വിദ്യാര്‍ഥിനിക്ക് സമ്മാനം; വീടുവെക്കാന്‍ മൂന്നുസെന്റ് നല്‍കി ദമ്പതികള്‍
കോഴിക്കോട്: സ്കൂൾ തുറന്ന ദിവസം ഏഴാം ക്ലാസ് വിദ്യാർത്ഥിക്ക് വീട് പണിയാൻ മൂന്ന് സെന്റ് സ്ഥലം സമ്മാനമായി നൽകി. കോഴിക്കോട് മേപ്പയൂരിനടുത്ത് കീഴാച്ചപ്പയൂർ സ്വദേശിയായ ലോഹ്യയാണ് സ്വന്തം ഭൂമിയിൽ നിന്നും ഭൂമി നൽകിയത്. ലോഹ്യയുടെയും ഭാര്യ ഷെറിന്റെയും 19-ാം വിവാഹ വാർഷികം കൂടിയായിരുന്നു ബുധനാഴ്ച.
Thank you for reading this post, don't forget to subscribe!ഓൺലൈൻ വിദ്യാഭ്യാസം നിലവിൽ വന്ന കൊവിഡ് കാലത്ത് ഫോൺ ഇല്ലാത്ത കുട്ടികൾക്ക് ഫോൺ നൽകാൻ സാമൂഹിക പ്രവർത്തകയും രാഷ്ട്രീയ പ്രവർത്തകയുമായ ലോഹ്യ അനാമികയുടെ വീട്ടിലെത്തിയിരുന്നു. കീഴപ്പയ്യൂർ എ.യു.പി സ്കൂളിൽ പഠിക്കുന്ന കുട്ടിയുടെ വീട്ടിൽ ഫോണുമായി എത്തിയപ്പോഴായിരുന്നു മറ്റൊരു പ്രശ്നം നേരിട്ടത്. ഫോൺ ചാർജ് ചെയ്യാൻ വീട്ടിൽ വൈദ്യുതി കണക്ഷൻ ഇല്ല. ഓലകൊണ്ടു മറച്ച ഒരു ചെറിയ മേൽ ക്കൂരയായിരുന്നു വീട് . ടാർപോളിൻ ഉപയോഗിച്ച് ഒരൊറ്റ മുറിയിൽ താമസിക്കുന്ന അനാമിക
അന്ന് മാധ്യമങ്ങളിൽ വാർത്തകളിൽ ഇടം നേടിയിരുന്നു. അനാമിക വൈദ്യുതി മന്ത്രിയെ നേരിട്ട് വിളിച്ചു മണിക്കൂറുകൾക്കുള്ളിൽ വൈദ്യുതി ലഭ്യമാക്കിയിരുന്നു. കഴിഞ്ഞ 11 വർഷമായി അമ്മയും അച്ഛനും മകനും മകളും അടങ്ങുന്ന കുടുംബം ആരുടെയോ പേരിൽ പട്ടയവുമായുള്ള ഭൂമിയിൽ ജീവിക്കുകയാണ്.
മേപ്പയൂർ കീഴ്പ്പയ്യൂരിൽ കണ്ടി കേളപ്പൻ എന്ന അച്ഛൻ ചന്തയിൽ നിലക്കടല വറുത്ത് വിൽക്കുന്ന ആളാണ്. പ്രായവും ആരോഗ്യ പ്രശ്നങ്ങളും മറ്റ് ജോലികൾ ചെയ്യാൻ അയാളെ അനുവദിക്കുന്നില്ല. ഭാര്യ ലത കൂലിപ്പണി ചെയ്ത് സമ്പാദിക്കുന്ന പണം കൊണ്ടാണ് ജീവിതം നയിക്കുന്നത്.
