കുവൈറ്റിൽ ഈ വർഷത്തെ ഏറ്റവും ഉയർന്ന താപനില രേഖപ്പെടുത്തി

ലോകത്ത് ഏറ്റവും കൂടുതൽ താപനില രേഖപ്പെടുത്തിയ ആദ്യ അഞ്ച് സംസ്ഥാനങ്ങളും കുവൈറ്റിൽ. അൽ ജഹ്‌റയിലാണ് ഭൂമിയിലെ ഏറ്റവും ഉയർന്ന താപനില. ആഗോള താപനില സൂചിക അനുസരിച്ച്, അൽ സഹ്റയിൽ ഞായറാഴ്ച 52 ഡിഗ്രി താപനില രേഖപ്പെടുത്തി.

Thank you for reading this post, don't forget to subscribe!

കഴിഞ്ഞ വർഷം ജൂൺ 25ന് കുവൈറ്റ് നഗരമായ നവാസിബിൽ 53.2 ഡിഗ്രി സെൽഷ്യസ് താപനില രേഖപ്പെടുത്തിയിരുന്നു. ഇതിൻ ശേഷമുള്ള ഏറ്റവും ഉയർന്ന താപനിലയാണിത്. സുലൈബിയ, വഫ്ര മേഖലകളിൽ 51 ഡിഗ്രിയും അബ്ദാലി, നുവൈസിബ് മേഖലകളിൽ 50 ഡിഗ്രിയും രേഖപ്പെടുത്തി. എൽ ഡെറാഡോ വെബ് സൈറ്റാണ് ഇക്കാര്യം അറിയിച്ചത്.

അതേസമയം, ചൂട് ഉയരുന്ന സാഹചര്യത്തിൽ പകൽ സമയത്ത് തുറസ്സായ സ്ഥലങ്ങളിൽ ജോലി ചെയ്യുന്നതിന് കുവൈത്ത് നിയന്ത്രണം ഏർപ്പെടുത്തിയിട്ടുണ്ട്. നിയന്ത്രണങ്ങൾ പാലിക്കുന്നുണ്ടെന്ന് ഉറപ്പാക്കാൻ തൊഴിലിടങ്ങളിൽ മിന്നൽ പരിശോധനകളും നടത്തുന്നുണ്ട്. പബ്ലിക് അതോറിറ്റി ഫോർ മാൻപവറിൻ കീഴിലുള്ള ഒക്യുപേഷണൽ സേഫ്റ്റി സെൻററിൻ കീഴിൽ രാജ്യത്തുടനീളമുള്ള വിവിധ വർക്ക് സൈറ്റുകളിൽ പരിശോധനകൾ നടക്കുന്നുണ്ട്.