ആമസോണിൽ നിന്ന് ഷൂസുകള് വാങ്ങാം ഇട്ടുനോക്കിയ ശേഷം
ആമസോണിൽ നിന്ന് ഷൂസും ചെരുപ്പും വാങ്ങുന്നതിലെ പ്രധാന പ്രശ്നങ്ങളിലൊന്ന്, വാങ്ങുന്നതിൻ മുമ്പ് അത് കാലിന് ഉചിതമാണോ അല്ലയോ എന്ന് പരിശോധിക്കാൻ കഴിയില്ല എന്നതാണ്. ഈ പ്രശ്നത്തിന് കമ്പനി ഒരു പരിഹാരം കണ്ടെത്തിയിട്ടുണ്ട്. നിങ്ങൾ ആമസോണിൽ വാങ്ങുന്ന ഷൂസ് ഇപ്പോൾ കാലിന് അനുയോജ്യമാണോ എന്ന് നമുക്ക് നോക്കാം, വെർച്വലായി. ആമസോണിന്റെ പുതിയ ‘വെർച്വൽ ട്രൈ ഓൺ ഷൂസ്’ ഫീച്ചറിലൂടെ ഇത് സാധ്യമാകും. യുഎസിലെയും കാനഡയിലെയും ഉപഭോക്താക്കൾക്ക് ഈ സൗകര്യം ഇപ്പോൾ ലഭ്യമാണ്.
Thank you for reading this post, don't forget to subscribe!ആമസോണിന്റെ ഐഒഎസ് ആപ്ലിക്കേഷനിലെ ഉൽപ്പന്നത്തിനു താഴെയുള്ള ‘വെർച്വൽ ട്രൈ ഓൺ’ ബട്ടണിൽ ക്ലിക്കുചെയ്യുമ്പോൾ, ഫോണിന്റെ പിൻ ക്യാമറ ഓണാകും. ക്യാമറ നിങ്ങളുടെ കാലിലേക്ക് തിരിക്കുകയാണെങ്കിൽ, നിങ്ങൾ നോക്കുന്ന ഷൂസ് നിങ്ങളുടെ കാലിൽ എങ്ങനെയായിരിക്കുമെന്ന് കാണാൻ കഴിയും.
കാലുകൾ വശങ്ങളിലേക്ക് മുന്നോട്ടും പിന്നോട്ടും ആക്കി നോക്കാം. തിരഞ്ഞെടുത്ത ഷൂസിന്റെ നിറങ്ങളും നിങ്ങൾക്ക് മാറ്റാം. ഈ വിധത്തിൽ, നിങ്ങൾക്ക് നിങ്ങളുടെ പാദങ്ങളുടെ ഒരു ചിത്രം വെർച്വലായി എടുക്കാനും പങ്കിടാനും കഴിയും.