ദേശീയ ഗെയിംസ്; മൂന്നാം മെഡലും സ്വന്തമാക്കി സജന്‍ പ്രകാശ്
രാജ്‌കോട്ട്: 36-ാമത് ദേശീയ ഗെയിംസിൽ കേരളത്തിന്‍റെ സജൻ പ്രകാശ് മൂന്നാം മെഡൽ നേടി. പുരുഷൻമാരുടെ 400 മീറ്റർ വ്യക്തിഗത മെഡ്‌ലെയില്‍ സജൻ വെള്ളി മെഡൽ നേടി. 4:30.09 സെക്കൻഡിലാണ് സജൻ ഫിനിഷ് ചെയ്തത്.
Thank you for reading this post, don't forget to subscribe!4:28.91 സെക്കൻഡിൽ ഫിനിഷ് ചെയ്താണ് മധ്യപ്രദേശിലെ അദ്വൈത പാഗെ സ്വർണം നേടിയത്. ഈ ഇനത്തിൽ ഗെയിംസ് റെക്കോർഡോടെയാണ് അദ്വൈത സ്വർണ്ണ മെഡൽ നേടിയത്. അരവിന്ദ് സ്ഥാപിച്ച 4:37.75 സെക്കൻഡിന്‍റെ റെക്കോർഡാണ് അദ്വൈത മറികടന്നത്. ഗുജറാത്തിന്‍റെ ആര്യൻ നെഹ്റ 4:31.03 സെക്കൻഡിൽ ഫിനിഷ് ചെയ്ത് വെങ്കലം നേടി.
ചൊവ്വാഴ്ച പുരുഷന്‍മാരുടെ ഖോ ഖോയില്‍ കേരളം വെള്ളി മെഡല്‍ സ്വന്തമാക്കി. ഫൈനലിൽ മഹാരാഷ്ട്രയോട് തോറ്റതോടെ കേരളത്തിന്‍റെ വിജയം വെള്ളിയിലേക്ക് ചുരുങ്ങി. സ്കോർ: 30-26.
