2022-23 സാമ്പത്തിക വർഷത്തിന്‍റെ രണ്ടാം പാദത്തിൽ (ജൂലൈ-സെപ്റ്റംബർ) വിപ്രോ ലിമിറ്റഡിന്‍റെ അറ്റാദായം 9.27 ശതമാനം കുറഞ്ഞു. വിപ്രോയുടെ അറ്റാദായം 2659 കോടി രൂപയാണ്. കഴിഞ്ഞ വർഷം ഇതേ കാലയളവിൽ കമ്പനി 2930.7 കോടി രൂപ അറ്റാദായം നേടിയിരുന്നു.
അതേസമയം, അറ്റാദായം ആദ്യ പാദത്തെ അപേക്ഷിച്ച് 3.72 ശതമാനം ഉയർന്നു. ആദ്യ പാദത്തിൽ 2,563.6 കോടി രൂപ അറ്റാദായം നേടിയിരുന്നു. ജൂലൈ-സെപ്റ്റംബർ കാലയളവിൽ വിപ്രോയുടെ വരുമാനം 14.6 ശതമാനം ഉയർന്ന് 22,540 കോടി രൂപയായി. കഴിഞ്ഞ വർഷം ഇതേ കാലയളവിൽ കമ്പനി 19,667 കോടി രൂപ വരുമാനം നേടിയിരുന്നു. രണ്ടാം പാദത്തിൽ വിപ്രോയുടെ ഓർഡർ ബുക്കിംഗ് 23.8 ശതമാനം വർദ്ധിച്ചു.
Comments are closed.