💕നിനക്കായ്‌💕: ഭാഗം 14

രചന: ആമി

അർജുൻ അങ്ങനെ പറഞ്ഞതും ഗായത്രി ആകെ വല്ലാതായി.. ഹൃദയം വല്ലാതെ മിടിച്ചു.. അവളുടെ കണ്ണുകൾ അവന്റെ മുഖത്തോടെ ഒഴുകി നടന്നു.. ഒരിക്കൽ ഈ വാക്കുകൾ കേൾക്കാൻ കാത്തിരുന്നു.. പക്ഷെ ഇപ്പൊ എന്തോ ആകെ മരവിച്ച അവസ്ഥ.. അർജുൻ അവളോട്‌ തന്റെ പ്രണയം തുറന്നപ്പോൾ ഉള്ള അവളുടെ ഭാവങ്ങൾ നോക്കി കാണുകയായിരുന്നു.. രണ്ടു പേരുടെയും നോട്ടം തമ്മിൽ ഉടക്കി.. എന്തോ പിൻവലിക്കാൻ കഴിയാത്ത വണ്ണം അതിൽ കാന്തിക ശക്തി ഉള്ളത് പോലെ തോന്നി..

രണ്ടു പേരുടെയും മുഖം തമ്മിൽ അടുത്ത് കൊണ്ടിരുന്നു.. ഗായത്രി ഏതോ ലോകത്തു എന്ന പോലെ അവനിലേക്ക് അടുത്തു.. രണ്ടു പേരുടെയും ശ്വാസം തമ്മിൽ മുഖത്തു വീശി.. ഒപ്പം ഹൃദയമിടിപ്പ് കൂടുകയും ചെയ്തു… അർജുൻ പതിയെ അവളുടെ ചുണ്ടിൽ ഒന്ന് ചുംബിച്ചു.. ഗായത്രി ഒന്ന് പിടഞ്ഞു.. അവന്റെ ഷർട്ടിൽ അവൾ മുറുക്കെ പിടിച്ചു… അർജുൻ അവളുടെ ചുണ്ടിൽ നിന്നും വിട്ടു അവളുടെ മുഖത്തേക്ക് നോക്കി.. കണ്ണുകൾ അടച്ചു നിൽക്കുന്ന ഗായത്രി നോക്കി ഒന്ന് ചിരിച്ചു കൊണ്ടു അർജുൻ അവളുടെ നെറ്റിയിൽ ചുംബിച്ചു…

അവന്റെ കൈകൾ അവളുടെ ഇടുപ്പിൽ പിടി മുറുക്കുന്തോറും ഗായത്രി അവന്റെ ഷിർട്ടിലെ പിടിയും മുറുക്കി… അർജുന്റെ അധരങ്ങൾ അവളുടെ മുഖത്തിലൂടെ ഓടി നടന്നു.. ഗായത്രി ഒന്ന് എതിർക്കുക പോലും ചെയ്യാത്തത് അർജുനെ കൂടുതൽ ആവേശം നൽകി.. ഒടുവിൽ അവളുടെ അധരങ്ങൾ കവർന്നെടുത്ത കൊണ്ടു അവൻ അവളെ ഇറുക്കി പുണർന്നു… അവന്റെ പല്ലുകൾ അവളുടെ ചുണ്ടുകൾക്ക് വേദന നൽകിയതും അവളുടെ കൈകൾ അവന്റെ മുടിയിൽ പിടുത്തം ഇട്ടു.. ശ്വാസം മുട്ടുന്നത് പോലെ തോന്നിയപ്പോൾ ആണ് ഗായത്രി താൻ എന്താണ് ചെയ്യുന്നത് എന്ന ബോധം വന്നത്..

അപ്പോളും അർജുൻ ആ ചുംബന ലഹരിയിൽ തന്നെ ആയിരുന്നു.. ഒടുവിൽ ബോധം വന്നതും ഗായത്രി സർവ്വ ശക്തിയും എടുത്തു അവനെ തള്ളി.. പെട്ടന്ന് ആയത് കൊണ്ടു തന്നെ അർജുൻ പുറകിലേക്ക് പോയി…ചുംബനം തടസ്സപ്പെട്ട ഒരു നിരാശ അവനു തോന്നി.. ഗായത്രിക്ക് ആണെങ്കിൽ അർജുന്റെ മുഖത്തു നോക്കാൻ മടി തോന്നി.. അർജുൻ വീണ്ടും അവളുടെ അടുത്തേക് അടുത്തതും ഗായത്രി പുറകിലേക്ക് നീങ്ങി… നിനക്ക് എല്ലാം മനസ്സിലാക്കാൻ സമയം വേണം എന്ന് എനിക്ക് അറിയാം.. എല്ലാം ഉൾകൊള്ളാൻ എത്ര സമയം വേണമെങ്കിലും എടുത്തോളൂ.. അത് വരെ നിന്റെ ദേഹത്ത് ഞാൻ തൊടില്ല… നിന്റെ സമ്മതം ഇല്ലാതെ എനിക്ക് അതിനു കഴിയില്ല…

അർജുൻ പറഞ്ഞു നിർത്തി ഗായത്രി അടുത്ത് വന്നു അവളുടെ മുഖം കയ്യിൽ എടുത്തു.. അവളുടെ കണ്ണുകൾ നിറഞ്ഞിരുന്നു… എന്റെ സ്നേഹം എന്താണെന്നു നീ സ്വയം മനസ്സിലാക്കണം… അത് വരെ ഞാൻ കാത്തിരിക്കാം.. ഒടുവിൽ എന്റെ മാത്രം ആവുന്നത് വരെ.. അവളുടെ നെറ്റിയിൽ അമർത്തി ചുംബിച്ചു കൊണ്ടു അർജുൻ ബെഡിൽ പോയി കിടന്നു.. ഗായത്രി എന്ത് ചെയ്യണം എന്നറിയാതെ നിന്നു.. വന്നു കിടക്ക്.. അവിടെ നിന്ന് നേരം വെളുപ്പിക്കണ്ട… ഗായത്രി ബെഡിൽ ഓരം ചേർന്നു കിടന്നു..

അവൾ കിടന്നതും അർജുൻ അവളോട്‌ ചേർന്നു കിടന്നു.. അതേയ് ഞാൻ നേരെത്തെ പറഞ്ഞത് പോലെ അധികം സമയം ഒന്നും എടുക്കണ്ട.. വേഗം വേണം എനിക്ക് കൺട്രോൾ തീരെ ഇല്ല …എന്താ സംഭവിക്ക എന്ന് പറയാൻ പറ്റില്ല.. അർജുൻ പറഞ്ഞത് കേട്ട് ഗായത്രിക്ക് ചിരി വന്നെങ്കിലും അവൾ അടക്കി വച്ചു..വയറിലൂടെ ചുറ്റുന്ന അവന്റെ കൈകളെ എടുത്തു മാറ്റി ഗായത്രി ഒന്നു കൂടെ നീങ്ങി കിടന്നു.. പക്ഷെ അർജുൻ അതെ പോലെ വീണ്ടും അടുത്ത് തന്നെ കിടന്നു.. അത് വരെ ഈ ടച്ചിങ്ങും ഇടയ്ക്ക് ഓരോ കിസ്സ് അത്ര മതി.. നീ ബലം പിടിച്ചാൽ ഞാൻ പിടിച്ചു വാങ്ങും.. ഗായത്രി ഒന്നും മിണ്ടിയില്ല…

അർജുൻ അങ്ങനെ കിടന്നു ഉറങ്ങി.. അർജുൻ ഉറങ്ങി എന്ന് തോന്നിയപ്പോൾ ഗായത്രി പതിയെ അർജുന് നേരെ തിരിഞ്ഞു കിടന്നു.. അവന്റെ മുഖത്തു നോക്കി അവൾ ഓരോന്ന് ഓർത്തു… എന്നെ ഇഷ്ടം ആണെങ്കിൽ പിന്നെ എന്തിനാ അന്ന് അങ്ങനേ ഒക്കെ ചെയ്തേ.. അച്ഛനെയും എല്ലാം.. ഏതാണ് സത്യം എന്നറിയില്ല… എങ്കിലും കുറച്ചു മുൻപ് എന്നോട് പറഞ്ഞ വാക്കുകൾ ഞാൻ എത്ര മാത്രം കേൾക്കാൻ കൊതിച്ചിട്ടുണ്ടെന്ന് അറിയുമോ.. ഗായത്രിയുടെ മനസ്സ് അർജുനേ കുറിച്ച് കൂടുതൽ അറിയണം എന്ന് തോന്നി.. അതിനു ഏക വഴി അർജുന്റെ ഫ്രണ്ട്സ് പിന്നെ മാളു.. ഇവരിൽ നിന്നും എല്ലാം മനസ്സിലാക്കണം..

എന്താണ് അന്ന് നടന്നത് എന്ന് അറിയണം..ഗായത്രി തീരുമാനിച്ചു ഉറപ്പിച്ചത് പോലെ മനസ്സിൽ പറഞ്ഞു..അവളും അങ്ങനെ ഉറക്കത്തിൽ വീണു.. രാവിലെ ഗായത്രി എഴുനേറ്റു കുളിച്ചു അടുക്കളയിൽ കയറി.. പ്രാതൽ ഉണ്ടാക്കി അവൾ മുറിയിൽ വന്നു.. അർജുൻ അപ്പോളും ഉറക്കത്തിൽ തന്നെ ആയിരുന്നു.. ഗായത്രി അർജുന്റെ ഫോൺ എടുത്തു.. അതിൽ ഫിംഗർ ലോക്ക് ഓപ്ഷൻ ഉണ്ടായിരുന്നു.. ഗായത്രി പതിയെ അവന്റെ കൈ കൊണ്ടു അത് തുറന്നു മുറിയിൽ നിന്നും പുറത്തു പോയി..ഫോണിൽ നമ്പർ ടൈൽ ചെയ്തു ഫോൺ കാതോരം വെക്കുമ്പോൾ അവൾക്ക് ആകെ അസ്വസ്ഥത തോന്നി…

അർജുൻ വരുന്നുണ്ടോ അറിയാന് പുറകിലേക്ക് നോക്കി അവൾ അക്ഷമയോടെ നിന്നു… ഹലോ… ഹലോ.. ഹരിയേട്ടാ.. ഞാൻ ഗായത്രി ആണ്.. മോളെ.. നീ എവിടെ..അവൻ എന്തെങ്കിലും… ഇല്ല.. ഏട്ടാ.. ഞാൻ ചെന്നൈ ആണ്…എനിക്ക് കുഴപ്പം ഒന്നും ഇല്ല… ഹരിയേട്ടൻ ടെൻഷൻ അടിക്കേണ്ട പറയാൻ ആണ് ഞാൻ വിളിച്ചത്.. ഞാൻ നാട്ടിൽ വന്നിട്ടില്ല.. എന്റെ ലീവ് കമ്പനി ക്യാൻസൽ ചെയ്തു.. അല്ലെങ്കിൽ ഞാൻ നിന്നെ വന്നു കൂട്ടിയിരുന്നു.. വേണ്ട.. ഹരിയേട്ടൻ വന്നാൽ അജു ഏട്ടൻ എന്തെങ്കിലും… അവൻ എന്നെ ഒന്നും ചെയ്യില്ല.. ഒന്നുമല്ലെങ്കിലും അവന്റെ ആത്മ സുഹൃത്തു ആയിരുന്നല്ലോ ഞാൻ ഒരുകാലത്തു…

എന്ന ശരി ഏട്ടാ.. ഞാൻ വെക്കട്ടെ.. ഹരിയോട് സംസാരിച്ചപ്പോൾ തന്നെ ഗായത്രിക്ക് ആശ്വാസം തോന്നി..അവൾ ഫോൺ വച്ചു മാളുവിന്റെ നമ്പറിൽ വിളിച്ചു.. പക്ഷെ ഫോൺ എടുത്തില്ല.. ഗായത്രി നിരാശയോടെ തിരിഞ്ഞതും പുറകിൽ കയ്യും കെട്ടി നിൽക്കുന്ന അർജുനെ കണ്ടതും അവളുടെ സകല ധൈര്യവും ചോർന്നു പോയി..ഗായത്രി ഫോൺ വേഗം പുറകിലേക്ക് മറച്ചു പിടിച്ചു… എന്താ പരിപാടി… അത്.. ഒന്നുല്ല..ഞാൻ വെറുതെ.. ഓഹ്.. എന്താ നിന്റെ കയ്യിൽ.. ഒ… ഒന്നുല്ല.. അവൾ തൊണ്ടയിൽ നിന്നും വെള്ളം ഇറക്കി കൊണ്ടു പറഞ്ഞു.. അർജുൻ ചരിഞ്ഞു നോക്കി കൊണ്ടു പുരികം പൊക്കി എന്താ എന്ന ചോദിച്ചു..

ഗായത്രി ആകെ പേടിച്ചു പോയിരുന്നു.. അത് പിന്നെ… ഒന്നും ചെയ്യല്ലേ.. ഞാൻ ഫോൺ എടുത്തു മാളുവിനെ വിളിക്കാൻ വേണ്ടി.. പക്ഷെ അവൾ ഫോൺ എടുത്തില്ല.. സോറി.. ഇനി എടുക്കില്ല.. ഗായത്രി ഒറ്റ ശ്വാസത്തിൽ പറഞ്ഞു കൊണ്ടു ഫോൺ അർജുന്റെ കയ്യിൽ കൊടുത്തു.. അർജുൻ എന്തോ പറയും മുന്നേ അവൾ അവിടെ നിന്നും പോയി… അർജുന് മനസിലായിരുന്നു അവൾ ഹരിയെ ആണ് വിളിച്ചതെന്ന്.. ഇനി അർജുനെ എങ്ങനെ ഫേസ് ചെയ്യും എന്ന ചിന്തയിൽ ഗായത്രി അടുക്കളയിൽ അങ്ങോട്ടും ഇങ്ങോട്ടും നടന്നു… അപ്പൊ ആണ് അർജുൻ അടുക്കളയിൽ വന്നത്..അർജുൻ വേഗം ഭക്ഷണം കഴിച്ചു എഴുന്നേറ്റു പോയി..

പിന്നെ റെഡി ആയി പുറത്തു പോകുന്നതും ഗായത്രി കണ്ടു.. പകൽ മുഴുവൻ ഗായത്രി ഒറ്റയ്ക്ക് ആയിരുന്നു ഫ്ലാറ്റിൽ.. ഉച്ചയ്ക്ക് ഭക്ഷണം ഉണ്ടാക്കി എങ്കിലും അവൾ കഴിച്ചില്ല.. അവൾക്കു അർജുനെ കുറിച്ച് അറിയാൻ എന്താണ് മാർഗം എന്ന ആലോചന മാത്രം ആയിരുന്നു… വൈകുന്നേരം അർജുന്റെ കൂടെ വിനുവും സുധിയും ഉണ്ടായിരുന്നു.. ഗായത്രി വിനുവിനോട് ചോദിക്കാൻ തന്നെ തീരുമാനിച്ചു.. വിനുവിനോട് സംസാരിക്കാൻ ഒരു അവസരം തേടി അവൾ… അർജുനും സുധികും വിനുവിനും ഭക്ഷണം വിളമ്പി കൊടുത്തു ഗായത്രി മാറി നിന്നു…. ഗായത്രി.. ഫുഡ് സൂപ്പർ..

നാടൻ ടേസ്റ്റ്… അല്ലെ ഡാ.. സുധി പറഞ്ഞതും വിനു ശരി വച്ചു.. പക്ഷെ അർജുൻ ഒന്നും പറഞ്ഞില്ല.. അവളെ ഒന്ന് നോക്കിയത് പോലും ഇല്ല.. എന്തോ അവൾക്കു സങ്കടം തോന്നി… അവൻ പ്രശംസിക്കാത്തതിൽ എന്തിനാ സങ്കടം എന്ന് അവൾ സ്വയം ചോദിച്ചു… ഭക്ഷണം കഴിച്ചു കഴിഞ്ഞു അവർ മൂന്നു പേരും ബാൽക്കണിയിൽ ഇരുന്നു.. ഗായത്രി ഹാളിലെ സോഫയിൽ ഇരുന്നു വിനുവിനെ എങ്ങനെ ഒറ്റയ്ക്ക് കിട്ടും എന്നാലോചിച്ചു.. അപ്പൊ ആണ് ടേബിളിൽ നിന്നും വെള്ളം എടുക്കാൻ വേണ്ടി വിനു ഹാളിൽ വന്നത്.. ഗായത്രി കണ്ടു വിനു ഒന്ന് പരുങ്ങി.. ഗായത്രിക്ക് കാര്യം മനസിലായിരുന്നു.. അവിടെ അപ്പൊ അതാണല്ലേ പരിപാടി.. ഏയ്.. അത്.. അത് പിന്നെ രണ്ടെണ്ണം..

എനിക്ക് ഒന്ന് സംസാരിക്കാൻ ഉണ്ട്.. പറ്റുമോ.. ഞാൻ വെള്ളം അവിടെ കൊടുത്തിട്ട് ഇപ്പൊ വരാം.. വിനു വെള്ളം കൊണ്ടു കൊടുത്തിട്ട് അവിടെ നിന്നും നൈസ് ആയി മുങ്ങി.. ഗായത്രിയുടെ അടുത്ത് സോഫയിൽ ഇരുന്നു അവൾക്കു നേരെ തിരിഞ്ഞു ഇരുന്നു.. എന്താ കാര്യം.. അത് പിന്നെ അജു ഏട്ടനെ കുറിച്ച് അറിയാൻ.. എന്താ അറിയണ്ടേ…. ഏട്ടന് എന്നെ ഇഷ്ടം ആയിരുന്നോ.. വിവാഹത്തിന് മുന്നേ.. നിന്നെ കണ്ട അന്ന് മുതൽ അവനു നീ ഭ്രാന്ത് ആയിരുന്നു… വിനു അങ്ങനെ പറഞ്ഞപ്പോൾ ഗായത്രി ഞെട്ടി.. ഒരിക്കൽ പോലും തനിക് അത് ഫീൽ ചെയ്തിട്ടില്ല.. പിന്നെ എങ്ങനെ..

ഞങ്ങൾ നാലു പേരും കട്ട ഫ്രണ്ട്സ് ആയിരുന്നു സ്കൂൾ കാലം മുതൽ.. ആ ഫ്രണ്ട് ഷിപ് ആണ് ഞങ്ങളെ ഒരേ കമ്പനിയിൽ ഒരേ ജോലിയിൽ വരെ എത്തിച്ചത്.. അവന്റെ സ്കൂൾ ജീവിതത്തിൽ നങ്ങൾക്ക് ഇടയിലേക്ക് കടന്നു വന്നൊരു പേര് മാത്രം ആയിരുന്നു നീ.. ഗായത്രി… മാളു വിളിക്കുമ്പോൾ എല്ലാം അവളുടെ ഏട്ടനോട് നിന്നെ കുറിച്ച് വാ തോരാതെ സംസാരിക്കുന്നത് എല്ലാം അവൻ ഞങ്ങളോട് വന്നു പറയും.. ഞങ്ങൾ പക്ഷെ അത് കാര്യം ആക്കിയിരുന്നില്ല…പക്ഷെ അന്ന് അവൻ… അവന്റെ വേവലാതി കണ്ടപ്പോൾ ആണ് നങ്ങൾക്ക് മനസ്സിലായത് അവൻ നിന്നെ എത്ര മാത്രം പ്രണയിക്കുന്നുണ്ടെന്ന്.. എന്ന്… ഗായത്രി അക്ഷമയോടെ ചോദിച്ചു.. അവളുടെ കണ്ണിലെ കൗതുകം കണ്ടു വിനു ചിരിച്ചു.

. ഒരു ദിവസം മാളു നിന്നെ കുറിച്ച് ഒന്നും പറയാതെ ഇരുന്ന അന്ന്.. അന്ന് അവൻ അസ്വസ്ഥതയോടെ ഇരുന്നു.. ദിവസവും നിന്നെ കുറിച്ച് കേട്ട് കേട്ട് അവനു ഒരു നിമിഷം പോലും നിന്നെ കേൾക്കാതെ ആയപ്പോൾ.. അന്ന് ഞങ്ങളുടെ ചോദ്യത്തിന് മുന്നിൽ അവൻ സത്യം പറഞ്ഞു.. അവൻ നിന്നെ പ്രണയിക്കുന്നുണ്ടെന്ന്.. വിനു പറയുന്നത് കേൾക്കുന്തോറും അവൾക്കു എല്ലാം അറിയൻ ഉള്ള കൗതുകം ഏറി.. ഒപ്പം അർജുൻ മനസ്സിൽ പഴയത് പോലെ പടരുന്നതും അവൾ തിരിച്ചറിഞ്ഞു.. പിറ്റേന്ന് തന്നെ അവൻ നാട്ടിൽ വന്നു.. നിന്നെ കാണാൻ.. ഒരിക്കൽ പോലും നിന്നെ കാണാതെ അത്രയും പ്രണയിച്ച അജുവിന്‌ നിന്നെ കണ്ടാൽ ഉള്ള അവസ്ഥ പറയണോ.. നിന്നെ കണ്ടു കഴിഞ്ഞു തിരിച്ചു വന്നത് മുതൽ അവൻ മറ്റൊരു ലോകത്തു ആയിരുന്നു.. എപ്പോളും ചുണ്ടിൽ ചിരിയോടെ അല്ലാതെ അവനെ കാണില്ല…

അങ്ങനെ ആണ് മാളുവിന്റെ പിറന്നാളിന് ഞങ്ങൾ എല്ലാവരും നിന്നെ ആദ്യം കാണുന്നത്… ഞങ്ങൾ നാലു പേരും കൂടെ നിൽക്കുമ്പോൾ ആണ് നീ അവിടെ വന്നത്.. നിന്നെ നങ്ങൾക്ക് കാണിച്ചു തന്നാണ് അവൻ നിന്റെ അടുത്തേക് പാഞ്ഞു വന്നത്.. അവിടെ വച്ചു നിങ്ങൾ തമ്മിൽ കൂട്ടി ഇടിച്ചില്ലേ.. സത്യം പറഞ്ഞാൽ അവൻ നിന്നെ കാണാൻ വേണ്ടി മനഃപൂർവം ചെയ്തത് ആണ്.. പക്ഷെ നീ നോക്കിയപ്പോൾ അവൻ ദേഷ്യപ്പെട്ടു.. പക്ഷെ.. ഹരിയേട്ടൻ എന്നോട് ഇതൊന്നും പറഞ്ഞിട്ടില്ല.. ഹരിക്ക് അറിയില്ല ഇതൊന്നും.. അജുവിനു ഒരു പെൺകുട്ടിയെ ഇഷ്ടം ആണെന്ന് മാത്രമേ അവനു അറിയൂ..

നീ ആണെന്ന് ഹരിക്ക് അറിയില്ല… പിന്നെ എന്തിനാ എന്നോട് അന്ന് അങ്ങനെ ഒക്കെ പെരുമാറിയെ.. എന്നെ ഇഷ്ടം ആണെങ്കിൽ പിന്നെ.. അതൊക്കെ നീ അറിയും.. ഇപ്പൊ ഞാൻ അങ്ങോട്ട്‌ ചെല്ലട്ടെ അല്ലെങ്കിൽ അവർ എന്നെ ഇട്ടു വാരും.. വിനു എഴുന്നേറ്റു പോകാൻ നിന്നതും എന്തോ ഓർത്തു തിരിഞ്ഞു നിന്നു.. ഗായത്രി.. ഒന്നു ഞാൻ പറയാം.. അവൻ നിന്നെ പ്രണയിച്ചത് പോലെ നീ പോലും അവനെ സ്നേഹിച്ചിട്ടില്ല.. അപ്പൊ എനിക്ക് അജു ഏട്ടനെ ഇഷ്ടം ആണെന്ന് അറിയാമായിരുന്നോ… മ്മ്.. അത് അറിയാൻ വൈകിയത് ആണ് എല്ലാ കുഴപ്പങ്ങൾക്കും കാരണം… ഗായത്രി ഒന്നും മനസ്സിലാവാത്തത് പോലെ നിന്നു.. വിനു അവളെ നോക്കി ചിരിച്ചു കൊണ്ടു പോയി..

ഗായത്രിയുടെ മനസ്സിൽ വിനു പറഞ്ഞ ഓരോ കാര്യങ്ങളും ഓടി.. അർജുന്റെ മനസ്സിൽ താൻ ഉണ്ടായിരുന്നു എന്നത് അവൾക്കു ഒരുപാട് സന്തോഷം നൽകി.. പക്ഷെ പിന്നെ എന്ത് സംഭവിച്ചു എന്ന് അറിയാനും തോന്നി… എന്തോ അത് വരെ അർജുനോട് തോന്നിയ ദേഷ്യം എല്ലാം കുറഞ്ഞത് പോലെ… ജനലിൽ പിടിച്ചു പുറത്തു നോക്കി നിൽക്കുന്ന ഗായത്രിയുടെ കയ്യിൽ അർജുൻ പിടിച്ചതും അവൾ ഞെട്ടി തിരിഞ്ഞു.. അവന്റെ ഭാവത്തിൽ നിന്നും തന്നെ ഒരുപാട് കുടിച്ചിട്ടുണ്ടെന്ന് മനസിലായി.. ഒപ്പം മദ്യത്തിന്റെ രൂക്ഷ ഗന്ധവും.. അവൾ മുഖം വെട്ടിച്ചു മാറി നിന്നു..അർജുൻ അവളുടെ അടുത്തേക് നീങ്ങിയതും അവൾ കൈ കൊണ്ടു തടഞ്ഞു.. ഈ കോലത്തിൽ എന്റെ അടുത്ത് വരരുത്..

എനിക്ക് ഇഷ്ടം അല്ല.. അപ്പൊ കുടിക്കാതെ വന്നാൽ ഇഷ്ടം ആണോ.. ഗായത്രി ഒന്നും മിണ്ടാതെ അർജുനെ തുറിച്ചു നോക്കി.. ഇങ്ങനെ നോക്കല്ലേ ഡി… എനിക്ക് കടിച്ചു തിന്നാൻ തോന്നുവെ… എന്തിനാ അന്ന് എന്റെ അച്ഛന്റെ കാണാൻ പോയത്.. നിന്നെ അന്വേഷിച്ചു പോയതാ..അല്ലാതെ നിന്റെ അച്ഛനെ ഞാൻ ഒന്നും അല്ല കൊന്നത്… കൊന്നത് നിങ്ങൾ അല്ലായിരിക്കും.. പക്ഷെ കാരണം നിങ്ങൾ ആണെങ്കിലോ.. അവസാനം ആയി അച്ഛൻ എന്നോട് പറഞ്ഞത് അർജുൻ ആണ് എന്നാണ്.. ഗായത്രി അങ്ങനെ പറഞ്ഞതും അർജുന് ദേഷ്യം വന്നു.. അവൻ അവളുടെ കവിളിൽ കുത്തി പിടിച്ചു ഭിത്തിയിൽ ചേർത്ത് നിർത്തി.. അന്ന് നീ ഇറങ്ങി പോയപ്പോൾ ഞാൻ നിന്നെ തേടി നിന്റെ വീട്ടിൽ പോയി..

ആ സമയത്തു നിന്റെ അച്ഛൻ നിലത്തു വീണു കിടക്കയിരുന്നു.. ഞാൻ എഴുന്നേൽപ്പിച്ചു വെള്ളം കൊടുത്തു കഴിഞ്ഞു എന്റെ ഫോണിൽ സംസാരിക്കാൻ പോയ സമയത്തു ആണ് നീ വിളിച്ചത്.. നീ വിളിച്ചതും അദ്ദേഹം കൂടുതൽ തളർന്നു…ഞാൻ വരുമ്പോൾ കസേരയിൽ നിന്നും താഴെ വീണു കിടക്കുന്ന നിന്റെ അച്ഛനെ ആണ് കണ്ടത്.. ഫോണിൽ നിന്നും നിന്റെ കരച്ചിൽ കേട്ട് ഞാൻ എടുത്തു സംസാരിച്ചതും നീ വച്ചു.. പക്ഷെ നിന്റെ മനസ്സിൽ ഞാൻ ആണ് നിന്റെ അച്ഛന്റെ മരണത്തിന് കാരണക്കാരൻ എന്ന് കരുതും എന്ന് അറിഞ്ഞില്ല… അർജുൻ പറഞ്ഞു നിർത്തിയതും ഗായത്രിയുടെ കണ്ണുകൾ നിറഞ്ഞു..

അവളിൽ നിന്നും പിടി വിട്ടു അർജുൻ വാതിൽ ലക്ഷ്യം വച്ചു നടന്നു.. വാതിൽ തുറന്നു അവളെ ഒന്ന് തിരിഞ്ഞു നോക്കി.. ഇനിയും എന്റെ ഭാഗം ന്യായീകരിച്ചു നിന്റെ സ്നേഹം എനിക്ക് വേണ്ട ഗായത്രി.. നീ എന്നെ വിശ്വാസം ഉണ്ടെങ്കിൽ മാത്രം സ്നേഹിച്ചാൽ മതി.. പക്ഷെ മരണം വരെ എന്റെ ഭാര്യ ആയി തന്നെ നീ ജീവിക്കും.. വാതിൽ ശക്തമായി വലിച്ചു അടച്ചു വെളിയിൽ പോയി.. ഗായത്രി തളർച്ചയോടെ നിലത്തേക്ക് ഊർന്നു ഇരുന്നു.. അവളുടെ മനസ്സിൽ കഴിഞ്ഞു പോയ ഓരോന്നും തെളിഞ്ഞു വന്നു.. അച്ഛന്റെ മരണം അർജുൻ കാരണം അല്ല എന്ന് കേട്ടതിൽ അവൾക്കു സന്തോഷവും ഒപ്പം കുറ്റ ബോധവും തോന്നി.. ഒരിക്കൽ എങ്കിലും അർജുനെ കേൾക്കാൻ താൻ തയ്യാർ ആയില്ല..

അവൾ കാരഞ്ഞു കൊണ്ടു നിലത്തു ഇരുന്നു ഉറക്കത്തിൽ വീണു… പാതി മയക്കത്തിലും അർജുൻ അവളെ വാരി എടുത്തു ബെഡിൽ കിടത്തുന്നതും പുതപ് എടുത്തു പുതയ്ക്കുന്നതും നെറ്റിയിൽ ചുംബിക്കുന്നതും എല്ലാം അവൾ അറിഞ്ഞു.. അവളെ പൊതിഞ്ഞു പിടിച്ചു കിടക്കുന്ന അർജുന്റെ നെഞ്ചോടു ചേർന്നു അവളും കിടന്നു.. ചുണ്ടിൽ ചെറു ചിരിയോടെ….….….. (തുടരും)