🖤പ്രണയവർണ്ണങ്ങൾ🖤: ഭാഗം 40 || അവസാനിച്ചു

രചന: ആമി

ഗൗരിയുടെയും രുദ്രിന്റെയും ജീവിതത്തിൽ പിന്നീട് സന്തോഷം നിറഞ്ഞ നാളുകൾ ആയിരുന്നു.. പ്രണയവും പ്രാണനും പകുത്തു നൽകി അവർ സ്നേഹിച്ചു കൊണ്ടിരുന്നു.. യാതൊരു തടസ്സവും ഇല്ലാതെ.. ഒപ്പം അവരുടെ പ്രണയത്തിന്റെ സമ്മാനമായ് ദൈവം കനിയുന്ന ആ കുരുന്നു ജീവന് വേണ്ടിയും.. ഗൗരിയുടെ വീട്ടിൽ പോലും വിടാതെ അവളുടെ സാമീപ്യം നഷ്ടപ്പെടാൻ ആഗ്രഹിക്കാതെ രുദ്ര് അവന്റെ സ്നേഹം അവളിൽ ചൊരിഞ്ഞു.. അവന്റെ ശ്വാസവും ഗന്ധവും അറിയാതെ അവൾക്കും നാളുകൾ തള്ളി നീക്കൽ ദുസ്സഹം ആയിരുന്നു.. അത് കൊണ്ട് തന്നെ വിനയനും സീതയും ഇടയ്ക്ക് വന്നു അവരോടൊപ്പം താമസിക്കും..

രുഗ്മിണി അധികവും അവിടെ തന്നെ ആയിരുന്നു.. കാർത്തിയുടെ മുറിവ് എല്ലാം മാറി എങ്കിലും അവൻ പിന്നെ രുദ്രിന്റെ അടുത്ത് വന്നിരുന്നില്ല.. കുറ്റബോധം ആയിരിക്കും എന്ന് രുദ്രിന് അറിയാമായിരുന്നു.. എങ്കിലും മനസ്സിൽ കാർത്തിയെ ഓർത്ത് സങ്കടം ഉണ്ടായിരുന്നു.. ഗൗരിക്ക് ഇപ്പോൾ ഒമ്പത് മാസം തികഞ്ഞു.. അടുത്ത ആഴ്ച ഡേറ്റ് പറഞ്ഞിരിക്കുന്നു.. സന്തോഷവും ഒപ്പം കുറച്ചു പേടിയും അവളുടെ ഉള്ളിൽ ഉണ്ടെങ്കിലും രുദ്രിന്റെ ഒരു തലോടൽ കൊണ്ട് അവൾക്ക് അതെല്ലാം മഞ്ഞു പോയി..അവന്റെ കൂടെ ഉള്ള ഓരോ നിമിഷങ്ങളും ആസ്വദിച്ചു കൊണ്ട് അവൾ കാത്തിരുന്നു.. രാത്രിയിൽ ഗൗരിയുടെ അടുത്ത് കിടന്നു അവളുടെ പൊന്തിയ വയറിൽ പതിയെ തലോടി കിടക്കുകയായിരുന്നു രുദ്ര്..

അവന്റെ മുടിയിൽ തലോടി കണ്ണുകൾ അടച്ചു ഗൗരിയും.. ഗൗരി.. മ്മ്.. നല്ല ചവിട്ട് കിട്ടുന്നുണ്ട് ലെ.. പിന്നെ കിട്ടാതെ.. പുറത്തു കിടക്കുന്ന നിങ്ങളുടെ പരാക്രമം എനിക്ക് അറിയില്ലേ.. അതിന്റെ വിത്ത് അല്ലെ.. പിന്നെ എങ്ങനെ കുറയും.. ഡി.. വേണ്ടേ.. ദേവേട്ടന് പേടി ഉണ്ടോ.. നീയും വാവയും വരും വരെ പേടി തന്നെ അല്ലെ.. ഒന്നും ഉണ്ടാവില്ല.. ഞാനും എന്റെ മോനും കൂടെ വേഗം വരും.. മോനോ.. മ്മ്.. ചവിട്ട് കിട്ടുമ്പോൾ തന്നെ അറിയുന്നുണ്ട് കുഞ്ഞു രുദ്ര് ദേവ് ആണെന്ന്.. രുദ്ര് പതിയെ ഉയർന്ന അവളുടെ മാറിൽ തല വച്ചു.. അവളുടെ നെഞ്ചിൽ മുഖം പൂഴ്ത്തി.. ഗൗരി അവനെ ഇറുക്കി പിടിച്ചു.. ഞാനും എന്റെ അമ്മയുടെ വയറ്റിൽ കിടക്കുമ്പോൾ ഇങ്ങനെ ആയിരിക്കും അല്ലെ ഡി..

അവന്റെ ഉള്ളിലെ സങ്കടം വാക്കുകളിൽ വന്ന വിറയലിൽ നിന്നും ഗൗരിക്ക് മനസിലായി.. മറുപടി പറയാൻ അവൾക്ക് ഒന്നും ഉണ്ടായിരുന്നില്ല.. അവനെ ഇറുക്കി പിടിക്കുമ്പോൾ അവളുടെ കണ്ണുകളും നിറഞ്ഞു ഒഴുകി.. ഒരു കൈ കൊണ്ട് അവളുടെ വയറ്റിലും മറു കൈ കൊണ്ട് അവളുടെ തലയിലും തടവി അവൻ ഉറങ്ങി.. എന്നാൽ ഗൗരിക്ക് അസ്വസ്ഥത പോലെ തോന്നി.. ഗൗരി പതിയെ എഴുന്നേറ്റു രുദ്രിനെ മാറ്റി.. അവൾ എഴുനേറ്റു ഇരുന്നു.. വയറിൽ അസഹിണീയമായ വേദന തോന്നിയതും ഗൗരി രുദ്രിനെ വിളിച്ചു.. വേദന കൊണ്ട് കരയുന്ന ഗൗരിയെ കണ്ടു പേടിച്ചു രുദ്ര് എഴുനേറ്റു..

എന്ത് ചെയ്യണം എന്ന് അറിയാതെ അവൻ അടുത്ത മുറിയിൽ കിടക്കുന്ന രുഗ്മിണിയെ പോയി വിളിച്ചു.. വേദന നിറഞ്ഞ മുഖത്തോടെ രുഗ്മിണിയുടെ തോളിൽ തല ചായ്ച് ഇരിക്കുന്ന ഗൗരിയെ തന്നെ നോക്കി രുദ്ര് ആവലാതിയോടെ കാർ സ്പീഡിൽ വിട്ടു.. ഹോസ്പിറ്റലിൽ രുദ്ര് ഒട്ടും ക്ഷമ ഇല്ലാതെ അങ്ങോട്ടും ഇങ്ങോട്ടും നടന്നു.. ഗൗരിയുടെ കരയുന്ന മുഖം കണ്ണിൽ കാണുമ്പോൾ എല്ലാം ഉള്ളിൽ വേദന കൊണ്ട് നിറയും.. അപ്പോളെക്കും വിനയനും സീതയും എത്തിയിരുന്നു.. അവരെ കൂട്ടി സൂര്യൻ ആയിരുന്നു വന്നത്..രുദ്ര് സമയം നോക്കി കസേരയിൽ അക്ഷമയോടെ ഇരുന്നു.. ഗൗരിയുടെ ആളുകൾ ഉണ്ടോ.. നേഴ്സ് പുറത്തു വന്നു ചോദിച്ചതും രുദ്ര് വേഗം എഴുനേറ്റു.. അവർ ഒരു പേപ്പർ കൊടുത്തു അത് വാങ്ങാൻ വേണ്ടി പറഞ്ഞു..

രുദ്ര് വേഗം തന്നെ അത് വാങ്ങാൻ വേണ്ടി പോയി.. മരുന്ന് വാങ്ങി തിരിച്ചു വരുമ്പോൾ അവൻ ആ കാഴ്ച കണ്ടു ഒരു നിമിഷം നിന്നു.. രുഗ്മിണിയുടെ കയ്യിൽ ഒരു തുണിയിൽ പൊതിഞ്ഞു തന്റെ കുഞ്ഞു.. പിന്നെ ഒന്നും നോക്കാതെ അവന്റെ കാലുകൾ വേഗം ചലിച്ചു.. അടുത്ത എത്തി കുഞ്ഞിന്റെ മുഖം കണ്ടതും അവന് ഗൗരിയെ ഓർമ വന്നു.. ആ നിമിഷം തന്നെ അവൻ അകത്തേക്കു പോകാൻ നിന്നതും വിനയൻ അവനെ തടഞ്ഞു.. അവൾക്ക് കുഴപ്പം ഒന്നും ഇല്ല.. അവൻ ആശ്വാസത്തോടെ കുഞ്ഞിന് വേണ്ടി കൈ നീട്ടി.. രുഗ്മിണി പതിയെ അവന്റെ കയ്യിൽ വച്ചു കൊടുത്തു..

ആൺ കുഞ്ഞു ആണ് ദേവാ.. രുഗ്മിണി പറഞ്ഞതും ഗൗരിയുടെ വാക്കുകൾ അവന്റെ മനസ്സിൽ ഓടി എത്തി.. അതെ ഗൗരി.. അവൾ എനിക്ക് ഒരു കുഞ്ഞു രുദ്ര് ദേവിനെ സമ്മാനിച്ചിരിക്കുന്നു.. ഒരു അച്ഛന്റെ വാത്സല്യം എന്നിൽ നിറച്ചിരിക്കുന്നു.. ആ കുഞ്ഞു നെറ്റിയിലും കുഞ്ഞു കയ്യിലും എല്ലാം അവൻ ചുംബനം നൽകി.. മനസ്സിൽ ഗൗരിയുടെ മുഖം ഒരു നോക്ക് കാണണം എന്ന് ആഗ്രഹം ഉണ്ടായിരുന്നു.. കുറച്ചു നിമിഷങ്ങൾക്ക് ശേഷം ഗൗരിയെ മുറിയിലേക്ക് മാറ്റി.. തളർന്നു കിടക്കുന്ന അവളെ നോക്കി രുദ്ര് നിന്നു.. അവൾ കണ്ണുകൾ കൊണ്ട് എന്താ എന്ന് ചോദിച്ചു..

അവൻ തല ആട്ടി ഒന്നും ഇല്ലെന്നു കാണിച്ചു.. അവർക്ക് ഒരുപാട് സംസാരിക്കാൻ ഉണ്ടായിരുന്നു.. പക്ഷെ അവർ എല്ലാം ഉള്ളത് കൊണ്ട് രുദ്ര് മാറി അവളെ തന്നെ നോക്കി നിന്നു.. ഇടയ്ക്ക് കരയുന്ന കുഞ്ഞിനേയും അവളെയും കൺ കുളിർക്കെ കാണുമ്പോൾ ഏറ്റവും ഭാഗ്യം ആ കാഴ്ച തന്നെ ആണെന്ന് അവന് തോന്നി.. നേരം വെളുത്തതും സീതയെ അവിടെ ആക്കി രുഗ്മിണിയും സൂര്യനും പോയി.. വിനയൻ അപ്പുവിനെ അടുത്ത വീട്ടിൽ ആക്കിയാണ് വന്നത് എന്ന് പറഞ്ഞു അവനെ കൊണ്ട് വാരാൻ പോയി.. ഗൗരിക്ക് വേണ്ടി മരുന്ന് വാങ്ങാൻ വേണ്ടി സീത പുറത്തു പോയതും രുദ്ര് അവളെ തനിച്ചു കിട്ടിയ സന്തോഷത്തിൽ അകത്തു പോയി..

കണ്ണടച്ച് കിടക്കുന്ന ഗൗരിയുടെ നെറ്റിയിൽ പതിയെ തലോടി.. ആ നിമിഷം അവന്റെ സാമീപ്യം അറിഞ്ഞു അവൾ കണ്ണുകൾ തുറന്നു.. കുഞ്ഞി കണ്ണുകൾ പൂട്ടി ഉറങ്ങുന്ന കുഞ്ഞിന്റെ നെറ്റിയിൽ അവൻ ചുംബിച്ചു കൊണ്ട് അവളുടെ അടുത്ത് ഇരുന്നു.. ദേവേട്ടൻ ഇന്നലെ ഉറങ്ങിയില്ലേ.. മുഖം ഒക്കെ ക്ഷീണം പോലെ ഉണ്ടല്ലോ.. എങ്ങനെ ഉറങ്ങും.. നിങ്ങളെ കാത്തു ഇരുക്കുവല്ലയിരുന്നോ.. അവളുടെ കൈ അവന്റെ കൈക്കുള്ളിൽ ആക്കി അവൻ അവളെ തന്നെ നോക്കി ഇരുന്നു.. അച്ഛൻ പറഞ്ഞോ.. എന്ത്.. വീട്ടിൽ പോകുന്ന കാര്യം.. സൂചിപ്പിച്ചു.. എതിർപ്പ് ഒന്നും പറയണ്ട..

നിനക്ക് വേണ്ടി അല്ലെ.. അത്കൊണ്ട് കുഴപ്പം ഇല്ല.. പക്ഷെ നീ ഇല്ലാതെ.. അവന്റെ മുഖത്തു തലോടി അവൾ ചിരിച്ചു.. അവളുടെ നെറ്റിയിലും കവിളും ചുംബിച്ചു കൊണ്ട് അവൻ എഴുനേറ്റു..അപ്പോൾ ആണ് പുറകെ നിൽക്കുന്ന കാർത്തിയെയും ബാമയേയും അവർ കണ്ടത്.. ഭാമ അകത്തു വന്നു കുഞ്ഞിനെ എടുത്തു ഗൗരിയുടെ അടുത്ത് ഇരുന്നു.. കാർത്തി അകത്തു കയറാൻ മടിച്ചു കൊണ്ട് വാതിൽക്കൽ തന്നെ നിന്നു.. എന്നാലും എന്റെ ഏടത്തി.. ദേവേട്ടനെ കുറിച്ച് എന്തൊക്കെയാ പറഞ്ഞേ.. ഇപ്പോൾ കിടക്കുന്ന കിടപ്പ കണ്ടോ.. നീ പോടീ.. അവർ ചിരിച്ചു.. കാർത്തി അകത്തു വന്നു ഭാമയുടെ കയ്യിലെ കുഞ്ഞിനെ ഒന്നു നോക്കി.. ഗൗരിയെയും നോക്കി കുഞ്ഞിന്റെ കയ്യിൽ ഒരു ഉമ്മ കൊടുത്തു അവൻ പുറത്തു ഇറങ്ങി..

രുദ്രിനെ നോക്കാതെ പോകാൻ നിന്ന കാർത്തിയെ രുദ്ര് തടഞ്ഞു.. കാർത്തി.. സോറി ഏട്ടാ.. മനസ്സിൽ ഇരുട്ട് നിറഞ്ഞപ്പോൾ നിങ്ങളുടെ ഒക്കെ സ്നേഹത്തിന്റെ വെളിച്ചം ഞാൻ കണ്ടില്ല.. അതൊക്കെ പോട്ടെ ഡാ.. നീ എന്നും എന്തെങ്കിലും പ്രശ്നം ഉണ്ടാക്കി എന്റെ അടുത്ത് വരില്ലേ.. അത് പോലെ തന്നെ ഉള്ളു ഇതും.. കാർത്തി കരഞ്ഞു കൊണ്ട് രുദ്രിനെ കെട്ടിപിടിച്ചു.. ഇതെല്ലാം കണ്ടു ഭാമയ്ക്ക് ഒന്നും മനസിലായില്ല..എന്നാൽ ഗൗരി സന്തോഷം കൊണ്ട് ചിരിച്ചു.. ഇതെന്താ ഏടത്തി അനിയനും ചേട്ടനും കൂടെ ഒരു കെട്ടിപ്പിടുത്തം.. അത് വിട്.. അല്ല..നീ എന്ന ഇങ്ങനെ കിടക്കുന്നെ.. അധികം താമസം ഉണ്ടാവില്ല എന്ന് തോന്നുന്നു.. ഭാമ തല താഴ്ത്തി പറഞ്ഞതും ഗൗരി അന്തം വിട്ടു അവളെ നോക്കി..

അവരുടെ ജീവിതത്തിൽ എന്നും സന്തോഷം നിറയട്ടെ എന്ന് ഗൗരി പ്രാർത്ഥിച്ചു.. കാർത്തിയോട് സംസാരിക്കുമ്പോളും രുദ്രിന്റെ കണ്ണുകൾ തന്നിൽ ആണെന്ന് കണ്ടു ഗൗരി ചിരിച്ചു.. ആ നോട്ടത്തിൽ നിന്നും ഒരു മോചനം ഇല്ലെന്നു അറിയും പോൽ.. രണ്ടു ദിവസത്തിന് ശേഷം അവർ ഹോസ്പിറ്റലിൽ നിന്നും വിട്ടു.. ഗൗരിയെ അവളുടെ വീട്ടിൽ കൊണ്ട് പോയി.. കുഞ്ഞിനെ കൊണ്ട് വരുന്നതിൽ ഏറ്റവും സന്തോഷം അപ്പുവിന് ആയിരുന്നു.. അവളെ വീട്ടിൽ ആക്കി മടങ്ങുമ്പോൾ രുദ്ര് അവളെ കെട്ടിപിടിച്ചു.. നീ ഇല്ലാതെ.. ദേ.. ഞാൻ ഇല്ലെന്നു കരുതി വല്ല കുരുത്തകേടിനും പോയാൽ ഉണ്ടല്ലോ.. എന്നും എന്നെ കാണാൻ വന്നോണം.. പിന്നെ ഫോൺ വിളിച്ചോണം.. പിന്നെ..

ഇനി എന്താ.. ഇനി ഒരു ഉമ്മ തന്നിട്ട് പൊയ്ക്കോ.. രുദ്ര് ചിരിച്ചു കൊണ്ട് അവളുടെ ചുണ്ടിൽ അമർത്തി ചുംബിച്ചു.. അവനെ കെട്ടിപ്പിടിക്കാൻ തുടങ്ങിയതും കുഞ്ഞു ഉണർന്നു കരഞ്ഞു.. അവനെ എടുത്തു അവൾ രുദ്രിന്റെ അടുത്ത് വന്നു.. അവരെ കൺ നിറയെ കണ്ടു രുദ്ര്അവരോടു യാത്ര പറഞ്ഞു ഇറങ്ങി.. നാലു വർഷത്തിന് ശേഷം.. ഗൗരി ആരെയോ തിരഞ്ഞു കൊണ്ട് വീടെല്ലാം നടക്കുകയാണ്..മുഖത്തു ചെറിയ പരിഭ്രമവും ഉണ്ട്.. ഒടുവിൽ അവളുടെ മുഖത്തു ചിരി പടർന്നു.. അവൾ പതിയെ പതിയെ അവിടേക്ക് പോയി.. കർട്ടൺ പുറകിൽ ഉള്ള രണ്ടു കുഞ്ഞി കാലുകൾ കണ്ടു അവൾ വേഗം ഓടി പോയി അവനെ എടുത്തു..

കണ്ടു പിടിച്ചേ.. ആദി തോറ്റേ.. ഇല്ല ഇല്ല.. ഇനിം മേണം.. ഇനി ഞാന ജയിക്കാ.. ആഹാ ഇങ്ങനെ പറഞ്ഞു പറഞ്ഞു എത്രമത്തെ കളി ആണെന്ന് അറിയോ.. ഇത് ലാസ്റ്റ്.. ഇനി ഇല്ല.. ശരി.. ഇനി ഞാൻ ഒളിക്കും.. നീ കണ്ടു പിടിക്ക്.. അവൻ ശരി പറഞ്ഞു എണ്ണാൻ തുടങ്ങി.. ഗൗരി വേഗം ഹാളിലെ വാതിലിനു പുറകിൽ പോയി നിന്നു.. ആദി ദേവ്.. അവരുടെ പ്രണയത്തിന്റെ സമ്മാനത്തിന് നാല് വയസ്സ് തികഞ്ഞു.. അവന്റെ കുറുമ്പുകൾ കൊണ്ട് ആ വീടൊരു സ്വർഗം ആയി മാറി.. ഗൗരിയെ തിരിഞ്ഞു ആദി എല്ലാടത്തും നോക്കി..അവനെ നോക്കി പുറകിലേക്ക് തിരിഞ്ഞതും അവളുടെ ഇടുപ്പിലൂടെ ഒരു കൈ ഇഴഞ്ഞു.. ഗൗരി ഞെട്ടി തിരിഞ്ഞതും രുദ്ര് അവളുടെ വാ പൊത്തി ഭിത്തിയിൽ ചേർന്ന് നിർത്തി.. അവന്റെ നോട്ടം അവളുടെ ശ്വാസഗതി ഉയർത്തി..

അവന്റെ കൈകൾ അവളുടെ ചുണ്ടിൽ തലോടി.. പതിയെ അവന്റെ മുഖം അവളോട്അടുത്തതും പുറകിൽ നിന്നും കൈകൊട്ടി ഒരു കുഞ്ഞി ചിരി അവിടെ പരന്നു.. അമ്മയെ കണ്ടു പിടിച്ചേ.. അമ്മ തോറ്റേ.. ആദി ഓടി വന്നു രുദ്രിന് നേരെ കൈ നീട്ടി.. രുദ്ര് അവനെ എടുത്തു കവിളിൽ ചുംബിച്ചു.. അച്ഛാ അമ്മ ഇന്ന് എല്ലാ കളിയിലും തോറ്റു.. ആണോ.. അമ്മ പണ്ടേ തോറ്റു പോയത് ആണ്.. അച്ഛന്റെ സ്നേഹത്തിൽ.. അവളെ ഇടം കണ്ണിട്ട് നോക്കി രുദ്ര് അത് പറയുമ്പോൾ ഗൗരി മുഖം കൊട്ടി അടുക്കളയിൽ പോയി.. അവൾ തിരിച്ചു വരുമ്പോൾ ബാത്രൂമിൽ അച്ഛന്റെയും മോന്റെയും ബഹളം ആയിരുന്നു..

അവർ കുളിക്കാൻ കയറിയെന്നു മനസ്സിലായതും ഗൗരി തോർത്ത്‌ എടുത്തു ബാത്‌റൂമിനു വെളിയിൽ പോയി നിന്നു.. ദേവേട്ട വാതിൽ തുറന്നെ.. രുദ്ര് വാതിൽ തുറന്നു.. ഷവറിനു കീഴിൽ നിൽക്കുന്ന ആദിയെ കണ്ടു ഗൗരി രുദ്രിനെ ദേഷ്യത്തിൽ നോക്കി.. പിന്നെ ഷവർ ഓഫ് ചെയ്തു അവന്റെ തല തുവർത്തി കൊടുത്തു.. ആദിയെ കൊണ്ട് പോകാൻ നിന്ന ഗൗരിയുടെ കയ്യിൽ രുദ്ര് പിടിച്ചു അവളെ തടഞ്ഞു.. എനിക്ക് ഇല്ലേ.. കൊച്ചു കുട്ടികളെ പോലെ ചോദിക്കുന്ന അവന്റെ മുഖം കണ്ടു അവളുടെ ഉള്ളിൽ വാത്സല്യം നിറഞ്ഞു.. അവന്റെ തല തുവർത്തുമ്പോൾ രുദ്ര് ഇടുപ്പിലൂടെ കയ്യിട്ടു അവളെ ചേർത്തു നിർത്തി..

ഗൗരി അവന്റെ കൈ തട്ടി മാറ്റി ദേഷ്യത്തിൽ നോക്കി.. അത് കണ്ടു രുദ്ര് ആദിയെ നോക്കി കരയുന്നത് പോലെ കാണിച്ചു.. ആദി വാ പൊത്തി ചിരിച്ചു.. മുറിയിൽ എത്തി ആദിയെ ഡ്രസ്സ്‌ ഇട്ടു കൊടുത്തു.. ബെഡിൽ കുറച്ചു കളിപ്പാട്ടവും വച്ചു കൊടുത്തു ഗൗരി മുറിയിൽ നിന്നും പോയി.. രുദ്ര് ആദിയെ നോക്കി ഇപ്പോൾ വരാം എന്ന് കാണിച്ചു.. രുദ്ര് ഒരു ഷർട്ട്‌ എടുത്തു ഇട്ടു ഗൗരിയുടെ പുറകിൽ അടുക്കളയിൽ പോയി.. അവളുടെ പുറകിൽ പോയി കെട്ടിപിടിച്ചു.. എന്താ എന്റെ ഗൗരി ദേവിന് ഒരു പിണക്കം.. ഒന്നുല്ല.. എന്തോ ഉണ്ട്.. ദേവേട്ടൻ ഇന്ന് നേരെത്തെ വരാം എന്ന് പറഞ്ഞിട്ട്..

ഞാൻ തറവാട്ടിൽ പോകാമെന്നു കരുതി അമ്മയെ ഒക്കെ വിളിച്ചു പറഞ്ഞു.. ആദി ആണെങ്കിൽ കിച്ചുവിനെ കാണാൻ കൊതിച്ചു ഇരിക്കുവായിരുന്നു.. കുറച്ചു തിരക്ക് ആയി പോയി.. എന്തായാലും നാളെ ലീവ് ആക്കാ.. രാവിലെ തന്നെ പോകാം.. എന്ന എന്റെ വീട്ടിലും ഒന്നു പോയാലോ.. കുറെ ആയില്ലേ പോയിട്ട്.. പിന്നെ എന്താ.. പക്ഷെ എന്റെ കൂടെ തന്നെ പൊന്നോണം.. ആയിക്കോട്ടെ അസുര.. ഗൗരി പറഞ്ഞു കഴിഞ്ഞതും രുദ്ര് വലതു കൈ കൊണ്ട് അവളുടെ ഇടുപ്പിലൂടെ കൈ ചേർത്ത് അവളെ അവന്റെ നെഞ്ചിലേക്ക് അടുപ്പിച്ചു.. നിന്റെ ഈ അസുര എന്ന് ഉള്ള വിളി കേൾക്കുമ്പോൾ ഉണ്ടല്ലോ..

എനിക്ക് എന്നെ തന്നെ നഷ്ടം ആകുന്നത് പോലെ.. അങ്ങനെ വിളിക്കുമ്പോൾ ഉള്ള നിങ്ങളുടെ ഈ നോട്ടം ഉണ്ടല്ലോ.. അത് കാണാൻ വേണ്ടി അല്ലെ അസുര അങ്ങനെ വിളിക്കുന്നെ.. ഒട്ടും കാത്തു നിൽക്കാതെ രുദ്ര് അവളുടെ ചുണ്ടുകൾ കവർന്നു.. അവളിൽ നിന്നും ഉയരുന്ന ശ്വാസവും അവന്റെ കൈകൾ ഇഴയുന്ന അവളുടെ ഇടുപ്പും എല്ലാം അവരുടെ ഉള്ളിലെ പ്രണയത്തെ ഉണർത്തി.. അവളെ എടുത്തു ഉയർത്തി സ്ലാബിൽ കയറ്റി ഇരുത്തി അവന്റെ ചുംബനം കഴുത്തിലേക്ക് ഒഴുകി ഇറങ്ങുമ്പോൾ അവന്റെ മുടിയിൽ പിടിച്ചു ശ്വാസം എടുക്കാൻ ഗൗരി ബുദ്ധിമുട്ടി.. അവിടെ ആകെ ഒരു കുഞ്ഞു കരച്ചിൽ നിറഞ്ഞു.. അവർ രണ്ടു പേരും അകന്നു മാറി..

ഇറങ്ങാൻ നിന്ന ഗൗരിയെ തടഞ്ഞു കൊണ്ട് രുദ്ര് പോകാം എന്ന കാണിച്ചു.. ഗൗരി ചിരിച്ചു കൊണ്ട് സ്ലാബിൽ നിന്നും ഇറങ്ങി ജോലിയിൽ മുഴുകി.. രുദ്ര് മുറിയിൽ വരുമ്പോൾ ആദി നല്ല കളിയിൽ ആയിരുന്നു..രുദ്രിന്റെ കണ്ണുകൾ മുറിയുടെ ഒരത്തിൽ ഉള്ള തൊട്ടിലിലേക്ക് നീണ്ടു.. അവൻ ചിരിച്ചു കൊണ്ട് പതിയെ തൊട്ടിലിൽ നിന്നും ആ കുഞ്ഞു മാലാഖയെ എടുത്തു.. അതേയ് അവർക്ക് ഒരു സമ്മാനം കൂടെ ദൈവം കൊടുത്തു ട്ടോ.. രുദ്രിന് ഗൗരിയോട് ഉള്ള അടങ്ങാത്ത പ്രണയത്തിന്റെ അടയാളം പോൽ ആരാധ്യ മോളും അവരുടെ ജീവിതത്തിൽ വന്നു.. ഇരട്ടി സന്തോഷം നിറച്ചു കൊണ്ട്..ആദ്യ മോൾക്ക് പത്തു മാസം പ്രായം ഉള്ളു..

പിന്നെ നമ്മുടെ കാർത്തിയും അച്ഛൻ ആയി ട്ടോ.. കിച്ചു എന്ന കിഷോർ.. അവരുടെ പൊന്മണി.. കാർത്തി ഇപ്പോൾ രുദ്രിന്റെ കൂടെ തന്നെ ആണ്.. സ്വന്തം ആയി ബിസിനസ് ചെയ്യുന്നു..അവൻ പഴയ കാർത്തി ആയി മാറി.. ജീവിതത്തിൽ പണത്തേക്കാൾ മൂല്യം സ്നേഹത്തിന് ആണെന്ന് അവൻ തിരിച്ചറിഞ്ഞു..പിന്നെ ഒരു വിശേഷം നമ്മുടെ മുത്തശ്ശൻ കാശിക്ക് പോയി.. ചെയ്തു പോയ തെറ്റിന് പരിഹാരമായി ഒരു കത്ത് എഴുതി വച്ചു ആള് സ്ഥലം വിട്ടു.. എല്ലാവരും സന്തോഷത്തോടെ കഴിയുന്നു.. രുദ്ര് ആദ്യ മോളെയും കൊണ്ട് ഗൗരിയുടെ അടുത്ത് പോയി..

പുറകിൽ ആദിയും വന്നു.. ആരും ഇല്ല എന്ന തോന്നലിൽ നിന്നും രുദ്ര് മോചിതൻ ആയിരുന്നു.. അവന് വേണ്ടി പ്രാണൻ വെടിയാൻ പോലും തയ്യാറായ ഒരു പെണ്ണും ഒപ്പം സ്വന്തം ചോരയിൽ പിറന്ന രണ്ടുകുരുന്നുകളും.. അവന്റെ മനസ്സിൽ ഗൗരിയോട് ഉള്ള പ്രണയം ദിനം പ്രതി കൂടി വന്നു.. അവന്റെ സങ്കടതെ സ്നേഹം കൊണ്ട് മായ്ച്ചു കളഞ്ഞവൾ.. ഒരു നിമിഷം പോലും തനിച്ചു വിടാതെ പിന്തുടരുന്ന അവളുടെ സ്നേഹം എല്ലാം കൊണ്ടും ഗൗരി അവന്റെ ദേവി തന്നെ ആയിരുന്നു.. രാത്രി ഭക്ഷണം കഴിച്ചു കഴിഞ്ഞു രുദ്രയും ആദിയും ഉറങ്ങാൻ പോയി.

ആദ്യക്ക് നേരത്തെ ഭക്ഷണം കൊടുത്തിരുന്നു ഗൗരി.. അവളെയും കൊണ്ട് ചെല്ലുമ്പോൾ ആദി രുദ്രിനെ കെട്ടിപിടിച്ചു ഉറങ്ങുകയായിരുന്നു.. ഗൗരി ചിരിച്ചു കൊണ്ട് മറു സൈഡിൽ ആദ്യ മോളെ കിടത്തി ഗൗരി രുദ്രിനെ നോക്കി.. രുദ്ര് മോളെ എടുത്തു നെഞ്ചിൽ കിടത്തി കളിപ്പിക്കാൻ തുടങ്ങി.. ഇന്നെങ്കിലും കുറച്ചു നേരത്തെ ഉറങ്ങു പെണ്ണെ.. നിന്റെ അമ്മയുടെ പിണക്കം മാറ്റാൻ ഉണ്ട്.. രുദ്രിന്റെ സംസാരം കേട്ട് ഗൗരി ചിരിച്ചു.. അവൾ ഡ്രസ്സ്‌ എടുത്തു കൊണ്ട് ബാത്രൂമിൽ പോയി.. അവൾ മേൽ കഴുകി വരുമ്പോളേക്കും രുദ്രിന്റെ നെഞ്ചിലെ ചൂടിൽ പറ്റി അവൾ ഉറങ്ങിയിരുന്നു..

ഒരു നിമിഷം ഗൗരി ആ കാഴ്ച നോക്കി നിന്നു.. ഒരു കൈ കൊണ്ടു ആദിയെ പറ്റി ചേർത്ത് പിടിച്ചു കൊണ്ട് മറു കൈ കൊണ്ട് നെഞ്ചിൽ കിടക്കുന്ന ആദ്യയെയും പിടിച്ചു കിടക്കുന്ന രുദ്രിനെ അവൾ സ്നേഹത്തോടെ നോക്കി നിന്നു.. ജീവിതത്തിൽ ഏറ്റവും വെറുത്ത മനുഷ്യൻ ആയിരുന്നു.. ഒരു നിമിഷം പോലും കാണരുതെന്ന് ആഗ്രഹിച്ചത്.. ആ സാമീപ്യം പോലും അരോചകമായി തോന്നിയ നാളുകൾ.. എന്നാൽ എല്ലാം പ്രണയം കൊണ്ട് മാറ്റി എഴുതിയ അസുരൻ.. ഈ ഗൗരിയുടെ അവസാന ശ്വാസം വരെ എനിക്ക് ഈ അസുരന്റെ നെഞ്ചിൽ ഇടം വേണം.. മറ്റാർക്കും കിട്ടാത്ത ആ ഭാഗ്യം എനിക്ക് മാത്രം വേണം.. അത് എന്റെ സ്വാർത്ഥത തന്നെ ആണെന്ന് കൂട്ടിക്കോളൂ..

മോളെ എടുത്തു തൊട്ടിലിൽ ഇട്ടു തിരിഞ്ഞതും പുറകിൽ നിൽക്കുന്ന രുദ്രിനെ കണ്ടു ഗൗരി ഞെട്ടി.. അവളിലേക്ക് വെക്കുന്ന അവന്റെ ചുവടുകൾ അവന്റെ പ്രണയത്തിൽ ലയിക്കാൻ ഉള്ളത് ആണെന്ന് അവൾക് അറിയാമായിരുന്നു.. ദേവേട്ടൻ ഉറങ്ങിയില്ലേ.. നിന്റെ ഈ ശ്വാസം കേൾക്കാതെ ഈ ഗന്ധം അറിയാതെ എങ്ങനെ ഉറങ്ങാൻ കഴിയും എനിക്ക്.. കാറ്റിൽ പാറി വീഴുന്ന അവളുടെ മുടികൾ മുഖത്തു നിന്നും മാറ്റി കൊണ്ട് അവൻ പറഞ്ഞു.. അവളെ തന്നിലേക്ക് അടുപ്പിക്കുമ്പോൾ അവളിൽ നിന്നും ഉയരുന്ന ശ്വാസഗതി അവൻ ശ്രദിച്ചു.. അവളെ അറിഞ്ഞവൻആണെങ്കിലും അവളിൽ ഉണ്ടാകുന്ന ആ നാണവും ചിരിയും എല്ലാം രുദ്ര് ആസ്വദിച്ചിരുന്നു..

നിന്നിൽ ഓരോ തവണ അലിയുമ്പോളും എന്നിൽ പുതുമ തന്നെ ആണ്.. നിന്റെ ഈ മത്തു പിടിപ്പിക്കുന്ന നോട്ടം പോലും.. ഈ ചിരി ആണ് എന്റെ ലഹരി.. എത്ര ദേഷ്യത്തെയും സങ്കടത്തെയും ഒളിപ്പിച്ചു നിർത്തുന്ന ഈ കള്ളച്ചിരി.. നാണം കൊണ്ട് തല താഴ്ത്തി ചിരിക്കുന്ന ഗൗരിയുടെ തടിയിൽ പിടിച്ചു ഉയർത്തി രുദ്ര് അവളുടെ ചുണ്ടുകൾ കവർന്നു.. അവളെ കൈകളിൽ കോരി എടുത്തു അവൻ ബെഡിൽ കിടത്തി.. അവളുടെ മുഖമാകെ ചുംബനം കൊണ്ട് നിറച്ചു മാറിലേക്ക് മുഖം താഴാൻ തുടങ്ങിയതും ഗൗരി അവനെ പിടിച്ചു നിർത്തി.. അസുരനെ ആവാഹിക്കാൻ സമയം ആയി പെണ്ണെ.. അസുരനിൽ അലിയാൻ ദേവിയും… ഒരു ചുംബനമായ് അവളിൽ അവൻ പടർന്നു കയറുമ്പോൾ പ്രണയത്തിന്റെ മഹാ കാവ്യം രചിച്ചു അവർ..

പരസ്പര വിശ്വാസത്തിന്റെയും വിട്ടു കൊടുക്കലിന്റെയും ഒപ്പം പരസ്പരം തോറ്റു കൊടുക്കാതെ നൽകുന്ന പ്രണയത്തിന്റെയും..പുറത്തു പെയ്യുന്ന മഴ പോലെ അവരുടെ പ്രണയം പൊഴിഞ്ഞു കൊണ്ടേ ഇരിക്കും നിലയ്ക്കാതെ.. അവിടെ തടസ്സങ്ങൾ ഇല്ല.. ഒന്നിന്റെയും.. അസുരന്റെയും അവന്റെ ദേവിയുടെയും കഥ ഇവിടെ നിർത്തട്ടെ.. അവസാനിച്ചു എന്ന് പറയില്ല.. കാരണം അവരുടെ പ്രണയത്തിനു അവസാനം ഇല്ല.. ആര് കൂടുതൽ പ്രണയിക്കും എന്ന വാശിയിൽ പ്രണയിക്കുന്ന അവർ ഒരിക്കലും പിരിയില്ല.. ജീവിതത്തിൽ ഒരുപാട് സന്തോഷത്തോടെ അവർ കഴിയട്ടെ.. അവർക്കിടയിൽ പ്രണയം മാത്രം ഉള്ളു.. അവിടെ വേറെ ഒന്നിനും സ്ഥാനം ഇല്ല..

ഗൗരിയുടെയും അവളുടെ അസുരന്റെയും കഥ ഇവിടെ നിർത്തുന്നു.. പ്രണയം അത് ഒരു അനുഭൂതിയാണ്.. അത് നൽകുന്ന ഹൃദത്തെ ജീവനേക്കാൾ ഏറെ പ്രണയിക്കണം.. രണ്ടു ഹൃദയങ്ങൾ മാത്രം ആണ് അവിടെ..വാശിയോടെ പ്രണയിക്കുമ്പോൾ അവിടെ പ്രണയം തോൽക്കില്ല.. തോൽക്കുന്നത് ദേഷ്യവും പിണക്കവുമാണ്.. പ്രണയിക്കണം.. എന്ത് തടസ്സം ഉണ്ടായാലും തന്റെ പാതിയെ.. കൈവിടാതെ… ❣️ഗൗരി ദേവ്❣️നിങ്ങളുടെ മനസ്സിൽ എത്തിക്കാൻ കഴിഞ്ഞതിൽ ഒരുപാട് ഒരുപാട് സന്തോഷം.. തുടക്കം മുതൽ എന്റെ കൂടെ നിൽക്കുന്നവരും ഇടയിൽ വന്നു എന്നെ സ്നേഹിക്കുന്നവർക്കും എല്ലാവർക്കും ഹൃദയത്തിൽ നിന്നും ഒരായിരം നന്ദി..

നിങ്ങളുടെ സ്നേഹം സപ്പോർട്ട് കൊണ്ട് മാത്രം ആണ് ഇവിടെ വരെ എത്തി നിൽക്കുന്നത്.. ഒരുപാട് നന്ദി.. എത്ര മാത്രം നന്നായി എന്ന് അറിയില്ല.. എങ്കിലും നിങ്ങളുടെ സന്തോഷം പോലെ ഞാൻ എഴുതാൻ ശ്രമിച്ചിട്ടുണ്ട്.. തുടക്കത്തിൽ ഞാൻ രുദ്ര് വില്ലൻ ആണെന്ന് പറഞ്ഞപ്പോൾ പലരും രുദ്രിനെ തന്നെ നായകൻ ആയി കണ്ടിരുന്നു.. അവിടെ മുതൽ നിങ്ങൾ രുദ്രിനെ സ്നേഹിച്ചു തുടങ്ങി.. ഈ അവസാന നിമിഷം വരെ നിങ്ങളുടെ ഹൃദയത്തിൽ ഗൗരി ദേവ് എന്നൊരു നാമം ഉണ്ടെങ്കിൽ അത് എനിക്ക് ഉള്ള അംഗീകാരം ആണ്.. പിന്നെ കുഞ്ഞുങ്ങളുടെ പേര് ayma erin എന്ന ആളാണ് ട്ടോ കമന്റ് ഇട്ടത്.. മുത്തേ അപ്പോൾ സന്തോഷം ആയില്ലേ.. അപ്പോൾ പുതിയ സ്റ്റോറിയുമായി വരുന്നത് വരെ ആമി വിട പറയുന്നു.. നിങ്ങളുടെ സ്നേഹം എന്നും കൂടെ വേണം.. പെട്ടന്ന് വാരാൻ ശ്രമിക്കാം ട്ടോ.. ആമി❣️