2023 മുതൽ 3 വർഷത്തേക്ക് സന്തോഷ് ട്രോഫി നോക്കൗട്ട് മത്സരങ്ങൾ സൗദിയിൽ
ന്യൂഡൽഹി: സന്തോഷ് ട്രോഫി ടൂർണമെന്റിന്റെ നോക്കൗട്ട് മത്സരങ്ങൾ 2023 മുതൽ മൂന്ന് വർഷത്തേക്ക് സൗദി അറേബ്യയിലെ ജിദ്ദയിലോ റിയാദിലോ നടക്കുമെന്ന് എഐഎഫ്എഫ് പ്രസിഡന്റ് കല്യാൺ ചൗബെ പറഞ്ഞു. അടുത്ത ഫെബ്രുവരിയിൽ ടൂർണമെന്റ് നടത്താനുള്ള സാധ്യതകൾ പരിശോധിച്ചുവരികയാണെന്നും ഇതിനായി സൗദി ഫുട്ബോൾ അധികൃതരുമായി ധാരണാപത്രം ഒപ്പിട്ടിട്ടുണ്ടെന്നും അദ്ദേഹം പറഞ്ഞു.
Thank you for reading this post, don't forget to subscribe!“കൂടുതൽ ഇന്ത്യക്കാരുള്ളത് ജിദ്ദയിലാണ്. എന്നാൽ, തലസ്ഥാനമായ റിയാദിൽ, സൗദി സർക്കാരിന് ഇതിനൊപ്പം കലാസാംസ്കാരിക പരിപാടികൾ സംഘടിപ്പിക്കാനുള്ള സാധ്യതയുണ്ട്. ജനുവരിയോടെ അന്തിമ തീരുമാനം കൈക്കൊള്ളും,” ചൗബെ പറഞ്ഞു.
വർഷത്തിൽ രണ്ടു തവണ ത്രിരാഷ്ട്ര ടൂർണമെന്റുകൾ നടത്താനും ധാരണാപത്രത്തിൽ തീരുമാനിച്ചു. ഗൾഫിലെ വേനൽക്കാലത്ത് ഇന്ത്യയിൽ (ബെംഗളൂരുവിലോ വടക്കുകിഴക്കൻ സംസ്ഥാനങ്ങളിലോ) ടൂർണമെന്റ് നടക്കും. ശൈത്യകാലത്ത്, ടൂർണമെന്റ് ഗൾഫിലായിരിക്കും. തുടക്കത്തിൽ അണ്ടർ 17, അണ്ടർ 19 ആൺകുട്ടികളുടെ ടൂർണമെന്റാണ് നടത്തുക.