പ്ലാസ്റ്റിക് കവറുകൾക്ക് ജൂലൈ മുതൽ വിലക്കുമായി യൂണിയൻ കോപ്
ദുബായ്: ഒറ്റത്തവണ മാത്രം ഉപയോഗിക്കാവുന്ന പ്ലാസ്റ്റിക് ബാഗുകൾക്ക് ജൂലൈ മുതൽ നിയന്ത്രണം ഏർപ്പെടുത്തുമെന്ന് യു.എ.ഇയിലെ ഏറ്റവും വലിയ സഹകരണ സംഘമായ യൂണിയൻ കോപ് പ്രഖ്യാപിച്ചു. പരിസ്ഥിതിയെ സംരക്ഷിക്കുന്നതിനും അമിതമായ പ്ലാസ്റ്റിക് ഉപയോഗം കുറയ്ക്കുന്നതിനും ലക്ഷ്യമിട്ട് ദുബായ് എക്സിക്യൂട്ടീവ് കൗൺസിൽ നൽകിയ ശുപാർശകളുടെ അടിസ്ഥാനത്തിലാണിത്.
Thank you for reading this post, don't forget to subscribe!യൂണിയൻ കോപ് പ്ലാസ്റ്റിക് ബാഗുകൾക്ക് പകരം തുണിസഞ്ചികൾ പോലുള്ള സാധനങ്ങൾ നൽകും. ഇത് കഴുകി ഉപയോഗിക്കാം എന്നതാണ് ഏറ്റവും നല്ല കാര്യമെന്ന് യൂണിയൻ പോലീസ് അഡ്മിൻ അഫയേഴ്സ് ഡയറക്ടർ മുഹമ്മദ് ബെറിഗദ് അൽ ഫലാസി ചൂണ്ടിക്കാട്ടി. പദ്ധതിയുടെ നടത്തിപ്പിൻറെ വിവിധ ഘട്ടങ്ങൾ യൂണിയൻ കോപ് വികസിപ്പിച്ചെടുത്തു.
ഉപഭോക്താക്കളെ ബോധവത്കരിക്കുന്നതിലൂടെ ഇത് ആരംഭിക്കും. ആദ്യ ഘട്ടത്തിൽ പദ്ധതി നടപ്പാക്കിയ ശേഷം, ഉപഭോക്താക്കളുടെ ഫീഡ്ബാക്കും നിർദ്ദേശങ്ങളും സ്വീകരിക്കുമെന്നും അതനുസരിച്ച് അവരുടെ സന്തോഷ നിലവാരം വർദ്ധിപ്പിക്കുമെന്നും അധികൃതർ പറഞ്ഞു.