ടിവിഎസിലെ മുഴുവൻ ഓഹരിയും ഒഴിവാക്കി മഹീന്ദ്ര ആന്റ് മഹീന്ദ്ര

മഹീന്ദ്ര ആൻഡ് മഹീന്ദ്ര ഓട്ടോമൊബൈൽ കമ്പനിയായ ടിവിഎസിലെ മുഴുവൻ ഓഹരികളും ഒഴിവാക്കി. ടിവിഎസ് ഓട്ടോമൊബൈൽ സൊല്യൂഷൻസ് പ്രൈവറ്റ് ലിമിറ്റഡിന്റെ 2.76 ശതമാനം ഓഹരികൾ 332195 മഹീന്ദ്ര ആൻഡ് മഹീന്ദ്ര വിറ്റു.

ഈ ഓഹരികൾ 10 രൂപ മുതൽ മുഖവിലയുള്ളവയായിരുന്നു. 10 രൂപ മുതൽ മുഖവിലയുള്ള 100 കംപ്രസിബിൾ കൺവേർട്ടബിൾ പ്രിഫറൻസ് ഓഹരികൾ മഹീന്ദ്രയ്ക്കുണ്ടായിരുന്നു. 2022 ജൂൺ 22 ഓടെ ടിവിഎസും മഹീന്ദ്രയും തങ്ങളുടെ ഓഹരികൾ, ബാധ്യതകൾ, സ്ഥാനങ്ങൾ എന്നിവ ഒഴിയും. ഇലക്ട്രിക് ഇരുചക്രവാഹനം വിപണിയിലെത്തില്ലെന്ന് മഹീന്ദ്ര എക്സിക്യൂട്ടീവ് ഡയറക്ടർ രാജേഷ് ജെജുരിക്കർ കഴിഞ്ഞ ദിവസം പറഞ്ഞിരുന്നു. പകരം, ഇലക്ട്രിക് കാറുകളും വാണിജ്യ വാഹനങ്ങളും വികസിപ്പിക്കാനും വിൽക്കാനും കമ്പനി ശ്രമിക്കും, അദ്ദേഹം പറഞ്ഞു.

കമ്പനിയുടെ ത്രൈമാസ ഫലങ്ങൾ കഴിഞ്ഞയാഴ്ചയാണ് പുറത്തുവന്നത്. കമ്പനിയുടെ അറ്റാദായം 1,292 കോടി രൂപയാണ്. കമ്പനിയുടെ ലാഭം 427 ശതമാനം ഉയർന്നു. കമ്പനിയുടെ മൊത്തം വരുമാനം 17,124 കോടി രൂപയാണ്. മുന്വർഷത്തെ അപേക്ഷിച്ച് മാർച്ച് അവസാനത്തോടെ വരുമാനത്തിൽ 28 ശതമാനം വർദ്ധനവുണ്ടായി.