ഒമാനിൽ വരും ദിവസങ്ങളിലും കനത്ത മഴ ഉണ്ടാകും

മസ്‌കറ്റ്: വരും ദിവസങ്ങളിൽ ഒമാനിലെ വിവിധ ഗവർണറേറ്റുകളിൽ കനത്ത മഴയ്ക്ക് സാധ്യതയുണ്ടെന്ന് അധികൃതർ മുന്നറിയിപ്പ് നൽകി. ന്യൂനമർദത്തിന്‍റെ നേരിട്ടുള്ള ആഘാതത്തിന്‍റെ ഫലമായി മഴ പെയ്യാൻ സാധ്യതയുണ്ട്. ന്യൂനമർദ്ദത്തിന്‍റെ പ്രത്യാഘാതങ്ങൾ നേരിടാൻ കനത്ത ജാഗ്രത ആവശ്യമാണെന്നും അധികൃതർ പറഞ്ഞു.

Thank you for reading this post, don't forget to subscribe!

മസ്‌കറ്റ്, തെക്ക്-വടക്ക് ശർഖിയ, അൽ വുസ്ത, ദാഖിലിയ, തെക്ക്-വടക്ക് ബാത്തിന, ബുറൈമി, ദാഹിറ, മുസന്ദം ഗവർണറേറ്റുകളിൽ ഉൾപ്പെടെ വരും ദിവസങ്ങളിൽ കനത്ത മഴ ഉണ്ടാകുമെന്നാണ് മുന്നറിയിപ്പ്. വിവിധ പ്രദേശങ്ങളിൽ 20 മുതൽ 80 മില്ലിമീറ്റർ വരെ മഴ ലഭിക്കുന്നു. കാറ്റിന്‍റെ വേഗത മണിക്കൂറിൽ 30-80 കിലോമീറ്റർ വരെ ഉയരാനും സാധ്യതയുണ്ട്. കൂടാതെ, പൊടിക്കാറ്റുകളുടെ വർദ്ധനവും ബാധിച്ചേക്കാം. 

കടൽ പ്രക്ഷുബ്ധമായതിനാൽ ഒമാൻ തീരത്ത് തിരമാലകൾ നാല് മീറ്റർ വരെ ഉയരാൻ സാധ്യതയുള്ളതിനാൽ കടലിൽ പോകുന്നവർ ജാഗ്രത പാലിക്കണമെന്ന് സിവിൽ ഏവിയേഷൻ അതോറിറ്റി (സിഎഎ) നിർദ്ദേശിച്ചു.