സർക്കാർ ജീവനക്കാർക്ക് യുഎഇയിൽ ബലി പെരുന്നാൾ അവധി പ്രഖ്യാപിച്ചു
ദുബായ്: ബലി പെരുന്നാൾ പ്രമാണിച്ച് യുഎഇയിലെ സർക്കാർ ജീവനക്കാർക്ക് അവധി പ്രഖ്യാപിച്ചു. ഫെഡറൽ അതോറിറ്റി ഫോർ ഗവൺമെന്റ് ഹ്യൂമൻ റിസോഴ്സസ് പ്രഖ്യാപന പ്രകാരം ജൂലൈ 8 മുതൽ 11 വരെ നാല് ദിവസത്തെ അവധിയായിരിക്കും ഉണ്ടാവുക. സർക്കാർ ഓഫീസുകൾ ജൂലൈ 12ന് സാധാരണ നിലയിൽ പ്രവർത്തിക്കും.
Thank you for reading this post, don't forget to subscribe!ദുൽ ഹജ് മാസപ്പിറവി ഇന്നലെ സൗദി അറേബ്യയിൽ ദർശിച്ചതിനെ തുടർന്ന് ഇന്നാണ് മാസത്തിലെ ആദ്യ ദിവസം. ജൂലൈ 9 നാണ് പെരുന്നാൾ ആഘോഷിക്കുന്നത്. യുഎഇയിൽ പൊതു, സ്വകാര്യ അവധി ദിനങ്ങൾ ഏകീകരിച്ചിട്ടുണ്ടെങ്കിലും സ്വകാര്യ മേഖലയിലെ അവധികൾ ഉടൻ പ്രഖ്യാപിക്കും.