വിവേകക്ക് മജ്ജ മാറ്റിവെക്കാം; നാടൊരുമിച്ചപ്പോൾ അരക്കോടി കവിഞ്ഞു
കാഞ്ഞങ്ങാട്: കാരുണ്യം വറ്റാത്തവരുടെ കാരുണ്യം ഒഴുകി എത്തിയപ്പോൾ 10 വയസുകാരിയുടെ ചികിത്സയ്ക്ക് ആവശ്യമായ പണത്തിന്റെ സമാഹരണം അരക്കോടി കവിഞ്ഞു. അമർഷാൻ ഫൗണ്ടേഷന്റെ നേതൃത്വത്തിൽ സമാഹരിച്ച മെഡിക്കൽ ഫണ്ടിൽ ഒരാഴ്ചയ്ക്കിടെ 63,60,137 രൂപയാണ് സമാഹരിച്ചത്. പള്ളിക്കര പഞ്ചായത്തിലെ പാക്കം 13-ാം വാർഡിൽ താമസിക്കുന്ന വിവേകയ്ക്കാണ് ഈ തുക. തലാസീമിയ എന്ന അപൂർവ രോഗത്തെ തുടർന്ന് വിവേകയുടെ കുടുംബം മജ്ജ മാറ്റിവയ്ക്കൽ ശസ്ത്രക്രിയയ്ക്കായി പാടുപെടുകയാണെന്ന് അറിഞ്ഞതിനെ തുടർന്നാണ് പണം സമാഹരിച്ചത്. ഓൺലൈനിലൂടെ ഉൾപ്പെടെ സഹായം അഭ്യർത്ഥിച്ച് നാട്ടുകാരും സഹകരിച്ചു. ലോകത്തിന്റെ പല ഭാഗത്തുനിന്നും സഹായം ഒഴുകിയെത്തിയതോടെ ദിവസങ്ങൾക്കകം ചികിത്സയ്ക്കുള്ള തുക കണ്ടെത്തി. അമർഷാൻ ഫൗണ്ടേഷൻ ചെയർമാൻ അമർഷാനും മറ്റ് ഭാരവാഹികളും ചേർന്നാണ് തുക അമ്മയ്ക്ക് കൈമാറിയത്. കുഞ്ഞിന്റെ മജ്ജ മാറ്റിവയ്ക്കൽ ശസ്ത്രക്രിയ അടുത്തയാഴ്ച ബെംഗളൂരു ആശുപത്രിയിൽ നടക്കും. അമ്മയാണ് മജ്ജ നൽകുന്നത്.
Thank you for reading this post, don't forget to subscribe!