കണ്ണീരോടെ റോജര്‍ ഫെഡറര്‍ വിരമിച്ചു; അവസാന മത്സരം പരാജയം
ലണ്ടന്‍: ടെന്നീസ് ഇതിഹാസം റോജർ ഫെഡറർ വിരമിച്ചു. അവസാന മത്സരത്തിൽ തോൽവിയോടെയാണ് അദ്ദേഹം കോർട്ട് വിട്ടത്. ലേവര്‍ കപ്പ് ഡബിൾസിൽ സ്പെയിനിന്‍റെ റാഫേൽ നദാലിനൊപ്പം കളിച്ച ഫെഡറർ അവസാന മത്സരത്തിൽ കണ്ണീരോടെയാണ് മടങ്ങിയത്.
Thank you for reading this post, don't forget to subscribe!ഫെഡറർ-നദാൽ സഖ്യത്തെ അമേരിക്കൻ ജോഡികളായ ഫ്രാൻസിസ് ടിയാഫോ-ജാക്ക് സോക്ക് സഖ്യമാണ് പരാജയപ്പെടുത്തിയത്. മൂന്ന് സെറ്റ് നീണ്ട പോരാട്ടത്തിനൊടുവിലാണ് സഖ്യം തോറ്റത്. സ്കോർ: 6-4, 6-7, 11-9. ഫെഡററും നദാലും യൂറോപ്പിനായാണ് കളിച്ചത്. ടിയാഫോയും സോക്കും ലോക ടീമിനായും അണിനിരന്നു.
ഫെഡററും നദാലും ആദ്യ സെറ്റ് അനായാസം ജയിക്കുകയും രണ്ടാം സെറ്റ് നഷ്ടപ്പെടുകയും ചെയ്തു. ടൈബ്രേക്കറിൽ 7-2ന് വിജയിച്ച അമേരിക്കൻ ജോഡി സെറ്റ് സ്വന്തമാക്കി പോരാടി. മൂന്നാം സെറ്റിൽ ഇരുടീമുകളും കടുത്ത പോരാട്ടം നടത്തിയെങ്കിലും അവസാന ചിരി അമേരിക്കയുടേതായിരുന്നു. മത്സരത്തിന് ശേഷം കണ്ണീരോടെയാണ് ഫെഡറർ ടെന്നീസ് കോർട്ട് വിട്ടത്.
