💕നിനക്കായ്‌💕: ഭാഗം 15

രചന: ആമി

ദിവസങ്ങൾ കടന്നു പോയി.. അർജുന്റെ ദേഷ്യവും ഒപ്പം ഗായത്രിയോട് ഉള്ള സ്നേഹവും എല്ലാം കണ്ടു ഗായത്രിക്കും അർജുനോട് ദേഷ്യം കുറഞ്ഞിരുന്നു.. എങ്കിലും മാളുവിൽ നിന്നും സത്യം മുഴുവൻ അറിഞ്ഞു കഴിഞ്ഞേ അർജുനെ വീണ്ടും മനസ്സിൽ ഉൾകൊള്ളു എന്നൊരു തീരുമാനം അവൾ എടുത്തു.. അർജുൻ ആണെകിൽ ഗായത്രി മിണ്ടിയില്ലെങ്കിലും കൂടെ ഉള്ള സന്തോഷം മാത്രം മതിയായിരുന്നു.. അവൻ പതുക്കെ പതുക്കെ ലഹരിയിൽ നിന്നും മുക്തമാവുന്നത് അവന്റെ കൂട്ടുകാർക്കും ഒരുപാട് സന്തോഷം നൽകി.. അന്ന് ആയിരുന്നു അർജുൻ ഓഫീസിൽ ആദ്യം ആയി പോയി തുടങ്ങുന്നത്..

അർജുൻ പോയി കഴിഞ്ഞാൽ ഗായത്രി മാത്രം ഫ്ലാറ്റിൽ ഒറ്റയ്ക്ക് ആണ്.. അവൾ പഴയ ഓർമ്മകൾ എല്ലാം അയവിറക്കി അങ്ങനെ സമയം തള്ളി നീക്കും… ഓർമ്മകളിൽ എല്ലാം അർജുൻ മാത്രം ആയിരുന്നു.. മാളുവിനോട് കൂടുതൽ സംസാരിക്കാൻ കഴിയാത്തത് ആയിരുന്നു അവളുടെ ഏക സങ്കടം.. അർജുൻ ഉണ്ടാവുമ്പോൾ മാത്രം ആയിരുന്നു സംസാരം. അത് കൊണ്ടു അവളോട്‌ കൂടുതൽ ചോദിക്കാനും കഴിയില്ല.. വൈകുന്നേരം അർജുൻ ഓഫീസിൽ നിന്നും വന്നു നേരെ സോഫയിൽ ഇരുന്നു.. നെറ്റിയിൽ തടവുന്ന അർജുനെ കണ്ടാണ് ഗായത്രി മുറിയിൽ നിന്നും വന്നത്..

എന്ത് പറ്റി.. ഏയ്.. ഒരു തലവേദന.. അർജുൻ നെറ്റിയിൽ കൈ വച്ചു അങ്ങനെ കിടന്നു.. ഈ സമയം ഗായത്രി അടുക്കളയിൽ പോയി ഒരു ചായ ഇട്ടു അർജുന് വന്നു കൊടുത്തു.. അർജുൻ അത് വാങ്ങി കുടിച്ചു ഗായത്രിയെ നോക്കി.. എന്നോട് സ്നേഹം ഓക്കേ ഉണ്ടല്ലേ.. ഗായത്രി ഒന്നും മിണ്ടാതെ പോയി.. അർജുൻ ചിരിച്ചു കൊണ്ടു ഫോൺ എടുത്തു സുധിയുടെ നമ്പർ ടൈൽ ചെയ്തു.. ഡാ… പ്രോഗ്രാമിന് ഫുൾ സെറ്റ് അല്ലെ.. എനിക്ക് ഇനി വരാൻ വയ്യ.. തലവേദന.. അജു.. ജോൺ ഓഫീസിൽ തന്നെ ഉണ്ട്.. ഞങ്ങൾ ഇപ്പൊ അങ്ങോട്ട്‌ പോവും.. നീ വയ്യെങ്കിൽ വരണ്ട.. ഓക്കേ ഡാ.. എന്ന തിരിച്ചു വരുമ്പോൾ ഇങ്ങോട്ടു വാ..

ഇന്ന് ഇവിടെ കൂടാ.. ഓക്കേ ഡാ.. അർജുൻ ഫോൺ വച്ചു മുറിയിൽ പോയി ഡ്രസ്സ്‌ അഴിക്കാൻ തുടങ്ങി.. ഷർട്ട്‌ അഴിച്ചു ബെൽറ്റ്‌ ഊരി പാന്റിന്റെ സിബ് അഴിക്കാൻ തുടങ്ങുമ്പോൾ ആണ് ബാത്രൂമിൽ നിന്നും ഗായത്രി കുളി കഴിഞ്ഞു ഇറങ്ങിയത്.. ആ കാഴ്ച കണ്ടു ഗായത്രി വേഗം തിരിഞ്ഞു നിന്നു.. അർജുൻ അവൾ തിരിഞ്ഞു നിന്നതും ബെഡിൽ നിന്നും മുണ്ട് എടുത്തു ഉടുത്തു അവളെ നോക്കി ചിരിച്ചു.. ഇനി നോക്കിക്കോ.. ഗായത്രി പതിയെ തിരിഞ്ഞു നോക്കി.. പിന്നെ കണ്ണാടിയുടെ മുന്നിൽ പോയി നിന്നു മുടിയിലെ ഈറൻ കളഞ്ഞു കൊണ്ടിരുന്നു.. അർജുൻ ഇതെല്ലാം നോക്കി നിൽക്കുകയായിരുന്നു..

അവൻ നോക്കുന്നത് കണ്ണാടിയിലൂടെ കാണുന്ന ഗായത്രിക്ക് എന്തോ മടി തോന്നി അവൾ വേഗം മുടി പുറകിലേക്ക് ഇട്ടു.. ചെറിയ വട്ട പൊട്ട് തൊട്ടു ഒരു നുള്ള് കുങ്കുമവും തൊട്ടു തിരിഞ്ഞതും അർജുൻ അവൾക്കു അരികിൽ ഉണ്ടായിരുന്നു.. അവൾ പേടിച്ചു പുറകിലേക്ക് നീങ്ങി.. അർജുൻ അവളുടെ സൗന്ദര്യത്തിൽ മതി മറന്നു നിൽക്കുകയായിരുന്നു.. ഒരു ചായങ്ങളും ഇല്ലാതെ അവളുടെ മുഖത്തെ ഐശ്വര്യം അവൻ ഇമ വെട്ടാതെ നോക്കി നിന്നു.. ഗായത്രിക്ക് ആകെ പരിഭ്രമം തോന്നി അവൾ അവനെ മറി കടന്നു പോകാൻ നിന്നതും അർജുൻ അവളുടെ കയ്യിൽ പിടിച്ചു അവന്റെ ദേഹത്തേക്ക് വലിച്ചിട്ടു.. അവളുടെ കഴുത്തിലൂടെ ഒഴുകുന്ന വെള്ളതുള്ളികൾ നോക്കി അർജുൻ കൊതിയോടെ നിന്നു..

അർജുന്റെ കൈ അവളുടെ ഇടുപ്പിൽ അമർന്നതും അവൾ കയ്യിൽ ബലമായി പിടിച്ചു… അർജുൻ വീണ്ടും അവളോട്‌ കൂടുതൽ ചേർന്നു നിന്നു.. അവൻ അടുക്കുന്തോറും മുൻപ് ഉണ്ടായിരുന്ന ഭയത്തെക്കൾ മറ്റെന്തോ വികാരം ഉള്ളിൽ ഉണരുന്നത് ഗായത്രി അറിഞ്ഞു… അവളുടെ ഹൃദയമിടിപ്പ് കൂടി.. അർജുന്റെ ഉള്ളിലും വികാരങ്ങളുടെ വേലിയേറ്റം തുടങ്ങിയിരുന്നു… അവളുടെ ഓരോ അണുവിലും ചുംബനം കൊണ്ടു മൂടാൻ അവനു തോന്നി.. എത്ര അടക്കാൻ ശ്രമിച്ചിട്ടും അണപൊട്ടി ഒഴുകുന്ന വികാരങ്ങളെ ശമിപ്പിക്കാൻ എന്ന വണ്ണം അവൻ അവളുടെ കഴുത്തിൽ അമർത്തി ചുംബിച്ചു..

ഗായത്രി ഒന്ന് പിടഞ്ഞു.. അവൻ നിയന്ത്രിക്കാൻ കഴിയാത്ത വിധത്തിൽ അവന്റെ ചുണ്ടുകൾ അവളുടെ കഴുത്തിലൂടെ ഓടി നടന്നു.. ഗായത്രിയും മറ്റൊരു ലോകത്തു എന്ന പോലെ ആയിരുന്നു.. അവളുടെ കഴുത്തിൽ നിന്നും അവന്റെ അധരങ്ങൾ അവളുടെ മുഖത്തേക്ക് പാഞ്ഞു.. കവിളിൽ ഒരു നോവ് പടർത്തി അവൻ ചുംബനം കൊണ്ടു മൂടി.. അവളുടെ അധരങ്ങളെ കടിച്ചു വലിക്കുമ്പോൾ എന്തോ ഗായത്രിക്ക് വേദന തോന്നിയില്ല.. അവളും അതിൽ ലയിച്ചു പോയിരുന്നു.. അർജുന്റെ കൈകൾ സ്ഥാനം മാറുന്നതും അവളുടെ വസ്ത്രം അഴിക്കാൻ തുടങ്ങുന്നത് ഒന്നും ഗായത്രി അറിഞ്ഞില്ല.. അവന്റെ ചുംബന ലഹരിയിൽ ആയിരുന്നു.. അർജുൻ അവളുടെ ചുരിദാറിന്റെ പുറകിലെ സിബ് പിടിച്ചു താഴ്ത്തി…

പിന്നെ അവന്റെ മുഖം അവളുടെ മാറിൽ പൂഴ്ത്തി.. ഗായത്രിയുടെ ഹൃദയം വല്ലാതെ മിടിച്ച്.. പുറം ഭാഗത്ത്‌ കൂടെ അർജുന്റെ കൈകൾ ചലിച്ചു കൊണ്ടു ഇരുന്നു.. എങ്കിലും അവൾ തടയാൻ പോയില്ല… ഒടുവിൽ വികാരം കെട്ട് പൊട്ടി പുറപ്പെടും എന്ന തോന്നിയ നിമിഷം അർജുൻ അവളെ കൈകളിൽ കോരി എടുത്തു ബെഡിൽ കിടത്തി.. ഗായത്രി കണ്ണുകൾ അടച്ചു കിടന്നു.. അവനെ നോക്കാൻ ലജ്ജ തോന്നി.. അവളുടെ ദേഹത്തേക്ക് അമർന്നു കൊണ്ടു അർജുൻ അവളിൽ പടരാൻ തുടങ്ങി.. രണ്ടു പേരും ആ ലഹരിയിൽ തന്നെ ആയിരുന്നു.. കാളിംഗ് ബെൽ അടിക്കുന്ന ശബ്ദം കേട്ടപ്പോൾ ആണ് രണ്ടു പേർക്കും ബോധം വന്നത്.. അർജുൻ വേഗം അവളിൽ നിന്നും എഴുനേറ്റു..

ഗായത്രി അർജുനെ നോക്കാൻ മടിച്ചു കൊണ്ടു ചുരിദാർ ശരിയാക്കി എഴുനേറ്റു പോയി.. അർജുന് ദേഷ്യവും നിരാശയും തോന്നി.. അവൻ വന്നവരെ മനസ്സിൽ ചീത്ത വിളിച്ചു കൊണ്ടു വാതിൽ തുറന്നു.. ജോണും സുധിയും ആയിരുന്നു.. അവരെ ദേഷ്യത്തിൽ നോക്കി അർജുൻ അകത്തു പോയി.. ജോണും സുധിയും പരസ്പരം നോക്കി അവന്റെ പുറകിൽ പോയി ചെയറിൽ ഇരുന്നു.. എന്താടാ മുഖം വല്ലാതെ ഇരിക്കുന്നെ.. നിങ്ങൾ കറക്റ്റ് സമയത്തു വന്നല്ലോ.. അപ്പോൾ മോന് കാര്യമായ എന്തോ പരിപാടിയിൽ ആയിരുന്നല്ലോ.. എന്ത് പരിപാടി..

ഒന്ന് പോയെ സുധി.. ഡാ പൊട്ട.. മുഖത്തുള്ള അവളുടെ കുങ്കുമം തുടച്ചു കളഞ്ഞു പറ.. അർജുൻ ചമ്മലോടെ അത് തുടച്ചു കൊണ്ടു അവരെ നോക്കി ചിരിച്ചു.. ജോൺ അർജുന്റെ കൈ പിടിച്ചു തിരിച്ചു.. ഇതാണല്ലേ ഡാ നിന്റെ തലവേദന.. കൈ വിടാടാ പട്ടി.. അവർ രണ്ടു പേരും അർജുനെ കളിയാക്കി.. അർജുന് എന്തോ ഗായത്രിയെ വീണ്ടും കാണാൻ തോന്നി..ഗായത്രിയുടെ അവസ്ഥയും അങ്ങനെ തന്നെ ആയിരുന്നു.. എല്ലാം സംഭവിക്കുമ്പോൾ തടുക്കാത്ത അവളുടെ മനസ്സിനോട്‌ അവൾ ചോദിച്ചു… അർജുനോട് ഉള്ള പ്രണയം വീണ്ടും പടരാൻ തുടങ്ങിയിരിക്കുന്നു…

അല്ല വിനു എവിടെ ജോണേ… അവനു ആ മായ മേഡം നൈറ്റ്‌ ഡ്യൂട്ടി കൊടുത്തു.. നാളത്തെ പ്രോഗ്രാമിന്റെ ജോലി അവനു ആണ്… ഓ.. പാവം.. അതിനെ ആ തള്ള ഇട്ടു പണി എടുപ്പിക്കുന്നുണ്ടാവും… തള്ള ഒന്നും അല്ല മോനെ.. എന്താ അവരുടെ ഗ്ലാമർ.. ഹോ.. പിന്നെ നിന്നോട് ഉള്ള കൊഞ്ചൽ എനിക്ക് അറിയാം അജു.. എന്റെ മേൽ ഓഫിസർ ആയി പോയി.. പിന്നെ സ്ത്രീയും അല്ലെങ്കിൽ അവരുടെ പെരുമാറ്റത്തിനു ഉള്ളത് ഞാൻ കൊടുത്തേനെ… വേണ്ട മോനെ.. അവരെ കാണുകയെങ്കിലും ചെയ്തോട്ടെ ഞങ്ങൾ പാവം ബാച്ചിലേഴ്‌സ് … പോടാ.. അല്ല അജു നാളെ ഗായത്രിയെ കൊണ്ടു പോവണ്ടേ..

പോവണം.. എല്ലാവർക്കും കാണാൻ ഉള്ളത് അല്ലെ അർജുൻ മാധവിന്റെ വൈഫിനെ.. അവരെ റൂമിൽ ആക്കി അർജുൻ തിരിച്ചു വരുമ്പോൾ ആണ് ബെഡിൽ കിടക്കുന്ന ഗായത്രിയെ കണ്ടത്.. അർജുൻ ബാത്‌റൂമിൽ പോയി വന്നു അവളുടെ അടുത്ത് കിടന്നു.. ഉറക്കം നടിച്ചു കിടന്ന ഗായത്രി അർജുൻ കിടന്നതും ഹൃദയമിടിപ്പ് കൂടി.. അർജുന്റെ കൈകൾ അവളെ ചുറ്റിയതും അവൾക്കു തൊണ്ടയിൽ ശ്വാസം കുടിങ്ങി.. പിന്നെ അനക്കം ഒന്നും ഇല്ലാതെ ആയപ്പോൾ ഗായത്രി ആശ്വാസമായി കിടന്നു…എല്ലാ സത്യങ്ങളും അറിഞ്ഞു അർജുനോട് അടുക്കണം എന്ന് അവളുടെ മനസ്സ് പറഞ്ഞു കൊണ്ടേ ഇരുന്നു..

ഗായത്രിയോട് വൈകുന്നേരം പാർട്ടി ഉണ്ടെന്നു പറഞ്ഞു ആണ് അർജുനും ജോണും സുധിയും ഇറങ്ങിയത്… ഗായത്രിക്ക് അർജുന്റെ കൂടെ പോകുന്നതിന്റെ സന്തോഷം ആയിരുന്നു.. ഏതു സാരീ ഉടുക്കും എന്നു അറിയാതെ അവൾ കുഴഞ്ഞു.. പിന്നെ എന്തിനാ ഇത്രയും കൗതുകം എന്നോർത്ത് അവൾ സ്വയം ചിരിച്ചു.. മനസ്സിൽ അർജുന്റെ മുഖം തെളിയുമ്പോൾ എല്ലാം ചുണ്ടിൽ പുഞ്ചിരി നിറഞ്ഞു കൊണ്ടേ ഇരുന്നു.. കറുപ്പ് സാരീ ഉടുത്തു ഗായത്രി റെഡി ആയി.. മുടി മൊടഞ്ഞു ഒരു ഭാഗത്തേക്ക് ഇട്ടു.. താലി പുറത്തു ഇട്ടു നെറ്റിയിൽ സിന്ദൂരം ഇടുമ്പോൾ അവളുടെ മനസ്സിൽ എന്തോ സന്തോഷം ഇരട്ടിച്ചു..

ജോൺ വന്നു വിളിച്ചു അവന്റെ കൂടെ താഴെ ചെല്ലുമ്പോൾ ഗായത്രി കണ്ടു അവളെ ഇമ വെട്ടാതെ നോക്കി നിൽക്കുന്ന അർജുനെ.. സുധിയും ജോണും ബൈക്കിൽ ആയിരുന്നു.. അർജുൻ കാറിലും.. കാറിൽ കയറാൻ തുടങ്ങിയ ഗായത്രിയെ അർജുൻ തടഞ്ഞു.. ഗായത്രി എന്താണെന്നു ഭാവത്തിൽ നോക്കി.. അർജുൻ ജോണിനോട് എന്തോ പറഞ്ഞു.. അത് കെട്ട് ജോൺ ചിരിച്ചു കൊണ്ടു സുധിയോട് ബൈക്കിൽ നിന്നും ഇറങ്ങാൻ പറഞ്ഞു.. അർജുൻ ബൈക്കിൽ ഇരുന്നു ഗായത്രിയെ നോക്കി.. ഗായത്രി കയറി ഇരുന്നതും അർജുൻ വണ്ടി എടുത്തു.. കാറിൽ ജോണും സുധിയും വന്നു..

ഗായത്രിയുടെ മനസ്സിൽ അർജുനോടൊപ്പം ആദ്യം ബൈക്കിൽ കയറിയത് ഓർമ വന്നു.. അപ്പോൾ ആ മനസ്സിൽ താൻ ഉണ്ടായിരുന്നു എന്നോർത്തപ്പോൾ ചുണ്ടിൽ ഒരു നനുത്ത പുഞ്ചിരി നിറഞ്ഞു.. ഇതെല്ലാം കണ്ണാടിയിലൂടെ നോക്കി കാണുകയായിരുന്നു അർജുൻ അവളുടെ ഓരോ ഭാവങ്ങളും നോക്കി അർജുൻ സ്ഥലം എത്തിയത് അറിഞ്ഞില്ല.. പാർട്ടി നടക്കുന്ന ഹാളിലേക്ക് ഗായത്രിയെ കൈ പിടിച്ചു കൊണ്ടു അർജുൻ നടന്നു.. മോഡേൺ വസ്ത്രങ്ങളും അല്പം വസ്ത്രം ധരിച്ചവരെയും എല്ലാം കണ്ടു ഗായത്രിക്ക് എന്തോ പോലെ തോന്നി…

ആണുങ്ങളുടെ തുറിച്ചു നോട്ടവും കൂടെ ആയപ്പോൾ അവൾ അർജുനോട് കൂടുതൽ ചേർന്നു നടന്നു.. ഗായത്രിക്ക് അവിടെ ഒട്ടും ഇഷ്ടം ആയിട്ടില്ലെന്ന് അർജുന് മനസ്സിലയി..പെട്ടന്ന് പോവണമെന്ന് അവനും തീരുമാനിച്ചു.. ജോണും സുധിയും വിനുവും എല്ലാം മദ്യത്തിന്റെ ഭാഗത്ത്‌ ആയിരുന്നു.. അർജുൻ അങ്ങോട്ട്‌ പോയതേ ഇല്ല.. ഗായത്രിയുടെ കൈ പിടി വിടാതെ അവൻ ഓരോരുത്തരെയും അവൾക്കു പരിചയപ്പെടുത്തി.. ഗായത്രി എല്ലാവരോടും ചിരിച്ചു.. പെട്ടന്ന് ആണ് ഒരു സ്ത്രീ വന്നു അർജുനെ കെട്ടിപ്പിടിച്ചത്… അത് കണ്ടു ഗായത്രിക്ക് എന്തോ വിഷമം തോന്നി..

അവൾ അർജുനെ തന്നെ നോക്കി.. അർജുൻ പെട്ടന്ന് ആയത് കൊണ്ടു ഒന്ന് പതറി.. പിന്നെ ഗായത്രി യെ നോക്കി.. അവളുടെ മുഖത്തെ ഭാവം കണ്ടു അവന് സങ്കടം തോന്നി.. ഒപ്പം ആ സ്ത്രീയോട് ദേഷ്യവും.. ഓ ഇതാണോ നിന്റെ മിസ്സിസ്.. മിസ്സിസ് അർജുൻ.. ഗായത്രി അവരോടു ചിരിച്ചു.. എന്നാൽ അവർ അവളെ നോക്കി ഒന്ന് പുച്ഛിച്ചു.. ഗായത്രിക്ക് ശരിക്കും സങ്കടം വന്നു.. അതെ മായ മേഡം… ഇതാണ് എന്റെ ഭാര്യ.. ഗായത്രി അർജുൻ മാധവ്.. അർജുൻ അവളെ ചേർത്ത് നിർത്തി പറഞ്ഞു.. ഉള്ളിൽ നിറഞ്ഞ സങ്കടം എല്ലാം എങ്ങോ പോയത് പോലെ തോന്നി ഗായത്രിക്ക്..

അത്രയും സന്തോഷം ആ വാക്കുകൾക്ക് ഉണ്ടയിരുന്നു.. അർജുൻ ഒരു വാശി പോലെ പറഞ്ഞു കൊണ്ടു ഗായത്രിയെ കൂട്ടി അവിടെ നിന്നും പോയി.. അർജുൻ അവൾക്കു ഫുഡ് എടുത്തു കൊടുത്തു ഒരു ഭാഗത്ത്‌ ഇരുത്തി.. അവളുടെ അടുത്ത് ഇരിക്കാൻ തുടങ്ങുമ്പോൾ ആണ് സുധി അർജുനെ വിളിച്ചത്.. ഉടനെ വരാം എന്ന് പറഞ്ഞു അർജുൻ പോയി.. ഗായത്രി ചുറ്റും നോക്കി.. പിന്നെ ഭക്ഷണം കഴിക്കാൻ തുടങ്ങി… അവളുടെ അടുത്ത് മായ വന്നിരുന്നു.. ഗായത്രി ഒന്ന് ചിരിച്ചു കൊണ്ടു അർജുൻ വരുന്നുണ്ടോ നോക്കി.. നിന്നെ പോലെ ഒരു പീറ പെണ്ണിനെ കെട്ടി ജീവിതം നശിപ്പിക്കാൻ ഉള്ളത് അല്ല അർജുന്റെ ലൈഫ്.. അവനെ പോലെ ഒരാളെ അങ്ങനെ ആർക്കും കിട്ടില്ല..

അവൻ ഉണ്ടല്ലോ ഞങ്ങളുടെ കമ്പനിയിലെ ടാലെന്റ്റ് പേർസൺ ആണ്.. അവന്റെ ഫ്യുച്ചർ എന്താണെന്നു അറിയുമോ നിനക്ക്… ഗായത്രിക്ക് അവർ എന്തിനാ ഇങ്ങനെ ഓക്കേ പറയുന്നത് എന്ന് മനസ്സിലായില്ല.. അവൾക്ക് കരച്ചിൽ വന്നിരുന്നു.. നീ വെറും ലോ ക്ലാസ്സ്‌ ഫാമിലിയിലെ പെണ്ണ് ആണെന്ന് നിന്നെ കണ്ടാൽ തന്നെ അറിയാം.. അത് കൂടെ കേട്ടപ്പോൾ ഗായത്രിയുടെ കണ്ണുകൾ നിറഞ്ഞു.. അവൾ എഴുനേറ്റു പുറത്തേക് പോകാൻ നിൽക്കുമ്പോൾ ആണ് അർജുന്റെ ദേഹത്ത് തട്ടി അവൾ നിന്നത്.. അർജുന്റെ മുഖത്തു ദേഷ്യം കണ്ടപ്പോൾ തന്നെ എല്ലാം അവൻ കേട്ടിട്ടുണ്ട് എന്ന് അവൾക്കു മനസ്സിലായി.. അവൾക്ക് പേടി തോന്നി അവനെ നോക്കി ചിരിച്ചു കൊണ്ടു പോകാമെന്നു പറഞ്ഞു…

അവരോടു രണ്ടു വാക്ക് പറയാതെ എങ്ങനെ പോകാനാ.. നീ വന്നേ.. അർജുൻ അവളുടെ കയ്യിൽ പിടിച്ചു വലിച്ചു കൊണ്ടു അവരുടെ അടുത്ത് ചെന്നു നിന്നു.. മായ മേടം.. ഒരു കാര്യം.. ഇവൾ എന്റെ ഭാര്യ ആണ്.. ഇവളെ പറ്റി നിങ്ങൾ പറഞ്ഞത് എല്ലാം ഞാൻ കേട്ടു.. എനിക്ക് വന്ന ദേഷ്യത്തിനു ഇപ്പൊ ഞാൻ നിങ്ങളെ തല്ലേണ്ടത് ആണ്.. പക്ഷെ ഒരു സ്ത്രീ ആയത് കൊണ്ടു മാത്രം ഞാൻ നിങ്ങളെ വെറുതെ വിടുന്നു.. പിന്നെ നിങ്ങളുടെ സൂക്കേടിനു ഉള്ള മരുന്ന്.. അത് അധികം വൈകാതെ കിട്ടും.. രണ്ടു കയ്യും നീട്ടി വാങ്ങാൻ റെഡി ആയിക്കോ… ദേഷ്യം കൊണ്ടു വലിഞ്ഞു മുറുകിയ മുഖത്തോടെ അർജുൻ പറഞ്ഞു കൊണ്ടു ഗായത്രിയുടെ കൈ പിടിച്ചു പുറത്തു പോയി..

പുറത്തു ഇറങ്ങിയതും അവരുടെ അടുത്തേക്ക് ജോണും സുധിയും വിനുവും വന്നു… ജോൺ നിങ്ങൾ ഇവിടെ നിലക്ക്.. ഞാൻ ഇപ്പൊ വരാം.. നീ എവിടെ പോവാ.. എനിക്ക് ഒരു ജോലി ഉണ്ട്.. അവളെ വെറുതെ വിട്ടു പോന്നാൽ അർജുൻ പിന്നെ എന്താ.. എന്റെ പെണ്ണിനോട് അങ്ങനെ ഒക്കെ പറഞ്ഞിട്ട് ചുമ്മാ ഇരിക്കണോ ഞാൻ… വേണ്ട… ഗായത്രി അർജുന്റെ കയ്യിൽ പിടിച്ചു കൊണ്ടു പറഞ്ഞു.. അവളുടെ കയ്യിൽ നിന്നും പിടി വിട്ടു കൊണ്ടു അർജുൻ അവളെ നോക്കി ചിരിച്ചു… വിനു.. ഇവൾക്ക് കുടിക്കാൻ എന്തെങ്കിലും കൊടുക്ക്.. ഞാൻ ഇപ്പൊ വരാം… അർജുൻ പോയതും വിനു ഒരു കൂൾ ഡ്രിങ്ക് എടുത്തു ഗായത്രിക്ക് കൊടുത്തു.. അത് കുടിച്ചപ്പോ തന്നെ ഒരു കയ്പ്പ് തോന്നി അവൾക്കു..

എങ്കിലും നല്ല ദാഹം തോന്നിയത് കൊണ്ടു അവൾ അത് മുഴുവൻ കുടിച്ചു… കുറച്ചു കഴിഞ്ഞു പുറത്തു വരുന്ന അർജുൻ കാണുന്നത് ചെയറിൽ തല ചരിച്ചു വച്ചു ഇരിക്കുന്ന ഗായത്രിയെ ആണ്.. എന്താണെന്നു അറിയാൻ അവൻ ഓടി വന്നു.. ജോണും വിനുവും സുധിയും എല്ലാം അവൾക്ക് ചുറ്റും ഉണ്ട്… ഗായത്രിയെ തട്ടി വിളിച്ചു കൊണ്ടു അർജുൻ അവരോടു കാര്യം തിരക്കി… അജു.. ഈ പന്നി ഇവൾക്ക് കൊടുത്തത് മറ്റേ ഡ്രിങ്ക് ആണെടാ.. അർജുൻ ഞെട്ടി വിനുവിനെ നോക്കി.. വിനു ദയനീയ ഭാവത്തിൽ അതെ എന്ന് കാണിച്ചു.. അർജുൻ ദേഷ്യത്തിൽ അവനെ നോക്കിയതും അവൻ കൈ കൂപ്പി..

ഞാൻ അറിയാതെ.. നോക്കിയില്ല ഡാ.. ഇനി ആവർത്തിക്കില്ല.. അർജുൻ ഇനി എന്ത് ചെയ്യും എന്ന് ആലോചിച്ചു ഇരിക്കുമ്പോൾ ആണ് ഗായത്രി കണ്ണുകൾ തുറന്നത്.. അവൾക്കു മുന്നിൽ ഉള്ളവരെ എല്ലാം അവൾ കണ്ണുകൾ തിരുമ്മി നോക്കി.. അർജുനെ നോക്കി ചിരിച്ചു കൊണ്ടു അവൾ എഴുന്നേറ്റു.. അർജുനെ രണ്ടായി തോന്നി അവൾക്ക്… അജു ഏട്ടനെ പോലെ എത്ര പേരല്ലെ ഇവിടെ… പണി പാളി മോനെ അജു.. സുധി പറഞ്ഞു കഴിഞ്ഞതും ഗായത്രി അർജുനെ കെട്ടിപിടിച്ചു.. അർജുൻ ആകെ അമ്പരന്ന് എല്ലാവരെയും നോക്കി.. ജോണും സുധിയും വിനുവിനെ ദേഷ്യത്തിൽ നോക്കി..

വിനു ആണെങ്കിൽ പാവത്തിനെ പോലെ നിന്നു.. ഗായത്രിയെ കൊണ്ടു എങ്ങനെ ഒക്കെയോ അവർ ഫ്ലാറ്റിൽ എത്തി.. അവൾ ആകെ കുഴഞ്ഞു കൊണ്ടാണ് നടക്കുന്നത്.. പിടിക്കാൻ പോകുന്ന അർജുനെ പിടിക്കാൻ സമ്മതിക്കാതെ ഏതോ ലോകത്തു എന്ന പോലെ നടന്നു…ഫ്ലാറ്റിൽ എത്തിയതും ജോണും സുധിയും വിനുവും പോയി… അവളെ അകത്തു കയറ്റി വാതിൽ അടച്ചു അർജുൻ തിരിഞ്ഞപ്പോൾ ഉണ്ട് ഗായത്രി സാരീ പിൻ അഴിച്ചു കൊണ്ടു മാറിൽ നിന്നും സാരീ അഴിക്കുന്നു.. അത് കണ്ടു അർജുൻ ഓടി പോയി തടുത്തു.. എന്താ നീ ചെയ്യുന്നേ.. എന്റെ സാരീ അഴിക്കണം.. എനിക്ക് അഴിച്ചു തരുമോ.. ഗായത്രി കൊച്ചു കുട്ടികളെ പോലെ ചോദിച്ചു. .. അർജുൻ ചിരിച്ചു കൊണ്ടു അവളുടെ സാരീ നേരെ ഇട്ടു കൊടുത്തു.. സ്വബോധത്തോടെ ആണെങ്കിൽ ഇതെല്ലാം എപ്പോ ചെയ്‌തെന്ന് ചോദിച്ചാൽ മതി.. ഇപ്പൊ ശരിയാവില്ല മോളെ..

എനിക്ക് ബോധം ഉണ്ട് ഏട്ടാ . ഇത് അജു ഏട്ടൻ.. ഞാൻ ഗായത്രി.. ശരി അല്ലെ.. പിന്നെ വളരെ വളരെ ശരിയാണ്.. മോള് ആദ്യം ഒന്ന് പോയി കുളിക്ക്.. അർജുൻ അവളെ കൊണ്ടു മുറിയിലേക്ക് പോകാൻ നിന്നതും ഗായത്രി അവന്റെ പിടിയിൽ നിന്നും വിട്ടു വേഗം അവന്റെ കോളറിൽ കുത്തി പിടിച്ചു… നിങ്ങളുടെ ആ പെണ്ണും തമ്മിൽ എന്താ ബന്ധം .. ഏതു പെണ്ണ്… ആ പെണ്ണ്.. നിങ്ങൾക്ക് അവളെ അല്ലെ ഇഷ്ടം.. അത് കൊണ്ടു അല്ലെ എന്നെ ഇഷ്ടം അല്ലാതെ ഇരുന്നത്.. എനിക്ക് എല്ലാം മനസിലായി.. ഗായത്രി കരയുന്നത് പോലെ ഒച്ച ഉണ്ടാക്കി നിലത്തു ഇരുന്നു.. അർജുൻ അവളെ എങ്ങനെ എങ്കിലും മദ്യത്തിന്റെ ലഹരിയിൽ നിന്നും മുക്തയാക്കണം എന്ന് കരുതി എന്ത് ചെയ്യണം എന്നാലോചിച്ചു..

ഗായത്രിയെ പൊക്കി എടുത്തു അവൻ ബാത്രൂമിലേക്ക് നടന്നു.. ഗായത്രി അവന്റെ നെഞ്ചിൽ തല വച്ചു കൊച്ചു കുട്ടിയെ പോലെ കിടന്നു.. അജു ഏട്ടന് അവളെ ആണോ എന്നെ ആണോ കൂടുതൽ ഇഷ്ടം… നിന്റെ അമ്മേടെ നായരേ.. മിണ്ടാതെ ഇരുന്നോ.. അവളുടെ ഒരു കോനിഷ്ട ചോദ്യം.. അവൻ ദേഷ്യപ്പെട്ടപ്പോൾ ഗായത്രി വായ കൈ കൊണ്ടു പൊത്തി.. അവളെ ബാത്രൂമിന്റെ വാതിൽക്കൽ നിർത്തി അർജുൻ.. ഗായത്രി അർജുന്റെ തോളിലൂടെ കയ്യിട്ട് കൊണ്ടു അവനോട് ചേർന്നു നിന്നു.. അവളുടെ നോട്ടം അവന്റെ ഹൃദയത്തിൽ കൊണ്ടു.. എന്നെ കുളിപ്പിച്ച് തരുമോ.. ഗായത്രി ചോദിച്ചതും അർജുൻ അവളെ ഇടുപ്പിലൂടെ കയ്യിട്ടു ചേർത്ത് നിർത്തി..

അവളുടെ മുഖം മറു കൈ കൊണ്ടു അവനോടു അടുപ്പിച്ചു.. അവളുടെ അധരങ്ങൾ അവൻ കവർന്നു.. അവൾ മദ്യത്തിന്റെ ആലസ്യത്തിൽ ആണെന്നോ ഒന്നും അവൻ ചിന്തിച്ചില്ല.. അവളും അവനോടു ചേർന്നു… ഒരു ഗാഢ ചുംബനം ആയി അത് മറി…….….. (തുടരും)