💞മീര 💞 : ഭാഗം 7

നോവൽ
എഴുത്തുകാരി: അഹല്യ ശ്രീജിത്ത് വൈക്കം

---

” ഉണ്ണിയേട്ടന്റെ പ്രിയ ” മീര നെഞ്ചിൽ കൈ വെച്ചു പറഞ്ഞു. അക്കി ഒന്നും മനസിലാകാതെ നന്ദനെ നോക്കി ചോദിച്ചു
” ഉണ്ണിയേട്ടനോ അതാര്? ”

നന്ദൻ മനസ്സിൽ പൊട്ടിച്ചിരിക്കുകയായിരുന്നു.
” ഓ അതൊരു വലിയ കഥയ ഈ പ്രിയ കാരണം കരഞ്ഞത് നീ മാത്രമല്ല മറ്റൊരാൾ കൂടി ഉണ്ട് ”
” ആര്? ” അക്കിക്ക്‌ ആകാംഷയുടെ ചോദ്യമുന ഉയർന്നു.

” അത് വേറാരുമല്ല ഈ നിൽക്കുന്ന എന്റെ സഹധർമ്മിണി ” നന്ദൻ മീരയെ നോക്കി കൊണ്ട് പറഞ്ഞു. അപ്പോഴേക്കും അക്കിക്കു ആകാംഷ ഇരട്ടിച്ചിരുന്നു.

” അതെങ്ങനെയെന്നു പറ നന്ദേട്ടാ? ”
നന്ദൻ പറഞ്ഞു തുടങ്ങി.

” മീരയെ ചെറുപ്പത്തിൽ തന്നെ അവളുടെ ബന്ധുവായ ഉണ്ണിയുമായി കല്യാണം പറഞ്ഞു വെച്ചിരുന്നതാ ഉണ്ണിക്കും സമ്മതമരുന്നു അന്നൊക്കെ. അപ്പോഴാണ് ഇവർക്കിടയിലേക്കു പ്രിയ എന്ന പ്രിയ സുകുമാർ കടന്നു വന്നത്.

അവൾ ഉണ്ണിയുമായി പ്രേമത്തിലായി പിന്നെ ഉണ്ണിക് മീരയെ കാണുന്നതേ ചതുർഥിയായി ഒരുപാടു ദ്രോഹിച്ചിട്ടുണ്ട് അവർ ഈ പാവത്തെ ” നന്ദൻ പറഞ്ഞു നിർത്തിയപ്പോൾ അക്കിക്കു വല്ലാത്തൊരു അത്ഭുതം തോന്നി. അവൾ മീരക്ക് നേരെ തിരിഞ്ഞു

” ഇങ്ങനൊരു കഥയുണ്ടായിരുന്നല്ലേ മീരേച്ചി. നമുക്കിതിന് പ്രതികാരം ചെയ്യണ്ടേ? ”
ഇത് കേട്ടു മീര ഒന്ന് പുഞ്ചിരിച്ചു പിന്നെ പറഞ്ഞു.

” എനിക്ക് ആരോടും പ്രതികാരം ചെയ്യണ്ട അക്കി അവര് ചെയ്തതിനുള്ള ശിക്ഷ അവർക്കു ദൈവം കൊടുത്തോളും ”

“അങ്ങനെ ദൈവത്തിനു ആ കടമ വിട്ടു കൊടുത്തിട്ടു ചുമ്മാ ഇരിക്കാൻ ഈ അക്കിക്കു പറ്റില്ല എനിക്ക് കിട്ടിയ ചുറുപ് ചീട്ടാണ് നന്ദേട്ടൻ പറഞ്ഞ ഈ കാര്യങ്ങൾ ഇത് വെച്ചു ഞാൻ ഒരു കളി കളിക്കും ”

അക്കി വാശിയോടെ പറഞ്ഞു.

” നീ എന്ത് ചെയ്യാൻ പോകുവാ അക്കി? ” നന്ദൻ ആകാംഷയോടെ ചോദിച്ചു.
ഇത് കേട്ടു ചുണ്ടിൽ ഒരു ചെറു ചിരി വരുത്തി അവൾ പറഞ്ഞു.

” നന്ദേട്ടൻ കണ്ടോ ഞാൻ എന്താ ചെയ്യാൻ പോകുന്നതെന്ന്.. എന്തായാലും ഞങ്ങൾ അധികം താമസിക്കാതെ നാട്ടിലേക്കു പോരും അപ്പോൾ ബാക്കി അവിടെ വന്നിട്ട് ” ഇത്രയും പറഞ്ഞു അവൾ മുറിയിൽ നിന്നു ഇറങ്ങി പോയി. അവൾ എന്തൊക്കെയോ തീരുമാനിച്ചുറപ്പിച്ചത് പോലെ നന്ദനും മീരക്കും തോന്നി .

**

അമ്മാവനും കുടുംബത്തിനുമൊപ്പം കുറച്ചു സമയം ചെലവഴിച്ചതിനു ശേഷം നന്ദനും മീരയും യാത്ര പറഞ്ഞിറങ്ങാൻ തുടങ്ങി.

” എന്താ നന്ദ ഇത് നിങ്ങൾക് ഇവിടെ നിന്നൂടെ? ” അമ്മായി ചോദിച്ചു
” വേണ്ടമ്മായി ഞങ്ങൾ റൂം ബുക്ക്‌ ചെയ്തിരുന്നു ”

അമ്മായിയുടെ മുഖം ഒന്ന് വാടി.

” എന്നാലും നന്ദ അത് വേണ്ടായിരുന്നു പിന്നെ സർജറി കഴിഞ്ഞയുടൻ യാത്ര പാടില്ലല്ലോ അപ്പോൾ ആരാ മീരയുടെ കാര്യങ്ങൾ നോക്കുന്നെ? ”

അമ്മായി വീണ്ടും ചോദ്യങ്ങൾ ഉയർത്തി
” അത് പിന്നെ ഇവളുടെ പേരെന്റ്സ് വരും സര്ജറിടെ ഡേറ്റ് ആകുമ്പോൾ എത്തിയാൽ മതിയെന്ന് ഞാൻ പറഞ്ഞിരുന്നു ”

നന്ദൻ പറഞ്ഞു

” നന്ദ അവരോടു വരണ്ടാന്നു പറ മീര മോളെ ഞങ്ങൾ നോക്കിക്കോളാം ” അമ്മായി ഇത്രയും പറഞ്ഞു മീരയുടെ നെറുകിൽ തലോടി.

നന്ദൻ ചിരിച്ചു
” അത് വേണ്ട അമ്മായി ”
” വേണം ” അമ്മായിയുടെ ശബ്ദo കനത്തു .

നന്ദന് എന്ത് പറയണം എന്ന് സംശയമായി അവൻ മീരയെ നോക്കി അവൾക്കും പറയാൻ മറുപടി ഇല്ലായിരുന്നു. ഒടുവിൽ അങ്ങനെ തന്നെയാകട്ടെ എന്ന് പറഞ്ഞു അവർ അവിടെ നിന്നു ഇറങ്ങി.

**

റൂമിലെത്തിട്ടും മീര ആകെ അസ്വസ്ഥയായിരുന്നു. നന്ദൻ അത് ശ്രദ്ധിക്കാതിരുനില്ല. ബെഡിന്റ ഓര്ത്ത് ചാരി ഇരിക്കുകയായിരുന്ന മീരയുടെ സമീപം നന്ദനും ഇരുന്നു.
” എന്താടോ ഒരു വിഷാദ ഛായ തനിക്കു? ”

അവൾ ആലോചന നിർത്തി അവനെ ഒന്ന് നോക്കി.

” എന്നാലും നന്ദേട്ടാ ആ പ്രിയ ഉണ്ണിയേട്ടനെ ചതിച്ചല്ലോ ”

അവൾ അത് പറയുമ്പോൾ നന്ദന്റെ ഉള്ളിൽ പൊട്ടി ചിരിക്കുകയായിരുന്നു.
” എന്താ മീര തനിക്കു ഉണ്ണിയോട് സിംപതിയാണോ? ”

” ഒന്ന് പോ നന്ദേട്ടാ ”
അവൾ പരിഭവം നടിച്ചു നന്ദന്റെ നെഞ്ചിൽ ചെറുതായി ഒന്നിടിച്ചിട്ടു തിരിഞ്ഞു കിടന്നു.
” നന്ദേട്ടന്റെ മീര കുട്ടി പിണങ്ങിയോ ഇപ്പോൾ അതൊന്നും മോളു ചിന്തിക്കേണ്ട നീ നമ്മടെ കുഞ്ഞിനെ കുറിച്ച് ചിന്തിക്കു ”

” കുഞ്ഞോ? ” അവൾ തിരിഞ്ഞു കിടന്നു നന്ദനെ നോക്കി.
” അതെ കുഞ്ഞു ഈ സർജറി കഴിഞ്ഞു റെസ്റ്റും കഴിഞ്ഞു മോളു എണീറ്റാൽ ഉടൻ നമുക്ക് അതിനെ പറ്റി ചിന്തിക്കണം ” നന്ദൻ കള്ള ചിരിയോടെ പറഞ്ഞു.

മീരയുടെ മുഖം നാണത്താൽ അകൃതമായി.അത് മറയ്ക്കാനുള്ള ഉപായമായി അവൾ അവന്റെ നെഞ്ചോടു പറ്റി ചേർന്നു കിടന്നു. അപ്പോഴും അവന്റെ നെഞ്ചിലെ സ്നേഹതിണമിടുപ്പുകൾ അവളുടെ കർണ്ണമണ്ഡലങ്ങളിലേക്ക് ആഴ്ന്നിറങ്ങി കൊണ്ടിരുന്നു.

**

ഇന്ന് മീരയുടെ സർജറി നടക്കുന്ന ദിവസമാണ് തലേന്ന് വൈകിട്ട് തന്നെ നന്ദൻ അവളെ അഡ്മിറ്റ്‌ ചെയ്തിരുന്നു.

നന്ദന്റെ നിർദേശപ്രകാരം അവളുടെ അച്ഛനമ്മമാർ അവരുടെ അങ്ങോട്ടേക്കുള്ള വരവ് വേണ്ടാന്ന് വെച്ചിരുന്നു.

അമ്മാവനും അമ്മായിയും അക്കിയും നേരത്തെ തന്നെ ഹോസ്പിറ്റലിൽ എത്തിയിരുന്നു. മീരയുടെ മനസ്സിൽ ആകെ ഒരു ആധി ആളി പിടിച്ചിരുന്നു. നന്ദനും അതെ അവസ്ഥ ആയിരുന്നെങ്കിലും അവൻ അതിനൊക്കെ മറ കണ്ടെത്തി കഴിഞ്ഞിരുന്നു.

നന്ദനെ അടുത്ത് നിന്നു മാറാതെ മീര അടക്കി വെച്ചിരുന്നു. അ ക്കിയാണേൽ കല പില ചിലച്ചു മീരക്ക് ആത്മധൈര്യം പകരാൻ ശ്രമിച്ചു കൊണ്ടേയിരുന്നു.

” മീരേച്ചിക്ക്‌ എന്തൊരു ടെന്ഷനാ നന്ദേട്ടാ ”
അക്കി മീരയെ ഒന്ന് തണുപ്പിക്കാൻ എന്നോണം പറഞ്ഞു.

” എനിക്ക് പേടി ഒന്നുല ” മീര പറഞ്ഞു.

” ഇല്ല ഇല്ല ഒട്ടും ഇല്ല പേടി ഇല്ലാത്തോരാള് ” ഈ പറഞ്ഞത് നന്ദൻ ആരുന്നു. മീര നന്ദനെ നോക്കി മുഖം വീർപ്പിച്ചു.

നന്ദൻ ഒന്ന് ചിരിച്ചു. അപ്പോഴാണ് നേഴ്സ് വന്നത്.

” മീരയെ ഓപ്പറേഷൻ തീയേറ്ററിലേക്കു കൊണ്ട് പോകാൻ സമയമായി പോന്നോളൂ ”
അവൾക്കു മുൻപിലേക്ക് ഒരു സ്ട്രക്ചർ വന്നു നിന്നു അതിലേക്കു അവളെ നന്ദൻ കൈ പിടിച്ചിരുത്തി.

പോകുന്ന വഴി മീര നന്ദന്റെ കൈയിൽ ഇറുകെ പിടിച്ചു അവൻ അവളെ ദയനീയമായി ഒന്ന് നോക്കി പിന്നെ ഒന്നുമില്ല സമാധാനമായിരിക്കാൻ കണ്ണുകൾ കൊണ്ട് മൊഴിഞ്ഞു.

മീരയെ അകത്തേക്ക് കയറ്റി. നന്ദന് ടെൻഷൻ കൂടി. അവൻ അങ്ങോട്ടും ഇങ്ങോട്ടും എന്തൊക്കെയോ ചിന്തിച്ചു നടക്കാൻ തുടങ്ങി. അക്കി അവനെ ആശ്വസിപ്പിക്കാൻ ആവുന്നത്ര ശ്രമിച്ചു കൊണ്ടിരുന്നു.

സമയം വേഗത്തിൽ ചക്രം തിരിച്ചു കൊണ്ടിരുന്നു. സർജറി കഴിയേണ്ട സമയം അതിക്രമിച്ചിട്ടും അകത്തു നിന്നു യാതൊരു പ്രതികരണവും ഉണ്ടായിരുന്നില്ല. നന്ദൻ ആകെ പരിഭ്രാന്തനായി. ഇത്തവണ അക്കിക്കും ചെറിയൊരു നെഞ്ചിടിപ്പ് ഉണ്ടായി.

അപ്പോഴേക്കും ഒരു നേഴ്സ് പുറത്തേക്കു വന്നു. അവരെ കണ്ടതും നന്ദൻ ഓടി അവർക്കരികിലെത്തി.

” സിസ്റ്റർ ഇത് വരെ സർജറി കഴിഞ്ഞില്ലേ? എന്തെങ്കിലും കുഴപ്പമുണ്ടോ? ”
നന്ദന്റെ ചോദ്യങ്ങൾക്കു ഉത്തരം നൽകാതെ അവർ പുറത്തേക്ക് ഇറങ്ങി പോയി.

നന്ദന്റെ മനസ്സിൽ ആയിരം പെരുമ്പറകൾ ഒന്നിച്ചു മുഴങ്ങിക്കൊണ്ടിരുന്നു..

അപ്പോഴേക്കും ഡോക്ടർ പുറത്തേക്കു വന്നു അത് കണ്ടെങ്കിലും ഡോക്ടറോട് ഒന്നും തന്നെ ചോദിക്കാൻ നന്ദന് ആയില്ല അത്രക് അവൻ തളർന്നിരുന്നു. ഡോക്ടർ അവന്റെ സമീപമെത്തി.

” മിസ്റ്റർ നന്ദൻ പ്ലീസ് കം ടു മൈ റൂം ” നന്ദൻ കേട്ടപക്ഷം കേൾക്കാത്ത പക്ഷം ഡോക്ടർക്ക് പിന്നാലെ നടന്നു അതും കീ കൊടുത്ത് വിട്ട ഒരു കളി പാവ പോലെ.

ഡോക്ടർക്കൊപ്പം നന്ദനും റൂമിൽ എത്തി. എന്ത് സംഭവിച്ചു എന്ന് അറിയാതെ നിൽക്കുകയാരുന്നു അവൻ അപ്പോഴും.

” നന്ദ പ്ലീസ് ടേക്ക് ദിസ്‌ സീറ്റ്‌ ” തന്റെ മുൻപിലുള്ള ചെയർ ചൂണ്ടി കാണിച്ചു ഡോക്ടർ പറഞ്ഞു. നന്ദൻ അല്പം ചിന്തിച്ചു നിന്നതിനു ശേഷം ചെയറിലേക്കു ഇരുന്നു അതും യാന്ത്രികമായി തന്നെ. അവന്റെ ചുണ്ടുകൾ വിറച്ചു.

” ഡോക്ടർ മീരക്ക് എന്ത് സംഭവിച്ചു? ”
നെഞ്ചിടിപ്പോടെ അവൻ ചോദിച്ചു

” നന്ദ മീരയുടെ സർജറി സക്‌സസ് ആയോ എന്ന് അറിയണേൽ കുറഞ്ഞത് രണ്ടു ദിവസം എങ്കിലും പിടിക്കും അപ്പോഴേ അപ്പോഴേ പെയിൻ കുറച്ചു കുറയു ”

” ഡോക്ടർ എനി പ്രോബ്ലം? ” നന്ദൻ ആകാംഷാഭരിതനായി.
” ഏയ്‌ ജസ്റ്റ്‌ വെയിറ്റ് ” ഡോക്ടർ അവനെ സമാധാനിപ്പിക്കുന്നോണം പറഞ്ഞു.

(തുടരും)

💞മീര 💞 : ഭാഗം 1

💞മീര 💞 : ഭാഗം 2

💞മീര 💞 : ഭാഗം 3

💞മീര 💞 : ഭാഗം 4

💞മീര 💞 : ഭാഗം 5

💞മീര 💞 : ഭാഗം 6