വാട്ട്സ്ആപ്പിൽ പലചരക്ക് സാധനങ്ങള് വാങ്ങാം; സേവനം ആരംഭിച്ച് ജിയോമാര്ട്ട്
മുംബൈ: മെറ്റയും ജിയോ പ്ലാറ്റ്ഫോമ്സും സംയുക്തമായി വാട്ട്സ്ആപ്പിൽ ഷോപ്പിംഗ് സൗകര്യം ആരംഭിച്ചു. ഇതോടെ ഉപഭോക്താക്കൾക്ക് ജിയോമാർട്ടിൽ നിന്ന് വാട്ട്സ്ആപ്പ് ചാറ്റ് വഴി സാധനങ്ങൾ വാങ്ങാൻ കഴിയും.
Thank you for reading this post, don't forget to subscribe!ജിയോമാർട്ടിലെ എല്ലാ പലചരക്ക് സാധനങ്ങളും ഈ സൗകര്യം ഉപയോഗിച്ച് വാങ്ങാം. വാട്ട്സ്ആപ്പ് ചാറ്റിലൂടെ,സാധനങ്ങൾ തിരഞ്ഞെടുത്ത് കാർട്ടിൽ ഇടാനും പണം നൽകി സാധനങ്ങൾ വാങ്ങാനും സാധിക്കും.
“ഇന്ത്യയിൽ ജിയോയുമായി ഒരു പങ്കാളിത്തം ആരംഭിക്കാൻ കഴിഞ്ഞതിൽ സന്തോഷമുണ്ട്. വാട്ട്സ്ആപ്പിലെ ആദ്യ എൻഡ്-ടു-എൻഡ് ഷോപ്പിംഗ് അനുഭവമാണിത്. ചാറ്റില് തന്നെ ജിയോമാര്ട്ടില് നിന്ന് സാധനങ്ങള് വാങ്ങാന് സാധിക്കും. ഇത്തരത്തിലുള്ള ചാറ്റ് അധിഷ്ഠിത സേവനങ്ങള്ക്ക് ഇത് തുടക്കമാവും”, മെറ്റ മേധാവി മാര്ക്ക് സക്കര്ബര്ഗ് പറഞ്ഞു.