🖤പ്രണയവർണ്ണങ്ങൾ🖤: ഭാഗം 36

രചന: ആമി

എന്താ വിളിച്ചിട്ട് ഫോൺ എടുക്കാഞ്ഞേ.. അതൊക്കെ പിന്നെ പറയാം.. രുദ്ര് അവളുടെ പിടി വിട്ടു വീണ്ടും അടുക്കാൻ നിന്നതും ഉമ്മറത്തു ലൈറ്റ് വീണു.. അവർ പരുങ്ങി കൊണ്ടു വേഗം അകന്നു മാറി.. വിനയൻ ഉമ്മറത്തു വന്നതും രുദ്ര് ചിരിച്ചു.. ആ മോൻ ആയിരുന്നോ.. ഞാൻ വാതിൽ തുറന്നു കണ്ടപ്പോൾ.. എന്താ ഇവിടെ തന്നെ നിന്നെ.. അകത്തു വാ.. ആ വരാം.. വിനയൻ അവനെ അകത്തേക്ക് വിളിച്ചു കൊണ്ടു പോയി.. അവരുടെ പുറകിൽ ഉള്ള ഗൗരിയെ രുദ്ര് പതിയെ തിരിഞ്ഞു നോക്കി.. ഗൗരി അവനെ തുറിച്ചു നോക്കിയതും രുദ്ര് ചിരിച്ചു കൊണ്ടു തല തിരിച്ചു… മോളെ പോയി കുടിക്കാൻ എന്തെങ്കിലും എടുക്ക്.. ഗൗരി തല ആട്ടി അടുക്കളയിൽ പോയി..

വിനയനും രുദ്രയും സംസാരിക്കുന്നത് ഗൗരി കേട്ടു.. കുറച്ചു കഴിഞ്ഞു അവൾ ചായ കൊണ്ട് ഹാളിൽ ചെല്ലുമ്പോൾ സീതയും അവിടെ ഉണ്ടായിരുന്നു.. കുറച്ചു നേരം അവർ എല്ലാം സംസാരിച്ചു.. ഇനി നാളെ അല്ലെ പോകുന്നുള്ളൂ.. അല്ല അച്ഛാ.. പോയിട്ട് കാര്യം ഉണ്ട്.. ഞാൻ ഇതിലെ പോയപ്പോൾ.. വിനയൻ സീതയെ ഇടം കണ്ണിട്ട് ഒന്നു നോക്കി.. അത് അവർ ഗൗരിയുടെ മുറിയിൽ ഉറങ്ങുന്ന അപ്പുവിനെ എടുത്തു അവരുടെ മുറിയിൽ കിടത്തി.. പിന്നെ വിനയനും അവരെ തനിച്ചാക്കി മുറിയിൽ പോയി.. വിനയൻ പോയതും ഗൗരി അവനെ ദേഷ്യത്തിൽ നോക്കി മുറിയിൽ പോയി..

അവളുടെ പുറകിൽ രുദ്ര് ചെന്നതും ഗൗരി തിരിഞ്ഞു നിന്നു.. നാണം കെട്ടു.. ഓ.. എന്ന ഞാൻ പോയിക്കോളാം.. രുദ്ര് അത് പറഞ്ഞു തിരിഞ്ഞു പോകാൻ നിന്നു.. എന്നാൽ ഗൗരി അവനെ തടഞ്ഞില്ല.. വാതിൽ എത്തി രുദ്ര് വാതിൽ അടച്ചു കുറ്റി ഇട്ടു അവളെ തിരിഞ്ഞു നോക്കി.. ഗൗരി കൈ രണ്ടും മാറിൽ കെട്ടി അവനെ തന്നെ നോക്കി പുരികം പൊക്കി.. രുദ്ര് മീശ പിരിച്ചു കൊണ്ട് അവളുടെ അടുത്തേക്ക് നടന്നു.. ദേവേട്ടാ വേണ്ടാട്ടോ… നിന്റെ ദേവേട്ടൻ വേറെ മൂഡിലാ.. മൂഡ് മാറേണ്ട.. എനിക്ക് ഒരു കാര്യം ചോദിക്കാൻ ഉണ്ട്.. ചോദ്യം ഒക്കെ പിന്നെ.. ആദ്യം നീ ഇങ്ങോട്ട് വന്നേ..

അവളെയും കൊണ്ട് അവൻ പ്രണയത്തിന്റെ ആഴക്കടലിൽ മുങ്ങി താഴുമ്പോൾ പ്രണയത്തിന്റെ പല വർണ്ണങ്ങൾ അവർ ഒരുമിച്ചു കണ്ടു.. ഏതു ശക്തി കൊണ്ടും തങ്ങളെ പിരിക്കാൻ കഴിയില്ലെന്ന് വീണ്ടും വീണ്ടും പറയും പോൽ അവർ പരസ്പരം മത്സരിച്ചു പ്രണയിച്ചു.. ഒടുവിൽ അവന്റെ നെഞ്ചിൽ ചായുമ്പോൾ അവളുടെ മുടിയിളകൾ വകഞ്ഞു മാറ്റി സിന്ദൂരം പടർന്ന അവളുടെ നെറ്റിയിൽ അവൻ അമർത്തി ചുംബിച്ചു.. ദേവേട്ട.. മ്മ്.. എന്താ ഈ മനസ്സിൽ.. പറയാൻ ആയിട്ടില്ല ഗൗരി.. സമയം ഉണ്ട്.. ഞാനും നീയും ഒന്നും ഒരിക്കലും പ്രതീക്ഷിക്കാത്ത പലതും ഇനി സംഭവിക്കാം.. ഗൗരി തല ഉയർത്തി അവനെ നോക്കി.. ആ മിഴികളിൽ എന്തൊക്കെയോ ഒളിപ്പിച്ചു വച്ചിട്ടുണ്ട്..

എന്തൊക്കെ സംഭവിച്ചാലും എന്നെ ഇട്ടിട്ട് പോവല്ലേ ട്ടോ ദേവേട്ടാ.. അവളുടെ തേങ്ങൽ നിറഞ്ഞ സ്വരം അവന്റെ കാതുകളിൽ പതിഞ്ഞതും അവൻ അവളെ വാരി പുണർന്നു.. “ഈ രുദ്രിന് ഗൗരിയിൽ നിന്നും ഒരു മോചനം ഉണ്ടെങ്കിൽ അത് തെക്കേ തൊടിയിൽ ചിതയിൽ എരിയുമ്പോൾ ആയിരിക്കും..” അവന്റെ വാക്കുകൾ കേട്ട് ഗൗരി അവന്റെ നെഞ്ചിൽ ചുംബിച്ചു.. ഗൗരി ദേവിന്റെ പ്രണയതിന്റെ വർണ്ണങ്ങൾ വാരി വിതറി..അവന്റെ ചൂടിൽ പറ്റി ചേർന്നു അവൾ ഉറങ്ങി.. നേരം വെളുക്കാൻ തുടങ്ങുമ്പോൾ ആണ് ഗൗരി ഉണർന്നത്.. അവൾ ഞെട്ടി എഴുനേറ്റു ചുറ്റും നോക്കി.. രുദ്ര് മുറിയിൽ ഉണ്ടായിരുന്നില്ല..അവൾ ഫോൺ എടുത്തു നോക്കി.. അതിൽ അവന്റെ മെസ്സേജ് കണ്ടതും അവളുടെ മുഖത്തു ചിരി പടർന്നു..

ബെഡിലും താഴെയും കിടക്കുന്ന വസ്ത്രങ്ങൾ വാരി ചുറ്റി അവൾ ബാത്രൂമിലേക്ക് ഓടി… വൈകുന്നേരം അഭിയുടെ കൂടെ പോകുമ്പോൾ ആണ് രുദ്രിന് ഒരു കാൾ വന്നത്.. ഫോൺ എടുത്തു സംസാരിച്ചു കഴിഞ്ഞു അവൻ അഭിയുടെ നേരെ തിരിഞ്ഞു.. സമയം ആയി ഡാ.. അവൻ ഒരുക്കിയ കെണിയിലേക്ക് എന്നെ വിളിക്കുന്നു.. അവന് അറിയില്ലലോ രുദ്രേട്ട അവനാണ് നമ്മുടെ കെണിയിൽ എന്ന്… അഭി ചിരിച്ചു കൊണ്ട് പറഞ്ഞു.. രുദ്ര് കത്തുന്ന മിഴികൾ പായിച്ചു കൊണ്ട് ബൈക്ക് സ്പീഡിൽ വിട്ടു.. അവന്റെ ലക്ഷ്യ സ്ഥാനത്തു എത്തിയതും ഇര കിട്ടിയ വേട്ടക്കാരനെ പോലെ അവന്റെ മുഖം തെളിഞ്ഞു.. അകത്തേക്ക് വെക്കുന്ന ഓരോ ചുവടിലും രുദ്രിന് ആവേശം പടർന്നു കയറി…

മുണ്ട് മടക്കി കുത്തി അവൻ ഇടിഞ്ഞു പൊളിഞ്ഞ ആ കെട്ടിടത്തിലേക്ക് ഓടി കയറി.. അതിന് മുകളിലെ നിലയിൽ എത്തിയതും അവൻ നിന്നു.. മുന്നിൽ നിരന്നു നിൽക്കുന്ന ആളുകളെയും പുറകിൽ അവന് പരിചിതമായ മുഖങ്ങളും കണ്ടു അവന്റെ ചുണ്ടിൽ ചിരി തെളിഞ്ഞു.. അവരുടെ അടുത്തേക്ക് വെക്കുന്ന ഓരോ ചുവടുകളും അവർക്ക് ആനന്ദം കൊള്ളിച്ചു.. എന്നാൽ ആ ചുവടുകൾ അവരുടെ നാശത്തിലേക്ക് ആണെന്ന് അവർക്ക് അറിയില്ലായിരുന്നു.. വരണം രുദ്ര് ദേവ്..നീ വരും എന്ന് എനിക്ക് അറിയാമായിരുന്നു.. കാരണം സ്വന്തം ചോര അല്ലെ ഇവിടെ ജീവന് വേണ്ടി പിടയുന്നത്..

കുറച്ചു മാറി തൂണിൽ ചോര ഒലിച്ചു പിടിച്ചു കെട്ടിയ നിലയിൽ കാർത്തിയെ കാണിച്ചു അയാൾ പറഞ്ഞു.. രുദ്ര് കാർത്തിയെ ഒന്നു നോക്കി വീണ്ടും അയാളെ തന്നെ നോക്കി… സോറി.. നിന്റെ ചോര അല്ല.. നീ സൂര്യ മംഗലത്തെ അല്ലല്ലോ.. ഏതോ ഒരു സ്ത്രീ പിഴച്ചു പെറ്റത് അല്ലെ.. അവൻ അത് പറഞ്ഞു കഴിഞ്ഞതും രുദ്ര് അവന്റെ കവിളിൽ ആഞ്ഞു തല്ലി.. വീഴാൻ പോയ അവന്റെ കഴുത്തിൽ പിടിച്ചു മുകളിൽ പൊക്കി.. ഇതിന് ഇതേ നാണയത്തിൽ മറുപടി പറഞ്ഞാൽ എന്റെ അമ്മയുടെ സംസ്കാരം ആണ് ചോദ്യം ചെയ്യപ്പെടുക.. അപ്പോളേക്കും പുറകിൽ ഉള്ള ആളുകൾ രുദ്രിന് ചുറ്റും കൂടി..

രുദ്രിന്റെ കത്തുന്ന മിഴികൾ കണ്ടു അവർ എല്ലാം പകച്ചു നിന്നു.. മോനെ പ്രകാശ ഞാൻ ഇവിടെ വന്നത് നിന്റെ അഴുക്ക് നിറഞ്ഞ വായിലെ സംസാരം കേൾക്കാൻ അല്ല.. കാർത്തിയെ വിട്ടേക്ക്.. കഴുത്തിലെ പിടി മുറുകിയതും പ്രകാശ് അതിലെ ഒരാളോട് ആംഗ്യം കാണിച്ചു.. അയാൾ പോയി കാർത്തിയുടെ കയ്യിലെ കേട്ട് അഴിച്ചു വിട്ടു.. കാർത്തി പതിയെ നടന്നു രുദ്രിന്റെ അടുത്ത് വന്നു നിന്നു.. പ്രകാശിലെ പിടി വിട്ടു രുദ്ര് പുറകിലെ ആളുകൾക്ക് നേരെ തിരിഞ്ഞു.. എന്റെ കൈയ്യിൽ നിന്നും വാങ്ങിയേ പോകൂ എങ്കിൽ മക്കള് വാ.. അതിലെ ഒരുത്തൻ രുദ്രിന് നേരെ വന്നതും അവന്റെ നെഞ്ചിൽ ആഞ്ഞു ചവിട്ടി രുദ്ര്.. ആ നിമിഷം തന്നെ കാറ്റ് പോലെ അയാൾ പുറകിലേക്ക് തന്നെ തെറിച്ചു വീണു.. അത് കണ്ടു പേടി തോന്നി എങ്കിലും മറ്റവനും രുദ്രിന് നേരെ പാഞ്ഞു..

രുദ്ര് മുട്ട് കുത്തി ഇരുന്നു അവന്റെ വയറ്റിൽ കൈ കൊണ്ട് ഒരു കുത്ത് കൊടുത്തു.. വേദന കൊണ്ട് നിലവിളിക്കുന്ന അയാളുടെ ഷർട്ടിൽ പിടിച്ചു രുദ്ര് വലിച്ചു അവനെ ഒരു ഭാഗത്ത്‌ ഇട്ടു.. അപ്പോളേക്കും അവന്റെ പിറകിൽ രണ്ടു പേര് ഉണ്ടായിരുന്നു.. അത് മുൻകൂട്ടി കണ്ടു രുദ്ര് പതിയെ കുനിഞ്ഞു നിന്നു കൈ മുട്ട് കൊണ്ട് അവരുടെ നെഞ്ചിൽ കുത്തി.. അലറി വിളിച്ചു കൊണ്ട് അവർ നിലത്തു കിടന്നു പിടഞ്ഞു.. പിന്നെ ആരെയും കാണാത്തതു കൊണ്ട് തിരിഞ്ഞു നോക്കി.. പ്രകാശിന്റെ അടുത്ത് നിൽക്കുന്ന രണ്ടു പേര് പേടിച്ചു വിറച്ചിരുന്നു.. അവരെ നോക്കി ചിരിച്ചു കൊണ്ട് രുദ്ര് കാർത്തിയുടെ അടുത്തേക്ക് നടന്നു.. അവന്റെ കൂടെ നടക്കുമ്പോൾ ആണ് രുദ്രിന്റെ തലയുടെ പുറകിൽ ആരോ ഗൺ വെച്ചത് പോലെ തോന്നിയത്..

കുറച്ചു മാറി നിന്നു ഇതെല്ലാം കാണുന്ന അഭി രുദ്രിന്റെ അടുത്തേക്ക് വന്നതും രുദ്ര് അവനെ കൈ കൊണ്ട് തടഞ്ഞു.. സോറി മിസ്റ്റർ രുദ്ര് ദേവ്.. എവിടെയും വിജയം കൊയ്യുന്ന നീ ഇവിടെ തോൽക്കേണ്ടി വരും.. കാരണം ഇത് കാർത്തിക് ദേവ് ആണ്.. നിന്റെ എല്ലാ കളിയും കണ്ടു പഠിച്ചവൻ.. കാർത്തിയുടെ വാക്കുകൾ കേട്ട് രുദ്ര് ഒന്നു ചിരിച്ചു.. ഡാ രുദ്ര.. നീ വിചാരിച്ചതിലും അപ്പുറത്തെ കളി കളിച്ചു തന്നെ ആണ് ഡാ ഞാനും വന്നത്.. പ്രകാശ് ആഹ്ലാദത്തോടെ പറയുമ്പോൾ രുദ്ര് ഒന്നു തിരിഞ്ഞു പോലും നോക്കിയില്ല.. നീ കളിച്ചത് പറമ്പിൽ അല്ലെ ഡാ.. ഞാൻ കളിച്ചത് സ്റ്റേഡിയത്തിൽ ആൾക്കൂട്ടത്തിനു നടുവിൽ ആണ്.. ആ കളി അറിയുമോ നിനക്ക്…

രുദ്ര് പറഞ്ഞു തീർന്നതും പുറകിൽ ഉള്ളവന്റെ കൈയ്യിൽ നിന്നും ഗൺ തട്ടി വാങ്ങി അവന്റെ കഴുത്തിൽ ചുറ്റി പിടിച്ചു അവന്റെ തലയിൽ തന്നെ വച്ചു.. മോനെ കാർത്തി.. നീ കളിച്ചോ.. പക്ഷെ നിന്നെക്കാൾ കൂടുതൽ ഓണം കൂടുതൽ ഉണ്ണവനോട് വേണ്ട.. ഒട്ടും പതറാതെയും ആത്മ ധൈര്യത്തോടെയും പറയുന്ന രുദ്രിനെ കണ്ടു കാർത്തി ഞെട്ടി.. എല്ലാവരുടെയും പുറകിൽ താൻ ആണെന്ന് രുദ്ര് മനസിലാക്കി എന്ന് കാർത്തിക്ക് മനസിലായി..രുദ്രിന്റെ മുഖത്തേക്ക് നോക്കാൻ തന്നെ അവനു ഭയം തോന്നി… ഞാൻ പിഴച്ചു പെറ്റത് തന്നെ ആണ്.. പക്ഷെ ആ അമ്മയുടെ വയറ്റിൽ പിറന്നിട്ട് നീ എങ്ങനെ ഇങ്ങനെ ആയി നായെ.. രുദ്ര് ദേഷ്യത്തിൽ അവനെ പിടിച്ചു ഭിത്തിയിലേക്ക് തള്ളി.. ചുമരിൽ ഇടിച്ചു കൊണ്ട് അവൻ നിലത്തേക്ക് വീണു.. കൈയ്യിലെ ഗൺ മുണ്ടിന്റെ അരയിൽ വച്ചു രുദ്ര് പ്രകാശന്റെ നേരെ നോക്കി..……..(തുടരും)