🖤പ്രണയവർണ്ണങ്ങൾ🖤: ഭാഗം 32

രചന: ആമി

കാളിംഗ് ബെൽ അടിക്കുന്ന ശബ്ദം കേട്ടതും രുദ്ര് അവളിൽ നിന്നും അകന്നു മാറി.. അവൻ എഴുന്നേറ്റതും ഗൗരി വേഗം ചാടി എഴുനേറ്റു കൊണ്ടു അലമാരയിൽ നിന്നും ഡ്രസ്സ്‌ എടുത്തു ബാത്രൂമിൽ പോയി.. അവൾ പോയതും രുദ്ര് വാതിൽ തുറക്കാൻ വേണ്ടി പോയി.. രുഗ്മിണി ആയിരുന്നു.. അവർക്ക് അവനെ നോക്കാൻ എന്തൊ പോലെ തോന്നി.. അകത്തു കയറി അവർ അവന് നേരെ നിന്നു.. രുഗ്മിണി പറയാൻ പോകുന്നത് എന്താണെന്നു രുദ്രിന് അറിയാമായിരുന്നു.. അമ്മ ഒന്നും പറയണ്ട..

ഞാൻ അതൊന്നും കേൾക്കാൻ ആഗ്രഹിക്കുന്നില്ല.. എല്ലാം അറിഞ്ഞിട്ടും എന്റെ മോന് ഈ അമ്മയോട് സ്നേഹം കുറഞ്ഞില്ലല്ലോ.. എന്റെ വാശിക്ക് ആണെങ്കിൽ പോലും എനിക്ക് എല്ലാം സാധിച്ചു തന്നില്ലേ.. എന്റെ മനസ്സിൽ ഒരു അമ്മയെ ഉള്ളു.. ഇത് സൂര്യമംഗലം രുഗ്മിണി ദേവി തന്നെ ആണ്.. അവൻ ആത്മവിശ്വാസത്തോടെ അത് പറയുമ്പോൾ ആ അമ്മയുടെ കണ്ണുകളും ഒപ്പം മനസ്സും നിറഞ്ഞു.. അവർ അവനെ വാരി പുണർന്നു.. ആ പുണരലിൽ അലിഞ്ഞു പോയിരുന്നു അവരുടെ ഇരു ഹൃദയങ്ങളിലെ പരിഭവങ്ങളും സങ്കടങ്ങളും.. ആ സമയം ആണ് ഗൗരി അങ്ങോട്ട്‌ വന്നത്..

അവൾ ആ കാഴച്ച കണ്ടു അവിടെ തന്നെ നിന്നു.. അവൾക്ക് അത് ഒരുപാട് സന്തോഷം തോന്നി.. പിന്നെ അവൾ പതിയെ അവരുടെ അടുത്തേക്ക് നടന്നു.. അമ്മയ്ക്ക് ഇപ്പൊ മോനെ മാത്രം മതി ലെ.. അവൾ പരിഭവത്തോടെ പറഞ്ഞു.. അവർ രണ്ടു പേരും അവളെ നോക്കി.. രുഗ്മിണി അവളുടെ അടുത്ത് വന്നു നിന്നു.. എന്റെ മോള് വന്നേൽ പിന്നെയ എന്റെ മോന് പോലും ഒരു സന്തോഷം വന്നത്.. അപ്പൊ പിന്നെ മോളെ വേണ്ടാതെ ആവോ അമ്മയ്ക്ക്.. അവർ അവളുടെ നെറ്റിയിൽ ചുംബിച്ചു കൊണ്ടു പറഞ്ഞു..

അവൾ അതിനിടയിൽ കൂടെ രുദ്രിനെ ഒളികണ്ണിട്ട് നോക്കി.. അവൻ അത് കണ്ടതും വേഗം നോട്ടം മാറ്റി.. ഞാൻ നിങ്ങളെ അങ്ങോട്ട്‌ ക്ഷണിക്കാൻ വന്നതാ.. അവിടെ ഒരു വിശേഷം ഉണ്ട്.. എന്താ അമ്മ.. നമ്മുടെ വീട്ടില് ഒരാള് വരാൻ പോകുവാ.. കാർത്തി ഒരു അച്ഛൻ ആവുന്നു.. ആ വാക്കുകൾ കേട്ട് ഗൗരിക്കും രുദ്രിനും ഒരുപാട് സന്തോഷം തോന്നി.. അവൾ രുഗ്മിണിയെ കൊണ്ടു അടുക്കളയിലേക്ക് നടക്കുമ്പോൾ ഗൗരി പതിയെ പുറകിലേക്ക് വലിഞ്ഞു അവന്റെ നേരെ നോക്കി.. കണ്ടു പടിക്ക്.. അനിയൻ കണ്ടോ സ്‌കോർ ചെയ്തു..

അവൾ അത് പറഞ്ഞു കൊണ്ടു മറുപടി കേൾക്കാൻ നിൽക്കാതെ വേഗം പോയി.. ഗൗരി പോയതും രുദ്ര് ഫോൺ എടുത്തു കൊണ്ടു പുറത്തേക്ക് നടന്നു.. കുറച്ചു കഴിഞ്ഞു ഗൗരിയും രുഗ്മിണിയും കൂടെ ഉമ്മറത്തേക്ക് വന്നു.. ഗൗരി രുഗ്മിണിയുടെ പുറകിൽ നിൽക്കുന്നത് കണ്ടപ്പോൾ തന്നെ രുദ്രിന് കാര്യം മനസിലായി.. അമ്മ പറയണ്ട.. നടക്കില്ല.. അവൾക്ക് ഇനി പരീക്ഷയ്ക്ക് പോയാൽ മതി ത്ര.. അപ്പൊ അത് വരെ.. പറ്റില്ല.. ദേവാ.. അമ്മ പറഞ്ഞാൽ.. എങ്കിൽ നാളെ വന്നേക്കാം.. നീ നാളെ വാ.. മോള് എന്റെ കൂടെ വന്നോട്ടെ.. ഇനി നീ ഒന്നും പറയണ്ട.. മോള് റെഡി ആയിക്കോ.. ഗൗരി സന്തോഷത്തോടെ അകത്തു പോയി..

രുദ്ര് പതിയെ അവിടെ നിന്നും മുറിയിൽ വന്നു.. ഗൗരി ഡ്രസ്സ്‌ എല്ലാം എടുത്തു വെക്കുന്നത് നോക്കി അവൻ വാതിൽക്കൽ തന്നെ നിന്നു.. അവൻ വന്നത് കണ്ടതും ഗൗരി അവനെ പുച്ഛത്തോടെ നോക്കി.. എന്നെ വിശ്വാസം ഇല്ലാത്തവരുടെ കൂടെ ഞാൻ ഇവിടെ നിൽക്കില്ല.. വല്ലാതെ ഡയലോഗ് വിടല്ലേ മോളെ.. ഞാൻ പോകുന്നത് തടയാൻ പറ്റുമെങ്കിൽ തടയു.. കാണട്ടെ.. അവളുടെ വാക്കുകൾ കേട്ട് ചിരിച്ചു കൊണ്ടു രുദ്ര് മീശ പിരിച്ചു കൊണ്ടു പോയി.. ഗൗരി ഒന്നു സംശയത്തോടെ നിന്നു.. പിന്നെ വീണ്ടും ജോലി തുടർന്ന്.. കുറച്ചു കഴിഞ്ഞു പോകാൻ വേണ്ടി ഡ്രസ്സ്‌ മാറാൻ നിൽകുമ്പോൾ ആണ് രുഗ്മിണി അങ്ങോട്ട്‌ വന്നത്..

മോളെ നാളെ അവന്റെ കൂടെ വന്നാൽ മതി എന്ന മോള്.. അതെന്താ അമ്മ പെട്ടന്ന്.. എനിക്ക് അറിയാം മോൾക്ക് അവൻ ഇല്ലാതെ വരാൻ വിഷമം ഉണ്ടെന്നു.. ഞാൻ അത് ഓർത്തില്ല.. രണ്ടു പേരും ഒരുമിച്ചു വന്നാൽ മതി.. ഗൗരി എന്ത് ചെയ്യും എന്ന് അറിയാതെ നിന്നു.. രുഗ്മിണിയുടെ പുറകിൽ നിൽക്കുന്ന രുദ്രിനെ കണ്ടതും അവൾക്ക് സങ്കടം തോന്നി.. അവൾ അവനെ തുറിച്ചു നോക്കി.. അവൻ അവളെ നോക്കി ചിരിച്ചു.. രുഗ്മിണി അവരെ രണ്ടുപേരോടും ചെല്ലാൻ പറഞ്ഞു യാത്ര പറഞ്ഞു ഇറങ്ങി.. അവരുടെ വണ്ടി കണ്ണിൽ നിന്നു മാഞ്ഞതും ഗൗരി വേഗം മുറിയിലേക്കു പോയി.. രുദ്രിന്റെ മുന്നിൽ എങ്ങനെ പിടിച്ചു നിൽക്കുമെന്ന് അറിയാതെ അവൾ നിന്നു..

വേഗം റെഡി ആയിക്കോ.. ഒരു സ്ഥലം വരെ പോകാൻ ഉണ്ട്.. രുദ്ര് അത് പറഞ്ഞു കൊണ്ടു ഷെൽഫിൽ നിന്നു ടവൽ എടുത്തു ബാത്‌റൂമിൽ കയറി..എവിടേക്ക് ആണെന്ന് അറിയില്ല എങ്കിലും അവന്റെ കൂടെ പോകുന്നതിന്റെ സന്തോഷം അവൾക്ക് തോന്നി.. അവൾ ഒരു ബ്ലോക്ക്‌ സാരീ എടുത്തു ഇട്ട്.. രുദ്രിന് ഇടാൻ വേണ്ടി ബ്ലാക്ക് ഷർട്ടും ബ്ലൂ ജീൻസ് എടുത്തു വച്ചു… അവൾ റെഡി ആയി കഴിഞ്ഞു ആണ് രുദ്ര് വന്നത്.. അവളെ ഒന്നു നോക്കി അവൻ ഡ്രസ്സ്‌ ഇട്ടു.. അവർ ഒരുമിച്ചു ഇറങ്ങി.. അവന്റെ കൂടെ ബൈക്കിൽ ഇരിക്കുമ്പോൾ എന്തൊ അവൾക്ക് സങ്കടം തോന്നി..കളിച്ചു ചിരിച്ചു പോയിരുന്ന സ്ഥാനത്തു ഇന്ന് മൗനം സ്ഥാനം പിടിച്ചിരിക്കുന്നു..

അവന്റെ മനസ്സിൽ എന്താണെന്നു തനിക്ക് തിരിച്ചറിയാൻ കഴിയുന്നില്ലല്ലോ എന്നോർത്തപ്പോൾ അവൾക്ക് ഉള്ളിൽ ഒരു നീറ്റൽ തോന്നി.. ഒരു വലിയ ഹോട്ടലിനു മുന്നിൽ ബൈക്ക് നിർത്തി.. അവന്റെ കൂടെ അതിനുള്ളിലേക്ക് കയറുമ്പോൾ അവളുടെ മനസ്സിൽ എന്തെന്നില്ലാത്ത ഭയം തോന്നി.. ഒടുവിൽ ഒരു വാതിൽ തുറന്നു വലിയ ഒരു ഹാളിൽ കയറിയതും അതിനുള്ളിൽ ഉള്ള ആളുകളെ കണ്ടു ഗൗരി ചുറ്റും നോക്കി.. പെട്ടന്ന് അതിനിടയിൽ നിന്നും ഒരു പെൺകുട്ടി ഓടി വന്നു രുദ്രിനെ കെട്ടിപിടിച്ചു.. ഗൗരിക്ക് അത് കണ്ടു സങ്കടം തോന്നി.

അവൾ അവനെയും അവളെയും മാറി മാറി നോക്കി.. രുദ്ര് അവളെ അടർത്തി മാറ്റി.. ദേവേട്ടൻ വരില്ല കരുതി ഞാൻ.. അവളുടെ സംസാരവും നോട്ടവും പെരുമാറ്റവും ഒന്നും ഗൗരിക്ക് ഇഷ്ട്ടപെട്ടില്ല.. അവൾ രുദ്രിനോട് ഒന്ന് കൂടെ ചേർന്നു നിന്നു.. ഇതാണോ ദേവേട്ടാ ഗൗരി ദേവ്.. അതെ.. അതിന് മറുപടി നൽകിയത് ഗൗരിയാണ്.. അത് പറഞ്ഞപ്പോൾ ആ പെൺകുട്ടിയുടെ മുഖത്തെ പുഞ്ചിരി മാഞ്ഞത് ഗൗരി ശ്രദ്ധിച്ചു.. രുദ്രിന്റെ കയ്യിൽ പിടിച്ചു കൊണ്ടു തന്നെ അവൾ എല്ലാവരെയും പരിചയപ്പെട്ടു.. രുദ്രിന്റെ കോളേജ് മറ്റേസ് ഒത്തുകൂടിയത് ആണെന്ന് ഗൗരിക്ക് മനസിലായി.. കുറച്ചു പേരോടു സംസാരിച്ചു അവൾ ഒരു ഭാഗത്ത്‌ ഒഴിഞ്ഞു മാറി നിന്നു..

അപ്പോൾ ആണ് രണ്ടു പേര് അങ്ങോട്ട്‌ വന്നത്.. ഗൗരി.. ഞങ്ങൾ ഒക്കെ രുദ്രിന്റെ കൂടെ പഠിച്ചത് ആണ്.. ഗൗരി അവരെ പരിചയപ്പെട്ടു.. അവരോടു സംസാരിക്കുമ്പോൾ ആണ് അവളുടെ നോട്ടം ആ പെൺകുട്ടിയിലും അവളുടെ ഒപ്പം നിന്നു സംസാരിക്കുന്ന രുദ്രിലും പതിഞ്ഞത്.. അവർ തമ്മിൽ എന്തോ ബന്ധം ഉള്ളത് പോലെ തോന്നി അവൾക്ക്.. ചേച്ചി.. ആ പെൺകുട്ടി ഏതാ.. നിങ്ങളുടെ കൂടെ ആയിരുന്നോ.. അതോ.. അത് വൈഷ്‌ണവി.. ഞങ്ങളുടെ ജൂനിയർ ആയിരുന്നു.. പിന്നെ.. അവർ ഒന്നു നിർത്തി പരസ്പരം നോക്കി.. അതിൽ നിന്നും തന്നെ അവർ മറച്ചു വെക്കുന്ന എന്തോ ഉണ്ടെന്നു ഗൗരിക്ക് മനസിലായി..

എന്താ ചേച്ചി.. അത്.. അവൾ കോളേജിൽ വച്ചു രുദ്രിനെ പ്രപ്പോസ് ചെയ്തിരുന്നു.. പക്ഷെ രുദ്ര് അക്‌സെപ്റ് ചെയ്തില്ല.. ഗൗരിക്ക് ഏകദേശം കാര്യം മനസിലായി.. അവൾ പിന്നെ ഒന്നും നോക്കിയില്ല.. രുദ്രിന്റെ അടുത്ത് പോയി.. ഒന്നു വന്നേ ഒരു കാര്യം പറയാൻ ഉണ്ട്.. അവന്റെ കൈ പിടിച്ചു കൊണ്ടു ഗൗരി ഹാളിൽ നിന്നും പുറത്തു വന്നു ആരും കാണാത്ത ഒരു സൈഡിൽ പോയി നിന്നു.. എന്തിനാ അവളോട്‌ ഇങ്ങനെ ഒട്ടി നിന്ന് സംസാരിക്കുന്നെ.. ഞാൻ എല്ലാം അറിഞ്ഞു.. എന്താടി.. നമുക്ക് പോകാം.. മ്മ്.. അവരൊടൊക്കെ പറയട്ടെ.. അവരോടു അല്ല.. അവളോട്‌ അല്ലെ.. ദേ ഒറ്റന്ന് വച്ചു തന്നാൽ ഉണ്ടല്ലോ.. തല്ലിക്കൊ.. അല്ലെങ്കിലും തല്ലാൻ അല്ലെ ഞാൻ..

രുദ്ര് അവളെ രൂക്ഷമായി നോക്കി തിരിയാൻ നിന്നതും അവിടെക്ക് അവരെ നോക്കി നടന്നു വരുന്ന വൈഷ്‌ണവിയെ ഗൗരി കണ്ടു.. അവൾ വേഗം തന്നെ അവനെ അവൾക്ക് നേരെ നിർത്തി അവനെ കെട്ടിപിടിച്ചു.. ഗൗരി എന്താ ചെയ്യുന്നത് എന്ന് അറിയാതെ രുദ്ര് പകച്ചു.. അടുത്ത നിമിഷം തന്നെ അവൾ അവന്റെ ചുണ്ടുകൾ കവർന്നു.. ഈ കാഴ്ച കണ്ടു വൈഷ്‌ണവിയുടെ കണ്ണുകൾ ജ്വലിച്ചു.. അവളുടെ കണ്ണിൽ കനൽ എരിയുമ്പോൾ ഗൗരി അവളുടെ പ്രാണനെ പ്രണയിക്കുകയായിരുന്നു.. മനസ്സിൽ കണക്കു കൂട്ടിയ പോലെ നടന്നു പോകുന്ന സന്തോഷത്തിൽ രുദ്രയും അവളെ കൂടുതൽ ചേർത്ത് പിടിച്ചു ചുംബനത്തിന്റെ ലഹരിയിലേക്ക് പോയി..…..(തുടരും)