റോജര്‍ ബിന്നി അടുത്ത ബി.സി.സി.ഐ പ്രസിഡന്റായേക്കും
ന്യൂഡല്‍ഹി: മുൻ ഇന്ത്യൻ ക്രിക്കറ്റ് താരം റോജർ ബിന്നി ബി.സി.സി.ഐ പ്രസിഡന്റായേക്കും. സൗരവ് ഗാംഗുലി നിലവിലെ പ്രസിഡന്‍റ് സ്ഥാനം ഒഴിയുന്നതോടെ റോജർ ബിന്നി അധികാരത്തിലെത്താനാണ് സാധ്യത.
Thank you for reading this post, don't forget to subscribe!ഗാംഗുലി സ്ഥാനമൊഴിഞ്ഞാലും ജയ് ഷാ ബിസിസിഐ സെക്രട്ടറിയായി തുടരുമെന്നാണ് റിപ്പോർട്ട്. അന്താരാഷ്ട്ര ക്രിക്കറ്റ് സംഘടനയായ ഐസിസിയുടെ ചെയർമാൻ സ്ഥാനത്തേക്ക് സൗരവ് ഗാംഗുലി മത്സരിച്ചേക്കും.
ഒക്ടോബർ 18നാണ് ബിസിസിഐ പ്രസിഡന്‍റ് സ്ഥാനത്തേക്ക് തിരഞ്ഞെടുപ്പ് നടക്കുന്നത്. അതിനുമുമ്പ് തന്നെ റോജർ ബിന്നിയുടെ പേര് സ്ഥാനാർത്ഥി പട്ടികയിൽ ഇടംപിടിച്ചിരുന്നു. കർണാടക സ്റ്റേറ്റ് ക്രിക്കറ്റ് അസോസിയേഷന്‍റെ പ്രതിനിധിയായാണ് റോജർ ബിന്നി മത്സരിക്കുന്നത്. 1983 ലോകകപ്പ് നേടിയ ഇന്ത്യൻ ടീമിൽ അംഗമായിരുന്നു ബിന്നി.
