ചാമ്പ്യന്മാരായ ഹൈദരാബാദിനെ സമനിലയില്‍ വീഴ്ത്തി മുംബൈ എഫ്.സി
പുണെ: ഞായറാഴ്ച നടന്ന ഇന്ത്യൻ സൂപ്പർ ലീഗ് (ഐഎസ്എൽ) പോരാട്ടത്തിൽ നിലവിലെ ചാമ്പ്യൻമാരായ ഹൈദരാബാദ് എഫ്സിക്കെതിരെ മുംബൈ സിറ്റി എഫ്സി സമനിലയിൽ പിരിഞ്ഞു. മുംബൈയുടെ ഹോം ഗ്രൗണ്ടിൽ നടന്ന മത്സരത്തിൽ ഇരുടീമുകളും മൂന്ന് ഗോളുകൾ വീതം നേടി.
ഹൈദരാബാദിനായി ജാവോ വിക്ടർ രണ്ട് ഗോളും ഹാലിചരൺ നർസാരി ഒരു ഗോളും നേടി. മുംബൈയ്ക്കായി ഗ്രെഗ് സ്റ്റുവാർട്ട്, ആൽബർട്ടോ നൊഗുവേര എന്നിവർ സ്കോർ ചെയ്തപ്പോൾ ചിംഗ്ലന്‍സനയുടെ സെല്‍ഫ് ഗോളും ടീമിന് തുണയായി.
24-ാം മിനിറ്റിൽ ചിംഗ്ലന്‍സനയാണ് മുംബൈ സിറ്റി എഫ്.സിക്ക് വേണ്ടി സെൽഫ് ഗോൾ നൽകിയത്. ഇടത് വിങ്ങിൽ നിന്ന് പന്തുമായി എത്തിയ മുംബൈയുടെ ബിപിൻ സിംഗ് ഓർഗെ ഡയസിന് നേരെ ക്രോസ് ചെയ്തു. ഇത് തടയാൻ ശ്രമിച്ച സനയുടെ കാലിൽ തട്ടി പന്ത് വലയിൽ കയറി.
