🖤പ്രണയവർണ്ണങ്ങൾ🖤: ഭാഗം 12

രചന: ആമി

ഗൗരിക്ക് അരുൺ പറയുന്നത് വിശ്വാസം വന്നില്ല.. കാരണം അന്ന് അവൾക്ക് മുന്നിൽ രുദ്ര് അവർക്ക് ഒന്നാവാൻ അവസരം നൽകിയിരുന്നു.. പക്ഷെ അതിന് പുറകിൽ ഇങ്ങനെ ഒരു ചതി അവൾ പ്രതീക്ഷിച്ചിരുന്നില്ല.. അരുൺ അവൾക്ക് നേരെ ഇരുന്നു അവളുടെ കൈകൾ കൂട്ടി പിടിച്ചു.. ഗൗരി നിന്നെ നഷ്ടപ്പെടുത്താൻ എനിക്ക് വയ്യ.. നീ വായോ എന്റെ കൂടെ.. അവനെ പേടിച്ചു നമ്മുടെ ജീവിതം നശിപ്പിക്കണോ.. ഗൗരി തറഞ്ഞു ഇരുന്നു.. ഏതു ഉപേക്ഷിക്കും ഏതു ഉൾക്കൊള്ളണം എന്ന് അറിയാതെ.. ഒടുവിൽ അവൾ അരുണിന്റ കൈകൾ മാറ്റി എഴുനേറ്റു നടന്നു..

ഗൗരി ഞാൻ കാത്തിരിക്കും.. നിന്നെ മറക്കാൻ എനിക്ക് കഴിയില്ല.. പുറകിൽ നിന്നും അരുൺ വിളിച്ചു പറയുന്നത് ഗൗരി കേട്ടെങ്കിലും അവൾ തിരിഞ്ഞു നോക്കിയില്ല.. കണ്ണുകൾ ഒലിച്ചു ഇറങ്ങുമ്പോളും അവൾ വേദനയോടെ നടന്നു.. വിധി ആയിരുന്നില്ല മറിച്ചു തീരുമാനം ആയിരുന്നു എന്നറിഞ്ഞ ദേഷ്യത്തിൽ ആയിരുന്നു ഗൗരി.. ഗൗരി വീട്ടിൽ ചെല്ലുമ്പോൾ മുറ്റത്തു രുദ്രിന്റെ ബൈക്ക് കണ്ടു.. അവൾ അകത്തു കയറി നേരെ മുറിയിലേക്ക് പോയി.. ബെഡിൽ ഇരുന്നു അവൾ കൈകൾ കൊണ്ടു മുഖം തടവി..

എവിടെ ആയിരുന്നു.. പുറകിൽ നിന്നും രുദ്രിന്റെ ശബ്ദം കേട്ടതും ഗൗരി അവനെ ഒന്നു നോക്കുക പോലും ചെയ്യാതെ എഴുന്നേറ്റു ബാത്‌റൂമിൽ പോയി.. ഷവറിനു കീഴിൽ നിൽക്കുമ്പോൾ ഉള്ളിലെ കനൽ മാത്രം അടങ്ങിയില്ല… കണ്ണുനീരിൽ ഒലിച്ചു പോയി അവളുടെ സങ്കടം.. എങ്കിലും മനസ്സിൽ എന്തോ ഭാരം തോന്നി.. കുളി കഴിഞ്ഞപ്പോൾ ആണ് ഡ്രസ്സ്‌ എടുക്കാൻ മറന്നത്.. രുദ്രിനെ കണ്ട ദേഷ്യത്തിൽ പോന്നത് കൊണ്ടു അവൾ അത് മറന്നിരുന്നു.. അവൾ സ്വയം പഴിച്ചു കൊണ്ടു പതിയെ വാതിൽ തുറന്നു..

തല മാത്രം പുറത്തു ഇട്ട് ചുറ്റും നോക്കി.. രുദ്ര് മുറിയിൽ ഉണ്ടായിരുന്നില്ല.. ഗൗരി ദേഹത്ത് ടവൽ ചുറ്റി അലമാരയിൽ വന്നു ഡ്രസ്സ്‌ എടുത്തു ഇട്ട്.. ചുരിദാർ ടോപ്പിന്റെ പുറകിലെ സിബ് ഇടാൻ കഴിയാതെ കൈ എത്തി പിടിക്കുമ്പോൾ ആണ് രുദ്ര് അത് ഇട്ട് കൊടുത്തത്.. ഗൗരി ഞെട്ടി തിരിഞ്ഞു പുറകിലേക്ക് നീങ്ങി.. രുദ്ര് അവളുടെ അടുത്തേക്ക് നീങ്ങി.. അതിനനുസരിച്ചു ഗൗരിയും.. അവസാനം ചുമരിൽ തട്ടി നിന്നതും രുദ്ര് അവളുടെ ദേഹത്തേക്ക് ചാരി നിന്നു.. അവളുടെ മുടിയിൽ നിന്നും ഇറ്റ് വീഴുന്ന വെള്ളം കൈകൾ കൊണ്ടു എടുത്തു അവളുടെ മുഖത്തേക്ക് തന്നെ കുടഞ്ഞു..

ഗൗരി കണ്ണുകൾ അടച്ചു മുഖം വെട്ടിച്ചു.. രുദ്രന്റെ പ്രവർത്തികളിൽ ഗൗരി പേടിച്ചു പോയിരുന്നു.. ഇത് വരെ ഒരിക്കലു അവൻ അങ്ങനെ ഒന്നും പെരുമാറിയിട്ടില്ല.. മാത്രമല്ല ആ കണ്ണുകളിൽ തെളിയുന്ന ഭാവം.. അത് മനസിലാവാതെ ഗൗരി അവനെ നോക്കി.. അടുത്ത നിമിഷം രുദ്ര് അവളുടെ മുഖം കയ്യിൽ എടുത്തു.. ഗൗരി പേടിച്ചു വിറച്ചു.. അവളുടെ പിടയ്ക്കുന്ന കണ്ണുകളും വിറയ്ക്കുന്ന ചുണ്ടുകളും അവനിൽ ഒരു തരം ലഹരി നൽകി.. ചുംബനം കൊണ്ടു മൂടാൻ ഉള്ളം വെമ്പി.. അവളുടെ മുഖമാകെ അവന്റെ കണ്ണുകൾ ഓടി നടന്നു.. രണ്ടു പേരുടെയും മിഴികൾ തമ്മിൽ കൊരുത്തു..

അവളുടെ ഉള്ളിലെ രുദ്ര് ആയിരുന്നില്ല അപ്പൊ അവൻ.. അവന്റെ കണ്ണുകളിൽ പ്രണയം ആയിരുന്നു.. എന്നാൽ അവൾക്ക് അത് കാണാൻ കഴിഞ്ഞില്ല.. അവളുടെ നെറ്റിയിൽ അമർത്തി ചുംബിച്ചു കൊണ്ടു അവനിലെ എല്ലാ വികാരങ്ങളും അവൻ ശമിപ്പിച്ചു.. അവളിൽ നിന്നും അകന്നു മാറി രുദ്ര് തിരിഞ്ഞു നടന്നു.. വാതിൽക്കൽ എത്തിയതും അവൻ നിന്നു.. ഇന്ന് പോയത് ഞാൻ ക്ഷമിച്ചു.. ഇനി ആവർത്തിച്ചാൽ നീ അറിയും.. ശാസനയും ഭീഷണിയും നിറഞ്ഞ സ്വരത്തിൽ രുദ്ര് പറഞ്ഞു കൊണ്ടു പുറത്തു പോയി.. അവൻ പോയതും ഗൗരി ശ്വാസം വിട്ടു.. അരുണിനെ കാണാൻ പോയത് രുദ്ര് അറിഞ്ഞു എന്ന് ഗൗരിക്ക് മനസിലായി..

തന്റെ ഓരോ നീക്കങ്ങളും രുദ്ര് അറിയുന്നു എന്ന് അവൾക്ക് മനസിലായി.. ഗൗരി ഉറങ്ങാൻ കിടക്കുമ്പോൾ എല്ലാം എന്തോ മനസ്സിൽ അരുൺ പറഞ്ഞ കാര്യങ്ങൾ മാത്രം ആയിരുന്നു.. അരുണിനോട് സ്നേഹമോ രുദ്രിനോട് വെറുപ്പോ അവൾക്ക് തോന്നിയില്ല.. പകരം മനസ്സ് ശ്യൂന്യം ആയിരുന്നു.. പക്ഷെ സത്യം എന്തെന്ന് അറിയണം എന്ന് അവൾക്ക് തോന്നി.. ഒപ്പം രുദ്ര് ഒളിപ്പിച്ചു വച്ച ആ പേരും.. ഗൗരി ദേവ്… കണ്ണിൽ ഉറക്കം പിടിക്കുമ്പോൾ ആണ് വയറിൽ ഇഴയുന്നത് പോലെ തോന്നിയത്.. ഗൗരി ഞെട്ടി എഴുനേൽക്കാൻ തുടങ്ങിയതും രുദ്ര് അവളുടെ മുകളിൽ കയറി കിടന്നു..

ഇരുട്ട് നിറഞ്ഞ മുറിയിലെ നിലാ വെളിച്ചത്തിൽ അവൾ കണ്ടിരുന്നു അവന്റെ കണ്ണുകളിലെ ഭാവം.. അവളുടെ രണ്ടു കൈകളും പിടിച്ചു വച്ചു കൊണ്ടു അവൻ അവളിലേക്ക് കൂടുതൽ അമർന്നു.. ഗൗരി കുതറി മാറാൻ ശ്രമിച്ചു.. എന്നാൽ രുദ്രിന്റെ ശക്തിയുടെ മുന്നിൽ അവൾ തോറ്റു പോയി.. എന്തിനാ അവനെ കാണാൻ പോയെ.. പോയത് കൊണ്ടു സത്യം മനസ്സിലാക്കാൻ കഴിഞ്ഞു.. നിങ്ങളുടെ ചിരിക്കുന്ന മുഖത്തിൽ മറച്ചു വച്ചിരിക്കുന്ന ചെകുത്താന്റെ മുഖം.. അസുരൻ.. സർവ്വവും നശിപ്പിക്കാൻ മടിക്കാത്ത അസുരൻ.. ഗൗരി ഉള്ളിലെ രോഷം മുഴുവൻ വാക്കുകളിൽ തീർത്തു..

എന്നാൽ രുദ്ര് അവളെ തന്നെ നോക്കി കിടന്നു.. അവന്റെ കൈ പിടിയിൽ വേദന തോന്നി ഗൗരി കണ്ണുകൾ നിറഞ്ഞു.. അവളുടെ നീർ ചെന്നിയിൽ കൂടെ ഒലിച്ചു ഇറങ്ങുന്നത് കണ്ടു രുദ്ര് പെട്ടന്ന് തന്നെ അവളിൽ നിന്നും വേർപ്പെട്ടു.. അവൻ എഴുനേറ്റു പോകുന്നതും മുറിയുടെ വാതിൽ തുറക്കുന്നതും ഗൗരി അറിഞ്ഞു.. അവൻ പോയതും അവൾ എഴുന്നേറ്റു ലൈറ്റ് ഇട്ട്.. കയ്യിലെ പാടുകളിൽ നോക്കി.. ചുവന്നു വന്നിരുന്നു.. വെള്ളം കുടിക്കാൻ വേണ്ടി ടേബിളിൽ ചെല്ലുമ്പോൾ അവിടെ രുദ്രിന്റെ പേഴ്‌സ് ഇരിക്കുന്നത് ഗൗരി കണ്ടു.. അവൾ വെള്ളം കുടിച്ചു തിരിഞ്ഞതും കണ്ണിൽ എന്തോ തടഞ്ഞു..

അവൾ പേഴ്‌സ് എടുത്തു തുറന്നു നോക്കി.. പേഴ്സിന്റെ നടുവിൽ ഒരു കുഞ്ഞു അറയിൽ ഒരു താക്കോലിന്റെ പകുതി ഭാഗം അവൾ കണ്ടു.. അത് കണ്ടതും അവളുടെ മനസ്സിലേക്ക് രുദ്രിന്റെ മുറിയിലെ പൂട്ട് ഓർമ വന്നു.. ഒന്നും ആലോചിക്കാതെ ഗൗരി ആ താക്കോൽ സ്വന്തം ആക്കി.. ആ സമയം മുകളിൽ പോകാൻ കഴിയാത്തത് കൊണ്ടു ഗൗരി അത് സൂക്ഷിച്ചു വച്ചു.. നാളെ തുറന്നു നോക്കണം എന്ന് അവൾ തീരുമാനിച്ചു.. ഉറക്കത്തിലേക്ക് വീഴുമ്പോൾ അവൾ അറിഞ്ഞിരുന്നു രുദ്ര് വന്നു കിടക്കുന്നതും കുറച്ചു നേരത്തിനു ശേഷം അവളുടെ കൈകളെ തലോടി ചുംബിക്കുന്നതും.. അവൾ പ്രതികരിക്കാതെ കിടന്നു..

അവൾ ഓർക്കുകയായിരുന്നു രുദ്രിനെ പറ്റി.. അവന്റെ മനസ്സിൽ എന്താണെന്നു.. ആർക്കും പിടി തരാതെ ഒരു നിഗൂഡതയിൽ കഴിയുന്ന രുദ്ര് ദേവിനെ കുറിച്ച്.. ഗൗരി കോളേജിൽ പോകുന്നതിന് മുന്നേ തന്നെ ആരും കാണാതെ മുകളിൽ കയറി.. രുദ്രിന്റെ മുറിയിൽ കയറി പൂട്ട് തുറന്നു.. അവൾക്ക് ചെറിയ ഭയം തോന്നി.. ആരെങ്കിലും കണ്ടാലോ എന്ന പേടിയിൽ അവൾ ചുറ്റി നോക്കി ആണ് നിന്നത്.. ആ അറയ്ക്ക് ഉള്ളിൽ നിന്നും അവൾക്ക് ഒരു ഡയറി കിട്ടി.. മറ്റെന്തെങ്കിലും ഉണ്ടാവുമെന്ന് കരുതി അവൾ കുറെ തപ്പി..

പക്ഷെ ഒന്നും കിട്ടിയില്ല.. ഗൗരി ആ ഡയറി തുറക്കാൻ തുടങ്ങിയതും താഴെ നിന്നും അവളെ വിളിച്ചു.. ഗൗരി വേഗം തന്നെ അത് പഴയ പോലെ പൂട്ടി.. കയ്യിലെ ഡയറി പുറകിൽ ഒളിപ്പിച്ചു അവൾ വേഗം മുറിയിൽ വന്നു.. താക്കോൽ രുദ്രിന്റെ പേഴ്സിൽ തന്നെ വെക്കാൻ വേണ്ടി പേഴ്‌സ് നോക്കി എങ്കിലും എവിടെയും കണ്ടില്ല.. രുദ്ര് ആയിരുന്നു കോളേജിൽ ഡ്രോപ്പ് ചെയ്തത്.. അവന്റെ കയ്യിൽ നിന്നും പേഴ്‌സ് വാങ്ങാൻ വേണ്ടി ഗൗരി കയ്യിൽ പൈസ ഇല്ലെന്നു കള്ളം പറഞ്ഞു.. കോളേജിൽ എത്തിയതും രുദ്ര് പേഴ്‌സ് എടുത്തു പൈസ എടുക്കാൻ തുടങ്ങി.. നിന്റെ ബാഗിൽ ഞാൻ വച്ചിരുന്നത് മുഴുവൻ കഴിഞ്ഞോ..

ആ അത് പിന്നെ കുറച്ചു ആവശ്യം ഉണ്ടായിരുന്നു.. രുദ്ര് അത് പറഞ്ഞു പൈസ നീട്ടിയതും ഗൗരി പേഴ്‌സ് തട്ടി പറിച്ചു വാങ്ങി.. രുദ്ര് എന്തെന്ന് അറിയാതെ അവളെ നോക്കി.. ഗൗരി അവന്റെ നോട്ടം അവളിൽ ആണെന്ന് കണ്ടു കയ്യിൽ കരുതുയ താക്കോൽ പതിയെ അതിൽ വച്ചു പേഴ്‌സ് അവനുനേരെ നീട്ടി.. എന്തോ കള്ളത്തരം മനക്കുന്നുണ്ടല്ലോ ഗൗരി കുട്ടി.. ഒന്നും ഇല്ല.. ഞാൻ കണ്ടു പിടിച്ചോളാം.. രുദ്ര് പോയതും ഗൗരി കോളേജിലേക്ക് നടക്കാൻ തുടങ്ങുമ്പോൾ ആണ് പുറകിൽ നിന്നും ധന്യ വിളിച്ചത്.. ഗൗരി അവളെ കാത്തു അവിടെ നിന്നു.. ധന്യ ഓടി കിതച്ചു വന്നു.. ഗൗരി..

നിന്നോട് ഇത്രയും നേരം സംസാരിച്ച ആളെ നീ അറിയുമോ ഡി.. അറിയാം.. എങ്ങനെ അറിയാം.. അതൊക്കെ ഉണ്ട്.. നീ കാര്യം പറ.. പൊന്നു മോളെ ആ മൊതലിനോട് മിണ്ടാൻ പോവല്ലേ.. പച്ചയ്ക്ക് തിന്നും.. അത് നിനക്ക് എങ്ങനെ അറിയാം.. നീ ഈ കോളേജിലെ നോട്ടീസ് ബോർഡ് കണ്ടിട്ടുണ്ടോ.. അതിൽ ഉണ്ട് അയാളുടെ ഫോട്ടോ.. കോളേജിൽ ഫസ്റ്റ് റാങ്ക്.. ജില്ലയിൽ രണ്ടാമത്തെ റാങ്ക്.. പോരാത്തതിന് ഈ കോളേജിൽ അയാളുടെ മാർക്ക് റെക്കോർഡ് ആരും തകർത്തിട്ടില്ല.. ഓ ഇതാണോ.. അതിനിപ്പോ എന്താ.. ഇത് ഓക്കേ കേട്ട് അമുൽ ബേബി ആണെന്ന് കരുതല്ലേ..

കോളേജിൽ സൂപ്പർ ഹീറോ ആയിരുന്നു.. ഇപ്പോളും അങ്ങേര് വന്നാൽ നോക്കാത്ത പെൺകുട്ടികൾ ഇല്ല..അടി ഇടി എന്തിനും മുന്നിൽ.. മാത്രം അല്ല അങ്ങേർക്ക് അന്ന് ഒരു പ്രണയവും ഉണ്ടായിരുന്നു.. അത് പറഞ്ഞപ്പോൾ ഗൗരിയുടെ ഹൃദയത്തിൽ ഒരു നോവ് പടർന്നു.. അവൾക്ക്എന്തെ അങ്ങനെ തോന്നി എന്നവൾ സ്വയം ചിന്തിച്ചു.. പിന്നെ ലൈഫ് മൊത്തം മാറി.. എന്തെങ്കിലും പ്രശ്നം പറഞ്ഞു ചെന്നാൽ അവർക്ക് വേണ്ടി തല്ലാനും കൊല്ലാനും മുന്നിൽ ആയിരുന്നു രുദ്ര് ദേവ്.. ജീവിതം അത് മാത്രം ആയി മാറി.. അപ്പൊ അയാളുടെ പ്രണയമോ.. അതൊന്നും എനിക്ക് അറിയില്ല.. എന്റെ ചേച്ചിയുടെ സീനിയർ ആയിരുന്നു.. എന്റെ ചേച്ചിക്കു ഇഷ്ടം ആയിരുന്നു രുദ്രിനെ..

അങ്ങനെ അവൾ പറഞ്ഞു കുറച്ചു ഓക്കേ അറിയാം..അല്ല നീ എങ്ങനെ അറിയും എന്ന് പറഞ്ഞില്ല.. അതോ.. അങ്ങേരുമായി ഒരു ചെറിയ ബന്ധം ഉണ്ട്.. അയാൾ കെട്ടിയ താലി ആണ് എന്റെ കഴുത്തിൽ.. ധന്യ വാ പൊളിച്ചു നിന്നു.. ഗൗരി ചിരിച്ചു കൊണ്ടു അവളെയും വലിച്ചു നടന്നു.. ധന്യയുടെ ഞെട്ടൽ അപ്പോളും മാറിയിരുന്നില്ല.. രുദ്ര് ദേവ് നിന്റെ ഭർത്താവ് ആണോ ഡി.. അതേലോ.. എന്റെ മോളെ നിന്റെ ഓക്കേ ഭാഗ്യം അല്ലെ ഡി.. അങ്ങേരെ പോലെ ഒരു ഉശിരുള്ള ആണിന്റെ കൂടെ കഴിയാൻ ഏതു പെണ്ണ് ആണ് കൊതിക്കാത്ത.. ധന്യ നീ നിർത്തിക്കെ.. നീ പറയുന്നത് പോലെ എന്റെ ജീവിതത്തിൽ അയാൾ വലിയ ആളൊന്നും അല്ല.. എന്റെ ജീവിതം നശിപ്പിച്ച അസുരൻ ആണ്..

ഗൗരി അത് വരെ നടന്നത് എല്ലാം ധന്യയോട് പറഞ്ഞു.. എല്ലാം കേട്ടപ്പോൾ എന്തോ ധന്യക്ക് ഗൗരിയോട് പാവം തോന്നി.. ഗൗരി എല്ലാം കേട്ടപ്പോൾ എനിക്ക് തോന്നുന്നു നിന്റെ അരുൺ സർ എന്തോ മറക്കുന്നത് പോലെ.. അത് നിനക്ക് രുദ്ര് ദേവിനോട് ഉള്ള ആരാധന കൊണ്ടു തോന്നുവാ.. അല്ല.. നീ ഒന്നു ആലോചിച്ചു നോക്ക്.. ആ ഹോട്ടൽ മുറിയിൽ ഉണ്ടായിട്ടും രുദ്ര് നിന്നെ ഒന്നു തൊടുക പോലും ചെയ്തില്ല.. മാത്രമല്ല അപ്പൊ എന്ത് കൊണ്ടു അരുൺ സർ ഫോൺ എടുത്തില്ല.. സർ തിരക്കിൽ ആയിരിക്കും.. പിന്നെ അയാൾക്ക് എന്നെ നാണം കെടുത്തുക മാത്രം ആയിരുന്നു ഉദ്ദേശം..

അത് സാധിച്ചു.. എനിക്ക് നിന്റെ അരുൺ സാറിനെ വല്യ വിശ്വാസം പൊര.. നീ ഒന്നു കൂടെ ആലോചിച്ചു നോക്ക്.. രുദ്ര് അസുരൻ തന്നെ ആണ്.. പക്ഷെ ഇത് വരെ ഒരു മോശം സ്വഭാവവും ഞാൻ കേട്ടിട്ടില്ല.. ഒരാളെ തല്ലുന്നെങ്കിൽ അയാൾ അത് അർഹിക്കുന്നത് ആയിരിക്കും.. അല്ലാതെ വെറുതെ ഒരാളെയും രുദ്ര് ഇത് വരെ ഒന്നും ചെയ്തിട്ടില്ല.. മാത്രം അല്ല കൂട്ട് കെട്ടിന്റെ ആണെങ്കിൽ രുദ്ര് ഇത് വരെ കള്ള് കുടിക്കുന്നതോ മറ്റ് മോശം സ്വഭാവവും ഒന്നും ഇല്ല.. നിനക്ക് തന്നെ മനസ്സിലാവും.. ധന്യ പറയുന്നത് ശരി ആയിരുന്നു.. രുദ്ര് എത്ര മോശം ആണെങ്കിൽ കൂടെ കള്ള് കുടിച്ചു വരുന്നത് കണ്ടിട്ടില്ല..

ഗൗരിയുടെ മനസ്സിലേക്ക് രുദ്രിനെ കൂടുതൽ വലിച്ചു ഇട്ട് കൊണ്ടു ആയിരുന്നു ധന്യ പോയതാ.. അന്ന് മുഴുവൻ ഗൗരിയുടെ മനസ്സിൽ അത് തന്നെ ആയിരുന്നു.. അരുൺ ആണോ രുദ്ര് ആണോ കള്ളം പറയുന്നത് എന്ന് അറിയാതെ അവൾ കുഴഞ്ഞു.. വൈകുന്നേരം വയൽക്കരയിൽ ഉള്ള വീട്ടിലേക്ക് ആണ് ഗൗരി വന്നത്.. അവൾ അകത്തു കയറി വാതിൽ കുറ്റി ഇട്ട്.. മുറിയിൽ കയറി ബാഗിൽ നിന്നും ആ ഡയറി എടുത്തു.. രുദ്രിനെ കുറിച്ച് എന്തെങ്കിലും അറിയാൻ കഴിയുമെങ്കിൽ അത് ഈ ഡയറിയിൽ കൂടെ മാത്രം ആയിരിക്കും എന്ന് അവൾക്ക് തോന്നി.. ബെഡിൽ ഇരുന്നു അവൾ അത് തുറന്നു.. അതിലെ ആദ്യ പേജിൽ തന്നെ എഴുതിയിരുന്നു.. 🖤എന്റെ സഖിയ്ക്കായ്…🖤 ഒപ്പം ആ പേജിനു അടിയിൽ ആ പേരും.. ഗൗരി ദേവ്… ❣️ദേവന്റെ സ്വന്തം ഗൗരി..❣️… (തുടരും)