🖤പ്രണയവർണ്ണങ്ങൾ🖤: ഭാഗം 34

രചന: ആമി

പിറ്റേന്ന് രാവിലെ തറവാട്ടിൽ പോകാൻ വേണ്ടി റെഡി ആവുന്ന ഗൗരിയുടെ അടുത്ത് രുദ്ര് ചെന്നു നിന്നു.. നീ തറവാട്ടിൽ പോകണ്ട.. നിന്റെ വീട്ടിൽ പൊയ്ക്കോ.. അതെന്താ.. കുറെ ആയില്ലേ അവരെ ഒക്കെ കണ്ടിട്ട്.. കുറച്ചു ദിവസം പോയി നിന്നോ.. ഇതെന്താ പെട്ടന്ന്.. എന്നെ ഒഴിവാക്കുന്നത് പോലെ.. ഗൗരി സങ്കടത്തോടെയും ഒപ്പം അത്ഭുതത്തോടെയും അവനെ നോക്കി ചോദിച്ചു.. മറച്ചു പിടിക്കുന്നത് എല്ലാം ഒരു നിമിഷം അവൾക്ക് മുന്നിൽ തുറന്നു പോകുമെന്ന് അവൻ ഭയന്നു.. അവൻ അവളുടെ കവിളിൽ കൈ വച്ചു അവളെ ചേർത്ത് പിടിച്ചു.. ഞാൻ വരും നിന്നെ കൊണ്ടു വരാൻ..

അന്ന് ഈ കാണുന്ന രുദ്ര് ദേവ് ആയിരിക്കില്ല.. എല്ലാം അവസാനിപ്പിച്ചു നിന്റെ മാത്രം ദേവ് ആയിട്ട് ആയിരിക്കും.. എന്താ ദേവേട്ടാ.. എനിക്ക് എന്തോ പേടി തോന്നുന്നു.. നീ ഗൗരി ദേവ് ആണ്.. പേടിക്കാൻ പാടില്ല.. ഈ അസുരനെ ആവാഹിച്ച പെണ്ണ് അല്ലെ ഡി.. ഞാൻ ഇപ്പൊ ഒന്നും ചോദിക്കുന്നില്ല.. പക്ഷെ എല്ലാം അവസാനിച്ചു വരുന്ന അന്ന് എന്നോട് എല്ലാം പറയണം.. രുദ്ര് അവളുടെ നെറ്റിയിൽ ചുംബിച്ചു.. അവന്റെ ചുംബനത്തിലെ സ്നേഹം അവൾ ആവോളം ആവാഹിച്ചു.. അവൻ അവളിൽ നിന്നും അകന്നതും ഗൗരി അവന്റെ കോളറിൽ പിടിച്ചു അവന്റെ മുഖം അവളുടെ മുഖത്തോട് ചേർത്ത്..

അടുത്ത നിമിഷം തന്നെ അവന്റെ ചുണ്ടുകൾ കവർന്നെടുത്തു.. അവന്റെ ദേഹത്തോട് ചേർന്നു നിന്നു അവൾ.. ഒടുവിൽ അവ മോചിപ്പിച്ചു കൊണ്ടു രണ്ടു പേരും നെറ്റിയിൽ മുട്ടി നിന്നു.. നിനക്ക് വൈകുന്നേരം പോയാൽ പോരെ ഡി.. രുദ്ര് കിതച്ചു കൊണ്ടു ചോദിച്ചതും ഗൗരി ചിരിച്ചു കൊണ്ടു അവനെ നോക്കി.. അവന്റെ നോട്ടത്തിന്റെ കാന്തികതയിൽ ലയിച്ചു അവളും നിന്നു.. അവന്റെ ചുണ്ടിൽ വിരിഞ്ഞ ചിരിയിൽ അവൾ സ്വയം മറന്നു.. അത്രയും ഭംഗി തോന്നി അവൾക്.. എന്തൊരു ഭംഗിയാ മനുഷ്യ നിങ്ങളെ കാണാൻ..

ആണോ.. ഈ കണ്ണുകളിൽ ഒളിപ്പിച്ചു വച്ച പ്രണയവും ചുണ്ടിൽ വിരിയുന്ന കുസൃതിയും അതിന് മറ്റ് കൂട്ടാൻ എന്നോണം ഉള്ള അലസമായി കിടക്കുന്ന മുടിയും പിരിച്ചു വച്ച മീശയും എത്ര ഒതുക്കി വച്ചാലും നേരെ നിലക്കാത്ത ഈ താടിയും പിന്നെ.. പിന്നെ.. ഇതിനിടയിൽ ആരും കാണാതെ എനിക്ക് മാത്രം കാണാൻ കഴിയുന്ന ഈ നുണക്കുഴിയും.. എല്ലാം കൂടെ കാണുമ്പോൾ ഉണ്ടല്ലോ ഒരു കടി വച്ചു തരാൻ തോന്നും.. ഗൗരി പറഞ്ഞു തീർന്നതും രുദ്ര് അവളെ കോരി എടുത്തു ബെഡിൽ ഇട്ടു.. ഗൗരി എന്താ എന്ന ഭാവത്തിൽ അവനെ നോക്കി.. വെറുതെ ഇരുന്ന എന്നെ ബാലൻ കെ നായർ ആക്കിയില്ലേ..

അങ്ങനെ നീ ഇപ്പൊ പോകണ്ട.. അവളിൽ പ്രണയത്തിന്റെ അലയൊലികൾ നൽകാൻ കൊതിച്ചു കൊണ്ടു അവൻ അവളിൽ പടരുമ്പോൾ അവന്റെ പ്രണയമെന്ന സാഗരത്തിൽ ഒഴുകി ഒഴുകി അവളും.. അവനിൽ മാത്രം അലിഞ്ഞു പോകുന്ന മഞ്ഞു തുള്ളി പോൽ.. വൈകുന്നേരം ആണ് അവർ പുറപ്പെട്ടത്.. രുദ്ര് എന്തോ തീരുമാനിച്ചു ഉറപ്പിച്ചിട്ടുണ്ടെന്ന് ഗൗരിക്ക് മനസിലായി.. എന്തായാലും അവൻ തന്നോട് പറയും എന്ന് അവൾക് അറിയാം.. സമയം ആകുമ്പോൾ പറയട്ടെ എന്ന് അവളും കരുതി..

അവന്റെ വയറിൽ ചുറ്റി പിടിച്ചു അവനോട് ചേർന്നു അവൾ ഇരുന്നു.. എന്നാൽ രുദ്രിന്റെ മനസ്സിൽ സംഘർഷം ആയിരുന്നു.. ഗൗരിയോട് എല്ലാം മറച്ചു വെക്കുന്നതിന്റെയും ഒപ്പം വരാൻ പോകുന്ന കാര്യങ്ങൾ ഓർത്തു കൊണ്ടും.. അവളെ സുരക്ഷിതമായ ഒരിടത്തേക്ക് മാറ്റുക എന്ന ലക്ഷ്യം മാത്രം ആയിരുന്നു രുദ്രിന്.. ഗൗരിയെ വീട്ടിൽ ആക്കി വിനയനോടും സീതയോടും യാത്ര പറഞ്ഞു ഇറങ്ങുമ്പോൾ രുദ്ര് ഗൗരിയെ ഒന്നു തിരിഞ്ഞു നോക്കി.. ആ നോട്ടത്തിൽ നിറഞ്ഞ ഭാവം അവൾക് മനസിലായില്ല.. അവൾ ചിരിച്ചു കൊണ്ടു കണ്ണുകൾ അടച്ചു കാണിച്ചു.. അവൻ കണ്ണിൽ നിന്നും മായും വരെ അവനെ നോക്കി അവൾ ഉമ്മറത്തു തന്നെ നിന്നു..

രാത്രിയിൽ ഉറക്കം വരാതെ ഗൗരി കിടക്കുമ്പോൾ ആണ് ഉറക്കത്തിൽ നിന്നും അപ്പു ഉണർന്നത്.. ഉറങ്ങാതെ കിടക്കുന്ന ഗൗരിയെ അവൻ കെട്ടിപിടിച്ചു.. ഗൗരി ചിരിച്ചു കൊണ്ടു അവനെ ചേർത്ത് പിടിച്ചു.. കുഞ്ഞേച്ചി ഉറങ്ങുന്നില്ലേ.. ഉറക്കം വരുന്നില്ല അപ്പുസേ.. അവളുടെ മനസ്സിൽ രുദ്രിന്റെ ഓർമ്മകളും അവന്റെ കൂടെ ഉള്ള നിമിഷങ്ങളും മാത്രം ആയിരുന്നു.. അവൾ അവളെ കുറിച്ച് ഒന്നു ഓർത്ത് നോക്കി.. രുദ്ര് പറയുന്നത് പോലെ അവന്റെ ചുറ്റും വീശുന്ന കാറ്റ് പോൽ തന്നെ ആണ് താൻ.. അവൻ ഇല്ലെങ്കിൽ കൂടെ അവന്റെ ഓർമ്മകൾ മാത്രം ആയി തന്റെ ജീവിതം മാറിയിരിക്കുന്നു.. രാവിലെ രുദ്രിന്റെ ബൈക്ക് പാഞ്ഞു ചെന്നു നിന്നത് ആ ലോഡ്ജിൽ ആയിരുന്നു..

ആൾക്കൂട്ടവും പോലീസും തിങ്ങി നിറഞ്ഞ അതിന് മുന്നിൽ അവരുടെ എല്ലാം പുറകിൽ അവൻ നിന്നു.. ഉടുത്തിരുന്ന മുണ്ട് മടക്കി കുത്തി മീശ പിരിച്ചു വച്ചു അവൻ ബൈക്കിൽ ചാരി നിന്നു.. ആരെയോ പ്രതീക്ഷിച്ചു കൊണ്ടു.. ഏതാനും നിമിഷങ്ങൾക്ക് അകം പോലീസിന്റെ പുറകിൽ ആയി നടന്നു വരുന്നവരെ അവൻ നോക്കി.. അവന് നേരെ കത്തുന്ന മിഴികൾ പായിച്ചു കൊണ്ടു ഒരാളെ കണ്ടതും രുദ്ര് ചിരിച്ചു.. പിന്നെ പതിയെ അവന്റെ അടുത്തേക്ക് നടന്നു അടുത്ത്.. രുദ്രിനെ കണ്ടതും മുന്നിലെ പോലീസ് ഒന്നു നിന്നു.. നിന്റെ സൂക്കേട് മാറിയോ ഡാ.. ഡാ..

അവൻ ചീറി രുദ്രിന് നേരെ വന്നതും പോലീസ് അവനെ തടഞ്ഞു.. കിടന്നു ചീറണ്ട.. മോന് ചെല്ല്.. നിനക്ക് ഉള്ള ബിരിയാണി ചേട്ടൻ ഒരുക്കി വച്ചിട്ടുണ്ട്.. അരുണിന്റെ മുഖത്തു നോക്കി വീര്യത്തോടെ രുദ്ര് അത് പറഞ്ഞതും പോലീസ് അരുണിനെ പിടിച്ചു ജീപ്പിലേക്ക് തള്ളി.. ജീപ്പിൽ നിലത്തു ഇരുന്നു അവൻ രുദ്രിനെ തറഞ്ഞു നോക്കി.. ഒരു പോലീസുകാരൻ രുദ്രിന്റെ അടുത്ത് വന്നു.. ഞാൻ പറഞ്ഞ സ്ഥലത്തു എത്തിക്കണം.. എസ് ഐ യോട് ഞാൻ പറഞ്ഞോളാം.. ശരി.. അയാളെ പറഞ്ഞു വിട്ടു അവരുടെ ജീപ്പിനു പുറകിൽ ആയി രുദ്രയും പോയി..

പോലീസിന്റെ തന്നെ ഗോഡൗൺ ആയ കാടിനു നടുവിൽ ഉള്ള എസ്റ്റേറ്റിലേക്ക് ആയിരുന്നു അരുണിനെ കൊണ്ടു പോയത്.. രുദ്ര് അവിടെ എത്തുമ്പോൾ ഒരു വലിയ മുറിയിൽ അരുണിനെ കസേരയിൽ പിടിച്ചു കെട്ടിയിരുന്നു.. രുദ്ര് അങ്ങോട്ട്‌ വന്നതും അവിടെ ഉള്ള പോലീസുകാർ എല്ലാം പുറത്തു പോയി.. രുദ്ര് അവന്റെ മുന്നിലേക്ക് ഒരു കസേര കാല് കൊണ്ടു വലിച്ചിട്ടു അതിൽ ഇരുന്നു.. എന്തൊക്കെ ആയിരുന്നു.. എന്റെ പെണ്ണിനെ വളക്കുന്നു അവളെ കല്യാണം കഴിക്കാൻ നോക്കുന്നു ഒടുവിൽ എല്ലാം കൈവിട്ടു പോയപ്പോൾ കള്ളം പറഞ്ഞു ഞങ്ങളെ പിരിക്കാൻ നോക്കുന്നു.. അല്ല നിനക്ക് ഇങ്ങനെ ചെയ്താൽ എത്ര തരും എന്നാ നിന്റെ മുതലാളി പറഞ്ഞത്..

രുദ്ര് അത് പറഞ്ഞതും അരുൺ ഞെട്ടി.. അവന്റെ പുറകിൽ ഉള്ള ആളെ രുദ്ര് തിരിച്ചറിഞ്ഞു എന്ന് അരുണിന് മനസിലായി.. അവന്റെ മുഖത്തെ ഭാവങ്ങൾ കണ്ടു രുദ്ര് അവന്റെ മുഖത്തേക്ക് ആഞ്ഞു തല്ലി.. എന്നെ നിന്നെ പുറകെ പായിച്ചു യഥാർത്ഥ ശത്രു പതിയിരിക്കുന്നുണ്ടെന്ന് എനിക്ക് അറിയാമെടാ.. അത് ആരാണെന്നും.. രുദ്ര് അത് കൂടെ പറഞ്ഞതോടെ അരുൺ ആകെ തളർന്നു.. അത് വരെ തന്നെ രക്ഷിക്കാൻ അയാൾ വരും എന്ന് അരുണിന് ഉറപ്പ് ആയിരുന്നു.. എന്നാൽ രുദ്ര് എല്ലാം അറിഞ്ഞത് കൊണ്ടു ഇനി രക്ഷപെടുന്നത് ഒരിക്കലും സാദ്യം അല്ല എന്ന് അവന് മനസ്സിലായി..……..(തുടരും)