Friday, March 29, 2024
LATEST NEWSSPORTS

അർജന്റീനയ്ക്ക് തിരിച്ചടി; പൗളോ ഡിബാലയ്ക്ക് ലോകകപ്പ് നഷ്ടമായേക്കും

Spread the love

ലോകകപ്പിന് തയ്യാറെടുക്കുന്ന അർജന്‍റീനയുടെ ദേശീയ ടീമിന് കനത്ത തിരിച്ചടിയാണ് പൗലോ ഡിബാലയുടെ പരിക്ക്. ഇറ്റാലിയൻ ക്ലബ് റോമയ്ക്ക് വേണ്ടി കളിക്കുന്ന ഡിബാലയ്ക്ക് ഞായറാഴ്ച നടന്ന സെരി എ മത്സരത്തിനിടെയാണ് പരിക്കേറ്റത്. അദ്ദേഹത്തിന് ലോകകപ്പ് നഷ്ടമായേക്കുമെന്ന് റിപ്പോർട്ടുകളുണ്ട്.

Thank you for reading this post, don't forget to subscribe!

ഇന്നലെ ലെക്കെയ്ക്കെതിരായ മത്സരത്തിൽ പെനാൽറ്റിയിലൂടെ റോമയ്ക്കായി വിജയഗോൾ നേടിയത് ഡിബാലയായിരുന്നു. എന്നാൽ, ഇടതുകാലിൽ അസ്വസ്ഥത പ്രകടിപ്പിച്ച ഡിബാല ഉടൻ തന്നെ ഫീൽഡ് വിട്ടു. ഡിബാല കരഞ്ഞുകൊണ്ടാണ് ഡഗ്ഔട്ടിൽ തുടർന്നത്.

ഈ വർഷം ഇനി ഡിബാല കളിക്കാൻ സാധ്യതയില്ലെന്ന് മത്സരത്തിന് ശേഷം മാധ്യമങ്ങളോട് സംസാരിച്ച റോമ കോച്ച് ഹോസെ മൗറീന്യോ വ്യക്തമാക്കി. നവംബർ 22ന് സൗദി അറേബ്യയ്ക്കെതിരെയാണ് അർജന്‍റീനയുടെ ആദ്യ ലോകകപ്പ് മത്സരം. ഈ മത്സരത്തിന് ആറാഴ്ച മാത്രം ശേഷിക്കെ, പരിക്ക് ഡിബാലയുടെ ലോകകപ്പ് സ്വപ്നങ്ങൾക്ക് വിരാമമിടുമെന്നാണ് സൂചന.