🖤പ്രണയവർണ്ണങ്ങൾ🖤: ഭാഗം 35

രചന: ആമി

രുദ്ര് അവന്റെ ഷർട്ടിൽ കുത്തി പിടിച്ചു.. രുദ്രിന്റെ കത്തുന്ന മിഴികളിൽ നോക്കാൻ തന്നെ അരുൺ ഭയന്നു.. അത്രയും തീക്ഷണത നിറഞ്ഞിരുന്നു ആ നോട്ടത്തിൽ.. നിന്നെ ഒന്നും ചെയ്യാതെ വിട്ടത് എന്തിനാണ് എന്ന് അറിയോ.. ദാ ഇത് പോലെ ഇവിടെ ഇങ്ങനെ കിട്ടാൻ.. രുദ്ര് പ്ലീസ് എന്നെ ഒന്നും ചെയ്യരുത്.. രുദ്ര് ചിരിച്ചു കൊണ്ടു അവന്റെ പിടി വിട്ടു കസേരയിൽ നിവർന്നു ഇരുന്നു.. ഷർട്ടിന്റെ കോളറിൽ പിടിച്ചു പുറകിലേക്ക് ഇട്ടു അവൻ കാലിൽ കാൽ കയറ്റി വച്ചു.. നിന്നെ എന്തെങ്കിലും ചെയ്യണമായിരുന്നു എങ്കിൽ ഈ രുദ്രിന് നേരത്തെ ആവാമായിരുന്നു..

നിന്നെ വളരാൻ വിട്ടത് നിന്നെയും നിന്റെ ആളുകളെയും ഭയന്നിട്ട് അല്ല.. പഴയ രുദ്ര് ആയിരുന്നു എങ്കിൽ കൊന്നു കുഴിച്ചു മൂടിയേനെ.. പക്ഷെ നിന്നെ പോലെ ഒരുത്തനെ കൊല്ലാൻ മാത്രം അധപതിച്ചിട്ടില്ല ഈ രുദ്ര് ദേവ്.. രുദ്രിന്റെ ഓരോ വാക്കുകളും അരുണിൽ ഭയം നിറച്ചു.. തന്റെ ജീവിതം ഇവിടെ അവസാനിക്കുമെന്ന് അരുണിന് അറിയാമായിരുന്നു.. നിന്റെ ലക്ഷ്യം ഗൗരി ആണെന്ന് മനസ്സിലായതും ഞാൻ നിഴൽ പോലെ നിന്റെ പുറകിൽ ഉണ്ടായിരുന്നു..നീയും പ്രകാശ് കൂടെ ആവും ഇതെല്ലാം പ്ലാൻ ചെയ്തത് എന്ന് കരുതി.. പക്ഷെ ആ മൂന്നാമന് വേണ്ടി ആണ് നിങ്ങൾ ചരട് വലിച്ചത് എന്ന് അറിഞ്ഞ നിമിഷം ഞാൻ നിന്നെ ഒക്കെ ഒഴിവാക്കി വിട്ടു..

വൈഷ്‌ണവിയെ കളത്തിൽ ഇറക്കിയതും അതിന് വേണ്ടി തന്നെ ആയിരുന്നു.. രുദ്ര് ഒന്നു നിർത്തി.. അരുൺ രുദ്ര് പറയുന്നത് എല്ലാം കേട്ട് അമ്പരന്നു ഇരിക്കുകയായിരുന്നു.. അവന്റെ തൊണ്ടയിൽ വെള്ളം പോലും ഇറങ്ങാൻ കഴിയാത്തത് പോൽ ശ്വാസം മുട്ടി.. കോളേജ് റീയൂണിയൻ നടത്തി അവളെ കൊണ്ടു വന്നു അവളുടെ മുന്നിൽ ഞാനും ഗൗരിയും ഒന്നാണെന്നു കാണിച്ചു കൊടുത്തു ഒടുവിൽ അവൾക്ക് എന്നോട് ഉള്ള ദേഷ്യം നീ മുതലാക്കും എന്ന് എനിക്ക് അറിയാമായിരുന്നു.. അന്ന് ആ ഫങ്ക്ഷന് നീ വന്നിരുന്നു.. നീ വൈഷ്ണവിയെ കണ്ടു എന്നെ അവൾക് കൊടുക്കാം എന്നും ഗൗരിയെ നിനക്ക് വേണം എന്ന് പറഞ്ഞു.. നീ കാണിച്ച ഫോട്ടോ കണ്ടു ഞാൻ ഗൗരിയെ അവിശ്വസിച്ചു അവളെ ഇട്ടിട്ട് പോകുമേന്നു കരുതിയോ നീ..

അവൾ എന്റെ പെണ്ണാണ്.. എന്റെ ഗൗരി.. രുദ്ര് കസേരയിൽ നിന്നും എഴുനേറ്റു.. അവന്റെ പുറകിൽ പോയി നിന്നു കൊണ്ടു അവന്റെ തോളിൽ പിടിച്ചു.. ഇന്നലെ രാത്രി വൈഷ്ണവിയുടെ കൂടെ കിടന്ന നീ നേരം വെളുത്തപ്പോൾ എങ്ങനെ ലോഡ്ജിൽ ശാന്തയുടെ കൂടെ വന്നു എന്ന് നിനക്ക് മനസിലായി കാണും.. അവളുടെ സൂക്കേട് പണ്ടേ എനിക്ക് അറിയാം.. അപ്പൊ പിന്നെ രണ്ടാൾക്കും ഒരു മരുന്ന് മതി എന്ന് തോന്നി.. രുദ്ര് ഞാൻ ഇനി ഒന്നിനും വരില്ല..എന്നെ വിട്ടേക്ക്.. നീ ഇനി ഒന്നിനും വരില്ല എന്ന് എനിക്ക് അറിയാം ഡാ.. കാരണം നീ ജയിലിൽ ആവില്ലേ ഇനി.. കുറച്ചു വർഷം ജയിലിൽ കിടക്കാൻ ഉള്ള പണി ഞാൻ ചെയ്തിട്ടുണ്ട്.. പിന്നെ ഞാൻ നിന്നെ തല്ലാതെ പോകുന്നത് എന്താ എന്ന് അറിയോ.. പണ്ട് നീയും നിന്റെ ഫ്രണ്ട്സ് കൂടെ കോളേജിൽ ചെയ്ത ആ തെമ്മാടിത്തരം ഇല്ലേ..

അതൊക്കെ കൂടെ കൂട്ടി പുറത്തു നിൽക്കുന്ന സർമാര് നിനക്ക് തരും.. അപ്പൊ പിന്നെ എന്റെ കൈ വെറുതെ എന്തിനാ മെനക്കെടുത്തുന്നെ.. രുദ്ര് അവന്റെ തോളിൽ ബലമായി പിടിച്ചു കൊണ്ടു നടന്നു പോയി.. വാതിൽ എത്തി അവൻ ഒന്നു തിരിഞ്ഞു നോക്കി.. അവൻ നിന്നെ കാണാൻ വന്നാൽ പറഞ്ഞേക്ക് രുദ്ര് അങ്ങോട്ട്‌ വരുന്നുണ്ടെന്ന്.. നേരിട്ട് മുട്ടാൻ.. രുദ്ര് പോയതും പോലീസുകാർ അകത്തു കയറി.. അരുൺ ചെയ്തു പോയ കാര്യങ്ങളെ ഓർത്ത് വിലപിച്ചു.. ഇനി ഒരു രക്ഷപെഡെൽ ഉണ്ടാവില്ല എന്ന് അവന് ഉറപ്പ് ആയിരുന്നു.. രുദ്ര് അവിടെ നിന്നും ഇറങ്ങി ഓഫീസിൽ ചെന്നു കയറുമ്പോൾ ആയിരുന്നു ഫോൺ എടുത്തു നോക്കിയത്.. സൈലന്റ് മോഡിൽ ആയിരുന്നത് കൊണ്ടു അവൻ അറിഞ്ഞില്ല..

എടുത്തു നോക്കുമ്പോൾ ഗൗരിയുടെ മുപ്പതോളം മിസ്സ്‌ കാൾ മെസ്സേജ് എല്ലാം ഉണ്ടായിരുന്നു.. അവൻ അവളെ വിളിച്ചു കൊണ്ടു അവന്റെ ക്യാബിനിലേക്ക് നടന്നു.. എത്ര നേരം ആയി വിളിക്കുന്നു.. എവിടെ ആയിരുന്നു.. എടുത്തില്ലെങ്കിൽ തിരക്കിൽ ആണെന്ന് മനസ്സിലാവില്ലേ.. പിന്നെയും പിന്നെയും വിളിക്കുന്നത് എന്തിനാ.. ഓ അപ്പൊ ഞാൻ വിളിച്ചത് ആണോ പ്രശ്നം.. അതെ.. വെറുതെ വിളിച്ചു ശല്യം ചെയ്യാൻ.. എന്നാ ഇനി വിളിക്കില്ല.. പോരെ.. പറഞ്ഞു കഴിഞ്ഞതും ഗൗരി ഫോൺ കട്ട് ചെയ്തു.. രുദ്ര് ചിരിച്ചു കൊണ്ടു ഫോൺ മാറ്റി വച്ചു.. ഗൗരി ദേഷ്യത്തിൽ എന്തൊക്കെയോ പറഞ്ഞു.. ഫോണിൽ തന്നെ നോക്കി ഇരുന്നു.. രുദ്ര് തിരിച്ചു വിളിക്കും എന്ന് തന്നെ അവൾ കരുതി..

എന്നൽ അവൻ വിളിച്ചില്ല.. അവൾക് സങ്കടം തോന്നി.. ഇങ്ങോട്ട് എങ്ങാനും വിളിക്കട്ടെ.. ഗൗരി എടുക്കില്ല നോക്കിക്കോ.. അന്ന് മുഴുവൻ രുദ്ര് വിളിക്കും എന്ന പ്രതീക്ഷയിൽ ഗൗരി സമയം തള്ളി നീക്കി.. രാത്രി ആയിട്ടും രുദ്ര് വിളിക്കുന്നില്ലെന്ന് കണ്ടു അവളുടെ കണ്ണുകൾ നിറഞ്ഞു.. അവൾ തിരിച്ചു വിളിക്കാനും പോയില്ല.. ഉറക്കം വരാതെ അവൾ കിടക്കുമ്പോൾ ആണ് ഫോൺ അടിച്ചത്.. അവൾ വേഗം ഫോൺ എടുത്തു നോക്കി.. രുദ്ര് ആണെന്ന് കണ്ടതും അവൾക് സന്തോഷം അലതല്ലി.. എങ്കിലും വാശി തോന്നി ഫോൺ എടുത്തില്ല.. രണ്ടു വട്ടം ഫോൺ അടിച്ചു കട്ട് ആയി.. മൂന്നാമത്തെ വട്ടവും വിളിക്കാൻ തുടങ്ങിയതും അവളുടെ വാശി എല്ലാം എങ്ങോ പോയി..

അവൾ ഫോൺ എടുത്തു അവന്റെ സ്വരത്തിനു വേണ്ടി കാതോർത്തു.. ഡി പുല്ലേ നീ ഏതു അടുപ്പിൽ ആണ്.. എന്നെ വേണ്ടാത്തവർ ഒക്കെ എന്തിനാ എന്നെ അന്വേഷിക്കുന്നെ.. മര്യാദക്ക് വന്നു വാതിൽ തുറന്നു താ.. അതിന് ഞാൻ നിങ്ങളുടെ വീട്ടിൽ അല്ല.. ഞാൻ തുറക്കാൻ പറഞ്ഞത് എന്റെ വീടിന്റെ അല്ല നിന്റെ വീടിന്റെ ആണ്.. ഗൗരി ചാടി എഴുനേറ്റു.. ഓടി ഉമ്മറത്തെ വാതിൽ തുറന്നതും മുന്നിൽ നിൽക്കുന്ന രുദ്രിനെ കണ്ടു അവൾക് സന്തോഷം തോന്നി.. അവന്റെ അടുത്തേക് നീങ്ങിയതും രുദ്ര് അവളുടെ കയ്യിൽ പിടിച്ചു വലിച്ചു കൊണ്ടു ഇരുട്ട് നിറഞ്ഞ ഭാഗത്തേക്ക് കൊണ്ടു പോയി.. അവളെ ചുമരിൽ ചേർത്ത് നിർത്തി അവളുടെ ചുണ്ടുകൾ കവർന്നു..

പെട്ടന്ന് ഉണ്ടായ അവന്റെ പ്രവർത്തിയിൽ ഞെട്ടി ഗൗരി ബലമായി അവന്റെ പിടിയിൽ നിന്നും കുതറി മാറി.. എന്താ ദേവേട്ടാ.. ഗൗരിയുടെ ചുണ്ടിൽ വിരൽ ചേർത്ത് അവൻ മിണ്ടരുത് എന്ന് കാണിച്ചു.. അവന്റെ ഹൃദയത്തിലെ പ്രണയം ഏറ്റു വാങ്ങാൻ അവൾ തയാറായിരുന്നു.. അവളുടെ ചുണ്ടുകൾ വിരൽ കൊണ്ടു തഴുകി അവൻ അവളുടെ മുഖത്തോട് മുഖം ചേർത്ത്.. നീ ഇല്ലാതെ ഒരു നിമിഷം പോലും കഴിയാൻ എനിക്ക് സാദ്യം അല്ല ഗൗരി.. നിന്റെ ഈ ശ്വാസം എപ്പോളും എന്നിൽ വീശണം.. ഈ ഗൗരി ഈ ദേവിന് സ്വന്തം അല്ലെ.. ശ്വാസം മാത്രം അല്ല എന്നിലെ ഓരോ അണുവിലും ഈ അസുരന്റെ നാമം ആണ്.. അവളുടെ കണ്ണുകളിൽ നോക്കി രുദ്ര് നിന്നു..

താൻ നൽകിയ പ്രണയത്തിന്റെ എത്രയോ മടങ് പ്രണയം ഇന്ന് അവളിൽ ഉണ്ടെന്നു അവന് തോന്നി.. അത്രയും അവൾ തന്നെ സ്നേഹിക്കുന്നു.. നീ എന്റെയാ പെണ്ണെ.. എന്റെ മാത്രം.. ഈ അസുരന്റെ മാത്രം പെണ്ണ്.. ഗൗരി ദേവ്.. രുദ്ര് അവളുടെ കഴുത്തിൽ മുഖം പൂഴ്ത്തിയതും ഗൗരി പിടഞ്ഞു കൊണ്ടു അവന്റെ മുടിയിൽ പിടിച്ചു.. അവന്റെ കൈകൾ ടോപ്പിനു ഉള്ളിലൂടെ അവളുടെ നഗ്നമായ വയറിൽ തൊട്ടതും അവളുടെ ശരീരം തളർന്നു.. ഒടുവിൽ അവന്റെ ചുംബനം കഴുത്തിൽ നിന്നും ഇറങ്ങിയതും ഗൗരി അവന്റെ മുഖം പിടിച്ചു..……..(തുടരും)