മോട്ടോ ജി 72 ഫോണുകൾ ഇന്ത്യയിലെത്തി

മോട്ടോറോളയുടെ ഏറ്റവും പുതിയ മോട്ടോ ജി 72 ഫോണുകൾ ഇന്ത്യയിൽ അവതരിപ്പിച്ചു. മോട്ടോ ജി 62 5 ജി, മോട്ടോ ജി 32, മോട്ടോ ജി 82 5 ജി എന്നിവ അടുത്തിടെ ഈ ശ്രേണിയിൽ അവതരിപ്പിച്ചു. ആകെ ഒരു സ്റ്റോറേജ് വേരിയന്‍റിലാണ് ഫോൺ വരുന്നത്. 6 ജിബി റാമും 128 ജിബി ഇന്‍റേണൽ സ്റ്റോറേജ് വേരിയന്‍റാണ് ഫോണിനുള്ളത്. 18,999 രൂപയാണ് ഫോണിന്‍റെ വില. ആകെ 2 കളർ വേരിയന്‍റുകളാണ് ഫോണിനുള്ളത്. മെറ്റീരിയോറിറ്റ് ഗ്രേ, പോളാർ ബ്ലൂ നിറങ്ങളിൽ ഫോൺ ലഭ്യമാകും.

Thank you for reading this post, don't forget to subscribe!

ഫ്ലിപ്കാർട്ടിലൂടെ മാത്രമാണ് ഫോൺ വില്പനയ്ക്ക് എത്തിയിരിക്കുന്നത്. ഫോൺ വളരെ മികച്ച പ്രകടനം കാഴ്ചവയ്ക്കുമെന്ന് വിദഗ്ധർ പ്രതീക്ഷിക്കുന്നു. പിഒഎൽഇഡി ഡിസ്പ്ലേയാണ് ഫോണിനുള്ളത്.

നാരോ ബെസൽ പഞ്ച്-ഹോൾ രൂപകൽപ്പനയിലാണ് ഫോൺ വരുന്നത്. 120 ഹെർട്സ് റിഫ്രഷ് റേറ്റും ഫുൾ എച്ച്ഡി+ റെസല്യൂഷനുമാണ് ഫോണിനുള്ളത്. 1300 നിറ്റ്സ് പീക്ക് ബ്രൈറ്റ്നസും ഫോണിലുണ്ട്. ട്രിപ്പിൾ റിയർ ക്യാമറ സെറ്റപ്പാണ് ഫോണിനുള്ളത്.  108 മെഗാപിക്സലാണ് ഫോണിന്‍റെ പ്രധാന ക്യാമറ. അൾട്രാ വൈഡ് ലെൻസ്, മാക്രോ സെൻസർ എന്നിവയും ഫോണിനുണ്ടാകും.