LATEST NEWS

ട്വിറ്റർ വാങ്ങണം, ദയവായി പെർഫ്യൂം വാങ്ങൂ; അപേക്ഷയുമായി മസ്ക്

Pinterest LinkedIn Tumblr
Spread the love

ന്യൂയോര്‍ക്ക്: ലോകത്തിലെ ഏറ്റവും ധനികനായ ഇലോൺ മസ്ക് കഴിഞ്ഞ ദിവസം പെർഫ്യൂം വ്യവസായത്തിലേക്ക് പ്രവേശിച്ചിരുന്നു. തന്‍റെ ആദ്യ ഉൽപ്പന്നമായ “ബേൺഡ് ഹെയർ” എന്ന പെർഫ്യൂം അദ്ദേഹം ഇന്നലെ പുറത്തിറക്കുകയും ചെയ്തു. പുതിയ സംരംഭത്തെ പരാമർശിച്ച് മസ്ക് തന്‍റെ ട്വിറ്റർ ബയോ “പെർഫ്യൂം സെയിൽസ്മാൻ” എന്ന് മാറ്റിയിട്ടുമുണ്ട്.

“ഭൂമിയിലെ ഏറ്റവും മികച്ച സുഗന്ധം” എന്നാണ് ഇലോൺ മസ്‌ക് ബേൺഡ് ഹെയർ എന്ന പെർഫ്യൂമിനെ വിശേഷിപ്പിച്ചിരിക്കുന്നത്. എന്നാൽ അതിന് ശേഷമുള്ള മസ്കിന്‍റെ ട്വീറ്റാണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്.

ട്വിറ്റർ വാങ്ങാനുള്ള ശ്രമങ്ങളുടെ ഭാഗമാണിതെന്ന് മസ്‌ക് പറയുന്നു. അതേസമയം തന്റെ ഫോളോവേര്‍സിനോട് പെർഫ്യൂം വാങ്ങാൻ ആവശ്യപ്പെട്ടു. “ദയവായി എന്റെ പെർഫ്യൂം വാങ്ങൂ, അതിനാൽ എനിക്ക് ട്വിറ്റർ വാങ്ങാം” മസ്‌ക് ട്വീറ്റ് ചെയ്തു.

Comments are closed.