അഷ്ടപദി: ഭാഗം 36
രചന: രഞ്ജു രാജു
എല്ലാ ദുഃഖവും ഇറക്കി വെയ്ക്കുവാൻ പറ്റിയ, തന്റെ പ്രിയപ്പെട്ട ഇടo… അവൾ പിൻ വാതിൽ തുറന്നുകൊണ്ട് വേഗം തന്നേ പുറത്തേക്ക് ഇറങ്ങി. മാറാനുള്ള ഒരു പാവാടയും ടോപ്പും, മറ്റും എടുത്തു കൊണ്ട് വേഗത്തിൽ കുളപ്പുരയിലേക്ക് കയറി.. മുണ്ടും നേര്യതും പറിച്ചു മാറ്റിയ ശേഷം, അടിയിൽ ഉടുത്തിരുന്ന പാവാട എടുത്തു മേല്പോട്ട് മുറുക്കി,ഉടുത്തു… അത്യാവശ്യo നന്നായി തന്നേ ഇരുട്ട് പടർന്നു തുടങ്ങി യിരുന്നു. എന്നാലും അവൾക്ക് ഭയം ഒന്നും തോന്നിയിരുന്നില്ല. ഇതിലും വൈകി എത്രയോ വട്ടം കുളിക്കാനായി വന്നിട്ടുണ്ട് ഇവിടേയ്ക്ക്.. ആ പടവിലേക്ക് അവൾ ഇരുന്നു..
കാൽമുട്ടുകളിൽ കവിൾ ചേർത്തു വെച്ചു കൊണ്ട് ആ ഇരുപ്പ് തുടർന്ന്. എത്ര യൊക്കെ ശ്രമിച്ചിട്ടും വീണ്ടും വീണ്ടും കരച്ചിൽ വരുന്നു… ദുഃഖങ്ങൾ ഒന്നും മനസ്സിൽ പിടിച്ചു വെയ്ക്കാൻ ആവില്ല തനിക്ക്…. ഇങ്ങനെ ഇവിടെ വന്നു കരഞ്ഞു തീർക്കും.. അതാണ് പതിവ്. അച്ഛനും അമ്മയും മുത്തശ്ശനും ഒക്കെ എവിടാണോ ആവോ… ഈശ്വരാ… എന്തൊരു വിധി ആയി പോയി… തെറ്റ് ചെയ്തവർ ആണ് അവരൊക്കെ… പക്ഷെ…കേറി കിടക്കാൻ ഒരു ഇടo പോലും ഇല്ലാതെ….. എല്ലാവരും എവിടെ ആയിരിക്കും… ധരൻ ഇങ്ങനെ ഒരു പ്രവർത്തി ചെയ്യും എന്ന് സ്വപ്നത്തിൽ പോലും കരുതിയിരുന്നില്ല…
തന്റെ നഗ്നമായ പിൻ കഴുത്തിൽ, ഒരു ചുടു നിശ്വാസം തട്ടിയത് പോലെ തോന്നിയതും, അതു ആരാണ് എന്ന് തിരിച്ചറിഞ്ഞു കൊണ്ട് , അവൾ പിടഞ്ഞെഴുനേറ്റു. പെട്ടന്ന് ആണ് ധരന്റെ വലം കൈ അവളുടെ വയറിന്മേൽ പൊതിഞ്ഞത്… അവന്റെ കൈ വിടുവിച്ചു കൊണ്ട് അവൾ മുന്നോട്ട് ആഞ്ഞതും വെള്ളത്തിലേക്ക് ഒറ്റ വീഴ്ച്ച ആയിരുന്നു. പിന്നാലെ അവനും… ഒന്ന് മുങ്ങി നിവർന്നതും കണ്ടു തന്നോട് ചേർന്ന് നിൽക്കുന്ന ധരനെ…താൻ അഴിച്ചു വേറെ വെച്ചിരുന്ന മുണ്ടും നേര്യതും എവിടെ എന്ന് അവൾ നോക്കി. ആ മുണ്ട് ആണ് ധരൻ എടുത്തു ചുറ്റിയിരിക്കുന്നത്. ഇയാൾക്കിത് എന്തിന്റെ കേടാ….
പിറു പിറുത്തു കൊണ്ട് അവൾ പടവിലേക്ക് കയറാൻ ഭാവിച്ചു. നീ കുളിക്കുന്നില്ലേ… ഇല്ല്യ… അതെന്താ…. ഞാൻ കുളിമുറിയിൽ കുളിച്ചോളാം.. പിന്നേ ആരെ കാണിക്കാൻ ആണ് ഇങ്ങോട്ട് ഇറങ്ങി പോന്നത്… അതിന് മറുപടി ആയി അവൾ അവനെ ഒന്ന് കനപ്പിച്ചു നോക്കി. എന്നിട്ട് തിരിഞ്ഞതും പടവിലെ വഴുക്കലിൽ തട്ടി വീണ്ടും പിന്നിലേക്ക് മറിഞ്ഞു.. പക്ഷെ അവൾ വീഴും മുന്നേ ധരന്റെ ഇരു കൈകളും കൂടി അവളെ വരിഞ്ഞു. ഇരുവരും പിന്നിലേക്ക് പതിച്ചു.. ഉയർന്നു പൊങ്ങി.. ധരൻ അവളുടെ ഇടുപ്പിൽ ചുറ്റി കൊണ്ട് കുളത്തിന്റെ കിഴക്ക് വശത്തേക്ക് ഒന്ന് നീന്തി തുടിച്ച ശേഷം ഒതുക്കുകല്ലുകൾ തീർത്ത ഭാഗത്തേക്ക്‌ തിരികെ നീന്തി വന്നു..
കാർത്തു വിന് ആണെങ്കിൽ എന്ത് ചെയ്യണം എന്ന് പോലും അറിയില്ലാത്ത അവസ്ഥ ആയിരുന്നു.. അയ്യേ…… ധരൻ അവളെ ഒന്ന് നോക്കി കൊണ്ട് മുണ്ട് മുറുക്കി ഉടുത്തു പടവിൽ നിൽക്കുക ആയിരുന്നു അപ്പോളാണ് കാർത്തു അറിഞ്ഞത്,തന്റെ പാവാട അഴിഞ്ഞു പോയിരിക്കുന്നു എന്ന്.. അയ്യോ…. അവളും ഉറക്കെ നിലവിളിച്ചു. തുണി എടുത്തു ഉടുക്കെടി…. അവൻ ശബ്ദം ഉണ്ടാക്കി.. ധരൻ ഒന്ന് കേറി പോകുന്നുണ്ടോ….. അവൾക്ക് ദേഷ്യം വന്നു. ഇല്ലെങ്കിലോ….. ധരൻ പ്ലീസ്…. നേരം ഒരുപാട് ആയി… ഇരു കൈകളും മാറിൽ പിണച്ചു കൊണ്ട് നിൽക്കുക ആണ് കാർത്തു.. ഇരു വശത്തുമായി തന്റെ പാവാട തിരയുന്നുണ്ട്….
അവളുടെ നേര്യത് എടുത്തു പിഴിഞ്ഞ്കൊണ്ട് ധരൻ വീണ്ടും കുളത്തിലേക്ക് ഇറങ്ങി. “നിങ്ങള് ഒന്ന് പോകുന്നുണ്ടോ…..”അവൾ പിന്തിരിഞ്ഞു നിന്നു കൊണ്ട് പറഞ്ഞു അവൾക്ക് ദേഷ്യം വന്നു ഉച്ചസ്ഥയിൽ ആയിരുന്നു.. പിഴിഞ്ഞെടുത്ത നേര്യത് ഒന്നു ഉറക്കെ കുടഞ്ഞു കൊണ്ട്, അവൻ അവളുടെ അടുത്തേക്ക് ഇറങ്ങി.. അവളുടെ നാണത്തേ പൊതിഞ്ഞു മൂടിയ ശേഷം ധരൻ തനിക്ക് നേർക്ക് തിരിച്ചു നിറുത്തി.. നിലാവിന്റെ ശോഭയിൽ തിളങ്ങുന്ന അവളുടെ മുഖത്തേക്ക് അവന്റെ മുഖം അടുപ്പിച്ചു.. ഒരു തണുത്ത കാറ്റ് വന്നതും കാർത്തു ന്റെ അധരം വിറ കൊണ്ട്.. അതു കൂടി കണ്ടതും അവന്റെ അടക്കി പിടിച്ച വികാരങ്ങൾ അണപ്പൊട്ടിയൊഴുകി.. മെല്ലെ മെല്ലെ…
അത്രമേൽ മധുരമായി അവളുടെ അധരം നുകർന്നു… കാർത്തുവിന് ആണെങ്കിൽ എന്ത് ചെയ്യണം എന്ന് പോലും അറിയിക്കാതെ നിൽക്കുക ആണ്… ഒരിറ്റു ശ്വാസം പോലും എടുക്കാൻ വയ്യാതെ പെണ്ണൊന്നു പിടഞ്ഞു… അവന്റെ പുറത്തേക്ക് അവളുടെ നഖങ്ങൾ പോറൽ വീഴ്ത്തിയതും അവന്റെ കൈകളും അനുസരണക്കേട് കാട്ടി തുടങ്ങിയിരുന്നു.. അതു കൂടി ആയപ്പോൾ കാർത്തു വിവശ ആയി… സർവ ശക്തിയും എടുത്തു അവനെ തള്ളി നീക്കി. എന്നിട്ട് പടവുകൾ ഒന്നൊന്നായി കയറി ഓടി. ഒരു പ്രകാരത്തിൽ അവൾ തന്റെ മുറിയിലേക്ക് കയറി… വേഷം മാറി ഒരു ചുരിദാർ എടുത്തു ഇട്ടു.. കുറച്ചു മുന്നേ നടന്ന സംഭവങ്ങൾ ഓർക്കും തോറും പെണ്ണിനെ വിറയ്ക്കാൻ തുടങ്ങി.. ടി…. ഒരു തോർത്ത്‌ ഇങ്ങട് തന്നെ…. വാതിലിൽ ധരന്റെ കൊട്ട് കേട്ടതും അവളെ വീണ്ടും വിറച്ചു.. കാർത്തികേ…….
ആഹ്.. വരുന്നു. അലമാര തുറന്ന ശേഷം, കാർത്തു ഒരു ടവൽ എടുത്തു കൊണ്ട് വെളിയിലേക്ക് ഇറങ്ങി വന്നു.. അവന്റെ നേർക്ക് നീട്ടി.. “ഹ്മ്മ്… കൊള്ളാം കേട്ടോ…. സൂപ്പർ ആയിട്ടുണ്ട്….” തല തുവർത്തി കൊണ്ട് അവൻ അവൾക്ക് കേൾക്കാൻ പാകത്തിന് പറഞ്ഞു. കാർത്തു വിന്റെ നെറ്റി ചുളിഞ്ഞു.. “എന്താ പറഞ്ഞത്…” “ഞാനോ…. ഞാൻ ഒന്നും പറഞ്ഞില്ലാലോ… നിനക്ക് തോന്നിയത് ആവും ” അവൻ അവളെ നോക്കി കണ്ണിറുക്കി.. കാർത്തു വിന് ആണെങ്കിൽ വല്ലാത്ത പരവേശം പോലെ തോന്നി. എന്തൊരു കഷ്ടം ആണ് എന്റെ കൃഷ്ണാ…. വിലപിച്ചു കൊണ്ട് അവൾ വീണ്ടും അകത്തേക്ക് പോയി. മുടി ആകെ കുളിപ്പിന്നൽ പിന്നി ഇട്ട ശേഷം,വെളിയിലേക്ക് ഇറങ്ങി.
ധരൻ ആണെങ്കിൽ ഉമ്മറത്ത് ഉണ്ടായിരുന്നു. ഫോണിൽ എന്തൊക്കെയോ നോക്കി കൊണ്ട്. “പോയേക്കാം…” . അവളെ കണ്ടതും അവൻ എഴുന്നേറ്റു. “മ്മ്….” ഈ വീടിന്റെ താക്കോൽ എവിടെ ആണ് ഉള്ളത് എന്ന് നിനക്ക് അറിയാമോ ” . “മ്മ്……” . “എന്നാൽ പോയി എടുത്തിട്ട് വാ” “മ്മ്….” “ടി…..” “മ്മ്” “നീ എന്തിനാ മൂളുന്നത്… എന്തെങ്കിലും ചോദിച്ചാൽ വാ തുറന്ന് പറഞ്ഞോണം.. കേട്ടല്ലോ ‘ “മ്മ്” “കാർത്തികേ…..” ധരണ് ദേഷ്യം വന്നു. “ഞാൻ പറഞ്ഞോളാം….” അകത്തേക്ക് ഓടിയതും വാതിൽ പാളി യി ലേക്ക് നെറ്റി പോയി ഇടിച്ചു.. “ആഹ്….” . അവൾ നിലവിളിച്ചു പോയി. “നിനക്ക് ഒന്ന് നോക്കി നടന്നൂടെ.. കൊച്ചു കുട്ടി ആണെന്ന ഇപ്പോളും വിചാരും ” നെറ്റി തിരുമുന്നവളെ നോക്കി കൊണ്ട് അവൻ ദേഷ്യപ്പെട്ടു.
താക്കോൽ എടുത്തു കൊണ്ട് വന്നു അവൾ ധരനെ ഏൽപ്പിച്ചു. വാതിൽ പൂട്ടിയ ശേഷം, രണ്ടാളും അവിടെ നിന്നും ഇറങ്ങി. കണ്ണീർ ചാലിച്ച കവിളിൽ അവൾ മെല്ലെ തലോടി… ധരനെ ഒന്ന് പാളി നോക്കിയപ്പോൾ, അവൻ എന്താണ് എന്ന് ചോദിച്ചു. ഒന്നുമില്ല ന്നു ചുമൽ കൂപ്പി കാണിച്ചു കൊണ്ട്, അവൾ മുന്നോട്ട് നോക്കി കൊണ്ട് വണ്ടിയിൽ ഇരിന്നു. “ഞാൻ ഒന്നും കണ്ടൊന്നും ഇല്ല… ഇനി അതോർത്തു ടെൻഷൻ ആവേണ്ട…. ” അത് പറഞ്ഞതും അവൾ ദേഷ്യത്തിൽ ഒന്ന് ധരനെ നോക്കി. “എന്താടി ഉണ്ടക്കണ്ണി ” “നിങ്ങൾ ഓവർ സ്മാർട്ട്‌ ആവുന്നുണ്ട് കേട്ടോ…..” അവൾ പിറു പിറുത്തു.. “നീയും…..” ധരൻ അവളെ നോക്കി.….തുടരും……
