക്കും സന്തോഷം ഇരട്ടിച്ചു. നന്ദൻ ആവേശത്തോടെ ഫോൺ എടുത്തു
” ഡി അക്കി പറയടി ”

അപ്പുറത് അക്കിയുടെ ശംബ്ദം ഉയർന്നു.

” നന്ദേട്ടാ ഒരു ഹാപ്പി ന്യൂസ്‌ ഉണ്ട് ഞങ്ങൾ ബാംഗ്ലൂർ വിട്ടു ഉടൻ നാട്ടിലേക്കു വരുവാ”
” ആഹാ നല്ല ന്യൂസ്‌ ആണല്ലോ ” നന്ദൻ പറഞ്ഞു.

” ആ പിന്നെ നന്ദേട്ടാ നമ്മുടെ തറവാട് ആരെ കൊണ്ടെങ്കിലും ക്ലീൻ ചെയിക്കണേ “അതൊക്കെ ഞാൻ ഏറ്റു.. പിന്നെ ഒരു ഹാപ്പി ന്യൂസ്‌ ഉണ്ട് ” നന്ദൻ ആവേശത്തോടെ പറഞ്ഞു.
” എന്താ നന്ദേട്ടാ? ” അക്കിക്കു ആകാംഷയായി.

” നീയൊരു ചിറ്റമ്മയാകാൻ പോകുന്നു ” നന്ദൻ തന്റെ സന്തോഷം അവളോടുള്ള വാക്കുകളിൽ പ്രതിഫലിപ്പിച്ചു.

” ശെരികും? ” അക്കി അത്ഭുതത്തോടെ ചോദിച്ചു.
” ആടി ” നന്ദൻ പറഞ്ഞു.

” ആഹാ മീരേച്ചി അടുത്തുണ്ടെൽ ഫോൺ കൊടുത്തേ ”
“കൊടുക്കാം ” നന്ദൻ ഫോൺ മീരക്ക് നേരെ നീട്ടി . മീര വല്ലാതെ ചമ്മി നിൽക്കുകയായിരുന്നു ആദ്യം ഒന്ന് മടിച്ചെങ്കിലും പിന്നെ അത് മറന്നു ഫോൺ വാങ്ങി.

” ഹലോ അക്കി ” അവൾ വിളിച്ചു
” ഡി കള്ളി മീരേച്ചി പണി പറ്റിച്ചല്ലേ കൊച്ചു കള്ളി.. എന്തായാലും ഞങ്ങൾ ഉടൻ അങ്ങോട്ട്‌ വരുന്നുണ്ട് അപ്പോൾ കാണാം പിന്നെ എനിക്ക് അവിടെ കുറച്ചു പണിയുണ്ട് ചെയ്യാൻ ”
” ഉം ശെരി ശെരി”മീര ചിരിച്ചു കൊണ്ട് പറഞ്ഞു.

അക്കിയുടെ സംസാരത്തിൽ നിന്നു എന്തൊക്കെയോ പ്ലാൻ ചെയ്താണ് അവളുടെ വരവെന്ന് മീരക്കും നന്ദനും മനസിലായി.

അതെന്താണെന്നുള്ള ചോദ്യത്തിന് മാത്രം ഉത്തരം കണ്ടെത്താൻ അവർക്കായില്ല. എങ്കിലും അതൊക്കെ തല്ക്കാലം മറന്നു അവർ അവരുടെ കുഞ്ഞഥിതിയെ വരവേൽക്കാൻ തയാറായി.

(തുടരും)

💞മീര 💞 : ഭാഗം 1

💞മീര 💞 : ഭാഗം 2

💞മീര 💞 : ഭാഗം 3

💞മീര 💞 : ഭാഗം 4

💞മീര 💞 : ഭാഗം 5

💞മീര 💞 : ഭാഗം 6

💞മീര 💞 : ഭാഗം 7

💞മീര 💞 : ഭാഗം 8