‘ബോയിങ് ക്രൂ ഫ്ളൈറ്റ് ടെസ്റ്റ്’; മനുഷ്യരെ ബഹിരാകാശ നിലയത്തിലേക്ക് അയക്കാനൊരുങ്ങി നാസ
നാസ : ബോയിങ് സ്റ്റാര്ലൈനര് പേടകത്തിന്റെ ആളില്ലാ വിക്ഷേപണ പരീക്ഷണം വിജയമായതോടെ പേടകത്തില് ആദ്യമായി മനുഷ്യരെ ബഹിരാകാശ നിലയത്തിലേക്ക് അയക്കാൻ നാസ തയ്യാറെടുക്കുന്നു. അടുത്തിടെ നടന്ന ആളില്ലാ പരീക്ഷണ വിക്ഷേപണത്തിൽ, ബഹിരാകാശ നിലയത്തിലേക്ക് സാമഗ്രികൾ എത്തിച്ച ശേഷം ബഹിരാകാശ പേടകം സുരക്ഷിതമായി തിരിച്ചെത്തി.
ബോയിംഗ് ക്രൂ ഫ്ലൈറ്റ് ടെസ്റ്റ് എന്ന് പേരിട്ടിരിക്കുന്ന ദൗത്യത്തിൽ രണ്ട് യാത്രക്കാർ സ്റ്റേഷനിലേക്ക് പുറപ്പെടും. രണ്ടാഴ്ച അവിടെ താമസിച്ച് അവർ മടങ്ങിവരും.
ബഹിരാകാശ നിലയത്തിലേക്ക് മനുഷ്യരെ സുരക്ഷിതമായി കൊണ്ടുപോകാനും തിരികെ കൊണ്ടുവരാനും ഉള്ള കഴിവ് ഉൾപ്പെടെ സ്റ്റാർലൈനർ ബഹിരാകാശ പേടകത്തിന്റെ ശ്രേഷ്ഠത പരിശോധിക്കുക എന്ന ലക്ഷ്യത്തോടെയാണ് ഹ്രസ്വകാല വിക്ഷേപണം ആസൂത്രണം ചെയ്തിരിക്കുന്നത്. ആവശ്യമെങ്കിൽ, ദൗത്യം ആറ് മാസം വരെ നീട്ടുകയും ഒരു വ്യക്തിയെ കൂടി ദൗത്യത്തിൽ ഉൾപ്പെടുത്തുകയും ചെയ്യും.
