അവസാന പ്രീ-സീസണ്‍ മത്സരവും ആറാടി പിഎസ്ജി
ഒസാക്ക (ജപ്പാന്‍): പ്രീ-സീസണ്‍ മത്സരങ്ങള്‍ ഉജ്ജ്വലമാക്കി ഫ്രഞ്ച് വമ്പന്‍മാരായ പിഎസ്ജി. ജപ്പാനിൽ നടന്ന മൂന്ന് പ്രീ സീസൺ മത്സരങ്ങളും ടീം വിജയിച്ചു. മൂന്നാം മത്സരത്തിൽ പിഎസ്ജി ജാപ്പനീസ് ക്ലബ് ഗാമ്പ ഒസാക്കയെ 2-6ന് തോൽപ്പിച്ചു. മെസിയുടെയും നെയ്മറിന്‍റെയും ഉജ്ജ്വല പ്രകടനമാണ് പി.എസ്.ജിയെ വിജയത്തിലേക്ക് നയിച്ചത്. ക്രിസ്റ്റഫെ ഗാള്‍ട്ടിയര്‍ പരിശീലകനായി ചുമതലയേറ്റതു മുതൽ പി.എസ്.ജി വിജയക്കുതിപ്പ് തുടരുകയാണ്.
Thank you for reading this post, don't forget to subscribe!ആദ്യപകുതിയിൽ ഗാമ്പ ഒസാക്കയ്‌ക്കെതിരേ പി.എസ്.ജി നാലു ഗോളുകൾ നേടി. 28-ാം മിനിറ്റിൽ പാബ്ലോ സറബിയയാണ് ആദ്യ ഗോൾ നേടിയത്. തുടർന്ന് പെനാൽറ്റിയിലൂടെ നെയ്മർ ലക്ഷ്യം കണ്ടു. എന്നാൽ 34-ാം മിനിറ്റിൽ കെയ്‌സൂക്കെ കുറാവാക്കെയിലൂടെ ഒസാക്ക തിരിച്ചടിച്ചു. 37-ാം മിനിറ്റിൽ ന്യൂനോ മെന്‍ഡസാണ് പി.എസ്.ജിയുടെ മൂന്നാം ഗോൾ നേടിയത്. രണ്ട് മിനിറ്റിനുശേഷം ലയണൽ മെസിയും ഗോൾ നേടിയത്.
രണ്ടാം പകുതിയിൽ നെയ്മർ വീണ്ടും ഗോൾ നേടി. എന്നാൽ 70-ാം മിനിറ്റിൽ ഹിറോട്ടോ യമാമി ഒസാക്കയുടെ രണ്ടാം ഗോള്‍ നേടി. 86-ാം മിനിറ്റിൽ പെനാൽറ്റി കോർണറിൽ നിന്ന് കിലിയൻ എംബാപ്പെ നേടിയ ഗോളാണ് പിഎസ്ജിക്ക് തകര്‍പ്പന്‍ ജയം നൽകിയത്.
