ആഗോള സമ്പദ്വ്യവസ്ഥയിൽ ഇന്ത്യ ഇരുണ്ടചക്രവാളത്തിലെ ശോഭയുള്ളയിടം: ഐഎംഎഫ്
വാഷിങ്ടൺ: ഈ ദുഷ്കരമായ സമയങ്ങളിലും ഏറ്റവും വേഗത്തിൽ വളരുന്ന സമ്പദ്വ്യവസ്ഥയാണ് എന്നതിനാൽ ഇരുണ്ട ചക്രവാളത്തിൽ ഇന്ത്യ ശോഭയുള്ളയിടമാണെന്ന് ഇന്റർനാഷണൽ മോണിറ്ററി ഫണ്ട് (ഐഎംഎഫ്) മാനേജിംഗ് ഡയറക്ടർ ക്രിസ്റ്റലീന ജോർജീവ. അടുത്ത വർഷം ജി20 രാജ്യങ്ങളുടെ പ്രസിഡന്റ് പദവിയിലൂടെ ഇന്ത്യ ലോകത്തിൽ വ്യക്തിമുദ്ര പതിപ്പിക്കുമെന്നും അവർ പറഞ്ഞു. അത് ഡിജിറ്റൽ പണം ഉൾപ്പെടെ ഡിജിറ്റൈസേഷന്റെ മേഖലയായിരിക്കാം, അല്ലെങ്കിൽ സൗരോർജ്ജത്തിന്റെയും മറ്റ് പുനരുപയോഗ ഊർജ്ജത്തിന്റെയും കാര്യത്തിൽ ആകാമെന്നും അവർ പറഞ്ഞു. അന്താരാഷ്ട്ര നാണയ നിധിയുടെയും ലോകബാങ്കിന്റെയും വാർഷിക സമ്മേളനത്തോടനുബന്ധിച്ച് മാധ്യമപ്രവർത്തകരോട് സംസാരിക്കുകയായിരുന്നു ജോർജീവ.
Thank you for reading this post, don't forget to subscribe!2022 ഡിസംബർ ഒന്ന് മുതൽ ഒരു വർഷത്തേക്ക് ഇന്ത്യ ജി20യുടെ അധ്യക്ഷ സ്ഥാനം ഏറ്റെടുക്കും. 200 ലധികം സമ്മേളനങ്ങൾക്ക് ഇന്ത്യ ആതിഥേയത്വം വഹിക്കുമെന്നാണ് പ്രതീക്ഷിക്കുന്നത്. 2023 സെപ്റ്റംബർ 9, 10 തീയതികളിൽ ന്യൂഡൽഹിയിലാണ് ജി 20 നേതൃത്വ ഉച്ചകോടി നടക്കുന്നത്.